RaMooN
23-08-2009, 11:23 AM
لمان يزور عينيك نوم . . . فى ليلة غاب فيها القمر
ضئ النجوم كان الدليل . . . لى سكة الغيم والمطر
وإسماً ظهر نجمة فى سماك . . . بتغاذل الفل والزهر
أطريه زولاً كان مهاجر . . . عمرو مادار السفر
لا مر بى شارع المطار . . . لا حن لى ركوب القطر
كان حلمو يصحى مع الصباح . . . يصلى ركعــات الفجر
ضهريتو يشرب من سبيل . . . الخيش مندى والدنيا حر
ساعة النهار ومع الهجير . . . يرتاح تحت ضل الشجـر
وحلاتو لما الليل يجن . . . مع الشلة يضحك فى سمـر
كان بيتو كل بيت فى الفريق . . . عارف صحابو نفر نفر
بالإختصار كان ولد بلد . . . عشق القرى وأهل الحضــر
لكن بعد مرت سنين . . . لملم متاعو على السفـر
قال الظروف صعبت عليهو . . . والله ياناس قال فتر
عايز يسافر لى الخليج . . . كان لى الكويت أو لى قطر
ويمكن مسافر لى بلاد . . . ماجاتها قبلو قدم بشر
يوم الوداع كان أقسى يوم . . . كانو جايبين ليهو خبـر
أهل البلد بيودعوه . . . وخبر الرحيل سرعة إنتشــر
والسمحة نوارة الفريق . . . الحلوة أم وجهاً قمــر
بتودعو ورافعة اليدين . . . دمع العيون الإنهمــر
وبعد وداع أهل البلد . . . غادر بعد ماسنين صبر
وطوى السنين الحلوة ديك . . . قال ذادو جواب أو صور
عارف معاناة الفراق . . . سكك السفر أصعب وأمــر
سطر بداية رحلتــو . . . وسلم أياديهـو للقــدر
ضئ النجوم كان الدليل . . . لى سكة الغيم والمطر
وإسماً ظهر نجمة فى سماك . . . بتغاذل الفل والزهر
أطريه زولاً كان مهاجر . . . عمرو مادار السفر
لا مر بى شارع المطار . . . لا حن لى ركوب القطر
كان حلمو يصحى مع الصباح . . . يصلى ركعــات الفجر
ضهريتو يشرب من سبيل . . . الخيش مندى والدنيا حر
ساعة النهار ومع الهجير . . . يرتاح تحت ضل الشجـر
وحلاتو لما الليل يجن . . . مع الشلة يضحك فى سمـر
كان بيتو كل بيت فى الفريق . . . عارف صحابو نفر نفر
بالإختصار كان ولد بلد . . . عشق القرى وأهل الحضــر
لكن بعد مرت سنين . . . لملم متاعو على السفـر
قال الظروف صعبت عليهو . . . والله ياناس قال فتر
عايز يسافر لى الخليج . . . كان لى الكويت أو لى قطر
ويمكن مسافر لى بلاد . . . ماجاتها قبلو قدم بشر
يوم الوداع كان أقسى يوم . . . كانو جايبين ليهو خبـر
أهل البلد بيودعوه . . . وخبر الرحيل سرعة إنتشــر
والسمحة نوارة الفريق . . . الحلوة أم وجهاً قمــر
بتودعو ورافعة اليدين . . . دمع العيون الإنهمــر
وبعد وداع أهل البلد . . . غادر بعد ماسنين صبر
وطوى السنين الحلوة ديك . . . قال ذادو جواب أو صور
عارف معاناة الفراق . . . سكك السفر أصعب وأمــر
سطر بداية رحلتــو . . . وسلم أياديهـو للقــدر