المساعد الشخصي الرقمي

مشاهدة النسخة كاملة : مجرد ملاحظة00



الفخيييم
29-08-2009, 03:34 AM
يا اخوانا فاكرين الصراع التأريخي بين القط والفأر
هسي الصراع ده شبه انتهي انتو معاي في الحتة دي
لاني بلاحظ جحافل من الفئران تجتاح المطابخ يوميا
مع وجود عدد من القطط التي تكون بالبيوت
اصبح القط لا يحرك ساكنا تجاه الفأر
عكس الازمان السابقة عندما كان الصراع محتدما
والاثارة موجودة بين مطارداتهما
هذه الملاحظة قادتني لبعض التساؤلات
هل فقد القط الامل في مطاردة الفأر؟
أم أن العلاقة صارت حميمة بينهما؟
ولا الفأر كبر في نظر القط؟
ولا القط شايف انو مطاردة الفأر غير مجدية؟
ولا الحاصل شنو افيدوني وفي انتظاركم يا نفاجين
رمضان كريم وتصومو كما تودون00

الخواض محمداحمد خواض
29-08-2009, 03:59 AM
يا اخوانا فاكرين الصراع التأريخي بين القط والفأر
هسي الصراع ده شبه انتهي انتو معاي في الحتة دي
لاني بلاحظ جحافل من الفئران تجتاح المطابخ يوميا
مع وجود عدد من القطط التي تكون بالبيوت
اصبح القط لا يحرك ساكنا تجاه الفأر
عكس الازمان السابقة عدما كان الصراع محتدما
والاثارة موجودة بين مطارداتهما
هذه الملاحظة قادتني لبعض التساؤلات
هل فقد القط الامل في مطاردة الفأر؟
أم أن العلاقة صارت حميمة بينهما؟


ولا الفأر كبر في نظر القط؟
ولا القط شايف انو مطاردة الفأر غير مجدية؟
ولا الحاصل شنو افيدوني وفي انتظاركم يا نفاجين
رمضان كريم وتصومو كما تودون00


القط المنزلى عرف بان لا فائده من مطارة الفأر

وكذلك كلاب المدينه عرفت بان لا فائده من مطارة القطط

وانعكس الحال بالنسبه لإنسان المدينه فالقوى المتعافى يطارد الضعيف

وهكذا الحال فدوام الحال من المحال

الفخيييم
29-08-2009, 04:12 AM
القط المنزلى عرف بان لا فائده من مطارة الفأر

وكذلك كلاب المدينه عرفت بان لا فائده من مطارة القطط

وانعكس الحال بالنسبه لإنسان المدينه فالقوى المتعافى يطارد الضعيف

وهكذا الحال فدوام الحال من المحال



البوليس ما زال يطارد المواطن
ربنا يصلح الحال 00

الزونية
30-08-2009, 12:21 AM
يافخيييم موضوع القط والفأر ..ذي شجون وقد يحلو للبعض تفسيره حسب هواه
وأحكي لك قصةبين كلبنا وقطتناوقعت أمام ناظري ..وطبعاً تعلمون إن نفس الكراهية الموجودة بين القط والفار موجودة أيضاً بين القط والكلب 00
فكلبنا كلب سرش بكل المقاييس أنا نفس] أخافه تماماً ولو قدر لي ان أكون خارج المنزل واريد ان أدخل ..فلو أنني استجمعت كل قواي وشجاعتي فإنها تخونني ولاأجرو.......
فعادةً اتصل على أحد أفراد البيت لكي ينتظرني بالخارج لكي يقودني للداخل .....( اترون معي فداحة الأمر)
تجمع بين كلبنا وقطتنا كراهية ..كلبنا لايحتمل القطة ان تكون أمام ناظريه على الإطلاق والا لكنت تسمع نباحاً وهرجلة تعم البيت ...ولو أنها وقعت يوماً في يده يومها نرى العجب من المرمطةوالإهانة الفادحة للقطة والتي تبقى بعدها طوال اليوم مكسورة الجناح( وتلاوذ من ضلها)..
في يوم من الأيام وقع بين فكي القط ثعبان كبير قرب شجرة كان محرم عليها حتى مجرد الإقتراب منها بأمر الكلب ...
أمسكت القطة الثعبان من رقبته بقوة ....في هذه الأثناءأتى الكلب من الشارع وهم بالإندفاع نحو القطة ولكنه ماان رأى الثعبان بين فكيها وهي تصدر صوتاً مهيباً..حتى تراجع للخلف (وأخد ساتر)
وظل جالساً من بعيد يرقب الموقف بدون أدنى حراك ...وعندماإنتهت القطة من مهمتها الشجاعة جاءت تمشي الهوينة تتمختر قرب الكلب والذي رمقها بنظرة خاطفة بطرف عينه ولم يحرك ساكناً ...وطلعت الشجرة المحرمة عليها من سنين والكلب ظهره مقشعر

الفخيييم
30-08-2009, 12:32 AM
يافخيييم موضوع القط والفأر ..ذي شجون وقد يحلو للبعض تفسيره حسب هواه
في يوم من الأيام وقع بين فكي القط ثعبان كبير قرب شجرة كان محرم عليها حتى مجرد الإقتراب منها بأمر الكلب ...
أمسكت القطة الثعبان من رقبته بقوة ....في هذه الأثناءأتى الكلب من الشارع وهم بالإندفاع نحو القطة ولكنه ماان رأى الثعبان بين فكيها وهي تصدر صوتاً مهيباً..حتى تراجع للخلف (وأخد ساتر)
وظل جالساً من بعيد يرقب الموقف بدون أدنى حراك ...وعندماإنتهت القطة من مهمتها الشجاعة جاءت تمشي الهوينة تتمختر قرب الكلب والذي رمقها بنظرة خاطفة بطرف عينه ولم يحرك ساكناً ...وطلعت الشجرة المحرمة عليها من سنين والكلب ظهره مقشعر


موضوع فيهو طابع الرمزية وكده
يعني القطة بموقفها الشجاع ده
كبرت في نظر الكلب00
احترم الكلب شجاعة تلك القطة
بس هي كمان ما تقعد تقدل وتمشي الهويني
قولي ليها خففي الوطء ما اظن اديم الارض
الا من هذه الاجساد00

أبو ريان
30-08-2009, 12:35 AM
دا معناه أنو كديستكم كديسة بتاعة ترطيبة مادايرة تتعب ولا حاجة لانو شكلها ماكلة لحمة يوميا
ويمكن بعد تاكل بشرب حليب بي باااااااااااااااااسطة .
وليها حق التعب ومطاردة الفئران في شنوووووووووووووووو

الفخيييم
30-08-2009, 12:47 AM
دا معناه أنو كديستكم كديسة بتاعة ترطيبة مادايرة تتعب ولا حاجة لانو شكلها ماكلة لحمة يوميا
ويمكن بعد تاكل بشرب حليب بي باااااااااااااااااسطة .
وليها حق التعب ومطاردة الفئران في شنوووووووووووووووو


ربنا يزيدها من نعيمو قصدي كديستنا طبعا
اللخو حاسد كديستنا ولا الفهم شنو؟
عموما اشكرك علي مرورك السبب
مضايقة لكديستنا وهي نايمة00

عمر المامون
30-08-2009, 05:02 AM
يا جماعة شنو انا دخلتا وين ......... الفخيم شوف لي كديس معاك .... عندي فيران عزبتني شديد

منور يا الفخيم ........ اسمح بمروري

الفخيييم
30-08-2009, 09:08 AM
يا جماعة شنو انا دخلتا وين ......... الفخيم شوف لي كديس معاك .... عندي فيران عزبتني شديد

منور يا الفخيم ........ اسمح بمروري



ودالمامون نفس المشكلة عندنا
الكدايس ذاتها بقت ما بتوقف خطورة
الفئران نحن طرحنا الموضوع عشان نصل لحل
معضلة حقيقية نسوي شنو00
مرحب بيك ياودالمامون نورت والله00
الكديس كديسكم اقصد البوست بوستيك وانت سيدالبيت ذاتو
تمر في اي وقت وتتكل هنا كمان شنو ليك00

esmat
31-08-2009, 11:06 AM
كدايس وكدايس تفرق من بلد لي بلد
يعني كدايس اوربا ما زي كدايس السودان
وكدايس السودان ما زي كدايس السعودية
فأعتقد وجب قيام وكالات سفر للكدايس
بين الدول وعمل عقودات اقامة لها حتى
تقوم بواجبها

الفخيييم
01-09-2009, 12:05 AM
كدايس وكدايس تفرق من بلد لي بلد
يعني كدايس اوربا ما زي كدايس السودان
وكدايس السودان ما زي كدايس السعودية
فأعتقد وجب قيام وكالات سفر للكدايس
بين الدول وعمل عقودات اقامة لها حتى
تقوم بواجبها


اقتراح وجيه ينظر ويفاد00
اهو باب مطاردات للايصالات والرسوم00
هو بيني وبينك هسي الناس قادرين ينجزو ليهم
اجراءاتهم عشان يسفرو الكدايس يا عصمت00

نشوي محمد
01-09-2009, 01:27 AM
تحياتى
الفار يعلم تماما بان القط عدوه الدود ولكن سياسة هذه الايام هى مصادقة الاعداء حتى تامن شرهم
والقط يعلم تمام ان الفار وجبته الشهيه ولكنه يرصد الوقت المناسب
وهذه الدوامه مستمره ولكنها فى كل حين تتلون بالون المناسب

دمتم

الفخيييم
01-09-2009, 01:34 AM
تحياتى
الفار يعلم تماما بان القط عدوه الدود ولكن سياسة هذه الايام هى مصادقة الاعداء حتى تامن شرهم
والقط يعلم تمام ان الفار وجبته الشهيه ولكنه يرصد الوقت المناسب
وهذه الدوامه مستمره ولكنها فى كل حين تتلون بالون المناسب

دمتم

هو لو وجبتو ما يفترسو يوميا
معقولة يترصد ويطول في البرنامج يا نشوي00
ألوانها شنو كمان العداوة مفترض تستمر وبشدة00
لكن قصة انو الفأر يمر مرور الكرام والقط موجود دي العوجة00
هسي انتي اخر مرة شوفتي قط افترس فأر متين؟
نورتي البوست علي فكرة00

نشوي محمد
01-09-2009, 02:02 AM
يا فخيم هو ما بصادق فيه لحين ! وبعدين اكتشف فارنا المسكين الحقيقه بعد ما اكون بين انياب الاسد اقصد القط
انت واجعاك عرضة الفار ؟ خليه احس بالملكية والسلطه شويه . هو مطعون مطعون اقصد مقتول مقتول


_______________________
البوست اصلة نور فى نور.......

الفخيييم
01-09-2009, 02:12 AM
يا فخيم هو ما بصادق فيه لحين ! وبعدين اكتشف فارنا المسكين الحقيقه بعد ما اكون بين انياب الاسد اقصد القط
انت واجعاك عرضة الفار ؟ خليه احس بالملكية والسلطه شويه . هو مطعون مطعون اقصد مقتول مقتول


_______________________
البوست اصلة نور فى نور.......

انا واجعني عدم صراع القط والفأر00
لازم تكون في ندية00قلتي البوست فأر في فأر ولا شنو؟
نورك بس يا نشوي انتي وكل المرور الكرام00

نشوي محمد
01-09-2009, 02:18 AM
يازول هو السلام وقته الجانا الحمد لله . والفار خليه للحفر والكديسه لل.........
ما عارفه ّّ!!!!1
بس السلم خير


ولا شنو؟؟؟؟؟؟؟؟؟

الفخيييم
01-09-2009, 02:31 AM
يازول هو السلام وقته الجانا الحمد لله . والفار خليه للحفر والكديسه لل.........
ما عارفه ّّ!!!!1
بس السلم خير


ولا شنو؟؟؟؟؟؟؟؟؟


السلام ده ما حبابو ياخ
بتفرض رسوم دعم سلام وكده00
السلم والثعبان ولا السلام من الداخل قصدك؟
الفهم ما سلم يا نشوي انا مستغرب
ليه الجليد ذاب بين القط والفأر00
وطرحت مجموعة اسئلة نفسي اصل لاجابة مقنعه00

الملكة اسماء ( ام محمد )
01-09-2009, 02:37 AM
معليش ياجماعة
قالوا عندكم ( قوارض ) اعفونا من المشاركة

نشوي محمد
01-09-2009, 02:41 AM
حديث السياسة والفن
الله اجيب العواقب سليمه

سيك سيك ناو ناو

عشته يا فخيم

الفخيييم
01-09-2009, 02:42 AM
معليش ياجماعة


قالوا عندكم ( قوارض ) اعفونا من المشاركة


نحن عايزين نبيد القوارض00
عندك حل ولا نعفيك ولا شنو؟

esmat
01-09-2009, 02:48 AM
سلام يافخيم مشتاقين
عندي في حارتنا زي ما بقولوا اخوانا هنا
الكديسة والفار بياكلوا في صحن واحد عادي
تلقى كديسة تجدع ليها عضمة لي فار ولا
اربعة خمسة فيران في وليمة وكديس حارسهم
راقد وباسط ذراعيه في الوسيط وكأنه في انتظار
ان ينتهوا من الاكل ليغسل لهم ايديهم ويهديهم الارياح

سنعود - لنرى الفرق بين كدايس بلادي وكدايس المناطق
التي زرتها

الملكة اسماء ( ام محمد )
01-09-2009, 02:48 AM
نحن عايزين نبيد القوارض00

عندك حل ولا نعفيك ولا شنو؟




عندي الحل
نوعية ممتازة من المبيدات وقوات حفظ النظام والسلام
نجيب ليكم والا بتخافوا منهم

سيد البلد
01-09-2009, 02:58 AM
كدي سيبنا من كديستكم الباطله دي
عارف اكتر حاجه عاجباني في الموضوع شنو ؟



جحافل من الفئران تجتاح


ياخي زكرتني الاجتياح العراقي وصدام حسن "الله يديهو العافيه"
والكلمة دي سببت لي ارتياح ما طبيعي والله ...

الفخيييم
01-09-2009, 02:59 AM
سلام يافخيم مشتاقين
عندي في حارتنا زي ما بقولوا اخوانا هنا
الكديسة والفار بياكلوا في صحن واحد عادي
تلقى كديسة تجدع ليها عضمة لي فار ولا
اربعة خمسة فيران في وليمة وكديس حارسهم
راقد وباسط ذراعيه في الوسيط وكأنه في انتظار
ان ينتهوا من الاكل ليغسل لهم ايديهم ويهديهم الارياح

سنعود - لنرى الفرق بين كدايس بلادي وكدايس المناطق
التي زرتها



شوق كميات يا عصمت00
في انتظار المقارنة بين ما رأيته من كدايس
في مختلف بلدان العالم وكدايس بلادنا00
ما تتأخر علينا بس00
ويا ريت تحدثنا عن الفأر الامريكي كمان00

الفخيييم
01-09-2009, 03:01 AM
كدي سيبنا من كديستكم الباطله دي
عارف اكتر حاجه عاجباني في الموضوع شنو ؟

[/center]


ياخي زكرتني الاجتياح العراقي وصدام حسن "الله يديهو العافيه"
والكلمة دي سببت لي ارتياح ما طبيعي والله ...

صدام حسن اخو منير حسن؟
ياخ دي حركات الصحاف وكده
اجتياح وجحافل واسراب النمل وكده00

الله يريحك في الدارين يا سيدا00

الفخيييم
01-09-2009, 03:04 AM
يا اللخو يديهو العافية دي بتاعة حلومي ولا شنو؟

الفخيييم
01-09-2009, 03:10 AM
حديث السياسة والفن
الله اجيب العواقب سليمه

سيك سيك ناو ناو

عشته يا فخيم



مظاهرات فئرانية وكده ولا شنو؟
هسي يجينا واحد يقول طغاة الارض جهزنا نهايتهم
بيوت اشباح وكده واللييييييييييييييييييييييييييييله يا نشوي00

نشوي محمد
01-09-2009, 03:14 AM
حنحتمى بيك
وحتكون القاتل والمقتول حينا والرهينه
يالطيف......

الملكة اسماء ( ام محمد )
01-09-2009, 03:15 AM
سنعود - لنرى الفرق بين كدايس بلادي وكدايس المناطق
التي زرتها



بجهز ليك صور لو تحب
لكن عموما
سوء التغذية يغزو بطون كدايسكم

الفخيييم
01-09-2009, 03:18 AM
حنحتمى بيك
وحتكون القاتل والمقتول حينا والرهينه
يالطيف......

الله يستر بس00
ح اكون البحر الذي لا يأمن الآن السفينه00

سيد البلد
01-09-2009, 03:24 AM
الله يستر بس00

ح اكون البحر الذي لا يأمن الآن السفينه00



وحاكون ريا ومرات سكينة
واكون عوير زاتو لو تابعت بوستيك ده وما مشيت اخدت لي نومه

وقبل ما امشي امسكوا دي معاكم :

هاهيَّ الأرض تغطت بالتعب والبحارُ أتخذت شكل الفراغ
وأنا مقياس رسمٍ للتواصل والرحيل
وأنا الآنَ الترقبُ وانتظار المستحيل
انجبتني مريم الاخرى قطاراً وحقيبة
ارضعتني مريمُ الأخرى قوافي
ثم أهدتني المنافي
هكذا قد خبّروني ثم قالوا لي ترجل

ثم أنتِ
أنتِ يا كلُ المحاورِ
والدوائر
يا حكاياتُ الصبا
تحفظين السر والمجد الذي ما بين نهديك اختبأ
ليس يعنيكِ الذي قد ضاع من عمري هبأ
وأنا صغيرتي لستُ أدري ما الذي يدفعني دفعاً اليكْ
ما الذي يجعلني أبدو حزيناً حين أرتاد التسكع في مراي وجنتيكّ
لا عليكْ
تشهدُ الآن السفوح المطمئنه
نحن قاتلنا سنيناً وأقتتلنا
نحنُ سجّلنا التآلف وإنفعالات الأجنه
واحتوانا البحرُ والمد اليقاوم والشراع
ياهذه البنتُ التي تمتدُ في ديناي سهلاً وربوعاً وبقاع
ما الذي قد صبّ في عينيكِ شيئاً من تراجيديا الصراع
والمدى يمتدُّ وجداً عابراً هذي المدينه
خبّريني ... هل أنا ابدو حزينا
هل أنا القاتل والمقتول حيناً والرهينه؟
هل أنا البحرُ الذي لا يأمن الآن السفينه؟
خبئيني بين جدران المسام
قبليني مرة في كل عام
فأنا احتاجُ أن القاكِ في كل عام
وأنا أحتاجُ أن القاكِ في ذرات جسمي
في الشرايين المليئةِ بانقلاباتِ المزاج
في إنعكاسِ الضوءِ
في النافذةِ الاولى وبلّور الزجاج
هكذا قد خبّروني ثم قالو ترجلْ
وعلى اطروحة الحلم المسافر التقيك
على حمى الرحيل المستمر الآن في كل المواطن التقيك
في مساحات التوهج ... في جبيني التقيك
في انشطار الوقت في كل الذرى
وفي حكايات الطفولةِ إذ يعودُ بنا الزمانُ القهقري
آه لو تاتينَ يا سيدتي من كل فجٍ واتجاه
من عميقِ الموجِ
من صُلبِ المياه
تستطعين التنقّلَ بين ارجائي وظلّي
تستطعين التوهجَ عند لحظات التجلي
ولعينيكِ إمتلاكُ وثائقي حتما وقلبي
ولعينيك التنصلُ عن مواثيقي ودربي هكذا قد خبروني ثم قالوا لي ترجل وأنا ابحثُ عن صيغة هذا البعدِ ..
هـذا اللانهـائـي
عن قرارِ الشعر عن لونِ التغرب بين جدران المقاهي آه لو تاتينَ .. آه
تجدينَ الألف الممتدَّ سهلاً بإنتظارك
وأنا كالحذر المنساب خوفا بين صالات الجمارك كالرحيل
كالترقب وإنتظارِ المستحيل
هكذا قد خبّروني ثم قالوا لي ترجـل ...

الفخيييم
01-09-2009, 03:27 AM
ابداااااااااااااااااااااع يا سيدا
وكلنا ماشين ننووووووووووووووم00

esmat
01-09-2009, 10:48 AM
شوق كميات يا عصمت00
في انتظار المقارنة بين ما رأيته من كدايس
في مختلف بلدان العالم وكدايس بلادنا00
ما تتأخر علينا بس00
ويا ريت تحدثنا عن الفأر الامريكي كمان00


كدايس بلادي انا كانت عايشة في نعمة
حينما كانت الفئران تجقلب في مشروع الجزيرة
ترى الكديس يلعب بفأر ويأكل في آخر وآخر في مستوى
النظر وتتكاثر الفئران بسرعة حتى لا تكاد تحسب النقص
الحاد الذي كان يشنه الكديس
حتى الكدايس في بلادي لها اسماء على حسب
البيئة ككديس الخلا
فكديس الخلا هذا له روايات اخرى سنعود لها

الفخيييم
01-09-2009, 10:53 AM
كدايس بلادي انا كانت عايشة في نعمة

حينما كانت الفئران تجقلب في مشروع الجزيرة
ترى الكديس يلعب بفأر ويأكل في آخر وآخر في مستوى
النظر وتتكاثر الفئران بسرعة حتى لا تكاد تحسب النقص
الحاد الذي كان يشنه الكديس
حتى الكدايس في بلادي لها اسماء على حسب
البيئة ككديس الخلا

فكديس الخلا هذا له روايات اخرى سنعود لها



نرجو منك ان تدعمنا بالمراجع00
لانو مشروع الجزيرة ما فيهو مراجع
ولا فئران بعد ان حلق به طائر الغرنوق00
في انتظارك يا حبيبنا كديس الخلا ولا كديس
البيت اهم شي توافينا بما يدعم موقف الصراع التأريخي
بين كل الكدايس والفئران 00

الملكة اسماء ( ام محمد )
01-09-2009, 11:03 AM
في انتظارك يا حبيبنا كديس الخلا ولا كديس
البيت اهم شي توافينا بما يدعم موقف الصراع التأريخي
بين كل الكدايس والفئران 00




بيان المتحدث الرسمي باسم لجنة حفظ حقوق القطط والفئران

الفخيييم
01-09-2009, 11:10 AM
بيان المتحدث الرسمي باسم لجنة حفظ حقوق القطط والفئران


عندك شك في قوة الطرح00
لابد من وجود كدايس تعرف دورها
ولا شنو؟

الملكة اسماء ( ام محمد )
01-09-2009, 11:30 AM
عندك شك في قوة الطرح00

لابد من وجود كدايس تعرف دورها
ولا شنو؟





طرح قوي جدا ويستحق التآمل
ولابد من وجود من يحمى الفئران من الكدايس .. بس بيني وبينك الفئران طلعت اذكى من الكدايس وعرفت تتعايش معاها
مامعروف الكدايس ( رضخت واستسلمت ) والا الفئران ( لعبتها صح )

الفخيييم
02-09-2009, 09:50 AM
مامعروف الكدايس ( رضخت واستسلمت ) والا الفئران ( لعبتها صح )


ده ما المحيرنا ذاتو00
الكدايس رضخت ولا استسلمت ولا الفئران لعبتها صح
ده العايز اصل ليهو00 اتمني ما يطلع كلامك صح
كلو الا رضوخ الكدايس00

الزونية
02-09-2009, 09:10 PM
ده ما المحيرنا ذاتو00

الكدايس رضخت ولا استسلمت ولا الفئران لعبتها صح
ده العايز اصل ليهو00 اتمني ما يطلع كلامك صح
كلو الا رضوخ الكدايس00


http://www.alriyadh.com/2009/02/23/img/272909.jpg

NO COMMENT

الفخيييم
03-09-2009, 09:14 AM
http://www.alriyadh.com/2009/02/23/img/272909.jpg (http://www.alriyadh.com/2009/02/23/img/272909.jpg)

no comment


ده قط يقبل في فأر يا الزونية
مافي اي شكل من اشكال الصراع هنا
والصورة من الارشيف نحن الان بصدد
الحميمية الحاصلة دي اسبابها شنو
لازم نعرف اسباب ذوال الصراع بين القطط والفئران00