كلمات الشاعر حسين بازرعه

[عمرابوالوفاء]

شجن
قصتنا
ازمه ثقه
لاوحبك
اجمل ايامى
من اجل حبى
الوكر المهجور
القبلي السكري

[بت مارنجان]

لمتين يلازمك في هواك مر الشجن..
ويطول في أيامك سهر .. ويطول عذاب
ياقلبي لو كانت محبتو بالتمن ..
يكفيك هدرت عمر .. حرقت عليه شباب
لكن هواهـ أكبر وماكان لي تمن ..
والحسرة مابتنفع ومابيجدي العتاب ..
أحسن تخليه لليالي ولي الزمن..
يمكن يحس ضميرو ويهديه للصواب..
لكني أخشي عليهو من غدر الليالي..
أخشي الاماني تشيب وعشنا يبقي خالي..
هو لسة في نضارة حسنو في عمر الدوالي ..
ماحصل فارق عيوني لحظة او بارح خيالي..
أغفرلو يااحنين وجاوز من ظلم ..
ما أصلها الأيام مظالم
والعمر غمضة ثواني..
وأصبر علي جرحك وان طال الألم ..
بي جراحنا بي أشواقنا بنضوي الزمان..
انا عارفو بكرة بيعود في رعشة ندم ..
ننسي الحصل بيناتنا والسهر اللكان ..
تصبح حياتنا نغم .. عشنا يبتسم
وتعود مراكب ريدنا لي بر الامان ..
لمتين .. لمتين

[بت مارنجان]

بالمعزة ....
بالمودة البينا بي أغلى الصلات
بالهوى العشناه بي أعصابنا
خمسة سنين ومات
بالعذاب الشفتو
والسر الكتمتو
وباقي الطيبات
استحلفك أترك سبيلي
وسيبني وحدي
أقاسي وأبكي مر الذكريات

أنا بي حناني الغالي خصيتك
وحبيتك بكل جوارحي
وعواطفي العميقة
أنا شلت من أجلك هموم الدنيا
قاسيت من جراحها وكل ضيقها
لسعادتك إنت كم ضحيت وإتغربت
ما خليت طريقة
وفي مسيري المضني من أجل الحقيقة

كل طائر مرتحل
عبر البحر
قاصد الأهل
حملتو أشواقي الدفيقة
ليك ياحبيبي للوطن
لترابه لشطآنه
للدار الوريقة
لكن حنانك لي أو حتي مشاعرك نحوي
ما كانت حقيقة
كانت وهم ... كانت دموع
مسفوحة بي أحرف أنيقة

ما بإيدي
لو ضباب الغيرة
أعماني وزيف لي الحقيقة
إنت نبع حناني
إنت كياني
إنت الدنيا
بهجتها وشروقها
وإن حصل زلت خطايا معاك
أو ضلت طريقها
هل تصدق تنـتهي قصتنا
يا أجمل حقيقة
نحن عشناها بدموعنا
وبالضنى في كل دقيقة
ياحبيبي
لم تزل قصتنا
قصة حب أقوى من الحقيقة

[بت مارنجان]

ازمة ثقة دي صراحة اول مرة تلاقيني ؟؟؟؟؟؟ !!!!!!!!!!

[بت مارنجان]

لو خلاص انكرت حبي..
في النهاية .. لا وحبك
لا وحبك لن تكون ابدا نهاية ..
انت عارف نظرتك كانت بداية
و ما اتغيرت..
ما بتغير حبنا.. ناس قالو وشاية
انت وحدك يا حبيبي اخترت قلبي
و كنت حابك..
كنت تتمنى اطيب حسنك
و ازدهي شبابك..
رحت تغريني ..
تغريني بحنانك ومرة تغمرني بعتابك..
كل يوم تزرع حياتي بالامل و يهون عذابي..
كنت في قمة شعوري ..
قلت فيك اجمل غنايا ..
فجأة يتبدل مصيري ..
القا احلامي وسمايا..
لا لا لاوحبك يا وحيدي ..
مستحيل نرضى النهاية..
حبنا اكبر من الدنيا و اطول من سنينا..
فيه من وطني المسالم كلو طيبة و اغلى زينة..
فيه من عاطفتي معنى الكلمة و العشرة الامينة..
نبني للعشاق منارة وتفرح الحزينة...
و برضو يحصل..
تنسى عشك ..
في النهاية ..
لا وحبك لن تكون ابداً نهاية..

[بت مارنجان]

أجمل ايامي دي برضو ماسمعت بيها !!!!!!!
يمكن الاغاني دي تحمل اسم آخر استاذي ,, فلو ممكن تذكر جزء من مقطع الاغنية ,,,
باذن الله نجيب ليك كلماتها ....

[بت مارنجان]

جاي تترجاني أغفر ليك ذنبك
ما كفاية الشفتو من نارك وحبك
أنت فاكر تاني أرجع لك واحاسبك
لا يا ناكر دربي أصبح ما هو دربك
كنت تحلم بالسعادة في كلمة مودة
وهي غير ما إنت فاكر
وهي في نبضة مشاعر
في القلوب الما بترد أي طارق أي زائر
شايلة هم الدنيا زاده ومالية كل الكون بشاير
إجتمعنا علي المحبة في ثواني
في طريق مفروشة بي حبي وحناني
وافترقنا كل واحد في طريقه
انا ضائع وإنت مخدوع بالأماني
كل زادي في ضياعي
قلبي مفتوح للأحبة
للجمال الأشجى روحي
في شعوري سحره شبه
ورسالة فني سامي
تدعو للخير والمحبة
إلا قلبك يا حبيبي
لسه ما أدرك وشبه

[بت مارنجان]

كانت لنا أيام في قلبي ذكراها
ما زلت أطراها
يا ليتنا عدنا .. أو عادت الأيام

إن أنسى ما أنسى
ذكراك يا سلمى
في وكرنا المهجور
والصمت قد عم
تحلو لنا الشكوى
والحب والنجوى
لن أنسى نجواكي
والهمسة والبسمة
وحرارة الأنفاس
في قبلتي لما
ضمتك يمنايا
يا سعد دنياي
وغفوتي في صدري
نشوانة بالأحلام

كيف أنسى أيامي
وفكرتي الكبرى
يا وحي إلهامي
أنا عمت بالذكرى
ذكرى لياليكي
في خدر واديكي
الليل أهواه
في شعرك الناعم
لكن تباعدنا
دهرا وما عدنا
للوكر يا سلمى
أو عادت الأيام
أو عادت الأيام

[بت مارنجان]

أتذكرى فى الدجى الساجى - مدار حديثنا العذب
وفوق العشب نستلقى ــ فنطوى صفحة الغـيب
وإذ مـالاح نجم سعد ــ نرشف خمــرة الحب
اتذكرى عهد لقيــانا ــ ويوم القبـلة السكـرى
وقبَّل ثقرى الظامى ــ فقـد لا تنفــع الذكـرى
وترقد فى يدى كالطفل ــ الثم ثغرك العطــرى
وقطرات الندى الرقراق ــ تعلو هامــة الزهد
والحان الهزار الطلــق ــ فـوق خمـائل النهر
ولما ينقضى اللــيل ــ وينـعس ساقـى الخمر
يرف الضوء كالحلم ــ يسكـب خـمـرة الفجـر
اتذكرى قبلتى والليل ــ يـروى طلعــة البـدر
كيف اناملى الحيرى ــ تداعب خصلة الشـعـر
وتنعس فى ظلال النور ــ تحـكم بالهوى العذرى
اتذكرى عهد لقيـانا ــ ويوم القبلـة الســكرى
وقبل ثغـرى الظامى ــ فقد لا تنفـــع الذكرى

[عمرابوالوفاء]

كلمات اغنيه اجمل ايامي

للشاعر حسين بازرعه

حاولت اديك من روحي شويه من ادبي وفني ونهار عينيي حاولت كتير مالقيت من حبك غير كل اسيه

خليت الدنيا لي رضاك ورميته
والكلمه النادره في هواك غنيتها
وشموع ايامك بي دماي ضويتها
شفتك متهني ماسايل عني

حاولت اديك من روحي شويه
كان عشك قلبي
كان قلبي حبيبك
في سوق عشاقك
اصبحت نصيبك
خايف انا خايف
انساك والدنيا تصيبك
ترجع تتندم ماتلقي حبيبك
لو تزكر مره انك حبيتني
من قبل سنين وهواك اهديتني
بي عطف وحنيه وموده حبيتني
ما كان ياغرامي حصل وسليتني
لكني اقول واقول عسى قلبك
لو نسي ايامى ماينسي غرامي
ولاينسي هيامي ساظل احبك
واعيش على حبك واهديك من
عمري اجمل ايامي
لاقاك عليك الله اخلاص اكتر من كده

[محب]

بنت مارنجان ما ارهف احساسك وما اجمل تصيفة الاغاني ن بيها حقيقة كلمات تسبقها الاحساس قبل السمع لتعيش فى عالم الاوعي بين هنا وهنا







لكي كل الاحتام
دمتي لنا فخرا

[أبو حمزة]

أخي عمر أبو الوفاء.. يا راااائع .. بجمال الكلمة الأنيقة والشعر الأصيل.. وفقت في المشاركة والاختيار الجميل.. وكم قد شجانا الفنان / عثمان حسين ( طيِّب الله ثراه.. وأدخله فسيح جناته وغفر له كل ذنوبه)..

ويا بت مارنجان .. حقيقة .. لا تعليق..!! عيني عليك باااااردة.. الحس المرهف وأكون معك صادق.. أحببت فيك ألوان كثيرة.. ولكن هذا اللون أكثرها..

[أبو جودي]

رائعة بت مارنجان ،،،وده العهدناه ،،، نتمنى أن تواصلي في الدروووووووووووووب ،،، والروعة ،،،، لكي التحية ،،،،

[نزار السر]

http://www.9m.com/upfiles/zrR92599.gif (http://www.7be.com/vb/)