معاكم سلامه وانا خليت المنتدى

[جراح82]

شبابنا السلام عليكم اخباركم واحوالكم


صراحه ياشبابنا الواحد بتحصل مواقف فى بعض الاحيان بضايق منها لابعد حد

وممكن الواحد دون ما اسبب زعل مع الناس وكدى اسهل شى امشى واخليهم


المهم العفو والعافيه لا اى زول غلطى معاهو فى شى بقصد او بدون قصد

ومامعروف انو الواحد يعنى اعيش لمتين لوغلطى على احد العفو والعافيه


استودعكم الله الزى لاتضيع ودائعه

[ود الجعلي]

دقيقة يا وجيه مالك في شنو طول بالك واحكي وبنسمعك والله

[عزالدين حامد]

معقول يا ابو الشباب الواحد يدخل يا دابو المنتدى ويقول احم احم يلاقاك انتا داير تفرتك شنو الصيام سخن معاك جراح 82( والله دي جراحات اللبنانيين ذاتها وبتاريخها كمان )
خليك موجود يا ابو الشباب عشان خاطر عين بقولوا تكرم الف عين
رمضان كريم وعيد سعيد
شكري

[حاتم مرزوق]

جراح82 اولا دعنا نبارك لك هذا الشهر العظيم ونسأل لك ولنا فيه الأجر الكبير

ونود ان نذكرك اخي الفاضل جراح بأن هذا الشهر العظيم هو شهر التآلف والتوادد والوئام وبعدك عنا لن يرضينا وتأكد ان كان هناك خلاف بسيط فتلك هي سنة الحياة وبالحوار والمناقشة الجادة نستطيع ان نصل الي حل يرضيك فقط امنحنا الفرصة وبتوفيق الله سنتعاون علي ايجاد الحل.

في انتظار تعقيبك

[عبدالرحمن مدثر]

ياجراااااااااح رمضان كريم

احلى حاجة انو الجرااح تندمل

ودا مابجى الا باحساس الجميع


كلنا فى المنتدى اخوة واخواات

تجمعنا الكلمة وتوحد بيننا

حتى لو اختلفنا حول فكرة تزيد اواااصر المحبة البينا

المنتدى ليس ملكا لاحد

المنتدى للجميع

تعاااااال لينا بدون جراااااااااح

[فراس]

جراح رمضان مبارك
وقول بسم الله
واستهدي بالله
وماشي وين
والله ناس مدني
ديل احلي ناس
ومابتفاتو خالص
والاختلاف لايفسد
للود قضية
وزعلة وبتروح
بس ماتخليها تفوتك مننا
وراجع نفسك
ونتمني ان تعدل قرارك
فكلنا هنا اخوة كالجسد الواحد

[حافظ شعبان]

جراح82 اولا دعنا نبارك لك هذا الشهر العظيم ونسأل لك ولنا فيه الأجر الكبير

ونود ان نذكرك اخي الفاضل جراح بأن هذا الشهر العظيم هو شهر التآلف والتوادد والوئام وبعدك عنا لن يرضينا وتأكد ان كان هناك خلاف بسيط فتلك هي سنة الحياة وبالحوار والمناقشة الجادة نستطيع ان نصل الي حل يرضيك فقط امنحنا الفرصة وبتوفيق الله سنتعاون علي ايجاد الحل.

في انتظار تعقيبك


جراح82
التحيه والاحترام
ورمضان كريم
وتصوم وتفطر على خير

واناى كذلك اثنى على كلام اخونا حاتم مرزوق وفى انتظار تعقيبك

[ابوخالد]

أخى جراح 82 ...

رمضان كريم ... تصوم وتفطر على خير ...

أصبر قليلآ فبعد العسرِ يسرٍٍٍ وكل أمرٍ له وقتٌ وتبريرُ

ولم أر فى عيوب الناس شيئآ كنقص القادرين على التمام

وأقنع بما أُوتيته تنل المنى وإذا دهتك مصيبة فتصبر


كم منزلٍ فى الأرض يألفه الفتى وحنينه أبدآ لأول منزل

دخلت إلينا فرحبنا جميعآ بك .... وستخرج وحيدآ بدون وداعنا ....

لقد ظلمتنا أخى جراح 82 ....

وهذه ليست شيمتك ...

فضفض كما تحب ... كلنا أذان صاغية .....

وإفطار شهى ....

[moh_alnour]

الأخ : جراح 82
بغض النظر عن المواقف التي حصلت و التي لم تذكرها لنا
و لكن لا يوجد ما يستحق أن نترك المنتدى من أجله فالمنتدى من الجميع و للجميع
و الحُجة تُقابل بالحُجة و ترك المكان ليس حل لي خلاف بين الأعضاء
أحتراماتي

[بدر الدين احمد الطائف]

جراح يا ود المغاربه رمضان كريم
كدى خت الرحمن فى قلبك واقعد مع نفسك برواقة كده وفكر شوف السبب شنو
وتعال راجع بعد داك.
شارك الناس معاك فى افكارك .
عشان انت تستفيد والناس نستفيد .

[tigani18]

أخي جراح 82 ,,,
رمضان كريم وتصوم وتفطر على خير ,,,
بما أنك لم تكن واضح في أسباب ترك المنتدى ,,,
وفي مساحة عرف أعضائها بالشفافية في كل الأحوال ,,,
وإختلاف الرأي لايفسد للود بين أعضاء المنتدى قضية ,,,
ولأنه وحتى حينه لانعرف الاسباب التي دعتك لترك المنتدى ,,,
وملاحظة أنا حااترك المنتدى كترت شديد الفترة الأخير ,,,

ولكل من ترتضي له نفسه تركنا وترك هذا الصرح الذي نجد ذاتنا فيه ,,,
ونطرح فيه الهموم والأفراح والأتراح ,,, وارتبطنا فيه بأخوة هم الأروع ,,,
ليس بأيدينا إلأ أن نقول :
نستودعكم الله الذي لاتضيع ودائعه وحفظكم الله بما حفظ به القران,,,
ونحن لن نترك هذا المحراب إلا أن يجرفنا السيل معه,,,

[محمد حسين (المميز)]

تاااااااااني فايروس الاستقالات ظهر

والله دي مصيبه

بعدين انت متين جيت ياجراح عشان تمشي



حيرتوووونا زااااااااتو

[ايمن عبد الله]

كدي يا خوي استهدى بالله وكل شي بتصلح ..

والمنتدى سيسع الجميع ان شاء الله ..

اهدى كده وروق المنقة .. وخليك ريلاكس

[الشايقية]

جراح 82 ########## خلي روحك رياضية

[جراح82]

ياجماعه والله بصراحه انتو ناس طيبن ومحترمين وناس يعنى زوق بجد


ودى طبعا ناس مدنى العرفناهم بها وانا امكن الناس ما بتعرفنى

بس انا قديم من حفله تكريم ابوبكر مؤسس المنتدى فى الرياض وطبعا مع ناس

شبارقه وابورجاء والشله دى


بعدين بصراحه كدى يعنى الواحد لوزعل من بعض الناس اخش معاهم فى شكل

وكدى ولا اخلى ليهم المكان وامشى

[مدنيّة]

ياجماعه والله بصراحه انتو ناس طيبن ومحترمين وناس يعنى زوق بجد


ودى طبعا ناس مدنى العرفناهم بها وانا امكن الناس ما بتعرفنى

بس انا قديم من حفله تكريم د/ ابوبكر مؤسس المنتدى فى الرياض وطبعا مع ناس

شبارقه وابورجاء والشله دى


بعدين بصراحه كدى يعنى الواحد لوزعل من بعض الناس اخش معاهم فى شكل

وكدى ولا اخلى ليهم المكان وامشى

ياجراح

حاجة واحدة بس خليها في بالك
المكان دا ما بتاع زول عشان تخليه ليه وتمشي

وخت في بالك برضو
"كل اناء بما فيه ينضح"


همسة : ابوبكر مادكتور ماتسمعه كدا تاني ما نقدر نتكلم معه :cool:

[ايمن عبد الله]

يا جراح .. انت شكلك عامل لينا الكاميرا الخفية .. صاح ؟

[نبض المشاعر رووونة]

ياجراح روق المنجا
وخليك قاعد قريييييييييييييييب وما تمشي
عايزنك تنورنا بابداعات قلمك
واي خلاف لا بد ليه من حل
انك تسيب المنتدى دا ما حل
كدي استهدي بالله كدا وروق
وما في داعي للزعل

[admin]

همسة : ابوبكر مادكتور ماتسمعه كدا تاني ما نقدر نتكلم معه :cool:

وانتي شغالة في التعليم العالي .. منو القال ليك ما دكتور الا البس لي سماعة ههههه حقد طبقي.

يا جراح يا اخوي ماشي وين مخلينا لي ناس ما دكتور ديل .. انت كان متجرس من رمضان قول لي على حسه دكتور دي اكتب ليك روشتة تفطرك بي مزاج .. قالوا في المثل عشان عين تكرم الف عين فعليك الله حسه عين الشباب الردو ليك ديل دي براها ما بتكرم ليها مليون عين

[محمد السر]

شبابنا السلام عليكم اخباركم واحوالكم


صراحه ياشبابنا الواحد بتحصل مواقف فى بعض الاحيان بضايق منها لابعد حد

وممكن الواحد دون ما اسبب زعل مع الناس وكدى اسهل شى امشى واخليهم


المهم العفو والعافيه لا اى زول غلطى معاهو فى شى بقصد او بدون قصد

ومامعروف انو الواحد يعنى اعيش لمتين لوغلطى على احد العفو والعافيه


استودعكم الله الزى لاتضيع ودائعه

السلام عليكم
اخونا جراح82
اسعد الله اوقاتك بكل خير
اخي في الله منتديات ود مدني دي ذي مدني
يعني تمشي اي بلد ذي الكأنك شايل معاك مدني
في حد يشعر بالسعاده يمشي يختار البعاد
وكفايه البروف ابوبكر administrationشرح ليك بي رواقه
كدي انت خت الرحمن في قلبك وتعال لينا بعدين في قسم النفاج
في العنقريب التحت النيمه بتاع العاقب ود مصباح وتلقى اللمه
فيها ناس مدني من جميع انحاء العالم وبعد داك فكر في قرارك السريع دا
وصدقني كان قلنا ليك اطلع ما حتطلع
لكن اهم حاجه ما تتحسس مرات في حاجه اسمها العنقريب الساخن
كان قعدتك فيه ملكة القلوب....ها.........روضه الحاج منو.......ومدنيه منو؟؟؟

كدي تعال لينا بعد الفطور عشان ما نفطرك ساي...
عشان تشوف العاقب ذاتو ........لانك ولا حتعرفو لاعب.. لا ملحن .. لا محاسب.. لا شاعر
لا ........ كدي تعال شوف براك.......... وما تحرجنا مع الجماعه......
لانك كان احرجتني بجيبو لي الدعوه دي ويندموني عليها

منتظرنك

[جراح82]

مشكورين شبااب صراحه يعنى الواحد ما كان عارف انو فى ناس زوق كده

بجد فى ناس محترمين وحيصعب علينا فراقهم كان الواحد نفسو اتعرف على ناس لذيذين زيكم كدى

بس بجد الواحد يعنى ما قادر استمر بس اقول رقم انى حاخلى المنتدى بس انشاء انا بعد الحج حاجى السودان وبقابلكم اما عن المنتدى انشاء الله اجيكم كزائر يعنى

عاوز منك شى اعفو لينا بس لو غلطنا مع واحد فيكم

استودعكم الله الزى لاتضيع ودائعه

[حمدالنيل دفع الله]

معقول يا ابو الشباب الواحد يدخل يا دابو المنتدى ويقول احم احم يلاقاك انتا داير تفرتك شنو الصيام سخن معاك جراح 82( والله دي جراحات اللبنانيين ذاتها وبتاريخها كمان )
خليك موجود يا ابو الشباب عشان خاطر عين بقولوا تكرم الف عين
رمضان كريم وعيد سعيد
شكري

صورة الزول الشين دا عايز بيها شنو، علي الاقل لا دين له

[الزونية]

أخي جراح لك التحية ..
انت من ضمن الأعضاء الذين رحبوا بي عند دخولي المنتدى ..لذلك ارى ان من واجبي وحقك علي أن اثنيك عن ماأنت مقبل عليه ...فالمنتدى للجميع ولايستحق أحداً ان تترك المنتدى لأجله ...فإن كانت هنالك مشكلة فلها حل بكل تأكيد وتفاءل بالخير تجده ...ودمت بخير

[أبو حمزة]

الحبيب جراح82 : طابت أوقاتك ..
حقيقة السبب نحن.. فيا أخي نحن متأسفين..
وبعدين.. في زول بيمشي من غير ما يرضي خاطر الناس.. ؟؟ نحن ما أديناك خاطرنا..
وأنا شخصياً بعتذر عن كل ما بدر.. على الرغم من إنو ما في زول أداني الحق ده..
لكننا كلنا قادرين نصلح العوجات..ومرات بنعوج الدرب علشان يمر بحلتنا ونزِّل الناس للإفطار..
لو تعبان .. أو متضايق.. لا بأس غيب وتعال.. بس لا تطوِّل الغيبة..
بتعرف الحب في الله.. نحن أحببناك في الله يا أخانا..
ولو ممكن شوف واحد بتثق فيهو وقوليهو على الخاص ولو منطقي نحن البنجيك..!! ولا شنو؟؟

[عزالدين حامد]

الحبيب جراح82 : طابت أوقاتك ..
حقيقة السبب نحن.. فيا أخي نحن متأسفين..
وبعدين.. في زول بيمشي من غير ما يرضي خاطر الناس.. ؟؟ نحن ما أديناك خاطرنا..
وأنا شخصياً بعتذر عن كل ما بدر.. على الرغم من إنو ما في زول أداني الحق ده..
لكننا كلنا قادرين نصلح العوجات..ومرات بنعوج الدرب علشان يمر بحلتنا ونزِّل الناس للإفطار..
لو تعبان .. أو متضايق.. لا بأس غيب وتعال.. بس لا تطوِّل الغيبة..
بتعرف الحب في الله.. نحن أحببناك في الله يا أخانا..
ولو ممكن شوف واحد بتثق فيهو وقوليهو على الخاص ولو منطقي نحن البنجيك..!! ولا شنو؟؟

الفاضل /ابو حمزة
عيد سعيد
عداك العيب وكلامك زين وحكيم وموزون ودي مدني الجمال والمسامحة
يللا يا جراح 82 دايرين نشوف ابداعات قلمك تاني وتاني
شكــري

[ابو عبد الرحمن]

يا جراح : ما تخلي الجرح ينزف . وسع صدرك وكان ناس مدني زعلوك ( امسحه لي في وشي بالدارجي

وفي كل الاحوال ديل ناس مدني . كان ما عايشتهم ما بتقدر تعايش غيرهم

ببساطة مسامحين وحبوبين ولزيزين وناس حاره , عود يا جراح لبيتك ودارك واهلك .

حتى لا يكون الجرح 83 ؟؟؟؟؟؟؟؟؟؟؟؟؟؟؟؟؟؟؟؟؟[/

[أشرف صلاح السعيد]

بتذكر كنتا مشترك فى منتدى وماعجبنى وتقدرو تقولو يمكن انا ماعجبتهم وقررت الانقطاع فانقطعت ببساطة..
الجراح عايز تترك المنتدى دون ابداء اسباب دا من حقك ..بس تعمل بوست عشان انت طالع ماغريبة شوية؟ الداير يطلع بيطلع بهدوء والسلام ولا ماكدا؟
الله معاك وصاحبتك السلامة..

[ود الجعلي]

ياجراح



همسة : ابوبكر مادكتور ماتسمعه كدا تاني ما نقدر نتكلم معه :cool:

هههههههههههههههههههههههههههههههههههههههههههههه

[tigani18]

مشكورين شبااب صراحه يعنى الواحد ما كان عارف انو فى ناس زوق كده

بجد فى ناس محترمين وحيصعب علينا فراقهم كان الواحد نفسو اتعرف على ناس لذيذين زيكم كدى

بس بجد الواحد يعنى ما قادر استمر بس اقول رقم انى حاخلى المنتدى بس انشاء انا بعد الحج حاجى السودان وبقابلكم اما عن المنتدى انشاء الله اجيكم كزائر يعنى

عاوز منك شى اعفو لينا بس لو غلطنا مع واحد فيكم

استودعكم الله الزى لاتضيع ودائعه




بتذكر كنتا مشترك فى منتدى وماعجبنى وتقدرو تقولو يمكن انا ماعجبتهم وقررت الانقطاع فانقطعت ببساطة..
الجراح عايز تترك المنتدى دون ابداء اسباب دا من حقك ..بس تعمل بوست عشان انت طالع ماغريبة شوية؟ الداير يطلع بيطلع بهدوء والسلام ولا ماكدا؟
الله معاك وصاحبتك السلامة..

أخي أبو الشوش ,,, دمت بخير وفير

مدخل :
جراح 82
تاريخ الاشتراك يوليو2009
عدد المشاركات (ليس المواضيع) 37
نص:
ربما يريد أن يقيس مساحته عند أكثر من 8000 عضو ,,
مخرج :
باللون الأحمر أعلاه,,,