ودمدني القبيحة

[Badri]

ود مدني اصبحت خرابة

[محمد هاشم]

ود مدني اصبحت خرابة


انت والله كلامك مر و حنضل وداير ليك فلتر تركبو في خشيمك ده للترشيح وتنقية الكلام أخوي نحن ودمدني كان بقت ................. - ياربي خيالك وداك بالضبط أنا قاصد بالنقط ديل شنو بس ياهو زاتو- برضو عاجبانا ومابنرضى فيها وكان عندك راي ولا وسيلة إصلاح ايجابية الحقنا بيها لانو ودمدني منتظراك انت وانا واحمد وسعاد والسرة وكل ابناءها النجيبين لاصلاحها وإعادة سيرتها الاولى مش نقيف من بعيد ونقول ودمدني القبيحة لانو ودمدني القدمتو ليك ماشوية

[توحيد بابكر الطيب]

ولاي صدقت يامحمد هاشم كلامو حنضل وداير ليهو فلتر ودمدني مش قبيحة ودمدني حلوين وطيبين ناسا ودمدني الناس بس اهملتا

[الاميره]

الاخ بدرى
انت طوالى دخلت البوست قباحه ...مدنى ست المدن.. مدنى الجمال ..والحضاره مرقت منها..
مدنى ثقافه.. مدنى رايه تحت لوائها.. كل العمالقه من دكاتره ومهندسين واقتصاديين وفنانين
ومدنى بى ناسا الطيبين والاصيلين
مع احترامى وتقديرى

[ود سعدابى]

ود مدني اصبحت خرابة

كلمة لاااااااا لكل هذه الوصفه !!!

مدنى ست المدائن مدنى الحيويه والنشاط مدنى
وكل ما يتسع شى جميل
إن ايقنا بهذا القبح نكون نحن القبيحين وان جعلنا هذا الشعور يسيطر علينا نكون قد تسببنا فى موات مدينه بإكملها
وهذا جرم لايضاهيه جرم

[ام قبس]

دا اسمه هروووووووووووووووووووووووووووووووووووووووووب من الواقع المرييييييييييييييييييييير
اقعدوا في قعر الواطة دي
ولو استمريتوا في جنس النكران دا ياها الماشه تبقي ...............................زز دي بعد الخرابه طوالي
الحقيقه من الله خلقها مرررررررررررررررررررررررة

[الزبير محمد عبدالفضيل]

ودمدني هي ست المدائن وحاشاها من القبح مدني ام الجميع ونتمني من الجميع

تقديم لمدني كل شيء زي ما قدمت للجميع كل خيررررر

[رضاك ياصفيه]

هووووووي ياناس الزول كلام صح ولله بقت خرابه وين مدني حسي وين مدني زمان سوال دائما بنسمعومن الناس الكبار فرق كبير مدني في يوم من الايام كانت عاصمه حسي شوف العاصمه بقت كيف يانس بي العربي كل من مسك مدني دا عاوز ياكل ماعوز انفع تعال اسالك انت وهو وين شوارعك ماشفت الفرق بينا والخرطوم المستشفيات ههههه اسكت ساي الوحد لوعاوز اموت قالو حولو الخرطوم مشروع الجزيره وين انتها ليه ولا ع

[نشوي محمد]

مدينة ود مدنى مدينه تاريخة وراسخة فى ازهان الجميع
ومن الواضح انها تشهد معمار جيد فى هذه الايام وخاصة فى مجال الاستثمار
وكلمة خرابه تعنى المكان المهجور الذى فر منه ساكنيه ولعب فيه الدهر وتمتع مما ادى الى هلاك المكان
والام الحبيبه مدنى لا يمكن ان تهجر وتصبح خرابه
وما ظهر لك ولم يرضيك افصح عنه لتجد الاجابه .
تظل ود مدنى عامره بحب ابنائها ويظل اسمها فى التاريخ حى لا يموت

دمته اخى العزيز وشكرا لك

[moh_alnour]

تم التصويت بخيار ( لا )
فحال ود مدني الأن لا يسُر عدو أو صديق
و لكن من باب عين الرضا عن كل عيب كليلة
فإننا نراها أفضل و أجمل و أروع المدن لأن المُدن بأهلها بعيدا ً عن العمران و الخدمات

[محمد السر]

ود مدني اصبحت خرابة

الظاهر التعبير خانك
واكييييييييد انت ما من مدني

[محمد هاشم]

الظاهر التعبير خانك
واكييييييييد انت ما من مدني


أصبت كبد الحقيقة أنا ما داير أحلف ساي الدنيا رمضان لكن الزول ده لا من مدني ولا شاف مدني واحتمال يكون مشى مدني سيرة عرس أو عابر لي ديار شرق السودان

[الزونية]

التحية لكل المتداخلين ...والتحية لكاتب المقال والذي خانه التعبير تماماً بأن وصف ام المدائن بالقبح وانني أستميحك عذراً بأن مدني برية من كل حرف من كلمة قبح..
هي جميلة بأهلها شيبها وشبابها ونيلها الأزرق الدفاق
فرقانها وأزقتها..وبنا نحن نزينها ترابطاً وننظم عنها كلمات من نور تجعلها تسمو فوق كل قبح ....

ودمدني تدمرت ..وتهالكت ولكنها لم تقبح..........وسنعيد لها سيرتها الأولى بإذن الله ...

[gadoramedani]

كل من وصف مدني بالجميلة يورينا الجمال دا وين ياخي مدني من اقبح مدن السودان شكلاً وهذه حقيقة لا جدال فيها لكن طيبة اهلها هي الساتر الوحيد لما تعانيه المدينة من سوء في كل شئ

[شبندر]

ود مدني اصبحت خرابة



الأخ بدري وكل المتداخلين من مؤيد أو غير مؤيد
محمد هاشم
توحيد
الأميرة
ودسعدابي
استاذنا الزبير
محمد السر

هناك فطرة في الأنسان بأنه لا يرى عيوب من يحب ولذلك سمى الحب أعمى ولو قيل لك ابوك ولا امك ما كويسين ممكن تكاتل في الكلام دا صاح ؟
حقيقة لمدني عشق خاص من كل اهل مدني ولكل النازحين لها ولكن لو تمادينا بأن لا نرى عيوب من نحب حتماً سوف ينتهي الحب في زمناً ما ولابد من الوقوف فيما كتب اخونا بدرى ومداخلات الأخت ام قيس ورد رضاك ياصفية حتى لاينتهي حبنا لهذه المدينة المعطاء
واعتقد بان الأخ بدري من مدني ولو لم يكن من مدني لما كتب هذا وربما خانة التعبير وجانبه الصواب في إختيار كلمة خرابة ولا نخفى رؤسنا في الرمال مدينة ودمدني في تدهور مستمر
تخريمة : في المساء شارع الجمهورية يعيش في ظلام دامس بإستثناء عدد قليل من المحلات

[عصام عثمان شمعون]

ود مدني اصبحت خرابة

والله يا بدري ما قلت الا الحق ..
اين هي مدني الآن ؟؟
اين التخطيط في الشوارع ؟؟ اين التخطيط في الاسواق ؟؟
اين امداد الكهرباء المستقر ؟؟ مع انه مدفوع القيمة ؟؟!
اين الفن ؟؟ اين الكرة ؟؟
اين الثقافة ؟؟
احد ابناء الجيران مغترب بالسعودية لمدة عشرين سنة وحضر هذا العام ليصوم رمضان بمدني .. ماذا كان انطباعه عن مدني خصوصاوالسودان عموما ؟؟
قال لي بالحرف الواحد لو ان الفرد اتي بمال قارون لانتهي في السودان دون ان ينميه ؟؟ وذكر لي ان الشوارع التي تركها منذ عشرين سنة لم تمسها يد التغيير ؟؟ كيف لبلد مثل مدني ان تتطور وهي علي ما عليه منذ عشرون سنة ؟؟
ما الذي يحدث بالسودان ؟؟ مسئولية من هذا الذي يحدث ؟؟
ابسط مقومات الحياة منعدمة او قل رديئة ان كانت موجودة ؟؟
هل ننام ونصحو ونجد هذه البلد قد تغيرت جذريا ؟؟ هل نحلم بملائكة يحولون خراب الشوارع الي عمار .. هل نحلم بملائكة يبدلون حال هذه البلد مما هي عليه الي الأحسن ؟؟
اظن ان هذا ما بقي لنا .. ولا حول ولا قوة الا بالله العلي العظيم

[محمد هاشم]

هو عليكم الله ياتو استبيان في الدنيا البيكون فيه جميع الاجبات لا أو أشباه اللا وين عدم التحيز ووين الاستقلالية ووين الاتجاه العام ووين مقاييس الصدق والثبات إستبيانك ده يا خوي واقعيا فاااااااااااشل وعلميا تعال نخت معاك الكورة واطة مافيه ابجديات الاستبيان يعني كل الخيارات الخاتيها أخينا ده عبارة عن عبارات سلبية تثبت فكرته في الاول يعني بيسألنا وبيجاوب هو طيب ما كان تجاوب عليه براك وبعداك تجينا بي فكرة تناقشها غايتو الله يصبرنا

[ايمن عبد الله]

ما تكون خرابة كيف كان اي زول يجيبوا عايز ((يبلع بس))


طبعا اخترت الخيار (لا)

[Almostshar]

ود مدني بقت ...................


احتمال زمان .......... ولا في الخيال


لكن البلد دي ما فيها الشي البقولو عليه خرابة


زادت جنة وجمال


أحي انا منك



بجيب الفلتر ده وبجي ليكم

[بشير محمد]

[حرام عليك والله فعلا تكون لاشفت مدنى ولاعارف عنها اى حاجه وانت بنطبق عليك المثل البقول اكل اكلنا وشال حالنا

[بنت النيل]

يا جماعه انتو دايرين الصدق ولا ود عمو ...................كان دايرين الصدق مدني بقت اقبح مدينه في السوان
والوصلها للمرحله دي المجاملات والهروب من الواقع زي ما قالت ام قبس
ولانه نحن بنحب مدني وماشايفين زيها عايزنها تكون الاحسن دايما شكلا ومضمونا واخيرا اقول
مدنــــــــــــي فـــــــــي حدقــــات عيــــــــوني
باقيـــــــه في جواي اثـــــــــــر
وعيد سعيد

[ام نوران]

مع ان ودمدني عزيزه وغاليه علي قلبي رغم سكني بالخرطوم,,,الااننا ومنذ طفولتنا اجازاتنا مع اهلنا بمدني بيت حبوبتي,,,فلها صدي عميق وحب كبير بنفوسنا,,,,الا ان مدني الن وفي اجازتي الماضيه منذ 9 اشهر ,,صارت فعلا مشكله ,,,نتمني ان ينصلح حالها

[عاشق النجمه]

اخى الرايع اليك كل التحيه والتقدير
من ناحيه الاستفتاء فى العمرانيه ((نعم ))
هى خرابه وليست خرابه بل خرابه مهجوره ... ومن قال غير ذالك فلقد كذب
ومن كل النواحى الاخلاقيه هى خرابه خرابه خرابه
ومن ناحيه عدم الموضوعيه والرفاهيه هى برضو خرابه خرابه
وشايف فى ناس قالو الزول القال الكلام ما من مدنى
بس اقول انا من وسط المدينه الخرابيه ...
وتحياتى الى العين الساهره 999

[أبو جودي]

أنتي من وين يا بنية ناوية على وين السفر ،،،،، قلتي لي مدني الجميلة مدني يا اجمل خبر
فيها قضيت الطفولة فيها شاب عمري وكبر
قبة السني وبيوته عامرة حلقات الذكر
وإن نأيت لا بد راجع مهما طال بي السفر
،،،،،،،،،،،،،،،،،،
،،،،،،،،،،،،،،،،،،،،،،،،،،،،، ودي مدني ،،،،،،،،،،،،،،،،،،،،،

[الزمن المريح]

سلامات و سلام كبير على فاتح البوست
و يا ود هاشم اكبر سلام ليك

و لكن اخر مرة شفت او فى الحقيقة ذرت مدنى متى (يعنى ازول هوى متين)

اولا كل الكلام الانكتب كلو خليهو جنبة و ورينا لماذا كانت مدنى عاصمة الجمال
الم تكن كذلك

لماذا خرجت ذلك الزخم من الفنانين و المبدعين
و لماذا التميز

حتى نعيدها سيرتها الاولى

الرجاء الرد بموضوعية
و لكم وافر الشكر

[محمد حسن حوتة]

يا جماعة الظاهر انو الراجل ما من مدني لانو ناس مدني مابقولوا الكلام دي. ما في واحد بوصف بيته بوصف سئ
نحنا مدني في عروقنا مدني بيتنا . مدني روحنا

[الحمزاوي]

مدني داخل قلوب كل المدنيين لكن الحقيقة لابد ان تقال مدني لم نشهد لها اي تطور ملحوظ نفس الشوارع الضيقة والاحياء البائسة والناس التعبانة ماديا وصحياوالبيئة التعبانة وحتى الشوارع الجديدة حسب علمي غير مطابقة للجودة مدني ما جاها واحد صاحب وجعة لسة متين ما معروف ...والطرق الداخلية بين المدن ونحن اطفال مفروض عليها رسم عبور والمواصلات الداخلية عليها رسوم من زمان قروشها راحت وين؟؟؟؟ مدني الجميلة تلهم الكاشف يغني ويكتب المساح شعر هسي بقت تلهم منو؟ احد الاصدقاء كان في اجازة مع اسرته في مدني وبعد رجوعه قلت كيف مدني قال جيت بملاريا .............في اشياء كثيرة سقطت من اجندة ابناء مدني عدا الاهتمام بالمعيشة والستر رغم ذلك هي مدينتي الحبيبة الى نفسي ولا نستطيع ان نطلق عليها خرابة ان نأئيت لابد راجع حتى لو طال السفر

[نخيل طيبة]

صح تحتاج وتحتاج للتصليح
ولكن كلمة قبيحة دي ماحلوة كلو كلو ...
والرد طبعا
لا
لا
لا

[saleh farah]

هل تعجبك مدينة ودمدنى ؟
من لا تعجبه مدينة ودمدنى لا يعجبه شئ ، هكذا هى الاجابة التى تأتي خارجة من محبي ست المدائن ، المدينة الحنينه كما يحلو لي تسميتها وصديقى عمر غلام الله ولكن !
يجب ان نعبر عن حبنا هذا بازاحة ستار المحبة الذي يعمينا عن الحال التي آلت اليها البنية التحتية للمدينة .
فبكل صراحة وكل صدق لا تعجبنا ولا يمكن ان تعجب عدو ولا صليح
ماذا افعل ؟
دائما معالجة الخلل تبدأ من البيت فالشارع ثم الحي ولا يصلح الله مابقوم حتى يصلحوا ما بأنفسهم ، فكم تحزن اعيننا ونحن نرى ابناء المدينة يتفرجون عليها وهى تتساقط يوما بعد يوم ، اقلها يجب ان تكون المدينة نظيفة كما كانت ، مخضرة كعهدنا بها ، مضيافة كما فعل اجدادنا ، وليست طارده كما ارادها اخرون بجهلهم .
هل استطيع تغيير شئ وماهى الخطوة الاولى ؟
يمكن ان يتغير كل شئ الا انسان المدينة الطيب ، وللتغير عدة اوجه تبتدئ بالبنية التحتيه المستطاعة واكرر كلمة المستطاعة مرة اخرى فكل منا يستطيع ان يشارك فى تغيير الوجه القبيح الذي الت اليه المدينة وكما اسفلت فلنبدا بمنازلنا وشوارع الحي الذي نسكنه ونساهم فى زراعة شجرة ، ودفن حفرة لتلافى مرض اسرة بأكملها .
صدقونى ودمدنى بما تملك من ابناء غيورين علي جمالياتها وموروثاتها الاخلاقيه قادرون على تغيير الوجه الجديد الذى اكتست به المدينه حديثا والعودة بها الى سابق عهدها بل وجعلها من اجمل وانبل المدن ولا اكون مبالغا ان قلت بانها تمتلك النواة لتكون المدينة الفاضلة التي نادى بها الفلاسفة فللنظر للمساحة التي تشغلها المدينة فانها مساحة صغيرة مقارنة بالمدن مما اكسب سكانها صفة الاهل واكاد اجزم بان سكان ودمدنى جميعهم يتعارفون وبينهم قاسم مشترك ان لم يكن بالدم فبالمصاهره والجيره والزمالة الدراسيه وصديق الصديق ومباريات كرة القدم ايام الروابط والناشئين فالكل يعرف الاخر ان لم يكن مباشرة عن طريق الصديق المشترك ، لذا لا اجد عودة المدينة الى سابق عهدها يشوبه شئ من المستحيل .

[mamdoh]

السلام عليكم
نرجوا منكم التوضيح
شكل ودمدني ده ماانواع عدة هل الشكل المعماري او شكل الحياة او شكل الناس ....الخ
معليش ممكن "؟؟؟؟؟؟

[ام ريان]

لا لا لا


أغنية أم المدائن :غناء :صديق سرحان
كلمات وألحان :الشيخ محمد عثمان

النص :
مدني يا أم المدائن الجميلة الخيرا باين ...مدني

كل أهل الله بانوا في الخلاوي وفي القباب
ولعوا النيران بيتلوا القداسة الفي الكتاب
نور من الصادقاب بنور في أبحراز وهج الشهاب
ماهو زي نور الرتاين

فيها أحمد خير إشارة لانتشار الوعي بادر
أشعل التاريخ منارة مؤتمر عم البنادر
منو انطلقت شرارة في ربوع أم در بشاير
وفي محل ما العين تعاين

في الفنون أو في الرياضة يبقي لي مدني الريادة
كم سعت للخير رجالا وزادو بحر الفيض زيادة
أنشاوؤا التعليم مدارس هي في التقدير عبادة
ومدني يا أم المدائن

لك حبي يا ست المدائن