المساعد الشخصي الرقمي

مشاهدة النسخة كاملة : احلام طير مهاجر



اسلام فرح
20-08-2009, 07:32 AM
طبعا الفراق طول وبتجينا بعض الاحيان احلام غريبه بنترجمه ليكم عن طريق تخاريف شعريه سامحونا على المستوى.

احلام طير مهاجر 19-10 2004 م

حلمت الليله بالسودان

حلمت بلمت الاحباب

بلاقي أهلي في امدرمان

وبشوف أصحابي في الخرطوم

وازور أرض الجال والخير جزيره بتجمع النيلين

ويسرح فكري في مدني يجدد ذكرة الاجداد

بشوف عمات والاعمام واكمل يومي في مقرات

انا السودان في اعماقي في كل خليه في جسدي

حليله موطن الاحباب

حليله مجمع الاصحاب

ولو فكرت ابعد يوم عن الخاطر عن الحاضر

بكون والله انا الخسران

لانه هو دا السودان احلى حقيقه في قلبي

لامويتنا بتروينا ولا ارضا توارينا

غير نيلاً دوام ذاخر وارض الدوم تنادينا

حنرجع ليك ياوطني ونصدح بي اغانينا

حنرجع ليك ياوطني نعيد من تاني ذكرانا

زمان الغربه قد ولى بيرحل من حنايانا

ونزرع في ربوع الطاهره نخله تفرج احزانا

ونبني فيك سواقي الخير عشان ماتروي اشواقنا

ونرفع كلمه فيك تقول شوفوا الليله سودانا

ياوطناً نزف جرحك بعد مانسينا احلامنا

وكيف ترجع طفولتنا وتعود من تاني احلامنا

حنرجع تاني للسودان

تعبنى وزادة آلامنا معاك ياغربه هنتينا

رميت القسوه في قلوبنا هجرنا الاهل والاحباب

رميتينا في متاهاتك وزادة بيك اوهامنا

حليل وطناً بواسينا ومويتو الطاهره تروينا

متين نرحل نخليك ونسعد تاني بديارنا

تعود الفرحه لقلوبنا ونملى الدنيا انغامنا

حلمت الليله بالسودان

وبهدي سلامي للخرطوم

حلمت بلمت الاحباب

حلمت بخوت الاصحاب

برسل شوقي لام درمان

برسل شوقي لي مدني

بحي اي مينا وغاب

بحيي شاطىء العشاق

بحيي اهلي في شندي

وبسلم دوم على مقرات

حنرجع موطن الاحباب





اسلام قمر الدين فرح

ابوخالد
20-08-2009, 09:01 PM
حنرجع ليك ياوطني ونصدح بي اغانينا

حنرجع ليك ياوطني نعيد من تاني ذكرانا

زمان الغربه قد ولى بيرحل من حنايانا

ونزرع في ربوع الطاهره نخله تفرج احزانا

ونبني فيك سواقي الخير عشان ماتروي اشواقنا

ونرفع كلمه فيك تقول شوفوا الليله سودانا

ياوطناً نزف جرحك بعد مانسينا احلامنا

وكيف ترجع طفولتنا وتعود من تاني احلامنا

حنرجع تاني للسودان


الحلم فى شكل قصيدة ...
أحلامنا دومآ تؤرقنا أخى إسلام ...
ولكن التعبير عنها وبصدق ... يُهدئ من شكل الأرق ...
فتدفق عبر ساحاتنا دومآ ... لنتقاسم الأحلام الجميلة سويآ ...
لنرتقى ... ونلامس الواقع الرائع ....

فلك كل الشكر
ورمضان كريم

moh_alnour
21-08-2009, 08:24 AM
أخي إسلام
كان تعب منك جناح في السرعة زيد
حلم كل الطيور المهاجرة العودة إلى الوطن

اسلام فرح
21-08-2009, 09:07 AM
حنرجع ليك ياوطني ونصدح بي اغانينا

حنرجع ليك ياوطني نعيد من تاني ذكرانا

زمان الغربه قد ولى بيرحل من حنايانا

ونزرع في ربوع الطاهره نخله تفرج احزانا

ونبني فيك سواقي الخير عشان ماتروي اشواقنا

ونرفع كلمه فيك تقول شوفوا الليله سودانا

ياوطناً نزف جرحك بعد مانسينا احلامنا

وكيف ترجع طفولتنا وتعود من تاني احلامنا

حنرجع تاني للسودان


الحلم فى شكل قصيدة ...
أحلامنا دومآ تؤرقنا أخى إسلام ...
ولكن التعبير عنها وبصدق ... يُهدئ من شكل الأرق ...
فتدفق عبر ساحاتنا دومآ ... لنتقاسم الأحلام الجميلة سويآ ...
لنرتقى ... ونلامس الواقع الرائع ....

فلك كل الشكر
ورمضان كريم



اشكرك على المرور والمشاركه الرائعه التي ابهجتني

تصوم وتفطر على خير

الله أكرم

اسلام فرح
21-08-2009, 09:09 AM
أخي إسلام
كان تعب منك جناح في السرعة زيد
حلم كل الطيور المهاجرة العودة إلى الوطن


والله الجنحين والرجول تعبن وفي السرعه وصلنا آخر حدوده لكن بقول

السكه طويله طويله مكتوبه علي وبمشيها

اشكرك محمد النور على المداخله الجميله

رمضان كريم