سأغادر 00 لكنني ساحملكم داخل قلبي

[أبوحراز]

ستون يوماً أو اقل 00 هي عمر تجربتي معكم
بحساب الزمن 00 قليلة جداً
ولكنها كبيرة في القها وتوهجها
صدقوني 00 دخلت اليكم على هيئة رجل
وخرجت وأنا الآن على هيئة كتاب
سأغادر الى الوطن
حيث الخضرة 00 والجمال 00 والحبيبة
وفي تلك المدينة التي تركتها تضاجع النهر
سترسو سفينتي
سانظر اليها في تلك اللحظة التي تكشف عن ساقيها
واعرف أن النهر الذي يلتف حول خصرها متغطرس
لكنني على اي حال سأرمقها
هناك 00 سالتقي صغيرتي نون
سأحكي لها حكاية المساء لتنام
وأداعب شعرها الغجري
ولن أتركها تتثاءب حتى امنحها قبلة
ساحمل زوجتي الى عوالم لم يدخلها إنس ولا جان
وما اجملها من لحظات حينما يلتقي النهر بالنهر !!!
لا ادري كيف يكون برنامجي هناك
لكنني حتماً سأتلصص عليكم
واسرق من انفاسكم ما يملأ قارورتي
سأحكي عنكم لأطفالي
ولكل نخيل بلادي
وأقول لهم 00 اني التقيت رجالاً شامخون شموخ الأرز والجبل الأشم
ونساء بنكهة الياسمين
واقلام بمنتدى مدني تمطرك حتى تستغيث
سآخذ كل ابنائي وهذا وعد مني لحدائق منتداكم
فإن آثروا الجلوس في العنقريب الهباب تحت ضل النيمة فلهم ذلك
وإن أرادوا ان يتجولوا عبر بوستاتكم الرائعة فسأقول لهم
ادخلوها بسلام آآآآآآآآآآآآآآمنين
سامحوني إن اخطات في حق احدكم
وسامحوني ان لم ترق لكم كلماتي واسلوبي
وشكراً من الأعماق لكل الذين اتفقوا معي
ومثلها لكل الذين اختلفوا
ومابين هؤلاء وأولئك صنعت لي قوس قزح أمشي عليه حافياً
شكراً لعطائكم
وشكراً لإنسانيتكم
وشكراً لدعمكم

[الملكة اسماء ( ام محمد )]

:mad::mad::mad::mad:

في داعي هسي تخلعنا كدا ؟.:mad::mad:

والله بالغت

كدي نحل قضية صاحبك العريس دا :rolleyes:
وبعدين نشوف بنديك اجازة كم يوم ؟:rolleyes:

[أبوحراز]

:mad::mad::mad::mad:

في داعي هسي تخلعنا كدا ؟.:mad::mad:

والله بالغت

كدي نحل قضية صاحبك العريس دا :rolleyes:
وبعدين نشوف بنديك اجازة كم يوم ؟:rolleyes:


ههههههههههههههه
ياخي العريس انا مالي ومالو
انا عاوز امشي لي مرتي
والله عمرو 37 سنة ولحد الآن ماعرس
نحن لو بارينا الزول دا والله خايفين نفك الفي يدنا
علي كيفكم
الشروط وعندكم
والعريس قااااااااااااااااعد

[الملكة اسماء ( ام محمد )]

ههههههههههههههه
ياخي العريس انا مالي ومالو
انا عاوز امشي لي مرتي
والله عمرو 37 سنة ولحد الآن ماعرس
نحن لو بارينا الزول دا والله خايفين نفك الفي يدنا
علي كيفكم
الشروط وعندكم
والعريس قااااااااااااااااعد

ههههههههههههههههههههههه
والله العظيم ضحكتني ضحك

تعرف المضحك شنو كمان
انك انت زاتك قررت تفكه عكس الهواء

لكن بقول ليك رائي بهناك

همسة : تمشي وتجي بالسلامة
تحياتنا للوطن زاوية زاوية وركن ركن
من سماه لارضه ومن طوله لعرضه

ياخ اقول ليك باختصار
احلف ليه قسم بدالي
اني بحبه وبرجع ليه
مهما الغربة ياوطني تطول
انت الحضن البنتمي ليه

[أبوحراز]

ههههههههههههههههههههههه
والله العظيم ضحكتني ضحك

تعرف المضحك شنو كمان
انك انت زاتك قررت تفكه عكس الهواء

لكن بقول ليك رائي بهناك

همسة : تمشي وتجي بالسلامة
تحياتنا للوطن زاوية زاوية وركن ركن
من سماه لارضه ومن طوله لعرضه

ياخ اقول ليك باختصار
احلف ليه قسم بدالي
اني بحبه وبرجع ليه
مهما الغربة ياوطني تطول
انت الحضن البنتمي ليه



يعني منحتينا الإجازة معنى كده
ذكرتيني واحد طلع زعلان من ناس البيت
قال ليهم انا مارق منكم
قالوا ليهو : ان شاء الله قشة واحدة ما تعتر ليك
لك تحياتي
وجميلة هذه المناجاة مع الوطن

[moh_alnour]

إن كانت فترة تواجدك بالمنتدى لم تتعدى الشهرين فإن تواجدك داخل قلوب أعضاء هذا الملتقى الطيب
قد تعدت كل المقاييس بحسابات الإلفة و المودة و المحبة التي يكنها لك أعضاء هذا المنتدى و للصغيرة نون
و التي أضاءت بشموع عيد ميلادها كل أركان هذا الملتقى الطيب
دعواتنا القلبية بأن تصل إلى أرض الوطن بألف سلامة و أن تجد الجميع بخير و صحة و عافية و أمان
مع الأمنيات بقضاء إجازة سعيدة في رحاب فاطمة السمحة بين ظهراني الأهل و الأصدقاء و الأحباب في جزيرة الخير و العطاء

[تغريد]

هناك اقلام لا يستطيع الفكر تجاوزها تبقي راسخة في الوجدان حتي وان طال السفر

ابو حراز

عرفناك شهرين وعشت فينا دهورا
تعمقت فينا حتي تشربت منك المسام
التقيناك قامة وسنفتقدك جزورا امتدت فينا


أحببناك وسيمتد الحب بيننا ما دام في الانفاس قدرة علي الوجود

ستصحبك دعواتنا وتمنياتنا بدوام الصحة والعافية والسعادة عليك وعلي الاسرة الكريمة


وخالص الدعوات بسلامة العودة الي الديار ودمت في امان الله

[المسافر]

ستون يوماً أو اقل 00 هي عمر تجربتي معكم
بحساب الزمن 00 قليلة جداً
ولكنها كبيرة في القها وتوهجها
صدقوني 00 دخلت اليكم على هيئة رجل
وخرجت وأنا الآن على هيئة كتاب
سأغادر الى الوطن
حيث الخضرة 00 والجمال 00 والحبيبة
وفي تلك المدينة التي تركتها تضاجع النهر
سترسو سفينتي
سانظر اليها في تلك اللحظة التي تكشف عن ساقيها
واعرف أن النهر الذي يلتف حول خصرها متغطرس
لكنني على اي حال سأرمقها
هناك 00 سالتقي صغيرتي نون
سأحكي لها حكاية المساء لتنام
وأداعب شعرها الغجري
ولن أتركها تتثاءب حتى امنحها قبلة
ساحمل زوجتي الى عوالم لم يدخلها إنس ولا جان
وما اجملها من لحظات حينما يلتقي النهر بالنهر !!!
لا ادري كيف يكون برنامجي هناك
لكنني حتماً سأتلصص عليكم
واسرق من انفاسكم ما يملأ قارورتي
سأحكي عنكم لأطفالي
ولكل نخيل بلادي
وأقول لهم 00 اني التقيت رجالاً شامخون شموخ الأرز والجبل الأشم
ونساء بنكهة الياسمين
واقلام بمنتدى مدني تمطرك حتى تستغيث
سآخذ كل ابنائي وهذا وعد مني لحدائق منتداكم
فإن آثروا الجلوس في العنقريب الهباب تحت ضل النيمة فلهم ذلك
وإن أرادوا ان يتجولوا عبر بوستاتكم الرائعة فسأقول لهم
ادخلوها بسلام آآآآآآآآآآآآآآمنين
سامحوني إن اخطات في حق احدكم
وسامحوني ان لم ترق لكم كلماتي واسلوبي
وشكراً من الأعماق لكل الذين اتفقوا معي
ومثلها لكل الذين اختلفوا
ومابين هؤلاء وأولئك صنعت لي قوس قزح أمشي عليه حافياً
شكراً لعطائكم
وشكراً لإنسانيتكم
وشكراً لدعمكم





أبوحراز يا أخوي قلت لي عايز إجازة !!!!!!!!!
( لا نوافق )

[عمرسنهوري]

ابوحراز

مرحب بيك في ارض النيلين

لا تبعد عن المنتدى كثيرا


كنت قريبا منا وانت خارج السودان جسدا وداخله روحا
وبعد قليل تكون في ارض المليون ميل
روحا وجسدا فارجو الا يكون قربك الجسدي
سبب لبعد قلمك عن المنتدى .

سؤال خارج النص

هل لديك علاقه ب ابي حراز بلد الشيوخ ام هو اسم فقط ؟؟؟

[أبوحراز]

إن كانت فترة تواجدك بالمنتدى لم تتعدى الشهرين فإن تواجدك داخل قلوب أعضاء هذا الملتقى الطيب
قد تعدت كل المقاييس بحسابات الإلفة و المودة و المحبة التي يكنها لك أعضاء هذا المنتدى و للصغيرة نون
و التي أضاءت بشموع عيد ميلادها كل أركان هذا الملتقى الطيب
دعواتنا القلبية بأن تصل إلى أرض الوطن بألف سلامة و أن تجد الجميع بخير و صحة و عافية و أمان
مع الأمنيات بقضاء إجازة سعيدة في رحاب فاطمة السمحة بين ظهراني الأهل و الأصدقاء و الأحباب في جزيرة الخير و العطاء

صباحك سعيد اخي محمد النور وانت تغمرني بكلماتك الجميلة
كتبت لك يوم أمس رداً عن بعض تعقيدات الافراج اتمنى تكون قد قرأته
هل اجازتك في نفس مواعيد اجازتي
اتمنى ذلك حتى نلتقي ان شاء الله
حينما يقرر الإنسان السفر الى الوطن تتملكه دهشة غريبة
ويمر شريط طويل من الذكريات
يكاد معظمها يكون جميلاً
أذكر في اجازتي الماضية كان الطريق من بورتسودان الى الجزيرة تحفه الخضرة من الجانبين
وهناك مياه هنا وهناك
حتى الخضرة كانت تتسلق الجبال وتكسوها
ومواشي ترعى بكل حرية
يا أخي ما أجمل هذا الوطن
ينقصه قليل من التخطيط ويتحول الى تحفة لامثيل لها

[محمد الجزولى]

العزيز ابو حراز
حتما سنفتقد قلمك الذى اشاع فينا البهجه
وعلمنا كيف نحس بالاخرين
وكيف نثور
وكيف نضحك
عزاؤنا انك راجع لا محالة
بلغ سلامنا الى نخيل بلادى
ونيل بلادى
ولى حبيبه بى تشتغل منديل حرير
تمشى وتجى بالسلامه انشاء الله

[حمدالنيل دفع الله]

ها زول دا كلام شنو ، ياخ قل شيئا اخر

[ابوخالد]

أخى أبو حراز
يا من تغوص بالأعماق حرفآ .... بل سراجآ منيرآ ....

ستون يومآ حسبتها سبعآ سنينا
يا نسمة السطر سنظل سِربآ جالسينا
لولا الديار وسهام من سكن الديارا لما رضينا
سُـق سلامآ سرمديآ نونآ لها وسامرينا
أُبلغها السلام من لواءٌ وخالدٌ وأيمنٌ حتمآ ولينا
سنمرُ يومآ صادقآ وننسدح عبر السنينا
ألبسى ثوب السعادةِ كل يومٍ وأذكرينا
جالسى الإحساس أصدقه عزآ ودينا
ستغادرُ ياسيدى ساحاتُ عشقٍ وعاشقينا
وسنظل نسرد قصة السلوى الحزينا
ونحسب الساعاتِ دومآ نرتجى وعدُ الراحلينا
ستعود حتمآ كالندى عطرآ ياسمينا
لتكتسى ساحاتنا سُـفرآ بسطور العائدينا
فلك السعادة حيث كنت أبا حرازٌ ولنا وشاح الصابرينا



ودمت بألف خيرٍ أخى والأسرة الكريمة

[الجندي المجهول]

ستون يوماً أو اقل 00 هي عمر تجربتي معكم
بحساب الزمن 00 قليلة جداً
ولكنها كبيرة في القها وتوهجها
صدقوني 00 دخلت اليكم على هيئة رجل
وخرجت وأنا الآن على هيئة كتاب
سأغادر الى الوطن
حيث الخضرة 00 والجمال 00 والحبيبة
وفي تلك المدينة التي تركتها تضاجع النهر
سترسو سفينتي
سانظر اليها في تلك اللحظة التي تكشف عن ساقيها
واعرف أن النهر الذي يلتف حول خصرها متغطرس
لكنني على اي حال سأرمقها
هناك 00 سالتقي صغيرتي نون
سأحكي لها حكاية المساء لتنام
وأداعب شعرها الغجري
ولن أتركها تتثاءب حتى امنحها قبلة
ساحمل زوجتي الى عوالم لم يدخلها إنس ولا جان
وما اجملها من لحظات حينما يلتقي النهر بالنهر !!!
لا ادري كيف يكون برنامجي هناك
لكنني حتماً سأتلصص عليكم
واسرق من انفاسكم ما يملأ قارورتي
سأحكي عنكم لأطفالي
ولكل نخيل بلادي
وأقول لهم 00 اني التقيت رجالاً شامخون شموخ الأرز والجبل الأشم
ونساء بنكهة الياسمين
واقلام بمنتدى مدني تمطرك حتى تستغيث
سآخذ كل ابنائي وهذا وعد مني لحدائق منتداكم
فإن آثروا الجلوس في العنقريب الهباب تحت ضل النيمة فلهم ذلك
وإن أرادوا ان يتجولوا عبر بوستاتكم الرائعة فسأقول لهم
ادخلوها بسلام آآآآآآآآآآآآآآمنين
سامحوني إن اخطات في حق احدكم
وسامحوني ان لم ترق لكم كلماتي واسلوبي
وشكراً من الأعماق لكل الذين اتفقوا معي
ومثلها لكل الذين اختلفوا
ومابين هؤلاء وأولئك صنعت لي قوس قزح أمشي عليه حافياً
شكراً لعطائكم
وشكراً لإنسانيتكم
وشكراً لدعمكم

تسافر وتجي بالسلامة
وصحبتك السلامة يا اب حراز وتحياتي للوطن شبرا شبرا وياريت تستنشق لي معااااك ( همبرييييد ودعاش الخريف ورزاز المطر كميات كميات )

[عثمان جلالة]

أبو حراز .. الغالي
نتمنى لك إجازة طيبة مع الأهل .. وبين أحضان الوطن الغالي
تصحبك السلامة أينما حللت
تحياتي للحصاحيصا .. والكبري الجديد .. ورفاعة
تحياتي لأسرتكم الكريمة
تحيات خاصة للصغيرة نون

همسة :
عندي ود عمتي إسمو "الماحي" عندو ركشه .. ح أتصل عليهو يعمل ليك تخفيضات خاصة لكل مشاويرك :p:):D ههههههههههه

[عبدالرحمن مدثر]

اوعك تقيف
وتواصل الليل بالصباح
تحت المطر وسط الرياح
وكان تعب منك جناح
فى السرعه زيد
فى بلادنا ترتاح
ضل النخيل اريح سكن
وفوت بلاد وسيب بلاد
وان جيت بلاد تلقى فيها النيل بلمع فى الظلام
زى سيف مجوهر بالنجوم من غير نظام
تنزل هناك وتحى يا طير باحترام
تقول سلام وتعيد سلام
على نيل بلادنا سلام
وشباب بلادنا
ونخيل بلادنا
سلام
بالله يا طير قبل ما تشرب تمر على بيت صغير
من بابه
من شباكه
بلمع الف نور
تلقى الحبيبه بتشتغل منديل حرير
لحبيب بعيد
تقيف لديها
وتبوس ايديها
وانقل اليها وفاى ليها
وحبى الاكيد


حبيبنا ابو حراز

مرحبا بعودتك المطر الى الديار

حيث الاهل والاحباب

وجمال العودة فى سياحة هذا اليراع الرائع

فى ربوع بلادى

لينقل لنا الاحساس صوت وصورة

بعد انقضاء الاجازة

بالسلامة

وكان لقيت فرقة اتذكرنا معاك

وتعال لينا يازول ياسمح

خلينا ناخد منك كل الفرحة

وتعبى احساسك من جديد

بحنية اهلنا

وطيبة ارضنا

وبعيون نون الانيقة


بالسلامة

[أبوحراز]

هناك اقلام لا يستطيع الفكر تجاوزها تبقي راسخة في الوجدان حتي وان طال السفر

ابو حراز

عرفناك شهرين وعشت فينا دهورا
تعمقت فينا حتي تشربت منك المسام
التقيناك قامة وسنفتقدك جزورا امتدت فينا


أحببناك وسيمتد الحب بيننا ما دام في الانفاس قدرة علي الوجود

ستصحبك دعواتنا وتمنياتنا بدوام الصحة والعافية والسعادة عليك وعلي الاسرة الكريمة


وخالص الدعوات بسلامة العودة الي الديار ودمت في امان الله

دائماً أقول لأصدقائي
البياطرة والزراعيون إما مبدعون وإما مبدعون !!!!
شكراً للونك الزهري
شكراً للبنفسج
وشكراً لكلماتك المخضرة في القلب
شكراً لهذه الأنفاس التي تجعل الآخر يترنح وينتشي
شكراً لهذا الضوء الذي سطع في اعماقي
فاضاء كل دواخلي
أنتي متصالحة مع نفسك
لهذا حينما يقرا لك الإنسان يذهب مطمئناً الى فراشه
فقط احب أن اوجه اليك نصيحة واحدة
دعي الفراشات الجميلة الملونة الزاهية الطاعمة
و التي تختفي وسط هذه الوردة الأنيقة
دعيها أن تحلق في الهواء لتأتي لنا بعسل مصفى !!!!
سعيد أنا لأنني دخلت قلوبكم المغسولة بالأمنيات الرائعات
إذا سأتنفس بعمق
وسوف أتسكع في كل أزقتها الجميلة
لا تخافوا 00 لن اطرد الأحباء
بل سوف اطلق عليهم رصاصة من الضوء
وسامنح كل واحد منهم حزاماً ناسفاً من الحب
شكراً لهذا التغريد الجميل
سأستفه بين حقائبي على طريقة عفاف الصادق

[عبدالله محمد العقاد]

الغالي ابو حراز
اجازة سعيدة ان شالله

وما اجمل فطور رمضان في الشارع في الفريق و سط لمة اعمامنا الكبار و جيراننا و بكل تبعاته من صلاة الجماعة و بعد الصلاة و الجبنة والونسة الجميلة

[114]

ابو حراز

اولا السلام عليكم

ثانياً

قول بسم الله

ثالثاً

انا لسه ما رحبت بيك في منتدياتنا، اصلو دائماً حمارتي العرجاء بتجيبني متأخرة، وناس منتديات مدني عارفين الحكوة دي..

حتى لسه ما سألتك انت ياك الزول الفي سودانيز اونلاين المحبوب شديد داك، انا مسجل هناك منذ 2002 وكنت بتابع كتابات وعلقت عليك، وفي واحدة من مداخلاتك هنا تأكدت انك ياهو زولي الظريف ذاتو بتاع سودانيز اونلاين، وقلت خليني ارجع من السفر وابدأ أناوشك اقوم القى البوست العجيب ده (عجيب بكلام السودانيين، وما عجيب بكلام المغاربة، لأنو بكلام االمغاربة معناه حلو) وطبعا انا قاصد كلام غريب..

زول راجع السودان يقوم يقاطع السودانيين، وفي السودانيين ناس مدني.. ياخي قول كلام غير كده، وانا شايف من كلامك انك راجع نهائي، وبعض الناس فهموك انك ماشي السودان اجازة وجاي.. وبعدين هم القاعدين في السودان ما بيدخلوا النت! ده السودان اتطور كتير وفيه نت وفيه كمبيوترات كمان!! يا زول قول كلام غير ده!

اتخيل لي انك مقيم في الطائف، السعودية، صاح!

[أبوحراز]

أبوحراز يا أخوي قلت لي عايز إجازة !!!!!!!!!
( لا نوافق )

لما لاتوافق وأنت رفيق السفر
في السفر خمسة فوائد
ليس من بينها على مايبدو أنك يمكن ان تلتقي بإمرأة جميلة
إمراة تلتقيك صدفة وتحول إحتيارك العجيب الى لحظات من التأمل
كل ما أرى صورتك اشفق عليك
أراك تفكر فيها بعمق
تبحث عنها
لكنها ستاتيك على إستحياء
والله تاني تفتش للحيرة ماتلقاها
لو شافتك صاري وشك ساي الرماد كال حماد
وارجوك اسمع نصيحة أخوك الأكبر منك
مما تجي تلقاها ممحنة زي طريقتك دي اتخارج وفوووووووووووت ليها البيت
لأنو الشغلانية بتكون يادهب ياعدة ياملايات
واحدة راجلها زهجان ومفلس للطيش
اها يوم قطعت منو الموية والنور تقول شغالة في المحلية
وقالت ليهو لن تعود المياه الى مجاريها إلا { تدق } لي ذهب
طوالي زولك شال عكازو وقام جاري
عارفو عمل شنو ؟؟
مامشى دق ليها دهب
لكن دق سيد الدهب
قال موية ونور قال !!!!

[أبوحراز]

ابو حراز

اولا السلام عليكم

ثانياً

قول بسم الله

ثالثاً

انا لسه ما رحبت بيك في منتدياتنا، اصلو دائماً حمارتي العرجاء بتجيبني متأخرة، وناس منتديات مدني عارفين الحكوة دي..

حتى لسه ما سألتك انت ياك الزول الفي سودانيز اونلاين المحبوب شديد داك، انا مسجل هناك منذ 2002 وكنت بتابع كتابات وعلقت عليك، وفي واحدة من مداخلاتك هنا تأكدت انك ياهو زولي الظريف ذاتو بتاع سودانيز اونلاين، وقلت خليني ارجع من السفر وابدأ أناوشك اقوم القى البوست العجيب ده (عجيب بكلام السودانيين، وما عجيب بكلام المغاربة، لأنو بكلام االمغاربة معناه حلو) وطبعا انا قاصد كلام غريب..

زول راجع السودان يقوم يقاطع السودانيين، وفي السودانيين ناس مدني.. ياخي قول كلام غير كده، وانا شايف من كلامك انك راجع نهائي، وبعض الناس فهموك انك ماشي السودان اجازة وجاي.. وبعدين هم القاعدين في السودان ما بيدخلوا النت! ده السودان اتطور كتير وفيه نت وفيه كمبيوترات كمان!! يا زول قول كلام غير ده!

اتخيل لي انك مقيم في الطائف، السعودية، صاح!

أوعا تكون حمارتك دي زي حمارة سجيمان القطعت الحبل بالليل
ومشت لحمار العمدة الشين 00
والله انا بموت بالضحك وبشوف حمارتك العرجاء دي
لأنو حمارة سجيمان نهائي ماكان واحد متوقعها انها بتقطع الحبل بالليل
يازول ياني ابوحراز بتاع سودانيز اون لاين
قلت أخير اشوف أهلي واقعد واتحكر معاهم
وازيدك من الشعر بيت هنا انتو عجيبين ياخي في الرسائل الخاصة
مازي سودانيز أون لاين
الرسائل معظمها تجيك من الجنس الخشن
أما الناعم والله الا كان تتوضأ حتين تقدر تقراها
تبداها ليك بي حديث ابوهريرة
وتنهيها ليك بالبخاري ومستحبات الصيام
ناسكم الناعمين الظاهر بقيموا الليل

[أبوحراز]

ابوحراز

مرحب بيك في ارض النيلين

لا تبعد عن المنتدى كثيرا


كنت قريبا منا وانت خارج السودان جسدا وداخله روحا
وبعد قليل تكون في ارض المليون ميل
روحا وجسدا فارجو الا يكون قربك الجسدي
سبب لبعد قلمك عن المنتدى .

سؤال خارج النص

هل لديك علاقه ب ابي حراز بلد الشيوخ ام هو اسم فقط ؟؟؟

تحياتي عمر سنهوري
ماعارف سألتك أنت ام أحد افراد العائلة عن دكتور السر سنهوري بالحصاحيصا
هذا الانسان الجميل الذي توفى فجاة بالنادي
وكم كان محبوباً هذا الرجل
الآن صغيرتي نون تدرس بروضة تحمل اسم السر سنهوري
أوعدك أنني سأكون قريباً منكم ومن قلوبكم
سأطل عليكم بين الحين والحين
ومدني ستكون محطة من محطاتي
انها مدينة مدهشة خاصة في المساء

انا من ودربيعة وأسكن بحي اركويت بالحصاحيصا
ابوحراز لها وقع خاص بالنفس
أدوني فيها شاكوش
لهذا لن أنساها !!!! { وش مكرفس جداً }

[أبوبكرحامد]

هناك 00 سالتقي صغيرتي نون
سأحكي لها حكاية المساء لتنام
وأداعب شعرها الغجري
ولن أتركها تتثاءب حتى امنحها قبلة
ساحمل زوجتي الى عوالم لم يدخلها إنس ولا جان
وما اجملها من لحظات حينما يلتقي النهر بالنهر !!!


عزيزنا أبو حراز :قيل فيما مضى

الصمتُ فى حرمِ الجمالِ جمالُ

[ابو عبد الرحمن]

الأخ العزيز ( أبو هشام ) قرأت جميع مواضيعك . فقد كنت رائعا . كما عهدناك دوما . بأسلوبك الساخر الناقد . وأنا ادري القريق لقدام . المهم أنت لو جاي مدنى خليها في النهاية لأنو لو جيتها في البداية بتكره نفسك والسودان وتندم على الإجازة بتاعتك . فخليك مع نون وهشام وأمهم , وادخل مدنى بباب النسوان . وانبرم طوالي ودربيعة . وبعدين خليني من الرومانسية بتاعتك . ما تقول مدني حلوة بليل . لا حلوة بليل ولبصباح ولبنهار ولا فيها حاجة أصلا . طين بعوضة بالكوم والردوم . ذباب كميات مهولة . ولذلك أنصحك بأربعة أشياء لو اصريت تجي مدني .
1 / ناموسية مشبعة طارد للناموس .
2/ بوت أو كبك أصلي للطين عشان مايخذلك
3 / كرتون بف باف الاصلي أو ريد الازرق . ولأقولك امشي لدكتور مختار بدبرك .
4 / بعدين جيب معاك كميات كبيرة من علاجات الملارياء والحافظ الله .
المهم : نحن في انتظارك . ولمن تصل دق الرقم 0909464856 اوعككككككككككككككككككككككككككك من سواكن ولا عذر لمن انذر ( حاتم )

[عاطف عولي]

ستون

ستون غيرت الخطي أبداعآ ووعدآ وتمني والكلمات في داخل الوجدان اشتعلت.......

ابوحراز وكفي والصلاة علي المصطفي اتيتنا من صحاري التيه وأودية العذاب وبحار الضياع وشواطي الحرمان ائتلفت في جوقة الأبداع وعانيت وجع الحرف وولادة الجمل عزفتم احلي السيمفونيات الراقية كبحيرة البجع شعرنا بالتيه والزهو ونحن نمتلك هذه الجوقة الملائكية.

وياتي من داخل الوجدان صوت مغني .... الساعة جنبك تبدوا اقصر من دقيقة والدقيقة وانت مافي مراااااااااااا ما بنقدر نطيقاااااااااااا

[أبوحراز]

العزيز ابو حراز
حتما سنفتقد قلمك الذى اشاع فينا البهجه
وعلمنا كيف نحس بالاخرين
وكيف نثور
وكيف نضحك
عزاؤنا انك راجع لا محالة
بلغ سلامنا الى نخيل بلادى
ونيل بلادى
ولى حبيبه بى تشتغل منديل حرير
تمشى وتجى بالسلامه انشاء الله

العزيز محمد الجزولي
صدقني 00 لم أكن أتوقع أن قلمي البسيط قد دق على جدار قلوبكم
وتسلقها
ودخل اليها على حين غفلة منكم
جميل ان نثور
وأن نضحك
وان ننتفض
والقلم أياً كان لن تكون له نكهة مالم يجد قرأء مليئون بالذوق والجمال
زدائماً فإن الكتابة إن لم تنزف بين الأصابع يكون لامعنى لها
وإن لم تلامس الروح تكون بلا روح
لن ابلغ النيل سلامك فحسب
بل سأبث فيه من كلماتكم وعطائكم
حتى أجعله ينتفض ويثور ويخرج عن طوره
الأنهار في السودان تعشق بعمق
وحينما تفشل في الحب
لاتستطيع الذهاب للتجاني الماحي
بل تفيض
وتنتقم وتحطم كل من يقابلها
وكل نخيلنا الذي يساقط رطباً جنيا سأذهب اليه
عسى أن اجد ضالتك وهي تهز في النخلة
من أجل أن تخضر كل أرض بلادي
وتمتليء بالدفق والخصوبة

[تغريد]

دائماً أقول لأصدقائي
البياطرة والزراعيون إما مبدعون وإما مبدعون !!!!
شكراً للونك الزهري
شكراً للبنفسج
وشكراً لكلماتك المخضرة في القلب
شكراً لهذه الأنفاس التي تجعل الآخر يترنح وينتشي
شكراً لهذا الضوء الذي سطع في اعماقي
فاضاء كل دواخلي
أنتي متصالحة مع نفسك
لهذا حينما يقرا لك الإنسان يذهب مطمئناً الى فراشه
فقط احب أن اوجه اليك نصيحة واحدة
دعي الفراشات الجميلة الملونة الزاهية الطاعمة
و التي تختفي وسط هذه الوردة الأنيقة
دعيها أن تحلق في الهواء لتأتي لنا بعسل مصفى !!!!
سعيد أنا لأنني دخلت قلوبكم المغسولة بالأمنيات الرائعات
إذا سأتنفس بعمق
وسوف أتسكع في كل أزقتها الجميلة
لا تخافوا 00 لن اطرد الأحباء
بل سوف اطلق عليهم رصاصة من الضوء
وسامنح كل واحد منهم حزاماً ناسفاً من الحب
شكراً لهذا التغريد الجميل
سأستفه بين حقائبي على طريقة عفاف الصادق


شكرا لكل كلمة خرجت من القلب للقلب

ونصيحتك قلدتها قلبي وعقلي فامتزجت بالروح وخالطت الوجدان


كل الاحترام والود

[أبوحراز]

ها زول دا كلام شنو ، ياخ قل شيئا اخر

أخي حمد
شكراً للمشاركة
نريد العودة للوطن
في اي جامعة تعمل
انا كثيراً ماتجدني بكثرة في كلية الإعلام بجامعة أم درمان
في السجانة مجمع ابراهيم مالك
اصحابي كثيرون بالكلية المذكر
مافيها ولا بت !!! سبحان الله
المحاضرات على وضوء
والكافتيريا على وضوء
واذا كنت عاوز تدخل للعميد الا تكون متوضيء

[محب]

حبابك عشرة بلا كشرة

[جراح82]

ستون يوماً أو اقل 00 هي عمر تجربتي معكم
بحساب الزمن 00 قليلة جداً
ولكنها كبيرة في القها وتوهجها
صدقوني 00 دخلت اليكم على هيئة رجل
وخرجت وأنا الآن على هيئة كتاب
سأغادر الى الوطن
حيث الخضرة 00 والجمال 00 والحبيبة
وفي تلك المدينة التي تركتها تضاجع النهر
سترسو سفينتي
سانظر اليها في تلك اللحظة التي تكشف عن ساقيها
واعرف أن النهر الذي يلتف حول خصرها متغطرس
لكنني على اي حال سأرمقها
هناك 00 سالتقي صغيرتي نون
سأحكي لها حكاية المساء لتنام
وأداعب شعرها الغجري
ولن أتركها تتثاءب حتى امنحها قبلة
ساحمل زوجتي الى عوالم لم يدخلها إنس ولا جان
وما اجملها من لحظات حينما يلتقي النهر بالنهر !!!
لا ادري كيف يكون برنامجي هناك
لكنني حتماً سأتلصص عليكم
واسرق من انفاسكم ما يملأ قارورتي
سأحكي عنكم لأطفالي
ولكل نخيل بلادي
وأقول لهم 00 اني التقيت رجالاً شامخون شموخ الأرز والجبل الأشم
ونساء بنكهة الياسمين
واقلام بمنتدى مدني تمطرك حتى تستغيث
سآخذ كل ابنائي وهذا وعد مني لحدائق منتداكم
فإن آثروا الجلوس في العنقريب الهباب تحت ضل النيمة فلهم ذلك
وإن أرادوا ان يتجولوا عبر بوستاتكم الرائعة فسأقول لهم
ادخلوها بسلام آآآآآآآآآآآآآآمنين
سامحوني إن اخطات في حق احدكم
وسامحوني ان لم ترق لكم كلماتي واسلوبي
وشكراً من الأعماق لكل الذين اتفقوا معي
ومثلها لكل الذين اختلفوا
ومابين هؤلاء وأولئك صنعت لي قوس قزح أمشي عليه حافياً
شكراً لعطائكم
وشكراً لإنسانيتكم
وشكراً لدعمكم

ياراجل ياملك ملوك الزوق والله حتوحشنا بس ربنا اوصلك بالسلامه لاهلك

وانشاء الله اجازه سعيده بس سامحنا انت ياطيب ربما نكون اخطاءنا فى حقك

وبلغ تحياتنا لمدنى وكل ارض الجزيره وبوس بالانابه عنا كل زره من ترابها وقليها حتمنا حنعود لكى يا غاليهاجازه سعديد ترجع لينا بالسلامه يارب

[أبوحراز]

أخى أبو حراز
يا من تغوص بالأعماق حرفآ .... بل سراجآ منيرآ ....

ستون يومآ حسبتها سبعآ سنينا
يا نسمة السطر سنظل سِربآ جالسينا
لولا الديار وسهام من سكن الديارا لما رضينا
سُـق سلامآ سرمديآ نونآ لها وسامرينا
أُبلغها السلام من لواءٌ وخالدٌ وأيمنٌ حتمآ ولينا
سنمرُ يومآ صادقآ وننسدح عبر السنينا
ألبسى ثوب السعادةِ كل يومٍ وأذكرينا
جالسى الإحساس أصدقه عزآ ودينا
ستغادرُ ياسيدى ساحاتُ عشقٍ وعاشقينا
وسنظل نسرد قصة السلوى الحزينا
ونحسب الساعاتِ دومآ نرتجى وعدُ الراحلينا
ستعود حتمآ كالندى عطرآ ياسمينا
لتكتسى ساحاتنا سُـفرآ بسطور العائدينا
فلك السعادة حيث كنت أبا حرازٌ ولنا وشاح الصابرينا



ودمت بألف خيرٍ أخى والأسرة الكريمة


شكرا يا ابا خالد على الكلام الجميل
سأحمل نداكم لأنثره عبيراً في كل ارجاء بلادي
ويكفي أن دعمكم قد حلق بي عاليا في سماوات من الحب

[أبوحراز]

أخوتي جميعاً ساعود للرد عليكم
لأنني في سفر وريثما استقر سأعزف معكم باذن الله
اجعلوا أوتاركم ساخنة جداً


ابوعبد الرحمن يا ابن الذين وصلت متين
اوعا يكون قروش البساكيت انتهن
جهز الخروف وماعندك مشكلة بدفع النص
انت ماتكلم المدام
وانا برضو
صاحبك ايمن عملها
بس نحن كلامنا في الخشم

قال عرس قال
تلفون السودان القديم اليوم سألت منه
0912412566

هجمة مرتدة
شفت زمان بنقابض كيف ونلهله بالعرس
هسي عليك أمان الله مما يطروه ليك تخت جلابيتك في خشمك
وتقوم جاري صوووووووووووووووووووف
مرتي دائماً اقول ليها الكلام ده
تقول لي
ماقلتوا نوبة يا أولاد الذين

نلهله : معناها : نكورك
وماعارف كتبتها صاح وللا لا يمكن 10 دقائق وانا بحاول أكتبها
والله الواحد خايف يوم تقيف ليهو { ها } في حلقو وتسدو ليهو ويرتاح

[مهيد ود السفاح]

ابو حراز
صاحب القلم الاكثر من رائع والحضور المميز

تسافر كيف تخلينا ؟؟

ومن هسي
انا والاشواق في بعدك بقينا اكتر من حبايب

واجازه سعيده وترجع لينا بالسلامه
وبلغ تحياتي لاهل الوطن وتراب الوطن ونيلنا الجاري

[يوسف كيكل]

سددالله خطاك اخي ابو حراز وسهل الله عليك كل خطوه تخطوها
لقد تركت عطرا سيظل ابدا فينا وتظل انتا معنا اين ما ذهبت

[محمد حسين (المميز)]

ترجع بالسـلامه

والسـلام لبلادي امانه

رغم عودتي منها قبل اقل من اسبوع

الى اني اشتقت اليهـا

سيفتقدك المنتدى يا اخي

[ام قبس]

الرائع ابو حراز
تستوقفنا الحكاوي وننبري لها لنردها اطرف واقوي
فلا نجد سبيل الا التقوقع داخل سطورك
نصير كمن ينظر داخل ظله
انت سارق كل الحروف وبقدرة قادر لا تستطيع الحروف تزيين حجانا الا باذن منك
ماهذه الدكتاتوريه الممتعة
وما هذا الاستعمار اللطيف
سلامي لنون ومن جاء بعدها او قبلها
وقبل نون من انجبتها ابداعا جعلت منك رمزا
ابلغها سلامي
واشكر لي فيها هذا الذكاء المتقد الذي جعلك تبوح بمكنونك
في عظمة الرجال وطفولتهم امام النساء
تجاهر وتفاخر وافاخر بها كل نساء بلادي الذين يصبحون امهات لازواجهم اولا

تحياتي وسلامي اعلم انك تجيد نقل المشاعر بدرجة ممتاز
واخبر ام نون بانها انثي ولا دسته رجال
بالسلامه الذهاب والارتواء بكل ما هناك
والرجوع
هترشه:هسع السويديه الشقراءالراجيه صاحبك دي اقول ليها شنو

خارج النص: نصيحة لاتعود الينا وانت هناك فهذا حق من هناك فلاتكن مجحف ونحن لنا بالصبر والانتظار

[أبوحراز]

مثلما قلت لكم قبل أن أغادر
فقد أتيت الى دفء الوطن
وجدتها 00 الحصاحيصا 00
تكشف عن ساقيها وتغسلهما بالنهر
والأمطار تحاول بقدر ما استطاعت أن تغسل
كل خطايا المدينة
ونساء يغسلن القلوب ويلفحن البصر
وخضرة تتسلق السماء لتروي ظمأها من الكوثر
وجدت وطني بلا شمس
حتى هذه اللحظة التي أكتب لكم فيها هذه الأحرف المعطونة بالرذاذ
المرشوشة بالدعاش
فقد احترمت الشمس كل الصائمين
واختفت لثلاثة ايام وكأنها في حالة زفاف
سألني صديقي السعودي وأنا أودعهم
وقال لي بالفم المليان
يا ابا نون ستغادرنا الى وطنك الجميل
واريد منك أن تجيبني بصراحتك المعهودة
اذا وصلت الى بيتك
وكان في استقبالك نون و أم نون
أيهما تضم أولا ً ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سأترككم هنا ؟؟
وسأترك علامات الاستفهام تتشابك على رؤوسكم كغابات الملايو
حتى اتلصص عليكم مرة أخرى
كل عام وأنتم بخير

[فراس]

الغالي ابوحراز
رمضان مبارك وكل عام وانت والاسرة الكريمة بخير
حمدلله علي سلامة عودتك للوطن الجميل وفي هذه الايام المباركة
التي كنا ود ان نكون في وطننا وبين اهلنا واحبابنا ولكن هي ارادة ربنا
تحياتي للامورة نون واخوانها
دمت بكل الخير

[حاتم مرزوق]

أين أنت أيها الرائع؟

[ابوخالد]

ظمأت أرواحنا وحنت للتلاقى .............



http://farm1.static.flickr.com/126/333854963_6b37dd2669.jpg

[ابو عبد الرحمن]

أخوتي جميعاً ساعود للرد عليكم
لأنني في سفر وريثما استقر سأعزف معكم باذن الله
اجعلوا أوتاركم ساخنة جداً


ابوعبد الرحمن يا ابن الذين وصلت متين
اوعا يكون قروش البساكيت انتهن
جهز الخروف وماعندك مشكلة بدفع النص
انت ماتكلم المدام
وانا برضو
صاحبك ايمن عملها
بس نحن كلامنا في الخشم

قال عرس قال
تلفون السودان القديم اليوم سألت منه
0912412566

هجمة مرتدة
شفت زمان بنقابض كيف ونلهله بالعرس
هسي عليك أمان الله مما يطروه ليك تخت جلابيتك في خشمك
وتقوم جاري صوووووووووووووووووووف
مرتي دائماً اقول ليها الكلام ده
تقول لي
ماقلتوا نوبة يا أولاد الذين

نلهله : معناها : نكورك
وماعارف كتبتها صاح وللا لا يمكن 10 دقائق وانا بحاول أكتبها
والله الواحد خايف يوم تقيف ليهو { ها } في حلقو وتسدو ليهو ويرتاح

والله انت راجل طيب يا ابو هشام ( بساكيت قال بساكيت ) يا أخ قروش البساكيت كملت

مع الأدروبات في سواكن . والحكومة ( النصابة )

صاحبك ايمن طبعا سواها ولا يخاف عقباها ,

عقبالك وعقبالي آآآآآآآآآآمين