الدنيا يا كدا يا بلاش

[درديري كباشي]

لاننكر اننا نحن السودانيون متطرفون في مزاجنا وعندنا درجة من التعصب للاشياء التي نعشقها . كما نريد ان نفرضها على الاخرين معتقدين وجازمين انه هذه الاشياء طالما هي الافضل لنا اذا من الضرورة ان تكون الافضل عند الاخرين .. وحتى تتضح صورة هذا التعصب او لشرح ماذا اعني بهذا التخريف اعلاه ساورد الامثلة في شكل نقاط :

- الجامعة يا الخرطوم يا بلاش
-السيارة يا تيوتا يا بلاش
- الموتر يا سوزوكي يا بلاش
- المعجون يا سقنال يا بلاش
- الصابون يا لوكس يا بلاش
-الدخان يا برنجي يا بلاش
-التمباك يا وطنية يا بلاش
- الجلابية يا تيترون يا بلاش
- المركوب (حزاء) يا جلد نمر يا بلاش
- الكسره يا مره يا بلاش
-السمك يا بلطي يا بلاش
- الزيت يا سمسم يا بلاش
-المباراة يا هلال مريخ يا بلاش
- اللحم يا شية يا بلاش
- الفول يا حب يا بلاش
-الفلم يا هندي وكراتيه يا بلاش
-كاس العالم يا البرازيل يا بلاش
- الكره يا قدم يا بلاش
- المصارعة يا حره يا بلاش
- بلاي استيشن يا كرة قدم يا بلاش
- الساعة يا سيكو يا بلاش
- النظاره يا بيرسون يا بلاش
- البنطلون يا جينز يا بلاش
ولا زال الباب مفتوح لحصر قائمة المزاج السوداني

[درديري كباشي]

والقراصة بويكة يا بلاش
واللقمة بملاح روب يا بلاش
والفتة كوارع يا بلاش
وام فتفت يا بقر يا بلاش ( والله ما باكلها)

حقيقة حب الناس مذاهب .. ولان مساحة السودان واسعة جدا كل منطقة عندهم اشياء مفضلة اكثر من المناطق الاخري .. يعني مثلا ناس شمال السودان عندهم الشمال عندهم القراصة هي اولا اما في الوسط فهم يقدمون العصيدة او اللقمة ورغما عن معرفتهم بالقراصة .

[الملكة اسماء ( ام محمد )]

تصدق
كنت فاكرة ان القائمة اعلاه بتاعة ناس عائلتنا براهم :confused:

[درديري كباشي]

تصدق
كنت فاكرة ان القائمة اعلاه بتاعة ناس عائلتنا براهم :confused:


تعرفي يا ملكة الموضوع عنده مناسبة يعني هو صاح نتاج لزهجة لكن انا شخصيا اتكويت كتير من مزاج اهلنا السودانيين ...
قد يكون من عدم حبنا للمغامره الناتجة من التغيير ... يعني مثلا الشاي يا لبتون يا بلاش ... لو اجتهد ناس التلفزيون وجابوا غزالات تنطط وبنات جميلات كلها لن تغير في حقيقة انه الشاي يا لبتون يا بلاش .. والمعجون سقنال والصابون لوكس .. رغما عن ظهور انواع كثيرة من المعجون بنكهة القرنفل والفراولة ... لكن لن نتنازل عن السيقنال مهما يكون ..

[الملكة اسماء ( ام محمد )]

قد يكون من عدم حبنا للمغامره الناتجة من التغيير .....



على فكرة كلامك صحيح
تعرف هسي لو جبنا اي صابون غير الصابون المعتاد في البيت بتلاقي ( استهجان ) واضح جدا من اصغر فرد لاكبر واحد
يجيك سؤال معروف : دا شنو الجبته لينا الليلة دا كمان ؟ مالقيت لوكس والا شنو ؟:confused:

والمساكين ناس الشركات تعبوا ورانا دعايات ومنتجات ( بنكهات مختلفة ) وماف زول راضي يغير قائمته المعتادة

[العاقب مصباح]

رمضان يا فى البلد يا بلاش

فى المطر ولا نتعشى فول يا بلاش

التلفون ولا نوكيا ولا بلاش

[درديري كباشي]

رمضان يا فى البلد يا بلاش

فى المطر ولا نتعشى فول يا بلاش

التلفون ولا نوكيا ولا بلاش





والمنتدي يا مع العاقب والملكة يا بلاش

والقراصة يا حارة يا بلاش

والبن يا حبشي ويا بلاش

والغربة يا دول الخليج يا بلاش ( حقيقة اهلنا بيعاملوا المغتربين في الدول الاخرى كلاجئين مع انهم هم خامين الدولارات الغربية بالكوم )

[العاقب مصباح]

والمنتدي يا مع العاقب والملكة يا بلاش

والقراصة يا حارة يا بلاش

والبن يا حبشي ويا بلاش

والغربة يا دول الخليج يا بلاش ( حقيقة اهلنا بيعاملوا المغتربين في الدول الاخرى كلاجئين مع انهم هم خامين الدولارات الغربية بالكوم )



الشاى يا ليبتون يا بلاش

وقلم الناشف فى السودان يا بيق يا بلاش

والجريدة يا قوون يا بلاش

والفول يا عند ادروب ولا الجعلى يا بلاش

لاحظت يا درديرى دائما الفول فى مدن السودان بتلقى عند واحد اسمه ادروب ولا الجعلى

السر فى دا شنو

[الملكة اسماء ( ام محمد )]

والمنتدي يا مع العاقب والملكة يا بلاش









ياخ اقول ليك كلام .. والا بلاش

تسلم ياراقي والمتعة في سردك والدهشة في حضرتك يابلاش

[محمد حمد المبارك]

والله صدقت,

[محمد حمد المبارك]

اقوليك وما تزعل السبب في ذلك ذلك,

[نسمة صباح]

الفول يابي زيت سمسم يابلاش

والطعميه يامع سلطة اسود يابلاش


والعريس يامغترب ومريش يابلاش :rolleyes:


والعرس ياقومه وقعده والصرف بالتقيل يابلاش

والعروس ياصفراء وشعرها طويل يابلاش:o:p

[درديري كباشي]

الفول يابي زيت سمسم يابلاش

والطعميه يامع سلطة اسود يابلاش


والعريس يامغترب ومريش يابلاش :rolleyes:


والعرس ياقومه وقعده والصرف بالتقيل يابلاش

والعروس ياصفراء وشعرها طويل يابلاش:o:p


والمداخلة يا نسمة الصباح يا بلاش

حقيقة عجبني دخولك في الموضوع توش بدون مقدمات...


بس الطعمية مع سلطة الاسود دي اكيد؟مجربة يعني؟ لانه الطعمية مربوطة بالفول...

بس حكاية الصرف بالتقيل في العرس دي شيليها ( على الاقل مؤقتا يعني ما تكون معلنة)

[بنت الرفاعي]

سبحان الله , نفس أغلب المزاجات وعلى قولتك التعصبات وطلعت عامة:confused:
وصدقت في المباراة ياهلال مريخ ولا بلاش دي , لأني ممكن أحضر المباراة بس في الحالة دي;)
وحكاية البلي ستيشن إلا كورة دي مابحبها , مع إنو زمان كان في فترات بتجبر ألعبها مع أولاد أختي لأنو السيارات بينسوها في بيتهم!! طبعا عندي يا سيارات يا بلاش وفي الجوال لازم لعبة سيارات , ولازم رالي:)

[بنت الرفاعي]

التلفون ولا نوكيا ولا بلاش




ذكرتني لما تلفوني اللي كان غالي على نفسي ياحليلو:o
لما خسر , قمت مشيت لنسيبنا عندو محل موبايلات , وطوالي بشتري منو , المهم بقى ينزل لي في أنواع الموبايلات العندو والموديلات اللي طلعت جديدة شي كوري وشي صيني , قلت ليهو لوسمحت ماتنزل لي غير نوكيا ده كلو مابينفع معاي؟!! طبعا إستغرب لأنو أغلب الناس بقت تشتري في الأنواع دي وطلعت موضة!!
وسبحان الله حكاية الثقة بنوكيا مهما كان نوع الموبايل دي من وين جايباها ما عارفة إلا ال إنات ماردتها , بس أول مرة أعرف إنو صفة موجودة في آخرون!;)