المساعد الشخصي الرقمي

مشاهدة النسخة كاملة : دوباى وجر النم..


أشرف صلاح السعيد
26-08-2009, 10:22 AM
أبدأ النافذة لجدعات بينى وبين اخى ابوصوبان..
وأسعد أن يجادع الجميع ويشارك..


ابوصوبان بيقول لودمدنى (العبد الضعيف)
ود ابوى السنى الليلة جيتك ناشق
للدوباى وجر النم حنينى ديمة مسابق
تعال نطرا الحبان وفوق الفريق نسابق
ونكمل فهمنا ونطرا الحبان وسمح العلائق

ثم يردف ابوصوبان:

ود مدنى اخوى الغربة الله يقطع صارا
خلت القريب والبعيد من العيون يضارا
اطرى كشك سيد الفول كيف موقد نارا
قبة ابوك السنى الديمة كيف واضح بيانا

يرد ودمدنى يقول:

الغربة الكريها غرغرينتن مابتبرا
ياربى السلاما تتولانا بالسترا
آه يالحبيب ليه تورتا عليا الذكرا
ماتخلينى الم رحال وماارجا لبكرا
لقبة السنى الفقير اب رايتا سرا
وسعيدابى الجليل اب قيفتا خضرا
مشتااق لكشك سيد علوم القدرا
ومقتولك يا مدنى ام المواقف الحرا
أشرف صلاح السعيد
26-08-2009, 10:23 AM
ابوصوبان يقول:

الخبر الاكيد الليلة فى مدنى سامع خبرو
كيف ننسى السعيد للبعيد واصل خبرو
اطرى الحضرى وشيخ العرب فى عنبرو
كان متنا يمين يا مدنى جنانا بحفظ اترو

ودمدنى يرد:

الشوق مرسال لمدنى وكل احبابا
من النشيشيبا العلم لام بارونا الغابا
لارض المحنة الاصيلا المافيها الحرابا
يطوف قراها سلام ويقبل كمان لترابا
أشرف صلاح السعيد
26-08-2009, 10:26 AM
ابوصوبان يقول:

كيف ننسى مكوار الديمة وازن راسو
وكيف ننسى البلد الفيها سمحة ونساتو
واغشى اولاد مليجى وودالنو واسمع الحانو
طريت مدنى وقلبى سكت تب من ضربانو
ودمدنى يرد:

الراس التقيل مابدورلو التوزنو
والعمارى الاصيل ماهو البلزمو
تدنكل عديل اسدا مابهزمو
يسمعك لحن الكل بيو يهزو
أشرف صلاح السعيد
26-08-2009, 10:28 AM
ابوصوبان لودمدنى:

راجياك الشورى من سالف جدودك
للراى والفهم السديد ديمة يعتزوبك
ابقى راكز فىالغربة خليهم يتشبهوبك
وابقى سيد الحوش الكبير يجو يحتموبك

ودمدنى لابوصوبان:

الشورى شرف طبع الرجال الكيك
والراى والفهم ما متسوداتن فيك
بركز أنا وإن كترت همومى بجيك
ما ياكا الأخو المن زمااان راجيك
أشرف صلاح السعيد
26-08-2009, 10:30 AM
ابوصوبان يقول:

يا ود بحر ازرق الديمة نابض عرقو
ترانى وراك ذى المتلى حاشا ما بلجو
عارف الحارة لمن تقع والمقدر بحرسو
راكز ليها و فى البيوت ما بحكو حكوتو
ودمدنى يرد عليو:

عارفك هميم وفى قولك واضح الدليل
شربت الاصالة من اب صوبان الجليل
ورويت الرجالة من فوارس ما هابو ليل
بتركز تمام وحاشاهو ركزك مافيهو ميل
أشرف صلاح السعيد
26-08-2009, 10:31 AM
ابوصوبان قال:

ابو صوبان ابوى ديك بنيتو فى اب حراز سراجا
وداك ود نيل البحور فى طيبة ازرقا رافعة راسا
للعلم ود السنى قال للدنيا مع دربك ما بنتلاقا
ان ما ركزناوفنحنا ديواننا يبقى العمر ما فيه حاجا
ودمدنى قال:

ديلك جدود اتسيدو واتحصنو بالعلم والعبادا
كانو المقاصد للبدور الفهم وماسكا القيادا
عرفوهم بيارق سيول العطا الدايم ميعادا
يا هم ابواتنا منارات التقى و كانو الريادا
أشرف صلاح السعيد
26-08-2009, 10:33 AM
ابوصوبان يقول:

ما بدور الفخر لكن نفسى للحبان دوام مشتاقا
طريت ابواتى العندهم بتحقن الدم وما فيه ذيادا
ومقضى الهم عندهم قبل ماسيدو يقول يايابا
وقت مطرم بكب بسقى الشبعان وسيد الحاجا

ويرد ودمدنى:


ابواتنا ماتفاخرو بالتيبان كانو الغطا للعريان
ومابنقول الا الشهدبو غريبن مارى بالعربان
ومفسدة الفخر لمان يكون بانينو بالتيجان
ابواتنا طوباتم كانت يقين وبلوحن بيو قرآن
أشرف صلاح السعيد
26-08-2009, 10:35 AM
ودمدنى يقول:

ولاد عازة وقفو اسودن صفوف
زغردن نساوينم وحيين بالدفوف
وودالمهدى جاب شمسن بالسيوف
خلا الخواجة محتارن يخبت فى الكفوف

ابو صوبان يرد:
نحن الترك والنصارى عرفونا وقت النزال انحرا
ونحن صغيرنا بصدر الحارة لوعاش فى العمر مرا
ماسكين فيك يا بلد بايدنا ومافى وشيشا بنصرا
والبدور الموت حرم بشوفنا صقوربتهجم فرد مرا
محمد سلاح حسن
26-08-2009, 10:37 AM
هلا بيك ولك الشكر
وبى مناسبة العمارى محتاج لى تكلة سفة من بوش اسم ولد عملاقا
هههههههههههههههههههههههههههههههههههههههههههههههههه ه
أشرف صلاح السعيد
26-08-2009, 10:39 AM
ودمدنى يقول:

نحن ولادات عازة الماهبنا بارودن للخواجا
سرجن العوادى المغيرات ماعرفنا اللجاجا
بعشرن سيوف طارن رؤوس زى مافى حاجا
الا البلد كيفن يتهبش ولو حتى ريشة لفد جدادا

ابوصوبان يرد:

نحنا فوق ضهر البشارى بنشق دروب المحنة
و ذى جلد العشارى من الصبر صبح جلدنا
ولضيفنا نقطع من جلدنا لمن يقول شبعنا
بنقيف للحارة وما فينا البجر ويقول متنا

ودمدنى يرد:

نحن السيوف البتقطع اصول كل الرزيلة
ستارين للعروض اكان شينا ولا جميلة
مابنفوت المعيوفا وحتى ان شدت حيلا
فطمانين زُت شهامة بكل ربوع وقبيلة

ابوصوبان يرد:

سودانية تامة صفوفنا ما فى غريب بيناتنا بنزرق
حار قلوبنا لمن يطير شرارا ما بنخلى بلدنا ينحرق
اولاد بلد بنصون الامانة وضميرنا ما بضوق السرق
نحنا بين ا لناس فى السماء مرق وفى الوطا عرق
أشرف صلاح السعيد
26-08-2009, 10:46 AM
ابوصوبان يقول:

اكان للادب والكرم شوفو عند صغيرنا قبل يقول يايما
كان للشرف والصون شوف عفة بتنا لمن تلبس توبا
اكان للصبر شوفى امنا كيف سمح عندالضيق كلاما
وداك ابوى ياكل حلال وعمرو ما بعرف دروب الضلالا
ودمدنى يرد:

الادب والكرم بيرضعوها وليدنا قبل الفطاما
وعفة بناتنا بيشوفو الضرير ما واضح علاما
وامات الرجال بذر خير بغرسن فى الكراما
وابواتنا ما ببرو درب الحلال ماهو السلاما
أشرف صلاح السعيد
26-08-2009, 10:48 AM
ابوصوبان يقول:

تعال اسمع نمى للبلد الديمة روحى ليها لواعة
وانا البعشق ترابا من تبيت لمن تقوم الساعة
للنيل القديم بطرا وناستو وشمسو اللماعة
يا ربى ديم خيرو نرفع ايدينا ليك بكل ضراعة
ودمدنى يرد:

البلد مو بلد الخير و ناسو همة شجاعة
وترابو العتيق حسن المكارم فيهو زراعة
النيل ماهو الخليل خيراتو لينا مشاعة
ادعوك يا كريم مصرانن ما تصيبو مجاعة
أشرف صلاح السعيد
26-08-2009, 10:51 AM
ودمدنى يقول:
فى تهنئة لمتفوقى أبناء المغتربين بالشهادة السودانية..

جانى الخبر زى الدعاش لارضن من زمان ما مروية
اولاد مغتربينا الاوائل وقربو يقفلو بالشهادة المية
ديل ما وليدات الرجال السعو للرزق الحلال سعية
كيفن مابينجحو ويخرسو لسان مدعيين ناس الازية
عدلو المفاهيم العوجة وتسعيناتم ادوها لينا هدية
شباب زى ورود الجناين شوفتم والله تفتح الشهية
اسمع كلامن شوف اللباقة والحصافةوافكارم السوية
تسلم بطون امهاتكم وجيبا ويخدر دراع ابواتكم قوية
شوفتكم ماشوفت عيد منى ليكم مليون سلام تحية
ابوصوبان يرد:

ديل اولادنا الفى الغربة ضوا بالفهم والادب سراجا
ديل ترب رجالا ورثوا العلم من زمن سنار سوى رواقا
قادر الله لمن نسمع فى الاوائل جنياتنا كانوا اسيادا
ربى يحفظم من عين حسود وضعيف نفس وعبادا
أشرف صلاح السعيد
26-08-2009, 10:53 AM
ودمدنى يقول لاولاد الشهادة من الداخل:

والتحية كمان لاولاد رجالن جوا اسوار البلاد
كانو البرنجى وبكرة ببقو القادة ان جا الميعاد
يحرسم ربى من كل شر ومن عيون العباد
ويبقو لعازة الدخر سندا ولدرب العزة مُهاد
أشرف صلاح السعيد
26-08-2009, 10:55 AM
ودمدنى يقول:

بت بلادنا الحرة بنحميها بالزندية
هى عفاف وطهر حاشا تبقى مطية
فطاما خلق وادب رب العباد يحميا
نجلبلها نجوم بسما وبرضو مابنوفيا
أشرف صلاح السعيد
26-08-2009, 10:57 AM
ودمدنى يقول فى ناس اهل العوض:

اهل العوض ناسى منو المتلم زول
بعرفو الفضائل عملن مابراهو القول
ستارين للعروض صدورم بترد الهول
يا ناس الضحك الزمو عفراؤكم مول
اتمسخرو جد على نفوسكم حول
على المحزق لبس الخايب الدلدول
و دلعن مسخ ومشين كمان مقدول
و الشايب المجهولة ونضافة الديتول
أشرف صلاح السعيد
26-08-2009, 10:59 AM
ودمدنى يرد على اخو بيقول ليو زيد القول:

قولى حزين بيحرق حشا البلبلد موجوع
كيفن يعود لعازة و كيفن يسرعلو رجوع
خناجر بضهر البلد مافى البغطيها دروع
الفتنة من واحدة بقت سرطانا بكل ربوع
أشرف صلاح السعيد
26-08-2009, 11:10 AM
ودمدنى غلبو اليسوى بقى يستنجد برجال زمان وقال:

ابوى المهدى تعال بسراع شوف البلد مخروب
خسارة المهيرة الجرت حفيانة توصل المكتوب
وليدات عازة اتشيعو اتحاربو ولبسو الفين توب
روح عازة بتطلع وقاعدين يرسمو للحد بالجنوب
وناس دينار نسو كسوة الكعبة بيكوسو حروب
وينك ياعلى الدينار توريهم كيف ملكت قلوب
وين كنوز الفور وكيف بالمدينة بيرك المضروب
وقفك فى الحجاز معروف حاشاهو مامعيوب
آه ياعلى لوترجع تشوف دارك البقى منكوب
درديري كباشي
26-08-2009, 12:25 PM
يا ود صلاح الدين جيتنا بالطرب الاصيل
طريتنا جبنة الضحى والقعدة والمقيل
كان حالنا انعدل لو كان جيتنا من قبيل
أشرف صلاح السعيد
26-08-2009, 12:43 PM
يا ود صلاح الدين جيتنا بالطرب الاصيل
طريتنا جبنة الضحى والقعدة والمقيل
كان حالنا انعدل لو كان جيتنا من قبيل


ودكباشى اخوى سمحا بنضيمك قول
الجية متأخرة بس عقب مابفوتك زول
نتدابر علام و فهم فيهو الفكر معقول
يمكن يجيب الأُكل تكبر معاهو عقول
درديري كباشي
26-08-2009, 01:23 PM
ودكباشى اخوى سمحا بنضيمك قول
الجية متأخرة بس عقب مابفوتك زول
نتدابر علام و فهم فيهو الفكر معقول
يمكن يجيب الأُكل تكبر معاهو عقول


بشراك يا ود مدني بود صلاح الدين الجاك
شاعرا اصيل ومؤصل ولدا من اولاد رضاك
أشرف صلاح السعيد
26-08-2009, 02:46 PM
بشراك يا ود مدني بود صلاح الدين الجاك
شاعرا اصيل ومؤصل ولدا من اولاد رضاك

الراجل المؤصل دايم الشكر لأخو
و الفارس الاسد من دربو بيعرفو
بشراى انا بسمحن وصيفن قلتو
و لمدنى بقليل إن عمرى كملتو
درديري كباشي
26-08-2009, 09:16 PM
الراجل المؤصل دايم الشكر لأخو
و الفارس الاسد من دربو بيعرفو
بشراى انا بسمحن وصيفن قلتو
و لمدنى بقليل إن عمرى كملتو


يا ود صلاح الدين مدني عزيزة بناسا
الكرم والجود مدون في صفحات كراسا
مكان ما مشيت اكرام الضيف عادة نبراسا
والعلم الفي راسه نار ما بدورلو كواسا
أشرف صلاح السعيد
26-08-2009, 09:57 PM
يا ود صلاح الدين مدني عزيزة بناسا
الكرم والجود مدون في صفحات كراسا
مكان ما مشيت اكرام الضيف عادة نبراسا
والعلم الفي راسه نار ما بدورلو كواسا


ود كباشى اخوى :

العزة مخلوطة بتراب ست المداين
والفسالة و الخسة بدروبا مابتعاين
التور بينجخ ويتضيف بولعة الرتاين
عصيدتن تتلخ ويحلوبا بعلمنا الكاين
abomazeen
26-08-2009, 10:37 PM
مرحب بأخوي أشرف سمح القول و الكلام
و مشكــوووور علي النــم والدوبـيــت
أتمنى أن تواصل على هذا النمط
abomazeen
26-08-2009, 10:50 PM
لافتة كبيرة :

مرحب ببـكم أدبائنا جميعاً حقيين النم والمسادير
و نمني أنفسنا إذن بتدفق جمالي مرتجى منكم
أشرف صلاح السعيد
27-08-2009, 03:41 AM
مرحب بأخوي أشرف سمح القول و الكلام
و مشكــوووور علي النــم والدوبـيــت
أتمنى أن تواصل على هذا النمط


مرحب أخوى أبو مازن وسمح البشوف السمح..
شرفنى مرورك الكريم ورمضان كريم عليك وعلى اسرتك والجميع..
أشرف صلاح السعيد
27-08-2009, 04:23 AM
قال ليك ودمدنى بس قال الناس مامحتاجة تقييم وماعدل التقييم بعدد المشاركات وانما بمحتوى المشاركات..دعوة للكيّف لا الكم..قام أخوك هيثم أدروب دور ليك لبع فيو ومعاو الفخييم بس الفخييم علا كترا شوية..

ودمدنى بيقول للفخيييم:

ماانا البرد بكلامن فيهو الكلم مقبوح
ماانا لاولاد دارى اوسم فى الجروح
كلامك يالفخييم علقم مخالط الروح
مهما اختلفنا النختلف بأدب مشروح

وعشان زولك الفخييم مايفتكر ود مدنى دا زول كلامن ساى قالو:

إحنا ولاد مدنى ما بقدر علينا الضيم
وصغار الامور نلفاها بكبرن فى الفهيم
الرجالة مامنابزة ولا استقوى للكليم
الرجالة صدر وسيع شال الجميع إكليم
درديري كباشي
27-08-2009, 01:19 PM
يا ابو صلاح جيتك تاني :

في النشيشيبة ام خضار قضينا احلى ايامنا
ومن جناين عتره وخيرها رمينا حتى عضامنا
وفي ضفاف النيل ود مدني نظمنا ارقى كلامنا
الملكة اسماء ( ام محمد )
27-08-2009, 04:37 PM
ابوصوبان يقول:

تعال اسمع نمى للبلد الديمة روحى ليها لواعة
وانا البعشق ترابا من تبيت لمن تقوم الساعة
للنيل القديم بطرا وناستو وشمسو اللماعة
يا ربى ديم خيرو نرفع ايدينا ليك بكل ضراعة
ودمدنى يرد:

البلد مو بلد الخير و ناسو همة شجاعة
وترابو العتيق حسن المكارم فيهو زراعة
النيل ماهو الخليل خيراتو لينا مشاعة
ادعوك يا كريم مصرانن ما تصيبو مجاعة


هنا تغلغل الاحساس بالوطن حتى شكل لوحة مبدعة في العقول
وكانت الكلمات منسابة بعذوبة نهرنا الفياض عطا ووفاء لارض تشتاق قطرات عرق جباه ابنائها الذين شربوا من نبعه الدفاق


صمتا الوذ به امام الحرف حين ياسرني واجد نفسي باهتة الكلمات امام انعكاس حرف يحبس الانفاس


كان هذا مروري الثاني على هذه الروائع
وهذه المرة الاولى التي اقرر فيها الخروج من صمتي المضجر , فحرفك مستفذ ويجيد اخراج الجميع عن صمتهم , لذلك اسمح لي بالعودة كلما احسست بانك
جلاد يلهب مسامعنا بسياط روعة كلماته ويدندن سحر انغامه على اوتار الحنين, فنعترف بروعة ماوراء الحرف وبراعة كاتبه
دمت بكل الخير
الملكة اسماء ( ام محمد )
27-08-2009, 04:40 PM
قال ليك ودمدنى بس قال الناس مامحتاجة تقييم وماعدل التقييم بعدد المشاركات وانما بمحتوى المشاركات..دعوة للكيّف لا الكم..قام أخوك هيثم أدروب دور ليك لبع فيو ومعاو الفخييم بس الفخييم علا كترا شوية..

ودمدنى بيقول للفخيييم:

ماانا البرد بكلامن فيهو الكلم مقبوح
ماانا لاولاد دارى اوسم فى الجروح
كلامك يالفخييم علقم مخالط الروح
مهما اختلفنا النختلف بأدب مشروح

وعشان زولك الفخييم مايفتكر ود مدنى دا زول كلامن ساى قالو:

إحنا ولاد مدنى ما بقدر علينا الضيم
وصغار الامور نلفاها بكبرن فى الفهيم
الرجالة مامنابزة ولا استقوى للكليم
الرجالة صدر وسيع شال الجميع إكليم


:p:D:D:D:D:D:p
يعني نعمل حسابنا ومانشاكلك في اي بوست والا شنو ؟
أشرف صلاح السعيد
27-08-2009, 04:51 PM
يا ابو صلاح جيتك تاني :

في النشيشيبة ام خضار قضينا احلى ايامنا
ومن جناين عتره وخيرها رمينا حتى عضامنا
وفي ضفاف النيل ود مدني نظمنا ارقى كلامنا

ودكباشى اخوى:

النشيشيبة من قديم ماضيها ما كانت بور
أكانت حصيدتن بالخطار من شطة للعجور
وبقت الليلة حصيدتن ومنارة للعلم والنور
تتكنكش قلوب بحبها لايفكو حجبان لا كجور
أشرف صلاح السعيد
27-08-2009, 04:55 PM
هنا تغلغل الاحساس بالوطن حتى شكل لوحة مبدعة في العقول
وكانت الكلمات منسابة بعذوبة نهرنا الفياض عطا ووفاء لارض تشتاق قطرات عرق جباه ابنائها الذين شربوا من نبعه الدفاق


صمتا الوذ به امام الحرف حين ياسرني واجد نفسي باهتة الكلمات امام انعكاس حرف يحبس الانفاس


كان هذا مروري الثاني على هذه الروائع
وهذه المرة الاولى التي اقرر فيها الخروج من صمتي المضجر , فحرفك مستفذ ويجيد اخراج الجميع عن صمتهم , لذلك اسمح لي بالعودة كلما احسست بانك
جلاد يلهب مسامعنا بسياط روعة كلماته ويدندن سحر انغامه على اوتار الحنين, فنعترف بروعة ماوراء الحرف وبراعة كاتبه
..

دمت بكل الخير

الاخت ملكة القلوب عوافى..
لكلماتك سحر إطرائى يستحث كل غروراتى للظهور والجهور لا خجلة..
وتخرس لماضة الكتاب جازعة الخروج..
لك كل التحايا وتصمت الكلمات..
حلى متى شئتى وكيفما شئتى فنحن الضيوف لسوامق كلمك المترف بالأناقة..
أشرف صلاح السعيد
27-08-2009, 04:58 PM
:p:d:d:d:d:d:p
يعني نعمل حسابنا ومانشاكلك في اي بوست والا شنو ؟


شاكلى الفكرة كما شئتى..وستخرج كلماتى لا متشفية لا منتقمة..
بل محمولة بكل حمامات السلام مناصحة..
بدر الدين احمد الطائف
27-08-2009, 10:36 PM
الاخ المبدع اشرف ودجدنا ودمدنى السنى
رمضان كريم ولك الف تحيه
اتحفتنا والله بهذه الكلمات الجملية المنمقه من الدوبيت والنم .
يستهوينى هذا النوع من الادب والاشعار البدويه الاصيلة.
فلك الشكر وفى انتظار المزيد
وتحية لك اخى درديرى وكل يوم نكتشف فيك الجديد الجميل .
أشرف صلاح السعيد
28-08-2009, 10:21 AM
الاخ المبدع اشرف ودجدنا ودمدنى السنى
رمضان كريم ولك الف تحيه
اتحفتنا والله بهذه الكلمات الجملية المنمقه من الدوبيت والنم .
يستهوينى هذا النوع من الادب والاشعار البدويه الاصيلة.
فلك الشكر وفى انتظار المزيد
وتحية لك اخى درديرى وكل يوم نكتشف فيك الجديد الجميل .

اخى بدرالدين مليون مراحب بيك ورمضان كريم عليك..
لست بإبن بادية ولكنى أعشق سحر كلمها ولحنه..
هى محاولات سرنى لقاء قبولك لها..
أشكر لك عبورك الآثر الكريم ياودمدنى الاصيل..
أشرف صلاح السعيد
28-08-2009, 12:14 PM
ودمدنى جاتو دعوة كريمة من اخوة كرام للافطار الجماعى بجمعية ودمدنى الخيرية 28/8/2009 ..صاحبكم مشى ماعشان الفطور ولكن ليرى من القائمين على هذه الجمعية وماهى اجندتها..اندهش واقشعر بدنه لروعة ماشاهد وحضر..ثم وجد من بين الوجوه النضرة وجه "عم عمر" ذلك الاعلامى الرائع بدنيا الاطفال وقد كان هو رئيس الجمعية..لله درك استاذنا عمر ولصحبك الاجلاء..

ود مدنى قال:

صدق النوايا يامدنى دفنتيو بالقلوب
واولادك وليدات رضا والكل بيك مجدوب
سبحن عطى واحسان ماهو باللالوب
حرم اكانى مامنك ابدل عشانك توب
************************


تسلم بطونن الجابت رجالا كيك
تربان محنة يا مدنى روحم ليك
لآلئ بجيدك عطاهم ما بيوفيك
أسود الخلا بيحمو العرين الفيك
محمد الجزولى
29-08-2009, 02:46 AM
يا ود صلاح سمح النضم فى حضرة جلاله نذوب
ست المدن ...تاج الملوك .. سرجت لى جماله دروب
شوف عينى الدمعه من عينيها سال ينبوع ..
فرحانه تغزل للمحنه قلوب
ست الاسم -- مدنى الجمال ...بالعفه لابسه الثوب
أشرف صلاح السعيد
29-08-2009, 06:15 AM
يا ود صلاح سمح النضم فى حضرة جلاله نذوب
ست المدن ...تاج الملوك .. سرجت لى جماله دروب
شوف عينى الدمعه من عينيها سال ينبوع ..
فرحانه تغزل للمحنه قلوب
ست الاسم -- مدنى الجمال ...بالعفه لابسه الثوب

ودالجزولى اخوى :

امحمد اخوى قالو كتير النضم معيوب
ان مازانو الفهم والعلم أكانلو التوب
او ماكان فى مدنى الآسرة فينا قلوب
ست المدائن جت البفوتا بصرخ ووب
************************
ود مدنى الجمال والدرة للاوطان
درارة فوارس كك ولّادة للنجبان
فيها البنية دهب بطبعن مابخمجان
و دمدنى أم الكل و الكل بيها أمان
الفخيييم
29-08-2009, 08:12 AM
ودالجزولى اخوى :

امحمد اخوى قالو كتير النضم معيوب
ان مازانو الفهم والعلم أكانلو التوب
او ماكان فى مدنى الآسرة فينا قلوب
ست المدائن جت البفوتا بصرخ ووب
************************
ود مدنى الجمال والدرة للاوطان
درارة فوارس كك ولّادة للنجبان
فيها البنية دهب بطبعن مابخمجان
و دمدنى أم الكل و الكل بيها أمان


ودمدني ياأم المدائن مسكوبة في جواي وآية00
مدني أسمك شايلو في قلبي المسهد00راسمه في جواي معبد00والله يشهد00
ابداااااااااااع يا ودالسعيد مافي كلام لك التحية 00
تقبل مروري00
أشرف صلاح السعيد
29-08-2009, 10:10 AM
ودمدني ياأم المدائن مسكوبة في جواي وآية00
مدني أسمك شايلو في قلبي المسهد00راسمه في جواي معبد00والله يشهد00
ابداااااااااااع يا ودالسعيد مافي كلام لك التحية 00
تقبل مروري00

اخوى الفخييم..

ما جيتك بهنا زى جية هلال للعيد
ياالزول الفخييم بيك جد انا سعيد
ولد مدنى الكلس و الله انتا فريد
وللاخوة انتا قلادة بتزين بيها الجيد
حبيبنا الفخييم هذا جمال ابناء مدنى سمح النفوس جواهم ووقت الحوبة بتلقاهم..
مرحى بك دوما..
أشرف صلاح السعيد
29-08-2009, 11:56 AM
اخى المبارك ود إبراهيم أشار بسكن العشق فينى لست المدائن فرددت عليه:

كيف مااتسكن والروح فيها جنود
تتوالف محنة بين خلايق المعبود
وودمدنى الرحم ولدت دررالعقود
و بيها اتدفن قلبى العاشق المريود

ثم جدع المبارك ود ابراهيم وقال :

ود الســـــــعيد البي زين الخصال محمود
ما بفرط في الدين وما بتعدي ليهو حدود
ود مدني العـــــــــريقة رصيدو منها جدود
كتـــــــــبوا التاريخ وأصبح بالعيان مشهود.
ثم رد عليو ودمدنى:

ود إبراهيم كلامك على الجبين معقود
سمح الكلام القلتو حرم عليك مردود
الضامر جوادو ما لأخوانو الديما بيزود
فروستك حتما موّرثة فيك من عهود
المبارك ود إبراهيم
29-08-2009, 12:29 PM
مدني العريــــــقة يا العلمتي كل الناس
مدني السني لي سودانا باقيه أساس
ساعة الحـارة أهلك فوق الخيول فُراس
ما بنتـــــــــــــظروا لمن إدقوا ليها نحاس.


ود إبراهيم جاك من حلة عمر ضارب الروراي
عاصـــــمة الجزيـــــــــــــرة فوقك كتبتوا غُناي
أصيـــــلة وجـــــميلة وتســـــــتاهلي الدوباي
ما عشـــــــقتك براي كتير العشقوكي معاي.
أشرف صلاح السعيد
29-08-2009, 01:17 PM
ودإبراهيم قال:

مدني العريــــــقة يا العلمتي كل الناس
مدني السني لي سودانا باقيه أساس
ساعة الحـارة أهلك فوق الخيول فُراس
ما بنتـــــــــــــظروا لمن إدقوا ليها نحاس.



ودمدنى قال:

ود مدنى يا المسيد الضاوى و الجامعة و النبراس
دروبك ظلال ساحاتك جمال وولادك ماليك حراس
تقية أبية زى ابونا الشيخ وفيكى العزة ترفع راس
وكليمة شينة ممن كان عليو مردودة معاها مداس

ودإبراهيم قال:

ود إبراهيم جاك من حلة عمر ضارب الروراي
عاصـــــمة الجزيـــــــــــــرة فوقك كتبتوا غُناي
أصيـــــلة وجـــــميلة وتســـــــتاهلي الدوباي
ما عشـــــــقتك براي كتير العشقوكي معاي.



ودمدنى قال:

ود إبراهيم حباب واردك و سمح قولك تعال بجاى
جر لنمك أشدى القول و خلى الناس تطرب ساى
صدقت القول كم مقتول لود مدنى ماهواك هواى
ودمدنى بدوبيك ما نضمت نادت ليك تعال ياضناى


يامدنى ليك اولاد وليك بنات مقتولين هواك
المبارك ود إبراهيم
29-08-2009, 10:21 PM
يامدنى ليك اولاد وليك بنات مقتولين هواك


جــــــــــــــينا نصبح عليك يا مدينة النور

دعواتنا لي كل زول فيك يكون مسرور

جـــــــدي الريل الفـــــاق بنــــــات الحور

خلانــــــــــي صايم لا فـــطور لا ســــحور.
المبارك ود إبراهيم
29-08-2009, 10:39 PM
ود الســـــعيد أســـــــــــــــــــــــعد الإله أيامك
في ســــــــــــت المدن عاجبني والله كلامك
في الشهر الفضيل إن شاء الله يعلو مقامك
عـــــــجبني ردك يالنــــضيف هندامك.
المبارك ود إبراهيم
29-08-2009, 11:26 PM
المبارك ود إبراهيم يرحب بعضو جديد إسمه ( العاشق الولهان) بالمنتدي العام قال ليهو.

مرحـــــــــــب حبــــــــــاب العاشق الولهان
أنا مـــــــدني اللي الشمــــــــــــوخ عنوان
مرحـــــــــب حبابـــك أدخـــــــــــــل الديوان
إن ما شالك الكتف فوق رأسنا ليك مكان.
أشرف صلاح السعيد
30-08-2009, 05:40 AM
ودإبراهيم حباب الفارس الحداس
النزل الدارة و خلب ألباب الناس
يسعدك ربى مابيوم تحتاس
وتعلو دايما تكون الراس
المبارك ود إبراهيم
30-08-2009, 08:01 AM
ودإبراهيم حباب الفارس الحداس
النزل الدارة و خلب ألباب الناس
يسعدك ربى مابيوم تحتاس
وتعلو دايما تكون الراس

ود إبراهيم بيشكر ود السعيد علي كلامو الظريف

ود السـعيد قالوا المطر فوق حي الزمالك صبه
وشــــــكرا لي حديسك الزادني فيــــــــك محبه
قائد الفـــــــــوارس يوم الخيــــــــــــــــول منكربه
عـــــــصار لي خــــــــــصيمو ما خلي ليهو الحبه
أشرف صلاح السعيد
30-08-2009, 08:18 AM
ود إبراهيم بيشكر ود السعيد علي كلامو الظريف

ود السـعيد قالوا المطر فوق حي الزمالك صبه
وشــــــكرا لي حديسك الزادني فيــــــــك محبه
قائد الفـــــــــوارس يوم الخيــــــــــــــــول منكربه
عـــــــصار لي خــــــــــصيمو ما خلي ليهو الحبه

ودمدنى ماهمو ناس الزمالك ولكن بيوت الطين ..

ناس الزمالك واكبو حداثة البنا والصبة
ومطر السما ان شاالله مابسوى الحبة
قلبى مفجوع على ناس الطرف والقبة
ياحنان يامنان تخفف بلى وتزيل للكربة
**************************
ودإبراهيم نضمك عمران بالخير
بيعكس سماحة بالنفس والسير
خلانى احلق اسابق فى الطير
فارسن انتا بزند مابدورلو شكير
المبارك ود إبراهيم
30-08-2009, 10:02 PM
ودمدنى ماهمو ناس الزمالك ولكن بيوت الطين ..

ناس الزمالك واكبو حداثة البنا والصبة
ومطر السما ان شاالله مابسوى الحبة
قلبى مفجوع على ناس الطرف والقبة
ياحنان يامنان تخفف بلى وتزيل للكربة
**************************
ودإبراهيم نضمك عمران بالخير
بيعكس سماحة بالنفس والسير
خلانى احلق اسابق فى الطير
فارسن انتا بزند مابدورلو شكير


الله يحـــــــــفظ ناس الطرف والقبة
في رب العبـاد يزدادوا حب ومحبة
جزيرتنا الخضرة يوم الخلوق منكبة
تبقي الكــــــوثر ومنو نشرب شربة.


ود الســـــــــــــعيد الخير عنوان لي ديرتك
زولا فــــــــــــحل سمح النضم في سيرتك
ود إبراهيم أخوك توأم معاك في مسيرتك
فارسا في الــــــــلطام لي البدور تعكيرتك.
أشرف صلاح السعيد
31-08-2009, 10:04 AM
الله يحـــــــــفظ ناس الطرف والقبة
في رب العبـاد يزدادوا حب ومحبة
جزيرتنا الخضرة يوم الخلوق منكبة
تبقي الكــــــوثر ومنو نشرب شربة.

آمين يارب العباد ماتصيبوم لينا نكبة
و توالف القلوب بيقين مابي المغبة
والجزيرة تعم خيراتا شتلاتا والسربة
تبقى تكية البلاد وتبقى راس الحربة

ود الســـــــــــــعيد الخير عنوان لي ديرتك
زولا فــــــــــــحل سمح النضم في سيرتك
ود إبراهيم أخوك توأم معاك في مسيرتك
فارسا في الــــــــلطام لي البدور تعكيرتك.

ودإبراهيم اخو الخير مسروج فى مطيتك
متوسد حسن القول ظاهر عيان بسجتك
ببراك فى الرجالة متيقن قليبى بسندتك
كفو ياستار العروض أمنان ضهر فى معتك


ودإبراهيم هلا بالفارس الكلام
دراج الإحن لمان يخليها سلام
دوبينا فى الإبل الآية الليها سنام
حكيك ماجد سمح بيكيف الافهام
المبارك ود إبراهيم
31-08-2009, 11:34 AM
ودإبراهيم هلا بالفارس الكلام
دراج الإحن لمان يخليها سلام
دوبينا فى الإبل الآية الليها سنام
حكيك ماجد سمح بيكيف الافهام


قوماك يا الوغل اليوم جفاني النوم
حلفت المبـــــــيت الليلة عند كلتوم
الشليخ نقرابي ورقـــــصة المردوم
صديرو طامــــح زي الأوز في العوم.
أشرف صلاح السعيد
31-08-2009, 02:25 PM
قوماك يا الوغل اليوم جفاني النوم
حلفت المبـــــــيت الليلة عند كلتوم
الشليخ نقرابي ورقـــــصة المردوم
صديرو طامــــح زي الأوز في العوم.


اخى مبارك عوافى..
ياريت تفسر بعض الكلمات حتى يتم تذوق المعنى والتصوير..
الوغل: باعتقد اسم الناقة او الجمل الممتطى.
الشليخ نقرابى: بقصد بيها شلوخ كلتوم "نقرابى عايزة تفسير"
رقصة المردوم: رقصة لبعض قبائل غرب السودان.
صديرو طامح: صدر الجمل وهو جارى بيتقدم جسمو وصورو زى الوزة لما تعوم فى خفة حركتو وانسابيتها.
اتمنى اكون اصبت اخى المبارك فى ترجمة المفردات والمعانى..
ومستنى شرحك لانو سمح الكلام فى خشم سيدو..
كل التحايا لك والتقدير...
المبارك ود إبراهيم
01-09-2009, 03:50 AM
اخى مبارك عوافى..
ياريت تفسر بعض الكلمات حتى يتم تذوق المعنى والتصوير..
الوغل: باعتقد اسم الناقة او الجمل الممتطى.
الشليخ نقرابى: بقصد بيها شلوخ كلتوم "نقرابى عايزة تفسير"
رقصة المردوم: رقصة لبعض قبائل غرب السودان.
صديرو طامح: صدر الجمل وهو جارى بيتقدم جسمو وصورو زى الوزة لما تعوم فى خفة حركتو وانسابيتها.
اتمنى اكون اصبت اخى المبارك فى ترجمة المفردات والمعانى..
ومستنى شرحك لانو سمح الكلام فى خشم سيدو..
كل التحايا لك والتقدير...

الغالي أخي أشرف صلاح السعيد لقد أصبت وأجدت المعني وقالوا في المثل( المرفعين بعرف جعار أخوهو) كيف لا وأنت صاحب القدح المعلي في شرح المعاني ومنك نتعلم نظم القوافي أيها المبدع.

درسنا في الجفرافيا زمان.
يلاك يا الوغــــــــــــــل من ديم رفاعة نقوم
إت لحــــــمك كمل وأنا عيني جافية النوم
للحلة أم غفر لي قــــــــــعادنا مافي لزوم
بدور تبر البراري وحسك الحصي المردوم

والنقرابي تي صغيرة علي خد الحسناء.
يا المن بسمتك جلت رسمتك.. النقرابي فيك زايد حشمتك.

ورقصة المردوم غني لها كثيرا الفنان المبدع عبد الرحمن عبد الله وكثير من الفنانين.
ابوخالد
01-09-2009, 04:16 AM
والله متعة ما ليها مثيل ...........

أخى اشرف ..والرائع ود المبارك ..

فى حضرت جلالكم يطيب الجلوس ....

إفطاركم شهى ... وفرحتكم عظيمة ...



إتكاءة على الحرف :
بهتنى يا أشرف مع ناس الجمعية ...
والله ما شفتها إلا اليوم ...
المبارك ود إبراهيم
01-09-2009, 07:08 AM
والله متعة ما ليها مثيل ...........

أخى اشرف ..والرائع ود المبارك ..

فى حضرت جلالكم يطيب الجلوس ....

إفطاركم شهى ... وفرحتكم عظيمة ...



إتكاءة على الحرف :
بهتنى يا أشرف مع ناس الجمعية ...
والله ما شفتها إلا اليوم ...

مـــــــــرحب حباب مطر الضراع الهادر
مدفع البارود اللي عدونا طفي بنادر
شــــرفت النم إن شاء الله دايما عامر
نحنا طـــــلابك أدخل فصـــــلنا وحاضر.
أشرف صلاح السعيد
01-09-2009, 12:01 PM
قوماك يا الوغل اليوم جفاني النوم
حلفت المبـــــــيت الليلة عند كلتوم
الشليخ نقرابي ورقـــــصة المردوم
صديرو طامــــح زي الأوز في العوم.

الالبل معزة وفيهم لينا علوم
آية البديع الصور فيها سنوم
ما بحمل ركوبا وضيعا خموم
والمضمر فيها ما كنز معلوم
أشرف صلاح السعيد
01-09-2009, 12:13 PM
يلاك يا الوغــــــــــــــل من ديم رفاعة نقوم
إت لحــــــمك كمل وأنا عيني جافية النوم
للحلة أم غفر لي قــــــــــعادنا مافي لزوم
بدور تبر البراري وحسك الحصي المردوم

امانة ياالوغل وماتكسر حليف الزول
تتابع الأتر لخل الراكبك فصيح القول
ولود مدنى اتصل لتلاقى فيها فحول
يسردو الدرر من فيضم نلقى نهول
المبارك ود إبراهيم
01-09-2009, 12:23 PM
الالبل معزة وفيهم لينا علوم
آية البديع الصور فيها سنوم
ما بحمل ركوبا وضيعا خموم
والمضمر فيها ما كنز معلوم


شبً اللــــــزوم وقام مــــــــباري الترعة
زي بوستة النيـلين وفوقها زايد سرعة
قاصد المضمر خصرو وفمو زي الودعة
من نغـــيم فاهو كفاني بس فد جرعة.
أشرف صلاح السعيد
01-09-2009, 12:29 PM
والله متعة ما ليها مثيل ...........

أخى اشرف ..والرائع ود المبارك ..

فى حضرت جلالكم يطيب الجلوس ....

إفطاركم شهى ... وفرحتكم عظيمة ...



إتكاءة على الحرف :
بهتنى يا أشرف مع ناس الجمعية ...
والله ما شفتها إلا اليوم ...

ابوخالد عوافى..وماتعملا ظاااهرة..

خبارك حابس الفارس الليو مسدار
الكرم فى اصلك الاك منعت منا حوار
نم يا اللخو النصل بالدوباى مشوار
راجيين الجدع وماتحسب كلامى هظار
المبارك ود إبراهيم
02-09-2009, 12:32 PM
ابوخالد عوافى..وماتعملا ظاااهرة..

خبارك حابس الفارس الليو مسدار
الكرم فى اصلك الاك منعت منا حوار
نم يا اللخو النصل بالدوباى مشوار
راجيين الجدع وماتحسب كلامى هظار

أبو خالد ود السعيد جاد ما تحسب كلاموا هظار
مــــــرحب حـــــــــباب الكريـــــــــــــم البكرم الجار
جيـــــــــتك بتفرحنا وليـــــــــها بنـــــدق الـــــــطار
إيدك فـــــــــــوق إيدنا عشان نكـــــــمل المشوار.
أشرف صلاح السعيد
02-09-2009, 01:18 PM
شبً اللــــــزوم وقام مــــــــباري الترعة
زي بوستة النيـلين وفوقها زايد سرعة
قاصد المضمر خصرو وفمو زي الودعة
من نغـــيم فاهو كفاني بس فد جرعة.

النوق المأصل جريهو مافيهو الروعة
الألبل اياماً و هو الزينة فيهم جمعة
زى الحسيب ونسيب الزايع السمعة
ليها جمال عجيب بتعجز بوصفو الجدعة
المبارك ود إبراهيم
02-09-2009, 10:38 PM
النوق المأصل جريهو مافيهو الروعة
الألبل اياماً و هو الزينة فيهم جمعة
زى الحسيب ونسيب الزايع السمعة
ليها جمال عجيب بتعجز بوصفو الجدعة

الــــــنوق المأصــل ببقي دهــــــــــبا خالص
صاحبهن في نعــيم وفوق سنامهن جالس
النوق علـــــــــوم تستاهل فصول ومدارس
ألبل كتاب النم لي ناس النعــيم ود جالس.
أشرف صلاح السعيد
03-09-2009, 10:48 AM
الــــــنوق المأصــل ببقي دهــــــــــبا خالص
صاحبهن في نعــيم وفوق سنامهن جالس
النوق علـــــــــوم تستاهل فصول ومدارس
ألبل كتاب النم لي ناس النعــيم ود جالس.

النوق مافهم و سعيتم بتعلم فراسة
الصبر والجلد بدنايهم مابدورو كواسة
اتعلموا ياالبشر منهم أحلى الدراسة
حتى انتقامن من البسوى الخساسة
خالد فيلابى
07-09-2009, 11:24 PM
الأسف الشديد يا أخوانا ما جادعته...
كاس النم معاكم وفى الطرب كرّعته...
مرقت البىً لى أرض الحنان فرغته...
فخر وريد عميق جوه الفؤاد زرّعته..

* * * *
مدنى الراقيه من الباب بتتلقاك ...
مدنى تقولك أهلاً بالحضن راجياك...
تنسى الهم وغصباً ينطرح محياك...
ينبض ريده فى قلبك وتلقى سراك...
خالد فيلابى
08-09-2009, 01:03 AM
عجبنى حديثكم يالمبارك ويا أشرف ...وكأنى بسمع فى نواح الصفاره نص الليل..!!
..واسمحولى أمد إيدى..

متل هبرة شرك قمّز تقول ملدوغ...
نفض قرنو المعطن بالفلير منشوغ...
فروتو رنّه مو جـلد العجول مدبوغ...
شوف سككيه كيف وسط الكنادر يروغ...
أشرف صلاح السعيد
08-09-2009, 12:37 PM
الأسف الشديد يا أخوانا ما جادعته...
كاس النم معاكم وفى الطرب كرّعته...
مرقت البىً لى أرض الحنان فرغته...
فخر وريد عميق جوه الفؤاد زرّعته..

* * * *
مدنى الراقيه من الباب بتتلقاك ...
مدنى تقولك أهلاً بالحضن راجياك...
تنسى الهم وغصباً ينطرح محياك...
ينبض ريده فى قلبك وتلقى سراك...

أسفك على الراس من فوق
ما فاتك فواتن يا المكمل زوق
تعال إندش النبل معاك الشوق
وقود للنم وبسوق معاك السوق

**********************

كيفن ودمدنى ماتكون عليك حنينة
وجوه حضنا ماتلاقى فيهو سكينة
ماهى نعم الام الديما علينا حنينة
يحميها الله ومايسو اولادا الشينة
أشرف صلاح السعيد
08-09-2009, 12:49 PM
عجبنى حديثكم يالمبارك ويا أشرف ...وكأنى بسمع فى نواح الصفاره نص الليل..!!
..واسمحولى أمد إيدى..

متل هبرة شرك قمّز تقول ملدوغ...
نفض قرنو المعطن بالفلير منشوغ...
فروتو رنّه مو جـلد العجول مدبوغ...
شوف سككيه كيف وسط الكنادر يروغ...

وصفك بليغ بيهو التقول بنشوف
تورن فحل قرناتو طاهو سيوف
فرو الحرير بجسمو المنيع ملفوف
تراعى بوشيشو ماتلاقى ابدن خوف
أشرف صلاح السعيد
09-09-2009, 10:22 AM
جدى السنى حليلك مدينتك ملاها الخوف
ناسا الكرام إنذلو و غلبتهم فيها القفوف
حتى المطر هدم البيوت وماخلى جروف
ياالله الصبر على ناس الرقيص ودفوف
أشرف صلاح السعيد
10-09-2009, 03:30 PM
ودمدنى حضر الفطور الجماعى 20 رمضان 1430 هــ واتكيّف جد منو وفيو..قال:


و الله فى اللمة غلبنى الكلام و النمة
فيها جنس حلاوتن تطرد اقساها غمة
درر يامدنى جنياتك ولراسم انت العمة
مامنك رضعو الرضا و بغيرك بمنو نهتما
أشرف صلاح السعيد
12-09-2009, 07:44 AM
فى يوم 21 رمضان 1430 هـ الموافق 11/09/2009 م كانت حمعة اخرى وافطار جماعى بمقر جمعية أبناء ودمدنى الخيرية وياله من لقاء..

وليداتك يا مدنى هم الفرسان للحوبة
ضاويا وشوشم زى وضو وجيه حبوبة
الخير لماهم وبصيرة مابتشيبا الشوبة
أولاد رضا ومحنة ولمدنى بيشرفو توبا
ام عزه
13-09-2009, 10:24 AM
ودمدنى يقول:

ولاد عازة وقفو اسودن صفوف
زغردن نساوينم وحيين بالدفوف
وودالمهدى جاب شمسن بالسيوف
خلا الخواجة محتارن يخبت فى الكفوف

ابو صوبان يرد:
نحن الترك والنصارى عرفونا وقت النزال انحرا
ونحن صغيرنا بصدر الحارة لوعاش فى العمر مرا
ماسكين فيك يا بلد بايدنا ومافى وشيشا بنصرا
والبدور الموت حرم بشوفنا صقوربتهجم فرد مرا







شكرا ليك اشرف ونرجو المزيد من الدوبيت والنم
ام عزه
13-09-2009, 10:26 AM
ودمدنى يقول:

ولاد عازة وقفو اسودن صفوف
زغردن نساوينم وحيين بالدفوف
وودالمهدى جاب شمسن بالسيوف
خلا الخواجة محتارن يخبت فى الكفوف

ابو صوبان يرد:
نحن الترك والنصارى عرفونا وقت النزال انحرا
ونحن صغيرنا بصدر الحارة لوعاش فى العمر مرا
ماسكين فيك يا بلد بايدنا ومافى وشيشا بنصرا
والبدور الموت حرم بشوفنا صقوربتهجم فرد مرا





شكرا لك اشرف ونرجو المزيد من الدوبيت والنم



شكرا ليك اشرف ونرجو المزيد من الدوبيت والنم
أشرف صلاح السعيد
13-09-2009, 12:10 PM
شكرا ليك اشرف ونرجو المزيد من الدوبيت والنم

التحية ليك ام عزة ورمضان كريم عليك..
شكرا لمتابعتك الكريمة..
ان شاء الله حيكون فى المزيد والمزيد فى عازة وفى مدنى وكل ربوع الوطن الحبيب..
لك التحية والتقدير اختى الكريمة..
المبارك ود إبراهيم
14-09-2009, 11:39 PM
الأسف الشديد يا أخوانا ما جادعته...
كاس النم معاكم وفى الطرب كرّعته...
مرقت البىً لى أرض الحنان فرغته...
فخر وريد عميق جوه الفؤاد زرّعته..

* * * *
مدنى الراقيه من الباب بتتلقاك ...
مدنى تقولك أهلاً بالحضن راجياك...
تنسى الهم وغصباً ينطرح محياك...
ينبض ريده فى قلبك وتلقى سراك...

مادام الأسف يا اللي مركب غناك شرعته
في بـــــــــحر النم والله جـــــــــــــد أبدعته
لي أرض المــــــــحنة نار الغـــــــرام ولعته
كرهت الغربة ولي سنينها الخوالي لعنته

آسف للتأخير عنكم بسبب سفر مفاجيء لمدة إسبوعين بخصوص العمل قضيتها بجده وعدت للرياض لأنضم لهذا الركب الميمون.لكم ودي.
المبارك ود إبراهيم
14-09-2009, 11:55 PM
ود صلاح لي إسبوعين غايب ما سألت من تومك
أنا صاحــــــــي ومـــــساهر وإنت جـــــــــالد نومك
أكان ما بريــــــــــدك وبريـــــــد مــــــــــعاك علومك
كان بزعل عــــــليك وفي الكـــيمان بلخبط كومك.

تخريمة
يا أخي 15 يوم غياب ما تسأل حررررررررررررام عليك عتب محبة.
أشرف صلاح السعيد
15-09-2009, 01:25 PM
ود صلاح لي إسبوعين غايب ما سألت من تومك
أنا صاحــــــــي ومـــــساهر وإنت جـــــــــالد نومك
أكان ما بريــــــــــدك وبريـــــــد مــــــــــعاك علومك
كان بزعل عــــــليك وفي الكـــيمان بلخبط كومك.

تخريمة
يا أخي 15 يوم غياب ما تسأل حررررررررررررام عليك عتب محبة.

ود المبارك و الله جد جد خجلنى منك لوم
تستاهل السؤال والجية ليك يااخوى التوم
ليك التأسف وكثير العذر بس ماتلخبت الكوم
و اكان بالرياض بجيك ولراسك بدى القدوم
المبارك ود إبراهيم
16-09-2009, 12:39 AM
ود المبارك و الله جد جد خجلنى منك لوم
تستاهل السؤال والجية ليك يااخوى التوم
ليك التأسف وكثير العذر بس ماتلخبت الكوم
و اكان بالرياض بجيك ولراسك بدى القدوم

أشـــــرف ود صــــــــــــــلاح دهبا بالختم مختوم
أصـــــــيل ومـــــــــؤصل حاشــــــاك والله اللوم
حبـــــينا نفرفش مـــــعاك عشان المحبة تدوم
وكومك في محلو مافي تب زول عليهو بحوم.
بدر الدين احمد الطائف
16-09-2009, 05:15 AM
جدى السنى حليلك مدينتك ملاها الخوف
ناسا الكرام إنذلو و غلبتهم فيها القفوف
حتى المطر هدم البيوت وماخلى جروف
ياالله الصبر على ناس الرقيص ودفوف


جدك يااشرف ياهو ساسنا وراسنا
معروف بالكرم والجود وللورع دراسنا
وبيهو اتعمرت حلقات الذكر وناس الله اياهم حراسنا
بدر الدين احمد الطائف
16-09-2009, 05:18 AM
غاب نجم النطح والحر علينا اشتد
ضيقنا وقصر ليلو ونهارو امتد
نظرة المنو للقانون بقيت اتحدى
فتحن عندى منطقة الغناء الانسدا
أشرف صلاح السعيد
16-09-2009, 06:50 AM
جدك يااشرف ياهو ساسنا وراسنا
معروف بالكرم والجود وللورع دراسنا
وبيهو اتعمرت حلقات الذكر وناس الله اياهم حراسنا

السنى الفقير ماهو بجدى وحدى براى
ابو الجميع الفى حوشو سيد الراى
مسيدو ما ببث المحنة كالعزف بناى
يابدر حبابك تعال و كمل معايا غناى
أشرف صلاح السعيد
16-09-2009, 06:57 AM
أشـــــرف ود صــــــــــــــلاح دهبا بالختم مختوم
أصـــــــيل ومـــــــــؤصل حاشــــــاك والله اللوم
حبـــــينا نفرفش مـــــعاك عشان المحبة تدوم
وكومك في محلو مافي تب زول عليهو بحوم.

الدهب مناجمو ما طبع الرجال الفيك
والاصالة سمح الخلق المؤصل فيك
فرفش يااللخو وبنداح معاك و بجيك
و كوم مسك الود بغرف منو و بديك
أشرف صلاح السعيد
16-09-2009, 07:04 AM
غاب نجم النطح والحر علينا اشتد
ضيقنا وقصر ليلو ونهارو امتد
نظرة المنو للقانون بقيت اتحدى
فتحن عندى منطقة الغناء الانسدا

الغاب بنجيبو بس مانعدم الهمة
يلاك النبذر خيرن النصلبو القمة
تعاضد الزنود بكسرو لينا الغمة
وبشرق فجر بجلى لينا الضلمة
بدر الدين احمد الطائف
16-09-2009, 08:16 AM
السنى الفقير ماهو بجدى وحدى براى
ابو الجميع الفى حوشو سيد الراى
مسيدو ما ببث المحنة كالعزف بناى
يابدر حبابك تعال و كمل معايا غناى

يا ودجدى السعيد الليله جيتك صادى
جيتك والشوق ذود على سهادى
ما من سقم من فراق لمه اصحابى
أشرف صلاح السعيد
16-09-2009, 12:17 PM
يا ودجدى السعيد الليله جيتك صادى
جيتك والشوق ذود على سهادى
ما من سقم من فراق لمه اصحابى


حباب ودالطائف الجيتو فيها الفايدة
حبابكم اهلى الحواسى ليكم رايدة
ناس فهم وعلم وللناس دايما قايدة
قرب تعال نتناضم بأشواقنا الزايدة
المبارك ود إبراهيم
16-09-2009, 02:33 PM
غاب نجم النطح والحر علينا اشتد
ضيقنا وقصر ليلو ونهارو امتد
نظرة المنو للقانون بقيت اتحدى
فتحن عندى منطقة الغناء الانسدا

مــرحب بي ود الطائف الديوانو تب ماإنسده
حــــــــــــــرفك الجميل فـوق أحرفنا زايد مَدًه
ضباح كِباش لي ضيفوا ما ضـباح ديوك العِده
إن شاء الله الصــلات البينا يوت تكون ممتده.
بدر الدين احمد الطائف
16-09-2009, 10:40 PM
مــرحب بي ود الطائف الديوانو تب ماإنسده
حــــــــــــــرفك الجميل فـوق أحرفنا زايد مَدًه
ضباح كِباش لي ضيفوا ما ضـباح ديوك العِده
إن شاء الله الصــلات البينا يوت تكون ممتده.

ود المبارك مرحبتين سلام وشوقى ليك يلالى
من يوم جيتكم واتحدثت معاكم اتبدلت احوالى
ناس مدنى الظراف ولذاذ ياهم مراية حالى
بمشى وبجيكم صاد خليكم قراب انتو دوام فى بالى
بدر الدين احمد الطائف
16-09-2009, 10:57 PM
قال يوسف سنينات وهو شكرى مودعا زوجته بنت عمه امنة بت حسان بعد ان سرقت منه الابل ذهب لاسترجاعها من الهمباته وقدكان عريسا

فى وداعة الله يا الدعجا الموججه ناري
تمسى وتصبحى فى وداعة الكريم البارى
مابنساكى يا الخاتك دوام فى اسرارى
انتى اميرة والنسوان معاكى جوارى

فردت عليه تقول
فخرى وعزى وعريسى ودعمى حلالى
دخرى جمل شيلى البتستر حالى
ان رحت من المقل ما بتروح من بالى
فى وداعة الله يا الدود الملامحو غزالى
أشرف صلاح السعيد
17-09-2009, 01:25 PM
قال يوسف سنينات وهو شكرى مودعا زوجته بنت عمه امنة بت حسان بعد ان سرقت منه الابل ذهب لاسترجاعها من الهمباته وقدكان عريسا

فى وداعة الله يا الدعجا الموججه ناري
تمسى وتصبحى فى وداعة الكريم البارى
مابنساكى يا الخاتك دوام فى اسرارى
انتى اميرة والنسوان معاكى جوارى

فردت عليه تقول
فخرى وعزى وعريسى ودعمى حلالى
دخرى جمل شيلى البتستر حالى
ان رحت من المقل ما بتروح من بالى
فى وداعة الله يا الدود الملامحو غزالى

ودالطائف سلام..
يديك العافية وبالله ادنا من دا كتير..وهاك الجدعة دى بين اتنين من عصر العولمة..

الحنكوش:

وحشتينى شديييد اكتر من الجلكسى
مع زعلى الشديد الل اسكريم بتلحسى
ماهان عليك تدينى وتطلعى البنفسى
اشكيك لربى ويخسى عليك ويخسى

ردت حنكوشتو:

الايسكريم ماشوية لكن بكرة بديك تانى
بس ما تلحسو كلو بطبعك الما بيغبانى
يلا شاو يا هونى وبعد اللكشر ماترجانى
بيعدى على دادى وبنمشى ناس مامى
بدر الدين احمد الطائف
17-09-2009, 11:21 PM
قال احد شعراء البطانة بعد ان تزوجت محبوبته بغيره
وكت الليل بوبا والنجم الكبار اتوقع
شرطت قلبى شرطا ما اظنو تانى يترقع
المبارك ود إبراهيم
18-09-2009, 02:03 AM
قال احد شعراء البطانة بعد ان تزوجت محبوبته بغيره
وكت الليل بوبا والنجم الكبار اتوقع
شرطت قلبى شرطا ما اظنو تانى يترقع


عندما جاء عوض الله ماري بالفريق الفيهو محبوبته قالت ليهو:

عوض الله أخـــــــــوي الليلة شقة غريبة
شــن جابك بــــــــــراك والتهمة بينا قريبة.
عوض الله قال ليها:
الحـــــــالة العـــــــــــــلي والله كان تدريبه
ممـــــــــــــــكون غرام من غير علل لا ريبه
وقصدي أنا بت حـلال وإنت العليهو دريبه.
بدر الدين احمد الطائف
18-09-2009, 02:42 AM
قال الشاعر الهمباتى يصف حاله وهو فى طريقه بعد ان سرق كمية من الابل
الليل بوبا والابل حررنو مشيهن
عقبن موية والجبل اب قرود فى قفيهين
الخله الفرائض الخمسة ما اقضيهين
مصائب الدنيا والمحن البصارع فيهن
ابوخالد
18-09-2009, 03:20 AM
أحبائى مهندس الدوباى أشرف ...
الرائع بحق الكلمة المبارك ود إبراهيم ...
ودالطائف المجواد ... ماسك الذُمام والرسن ...
ابوالدر .. يا كامل الأوصاف .... واصل ...

والله أبدعتو بكل ما تحمل الكلمة من معنى ... وقد أمتعتونا إيما إمتاع ...
ونقول لكل فرس خيَالها .... ولكل دارٍ عُمارها ....
ولكل معركة فرسانها ....
وساعة يحمى الوطيس ما لها غيركم فرسان ...

فقط شاركونى المتعة بهذه ....
وهى للمحلق شاعر البطانة ...
*********************

فص الماس مركب فوق مجمر
فص عينيك يا أم خشمآ متمر
فوق بستان تحت سالك مضمر
جليدك طاقة الكيدى المنمر

وقال أيضآ :

ما بتجيك تمشى وتخب
وما دنقرت حلبت شخب
وريقاتك الفوق الصلب
جَرحَنى داخل القلب
***************


والله ده شعر ماعندى رقبة ليهو ..... فقط قف تأمل .....
وتمتع .....
وسأقف إجلالآ وإحترامآ لهذا البوست الرائع كلما مررت
من هنا .... فلكم الشكر فى لحظات المتعة التى
نسرقها منكم بين فينةُ وفينة ....
نرجو المداومة والتواصل بلا إنقطاع ...
ولكل خطوة ميعاد ...وأوان ....



وكل عام وأنتم بيخير

إتكاءة :
ودالمبارك وبدر .. ضرورى نشوفكم
فى الرياض الخميس ( رابع أو خامس أيام العيد)
المبارك ود إبراهيم
19-09-2009, 12:13 AM
أحبائى مهندس الدوباى أشرف ...
الرائع بحق الكلمة المبارك ود إبراهيم ...
ودالطائف المجواد ... ماسك الذُمام والرسن ...
ابوالدر .. يا كامل الأوصاف .... واصل ...

والله أبدعتو بكل ما تحمل الكلمة من معنى ... وقد أمتعتونا إيما إمتاع ...
ونقول لكل فرس خيَالها .... ولكل دارٍ عُمارها ....
ولكل معركة فرسانها ....
وساعة يحمى الوطيس ما لها غيركم فرسان ...

فقط شاركونى المتعة بهذه ....
وهى للمحلق شاعر البطانة ...
*********************

فص الماس مركب فوق مجمر
فص عينيك يا أم خشمآ متمر
فوق بستان تحت سالك مضمر
جليدك طاقة الكيدى المنمر

وقال أيضآ :

ما بتجيك تمشى وتخب
وما دنقرت حلبت شخب
وريقاتك الفوق الصلب
جَرحَنى داخل القلب
***************


والله ده شعر ماعندى رقبة ليهو ..... فقط قف تأمل .....
وتمتع .....
وسأقف إجلالآ وإحترامآ لهذا البوست الرائع كلما مررت
من هنا .... فلكم الشكر فى لحظات المتعة التى
نسرقها منكم بين فينةُ وفينة ....
نرجو المداومة والتواصل بلا إنقطاع ...
ولكل خطوة ميعاد ...وأوان ....



وكل عام وأنتم بيخير

إتكاءة :
ودالمبارك وبدر .. ضرورى نشوفكم
فى الرياض الخميس ( رابع أو خامس أيام العيد)


أبــو خالد يوم نشوفك يبقي يادوب تم عيدنا
أبوخالد بِـرِيدنا وليــــهو بنـرسل بَرِيدنا
ونـــقول كل عام وأنتم بخير بنباركوا عيدنا
إياك الكريم الديمة بتلم لي قريبنا ولي بعيدنا.

أبو خالد شكرا لك علي الإطراء والتشجيع لهذه الكوكبة من فرسان النمة والدوباي وكل عام والجميع بخير وبإذن الله سوف نلتقي بالرياض ويكون لنا عظيم الشرف بمعرفتكم.
المبارك ود إبراهيم
19-09-2009, 12:26 AM
من مسرحية بامسيكا:
بالله شوفوا الفراسة دي كيف.

بامسيكا بقول لي نايل:

أنا أخو أم ضــميرا فوق الجمر بتصبر
أنا تمساح فداسي الكسرو ما بتجبر
وأنا البلا الحــــــرق الشدر بعد ماخدر

نايل قال ليهو:
أنا حراس الرجال فوق الصفوف بتحكر
وأنا مدفع البارود طفاي كــهارب البندر
في إيدي الســــــــنين والقابلني ضاع
في ســـــــــاعتو مــــــــــــــــــات وإتحدر.
المبارك ود إبراهيم
19-09-2009, 12:30 AM
قال الشاعر الهمباتى يصف حاله وهو فى طريقه بعد ان سرق كمية من الابل
الليل بوبا والابل حررنو مشيهن
عقبن موية والجبل اب قرود فى قفيهين
الخله الفرائض الخمسة ما اقضيهين
مصائب الدنيا والمحن البصارع فيهن

ومن مسرحية بامسيكا :

الليل هود والفرقان كلابن صاحو
وناس قالدوهن ومن العذاب إرتاحو
وناس حقبوا السيوف لي الشقا والمخاطر راحو
بدر الدين احمد الطائف
19-09-2009, 12:31 AM
أحبائى مهندس الدوباى أشرف ...
الرائع بحق الكلمة المبارك ود إبراهيم ...
ودالطائف المجواد ... ماسك الذُمام والرسن ...
ابوالدر .. يا كامل الأوصاف .... واصل ...

والله أبدعتو بكل ما تحمل الكلمة من معنى ... وقد أمتعتونا إيما إمتاع ...
ونقول لكل فرس خيَالها .... ولكل دارٍ عُمارها ....
ولكل معركة فرسانها ....
وساعة يحمى الوطيس ما لها غيركم فرسان ...

فقط شاركونى المتعة بهذه ....
وهى للمحلق شاعر البطانة ...
*********************

فص الماس مركب فوق مجمر
فص عينيك يا أم خشمآ متمر
فوق بستان تحت سالك مضمر
جليدك طاقة الكيدى المنمر

وقال أيضآ :

ما بتجيك تمشى وتخب
وما دنقرت حلبت شخب
وريقاتك الفوق الصلب
جَرحَنى داخل القلب
***************


والله ده شعر ماعندى رقبة ليهو ..... فقط قف تأمل .....
وتمتع .....
وسأقف إجلالآ وإحترامآ لهذا البوست الرائع كلما مررت
من هنا .... فلكم الشكر فى لحظات المتعة التى
نسرقها منكم بين فينةُ وفينة ....
نرجو المداومة والتواصل بلا إنقطاع ...
ولكل خطوة ميعاد ...وأوان ....



وكل عام وأنتم بيخير

إتكاءة :
ودالمبارك وبدر .. ضرورى نشوفكم
فى الرياض الخميس ( رابع أو خامس أيام العيد)

ابوخالد الحبيب للمنابر ضواء
معروف للجميع بالفهم شن سواء
ات والله سيد راى ودائما حافظ لى روابط الخوه
كريم وجواد واصيل متلك قليل نقول جابت حواء
اسلام فرح
19-09-2009, 04:16 AM
1111111111111111
المبارك ود إبراهيم
20-09-2009, 07:14 AM
1111111111111111

تســــــلم يا إسلام الجيت تبارك العيد
ونـــمتنا بتحييك بي فرحة قبائل العيد
بهني مدنــي بي حب القريب وبعيد
في ســـــاعة الدُاس ما بننتظر تجنيد.
ابوخالد
20-09-2009, 08:00 AM
[CENTER]
ابوخالد الحبيب للمنابر ضواء
معروف للجميع بالفهم شن سواء
ات والله سيد راى ودائما حافظ لى روابط الخوه
كريم وجواد واصيل متلك قليل نقول جابت حواء



حباب ود الأصائل الليهو الخلوق متلمة

حباب سيد النضم الليلة قايد النمة

حباب شيخ المسيد حيرانو كشفو الغمة

دوبى وسمعم خلى الخلوق تنجمة

ود أحمد سواتو حديث الصغير وأبعمة

صادق الوعود عطر خميس اللمة

راجينك وفود من الرياض لى ضرمة

حاشاك تخذلم تكسر لهفتم والهمة


http://farm1.static.flickr.com/126/333854963_6b37dd2669.jpg
المبارك ود إبراهيم
23-09-2009, 03:10 AM
بقول أوووووووووك يا أخوانا العيد علي الجميع مبروك
وينك يا الســــــــــمح البــــــتشبة أمـــــــــــــــك وأبوك
كاتلني المحبوس في شباكوا وخلاني شاقي الشوك
دا السـبب الخلانـي أروري وأكورك أوووووووووووووك.
المبارك ود إبراهيم
23-09-2009, 03:13 AM
ضربنا الروراي ومافي زول عبرنا
وين الحــــــبيب البي عيونو بهرنا
حل الظــــــلام فاقدنو والله قمرنا
هل علينا عـــــشان نقيمو سمرنا.
المبارك ود إبراهيم
23-09-2009, 03:18 AM
وين أشــرف الكان مضوي الساحة؟؟
وين أبو خـــــالد الكلامو كلو صراحة؟؟
وين ود الطائف فاقداك والله الساحة؟؟
تعال يا الفيلابي النمة دايـــرة جراحة.

الأحبة محبي النم والدوباي أين أنتم كل عام وأنتم جميعا بخير أعاد الله عليكم جميعا رمضان والعيد أعوام وأعوام وكل عام وود مدني والجزيرة والسودان أجمع في أحسن حال وإستقرار.
بدر الدين احمد الطائف
23-09-2009, 04:26 AM
اسلام فرح
حباب ودفرح الفى اشعارو ابدع وسوى



فى مراسى الريده دائما ترسى
وبى خيالك فى عوينات الجميلة تصبح وتمسى
تحبها وتهوها وقادر ربنا السواها وفيها تجلى
بدر الدين احمد الطائف
23-09-2009, 04:31 AM
ودالمبارك وبدر .. ضرورى نشوفكم
فى الرياض الخميس ( رابع أو خامس أيام العيد

ابوخالد
سفرنا للرياض والله شاغل بالنا
نجيكم ونعايدكم وتعرفوا احوالنا
لكن الظروف والله تب ما سترت حالنا
بدر الدين احمد الطائف
23-09-2009, 04:45 AM
وين أشــرف الكان مضوي الساحة؟؟
وين أبو خـــــالد الكلامو كلو صراحة؟؟
وين ود الطائف فاقداك والله الساحة؟؟
تعال يا الفيلابي النمة دايـــرة جراحة.

الأحبة محبي النم والدوباي أين أنتم كل عام وأنتم جميعا بخير أعاد الله عليكم جميعا رمضان والعيد أعوام وأعوام وكل عام وود مدني والجزيرة والسودان أجمع في أحسن حال وإستقرار.
ود المبارك عيدك مبارك
وكل عام وانت وجميع الناس بخير
وبقول ليك
الليل بوبا واتخافض نواح السقدة
وحبل الريد ربط الحناجر عقدة
صقرا فى القلب كل حين بياخد نقدة
اسمو الشوق وما بخليك تضوق لك رقدة
المبارك ود إبراهيم
24-09-2009, 10:49 AM
ود المبارك عيدك مبارك
وكل عام وانت وجميع الناس بخير
وبقول ليك
الليل بوبا واتخافض نواح السقدة
وحبل الريد ربط الحناجر عقدة
صقرا فى القلب كل حين بياخد نقدة
اسمو الشوق وما بخليك تضوق لك رقدة


الحبيب الغالي بدر الدين أحمد الطائف كل عام وأنت بخير والعيد مبارك عليك أعاده الله علينا وعليكم وعلي أمة الإسلام أعوام وأعوام. وبقول لي أخوي:

الليل هود ووجع الضرس يا دوب علي أشتده
كلما أتذكر المــــــحبوب تفارق عيوني الغمده
الســـــبب الخــــــلا غــــــربتنا يــــــوت ممتده
فرق الحــبيب الأيدو كانت لي رويسي مخده.
أشرف صلاح السعيد
25-09-2009, 10:27 PM
بقول أوووووووووك يا أخوانا العيد علي الجميع مبروك
وينك يا الســــــــــمح البــــــتشبة أمـــــــــــــــك وأبوك
كاتلني المحبوس في شباكوا وخلاني شاقي الشوك
دا السـبب الخلانـي أروري وأكورك أوووووووووووووك.

بكل يوم تكون سعيد بعيد
ياالمبارك ياالماليك سيد
غير الله وببركتو ليك يزيد
ومن اليقين ابدا عنو تحيد
أشرف صلاح السعيد
25-09-2009, 10:34 PM
ضربنا الروراي ومافي زول عبرنا
وين الحــــــبيب البي عيونو بهرنا
حل الظــــــلام فاقدنو والله قمرنا
هل علينا عـــــشان نقيمو سمرنا.

ودابراهيم حاشاك من التجهيل
يوم شوفتك نبشر ونزيد تهليل
عديم الفهم البجهل البدر بالليل
اها جيتك مناضم واشدبيك الحيل
أشرف صلاح السعيد
25-09-2009, 10:43 PM
وين أشــرف الكان مضوي الساحة؟؟
وين أبو خـــــالد الكلامو كلو صراحة؟؟
وين ود الطائف فاقداك والله الساحة؟؟
تعال يا الفيلابي النمة دايـــرة جراحة.

الأحبة محبي النم والدوباي أين أنتم كل عام وأنتم جميعا بخير أعاد الله عليكم جميعا رمضان والعيد أعوام وأعوام وكل عام وود مدني والجزيرة والسودان أجمع في أحسن حال وإستقرار.

حبيبنا ود ابراهيم كل الاعوام والحيلان وانت وكل من يهمك بالف خير وعافية وسعادة..
والتحية والتهنئة للأحبة بدر الدين الطائف..الفيلابى.. اسلام فرح وحبيبنا ابوخالد وكل سنة والجميع طيبين وتامين وسالمين ولدعاويهم مجابين..

ودأبراهيم أخوى مبارك عليك العيد
تتحقق مرايدك و تظل طويل الجيد
ما ياك اللخو المطرى بالزمن العنيد
يديم المودة ويوثق عرو وثاقنا شديد
المبارك ود إبراهيم
26-09-2009, 12:43 AM
بكل يوم تكون سعيد بعيد
ياالمبارك ياالماليك سيد
غير الله وببركتو ليك يزيد
ومن اليقين ابدا عنو تحيد

ود السعيد الإيدوا لاحقة لي القريب وبعيد
من قومة الجــــــهل ماهـــــــو الإضينة بليد
أهل مدني وأعيانها ياربي أحــــــــفظ وزيد
بنريد جزيرتنا الخضراء( زي ريدت الحمام لي وليد)
المبارك ود إبراهيم
26-09-2009, 01:14 AM
ودابراهيم حاشاك من التجهيل
يوم شوفتك نبشر ونزيد تهليل
عديم الفهم البجهل البدر بالليل
اها جيتك مناضم واشدبيك الحيل


الله يشد حيلك يافارس اللطام الما بقولو ليهو زويل
إياك ود السني عالي زي النخيل إدينا مـــن قٌنديل
السبب الخله جفني ســــــاهر وجســــــمي نحيل
الديســــــو هضــــــــليم ليــــــل وطــــــــرفو كحيل.
المبارك ود إبراهيم
26-09-2009, 01:25 AM
حبيبنا ود ابراهيم كل الاعوام والحيلان وانت وكل من يهمك بالف خير وعافية وسعادة..
والتحية والتهنئة للأحبة بدر الدين الطائف..الفيلابى.. اسلام فرح وحبيبنا ابوخالد وكل سنة والجميع طيبين وتامين وسالمين ولدعاويهم مجابين..

ودأبراهيم أخوى مبارك عليك العيد
تتحقق مرايدك و تظل طويل الجيد
ما ياك اللخو المطرى بالزمن العنيد
يديم المودة ويوثق عرو وثاقنا شديد

اشرف ود السعيد إسعدلي الإله أيامك
زولا فـــــــــــحل ظاهر عليك في كلامك
ســـــــــبٍح بالسبابة وضم عليها إبهامك
إدخلك الجــــــــــنة يا المواصل أرحامك.
أشرف صلاح السعيد
26-09-2009, 02:08 AM
ود السعيد الإيدوا لاحقة لي القريب وبعيد
من قومة الجــــــهل ماهـــــــو الإضينة بليد
أهل مدني وأعيانها ياربي أحــــــــفظ وزيد
بنريد جزيرتنا الخضراء( زي ريدت الحمام لي وليد)

ودمدنى وشيش السودان و الشامة
والجزيرة الخضرا تاج العطى وشهامة
سلوكة و لبقة و غرس الرجال لكرامة
يخدر ضراعاتم و يظلوا للجود العلامة
أشرف صلاح السعيد
26-09-2009, 02:22 AM
الله يشد حيلك يافارس اللطام الما بقولو ليهو زويل
إياك ود السني عالي زي النخيل إدينا مـــن قٌنديل
السبب الخله جفني ســــــاهر وجســــــمي نحيل
الديســــــو هضــــــــليم ليــــــل وطــــــــرفو كحيل.

و يشد حيل الجنيات البدورو السترا
يدوبو المسادير للسمحة زى القمرا
المضمر خصيرا بنظرة تحس الجمرا
تكتل فريق عربان لطيف خيالا المرا
أشرف صلاح السعيد
26-09-2009, 02:37 AM
اشرف ود السعيد إسعدلي الإله أيامك
زولا فـــــــــــحل ظاهر عليك في كلامك
ســـــــــبٍح بالسبابة وضم عليها إبهامك
إدخلك الجــــــــــنة يا المواصل أرحامك.

قولك ما سمح يا ود عزيز الرجال
ما هو بنضم مغتر و لابنضم قدال
ودعواتك الخير فيها البشر والفال
يجمعنا ربك بالجنة وبرحيقا السال
المبارك ود إبراهيم
28-09-2009, 04:20 AM
قولك ما سمح يا ود عزيز الرجال
ما هو بنضم مغتر و لابنضم قدال
ودعواتك الخير فيها البشر والفال
يجمعنا ربك بالجنة وبرحيقا السال

قولي جزء من قولك يا الديمة ســـــــاتر الحال
أســـــــد العرين الفي الحــــــــارة مـــا بَرجال
وجـــــهك صبـــــوح وفـــــــــــيهو حُسن الفال
إن شاء الله في الجنةنقدل وفوقنا عِمة وشال.
أشرف صلاح السعيد
30-09-2009, 11:15 AM
قولي جزء من قولك يا الديمة ســـــــاتر الحال
أســـــــد العرين الفي الحــــــــارة مـــا بَرجال
وجـــــهك صبـــــوح وفـــــــــــيهو حُسن الفال
إن شاء الله في الجنةنقدل وفوقنا عِمة وشال.

تسلم ياالتوم و يتحقق لينا داك منال
بس القليب موجوع بظلماً من الدجال
المشروع ما راح بح بالجرس والدلال
وناسنا الغبش ما عدمو الفرح الطال
أشرف صلاح السعيد
30-09-2009, 11:54 PM
يالسمحة وجعين بتابت بيهم و ما بحملم
ضرساً يتاور بالبهيم وغياب عيون بتكحلم
علا الضروس وكل السنون بلحظة بكسرم
بس من فراقك مابجن لمن اغنى شرم برم
ابوخالد
04-10-2009, 08:33 AM
قولي جزء من قولك يا الديمة ســـــــاتر الحال
أســـــــد العرين الفي الحــــــــارة مـــا بَرجال
وجـــــهك صبـــــوح وفـــــــــــيهو حُسن الفال
إن شاء الله في الجنةنقدل وفوقنا عِمة وشال.



فرسان النم الليلة جانى برقكم

فاقدكم عديل مأظنو الولف حارقكم

بارو القدم رب العالمين حارسكم

مالو النضم ضامر بدور اسألكم

الولف كتال ومكنون الكلام جاوركم

إتشولق شوقى شان أشمو خبركم

شحتافة روحى حامت تشوفوا حرفكم

لافيت الفريق يابس بيحن لرطبكم

دعوت الإله بى قلبى تب يحفظكم




***************
أحبتى ...جبال الشوق ... مرت من هنا ...
أشرف صلاح السعيد
04-10-2009, 10:06 AM
ياودمدنى أبشرى جنياتك بشيلو الشيل
هديكا عقدو عزيمة يشدو سروج الخيل
يهدوكى الشموس التكسرى بيها الليل
عشان تعيدى العز الإتفطمو فيهو قبيل
المبارك ود إبراهيم
05-10-2009, 09:59 AM
فرسان النم الليلة جانى برقكم

فاقدكم عديل مأظنو الولف حارقكم

بارو القدم رب العالمين حارسكم

مالو النضم ضامر بدور اسألكم

الولف كتال ومكنون الكلام جاوركم

إتشولق شوقى شان أشمو خبركم

شحتافة روحى حامت تشوفوا حرفكم

لافيت الفريق يابس بيحن لرطبكم

دعوت الإله بى قلبى تب يحفظكم




***************
أحبتى ...جبال الشوق ... مرت من هنا ...


مافقدت شينة يا مطر الخريف أب رزة
زولا كــــــــــــريم وعارف دروب العزِة
من قـــــومة الجهل لاهـــــــرب لا فزة
وفي ساعة الكـــــتال ما قالوا داير لزة.
المبارك ود إبراهيم
05-10-2009, 10:17 AM
ياودمدنى أبشرى جنياتك بشيلو الشيل
هديكا عقدو عزيمة يشدو سروج الخيل
يهدوكى الشموس التكسرى بيها الليل
عشان تعيدى العز الإتفطمو فيهو قبيل

ود مدني العـــــــــــريقة أولادك بعدلوا الميل
يجيبوا النجمة ليكي سوار عشان يضـو الليل
معروفين بالفراســـــــــــة الماها دايرة دليل
ليكي القومة يا مدني من ولدا سقاهو النيل.
النويري
05-10-2009, 11:37 PM
أخواني وأحبائي لقد طفتم بنا في سماء النم والدوبيت وأنا صراحة لأول مرة أدخل هذه الهضليم البهيج وأتنزه في جبهاته ولقد سعدت كثيراً في التجوال بين دوبيت ونم ويبدو لي من خلال مطالعاتي البسيطة لما نشدتم أنكم من سلالات لها باع في النم والدوبيت ودا شيء جميل أن يكون لنا في هذه المنتديات ضرب من ضروب الكلم والنضم حيث أن هذا الجانب من الأدب والشعر بدأ في إنحسار فتحية لإحياءه من جديد أخوتي على رأس القايدة حبيبنا أشرف والمهندس أبوخالد والجنى الماساهل أخونا ود المبارك وإنشاء الله نجيكم بي حقنا

خالص تحياتي
المبارك ود إبراهيم
06-10-2009, 07:07 AM
أخواني وأحبائي لقد طفتم بنا في سماء النم والدوبيت وأنا صراحة لأول مرة أدخل هذه الهضليم البهيج وأتنزه في جبهاته ولقد سعدت كثيراً في التجوال بين دوبيت ونم ويبدو لي من خلال مطالعاتي البسيطة لما نشدتم أنكم من سلالات لها باع في النم والدوبيت ودا شيء جميل أن يكون لنا في هذه المنتديات ضرب من ضروب الكلم والنضم حيث أن هذا الجانب من الأدب والشعر بدأ في إنحسار فتحية لإحياءه من جديد أخوتي على رأس القايدة حبيبنا أشرف والمهندس أبوخالد والجنى الماساهل أخونا ود المبارك وإنشاء الله نجيكم بي حقنا

خالص تحياتي

مرحب بالنويري الجانا سال لي ســـيفو
الأزرق الموجو فــــــــــــوق لي رصيفو
أســــــــد العريــــــن ده الصعب توليفو
النويري معرروف ما دايرين نقول تعريفو.
النويري
06-10-2009, 10:23 PM
الدَرِبْ إنْشَحطْ واللُّوسْ جِبالُو اتْنَاطَنْ
والبَنْدَّرْ فَوانيسُو ال بيَوقدَّتْ مَاتَنْ
يا فَرُوجْ هَضَالِيمْ الخَلا ال بنِجَاطَبْ
اَّسِرعْ قَوبِعْ أَمسيتْ والمواعيدْ فَاتَنْ
النويري
06-10-2009, 10:28 PM
اللَّيلْ بَوبَا والكُرْتْ الرَحِيحْ وَالَنٌّو
رَكَزَنْ فَوقْ ضُرَاعِنْ والهَنيسْ غَزَنُّو
الجَبلْ أَبْ قُرودْ يا امْ عَارضْ إِتْعَدَنُّو
الموتْ عِزَة واللَومْ ليَنَا ما بْرضَّنو
أشرف صلاح السعيد
07-10-2009, 06:03 AM
حباب النويرى النورو عم مكان
الزول الفهيم الكلمو فيهو بيان
أجدعنا برمية تعيد الحلم الكان
خانقنا غصة من قسى الحبان
أشرف صلاح السعيد
07-10-2009, 06:15 AM
الخير يا الاهل مابدورلو تب عنوان
سواتو ديما مهل لا بقدلا لا بصيوان
و ما سمعنا ابد خيرن لخير غيران
او خيرن نقص أخوهو فى الميزان
المبارك ود إبراهيم
07-10-2009, 11:26 PM
الخير يا الاهل مابدورلو تب عنوان
سواتو ديما مهل لا بقدلا لا بصيوان
و ما سمعنا ابد خيرن لخير غيران
او خيرن نقص أخوهو فى الميزان

الخــــــــــير دايما زيادة والله مانقصـــــــــان
والخـــــــــير يوم الحســـــــاب بتقل الميزان
عديــــــم الخير بين الرجال مافي ليهو مكان
أحسن لو إلبس طرحة ويجلس مع النسوان.
المبارك ود إبراهيم
07-10-2009, 11:40 PM
اللَّيلْ بَوبَا والكُرْتْ الرَحِيحْ وَالَنٌّو
رَكَزَنْ فَوقْ ضُرَاعِنْ والهَنيسْ غَزَنُّو
الجَبلْ أَبْ قُرودْ يا امْ عَارضْ إِتْعَدَنُّو
الموتْ عِزَة واللَومْ ليَنَا ما بْرضَّنو

الليــــــــــــل أليل والكــــــــــــلاب النبيح خلنو
والقعونج هــجد وابــرســـــــــوة قام لي جنو
في جبــــل دود مـــــنامي لابـــــــــــــــد منو
آه يا النويري أخوي ده الفي قلبي ساكن حنو.
النويري
07-10-2009, 11:43 PM
ود السعيد قَجَّ السادرة فى الوادى أب نِعاماً دكَّك

وضايق سوقها قبال الضرير يتمكك

أنا أخو النايرة إن خِرِب الحديث واتلَكَّك

إت قدَّامى ماك ورَّانى مقطوع شكَّك


حفيرات السنط جيتن تعوم بي التنية

ناطح الشمعدانة عديلة مي منحنية
وهاك أشرف مني ليك سلام وللمحبة بينة كل وئام

درعات العفا الكبد العسين منتنية

مي لافحاك يا تيس قنة ، بيك معتنية
وأنا شعري في الوادي البكب الدمعة
سارح بالدرب السعيد من غير ما يوقد شمعة
وينك يالمبارك ياللمحنة دليلنا غيابك طال وفقدك ما من عدايلنا
النويري
07-10-2009, 11:55 PM
الليــــــــــــل أليل والكــــــــــــلاب النبيح خلنو
والقعونج هــجد وابــرســـــــــوة قام لي جنو
في جبــــل دود مـــــنامي لابـــــــــــــــد منو
آه يا النويري أخوي ده الفي قلبي ساكن حنو.

الليل أليل والنعسان جرايدو برحن صقع الجرة تمساح الجروف أتمحن

ايدين أب تبوب شقيت وعرهن خاتر

جيت لي ام عود تجمع في النقع ماك فاتر

يالمبارك حضورك ولي غيابك ساتر

أسرع واغلو يا الجمام قفاك متماتر

إجّمّع بعد شرف السعيد الحريحير طار

داني بعيد وبي المصعي وجري الحرحار

علي جريعة البنوني ومسكة اب محار

لولح راسة واتمرعف بلا السحار
النويري
07-10-2009, 11:58 PM
شتيلات الروى الفوقن متاكي القيف قولي ياود المبارك الليلة أمسن كيف

اشرف صلاح قاليك أمسن في نعيمن وأعجبن تربالن ومن طرف البلاد تاني التعل صبالن

أنا يا ود المبارك براي أدرعني حبالن ومن شرق البلاد تاني النسيم هبالن
أشرف صلاح السعيد
08-10-2009, 12:42 AM
ود النويرى فارسن وزولا شديد كلام
ونضميهو عصى بدورلو الشديد فهام
مبارك اخوى الجنا التقول معاو خدام
خلانى فى كيفن مافيهو اصلو حرام
النويري
10-10-2009, 03:15 AM
انا الكيك ود الاحدب المنو الرجال بتلمو
و انا القارح الجهلول بطلع جنو
ضيفى بقابلو باش تب ما بقبل منو
انا ودالنويري و اليهو العزارى بغنو
أشرف صلاح السعيد
10-10-2009, 03:58 AM
جانا الخبر صاقع و خلا الاحبة شقين
اصلو البفرق أهل يا هو الكلام الشين
ماسك القلم بيدو ما هان عليو خيرين
وديك الكرام ساعينلو يبقى كلامو زين
بدر الدين احمد الطائف
10-10-2009, 05:32 AM
الاحباء فى بوادى النم والدوبيت
اشرف ودالسعيد
المبارك ودابراهيم
النويرىودالنويرى

سلامى كتير برسلو ليكم جملة وقطاعى
حبكم معشعش جوه قلبى ومابين اضلاعى
شعورا مرسله ليكم لا بدورله بريدا ولا ساعى



عساكم طيبين طال غيابنا عنكم وافتقدناكم نتمنى ان تكونوا بخير جميعا.
النويري
10-10-2009, 08:28 PM
الاحباء فى بوادى النم والدوبيت
اشرف ودالسعيد
المبارك ودابراهيم
النويرىودالنويرى

سلامى كتير برسلو ليكم جملة وقطاعى
حبكم معشعش جوه قلبى ومابين اضلاعى
شعورا مرسله ليكم لا بدورله بريدا ولا ساعى

عساكم طيبين طال غيابنا عنكم وافتقدناكم نتمنى ان تكونوا بخير جميعا.
حبابك ألف ود الطائف وخليك قريب

طال ما الحال بقت ظلمة و تجنى و قدرة
ما راجعك يمين بعد العرفتو و (بدرا)
روحى كوسى زى (المبارك )فى الهجره
ما بتلقى المثيل كوم قش و دبوس ابرا

خلاص فكيت زمامك ارعى منى بعيدة
افرحى بالفكاك من المسكتو شديدة
خابر مشرعك و متلك بيسهل صيدا
انا ما داير لسان يبدا الحكايه و يعيدا

انا منك كفانى الشفتو يا المستورة
ما داساها كونك فى الحضارة و دورا
ما دام صدك قدر وانتى بيهو فخورة
روحى بغباك و انا ما بموت بالبوره
أشرف صلاح السعيد
14-10-2009, 03:54 AM
الاحباء فى بوادى النم والدوبيت
اشرف ودالسعيد
المبارك ودابراهيم
النويرىودالنويرى

سلامى كتير برسلو ليكم جملة وقطاعى
حبكم معشعش جوه قلبى ومابين اضلاعى
شعورا مرسله ليكم لا بدورله بريدا ولا ساعى



عساكم طيبين طال غيابنا عنكم وافتقدناكم نتمنى ان تكونوا بخير جميعا.

ود الطائف حباب عودتك يا الغالى
لا تطول غيباتك وتخلينا بيك نلالى
شوقنا فات حدود و مشى طوالى
وبعودتك سعدت وارتاح كمان بالى

________________________

بس ود إبراهيم طال الغياب ماباينلو اتر
و ركوبتو ما منشافة لا بريفن و لا بحضر
عساه الزول سليم ما لامسو حتة شر
مشتاقينلو بالحيل متين يلمنا بيو القدر
النويري
14-10-2009, 10:28 PM
منْ مدني إِستعدينَا ومَرَقْنَا خَلاَسْ
طِرَي المحبوب وأدَّرْدَقْ عَليهَا أَبْ رَاصْ
كَان نتلاقى في فَنَقَه وضَربْ رَصَاصْ
ما بْجيِبَُونَا نَاسْ الحلة لو دقو علينا نحاس

أمنتكم الله يا الغايبين ترسوا الساس

الشوق الغلبنا لمن عيونا نعاس

خلاني في الليل البهيم أنحاش

طريت الحلة ودخلت أبوي للناس

حليلكم أنت يالحراس
أشرف صلاح السعيد
18-10-2009, 12:26 AM
شفت سوات ديك الناس البقولنا حراس
ولاالخير الإتجرس واتبلم وإحتارلو الراس
حليل السنى العمل القيمة لكل الناس
حليل المنطق وسمح النية وناس فراس
المبارك ود إبراهيم
18-10-2009, 07:15 AM
ود الطائف حباب عودتك يا الغالى
لا تطول غيباتك وتخلينا بيك نلالى
شوقنا فات حدود و مشى طوالى
وبعودتك سعدت وارتاح كمان بالى

________________________

بس ود إبراهيم طال الغياب ماباينلو اتر
و ركوبتو ما منشافة لا بريفن و لا بحضر
عساه الزول سليم ما لامسو حتة شر
مشتاقينلو بالحيل متين يلمنا بيو القدر

آآآآسف علي الغياب بي سبب شبــــكتي الطشت
وحـــــــــــــــــروفي صايــــمة والله تب ما إتعشت
حلاوتكم يا الســمحين زي طراوة المطيرة الرشت
بي شوفتكم يادوب غبينتي علي شبكتي إنفشت.
أشرف صلاح السعيد
19-10-2009, 05:38 AM
آآآآسف علي الغياب بي سبب شبــــكتي الطشت
وحـــــــــــــــــروفي صايــــمة والله تب ما إتعشت
حلاوتكم يا الســمحين زي طراوة المطيرة الرشت
بي شوفتكم يادوب غبينتي علي شبكتي إنفشت.

مجيتك زى هلال العيد و لقيمة لحشى الجيعان
ود إبراهيم حباب أوبتك ونفرش بكل مكان صيوان
و الشبكة فداك يا فارس الحوبة البتلقى بالميدان
يخلف ربك و يكمل سعدك و نجيك نهنى بالتيمان
المبارك ود إبراهيم
19-10-2009, 08:42 AM
مجيتك زى هلال العيد و لقيمة لحشى الجيعان
ود إبراهيم حباب أوبتك ونفرش بكل مكان صيوان
و الشبكة فداك يا فارس الحوبة البتلقى بالميدان
يخلف ربك و يكمل سعدك و نجيك نهنى بالتيمان

اشرف أخوي حرررررررررم في قلبـــي ليك مكان
ومشهودلك بالكـــرم في الخــــــلاء وبدون صيوان
تطير الشبــــــــــــــكة الحرمتني لقاء الفرســــان
ود السعيد بعد الراس إتملا شيب يدعولي بالتيمان.
المبارك ود إبراهيم
19-10-2009, 08:51 AM
شفت سوات ديك الناس البقولنا حراس
ولاالخير الإتجرس واتبلم وإحتارلو الراس
حليل السنى العمل القيمة لكل الناس
حليل المنطق وسمح النية وناس فراس

جــــــدك السني كتـــــــاب ولي العــلوم درَاس
ماهــــــــو ورانــــــــي دايما للقبــــــــيلة الرأس
الجـــــــــــود والــــكرم لي دارو باقـــــية أساس
سيرة عظيمة دايرة مجلدات ما بشيلها فد كراس.
المبارك ود إبراهيم
19-10-2009, 09:04 AM
الاحباء فى بوادى النم والدوبيت
اشرف ودالسعيد
المبارك ودابراهيم
النويرىودالنويرى

سلامى كتير برسلو ليكم جملة وقطاعى
حبكم معشعش جوه قلبى ومابين اضلاعى
شعورا مرسله ليكم لا بدورله بريدا ولا ساعى



عساكم طيبين طال غيابنا عنكم وافتقدناكم نتمنى ان تكونوا بخير جميعا.


وأنا مشـــــــــــــتاق ليك يا الفراقك بزيد أوجاعي
وفي بحر حـــــبك رميت المدرا وشرعت شراعي
ود الطائف الأرنب جات وبي غيابك فقت مجداعي
ما تـــــطول الغيـــــبة ما إنت الحبـــــــيب الواعي،
أشرف صلاح السعيد
22-10-2009, 04:19 AM
أهل النضم الزينين سمعتو الدُعا الشين
الناس إتعنصرت تب و خلو الاهل صفين
فرقو الجزيرة من مدنى هم بقو ولايتين؟
خربانة الزايلة متين الجسم بيو قلبين !!
النويري
24-10-2009, 03:12 AM
أهل النضم الزينين سمعتو الدُعا الشين
الناس إتعنصرت تب و خلو الاهل صفين
فرقو الجزيرة من مدنى هم بقو ولايتين؟
خربانة الزايلة متين الجسم بيو قلبين !!

سجم الحلة الدليلة أعمى

الشجر الكبار كان إتمايلن ما بتكسراً فراعوا

يا أخوانا للبيناتنا ما بتراعوا

الزول كان وجعوا راسوا بتربطولو كراعو

ود السعيد المالح قطعنا وللرزق هجينا

لغات عجيبة وفي كلامن رطنة شدينا الرحال وفوقهم أتورطنا

في درب الريال يا ود المبارك ما خلاص طشينا

لاتخاف ياود السعيدا ما بسلم البقصد كتالنا وشيلنا
القصد الفصال كيفن يروح من إيدينا

كايسين الفهم من الكبير ودليلنا
أشرف صلاح السعيد
24-10-2009, 03:27 AM
سجم الحلة الدليلة أعمى

الشجر الكبار كان إتمايلن ما بتكسراً فراعوا

يا أخوانا للبيناتنا ما بتراعوا

الزول كان وجعوا راسوا بتربطولو كراعو

ود السعيد المالح قطعنا وللرزق هجينا

لغات عجيبة وفي كلامن رطنة شدينا الرحال وفوقهم أتورطنا

في درب الريال يا ود المبارك ما خلاص طشينا

لاتخاف ياود السعيدا ما بسلم البقصد كتالنا وشيلنا
القصد الفصال كيفن يروح من إيدينا

كايسين الفهم من الكبير ودليلنا

الفهم إتولد عندنا ويانا ناسو الا العيال رايحين
سايبين الكبيرة وسكو فى الصغاير وبيها متقاتلين
عدمو البصيرة وبحلحلو فى العرى وما حاسين
ابننهرم اول وأكان ما فهمو ياهو الليهم داقين
أبو ريان
24-10-2009, 03:47 AM
ابوصوبان يقول:

الخبر الاكيد الليلة فى مدنى سامع خبرو
كيف ننسى السعيد للبعيد واصل خبرو
اطرى الحضرى وشيخ العرب فى عنبرو
كان متنا يمين يا مدنى جنانا بحفظ اترو

ودمدنى يرد:

الشوق مرسال لمدنى وكل احبابا
من النشيشيبا العلم لام بارونا الغابا
لارض المحنة الاصيلا المافيها الحرابا
يطوف قراها سلام ويقبل كمان لترابا

سلامي للشاعر / أشرف صلاح السعيد
سلامي لك اخي الغالي ولتتواصل تلك التحف الرائعة
أشرف صلاح السعيد
24-10-2009, 04:48 AM
سلامي للشاعر / أشرف صلاح السعيد
سلامي لك اخي الغالي ولتتواصل تلك التحف الرائعة


ولك منى كل السلام والرحمة والبركة من خالق السلام اخى أبو ريان..

بس يااخوى شاااعر مرة واحدة دى شوية كبيرة..يعنى لغاية شاعر محاول ..شاعر تحت التمرين و المرجو الحذر من التنشذ المرة مرة ممكن يصيب الإخوة العابرين مبلوعة..
يا سيدى الله يجبر بخاطرك وأمانة ما ناس الثقافى تعبو معاى تعب جد..حأهريهم ليك شعر وكمان كملت لو واحد غناها..عليك أمان الله أى حفلة يغنى فيها إلا أتعشى مع الفنانين بس باقى الحاجات التانية يعفونى منها ..علا شاى الحليب حبابو "يكِبو سااااى"..
شكرا لك شكرا..
المبارك ود إبراهيم
24-10-2009, 07:32 AM
ولك منى كل السلام والرحمة والبركة من خالق السلام اخى أبو ريان..

بس يااخوى شاااعر مرة واحدة دى شوية كبيرة..يعنى لغاية شاعر محاول ..شاعر تحت التمرين و المرجو الحذر من التنشذ المرة مرة ممكن يصيب الإخوة العابرين مبلوعة..
يا سيدى الله يجبر بخاطرك وأمانة ما ناس الثقافى تعبو معاى تعب جد..حأهريهم ليك شعر وكمان كملت لو واحد غناها..عليك أمان الله أى حفلة يغنى فيها إلا أتعشى مع الفنانين بس باقى الحاجات التانية يعفونى منها ..علا شاى الحليب حبابو "يكِبو سااااى"..
شكرا لك شكرا..

حررررم شاعـــــــرا تهز وترز
وشاعرا أصـيل من بيوت العز
غني فوق البحاكي عوم الوز
جـدي الريل المن ضليلها تفز
أشرف صلاح السعيد
24-10-2009, 11:56 PM
حررررم شاعـــــــرا تهز وترز
وشاعرا أصـيل من بيوت العز
غني فوق البحاكي عوم الوز
جـدي الريل المن ضليلها تفز

ورلا بكون جنب تماسيح الكبلو
وناس ريفن حضارة للفزعة بتولو
وين أنا من جبال كان نزلو ما بتدلو
تسلمو يالرجال البتقييم الرجال بتعلو

ــــــــــــــــــــــــــــــــــــــــــــــــــ ــــــــــ

ود إبراهيم أخوى شهادتك فينى مجروحا
وبالمحاكم شهادة صلة الرحم مامطروحا
ما الاخوة ما بتدس وحنياتا بتكون مفضوحا
وأكان أنا زى قولك سبقتنى إنتا لسفوحا
أشرف صلاح السعيد
28-10-2009, 11:31 PM
النور محمد يوسف رجل سمح كلمة وفكرة..يعملق من حوله ويزداد جيده طولا..فهيم كليم وقلبو مكسى بحنية وحق ووسيع بيحوى الجميع..


أهل النضم بدور أدوبى الليلة فى زول فهيم
بصدرو حنية جروف وبراسو جد فهمن فخيم
سموهو النور ونورو أبدا ما فيو رخو او بهيم
زولن تريان بالسماحة ووعيو تحنان جد رحيم
المبارك ود إبراهيم
10-11-2009, 10:48 PM
النور محمد يوسف رجل سمح كلمة وفكرة..يعملق من حوله ويزداد جيده طولا..فهيم كليم وقلبو مكسى بحنية وحق ووسيع بيحوى الجميع..


أهل النضم بدور أدوبى الليلة فى زول فهيم
بصدرو حنية جروف وبراسو جد فهمن فخيم
سموهو النور ونورو أبدا ما فيو رخو او بهيم
زولن تريان بالسماحة ووعيو تحنان جد رحيم


الــــــنور نـــــور لي ضـــــــــلامنا الدامس
مــــــرحب حبـــــــــاب الليلة شرًف فارس
مرحب بالفهيم وكليم من نورو نحنا نقابس
نمك يا الحـــــبيب نفـــــتحلو نحـنا مدارس.
النويري
11-11-2009, 04:11 AM
الــــــنور نـــــور لي ضـــــــــلامنا الدامس
مــــــرحب حبـــــــــاب الليلة شرًف فارس
مرحب بالفهيم وكليم من نورو نحنا نقابس
نمك يا الحـــــبيب نفـــــتحلو نحـنا مدارس.

نور في بدور وكل دوور في دوور

مرحب بالشرفنبو ديارنا وقت الجد بقيف في الحارة ما بضارا

مرحبتين حباب الجانا وفي البوادي حبانا

هيلو الكلمة والقلم البحل الشيبكة

تفخر بيك منتدياتنا من سافل لي صعيد الحتة
أشرف صلاح السعيد
14-11-2009, 12:41 AM
الليلة اهل النم والمسدار جاييكم بزول سمح حكاى..


زولن سميح قولن كلامو عاجنو بالطيبة
وعفويتو بتزيد لحلاتو البنطوقا لما يجيبا
أبو حمزة الجمال قالو السماحة بنسيبا
بحكيك الصريح مابتجلى الحقيقة وبتصيبا
المبارك ود إبراهيم
14-11-2009, 12:59 AM
الليلة اهل النم والمسدار جاييكم بزول سمح حكاى..


زولن سميح قولن كلامو عاجنو بالطيبة
وعفويتو بتزيد لحلاتو البنطوقا لما يجيبا
أبو حمزة الجمال قالو السماحة بنسيبا
بحكيك الصريح مابتجلى الحقيقة وبتصيبا

أشـــــــــرف ود الســـعيد نعلك طيب
معروف بالكـــرم ولي المريض بتطيب
كلامك حلو زي النسمة المعاها هبيب
بتباشر لي الضيوف وللعرفة ما بتغيب.
abomazeen
16-12-2009, 08:18 AM
ود السعيد يا أخوي .... تعال معاك منتظرنك بي جاي بكل لهفة بعد العيد السعيد
أشرف صلاح السعيد
17-12-2009, 02:22 AM
أشـــــــــرف ود الســـعيد نعلك طيب
معروف بالكـــرم ولي المريض بتطيب
كلامك حلو زي النسمة المعاها هبيب
بتباشر لي الضيوف وللعرفة ما بتغيب.


أخوى ود إبراهيم شوقى ليك بحور
عيدك مبارك وإن شاء الله ديما حبور
تتحقق مرايدك ربى ما يوريك كسور
تعال ياالسمح يا البجبر الخواطر مشهور
أشرف صلاح السعيد
17-12-2009, 02:29 AM
ود السعيد يا أخوي .... تعال معاك منتظرنك بي جاي بكل لهفة بعد العيد السعيد





أبو مازن أخوى أفو كيفن ما بلبى نداك
تأمر أمر ياالزين وين تخطو ببقى معاك
ماكا الكليم وحكيم والفهم بان فى حكاك
عيد مبارك يا اخوى ويهزم ربى من عاداك