المساعد الشخصي الرقمي

مشاهدة النسخة كاملة : اناقتك ضرورة قصوى وليس كماليات ايها الرجل


ود الجعلي
02-09-2009, 05:56 PM
الاهتمام بالأناقة لابد ان يهم الرجل في مكان العمل و غيرذلك

فالمظهر أصبح جزء لا يتجزأ من صورته ككل، سواء في العمل أو في المجتمع، وبالتالي يؤثر مباشرة على رؤية الآخرين له ورأيهم فيه.
والمقصود بالأناقة ليس شراء قمصان وملابس غالية الثمن أو التوجه إلى صالونات تجميل

حاول ان تنقص وزنك نادي رياضي بحل المشكلة

اهتم بالالوان و تناسق القطع

اهتم بالنظافة الشخصية والعطور

ليس عيب ان تهتم بمجلات الموضة فالموضة لكل الاعمار

خلي البس من حبل الغسيل تلك العادة البايخة ولبس البنطلون تحت الجلابية وكمان طاقية مع البنطلون




- تجنب الملابس المقلمة بالعرض إلا إذا كنت طويلا ونحيفا، واختر في المقابل ألوانا حيادية فهي تبقى عندك فترة أطول، كما أنها تضفي عليك بعض الرشاقة.

سنواصل ونبدا بالعطورات ثم القمصان والاكسسوارات والبناطلين
ود الجعلي
02-09-2009, 06:15 PM
dune


polo black


عطور قوية وتدوم وقت طويل واقتصادية في الاستهلاك وتريح الاعصاب وتؤدي مهم مزيل العرق ايضا لانها قوية جدا" وتناسب الذوق السوداني
محمد هاشم
02-09-2009, 10:20 PM
والله ياود الجعلي انا مسألة تنقيص الوزن دي غلبتني تب وماعارف أعمل شنو وبالجد خاشي في أزمة
أشرف صلاح السعيد
03-09-2009, 01:17 AM
ودالجعلى عوافى..
ياخى معقول جعلى وبيوتى سنتر رجالى ..والله بس ماترجع شندى..
يديك العافية وإنها للمسة حقيقى بعض من آدم السودانى فى حوجة إليها..
طرح جديد وكسر لرتابة القول السخيف هو الرجال مالازم يكونو خشنين..وشينين..
ونسوا المؤمن طيب واكله طيب ولباسه طيب..
الى الامام ..
ود الجعلي
03-09-2009, 04:49 PM
والله ياود الجعلي انا مسألة تنقيص الوزن دي غلبتني تب وماعارف أعمل شنو وبالجد خاشي في أزمة

والله لوجيتني هنا شهر واحد بخليك بدون كرش " تمارين رياضية"

وشكرا" على المرور اخوي محمد هاشم
ود الجعلي
03-09-2009, 04:53 PM
ودالجعلى عوافى..
ياخى معقول جعلى وبيوتى سنتر رجالى ..والله بس ماترجع شندى..
يديك العافية وإنها للمسة حقيقى بعض من آدم السودانى فى حوجة إليها..
طرح جديد وكسر لرتابة القول السخيف هو الرجال مالازم يكونو خشنين..وشينين..
ونسوا المؤمن طيب واكله طيب ولباسه طيب..
الى الامام ..


نحن كمان موش شنديذاتها .... حتة خلا وصي ..... جمب شندي اسمها ودبانقا القبة يعني مأساة

وبعدين المدينة والمدنية طغت علينا كتير والظاهر للاسوء


يا حليل البلد وناس البلد وطين البلد

ودمت يا باشمهندس
محمد هاشم
04-09-2009, 03:01 AM
والله لوجيتني هنا شهر واحد بخليك بدون كرش " تمارين رياضية"

وشكرا" على المرور اخوي محمد هاشم

اها يا خوي وريني برنامجك ده كيفنه لاني والله بقت حالتي صعبة واسي اليومين ديل في اخر الاجازة لقيت بدل السنة الفاتت بقت ضيقة يعني لازم هدوم جديدة للسنة الجديدة وكان عندك برنامج الحقنا
tigani18
04-09-2009, 03:28 AM
تعرف ياود الجعلي إنو الإنطباع الأول عنك هو الذي يدوم,,,
وحتى عندما تذهب لمقابلة وظيفية هنا في السعودية ,,,
ملبسك ومظهرك له دور كبير في تحديد راتبك وإمتيازاتك
وهو الذي يعطي الإنطباع الذي يدوم عنك ,,,
وهذا مايؤكد نصّك الجميل بأن أناقة الرجل أصبحت ضرورة وليس كمال ,,,
دمت بود جميل ,,,
ود الجعلي
04-09-2009, 08:40 AM
تعرف ياود الجعلي إنو الإنطباع الأول عنك هو الذي يدوم,,,
وحتى عندما تذهب لمقابلة وظيفية هنا في السعودية ,,,
ملبسك ومظهرك له دور كبير في تحديد راتبك وإمتيازاتك
وهو الذي يعطي الإنطباع الذي يدوم عنك ,,,
وهذا مايؤكد نصّك الجميل بأن أناقة الرجل أصبحت ضرورة وليس كمال ,,,
دمت بود جميل ,,,
العزيز تجاني

الكثير من اصحابنا يحملون شهادات عليا ومميزين في حياتهم العملية ولكن يعتبرون الاناقة في الملبس نوعا من الكماليات المملة او اخرون يفكرون انها لا تناسبهم او الاسباب كثيرة
والاناقة في المهر ليس لها علاقة بالمكان الذي جئت منه او وضعك المادي او مؤهلاتك التعليمية ومستواك الاجتماعي او خلفيتك الثقافية انما اصبح واجبا يحتمه علينا العصر

ودمت اخوي تجاني
ود الجعلي
04-09-2009, 08:44 AM
اها يا خوي وريني برنامجك ده كيفنه لاني والله بقت حالتي صعبة واسي اليومين ديل في اخر الاجازة لقيت بدل السنة الفاتت بقت ضيقة يعني لازم هدوم جديدة للسنة الجديدة وكان عندك برنامج الحقنا


محمد هاشم بديك حاجة بسيطة جدا" بعيدا" من برامج الريجيم والرياضة المعقدة
اولا خفف اكلك وامنع الدهون والبيبسي واكثر من السمك المشوي ولسلطات والفواكه

ثانيا" برسل ليك تمارين سويها مرتين في الاسبوع مع المشي 6 ساعات في الاسبوع


وشوف النتيجة بعد شهر بس الالتزام ضروري
محمد هاشم
04-09-2009, 02:20 PM
محمد هاشم بديك حاجة بسيطة جدا" بعيدا" من برامج الريجيم والرياضة المعقدة
اولا خفف اكلك وامنع الدهون والبيبسي واكثر من السمك المشوي ولسلطات والفواكه

ثانيا" برسل ليك تمارين سويها مرتين في الاسبوع مع المشي 6 ساعات في الاسبوع


وشوف النتيجة بعد شهر بس الالتزام ضروري


عليييييييييييييييييييييييييييييييييييك الله الحقني أخوك بوقى عوضة وبرندة وانا في إنتظار برنامجك
بدر الدين احمد الطائف
05-09-2009, 05:08 AM
ودالجعلى سلامات ورمضان كريم
عارف اليومين دى انا مافى حاجه مكيفانى اكتر من العازفين بتاعين برنامج اغانى واغانى والاناقة بتاعتهم وبالذات عازف البنقز ودمليجى والله بالجد حاجه جميله ومشرفة .







ودالجعلى
بينى وبينك انت عملت مركز تجميل ولا بوتيك ولا اى حاجه وبتعمل ليها فى دعايه ذى ما قالو الجماعه . ما تخاف بنجيب ليك الزبائن.
ود الجعلي
05-09-2009, 06:40 AM
عليييييييييييييييييييييييييييييييييييك الله الحقني أخوك بوقى عوضة وبرندة وانا في إنتظار برنامجك

حبينا محمد هاشم

اكتب ايميلك برسل ليك كل ما يتعلق بالموضوع

وانا صاحب تجربة واستفدت مية في المية بس عايز التزام
ود الجعلي
05-09-2009, 06:46 AM
ودالجعلى سلامات ورمضان كريم
عارف اليومين دى انا مافى حاجه مكيفانى اكتر من العازفين بتاعين برنامج اغانى واغانى والاناقة بتاعتهم وبالذات عازف البنقز ودمليجى والله بالجد حاجه جميله ومشرفة .

بدرالدين تعرف نحن الاناقة فينا بيتكون في محلها لانو اجسامنا فارعة ومافي زوائد الا بعد الواحد فينا يغترب ويتعود على الرمرمة البدون عداد وقعاد الضللة والمكيفات :p





ودالجعلى
بينى وبينك انت عملت مركز تجميل ولا بوتيك ولا اى حاجه وبتعمل ليها فى دعايه ذى ما قالو الجماعه . ما تخاف بنجيب ليك الزبائن.

ههههههههههههههههههههه والله ياريت ........ودي الفكرة جاءت منك ............ لا والله بس عن تجربة الواحد بعد تمارين وتنظيم الاكل بقا الحمد الله تمام التمام
محمد هاشم
05-09-2009, 09:51 AM
حبينا محمد هاشم

اكتب ايميلك برسل ليك كل ما يتعلق بالموضوع

وانا صاحب تجربة واستفدت مية في المية بس عايز التزام


mohdpass@yahoo.com

الدوحة - قطر

المجلس الاعلى للتعليم

ص . ب 80810

009746881300
درديري كباشي
05-09-2009, 12:10 PM
سلام يا ود الجعلي موضوع في الصميم

كان في وهم معشش في عقولنا نحن السودانيين وهم بيعتقدوا انه ( البشتنة ) تعتبر نوع من التواضع .. مثلا تلاقي بروفيسر في الجامعة اما كاشت بشبشب او لابس قميص بدون كرفته وزرايره فاتحه وشعره منكوش .. لاننا خاتين في راسنا العلم في الراس .. وانا لا ادري هل رؤوسنا هذه زجاجية وشفافة ..

وعلى رايك الاناقة هي نظافة وتناسق لبس والوان .. يعني الواحد ما يلبس بنطلون اوسع منه وبعد كل خمس خطوات يتضطر يقف ويرفعه الى اعلى ويواصل وهكذا ....

/////////////////////////////////////////////////////////////////////

بس انت جعلي بمكنة لبناني ولا شنو ؟؟؟؟؟؟؟؟؟؟؟؟؟
محمد السر احمد
05-09-2009, 12:15 PM
والله يا ود الجعلي وريتنا
وزمان شيخنا فرح ود تكتوك قال كل يا كمي قبل فمي
ود الجعلي
06-09-2009, 07:13 AM
سلام يا ود الجعلي موضوع في الصميم

كان في وهم معشش في عقولنا نحن السودانيين وهم بيعتقدوا انه ( البشتنة ) تعتبر نوع من التواضع .. مثلا تلاقي بروفيسر في الجامعة اما كاشت بشبشب او لابس قميص بدون كرفته وزرايره فاتحه وشعره منكوش .. لاننا خاتين في راسنا العلم في الراس .. وانا لا ادري هل رؤوسنا هذه زجاجية وشفافة ..

وعلى رايك الاناقة هي نظافة وتناسق لبس والوان .. يعني الواحد ما يلبس بنطلون اوسع منه وبعد كل خمس خطوات يتضطر يقف ويرفعه الى اعلى ويواصل وهكذا ....

/////////////////////////////////////////////////////////////////////

بس انت جعلي بمكنة لبناني ولا شنو ؟؟؟؟؟؟؟؟؟؟؟؟؟


بس انت جعلي بمكنة لبناني ولا شنو هههههههههههههههههههههههههههههه:d:d:d:d:d:d:d:d:d:d :d
هههههههههههههههههههههههههههههههههههههههههههههههههه هههه دريري ياروعة والله جعلي عربي كمان تصدير مباشر من ودبانقا القبة الى السعودية
لكن يخي الجيها حلوة والترتيب في المظهر احلى والتعطر واللبس القيافة ا والجنصصة والاهتمام بالالوان شي رائع وجميل وطالما الله رحمنا وادانا ليه ما نكون في احلى صورة

والله بحبك في الله وكتاباتك مبهجة ومرحة وبتذكرني باشياء كتيرة وانت المنتدى كلو مع احترامي لكل الناس لكن بصراحة كتاباتك مية مية

محبتي
ود الجعلي
06-09-2009, 07:14 AM
والله يا ود الجعلي وريتنا
وزمان شيخنا فرح ود تكتوك قال كل يا كمي قبل فمي


وانت حسع يا محمد السر صورتك ماشالله كامل الاناقة فول سوت وعايزين نحن نكون اخلاق وصورة انشالله ودمت ودالسر
درديري كباشي
06-09-2009, 09:32 AM
بس انت جعلي بمكنة لبناني ولا شنو هههههههههههههههههههههههههههههه:d:d:d:d:d:d:d:d:d:d :d
هههههههههههههههههههههههههههههههههههههههههههههههههه هههه دريري ياروعة والله جعلي عربي كمان تصدير مباشر من ودبانقا القبة الى السعودية
لكن يخي الجيها حلوة والترتيب في المظهر احلى والتعطر واللبس القيافة ا والجنصصة والاهتمام بالالوان شي رائع وجميل وطالما الله رحمنا وادانا ليه ما نكون في احلى صورة

والله بحبك في الله وكتاباتك مبهجة ومرحة وبتذكرني باشياء كتيرة وانت المنتدى كلو مع احترامي لكل الناس لكن بصراحة كتاباتك مية مية

محبتي

سلام يا ود الجعلي ..
الاناقة ليست لبس وعطر فقط ..
انما هي ذوق ومعاملة واوتكيت وحسن معشر وحلاوة تعبير .. وانت وصلتنا اناقتك من هذه الناحية واذا لم نحظى بشوفتك فهي ستكفينا الى يوم تكفيننا