المساعد الشخصي الرقمي

مشاهدة النسخة كاملة : يا ناس مدني اشرحوا لينا الحاصل دا


بت نفاش
01-09-2009, 06:06 PM
ازيكم يا ناس مدني الطيبين.

عندي كم سؤال ممكن تفتوني فيهم ؟

اول حاجه: المصاطب (الكورنيش بتاع النيل) دي ودوها وين ولي شنو والناس الما عندها قروش تتنفس وين؟

تاني حاجه: هل الناس ديل ناس الـ........ صحي الانجليز عمروا البلد اكتر منهم؟

تالت حاجه: ناس الحكومه ديل شغالين شنو؟

رابع حاجه: اين الصحه والتعليم؟

خامس حاجه: قطع الكهرباء سبه بلا سبب دا موش المفروض بعد شركة الدفع المقدم دي يتقاضو ولا القضاء رايو شنو ولا حقوقنا وين ولا ما عندنا حقوق؟

معليش على الدارجيه بس ما قادره اعبر.
محمد حسين (المميز)
01-09-2009, 09:49 PM
معليش على الدارجيه بس ما قادره اعبر.




بت نفاش

رمضان كريم

ده كله وماقادره تعبري:eek::eek:

ياخي الحكومه قربت تستقيل من ورا اسألتك:D:p:D

بصراحه الاسئله مهمه وفي زيها كتيـــــــــــــــــر محتاج اجابه

لكن انا شايف انسب اتنين ممكن يجاوبو الاسئله دي

الجندي المجهــول & المســــــافر;););)
ام قبس
01-09-2009, 11:08 PM
بت نفاش رمضان كريم
والله اسعلتك في التنك
ويا المميز تاني بعد الراجل المات وشفت جثته زول يجاوب غيرك مافي
أشرف صلاح السعيد
02-09-2009, 12:57 PM
بت نفاش اصبرى شوية
سيبى اللخمة
وسيبى الجوطة
وبجاوبك هسع من غير الزيطة
الكورنيش بقى حصالة
ترمى جنيه تشوفى الموية
وتانى جنيه تشوفى القيفة
تانى جنيه تجيك نسيمة
بس مخلوطة بشواء سمكاية
و عشرة جنيه تجيك سمكاية
ويمكن تلقى جواها الخاتم
اصلو الخاتم بقى بقروش
وناس الدولة منعو بروش
عشان تتزاحم فيها وشوش
قايلا النيل فوضى وزحمة؟
تتضهب ناس بعد اللخمة
تدعو فى صلاتا تشوف اللحمة
تسأل مولى ماتجيهو الوحمة
يابت نفاش بقيتى غشيمة؟
احمدى ربك بضل النيمة
النيل بقى حكر للتمساح
والبلطى حليلو مابنداح
وحليل النيل نجيو سواح..

وتانى سؤالك شايفو هظار
كيفن تقارنى بين محتل وبين ثوار
عايز تشرفى ورا الاسوار
وتخلينا نلف نحتار
ويمكن نهتف لن ننهار
ووحاتك ثانية جوا الدفار
وتبقى اللمة بسبب اعمار

اما تالتك بودى التوج
الناس شغالة مابتروج
ابشرو يقدلو وفنان مرجوج
عشان نتذكر عرس تاجوج
الناس شغالة بالاعلام
حتى اسمعى باستفهام
بقى سودانا حاجة تمام
كِمل الورا وراميين قدام
وورا المرتزقة مابقو خدام
وقالو جنوبنا فيهو سلام
تمنو ارامل وكوم ايتام
تمنو مناصب ونواب حكام
وثراءً فاحش كلو حرام
ودعوة تشجع لانقسام

بتسألى انتى عن التعليم؟
وعن الصحة والتطبيب؟
هاى يازولا طرحك جد
غريب وعجيب
ماكفاية الركشة بسوقا خريج
ماكفاية الصيادلة عملو طريق

وكان للكهربا وين المشكل
لما الشركة تدور توفير
لا لا ابدا للتبذير
يسقط يسقط التنوير
يعنى شنو الناس دافعين
وعيبى ليا موية الزير
وفحم المكوة مافيهو الخير
ورش الحوش والبنابير
الكهربا بتجى والشفقة تطير
وتحيا وتعيش محبوبة الجماهير
الجابت لينا الف وزير
وعملت فرصة لالف غفير
وحاربة فينا كل تبذير
ميزو
02-09-2009, 02:06 PM
بت نفاش اصبرى شوية
سيبى اللخمة
وسيبى الجوطة
وبجاوبك هسع من غير الزيطة
الكورنيش بقى حصالة
ترمى جنيه تشوفى الموية
وتانى جنيه تشوفى القيفة
تانى جنيه تجيك نسيمة
بس مخلوطة بشواء سمكاية
و عشرة جنيه تجيك سمكاية
ويمكن تلقى جواها الخاتم
اصلو الخاتم بقى بقروش
وناس الدولة منعو بروش
عشان تتزاحم فيها وشوش
قايلا النيل فوضى وزحمة؟
تتضهب ناس بعد اللخمة
تدعو فى صلاتا تشوف اللحمة
تسأل مولى ماتجيهو الوحمة
يابت نفاش بقيتى غشيمة؟
احمدى ربك بضل النيمة
النيل بقى حكر للتمساح
والبلطى حليلو مابنداح
وحليل النيل نجيو سواح..

وتانى سؤالك شايفو هظار
كيفن تقارنى بين محتل وبين ثوار
عايز تشرفى ورا الاسوار
وتخلينا نلف نحتار
ويمكن نهتف لن ننهار
ووحاتك ثانية جوا الدفار
وتبقى اللمة بسبب اعمار

اما تالتك بودى التوج
الناس شغالة مابتروج
ابشرو يقدلو وفنان مرجوج
عشان نتذكر عرس تاجوج
الناس شغالة بالاعلام
حتى اسمعى باستفهام
بقى سودانا حاجة تمام
كِمل الورا وراميين قدام
وورا المرتزقة مابقو خدام
وقالو جنوبنا فيهو سلام
تمنو ارامل وكوم ايتام
تمنو مناصب ونواب حكام
وثراءً فاحش كلو حرام
ودعوة تشجع لانقسام

بتسألى انتى عن التعليم؟
وعن الصحة والتطبيب؟
هاى يازولا طرحك جد
غريب وعجيب
ماكفاية الركشة بسوقا خريج
ماكفاية الصيادلة عملو طريق

وكان للكهربا وين المشكل
لما الشركة تدور توفير
لا لا ابدا للتبذير
يسقط يسقط التنوير
يعنى شنو الناس دافعين
وعيبى ليا موية الزير
وفحم المكوة مافيهو الخير
ورش الحوش والبنابير
الكهربا بتجى والشفقة تطير
وتحيا وتعيش محبوبة الجماهير
الجابت لينا الف وزير
وعملت فرصة لالف غفير
وحاربة فينا كل تبذير


والله احلف عليك انك شيوعى
لكن اقول ليكم حاجه
تعرفى يا بت نفاش ويا المميز
انو والينا الجديد طلع وارغو (يعنى ماسورة)
اسموا الزبير وارغو
أشرف صلاح السعيد
02-09-2009, 02:23 PM
ميزو عوافى..
بعد رمضان عليك تلاتا ايام صيام عشان حليفتك..
دا غير الستة البيض ماتعمل شفت تصومن وتخصم منهم التلاتا ايام..
ورمضان كريم عليك..
فراس
02-09-2009, 02:57 PM
بت نفاش تحياتي
معقول حتي المتنفس الوحيد شالوه طيب الناس تمشي وين
تاني لاحولا ولاقوة الا بالله ربنا اصلح الحال
ود الجعلي
02-09-2009, 04:08 PM
بت نفاش تحياتي

احسن تسكتي لانو الاسئلة الكتيرة بتجيب ليك القليب وبتجيب ليك الهوا البارد
واعملي حسابك المنتدى مليان عقارب

ودمتي
محمد السر
03-09-2009, 01:35 PM
الحقيقه يا بتنا كلامك دا محيرنا كلنا
بت نفاش
06-09-2009, 05:42 PM
بت نفاش

رمضان كريم

ده كله وماقادره تعبري:eek::eek:

ياخي الحكومه قربت تستقيل من ورا اسألتك:d:p:d

بصراحه الاسئله مهمه وفي زيها كتيـــــــــــــــــر محتاج اجابه

لكن انا شايف انسب اتنين ممكن يجاوبو الاسئله دي

الجندي المجهــول & المســــــافر;););)


ازيك يا محمد المميز
شكراً جزيلاً على مرورك

بس الشئ الانا مستغربه ليه
وين الشهامه والمرؤة والناس دي بتخاف من الخلق اكثر من الخالق
وحتى ما قادرين يردو مع ان المشكله دي بتخص الكل؟
بت نفاش
06-09-2009, 05:46 PM
بت نفاش رمضان كريم
والله اسعلتك في التنك
ويا المميز تاني بعد الراجل المات وشفت جثته زول يجاوب غيرك مافي

اختي ام قبس كيف عامله مع رمضان
الحقيقه تقال : كنت متوقعه ردود وشرح من الكل
ولا الكل بقت المسأله ما هاماها لحدي ما الفاس يقع في الراس
والناس ما عارفه تعمل مع العدو شنو
بت نفاش
06-09-2009, 05:53 PM
بت نفاش اصبرى شوية
سيبى اللخمة
وسيبى الجوطة
وبجاوبك هسع من غير الزيطة
الكورنيش بقى حصالة
ترمى جنيه تشوفى الموية
وتانى جنيه تشوفى القيفة
تانى جنيه تجيك نسيمة
بس مخلوطة بشواء سمكاية
و عشرة جنيه تجيك سمكاية
ويمكن تلقى جواها الخاتم
اصلو الخاتم بقى بقروش
وناس الدولة منعو بروش
عشان تتزاحم فيها وشوش
قايلا النيل فوضى وزحمة؟
تتضهب ناس بعد اللخمة
تدعو فى صلاتا تشوف اللحمة
تسأل مولى ماتجيهو الوحمة
يابت نفاش بقيتى غشيمة؟
احمدى ربك بضل النيمة
النيل بقى حكر للتمساح
والبلطى حليلو مابنداح
وحليل النيل نجيو سواح..

وتانى سؤالك شايفو هظار
كيفن تقارنى بين محتل وبين ثوار
عايز تشرفى ورا الاسوار
وتخلينا نلف نحتار
ويمكن نهتف لن ننهار
ووحاتك ثانية جوا الدفار
وتبقى اللمة بسبب اعمار

اما تالتك بودى التوج
الناس شغالة مابتروج
ابشرو يقدلو وفنان مرجوج
عشان نتذكر عرس تاجوج
الناس شغالة بالاعلام
حتى اسمعى باستفهام
بقى سودانا حاجة تمام
كِمل الورا وراميين قدام
وورا المرتزقة مابقو خدام
وقالو جنوبنا فيهو سلام
تمنو ارامل وكوم ايتام
تمنو مناصب ونواب حكام
وثراءً فاحش كلو حرام
ودعوة تشجع لانقسام

بتسألى انتى عن التعليم؟
وعن الصحة والتطبيب؟
هاى يازولا طرحك جد
غريب وعجيب
ماكفاية الركشة بسوقا خريج
ماكفاية الصيادلة عملو طريق

وكان للكهربا وين المشكل
لما الشركة تدور توفير
لا لا ابدا للتبذير
يسقط يسقط التنوير
يعنى شنو الناس دافعين
وعيبى ليا موية الزير
وفحم المكوة مافيهو الخير
ورش الحوش والبنابير
الكهربا بتجى والشفقة تطير
وتحيا وتعيش محبوبة الجماهير
الجابت لينا الف وزير
وعملت فرصة لالف غفير
وحاربة فينا كل تبذير

العزيز اشرف
انت الوحيد الضايق الطعم المر
وين الباقين ولا عاجبهم الحال
واحتمال يكونو زينا كدا ما قادرين
يسألو من حقهم ولا الخوف حاصل
ولا راضين بالواقع
والمشكله الكبرى يقولو يعني حنعمل شنو..
كيف حتعمل شنو والعملو فيك ديل كيف وصلو
لدرجة اتمكنو منك في ذول فيهم ليه ثلاثه ايادي
وراسين؟
بت نفاش
06-09-2009, 05:56 PM
والله احلف عليك انك شيوعى
لكن اقول ليكم حاجه
تعرفى يا بت نفاش ويا المميز
انو والينا الجديد طلع وارغو (يعنى ماسورة)
اسموا الزبير وارغو

والماسوره دي يا ميزو ما عندها حل
بكره بجي اليوم الاغبر لاننا ما عارفين
حقنا الشالو منو
بت نفاش
06-09-2009, 05:57 PM
بت نفاش تحياتي
معقول حتي المتنفس الوحيد شالوه طيب الناس تمشي وين
تاني لاحولا ولاقوة الا بالله ربنا اصلح الحال

اللهم امين
بت نفاش
06-09-2009, 06:02 PM
بت نفاش تحياتي

احسن تسكتي لانو الاسئلة الكتيرة بتجيب ليك القليب وبتجيب ليك الهوا البارد
واعملي حسابك المنتدى مليان عقارب

ودمتي

المشكله يا ود المك نمر الجابه شنو
ما جابها السكات دا ذاتو والخوف من العقارب
والخلى العقارب تتوالد شنو غير الخوف


بتكلمو عن الانجازات طيب وين البلاوي ووين
الخساير
سودانية وافتخر
06-09-2009, 06:03 PM
حال السودان يا ترى حيتغير ولا حيفضل كدا؟؟!!الله اعلم


والله دايرين الصراحة مع اني ما عايشة في السودان بس اي زول بيمشي السودان وبيرجع بقول والله لو علي تاني ما امشي السودان لانو بقت الحال من اسوأ لي اسوا ومن فساد لي فساد..غايتو ما اقول الا الله يصلح الحال...دمتي غاليتي
بت نفاش
06-09-2009, 06:06 PM
الحقيقه يا بتنا كلامك دا محيرنا كلنا

ليه الحيره
الناس تسكت وتخليهم يبرطعو
في البلد ولا هي البلد حقتهم
الخوف بكره نبقى زي فلسطين
بت نفاش
06-09-2009, 06:09 PM
حال السودان يا ترى حيتغير ولا حيفضل كدا؟؟!!الله اعلم


والله دايرين الصراحة مع اني ما عايشة في السودان بس اي زول بيمشي السودان وبيرجع بقول والله لو علي تاني ما امشي السودان لانو بقت الحال من اسوأ لي اسوا ومن فساد لي فساد..غايتو ما اقول الا الله يصلح الحال...دمتي غاليتي

الحال بقى رماد
قطع كهربا ومويه ماف
وملاريا والفشل الكلوي ما يديك الدرب
ومشفى الذره بقت مليانه من السرطانات
وكلها من الخضروات بالكيماويات