توقعاتكم لمبارتي القمة غداً !!

[ايمن عبد الله]

عايزين نعرف توقعاتكم لمبارتي الغد ..

الهلال / كانو

المريخ / زيسكو



والنصر للسودان

[محمد الواثق]

ابو اسيل ما سمعناة لتقرير المران التدريبي لفريق المريخ وانه طلع بمستوي جيد والمعروف ان للفريق فرصة واحدة وصعبة المنال اعتقد ان المريخ سيخرج من المباراة بفوز كبير بإذن الله الا اننا نتمني ان يغير مازدا من خطتة ولا يمكن ان تلعب بنفس الخطة التي قد هزمت فيها من قبل نطالب ان كان بالتمني دخول راجي والعجب والسعودي وايداهور في الخطة التي لم نتعرف عليها بعد وامامهم فرصة التقدم لأنوا فرقنا مشكلتة الهزيمة والهدف الاول اذا استطاعا الفريقين التقدم فانا اضمن للمريخ الفوز واتمني للهلال الفوز وان ثبت علي مستواة الحالي الفوز الأكيد له .
كل التمنيات لفريقي المريخ والهلال بالفوز
ونثق في مازدا وكل لاعبي المريخ واننا معكم في كلا الحالات وان ينبذ اللاعبين روح الهزيمة وان يلعبوا بروح الإصرار .

[محمد السر]

2|1 لصالح الهلال

3|0 لصالح زسكو

[تغريد]

ان شاء الله الفريقين راجعيين ومعاهم الفوز الكبيير ان شاء الله تعالي






همسة لي محمد السر

دعواتك بالفوز للقريقين يا محمد دا السودان ياخ

[بورتبيل]

امنياتي للفرقة الزرقاء بالتفوق واعتلاء عرش القارة السمراء

وحينها سوف نملأ الدنيا ضجيجاً .. وصخباً

للمريخ كل المنى بان يحقق ما يحفظ به ما وجهه ( كراس للمجموعة الاولى)

الا انه اصبح (كبري) للعبور والرقص .. اي نتيجة سلبية من المريخ تعرض الهلال للاهتزاز

لان زيسكو سوف يطمع كثيراً في الصعود .. اذاً الهلال يلعب مبارتين في وقت واحد مباراة في كانو ومباراة يعلبها المريخ في لوساكا .. واخشى على الهلال من تراخي فتية المريخ .. وتهاونهم في لوساكا

[انوريكا]

2|1 لصالح الهلال

3|0 لصالح زسكو


:mad::mad:

10 / 0 لــ صالح كانو :p

3 / 1 للمريخ :p

[بورتبيل]

نحن لا نتكلم عن الفريق القومي

نحن نشجع الاندية ( وهي تلعب على مجموعة واحدة)

لا تخلطوا الامور يا سادة يا كرام

فحملة جريدة الصدى ضد الهلال ( لماذا لم تراعي ان الهلال يلعب باسم السودان؟)

امنياتي بالتعادل في لوساكا والتعادل في كانو .. ويلا نشوف من الطاير ومن المتحكر

[بورتبيل]

تفرطوا فيها في استادكم وتمشوا تكوسو ( الروب عند الفلاتة )

ولله ياها ذاتها ( ياباها مملحة .. ويجي يفتش ليها قرووض)


ولا ما كدي

[محمد السر]

:mad::mad:

10 / 0 لــ صالح كانو :p

3 / 1 للمريخ :p





http://www2.0zz0.com/2009/08/18/15/380526781.gif (http://www.0zz0.com)

[تغريد]

نحن لا نتكلم عن الفريق القومي

نحن نشجع الاندية ( وهي تلعب على مجموعة واحدة)

لا تخلطوا الامور يا سادة يا كرام

فحملة جريدة الصدى ضد الهلال ( لماذا لم تراعي ان الهلال يلعب باسم السودان؟)

امنياتي بالتعادل في لوساكا والتعادل في كانو .. ويلا نشوف من الطاير ومن المتحكر



رمضان كريم يا بورتبيل

بس عندي تعليق بسيط لما تلعب باسم السودان يبقي ما ضروري يكون اسمك الفريق القومي يا اخ بورتوبيل ممكن تلعب كهلال والناس تقيف معاك وكمريخ والسودان برضو يقيف معاك والعصبية الكروية دي ياها المرجعانا لي ورا والناس ماشة لي قدام بتمني نتخلص من عقدة هلال مريخ دي

مع فائق الاحترام والنصر للهلال ان شاء الله وللمريخ برضو

[ميزو]

نتمنى التوفيق للفريقين

[روبش]

كل الامنيات ان يحقق الفريقان ( هلال مريخ ) الفوز اليوم

[روبش]

الفوز باذن الله لهلال مريخ اليوم

[ABUZAID]

اتوقع ان ينتفض النسر المجروح . . .
يجلجل عاليا في سماء افريقيا . . .

سيفوز مريخ السودان او يتعادل


اما الهلال السوداني . . .

فلا اظن انه سيفوز او حتى يتعادل مع كانو النيجيري

هكذا هى كرة القدم في بلدنا


وكذب المنجمون ولو صدقوا . . .

[روبش]

اما الهلال السوداني . . .

فلا اظن انه سيفوز او حتى يتعادل مع كانو النيجيري

هكذا هى كرة القدم في بلدنا


وكذب المنجمون ولو صدقوا . . .


وجهة نظر نحترمها

[مرتضى ساتى]

:mad::mad:

10 / 0 لــ صالح كانو :p

3 / 1 للمريخ :p


هههههههههههههههههههههههه ههههههههههههههههه حلوه يا ابو النور

[مرتضى ساتى]

والله يا جماعه ما متفائل والنتيجه

3/1 لكانو

2/0 لزسكو

[ABUZAID]

والله يا جماعه ما متفائل والنتيجه

3/1 لكانو

2/0 لزسكو



الاخ العزيز - مرتضى ساتي

رمضان كريم

من الاخر كده . . .

والله احييييك

والليلة يوم رجال

تحياتي

[النويري]

والله أنا أتوقع انو المريخ يعتبر خارج المنافسة إذا تعادل حتى فرصتو ضيقة جداً وأعتقد أن حا يحقق فوز يخليهو لسة في المنافسة
أما سيد البلد ففرص التأهل كبيرة جداً إذا عرف كيف يتعامل مع باقي المباريات وأنا أتوقع أنها تعادل أو هزيمة للهلال 2/ صفر مع أني هلالابي

[الفخيييم]

في السكة مووووووووج ازرق هدر
تأريخ ندر أسموالهلال سيدالبلد سيدالبلد
التعادل او فوز الهلال00
اما بالنسبة للوصيف الله يدينا الفي مرادنا

[بت أم درمان]

اتوقع ان ينتفض النسر المجروح . . .
يجلجل عاليا في سماء افريقيا . . .

سيفوز مريخ السودان او يتعادل


اما الهلال السوداني . . .

فلا اظن انه سيفوز او حتى يتعادل مع كانو النيجيري

هكذا هى كرة القدم في بلدنا


وكذب المنجمون ولو صدقوا . . .

وانا اتوقع يحصل عكس الانت قلته دا

[esmat]

الحالة صعبة تصعب معها التوقعات
نتمنى الفوز للهلال والمريخ ان شاء الله


ايمن عبد الله ما ماشي عمرة انت

[أبو ريان]

أتوقع ان تنتهي بالتعادل السلبي ويكون الأداء فيها تعبااااااااااااااااااان شديد وماتستحق
أن تكون مبارات قمة

[روبش]

والله يا جماعه ما متفائل والنتيجه

3/1 لكانو

2/0 لزسكو

ابوعبدالرحمن ... والله بيني وبينك الرجفة حاصلة ومن امس لكن نعمل شنو بنتصبر ساي

[عمرسنهوري]

تحياتي ابو اسيل

وللرائع عصمت التحيه .

المريخ لم يخسر خارج ارضه في ثلاثه جولات متتاليه وخسر
في الجوله الرابعه مع انه سيطر على جزء كبير من المباراة وكان الافضل
واستطاع الوصول لشباك الفريق الذي خسر منه .
وفي العام الماضي لعب المريخ اول ثلاثه مباريات خارج ملعبه ولم يخسر
اي انه في العامين الاخيرين خسارة المريخ خارج ارضه وارده لكن بنسبه ضعيفه
اما الهلال
فقد لعب مباراتين خارج ارضه وخسرهما .

ولكن كرة القدم لاتركن للحسابات المسبقه وكل شي فيها وارد .

قلبي يحدثني بان السفراء الحمر سيكونوا في الموعد

[روبش]

رسالة عاجلة لاخونا ايمن عبدالله

يا ايمن إياك وتفتح لينا الاستديو بتاعك ده .. كفاية علينا art

[روبش]

تحياتي ابو اسيل

وللرائع عصمت التحيه .

المريخ لم يخسر خارج ارضه في ثلاثه جولات متتاليه وخسر
في الجوله الرابعه مع انه سيطر على جزء كبير من المباراة وكان الافضل
واستطاع الوصول لشباك الفريق الذي خسر منه .
وفي العام الماضي لعب المريخ اول ثلاثه مباريات خارج ملعبه ولم يخسر
اي انه في العامين الاخيرين خسارة المريخ خارج ارضه وارده لكن بنسبه ضعيفه
اما الهلال
فقد لعب مباراتين خارج ارضه وخسرهما .

ولكن كرة القدم لاتركن للحسابات المسبقه وكل شي فيها وارد .

قلبي يحدثني بان السفراء الحمر سيكونوا في الموعد

والله نتمنى ان السفراء الحمر يكونوا في الموعد

[أبو ريان]

لو النتيجة انتهت زي ماانا متوقع لازم استلم هدية منكم

[عمرسنهوري]

والله نتمنى ان السفراء الحمر يكونوا في الموعد



روبشاني وين انت ؟؟؟؟؟؟؟؟؟

[بدر الدين احمد الطائف]

عايزين نعرف توقعاتكم لمبارتي الغد ..

الهلال / كانو

المريخ / زيسكو



والنصر للسودان

قلوب رمضان كريم

الهلال صفر / كانو 1
المريخ 1 / زيسكو 2


انا اشجع الهلال............ للعلم

[رضا حسن محمد]

الهلا ل 2 كانو صفر
المريخ صفر زيسكو 2

[ABUZAID]

أتوقع ان تنتهي بالتعادل السلبي ويكون الأداء فيها تعبااااااااااااااااااان شديد وماتستحق
أن تكون مبارات قمة

الغالي الاخ - محمد صلاح سعيد

رمضان كريم وكل سنة وانت طيب


صحي النوم يااخوى
انت وين يابوي

اليوم شكلو مسخن واللسان مارق جاف تماما

افطر وتعال راجع لينا

تحياتي واشواقي

[ABUZAID]

وانا اتوقع يحصل عكس الانت قلته دا



ياناس خلونا نتفاءل شوية

وادونا رشة تفاؤل

ورمضان كريم

[ايمن عبد الله]

2|1 لصالح الهلال

3|0 لصالح زسكو

للدرجة وصل الحقد الاعمي يا موتورات

[ايمن عبد الله]

:mad::mad:

10 / 0 لــ صالح كانو :p

3 / 1 للمريخ :p


ما بالغت لكن يا انور

[ايمن عبد الله]

رسالة عاجلة لاخونا ايمن عبدالله

يا ايمن إياك وتفتح لينا الاستديو بتاعك ده .. كفاية علينا art

هي ناقصة يا روبشكو بالله عليك

[ايمن عبد الله]

وجهة نظر نحترمها

اها يا روبشكو

وجهة نظرو طلعت صحيحة مية المية

[عمرسنهوري]

اي انه في العامين الاخيرين خسارة المريخ خارج ارضه وارده لكن بنسبه ضعيفه
اما الهلال
فقد لعب مباراتين خارج ارضه وخسرهما .

ولكن كرة القدم لاتركن للحسابات المسبقه وكل شي فيها وارد .

قلبي يحدثني بان السفراء الحمر سيكونوا في الموعد






اها يا ابو اسيل انا كمان كنت قريب جدا من الاجابه

[ايمن عبد الله]

اها يا ابو اسيل انا كمان كنت قريب جدا من الاجابه


انت زول صفوة وكلامك ما بقع واطة بالله كلم روبشكو خلي يقتنع

[ABUZAID]

اتوقع ان ينتفض النسر المجروح . . .
يجلجل عاليا في سماء افريقيا . . .

سيفوز مريخ السودان او يتعادل


اما الهلال السوداني . . .

فلا اظن انه سيفوز او حتى يتعادل مع كانو النيجيري

هكذا هى كرة القدم في بلدنا


وكذب المنجمون ولو صدقوا . . .




تحياتي للاخ الغالي روبش والاخت بت ام درمان