المساعد الشخصي الرقمي

مشاهدة النسخة كاملة : لى ورا ... لى ورا ... لى ورا


صالح ابوشوارب
16-08-2009, 01:51 AM
يسمونه مطرب .. يسكن في فلة من طابقين .. وسيارة لاند كروسر ... شهادته فقط

(اغنيته ... لى ورا ... لى ورا ... لى ورا )<o></o>
وصديقي استاذ جامعي ... يحمل الشهادات ... ساكن ام بدة يالردمية ... دائما متشعلق بصات ام امبدة .. ثم بصات امدرمان الخرطوم ثم بصات بري للجامعة

(ودائما اغنيته المفضلة وهو متشعلق .. للعلا .. للعلا )<o></o>
<o></o>
احترت هل اعلم إبني (لى ورا ... لى ورا ..) ويسكن الفلا ..<o></o>
ويركب كوريلا .<o></o>
او اعلمه للعلا .. للعلا .. (ويتعشي فول ويتشعبط في بصات جبرونا )<o></o><o></o>
افيدونى قبل ان تتغير الاغنية لى ( جاني قالب الهوبة )






<o>
</o>
بت مارنجان
16-08-2009, 02:18 AM
الاستاذ صلاح تحية طيبة ,,
في الاونة الاخير درجت اغاني بهذا المستوي تحت ايطار مسمي " اغاني البنات والدلوكة " ,, وكانو بيقولو دة من واقع البنات المعايش يعني بيدو للانثي المبرر في وضع اغاني بهذه الوضعية ,,
لكن رجل يتغني بي " ورا ورا ورا " دة مبررو شنو ؟؟؟

استاذي القدير دة ابنك يسير للعلا ,, حتي لاياتي يوم ويكره ان يري نفسه امام مرآته
ويحتقرها عندما يضع رأسه علي وسادته حينما تحاسبه نفسه علي مااقترف بها ,,,
عوض الكريم الخواض
16-08-2009, 02:21 AM
يسمونه مطرب .. يسكن في فلة من طابقين .. وسيارة لاند كروسر ... شهادته فقط

(اغنيته ... لى ورا ... لى ورا ... لى ورا )<o></o>
وصديقي استاذ جامعي ... يحمل الشهادات ... ساكن ام بدة يالردمية ... دائما متشعلق بصات ام امبدة .. ثم بصات امدرمان الخرطوم ثم بصات بري للجامعة

(ودائما اغنيته المفضلة وهو متشعلق .. للعلا .. للعلا )<o></o>
<o></o>
احترت هل اعلم إبني (لى ورا ... لى ورا ..) ويسكن الفلا ..<o></o>
ويركب كوريلا .<o></o>
او اعلمه للعلا .. للعلا .. (ويتعشي فول ويتشعبط في بصات جبرونا )<o></o><o></o>
افيدونى قبل ان تتغير الاغنية لى ( جاني قالب الهوبة )






<o>
</o>


أخى أبو شوارب ...
الجواب وااااااضح ...

أها لو جاك بتاع ( ورا ... ورا ... ورا ) ...راكب (همر ) وساكن القمر ...
وقال داير يناسبك ...
بالتأكيد حا تديهو ( بالشلوت ) ... :mad::mad:
ولا رأيك شنو .
esmat
16-08-2009, 02:31 AM
عمنا ابو شوارب/
غايتو ورا ورا الايام دي جايبة حقها
لكن مصيرها تموت ما دام إلى العلا
هم المستقبل - وفي الوسط كدا
نحاول نسمع جدودنا زمان وصونا على الوطن
صالح ابوشوارب
16-08-2009, 02:40 AM
الاستاذ صلاح تحية طيبة ,,
في الاونة الاخير درجت اغاني بهذا المستوي تحت ايطار مسمي " اغاني البنات والدلوكة " ,, وكانو بيقولو دة من واقع البنات المعايش يعني بيدو للانثي المبرر في وضع اغاني بهذه الوضعية ,,
لكن رجل يتغني بي " ورا ورا ورا " دة مبررو شنو ؟؟؟

استاذي القدير دة ابنك يسير للعلا ,, حتي لاياتي يوم ويكره ان يري نفسه امام مرآته
ويحتقرها عندما يضع رأسه علي وسادته حينما تحاسبه نفسه علي مااقترف بها ,,,


الابنة بت ماربجان
لك منى اجمل تحية

والله في هذا الزمان
تغيرت كل المفاهيم والاصول
وانا اخاف يجي يوم الانسان لا يرى نفسه
في المرآة بل يراها في عيون المعجبين
والله المستعان
صالح ابوشوارب
16-08-2009, 02:51 AM
أخى أبو شوارب ...
الجواب وااااااضح ...

أها لو جاك بتاع ( ورا ... ورا ... ورا ) ...راكب (همر ) وساكن القمر ...
وقال داير يناسبك ...
بالتأكيد حا تديهو ( بالشلوت ) ... :mad::mad:
ولا رأيك شنو .


الاخ عوض الكريم
تحية خاصة لك وللخواض

بالامس كانت في زيارتنا عائلة
وعندما سألت زوجتي زوجة صديقي
لماذا لم يكمل ابنك الدراسة الجامعية
فاليوم عندما يتقدم الابناء للزواج
دائما السؤال الاول هو ماذا يحمل من الشهادات
ولكن كان ردها
والله ابنى (سمح شديد البنات يجروا وراهو )

برضوا
وراهو .. وراهو
ايه قصة .. وراهو دى ياعوض
صالح ابوشوارب
16-08-2009, 02:55 AM
عمنا ابو شوارب/
غايتو ورا ورا الايام دي جايبة حقها
لكن مصيرها تموت ما دام إلى العلا
هم المستقبل - وفي الوسط كدا
نحاول نسمع جدودنا زمان وصونا على الوطن



الحبيب عصمت
الظاهر اليومين ديل
ارمي لى قدام مافي
كل ورا .. ورا
مدنيّة
16-08-2009, 03:05 AM
الاخ عوض الكريم
تحية خاصة لك وللخواض

بالامس كانت في زيارتنا عائلة
وعندما سألت زوجتي زوجة صديقي
لماذا لم يكمل ابنك الدراسة الجامعية
فاليوم عندما يتقدم الابناء للزواج
دائما السؤال الاول هو ماذا يحمل من الشهادات
ولكن كان ردها
والله ابنى (سمح شديد البنات يجروا وراهو )

برضوا
وراهو .. وراهو
ايه قصة .. وراهو دى ياعوض


والله دي بالغت شديد
لكن بيني وبينك كدا الواحد عرف لية الولد ما تم قرايته


همسة : منور ياعمو صالح
عثمان جلالة
16-08-2009, 03:23 AM
ودي دايره كلام يا أبوهاااااااااا
أكيد إلى العلا .. إلى العلا
وأرفعوه مجدنا الآفلا ... وأطلبو في علاه المزيد .. إلى العلا

وكلااااااااااااااااام ,, ودالخواض ده حقيقي بتاع الأغاني الهابطه ده أنا لا بناسبو ولا بديهو بتي ... منور يا عمنا .. يا ضلنا المرسوم على رمل المسافة وشاكي من طول الطريق

همسة :
يا كافي البلا .. غبيره دي حاربتها :p;)
Jamal Elmahi
16-08-2009, 03:28 AM
الوجيه أبو الله جابو ...والله ليك وحشه ...
تعرف ياصديقي نكنكش في لي ورا والواحد فينا يحنّس ولدو ويشتغل معاهو كورس (شيّال) عشان نقدر نبني لينا غرفتين معكوسات ونسوي لينا ركشه بترجع حركة ورا ...والرهيفه التنقد ....

ود الماحي
نبض السكون
16-08-2009, 03:33 AM
أخونا أبو شوارب .. سلام

تعرف إنو الفن بقى مربوط بالوضع الاقتصادي للبلد !!

يعني زمان كان غناء البنات زاتو قمة في الرومانسية ..

هسة الله يكرمك تسمعوا لما شعرت جلدك تقوم ده غناء شنو ده؟

ربنا يستر للآن أنحنا كويسين ما معروف بعد 20 سنة يكون كيف!!؟
صالح ابوشوارب
16-08-2009, 03:55 AM
مدنية
عثمان
جيمي
نبض السكون

ذاهب لفريق ناس ورا
وسوف اعود غدا لنكمل الحديث
samar_taha
16-08-2009, 04:13 AM
يا جماعة والله دي افة ولعنة وأصابت مجتمعنا
أولاد أختي الفي الروضة تلقاهم يغنوا فيها , وأمهم جربت كل وسائل الترهيب والترغيب عشان تمنعهم لكن دون جدوى
لأنهم بيسمعوها في الشريط البيشغلو بتاع الترحيل وفي المواصلات وفي كل الحفلات والمناسبات
غايتو بس حسبنا الله من ناس ورا ديل
والله المستعان
ابوخالد
16-08-2009, 07:36 AM
أستاذنا الجليل / صالح أبوشوارب

مبروك المكاتب الجديدة .... باين عليكم مطولين فى البلد دى ...

إن شاء الله تدوبوها بعرق العافية .....

مكاتب جديدة .... قلنا ماشى .... لكن الأفكار الجديدة دى ماشبهكم ...

إنتو ناس العلم .... والعلم ياهو حقكم .....

أغنية بتقول :

يلا حاربو عرس المسخرة

الناس بتمشى لى قدام

وأنحنا ماشين لى وراء

لكن ويا للأسف فعلآ نحنا بحسابات الزمن ده راجعين لى وراء ....

والله يستر زولك بتاع ورا ... ورا ... ده ح يوقفنا متين ... عشان نقدر

نراجع أنفسنا .......

ويديك ألف عافية .... وما تنقطع علينا .... المكاتب وموضوعا خلص ....
ALFATEH MSSRA
16-08-2009, 09:17 AM
نحنا لا ندرى ما هو المقصود بى ورا ده شنو هل هو المكان المخصص لركوب الطلبه فى المواصلات ام هو الستك الاسبير وله عقابه الوراء وله معنى وراك والذمن طويل وله؟؟؟؟؟؟؟؟؟؟؟ المهم نحن مادايرين نبحت كثير ورائهم عشان المثل بيقول تفتش للغريق تلقى المطفح فات ::::::::::: ودمتم
moh_alnour
16-08-2009, 04:54 PM
أنا شخصيا ً أستمعت لهذه الأغنية قبل أيام قلائل و كانت هذه هي المرة الأولى التي أستمع فيها لهذه الأغنية
و حقيقي و الله حمدت الله أن العمالقة ( الكاشف و عثمان حسن و إبراهيم عوض و مصطفى سيد أحمد )
رحلوا عن هذه الفانية قبل أن تصل إلى مسامعهم كلمات من عينة أغنية ( ورا ورا ) و التي من الظلم أن يُطلق عليها أسم عمل فني

شاهدت مقطع ترويجي صغير من برنامج أسمة ( مواجهة ) عبر قناة هارموني الفضائية سيتم بثه قريبا ً
و سمعت الشاعر الكبير الأستاذ ( إسحاق الحلنقي ) يقول بالحرف الواحد ( لو سمعتا بتي بتغني ورا ورا دي يمكن أضربا بالحيطة )
و على ذلك يمكن أن تقيس مدى قبول مثل هذه الأغنيات لدى المستمع السوداني حتى و إن وجدت لها مساحة من النشر و التواجد عبر الحفلات أو غيرها

مشاققة : ورا ورا دي ذكرتني كلام المسطول عن السخانة لما قال الجماعة ديل شابكننا سودانا فوق سودانا فوق لما رفعونا جمب الشمس
أها الجماعة ديل لو مسكوا في ( ورا ورا ) دي ما معروف ح يرجعونا لي وين :eek:
حمدالنيل دفع الله
17-08-2009, 12:46 AM
هههههههههههه، هذا زمانك يامهازل ، اللهم اهدنا
وجدى محمد خميس
17-08-2009, 01:07 AM
انشاء الله يس تقيف على ورا ورا ماجيب ليها حاجات تانى
اخى صالح لك تحياتى
محمود (أبو وضاح)
17-08-2009, 01:19 AM
العزيز أبو صلاح :
من الذكريات التى أذكرها فى أيامنا وسهراتنا - هناك أغنية يغنيها فنان بمدنى ظهر لفترة وأختفى يغنى أغنية عجيبة ، لا أدرى هل أصنفها مع الأغنيات التى أشرت اليها أم هى معانى يمكن الوقوف عندها طويلا ، والأغنية تقول :-
صغاركم كده !! وكباركم كيف ؟؟
الدكتور
17-08-2009, 01:24 AM
والله غايتو شوف سوالك دا ردو حاجة واحدة:

لو مافي خيار تالت احسن ماتجيب اولاد
صالح ابوشوارب
17-08-2009, 03:24 AM
والله دي بالغت شديد
لكن بيني وبينك كدا الواحد عرف لية الولد ما تم قرايته


همسة : منور ياعمو صالح


فعلا الاخلاق تغيرت
والقيم تغيرت
ومواصفات العريس كذلك عند البعض قد تتغير
*****
شكرا مدنية بالترحيب
صالح ابوشوارب
17-08-2009, 03:27 AM
ودي دايره كلام يا أبوهاااااااااا
أكيد إلى العلا .. إلى العلا
وأرفعوه مجدنا الآفلا ... وأطلبو في علاه المزيد .. إلى العلا

وكلااااااااااااااااام ,, ودالخواض ده حقيقي بتاع الأغاني الهابطه ده أنا لا بناسبو ولا بديهو بتي ... منور يا عمنا .. يا ضلنا المرسوم على رمل المسافة وشاكي من طول الطريق

همسة :
يا كافي البلا .. غبيره دي حاربتها :p;)


الحبوب جلالة
حمدالله علي السلامة
****
وأطلبو في علاه المزيد .. إلى العلا
انشاء الله
صالح ابوشوارب
17-08-2009, 03:31 AM
الوجيه أبو الله جابو ...والله ليك وحشه ...
تعرف ياصديقي نكنكش في لي ورا والواحد فينا يحنّس ولدو ويشتغل معاهو كورس (شيّال) عشان نقدر نبني لينا غرفتين معكوسات ونسوي لينا ركشه بترجع حركة ورا ...والرهيفه التنقد ....

ود الماحي


الحبيب والصديق ود الماحي
تحياتي عبرك للاولاد وللخواجة عزيز
***
قلت لى اخير نشيل مع اولادنا
ونقول
آى ورا ورا
شكيت محنك
صالح ابوشوارب
17-08-2009, 03:37 AM
أخونا أبو شوارب .. سلام

تعرف إنو الفن بقى مربوط بالوضع الاقتصادي للبلد !!

يعني زمان كان غناء البنات زاتو قمة في الرومانسية ..

هسة الله يكرمك تسمعوا لما شعرت جلدك تقوم ده غناء شنو ده؟

ربنا يستر للآن أنحنا كويسين ما معروف بعد 20 سنة يكون كيف!!؟


تحياتي لك نبض السكون
انشاء الله بعد 20سنة حتشوف
عجائب الدنيا
وربك يستر
معتزودمدنى
17-08-2009, 04:15 AM
يسمونه مطرب .. يسكن في فلة من طابقين .. وسيارة لاند كروسر ... شهادته فقط

(اغنيته ... لى ورا ... لى ورا ... لى ورا )<o></o>
وصديقي استاذ جامعي ... يحمل الشهادات ... ساكن ام بدة يالردمية ... دائما متشعلق بصات ام امبدة .. ثم بصات امدرمان الخرطوم ثم بصات بري للجامعة

(ودائما اغنيته المفضلة وهو متشعلق .. للعلا .. للعلا )<o></o>
<o></o>
احترت هل اعلم إبني (لى ورا ... لى ورا ..) ويسكن الفلا ..<o></o>
ويركب كوريلا .<o></o>
او اعلمه للعلا .. للعلا .. (ويتعشي فول ويتشعبط في بصات جبرونا )<o></o><o></o>
افيدونى قبل ان تتغير الاغنية لى ( جاني قالب الهوبة )

<o>
</o>


عمنا ابوشوارب اخبارك واحوالك مشتاقين والله
حقيقة الفن والغناء عموماً فى السودان بقت حالتو صعبة شديد
وزى ماقلت اى صايع بقى عامل فيها مطرب
وراكب سيارة آخر موديل وساكن فى ارقى الاحياء
لكن انا شخصياً برمى اللوم على الجمهور
وزى ماقال المثل رزق الهبل على المجانين
يعنى الليلة الود بتاع ورا ورا, لو مالقى زول سمعو كان بنى فيلا ولاركب سيارة ؟؟
المشكلة بقت فى الذوق السودانى وتحديداً شباب الجيل الجديد
هم من شجع انصاف المبدعين
غايتو الله يكون فى العون
بس انا فى حتة عاوز اتكلم عنها
هل مدنى مازالت منبع للفن والابداع
فنان مدنى الاول بلامنازع هو عصام محمد نور صاحب الموهبة والصوت الطروب
مدنى طلعنا منها اوآخر التسعينات
وقتها كان موجود فى الساحة ومازال فنان مدهش
محمد زمراوى, مبدع للحد البعيد
ولو قلت ليك حاجة ما حتصدق انا مرة سافرت من الخرطوم لمدنى عشان احضر حفلة لزمراوى.
وكمان كان موجود فى الساحة عمر جعفر ومنير حسن وعثمان على ونزار يوسف او نزار قعب
نزار يوسف فنان مبدع جداً ما عارف لسة مواصل ولة ساب الغناء
والله مدنى كان فيها طرب زى الطرب
انشاء الله فنانين مدنى لسة مواصلين الابداع
ومايكون ناس ورا ورا بيغنوا فى مدنى
عزيز عيسى
24-08-2009, 06:19 AM
الأخ صالح كل سنة أنت والأسرة بخير
ورمضان كريم،

إنت يا أبو الله جابو كان تنزل لينا أغنية ورا ورا دي علشان نسمعها
وبعدين نعلق عليها.. يا إما وقفنا مع الفنان (المبدع) صاحب أغنية
ورا ورا (وأكيد حنقيف معاهو لانه الحكاية فيها سكن فلا وسيارة
لاندكروزر لزوم الكندشة والفسحة) أو تعاطفنا مع صديقك (المجبص)
الأستاذ الجامعي البتشعلق في البصات.
غايتو للضمان لو لقيت إنت وود الماحي وظيفة كورس ما تنسوا
أخوكم.. وبالعدم إن شاء الله وظيفة (رقاص ورا ورا).
الغناء في العالم أجمع أصبح هابط.. والله تسمع ليك أغنية من
قرايبنا الزنوج هنا (أغاني كلها نبذ) غايتو إلا تكسر الراديو
ولا تعمل شكلة.. وتترحم على الكاشف وفرانك سناترا ذاتو!
mandla
24-08-2009, 08:49 AM
[يا اخونا ابو شوارب كان تقول ورا ورا وتريحنا
tigani18
24-08-2009, 12:17 PM
صاحب الحضور الجميل ,,
العم صالح ابو شوارب ,,,
عند قراءتي للموضوع جال بخاطري أبيات شعر ,,
كان الوالد حفظه الله يرددها لنا دائما عند الصغر ,,,

تصبَّر على مر الجفا من معلم فإن رسوب العلم في نفراتـه
ومن لم يذق مر التعلم ساعة تجرع ذل الجهل طول حياته
ومن فاته التعليم وقت شبابـه فكبر عليـه أربعـا لوفاتـه
حياة الفتى والله بالعلم والتقى إذا لم يكونا لا اعتبار لذاتـه

فهل الخطوط الحمراء للزمن الجميل قد ذهبت بلا عودة ,,,
اخي ابو شوارب أدعوك لإدمان الحضور وتلاشي الغياب,,,
فخرالدين عباس احمدون
24-08-2009, 10:11 PM
اخونا ابو شوارب صباح الخير ------ ارمى قدام ورا مامن
الزبير محمد عبدالفضيل
24-08-2009, 11:34 PM
جدودنا زمان جدودنا زمان ووووووصنا علي الوطن



اخي صالح وراء وراء دي حتودي لي وراء احذروا منها



وين اغاني العز والشرف والشجاعه وين اغاني ميرغني المامون واحمد حسن جمعه


وكرومه والمساح ملك الشعر
أشرف صلاح السعيد
25-08-2009, 12:07 AM
اخونا ابوشوارب عوافى ..
والله غنية ورا ورا يطرشنا ماسمعناها لاننا خارج الشبكة دائما ..سؤالك اكيد ليه اجابة سريعة وبديهية للغالبية وهى طبعا للعلا..بس وحاتكم فى الزمن الانحنا ماشين عليو دا ورا ورا حتبقى تيتى التيتى واتذكرو كلامى دا وين ماكنتو ..
بس ياابوشوارب مابالغتا اكان تنزل لينا مقطع من الاغنية ..ماكان ممكن ننداح والا فيها شغل ترترا ل ورا ورا ورا؟؟؟
حاتم مرزوق
25-08-2009, 12:44 AM
نفس المشهد الذي رأيت فيه استاذي وهو يسرع للحاق ببص زقلونة والكمساري يصيح ( زقلونا زقل .... زقل .....زقلونا زقل يا...) كان مشهدا صعبا لم اتحمله - استاذ دكتور قديم يتحدث العديد من اللغات الحية وعلم علي رأسه نار في مجاله.

لكن هي مهنة التعليم يعيش العاملين فيها فقراء للمال ولكنهم اغنياء بعلاقاتهم ووفاء تلاميذهم يجدون الأحترام والتقدير اينما حلوا -يفرحون حين يجدون ابن من ابنائهم قد نبغ في مجاله ويفتخرون به وهذا من حقهم.

قبل يومين تناول معنا احد الأساتذة الجامعيين الأفطار وكان يتحدث عن فقر المعلمين فقلت له انتم تأخذون حقكم مدحا - وذكرت له بيت الشعر ( قم للمعلم واوفه التبجيلا ... كاد المعلم ان يكون رسولا) فضحك حتي بانت نواجزه.


لجودة الموضوع فأنت معزوم اقاشي رمضاني استاذنا صالح ابو شوارب :) تصور كتبت ابو كوارع ... امكن الأقاشي ذكرني باقي الحاجات.
hadi salih
25-08-2009, 01:09 AM
كلام عجيب والله ياربى اكون من شنو? اكون الفنان بذكرنا بى حالنا المايل الماشى لى ورا ! لكن ورا دى حدها متين ? الله يكون فى العون ورمضان كريم
عصام الدين عموش
25-08-2009, 08:03 AM
العزيز أبو شوارب ... رمضان كريم وربنا يغفر لكم فيه ويدخلكم في رحمته ويعتقكم من النار ببركنه..

أنت زعلان على الفيلا والسيارة ولا على الكلمات ... ما تنسى يا ابو شوارب زمان كنتو بتغنوا : ( الطابق الدوخة.... قام ندا يهتف ونام من الدوخة ...إيدو عاقبـاه جدلـه مملوخلـه .....لي معالق الجوف موسا مجلوخـه ... فاحلي كبريتة وقلبي كالبنزين
قادحة كبريتة ... اصلو هالكاني عني ما نجيتا .. ويا جرح غور ن شاء ما بريتا )
اللهم إني صائم ... هسة أخير دا ولا ورا ورا .. بس الفرق ناس زمان ما عندهم قروش لفنان يغني :
اللبن ابو لي بي ... حبيبي سيد الناس ضوه القمر بالليل
عقب وبعدين نرد عليك