حفرة الدخااااان

[مفيد الوحش]

حفرة الدخاااان
ما يعتبرونه إثارة صحفية يعتبره البعض تضليل ويراه آخرون كذباً ناعماً لا يضر 0 قد تشتري صحيفة بسبب عنوان او "مانشيت" كما يسمونه لكن عندما تجلس للظل تجد انك قد اشتريت شيئا تجلس عليه لتنتظر المواصلات 0حتى مواضيع المنتديات أصبحت تعرف الكذب الناعم
1/العنوان المثير الكاذب
القبض على قاتل الدبلوماسي 000 ولو قرأت المقال تجد أن عريفا في الشرطة قال أنهم سيقبضون قريبا على القاتل
2/ العنوان الذي يحمل إيحاءات تجرمها الأعراف والآداب ألعامه بل والدين والأخلاق
حفرة الدخان حين تغوص بين السطور تجده يتحدث عن إدمان التدخين او عن مشكله غطت المكان وكتمت الأنفاس" ذي حلاتي"
3/العنوان الذي ينبي أو يكشف ستر فضيحة اقبض على صاحب مركز مرموق
العنوان يزيد من النسخ الموزعة
يتهافت الناس عليه بالغباء المعذور
يزوره اكبر عدد من زوار المنتدى
لماذا
الكاتب الكبير مصطفى أمين ادخل المستشفي بغرض إجراء بعض الفحوصات الدورية فعلم بالصدفة أن السرير الذي سينام عليه بالمستشفي قد غادرته للتو فاتن حمامه بعد أن اجرت عملية جراحية بالمستشفي فكتب في عنوان عاموده اليومي "من سرير فاتن حمامه " ارتفع توزيع المطبوعة تلك بشكل جنوني بسبب هذا العنوان0
انا عضو في عدد كبير من المنتديات انتشرت في الاونة الأخيرة مثل هذه العناوين بل وفي الصحف تنتشر مثل هذه "المانشيتات "
هل هي خيانة لثقتنا التي منحناها لهذه المواقع حين سمحنا لأطفالنا وأبنائنا بتصفحها ؟
هل بلوغ سقف التوزيع بهذه الوسائل امر مسكوت عنه قبولا؟
كتبت كثيرا حول هذا الموضوع لكن 000!!!,وأنا واثق من أن ما يفوق المئتان شخص سيزورون موضوعي هذا وقد لا يعلق عليه احد

[الملكة اسماء ( ام محمد )]

لكن انا قريت موضوعك وح ارد ليك بما اني كنت بفكر في نفس المضمون قبل فترة
( العنوان المسخرة )
للاسف اصبح اختيار العنوان اهم من مضمون الموضوع والسبب انه لتجد رواج للمنشور عموما يفترض ان تصممه بشكل جذاب وباعث للتسائلات


تفتكر الاخ الكتب العنوان ( حفرة الدخان )لو كان كتب (مضار التدخين) كان في زول ح يمشي عليه ؟
ولا كان الفضول ح يقتل شخص عشان يعرف قصة ( من سرير المرض ) ؟قدر الفضول لمعرفة قصة ( من سرير فاتن حمامة )
للاسف اصبحت اشياء ملموسة جدا في الاعلام عموما وهي الاستهزاء بعقل المتلقي الذي يركض وراء ( الخطوط العريضة)حتى لو كانت وهمية


حتى هنا في المنتدى ..
في عنوان يمر قدامك ( الشمار يقتلك ) عشان تعرف الحاصل
وفي عنوان واضح وصريح بحكي نفسه ( جواب باين من عنوانه) .. تمر عليه مرور الكرام


والملاحظ فعلا انه اعداد المشاهدات للموضيع عموما بتكون اعلى من اعداد المشاركات والردود, ودا لعدة اسباب من ضمنها المانشت العجيب



للاسف اخي مفيد اصبح ذلك حال اعلامنا السوداني ( مانشتات قنبلة )
والهدف (مقلب مضمون مقابل تسويق الخبر )


لكن نقول .. الله غالب


همسة : يا ابقرجة تعال سوق لينا الزول دا كدا والا كدا يااااااخ , بوظ لينا افكار مجلتنا وجاط عناوينا زاتها :o:D:D:o

[esmat]

طيب بما انو في كمية حا ازوروا موضوعك دا
ممكن الواحد استثمر الحتة دي واعلق واشتهر وكدا
بالنسبة للمشاركات في المنتديات الاخرى فهذا لا يدخل
في باب الخيانة لأن الشبكة العنكبوية تحتاج لإنتشار الافكار
ويختلف المنتدي لمنتدى فقد ترى منتدي اجتماعي فقط كودمدني
وهناك منتدي سياسي فقط وهكذا لهذا لا اري مانع من ان يرتبط
الانسان بأكثر من علاقة (واقصد هنا الاشتراك في المنتديات ما تمشوا بعيد)

اها نجي لي حفرة الدخان وكدا دي صراحة كدا لو علقت ليك عليها
بلقاك كاتب للإدارة (لماذا تم دفن حفرة الدخان )

[الملكة اسماء ( ام محمد )]

اها نجي لي حفرة الدخان وكدا دي صراحة كدا لو علقت ليك عليها
بلقاك كاتب للإدارة (لماذا تم دفن حفرة الدخان )
:p:D:D:D:D:p

[مرتضى التوم]

والله ده بقى حال الاعلام مش فى السودان وبس لا فى كل العالم وكل يوم المؤسسات الاعلامية حتى الكبييرة منها بتبتكر فى وسائل للاثارة والجزب وغابت المصداقية تماماً يعنى باختصار نحن فى عصر الإثارة والكزب .

[الجندي المجهول]

مفيد الوحش موضوعك : حلو - جميل- خفيف - لطيف - وبصراحة عجبني جداً خاصة انني اكره جريدة الدار وكافة الصحف الرياضية بالسودان

[esmat]

:p:d:d:d:d:p


ياملكة ياخ انا كتبت رد بعيد عن الموضوع نفسو
عشان حاولت اثبت حاجة واحدة ان البشوف عنوان
عريض كبير جاذب بكون ببحث في طوال المقال عن الشيء
الوضعو في راسوا عن قراءة العنوان لحدي نهاية المقال ويكاد لا يستفيد
شيء من القراءة لتفكير العقل بالعنوان

[الملكة اسماء ( ام محمد )]

ياملكة ياخ انا كتبت رد بعيد عن الموضوع نفسو





على فكرة انا فاهمة قصدك
تعليقي لانك معترف انك احيانا بتكتب ردود تؤدي لحذف البوستات

[ربيع الدنيا]

ده فعلا اواقع الحال الله يستر

[esmat]

على فكرة انا فاهمة قصدك
تعليقي لانك معترف انك احيانا بتكتب ردود تؤدي لحذف البوستات [/center]



دي حقيقة معترف وكدا وحتى الان في رصيدي في (8) بوستات
----------
خارج: نأسف مفيد لجر البوست خارج الموضوع

[أبو حمزة]

لفتة جد رائعة.... وصادق في كل ما قلت أخي: مفيد الوحش

بس كمان..كل زول عاوز يسوِّق لمجلتو أو جريدتو..!! ولا شنو؟؟

يعني أنا إذا جذبني هذا المقال بعنوانه .. ولكنني لم أجد فيه ما يستحق..

بالتأكيد سوف أنظر للكاتب بأنه هامشي.. وعلى المجلة أو الجريدة بأنها مزيفة..

لذا لن أشتري في المرة القادمة هذه المجلة أو الجريدة ..

ولن أهتم بموضوع ذلك الكاتب ..

فالأمر متعلِّق بالقارئ.. ومدى ذوقك وبحثك عن المشاكل والفضائح والحاجات ديك..!!

[الملكة اسماء ( ام محمد )]

دي حقيقة معترف وكدا وحتى الان في رصيدي في (8) بوستات

----------

خارج: نأسف مفيد لجر البوست خارج الموضوع


لا مانآسف ماهو لازم يعرف انه في عناوين ومضامين يتم تفريغها من محتواها او تكون فارغة اصلا بكون نصيبها الحذف في الاخر . افتكر انه دا من ضمن موضوعية المواضيع برضو والا شنو ؟

[أبوحراز]

نا مع ضرورة أن يكون ما بداخل الموضوع أكثر دسامة من العنوان
لكن في علم الصحافة أو الخبر الصحفي أول ما يتعلمه الإعلامي
وبالخط العريض يقولون لك
اذا عض الكلب الرجل فهذا خبر عادي
الخبر غير العادي هو اذا عض الرجل الكلب
هنا يصبح فارق التوزيع للجريدة واضحاً

[عمرسنهوري]

ياملكة ياخ انا كتبت رد بعيد عن الموضوع نفسو
عشان حاولت اثبت حاجة واحدة ان البشوف عنوان
عريض كبير جاذب بكون ببحث في طوال المقال عن الشيء
الوضعو في راسوا عن قراءة العنوان لحدي نهاية المقال ويكاد لا يستفيد
شيء من القراءة لتفكير العقل بالعنوان



عصمت الثقيل

والله بستمتع جدا بردودك ودائما تقصد اشياء بعيده عن الفهم المباشر
كنت اريد ايضا الاقتباس الاول فسبقتني اليه الرائعه الملكه .

الاخ مفيد
لماذا لا يجتهد الكاتب في ان يكون قوة العنوان
مستمده من الموضوع وبصوره مباشره ويمكن جذب الانتباه
بالعبارات القويه او الرنانه من دون خروج الاسم عن دلالة الموضوع .

[esmat]

عصمت الثقيل

والله بستمتع جدا بردودك ودائما تقصد اشياء بعيده عن الفهم المباشر
كنت اريد ايضا الاقتباس الاول فسبقتني اليه الرائعه الملكه .



حبيبنا سنهوري
تسلم ياحبيبنا بعدين الحمد لله اقتبسوا الاول
جاري لي حفرة الدخان آآه
غايتو شايفك لحقت التاني كان تشم ريحة
التالت دا ما ظنيت تحصلوا احتمال الحفرة ادفنوها
المريخابي المأزوم المألوم

[مفيد الوحش]

لكن انا قريت موضوعك وح ارد ليك بما اني كنت بفكر في نفس المضمون قبل فترة
( العنوان المسخرة )
للاسف اصبح اختيار العنوان اهم من مضمون الموضوع والسبب انه لتجد رواج للمنشور عموما يفترض ان تصممه بشكل جذاب وباعث للتسائلات


تفتكر الاخ الكتب العنوان ( حفرة الدخان )لو كان كتب (مضار التدخين) كان في زول ح يمشي عليه ؟
ولا كان الفضول ح يقتل شخص عشان يعرف قصة ( من سرير المرض ) ؟قدر الفضول لمعرفة قصة ( من سرير فاتن حمامة )
للاسف اصبحت اشياء ملموسة جدا في الاعلام عموما وهي الاستهزاء بعقل المتلقي الذي يركض وراء ( الخطوط العريضة)حتى لو كانت وهمية


حتى هنا في المنتدى ..
في عنوان يمر قدامك ( الشمار يقتلك ) عشان تعرف الحاصل
وفي عنوان واضح وصريح بحكي نفسه ( جواب باين من عنوانه) .. تمر عليه مرور الكرام


والملاحظ فعلا انه اعداد المشاهدات للموضيع عموما بتكون اعلى من اعداد المشاركات والردود, ودا لعدة اسباب من ضمنها المانشت العجيب



للاسف اخي مفيد اصبح ذلك حال اعلامنا السوداني ( مانشتات قنبلة )
والهدف (مقلب مضمون مقابل تسويق الخبر )


لكن نقول .. الله غالب


همسة : يا ابقرجة تعال سوق لينا الزول دا كدا والا كدا يااااااخ , بوظ لينا افكار مجلتنا وجاط عناوينا زاتها :o:d:d:o

ملكة الردود الشامله
ياست اعتبري الموضوع موضوعك واتحفينا بالمزيد

كلامك مليان
وبرجع ليك

[مفيد الوحش]

طيب بما انو في كمية حا ازوروا موضوعك دا
ممكن الواحد استثمر الحتة دي واعلق واشتهر وكدا
بالنسبة للمشاركات في المنتديات الاخرى فهذا لا يدخل
في باب الخيانة لأن الشبكة العنكبوية تحتاج لإنتشار الافكار
ويختلف المنتدي لمنتدى فقد ترى منتدي اجتماعي فقط كودمدني
وهناك منتدي سياسي فقط وهكذا لهذا لا اري مانع من ان يرتبط
الانسان بأكثر من علاقة (واقصد هنا الاشتراك في المنتديات ما تمشوا بعيد)

اها نجي لي حفرة الدخان وكدا دي صراحة كدا لو علقت ليك عليها
بلقاك كاتب للإدارة (لماذا تم دفن حفرة الدخان )


عزيزي عصمت
اختلاف المنتديات لايفسد للود قضيه
كلامك عن الحفره خليه شويه اصلوا قنديل دى متمني يلغي لي موضوع

تقديري

[مفيد الوحش]

والله ده بقى حال الاعلام مش فى السودان وبس لا فى كل العالم وكل يوم المؤسسات الاعلامية حتى الكبييرة منها بتبتكر فى وسائل للاثارة والجزب وغابت المصداقية تماماً يعنى باختصار نحن فى عصر الإثارة والكزب .


مرتضي
صباحك ورد
امكن عزوف الناس عن الاطلاع اجبر الاعلام على ابتكار طرق مثل الاثارة لجذب الناس من جديد

مودتي

[مفيد الوحش]

ده فعلا اواقع الحال الله يستر


هلا بربيع الدنيا


منور ياغالي

[مفيد الوحش]

نا مع ضرورة أن يكون ما بداخل الموضوع أكثر دسامة من العنوان
لكن في علم الصحافة أو الخبر الصحفي أول ما يتعلمه الإعلامي
وبالخط العريض يقولون لك
اذا عض الكلب الرجل فهذا خبر عادي
الخبر غير العادي هو اذا عض الرجل الكلب
هنا يصبح فارق التوزيع للجريدة واضحاً

ابوحراز

شكلكم قبيلة الاعلاميين عاوزين كل الاخبار تكون ماعادية لكن هل القصد اجبار القاري على الاطلاع ام الجنيهات

[الدكتور]

انت اقيف قدام بتاع الجرايد اقرا لو لقيت العنوان ماشي مع المضمون اشتريها

وبعدين ياخي دائما الروعة في اكتشاف المجهول

[مفيد الوحش]

انت اقيف قدام بتاع الجرايد اقرا لو لقيت العنوان ماشي مع المضمون اشتريها

وبعدين ياخي دائما الروعة في اكتشاف المجهول

ولوكان الجهول محبط يادكتور؟

تخريمه
بتاعين الجرائد بقوا يكتبوا ممنوع الاطلاع

[الخواض محمداحمد خواض]

بصراحه إفتكرتها الحفره اللى بنعرفها . ومافيها عيب لانها حق موروث اعطى للمرأه السودانيه طابع خاص ومميز . اما بالنسه للعناوين اللافته والمثيره فبصراحه لن تستطيع ان تفعل شى . وإذا لم يكن عنوان مقالك حفرة دخان لما كنت دخلت

[مفيد الوحش]

بصراحه إفتكرتها الحفره اللى بنعرفها . ومافيها عيب لانها حق موروث اعطى للمرأه السودانيه طابع خاص ومميز . اما بالنسه للعناوين اللافته والمثيره فبصراحه لن تستطيع ان تفعل شى . وإذا لم يكن عنوان مقالك حفرة دخان لما كنت دخلت

الخواض العزيز

للدرحه دي زعلان مني

لن تستطيع ان تفعل شي (دي مافهمتها)

عجبتني صراحتك

ودي

[عبدالله محمد العقاد]

حفرة الدخاااان
ما يعتبرونه إثارة صحفية يعتبره البعض تضليل ويراه آخرون كذباً ناعماً لا يضر 0 قد تشتري صحيفة بسبب عنوان او "مانشيت" كما يسمونه لكن عندما تجلس للظل تجد انك قد اشتريت شيئا تجلس عليه لتنتظر المواصلات 0حتى مواضيع المنتديات أصبحت تعرف الكذب الناعم
1/العنوان المثير الكاذب
القبض على قاتل الدبلوماسي 000 ولو قرأت المقال تجد أن عريفا في الشرطة قال أنهم سيقبضون قريبا على القاتل
2/ العنوان الذي يحمل إيحاءات تجرمها الأعراف والآداب ألعامه بل والدين والأخلاق
حفرة الدخان حين تغوص بين السطور تجده يتحدث عن إدمان التدخين او عن مشكله غطت المكان وكتمت الأنفاس" ذي حلاتي"
3/العنوان الذي ينبي أو يكشف ستر فضيحة اقبض على صاحب مركز مرموق
العنوان يزيد من النسخ الموزعة
يتهافت الناس عليه بالغباء المعذور
يزوره اكبر عدد من زوار المنتدى
لماذا
الكاتب الكبير مصطفى أمين ادخل المستشفي بغرض إجراء بعض الفحوصات الدورية فعلم بالصدفة أن السرير الذي سينام عليه بالمستشفي قد غادرته للتو فاتن حمامه بعد أن اجرت عملية جراحية بالمستشفي فكتب في عنوان عاموده اليومي "من سرير فاتن حمامه " ارتفع توزيع المطبوعة تلك بشكل جنوني بسبب هذا العنوان0
انا عضو في عدد كبير من المنتديات انتشرت في الاونة الأخيرة مثل هذه العناوين بل وفي الصحف تنتشر مثل هذه "المانشيتات "
هل هي خيانة لثقتنا التي منحناها لهذه المواقع حين سمحنا لأطفالنا وأبنائنا بتصفحها ؟
هل بلوغ سقف التوزيع بهذه الوسائل امر مسكوت عنه قبولا؟
كتبت كثيرا حول هذا الموضوع لكن 000!!!,وأنا واثق من أن ما يفوق المئتان شخص سيزورون موضوعي هذا وقد لا يعلق عليه احد


الغالي مفيد الوحش

يبدو لي انك قاصد فخ الاستدراج اللي يكون من خلال العناوين الصارخة والمثيرة
انا و الله هسع دخلت باعتبارها قصة زي قصة اخونا المبدع العاقب : دخان نسوان السودان ضد اتفاقية كيوتو
و يا ريت تطلع عليها قصة رائعة عمت المنتديات و لكن للاسف راحت مع السيل الذى غشى المنتدى و ممكن تلقاها في مكتبة العاقب الخاصة او مدونته

تخريمة : اخوي مفيد و ين باقي قصة ساجور و لا بقت زي قولة الفاتح جبرا الشهيرة ( النمشي اشوف اخرتها و اجيكم راجع و لو ما جيت راجع عادي اكون هرشت )

[مفيد الوحش]

الغالي مفيد الوحش

يبدو لي انك قاصد فخ الاستدراج اللي يكون من خلال العناوين الصارخة والمثيرة
انا و الله هسع دخلت باعتبارها قصة زي قصة اخونا المبدع العاقب : دخان نسوان السودان ضد اتفاقية كيوتو
و يا ريت تطلع عليها قصة رائعة عمت المنتديات و لكن للاسف راحت مع السيل الذى غشى المنتدى و ممكن تلقاها في مكتبة العاقب الخاصة او مدونته

تخريمة : اخوي مفيد و ين باقي قصة ساجور و لا بقت زي قولة الفاتح جبرا الشهيرة ( النمشي اشوف اخرتها و اجيكم راجع و لو ما جيت راجع عادي اكون هرشت )

الغالي جدا العقاد
انا ماهرشت بس بقيت غنيان بسبب القصة دي
الكتب عن غنيان الغفله وسكت ببقى غنيان
اظن فهمتها
ودي وبرجع ليك