المساعد الشخصي الرقمي

مشاهدة النسخة كاملة : الركشة..



الصفحات : 1 [2]

أشرف صلاح السعيد
18-10-2009, 06:58 PM
بدر الدين : موقعا كويس لكن أبراج الكهربا دى ما قريبة شديد..

الماحى : البيوت ما كلها فيها كهربا.. هى الكهربا بتعمل لينا شنو؟..

امين : كهربة البيوت الجوا ما بتعمل شى لانها 220 فولت.. لكن الابراج دى شايلا ضغوط عالية ولازم يكون فى مسافا بينا وبين المناطق السكنية لانها بتعمل سرطانات وامراض..

عفاف : سجمى سجمى..سرطانات؟؟..يااخوى واطاتك دى لو ببلاش ما دايرنها..ارح يا بدر على الارض الاولى ورثة ورثة اخير من السرطانات..

الماحى : يااختنا الزول دا ما يخوفك سااكت.. ما هدا الناس بانيا وعايشة فى امااان الله..







الرائع أشرف ...
ود عمودية أحمد سعيد ..
على قول واحد(أمنجى دبلوماسى وكده)

يا أخوى خوفتنا ... الجُراب فيهو شنو يا اللخو ....؟؟؟؟

ركشتك دى الشافا وحلت فى طين لُكة ما كضب ....

ودفرة ما بندفر معاك ....

غايتو شائف لى عسكرى مرور لابت ليك فى الزقاقات

البتمشي فيها دى ....

خليك فى الظلط ... وركز على الظلط ....

الحفر والمطبات دى بتخرب الرُكب ..... وبتيبس المساعدات ...

وأحزر عشان ما تخلط الموية والزيت ....

الركشات دى صيانتا بتكلف كتير ....

مسجلك ده صوتو عالى ... عامل جوطة ...

الهدوء راحة بال وهجعة زول بعد ترحال ...

ومشاويرك طويلة ... هدئ السرعة .... وركز فى الدرب ....

وخليك قريب بنحتاجك فى مشوار كده ...

بعيد عن الضغط العالى والأتوميزرات ... والبلكات الطافية ....

وهِب يانسيم ....




*************
أشرف ... والضغط العالى ... مروا من هنا ...


ابو خالد عمودية محمد سعيد لم تمنح جوازات سفر للدانى والقاصد لدخول ست المدائن والعيش فيها طالما كان من الطيور الما بتعرف ليها خرطة قبلها..المدينة للجميع وجعل الأوكار والأعشاش فيها شرطه الأوحد حب المدينة وأهلها..

الضغط العالى يبدو أنه صار يمشى جنبا الى جنب معنا لا محمول خوفا بالبعد عنا..
بالنسبة للركشة ما تخاف عليها اخونا مبارك عمر أداها ورشتو تبرطع زى ما عايزا وان جاتا انفلونزا المواتر مجهز ليها كل الرعايات الركشاوية..

وبعدين الزلط رغم لا اكتمالو دربو ممهد خلينا نخش الزقاقات "طوعا" ونشوف المستخبى بين دروبا يمكن ينعدل حالا وتتسفلت..

مرورك زى نسيم الصبح بيتنفس ويتحسس على المحتاج عشان يصحى و ما ينعس..

الاميره
19-10-2009, 04:44 AM
امين : كهربة البيوت الجوا ما بتعمل شى لانها 220 فولت.. لكن الابراج دى شايلا ضغوط عالية ولازم يكون فى مسافا بينا وبين المناطق السكنية لانها بتعمل سرطانات وامراض..

عفاف : سجمى سجمى..سرطانات؟؟..يااخوى واطاتك دى لو ببلاش ما دايرنها..ارح يا بدر على الارض الاولى ورثة ورثة اخير من السرطانات..

الماحى : يااختنا الزول دا ما يخوفك سااكت.. ما هدا الناس بانيا وعايشة فى امااان الله..

بدر الدين : لو عندك واطا غيرا ورينا ليها .. اما دى ما لازمانا..الناس الساكنا كان مستغنية عن روحا احنا ما مستغنين وعندنا وليدات صغار عايزين نربيهم..


قصتك جميله ومعبره عما يحدث في اروقة المجتمع في هذه الايام..

























والفهم قسم..








ودمت بخير..

أشرف صلاح السعيد
19-10-2009, 05:17 AM
امين : كهربة البيوت الجوا ما بتعمل شى لانها 220 فولت.. لكن الابراج دى شايلا ضغوط عالية ولازم يكون فى مسافا بينا وبين المناطق السكنية لانها بتعمل سرطانات وامراض..

عفاف : سجمى سجمى..سرطانات؟؟..يااخوى واطاتك دى لو ببلاش ما دايرنها..ارح يا بدر على الارض الاولى ورثة ورثة اخير من السرطانات..

الماحى : يااختنا الزول دا ما يخوفك سااكت.. ما هدا الناس بانيا وعايشة فى امااان الله..

بدر الدين : لو عندك واطا غيرا ورينا ليها .. اما دى ما لازمانا..الناس الساكنا كان مستغنية عن روحا احنا ما مستغنين وعندنا وليدات صغار عايزين نربيهم..


قصتك جميله ومعبره عما يحدث في اروقة المجتمع في هذه الايام..
























والفهم قسم..








ودمت بخير..

اختى الاميرة تحياتى..
شكرا لمرورك الكريم ..
وإن شاء الله ربنا يقسم للجميع فهم نيَّر ومفيد ..
ونشوف عازة وكل مدنها بصحة ويقين وجمال..

أشرف صلاح السعيد
20-10-2009, 12:52 AM
(الحلقة ..22)

(السمسرة..)

تتحرك الركشة بالركب متجهة إلى الأرض الأولى التى تخص الورثة..و أمين تحرك فكره إلى عوالم لم يطأها إلا بسنون الحلم الوردية قبل التخرج.. سرح مع البيت وسيد البيت يكون كيفنو..سرح مع إستفهاماته متى يمكنه تملك بيت ولو كان "قطية" ولا "عشة" هادئة عشة تلمه معها .. هذا هو حال المغترب الذى هاجر لأكثر من عشرة أعوام لا يفارقه الهم بحثا عن قطعة أرض وحسب..وهناك بناء لعمره بمثل ثمن الأرض إن لم يجاوزه.. ثم يلوح له بخيالاته القسط اللعين .. وراح يتمتم سرا "فليقدرنى الله عليه وبعدها ربك كريم"..



فاصل اعلانى..

قالو الرد مرق فى حلة حسن وقرض الناس قرض وقرض الناس قرض..

الرد ..نحاول للم الشمل بعد ما ننهرو.. الرد للكمدة بالرمدة..

الرد المسوكر..نحن نقفل ابواب الردود قفلا..



الماحى : وكتين الارض الفاتت دى ما عجبتكم ما ظنيتكم بتلاقو ارض قدر قريشاتكم دى..

بدر الدين : مية ألف "بالجديد" بقت قريشات؟؟!!

الماحى : وانتا قايلا دى قروش؟..حرم يالمية دى غير الارضى الشفتوها ماتلاقو..يا زول المية دى أقل تاجر أراضى عندو قدرا خمسة مرات وهو أكان ما كدا بيكسبو الكسب دا؟.. شفتو الزول الكان قاعد ولابس الجلابية السمنية..الزول دا تاجر وعندو ارض مشتريها 350 الف ومستنى ليو واحد مشترى حيشتريها منو ب 400 الف وكاااش..تقول ليا ميتك دى قروش؟

عفاف : الناس دى بتجيب القروش دى من وين؟..قالو الإغتراب!! سجم الإغتراب..والله الخمسين ألف البربحا التاجر دا فى ارض واحدة أجعص مغترب ما بيلمها فى سنة..حليل الإغتراب والمغتربين لما كانو البنات تغنى ليهم " ياضابط دبورتين ..يا مغترب سنتين"..

الماحى : والله الضابط مافيهو كلام تب..بس علا المغترب ابو سنتين دا الا يكملا تانى تمنتاشر سنة ويمكن يجيبو سيرتو مش يغنو ليو..

بدر الدين : كدى خلونا من الضابط ومن المغترب قربنا من الارض؟..

الماحى : شايف الجماعة الواقفين هناك ديك..واقفين فى الارض..

امين : بعد مشواركم دا عندكم مشوار تانى؟..

بدر الدين : هو فى زول فى البلد دى بيعرف ماشى وين ومتين؟..خلينا نشوف الارض دى وربك بيسهلا بعدا..

تقف الركشة عند الجماعة المشار إليهم وينزل الجميع بمن فيهم امين "شمار ساكت"..

الماحى والجميع : السلام عليكم..

الجماعة : وعليكم السلام..

الماحى : خير يا أخوانا .. مشترين ..

أحد الجماعة : إحنا أسياد الارض..فى شى؟..

بدر الدين : والله احنا جايين نشوف الارض قالو معروضة للبيع..بس فيها مشكلة ورثة..

أحد الجماعة : ورثة!! معاك محمد ابراهيم وانا سيد الارض وهدانى لسة حيى والجماعة ديل بوريهم فى الارض..بس انتو منو القال ليكم الارض دى معروضة للبيع؟..

بدر الدين : مكتب عقار وحتى معانا اخونا الماحى دا شغال فيو..

محمد : انا لا عرضت ارضى دى فى مكاتب عقار ولا بعرف زولكم دا..وانتا يااخونا الماحى منو العرض ليكم الارض دى؟..

الماحى : والله انا بس كلمونى اورى الجماعة ديل الارض وبس..

بدر الدين : يا زول دا كلام شنو؟؟!! انتا ما قلتا قريبك قابل سيد الارض وسيدا بيفكر فى عرضو وخلاص المسائل شبه منتهية؟..

الماحى : انا ما قاصد الارض دى.. ديك ارض تانية..

عفاف : يا راجل ارض تانية شنو؟..

بدر الدين : خلاص هسى دا ما وقتو..اخونا محمد ارضك دى عايز فيها كم ..

محمد : الجماعة ديل وصلو معاى لمية وعشرة وانا طالب مية وعشرين..

أحد الجماعة : والله المية وعشرين انحنا مالينا بيها مقدرة وشوف اخونا يمكن يقدر عليها..

بدر الدين : يااخوانا انا ما جاى ازايد..شوفو آخر كلامكم مع اخونا محمد وبعدين انا ليا كلام تانى..

احد الجماعة : العندنا قلناهو..ويااخونا محمد ادينا خاطرك ولو وافقتا بكلامنا عندك تلفوناتنا ..السلام عليكم..

محمد : كلامكم سمح..وعليكم السلام والرحمة..

بدر الدين : اها اخونا محمد المية وعشرين دى آخر كلامك؟..

محمد : اول شى سمساركم دا مشوهو لانى ما ببيع عن طريق السماسرة..

الماحى : دا كلام شنو يا اللخو؟..ما انا الجبتا الجماعة ديل هنا؟..

بدر الدين : انتا جايبنا لارض بتعرف سيدا ومتفق معاهو كمان..ما جايبنا لارض انتا اول مرة تشوف صاحبا..ارضك يااخوى بتاعت الورثة ما دى..وبالله يا امين وصل اخونا الماحى دا للمحل وارجع لينا..

الماحى : دا كلام شنو دا!!..انا ما متعتع من هنا الا تدونى حقى..

عفاف : حقك بتاع شنو؟..ارضك ام كهارب ولا ارض المرحوم؟؟..

محمد : يااخوانا زولكم دا نريحو وقت مصر..هاكم دا كرتى وبينا اتصال وبنتلاقا بعدين فى مكان ولا بالتلفون بنتفاهم..هدى الارض شفتوها وهى خمسمية متر..السلام عليكم وبيناتنا اتصال..

بدر الدين : وعليكم السلام واكيد حنتصل بيك..

الماحى : هى كدا ؟..طيب بيناتنا كلام بنتمو فى المكتب..

يركب الجميع مرة اخرى للركشة وهذه المرة فى اتجاه مكتب العقار ..

يتبع......

ودتابر
20-10-2009, 10:21 PM
الأستاذ الرائع .. أشرف صلاح



إننا نعيش أحلى اللحظات وأمتعها عبر مداد يراعك .. ونتابع بشقف وإندفاع ما تخطه لنا هنا .. تحملنا عبر عالمك الثر .. تشوقنا للحوارات بين ركاب الركشة .. وتعظنا وتدعونا للوئام والحوار .. وكثيرا نجد الأدب يتجلي ويمشي بين الحروف .


استاذي .. يا أيها الأديب الراقي


إننا في صالون ثقافي بحق وحقيقة .. وما أروعها من وسيلة وما أجملها من ركشة . وما أعظمها من صالون يهدينا الأدب والثقافة ونحن نصل لدورنا المقفرة البعيدة عبر وسيلة بسيطة .


لك مني كل الود والتقدير .. وتقبل مروري يا شفيف .

أشرف صلاح السعيد
21-10-2009, 12:02 AM
الأستاذ الرائع .. أشرف صلاح



إننا نعيش أحلى اللحظات وأمتعها عبر مداد يراعك .. ونتابع بشقف وإندفاع ما تخطه لنا هنا .. تحملنا عبر عالمك الثر .. تشوقنا للحوارات بين ركاب الركشة .. وتعظنا وتدعونا للوئام والحوار .. وكثيرا نجد الأدب يتجلي ويمشي بين الحروف .


استاذي .. يا أيها الأديب الراقي


إننا في صالون ثقافي بحق وحقيقة .. وما أروعها من وسيلة وما أجملها من ركشة . وما أعظمها من صالون يهدينا الأدب والثقافة ونحن نصل لدورنا المقفرة البعيدة عبر وسيلة بسيطة .


لك مني كل الود والتقدير .. وتقبل مروري يا شفيف .


الكاتب القامة أستاذى ود تابر تحياتى..

أستصعب الرد عليك ومجارات فهمك وكتاباتك ولكنى أحاول ما بوسعى على أن اسمو ولو قليلا مقتربا من عوالمك السوامى جدا..
حضورك بين تجوالات الركشة يشرفنى كثيرا وكثيرا جدا..فمرور رجل مثلك يدفع من مثلى بإستشعار أهمية ما يخط..هى محاولات لعلى اصل بها الى ما ارجو ونرجو..ولكنى الآن قد أصابنى بعض غرور بأنى أدركت كثيرا مما أرنو إليه..
لك كل تقديرى واحتراماتى ايها المتواضع كثيرا رغم عظم دواخلك..

أشرف صلاح السعيد
21-10-2009, 12:06 AM
فاصل اعلانى..

أهنئ الأحرار من أبناء عازة أينما رحلوا وأينما قطنوا وأينما عمروا..بذكرى أكتوبر العظيم..

متين التوحد..
يا سلام لما الكلام يبقى هام
والعمل يحكى عن شعبا همام
ما فراغ كل الخلق فيهو عام
ماالفكرة واضحة بدون خدام
ما دايرالا وزارة ووزير اعلام

نتفق ولا نختلف ما دا الكلام
و المهم ما يستقر جوانا الخصام
ونتشتت زى قطيع فقد النظام
خاف المواجهة لفد ضرغام
نسى بوحدتو بينجو بسلام
شاهدو اكتوبر وداك العام

أصلو الحكم حق للعوام
والكترة بفهم بتغلب حرام
وبتجلى عمى الليل والظلام
بس النوايا تكون تمام
القصة ما كترا وزحام
الفكرة وحدة وبى وئام
نوصل معاها للسلام
يسود بيناتنا كل احترام
ندك بيها كل السقام
نبنى بيها قلاع علام
نصنعبها عز من كل خام
نقول حقيقة بلا إلتجام
يقين ووحدة يبقو الامام
حرية ترفرف ما حمام
حق يلعلع بلا دمام
وإن استحال يبقى الحسام
ترحل معاهو طبل النظام
ويبقى الجميع هم حكام
وداك اكتوبر وديك ايام
بتحكى الروائع عن أنام..


الرياض 21/10/2009

114
21-10-2009, 04:39 AM
انا يادوب كملت الصفحة الأولى، وعايز بس اسجل حضور..

وحاجة صغيرة كده، نحن السودانيين، والعرب، غير المحاكاة ما عندنا شي، واحد فينا يبتكر التانين يحاكوه، واحد جاب ركشه البلد كلها تتملي ركشه، واحد عمل طبلية فواكه السوق كلو يتملي طبالي فواكه، هنا واحد يفتح مكتب عقار الحي كلو يتملي عقار، وبعد يومين يتم تأجير كل الشقق ويقعدوا ناس مكاتب العقار ينشو الدبان- زي ما بيقولو المصريين- وهكذا..

يعني الابتكار شبه معدوم عندنا، وبنكتل ابتكارات الناس الشويين ديل بكترة المحاكاة والتقليد..

شكراً يا باشمهندس على الحكاوي الظريفة دي، مع اننا دخلنا بوستك متأخرين شديد!ش

أشرف صلاح السعيد
21-10-2009, 05:10 AM
انا يادوب كملت الصفحة الأولى، وعايز بس اسجل حضور..

وحاجة صغيرة كده، نحن السودانيين، والعرب، غير المحاكاة ما عندنا شي، واحد فينا يبتكر التانين يحاكوه، واحد جاب ركشه البلد كلها تتملي ركشه، واحد عمل طبلية فواكه السوق كلو يتملي طبالي فواكه، هنا واحد يفتح مكتب عقار الحي كلو يتملي عقار، وبعد يومين يتم تأجير كل الشقق ويقعدوا ناس مكاتب العقار ينشو الدبان- زي ما بيقولو المصريين- وهكذا..

يعني الابتكار شبه معدوم عندنا، وبنكتل ابتكارات الناس الشويين ديل بكترة المحاكاة والتقليد..

شكراً يا باشمهندس على الحكاوي الظريفة دي، مع اننا دخلنا بوستك متأخرين شديد!ش


تحياتى أستاذنا عمر غلام الله ..
التقليد الأعمى ظاهرة واضحة عندنا خصوصا بالمجال الإستثمارى والتجارى كما أشرت كقدر ظروفك ومحلات العطورات وكبائن التلفونات..ولعل شارع الدكاترة خير شاهد..كلو عيادات وصيدليات..إذا كان دا فهم المتعلمين ببلادى فلا يؤاخذ الآخرون..ولعلى أحيى من هنا الدكتور الصيدلى علاء الدين يوسف ميرغنى الذى كسر قاعدة شارع الدكاترة بعمله صيدلية دردق ومن بعدها حذى الكثيرون حذوه وأخذوا الدواء إلى الأحياء ولكم أتمنى بتواجد العديد من العيادات حيث يتواجد الناس لا بالأسواق..
شرفنى حضورك ولا يهم تأخيره فالمهم الحضور لقامة من هم مثلك إليه..
شكرا لك ولتشريفك الذى أسعدنى كثيرا ولا أخفى عليك سرا كم كنت أتمناه ولكم أتمنى حضور آخرين مثلك أثق جدا فى تفكيرهم ويهمنى رأيهم جدا..

أشرف صلاح السعيد
22-10-2009, 12:52 AM
(الحلقة ..23)

السمسرة..الأخيرة)..

تصل الركشة مكتب العقار وينزل الجميع ليدخلوا الى المكتب..

القادمون : (بأصوات متباينة وتوقيتات متفارقة)..السلام عليكم..

الحضور : (نفس الشى)..وعليكم السلام والرحمة.."الناس فى بلدى حين يتقابلون ينطقون بالسلام"..

عثمان : شنو الحكاية إتأخرتو قدر كدا مالكم؟..بس إن شاء الله الارض تكون عجبتكم..

بدر الدين : ياتو أرض فيهم؟..بتاعت الورثة ولا بتاعت الكهربا؟..

عثمان : كهربة شنو يا زول !!

الماحى : الزول دا بيقصد الارض بتاعت الورثة عشان ما ركبو جنبها لسة عواميد الكهربا..

عثمان : يااخى دى مسائل بسيطة وبكرة بتتركب عواميد الكهربا "ابقى قابلنى"..اها قلتو شنو ورايكم شنو؟..

بدر الدين : ما عجبتنا "اختصارا للكلام الكتير"وانحنا بنمشى واكيد يا اخونا عثمان عندك تلفون عاطف..لو فى جديد اضرب ليو وهو بيورينا المستجدات..اها سلام عليكم..

يخرج بدر الدين وعفاف بعد أن آثر بدرالدين فى عدم خوض حقائق لا يهمه كثيرا من معرفتها عثمان ولكى يضغط الماحى لكى لايذكر شئ عن الأتعاب..ثم يركبا الركشة فى طريق العودة..

امين : اها على وين؟..

بدر الدين : على البيت وين ما لقيتنا ..

امين : جدا..

عفاف : انتا يا بدر ليه ما كلمتا عثمان بقصة الارض..

بدر الدين : انتى يا عفاف لهسى ما فهمتى شى؟..الناس ديل بتمثل علينا ساى..هم عندهم الارض بتاعة الابراج بس الفى يدهم والماحى عمل تمثيلية مع عثمان عشان نشتريها..والقطعة بتاعة الورثة شفتى انهم ما عندهم بيها اى علاقة غير انو سامعين الارض معروضة للبيع وبس..

عفاف : طيب والعمل هسى شنو..

بدر الدين : نتصل بالراجل صاحب الارض والفيها ربك بتبقى..

امين : والله انا من ما الاسمو الماحى دا اتكلم فى التلفون عرفتو بيتكلم مع عثمان..يااخى فى ناس كدا بتعمل نفسا ذكية وهى ابلد من البلادة..والناس ديل شكلهم نصابين وما عندهم قطع وعاملين لنفسم توم وشمار ومكتب كيف كيف عشان يستدرجو بيهو الناس الجايا من برة..

بدر الدين : والله الواحد زهج من السماسرة وتصنعم للذكاء..الواحد غير شهادة لا إله إالا الله ما عندو حاجة..ودى زاتا مشكوك فيها بحلفانم الكتير وشهاداتم للزور..أستغفر الله العظيم الواحد بيتذنب فيهم وهم غير مص دم الناس ما عندهم عمار..

امين : ياها قعدتم فى الضل وشرب الشاى ويقنصو للبايع وللمشترى عشان يطيرو بركة البيعة..والله انا عندى قريبى جا البلد دى بعربية تسوى ليها مية الف برااحة..لمو ليك فيو السماسرة العربية السمحة قصاد ارض وعربية كدا تعبانة..

عفاف : طيب ما كويس يعنى لقى ليهو ارض وعربية..كعب احنا الما لاقين لا دى ولا ديك..

امين : كدى استنى نهاية القصة..الارض طلعت مبيوعة لواحد غيرو وبأوراق سليمة والبايع ما صاحب الارض..ماشى يحيّر!!..والعربية بس وصل بيها بيتو وياها الركنة لهسى والله عشان يعملوها كوانين ما تنفع..

بدر الدين : كدى ورينا كيف اتباعت الارض لواحد قبلو وبأوراق كمان سليمة من واحد ما صاحب الارض..فهمنا ليها دى كيف وبرااحة؟..

امين : بسيطة..صاحب الارض الاول مغترب وفى واحد من السماسرة متابع الارض لانو ليها سنين لا اتباعت ولا اتبنت..قام عمل ليهو بطاقة شخصية باسم صاحب الارض بعد ما عرف من مكتب التسجيل الارض بتاعة منو..وطبعا اكيد عندو شريك فى مكتب التسجيل وقامو باعو الارض لواحد وبأوراق وتسجلو البيعة كمان..والواحد دا باعا لقريبى..ولحظو الشين بدا يبنى فى السور والا ام سيد الارض الاول تجيك يوم مارة وتكتشف ارض ولدا بيبنو فيها وولدا ما باعا والقصة كلها بعدا اتكشفت..

عفاف : والارض هسى بتاعت منو؟..

امين : بتاعة سيدا الاول لأنو البطاقة العملا السمسار منتحل فيها شخصيتو وسيد الحق الاصلى ما باع..والزول التانى ما خسران شى لانو قريبى اداهو قروش الارض..المشكلة بقت فى قريبى لازم يجيب الزول الباع للزول التانى ولسة ما محصلين فيو وقريبى إتسيك ورجع للإغتراب تانى من جديد..

بدر الدين : لا حول ولا قوة الا بالله..الزول إتسرق منو كل حصاد غربتو..يااخى فى ناس معقول تسوى كدا..

وتستمر الركشة حتى تصل إلى المكان المنشود وينزل الزوجان بعد محاسبة امين..ويقال بأنهم إتصلا بصاحب الارض وإتفقا معه وإشتريا القطعة ولازالا بدوامة التسجيل ..

يتبع..او قد لا يتبع..الله أعلم..

أشرف صلاح السعيد
23-10-2009, 08:55 PM
فاصل اعلانى..


دى الركشة ياناس ..دى الركشة وخايفين الكشة ياناس..
شورى مافى يا ناس ..شورى مافى ونشرب من البحر صافى ياناس..

فتنة جاتنا يا ناس ..فتنة جاتنا وممكن توقع بين الجزيرة ومدنى وحياتنا ياناس..

دى القوانين يا ناس ..دى القوانين والبطلب بتطويرا ببقو جاحدين يا ناس..

كتبو بالاحمر يا ناس ..كتبو بالاحمر وانا قلبى بتفطر يا ناس..
دى الليمونة يا ناس .. دى الليمونة والناس ديلك قهمونا يا ناس..
وهسى أجرى يا ناس..أحسن أجرى قبل يجيبو خبرى يا ناس..

وركشة ركشة ركشا..او نكسا..
ونكسة نكسة نكسا..او ركشا..

النويري
24-10-2009, 05:25 AM
استاذنا أشرف لك التحية

تعرف اول ما أغتربت الوالدة قالت لي أهم شيء تعملوا من الغربة قطعة أرض وهاأنذا أتممت أخي اشرف العام العاشر كما هو حال صاحبنا ولم أستطيع شراء قطعة الأرض حتى ولو بره مدني
ليس كل من أغترب فهو مغترب فقد تختلف الظروف من مغترب لمغترب
زمان يا أشرف لمن نجي من الغربة كان كل الفريق بيجيك يسلم عليك حتى لو كانو في الشغل بيجو كلهم أما الأن الناس بقت تقوليها فلان جاء من البلد الفلاني يقول ليك ما في مشكلة بنلاقيه وبنسلم عليه

أرجو تقبل مرور ي مع خالص الود

أشرف صلاح السعيد
24-10-2009, 05:33 AM
استاذنا أشرف لك التحية

تعرف اول ما أغتربت الوالدة قالت لي أهم شيء تعملوا من الغربة قطعة أرض وهاأنذا أتممت أخي اشرف العام العاشر كما هو حال صاحبنا ولم أستطيع شراء قطعة الأرض حتى ولو بره مدني
ليس كل من أغترب فهو مغترب فقد تختلف الظروف من مغترب لمغترب
زمان يا أشرف لمن نجي من الغربة كان كل الفريق بيجيك يسلم عليك حتى لو كانو في الشغل بيجو كلهم أما الأن الناس بقت تقوليها فلان جاء من البلد الفلاني يقول ليك ما في مشكلة بنلاقيه وبنسلم عليه

أرجو تقبل مرور ي مع خالص الود


حبيبنا النويرى تحياتى..
الجاتك فى اغترابك سامحتك..
زمان غنو "يا ضابط بدبورتين يا مغترب سنتين"..
وغنو "الرمبزة والمغتربين آيا آيا"
وغنو " يا مغترب يا تاجر غرب"
بس المغترب حليلو لحق أبوات طه زمنو فات وفنانو مات..
انتا ما سمعت الزول الجا الزيارة للسعودية قال شنو لما رجع "مغتربين كروش بلا قروش والباقى شين خلاص خلينا منو"..
إستسهال الحصول على المال بالداخل وبأى كيفية كانت هى السبب..ياريت ووالله ياريت كل الناس العندها قروش متلتلة فى السودان تكون حلال ولكن..
يا اخوى شكلنا اغتربنا فى الزمن الضايع..
تحياتى والجاتك فى اغترابك سامحتك يا أستاذ..

بدر الدين احمد الطائف
24-10-2009, 05:44 AM
امين : بسيطة..صاحب الارض الاول مغترب وفى واحد من السماسرة متابع الارض لانو ليها سنين لا اتباعت ولا اتبنت..قام عمل ليهو بطاقة شخصية باسم صاحب الارض بعد ما عرف من مكتب التسجيل الارض بتاعة منو..وطبعا اكيد عندو شريك فى مكتب التسجيل وقامو باعو الارض لواحد وبأوراق وتسجلو البيعة كمان..والواحد دا باعا لقريبى..ولحظو الشين بدا يبنى فى السور والا ام سيد الارض الاول تجيك يوم مارة وتكتشف ارض ولدا بيبنو فيها وولدا ما باعا والقصة كلها بعدا اتكشفت..



ود السعيد الله يديك الصحه والعافيه
ياخى انا ما قلت ليك انت يا كنت سمسار يا باريت السماسره
لكن والله الجزئيه الفوق دى تخوف عديل كده
ان غايتو من دربى ده عندى قطعه ارض امشى اتمم عليها ممكن الجماعه الشفوت ديل يطبقوا النظريه دى فينى.

كدى كلام سماسره كده الوقايه شنو من الحركه العجيه دى.

أشرف صلاح السعيد
24-10-2009, 07:41 PM
امين : بسيطة..صاحب الارض الاول مغترب وفى واحد من السماسرة متابع الارض لانو ليها سنين لا اتباعت ولا اتبنت..قام عمل ليهو بطاقة شخصية باسم صاحب الارض بعد ما عرف من مكتب التسجيل الارض بتاعة منو..وطبعا اكيد عندو شريك فى مكتب التسجيل وقامو باعو الارض لواحد وبأوراق وتسجلو البيعة كمان..والواحد دا باعا لقريبى..ولحظو الشين بدا يبنى فى السور والا ام سيد الارض الاول تجيك يوم مارة وتكتشف ارض ولدا بيبنو فيها وولدا ما باعا والقصة كلها بعدا اتكشفت..



ود السعيد الله يديك الصحه والعافيه
ياخى انا ما قلت ليك انت يا كنت سمسار يا باريت السماسره
لكن والله الجزئيه الفوق دى تخوف عديل كده
ان غايتو من دربى ده عندى قطعه ارض امشى اتمم عليها ممكن الجماعه الشفوت ديل يطبقوا النظريه دى فينى.

كدى كلام سماسره كده الوقايه شنو من الحركه العجيه دى.


حبيبنا ود الطائف تحياتى..
هو فى مغترب ما بارى السماسرة؟؟؟؟؟؟؟؟؟الا الجداد لسه..
أحب أطمئنك لو أرضك لسه فى "التطمن هسى وين؟" فى قرار ومن زمان موجود بس لم يكن مفعل من قبل ناس التسجيلات ولماذا؟ لا تسألنى فلربما الاجابة واضحة..القانون بيقول لا يمكن بيع الارض الا بموافقة بإقرار من الزوجة بعدم الممانعة فى البيع..هو إجراء بيصعب مسألة التزوير لأنو معرفة اسم زوجة صاحب الارض اصعب من معرفة اسم صاحب الارض "الا اذا قصدك واحد بيعرف العائلة"..
اكتر من كدا اطمنك ما عندى..ان شاء الله تكون اطمأنيت..هههههههه"شر البلية ما يضحك"..
والله شكلك مجقلب وانا زيدتا الطين بالله بموضوع السماسرة دا..وكلنا فى الهم سواء..

ابوخالد
24-10-2009, 08:29 PM
حبيبنا ود الطائف تحياتى..
هو فى مغترب ما بارى السماسرة؟؟؟؟؟؟؟؟؟الا الجداد لسه..
أحب أطمئنك لو أرضك لسه فى "التطمن هسى وين؟" فى قرار ومن زمان موجود بس لم يكن مفعل من قبل ناس التسجيلات ولماذا؟ لا تسألنى فلربما الاجابة واضحة..القانون بيقول لا يمكن بيع الارض الا بموافقة بإقرار من الزوجة بعدم الممانعة فى البيع..هو إجراء بيصعب مسألة التزوير لأنو معرفة اسم زوجة صاحب الارض اصعب من معرفة اسم صاحب الارض "الا اذا قصدك واحد بيعرف العائلة"..
اكتر من كدا اطمنك ما عندى..ان شاء الله تكون اطمأنيت..هههههههه"شر البلية ما يضحك"..
والله شكلك مجقلب وانا زيدتا الطين بالله بموضوع السماسرة دا..وكلنا فى الهم سواء..




يارزاق يا كريم يا فتاح ياعلىم ...

سيد الركشة ...

سلام كتير ...

يا أخوى ما تسأل نقابة السماسرة أصحابك ديل

من موضوع أراضى المغتربين ... وأراضى المحلية

حصل فيهم شنو ؟؟؟؟

والا ننسى الموضوع .....

أها كملت الأقساط والا لسه ...؟؟؟

وذى ما قال أخونا بدر الدين

النعمل لينا تيلفون للبلد من الصباح نشوف

موضوع تزوير البطاقات وبيع الأراضى ... ده صحيح والاّ لا ..؟؟؟

تبقى علينا كمان

غُربة ... وخراب ديار ...















جاهزىن للشيلنغ ...

أشرف صلاح السعيد
24-10-2009, 10:37 PM
يارزاق يا كريم يا فتاح ياعلىم ...

سيد الركشة ...

سلام كتير ...

يا أخوى ما تسأل نقابة السماسرة أصحابك ديل

من موضوع أراضى المغتربين ... وأراضى المحلية

حصل فيهم شنو ؟؟؟؟

والا ننسى الموضوع .....

أها كملت الأقساط والا لسه ...؟؟؟

وذى ما قال أخونا بدر الدين

النعمل لينا تيلفون للبلد من الصباح نشوف

موضوع تزوير البطاقات وبيع الأراضى ... ده صحيح والاّ لا ..؟؟؟

تبقى علينا كمان

غُربة ... وخراب ديار ...







جاهزىن للشيلنغ ...


سلام ابو خالد وصباحاتك بيض..
يااخوى اولن بالتبادى صاحب الركشة امين وانا الكاتب "ما تلخبت الاختساس وكدى"..
اتصل يا زول ساااكت ولو عينت ليك غفير فى ارضك يكون احسن بس وصيو ما يعمل زى زريقا "وما تعمل ليى ما فاهم"..
اما بخصوص نقابة السماسرة والله على قولك بيكون اكتر متابعة من ناس المحلية وشئون المنفيين "هو لسه فى شئون مغتربين؟"..
يا زول سيب الاسعلة السوعال لغير الله مذلة سويلك غفير قلنالك..
الشيلنغ زماااان شالو انت وين نايم يااللخو؟..بس اعمل شيرنغ جديد ومسكنى ليو ما أخير "أكل الحبيب من أكل التمساح والدبيب؟"..
وإن شاء الله ما نجيكم فى قضية تزوير..

telecom
25-10-2009, 03:12 AM
مبالـــــــــــــــــــــغة ............................................ بدون تعليق

أشرف صلاح السعيد
25-10-2009, 03:26 AM
مبالـــــــــــــــــــــغة ............................................ بدون تعليق

الله يرفع معنوياتك ويعلى مرتباتك ويحقق كل امنياتك"ولد حبوبات جد" زى ما أسعدتينى بمرورك البلنتى دا ولكنو جاب قون سمح..

الملكة اسماء ( ام محمد )
25-10-2009, 04:01 AM
دى القوانين يا ناس ..دى القوانين والبطلب بتطويرا ببقو جاحدين يا ناس..




القال كدا منو ؟:confused:



همسة : شايفاك بقيت تكتب يوم وتبطل عشرة

البنزين غالي والا شنو ؟

أشرف صلاح السعيد
25-10-2009, 04:28 AM
القال كدا منو ؟:confused:



همسة : شايفاك بقيت تكتب يوم وتبطل عشرة

البنزين غالي والا شنو ؟



سلام اختى أسماء..
لا تضيقى واسع يا اختاه..
وإن أردتى التضييق فحسنا..قرأت قوانين المنتدى ولم أجدها غير كلام عام وذكرتنى بدساتير طلاب الجامعات وإن كان بدساتيرهم لم يكتفو بالاجتماعيات والثقافة ويتهربو من السياسة التى شئنا أم أبينا غدت جزئ من ثقافتنا وأرى المنتدى علمانى بفصل الثقافة والاجتماعيات عن السياسة .. منذ متى كانت مدنى او الجزيرة محيّدة عن السياسة ولعمرى إنطلقت شرارات النضال من مؤتمر خريجيها وفى زمن الإستعمار..

القال كدا منو ؟ ما هو المشكلة مافى زول بيقول لأنو أساسا مافى بند بيقول اللوائح ممكن تتبدل او تتغير كيف ولكأنها قرآن..أعجب لعدم وجود مادة بها يمكن تعديل القوانين واللوائح..يبقى ممكن كيف؟؟؟ "راجعى اللوائح وسترى العجب"..
بالنسبة للركشة اهى ماشية وقلت بس اهدى سرعتا شوية لانو فى عديدين بيقو يقرو من بداياتا وما عايز اقطع نفس الناس الجداد..

مبارك عمر عباس
25-10-2009, 09:30 AM
الاخ الغالي اشرف صلاح
الله يديك الصحه والعافيه
واصل الكتابة يافنان يامبدع .

الملكة اسماء ( ام محمد )
25-10-2009, 10:55 AM
القال كدا منو ؟ ما هو المشكلة مافى زول بيقول لأنو أساسا مافى بند بيقول اللوائح ممكن تتبدل او تتغير كيف ولكأنها قرآن..أعجب لعدم وجود مادة بها يمكن تعديل القوانين واللوائح..يبقى ممكن كيف؟؟؟ "راجعى اللوائح وسترى العجب"..


هو العجب براه ؟ شكلك ماشفت باقي التشكيلة
لكن نرجع نقول انها في الحسبة ممكن تكون ( ملعوبة صح ) من جانب اصحاب القرار
ومنتهية بخسارة المستسلمين لتلك اللعبة بماانهم رضوا يخشوا مباراة تُشترى فيها اصوات ترشيح الفائز



بالنسبة للركشة اهى ماشية وقلت بس اهدى سرعتا شوية لانو فى عديدين بيقو يقرو من بداياتا وما عايز اقطع نفس الناس الجداد..



رائع حتى في احساسك بمن يقراء لك
كن بالف خير وانت تعلمنا معنى الرقي

النويري
25-10-2009, 09:45 PM
اشرف دحين ركشت أمين دي ما بتمش كدا مشوار على الحواشات الفي مشروع الجزيرة دا ولا ممنوع تقطع الكبري

أشرف صلاح السعيد
26-10-2009, 12:15 AM
الاخ الغالي اشرف صلاح
الله يديك الصحه والعافيه
واصل الكتابة يافنان يامبدع .
بركة البركة سلام ..
والله طالما ورشتك السمحة وناسا السمحين فى تب الركشة أصلو ما بتحرن ..
ولو "بدينا من الصفر الركشة لازم تستمر"..الله يديك ويديهم ويدينى العمر..ويد بيد نعمر..

أشرف صلاح السعيد
26-10-2009, 12:26 AM
رائع حتى في احساسك بمن يقراء لك
كن بالف خير وانت تعلمنا معنى الرقي

اختى أسماء تحياتى..
ليس الآخر من يقرأ لى بل أنا من يكتب له وأستعطفه لقراءة ما أكتب..ومن يكتب ولا يهتم لمن يكتب له فعليه أن يهامس نفسه وحيدا فذلك يكفى..وما الأحمق إلا حاويا لعلوم وعلوم خالها تكفيه عوز الناس والعيش بهم ولهم.."يااخى مالك بتخلينى اتفلفس"..
مثلما تتعلمين منى فأنا أيضا لازلت أتلقى العلوم منك ومنه ومنهم ودعواى أن نصل جميعا إلى قاعدة تستوعب إرتكاز كل مفيد نحاول أن نبنيه..
فكلنا فى الهم سودان وكلنا فى العلم حيران..

أشرف صلاح السعيد
26-10-2009, 12:33 AM
اشرف دحين ركشت أمين دي ما بتمش كدا مشوار على الحواشات الفي مشروع الجزيرة دا ولا ممنوع تقطع الكبري

حبيبنا النويرى سلام..
بنقطعا الكبرى وبنطوع كل الحواجز عشان نصل ونتحسس للوجع لنستغيث بالطبيب يبدد آلام ونوصيى شديد لا للمسكن وخوف من بتر مرهون بيو حياة إنسان..
وبعد ما أديتنى المعلومات المستجدة والطازة عن المشروع الركشة ماشة لهناك..
وخليك دايما قريب أتاكا فيك وأعرف أصل بيك لهناك وين ما بشوف..

أشرف صلاح السعيد
26-10-2009, 12:52 AM
فاصل اعلانى وإستجدائى..

تهيب أسرة الركشة بكل الأحبة الذين يمتلكون تفاصيل دقيقة فيها الوجع لإنسان شقيان ومزارع بمشروع الجزيرة بأن يوافينا بها بالبريد الخاس عشان الناس ما تاكل وشنا ويقولو "سجمنا حتى الركشة بيشفيفوها"..

الأشفيفوها عشان تصل رسالة إن شاء الله وطشاش بس التصل
ويعرف مزارع ليو أهل بيسدو وش الشمش عشان يبقولو ضل
مين يا خلق بنكر يقول إنو الزراعة ما أشرف عمل؟؟؟

وركشة ركشة ركشا..اوو ركشا
جزيرة جزيرة جزيرا .. اوو ثورا
انحنا ما مشاغبين .. اوو ركشا
بنكت فى المواضيع ..اوو ركشا
عشان ما نعمل شمطا ..اوو ركشا
كل الفكرة يا ناس .. اوو ركشا
المزارع ما يحتاس .. اوو ركشا
وتحت الرجلين ينداس ..اوو ركشا
ياناس صحو الاحساس..اوو ركشا
عشان نصير ألماس ..اوو ركشا
وركشة ركشة ركشا..اوو ركشا

أشرف صلاح السعيد
28-10-2009, 03:33 AM
(الحلقة .. 24)

(مشروع الجز ير ة ..)

"معلومة ود البر والخوالدة من أخى الاستاذ النويرى له التحية"..

بينما أمين فى طريقه إلى أول المحطة كان فكره قد إنشغل بحكاية أم ضبيبينة الغير منتهية والتى غدت حكاية السميسمرجية.. ماهذا السيل من السماسرة ؟؟..أوصل بنا الحال إلى أن المروءة والمشى مع أخ لقضاء حاجته تباع؟..ألم يوصنى ديننا ويعلمنا بأن خير الناس أُناس إختصهم الله بقضاء حوائج الناس؟؟ أين نحن الآن من ذلك؟..أسيأتى علينا حينا من الزمان عندما تستنجد الجارة بجارتها أن جاءها ضيف مفاجئ وتريد بعض دعم لمائدتها بما طبخت الجارةثمن؟؟أيا ترى ستخرج أبراش الإفطار بالطرقات تصاحبها تلك الآلات التى تعد ثمن الوجبات..آآه منا وقد بعنا كل شئ حتى المروءة والتوفيق بين الناس..


فاصل اعلانى..

بناكل مما يزرعو وبنلبس مما يصنعو..

نسيج الصداقة اول ومشروع الجزيرة لاحقو.."فال الله ولا فالى"..

والبقول بغم ما يزعل لما نكمكمو .."يجعل كلامنا خفيف وما ينجضونى زى الرغيف"..

وركشة ركشة ركشا..اوو ركشا..



صوت : ركشة..ركشة..يابتاع الركشة "كم أكره هذه المفردة بتاع"..

امين : السلام عليكم..اتفضلو..على وين إن شاء الله..

رجل : ماشين الوزارات..شارع النيل.."لا أدرى ما السر الذى جعل المستعمر من جعل الوزارات تواجه النيل ليضيق على العامة الاستمتاع به!!"..بتشيل مننا كم "بتشيل او ليس لهذا الشيل مقابل؟ما العيب فى بتودينا بكم ولا المشوار دا بتاخد فيهو كم!!؟؟"..

امين : بوديكم بخمسة جنيه..

الرجل الاول : يااخى انحنا ناس زراعة وما زارعين وكان ما لاحقين لينا اجتماع والله بنمشيها كدارى..

امين : اركبو يااخوان والبتدفعو بشيلو..بس يااخوانا رد السلام دا ما فرض ولا كيف؟..

الرجل الثانى : يااخى هى الشفقة خلت فينا راس.."الجميع"وعليكم السلام والرحمة..

امين : عوجة ماف..المكان كان ما وسعكم التلاتا واحد يجى جنبى قدام..

الرجل الثالث : لا بشيل وبنضاير النفوس كان اتطايبت بتسعنا الحتة "هى النفوس دى مطاط؟"..غايتو الهنود ديل ما كسبو فينا الأجر.."طيب اصنعو انتو"..

الرجل الاول : انتا يا عمر قولك مشكلة الموية دى بيعالجوها فى اجتماعم دا..ولا بضيعو لينا فى وقت ماشين جايين سااكت..

عمر : والله يا احمد يااخوى كان ما حلو الموضوع دا يبقى قعدتم كلها ماليها لزوم..يااخى معقول ود البر والخوالدة يعطشو!!والله دا كلام ولا فى الاحلام..الترع الكانت من كترة الموية بتكسر وتغرق الدنيا وتشلهتنا نلفلف بدروب المشروع كلها عشان نصل الحلة وهى قدامنا نكوس ليها الليلة !!

احمد : والله على قول الشاعر فى الحالتين انا الضايع وانا الضايع..موية فى تكسر من سوء التحكم فى كمياتا..موية ماف تموت الارض والبهايم والناس..

عمر : والله بلا احسن من بلا ..هى التجى ولفلفة بين التفاتيش مقدور عليها وخابرنها..وبنزين الطاهر بنتخاتتو..

الطاهر : والله دا بس البلاقيو منك كتر كلام وقلة احسان..ياتو يوم دا جيتنى بجويلين وقلت ليى يا الطاهر اخوى يااخى دى سندا كدا منى..غير الفشخرة ما عندك شى من يومك..

عمر : الله الله يا زول لما مشينا للمفتش عام اول ما جبت ليك باقة من قريبنا الشغال فى مياه الرى..

الطاهر : دافعو من جيبك؟..ولا كان بنزين قريبك ؟..حق الحكومة الكاسرة ضهرنا ضرايب وزكاة والمشاركانا فى عرقنا وهى بتتفرج بس ورجع لينا..داير تشيلا ليا جميلا؟هو غير سواة الزى قريبك دا زااتو الضيع المشروع دا شنو؟؟..الاسبيرات يبيعو فيها ولما تجى حوبتا الترعة ما تلاقى ليها مكينة ولا كراكة ولا بوكلين يطهرو بيهو الترعة وتكسر تبشتن عدايلنا..

عمر : تاكل وبعدا تقش طرفك وتنكر زى الكدايس و تعمل لينا ثورى وابو المبادى..مالك ساعتا ما عافيت الحرام والبنزين المسروق؟..

احمد : خلاص حتبدو لينا فيلمكم اليومى وتبدو الشكلة؟..والله كدايس فيران بتاعتكم دى اصلو ما بتخلوها..الموية البتكسر كانت ومتشاكلين فيها بقت مافى مااافى بتتشكلو على الاطلال ولا على شنو؟؟!!كدى التجى وبعدين اتشكلو..سرقتو سوى وجايين هسى تتشاكلو..

الطاهر : على قولك..ما شافوهم بيسرقو شافوهم بتشاكلو..سرقتنا انحنا مقدور عليها وبنتشاكل بيها وبتظهر وبنعترف بيها..كعب سرقة الناس الباعت اليوريا والبذور وسجلتا على المزارعين..سرقة على عينك يا تاجر وزول قال ليهم تلت التلاتا كم..ويمشى الواحد يقول عايز السماد يقولولو انتا ما شيلتو!!اها ديل يسولوم شنو؟؟

امين : لو تسمحو ليى اشارك معاكم فى الكلام..

عمر : يازول هو الكلام بقروش؟؟..قول الداير تقولو..هو بلدنا دى ارخص من الكلام فوقا شنو؟؟..اتعلمو يا بجم انت "قصدو الطاهر واحمد"شوفو الناس قبل ما تتكلم بتستأذن..مش زيكم التقول رامياكم حمارة الواحد يهترش ساااكت..

الطاهر : وانتا هسع دى منو العينك الناطق الرسمى لينا"مع الاعتذار لجلالة" والله ما بجم زول غيرك..معليش يا اللخو بس الجنا دا متفرعن طوالى كدى وبدورلو تأديب مرة مرة ولا بفلت عيارو وببقى عايرة من غير سوط..

امين : والله روحكم سمحة وعفويتكم مافى زيها..

احمد : يااخونا قبل ما تواصل ما تفتكرنا عنقالة وناس أرياف ما بنفهم..

امين : معاذ الله يااخينا..انا زاتى اصلى من الارياف..انتو الاساس والتاج..وما قصدت من كلامى الوصلك دا..عمرها العفوية والروح السمحة ما بتبقى سذاجة الا للناس الجواها بطال والبتكشف لسوؤم..يا ريت الناس تبقى كلها سمحة زى اهلنا ناس القرى والأرياف وبتبسط الامور زيهم..

عمر : والله انك زول ما ساهل ومؤصل واصيل..واحنا زاتنا قلنا زول الركشة دا حيى الله بتاع ركشة والسلام لكن طلعت زول ما ساهل..

امين : ما انتو بس..معظم الناس بتنظر لبتاع الركشة دا زى ما قال اخونا عنقالى وواقع من حساباتم كمان..ودى مشكلتنا بنقيم الامور بظواهرا وبس..ناس المدن بيشوفو ناس القرى مجموعة قرويين سذج وناس القرى بشوفو ناس المدن ناس فارغة ومظاهر وما بعرفو الحشمة..وقيسو على كدا..كل جماعة بتشوف الجماعة بمنظورا هى العايزا تشوفوم بيو..

الطاهر : والله صدقتا..مع انو فى مثل بيقول يوضع سرو فى اضعف خلقو ..وحتى الضعيف ليو قوة بس ما بنشوفا الا اذا احنا عايزين نشوفا..والله كلامك كلام عقل..

امين : شايفكم بتتكلمو عن الزراعة والموية ومشروع الجزيرة..صحى الكلام البنسمعو دا صاح؟..انو المشروع حيتباع؟..

يتبع إن شاء الله..

تحية خاصة لأخى سليمان محمد على ..

العاقب مصباح
30-10-2009, 11:17 AM
فضل لى اربعة صفحات غاتسة وين الركشة دى

أشرف صلاح السعيد
30-10-2009, 07:00 PM
فضل لى اربعة صفحات غاتسة وين الركشة دى


تحياتى عقبة..
يا زول انت ما مواكب ولا شنو؟ البطولة بقت لأكثر المتواجدين بالمشاهد والركشة دى العالم دى كلها بتنقنق على صهوتها..يعنى عشان ما بتتكلم نهمشا؟؟ هسى لو مافى الركشة دى كان امين دا حكى لينا الحاصل دا يااخ؟
بركة الجيت بركة الجيت سمح انت وبسكويت..

الملكة اسماء ( ام محمد )
30-10-2009, 07:31 PM
هسى لو مافى الركشة دى كان امين دا حكى لينا الحاصل دا يااخ؟



واضف للعندك
ولو الركشة دي ماكانت موجودة ... كنت اخدت اجازة من المنتدى لحد مايستتب الأمن:(

النويري
30-10-2009, 09:34 PM
[QUOTE=أشرف صلاح السعيد;428430][right] (الحلقة .. 24)

(مشروع الجز ير ة ..)

"معلومة ود البر والخوالدة من أخى الاستاذ النويرى له التحية"..

نسيج الصداقة اول ومشروع الجزيرة لاحقو.."[color="darkred"]فال الله ولا فالى"..

والبقول بغم ما يزعل لما نكمكمو .."يجعل كلامنا خفيف وما ينجضونى زى الرغيف"..


امين : السلام عليكم..اتفضلو..على وين إن شاء الله..

رجل : ماشين الوزارات..شارع النيل.."لا أدرى ما السر الذى جعل المستعمر من جعل الوزارات تواجه النيل ليضيق على العامة الاستمتاع به!!"..

اشرف تعرف النفسية الخاصة بالخواجة في العمل كان يهتم بالبيئة التي يمارس فيها العمل فلذلك كون جميع الوزارات في شارع النيل حتى يستطيع ممارسة أعماله في أجواء جميلة مريحة للذات لكن الليلة بنلقى شارع النيل كله ،،،،،،،،،،،،،


الرجل الاول : انتا يا عمر قولك مشكلة الموية دى بيعالجوها فى اجتماعم دا..ولا بضيعو لينا فى وقت ماشين جايين سااكت..

بالله شوف في بلد فيها أكثر من نهر ومجرى وخزانات في كل نهر والموية عندنا بالقروش وحتى المزارع نشفوها عليه والله بلد ومرات يقول ليك الموية قاطعة والله قاطعة دي ما عرفت ليها سبب قاطعة معناها ما في موية في النيل ولا شنو ياجماعة

عمر : والله يا احمد يااخوى كان ما حلو الموضوع دا يبقى قعدتم كلها ماليها لزوم..يااخى معقول ود البر والخوالدة يعطشو!!والله دا كلام ولا فى الاحلام..الترع الكانت من كترة الموية بتكسر وتغرق الدنيا وتشلهتنا نلفلف بدروب المشروع كلها عشان نصل الحلة وهى قدامنا نكوس ليها الليلة !!

المزارع نفسوا يأس من المشروع وترك أرضو وقال الخرطوم جاك زول أحسن



الطاهر : دافعو من جيبك؟..ولا كان بنزين قريبك ؟..حق الحكومة الكاسرة ضهرنا ضرايب وزكاة والمشاركانا فى عرقنا وهى بتتفرج بس ورجع لينا..داير تشيلا ليا جميلا؟هو غير سواة الزى قريبك دا زااتو الضيع المشروع دا شنو؟؟..الاسبيرات يبيعو فيها ولما تجى حوبتا الترعة ما تلاقى ليها مكينة ولا كراكة ولا بوكلين يطهرو بيهو الترعة وتكسر تبشتن عدايلنا..

كان زمان بيقولوا الري الهامل لماذا أولاً البيجي الري من الموظفين ما بشتغل بنتظر الفطور وأضرب الفول ويشوف طريقة السرقة بي وين لكن الأن ما في حاجة تنسرق خلاص كملت لأن المشروع واقف



الطاهر : على قولك..ما شافوهم بيسرقو شافوهم بتشاكلو..سرقتنا انحنا مقدور عليها وبنتشاكل بيها وبتظهر وبنعترف بيها..كعب سرقة الناس الباعت اليوريا والبذور وسجلتا على المزارعين..سرقة على عينك يا تاجر وزول قال ليهم تلت التلاتا كم..ويمشى الواحد يقول عايز السماد يقولولو انتا ما شيلتو!!اها ديل يسولوم شنو؟؟

دبي بخليها ليك زي ما هي

امين : والله روحكم سمحة وعفويتكم مافى زيها..

ما أطيب إنسان الجزيرةاحمد : يااخونا قبل ما تواصل ما

تفتكرنا عنقالة وناس أرياف ما بنفهم..


دي مشكلة بعض الناس ولدينا من الجزيرة دكاترة وبرفوسيرات وهلم جرى

امين : معاذ الله يااخينا..انا زاتى اصلى من الارياف..انتو الاساس والتاج..وما قصدت من كلامى الوصلك دا..عمرها العفوية والروح السمحة ما بتبقى سذاجة الا للناس الجواها بطال والبتكشف لسوؤم..يا ريت الناس تبقى كلها سمحة زى اهلنا ناس القرى والأرياف وبتبسط الامور زيهم..


امين : ما انتو بس..معظم الناس بتنظر لبتاع الركشة دا زى ما قال اخونا عنقالى وواقع من حساباتم كمان..ودى مشكلتنا بنقيم الامور بظواهرا وبس..ناس المدن بيشوفو ناس القرى مجموعة قرويين سذج وناس القرى بشوفو ناس المدن ناس فارغة ومظاهر وما بعرفو الحشمة..وقيسو على كدا..كل جماعة بتشوف الجماعة بمنظورا هى العايزا تشوفوم بيو..


امين : شايفكم بتتكلمو عن الزراعة والموية ومشروع الجزيرة..صحى الكلام البنسمعو دا صاح؟..انو المشروع حيتباع؟..

المشروع إمكانية بيعه ليست أمر ساهل لأن لأن أراضي المشروع مقسمة بين الحكومة والمواطن فبعض المزارعين يملكون أراضي توارثوها عن الأجداد بصكوك ما ذالت موجودة ومن الصعب إنتزاع هذه الأفدنة ولكن يمكن إستثمار أراضي المشروع لسنين محدودة وأنا أعتقد أن هذا يجلب الخير للبلد وحتى نشوف محاصيل وفواكه الناس ما أكلتها حتى الأن



[SIZE="5"]والا باكر يا (حليوه )لما أولادنا السمر يبقوا أفراحنا البنمسح بيها أحزان الزمن

أشرف صلاح السعيد
31-10-2009, 08:49 AM
واضف للعندك
ولو الركشة دي ماكانت موجودة ... كنت اخدت اجازة من المنتدى لحد مايستتب الأمن:(

دى شهادة والله حقو نوديها لناس البنك يعفو بيها امين من باقى الاقساط...
المنتدى أمنو مستتب بس دايرين دستورو يكون مستحب..

أشرف صلاح السعيد
31-10-2009, 08:54 AM
والله باكر يا حليوة لما أولادنا السمر يبقو أفراحنا البنمسح بيها أحزان الزمن
بس يا حليوة إيدى بإيدك نفهم لا نصادر لا نلقن وبتبقى مدنا ضاوية اكتر من مدن

النويرى يا سلام على التحليل ويا مية سلام على الأمل والتفاؤل الشايلو فيك..

العاقب مصباح
31-10-2009, 10:39 AM
اه اه اه اه اه اه

زول نفسو قائم تب

والله يا اشرف قطعت نفسى بالجرى وراك

من حق الركشة واقساطها

مرورا بكل اعلاناتك المحببة الى نفسى

دائما فى البرامج التلفزيونية بهرب من الفواصل الاعلانية

لكن هنا يشهد ربى بفتش للفاصل لأنه مليان رسائل

تعالج الركشة أغلب قضايا المجتمع

وأخطرها


إن لم تكن علاجاً ناجعاً فهى تضع يدها على مكان الألم

شخصت يا أشرف جميع أو أغلب عللنا المستعصية

الأقساط

اولاد ال ...........

السماسرة

السوق

المشروع

سيطرة النسوان على الرجال

النسوان فوبيا

الكذبب

النفاق

الحكم بالمظاهر

من هو سائق الركشة

هل هو زول عنقالى

ام خريج جامعى فى احايين كثيرة ومؤمن يرتاد المساجد

الزواج العرفى وكيف يحدث

شفقة النسوان

إنعدام الضمير

لم تترك لنا شيئاً

ولم تترك لنا فرصة للتعليق والتعقيب

أتمنى أن أجد ما اتكتب فى كتاب عملاق

ولا تنسى أن تهدينى نسخة عليها توقيعك

أنتظرها والله

لك كل الحب

درديري كباشي
31-10-2009, 07:46 PM
الف مبرك عزيزنا اشرف وعزيزتنا الركشة واخونا امين ..

كدا تقدر تبيع الركشة بمزاج والبسعر اليعجبك

النويري
31-10-2009, 08:33 PM
شايف الركشة يا أشرف عملوا ليها تأبين إيزان بنهايتها يعني خلوك تتقاعد قبل سن التعاقد ولا عندك رأي الكلام دا معناهو الإعتزال قبل ما تسوء الحال إنشاء الله تكون فهمتني

أشرف صلاح السعيد
31-10-2009, 08:34 PM
اه اه اه اه اه اه

زول نفسو قائم تب

والله يا اشرف قطعت نفسى بالجرى وراك

من حق الركشة واقساطها

مرورا بكل اعلاناتك المحببة الى نفسى

دائما فى البرامج التلفزيونية بهرب من الفواصل الاعلانية

لكن هنا يشهد ربى بفتش للفاصل لأنه مليان رسائل

تعالج الركشة أغلب قضايا المجتمع

وأخطرها


إن لم تكن علاجاً ناجعاً فهى تضع يدها على مكان الألم

شخصت يا أشرف جميع أو أغلب عللنا المستعصية

الأقساط

اولاد ال ...........

السماسرة

السوق

المشروع

سيطرة النسوان على الرجال

النسوان فوبيا

الكذبب

النفاق

الحكم بالمظاهر

من هو سائق الركشة

هل هو زول عنقالى

ام خريج جامعى فى احايين كثيرة ومؤمن يرتاد المساجد

الزواج العرفى وكيف يحدث

شفقة النسوان

إنعدام الضمير

لم تترك لنا شيئاً

ولم تترك لنا فرصة للتعليق والتعقيب

أتمنى أن أجد ما اتكتب فى كتاب عملاق

ولا تنسى أن تهدينى نسخة عليها توقيعك

أنتظرها والله

لك كل الحب



عقبة عوافى وصباحاتك بيض..
اولن بالتبادى معليش على الجكة وقطع النفس من اول مشوار لآخر مشوار..بس يااخوى شنو الجلدنة عليك ماكان تكسب امين وتتافقو يجيك يمشورك من اولا لاخرا..هههه
تعرف كبسولتك جد عاملة زى موجز الاخبار حوت على كل مواضيع الركشة..الفات مات يااخوى والمشاوير الجاية دايرك قريب زى اختنا أسماء واخونا النويرى الناس دى بتنكد حاجات كدا من الركشة لمان بستغرب..
حضورك فيهو شى يحيّر بتغير إتجاه الزول من سماحتو "دا غزل عديل كدا"..

أشرف صلاح السعيد
31-10-2009, 08:36 PM
الف مبرك عزيزنا اشرف وعزيزتنا الركشة واخونا امين ..

كدا تقدر تبيع الركشة بمزاج والبسعر اليعجبك


أبو الدر سلام اكوام..
مبروك ليى بيك وبيهم..ومبروك للركشة المواصلة بتشجيعكم ..بس يااخوى بيع ما معانا ..غايتو الركشة دى إلا ود الاحد يوقفا واكان وقفا الوصية فى الذمة تواصلا..

أشرف صلاح السعيد
31-10-2009, 08:40 PM
شايف الركشة يا أشرف عملوا ليها تأبين إيزان بنهايتها يعني خلوك تتقاعد قبل سن التعاقد ولا عندك رأي الكلام دا معناهو الإعتزال قبل ما تسوء الحال إنشاء الله تكون فهمتني

حبيبنا استاذ النويرى تحياتى..
الشباب ما قاصدين وان كانت كلماتم دالة على ذلك..وابو الدر قافل على الهمر الجائزة عشان نبيعو ونشترى كمية ركشات..يعنى البيع تكتيكى عشان نجيب ركشات كرت كرتونة واللف يكون بمزاااج..
يااخى ما عارف اقول ليك شنو!! والله يالنويرى مرات بكتب الركشة عشانك ولا عشان أسماء أو ابو حمزة..يااخى انتو اكبر مكسب والله يقدرنى على رد جمايلكم ايها الرائعون..

الملكة اسماء ( ام محمد )
31-10-2009, 09:27 PM
!! والله يالنويرى مرات بكتب الركشة عشانك ولا عشان أسماء أو ابو حمزة..يااخى انتو اكبر مكسب والله يقدرنى على رد جمايلكم ايها الرائعون..



تواضع يجبرني عادة على .....الصمت

أشرف صلاح السعيد
31-10-2009, 11:22 PM
تواضع يجبرني عادة على .....الصمت
اختنا الرائعة أسماء سلام..
والله لا توادع ولا يحزنون ولا حتى مجاملة وتأكيد واقع جميل بيكم جميعا..
والجميل فى الموضوع الاستوديو التحليلى زى الناس متفقة لما يغيب واحد منو التانى يسد..
والله أنا بأكد فى حقيقة وعارفانى بدخل توش..ههههههه
لك التحية وكوم تقديرات..

العاقب مصباح
01-11-2009, 02:35 AM
مبروك التثبيت للبوست

وصراحة يستاهل

يا اشرف عايز اكون فى الاستوديو التحليلى مع عمتو اسماء دى



وناس النويرى ديل بعاين ليهم ساى

لكن عمتو اسماء لو قالت شمال بقول ليها يمين

ولو قالت يمين بقول ليها شمال

شغل مكاجرة

لكن والله بصراحة يا اشرف عمتو أسماء مافى شخص بيقرأ زيها فى المنتدى دا

بتلاحظ لى حاجات ما كل شخص بيعرفها

متميزة جدا والله

اها اقسم ليها من وسام شهرك دا ساعة ساعتين خليها تقشر بيهن على صاحباتها

مبارك عمر عباس
01-11-2009, 09:40 AM
الف مبرك حبيبنا اشرف وعزيزتنا الركشة
وفي انتظار الابداع المتواصل
((رسل الركشة دي عشان نعمل ليها الصيانة الشهرية))

أشرف صلاح السعيد
01-11-2009, 06:33 PM
مبروك التثبيت للبوست

وصراحة يستاهل

يا اشرف عايز اكون فى الاستوديو التحليلى مع عمتو اسماء دى



وناس النويرى ديل بعاين ليهم ساى

لكن عمتو اسماء لو قالت شمال بقول ليها يمين

ولو قالت يمين بقول ليها شمال

شغل مكاجرة

لكن والله بصراحة يا اشرف عمتو أسماء مافى شخص بيقرأ زيها فى المنتدى دا

بتلاحظ لى حاجات ما كل شخص بيعرفها

متميزة جدا والله

اها اقسم ليها من وسام شهرك دا ساعة ساعتين خليها تقشر بيهن على صاحباتها


صباحو بيض عقبة..
هااى يازول روق شوية ..أسماء بتقول ليى عمو وانت بتقول ليها عمتو شكيت محنك ما بقيتنى جدك..
مكاجرة الفكرة من اجل المكاجرة الله يسترنا منها ولكن مكاجرة الفكرة لانجاب فكرة احلى دا ما عز التلب ..عارفك دا القاصدو وبتمازح..وعلى فكرة اسماء غايتو لو بتكاجرة من اجل المكاجرة انا برررا يااخى دى لو كاجرتنى فى الركشة انا برا..
اكيد وجودك بالاستوديو التحليلى حيزيد جمالو وفائدتو ..

أشرف صلاح السعيد
01-11-2009, 06:35 PM
الف مبرك حبيبنا اشرف وعزيزتنا الركشة
وفي انتظار الابداع المتواصل
((رسل الركشة دي عشان نعمل ليها الصيانة الشهرية))

حبيبنا بركة البركة سلام..
مبارك ليى انا بيك يا بركة وبناس المنتدى الحلويين..
هو امين لسة ما وصلك؟ بس يوصل اهلنا ناس الجزيرة ديل وبيعدى عليك وما بتقصر يا ابو عزيزة..

ام حنين
04-11-2009, 08:01 AM
مبروك الركشه وتستاهل الاغنيه شكلها جابت حق مشواره ولا شنو.......لك التحيه:rolleyes:

أبو حمزة
04-11-2009, 08:13 AM
الراقي جد .. جد .. أشرف صلاح السعيد.. السعيد.. الفائز بالمركز الأول .. عقبال بعشوم..!!

طبعاً متابع في سري.. ولا أخفي عليك .. زعلان لأني شائف بعشوم أحقَّ بهذا التتويج..
بس نعمل شنو.. ناس غبيانة.. !!
يا أخوانا الدعايات مفروض تكون لـ الصين ولـ بعشوم.. بس بعشوم ده مالو..!!؟؟ عيبوه لي..؟؟!!

آسف أخي أشرف .. يبدو أنني لن استطيع أن أكمل تهنئتي اليوم.. شكلها بايتة معاي..!!
والله شائف روحي ذي السكران.. على الرغم من أنني لم أشمه حتى..!!
مالكم بتعاينوا لي..!! شكلي بكضب ولا شنو..!؟؟!! أهَ .. والله ما سكرتُ..!!

بصراحة : كل ما أقول أكتب تهنئتي وتكون الأخيرة .. ألقى واحد جاء طائر يهنيئ..
إنت هم مالم بقوا يهنوا كتير كدا..!! هو في شنو..؟؟!!
والله أقول ليك حاجة.. أنت ما تكتب حاجة عن السكرانين.. يعني ممكن تجيب كلام كتير .. وبعدين ببقى كلام سكر ساي... والسكران في ذمة الواعي.. وما عندك مشكلة.. الأيام دِه المطاوعة قلُّووو...!!

على كلٍ أقبلني كده..!! فرحي بيك.. مخليني أكتب براحتي.. وأقول ليك حاجة.. الفات ذاتو ما براجعو..!!
وبين قوسين نحنا بالجد مشتاقين.. وعبرك أنا بفتقد ناس كثيرين.. سلم لي عليهم أولهم الرائع tegani18..

سواااح
04-11-2009, 07:59 PM
الجميل .. اشرف
الجمال ليس فقط جمال الخلق
الجمال .. جمال الروح
الجمال .. ريحانة القلب
الجمال .. هو خوفي عليك
الجمال .. خوفك .. علي
الجمال .. ان اجدك اين ما ذهبت
الجمال .. ان لا تقتلنا احلامنا
الجمال .. ان نبقي .. ليبقي
الجمال .. ان نكون قدوة لغد افضل
الجمال ..
الجمال ..
الجمال ..

النويري
04-11-2009, 08:11 PM
حبيبنا استاذ النويرى تحياتى..
الشباب ما قاصدين وان كانت كلماتم دالة على ذلك..وابو الدر قافل على الهمر الجائزة عشان نبيعو ونشترى كمية ركشات..يعنى البيع تكتيكى عشان نجيب ركشات كرت كرتونة واللف يكون بمزاااج..
يااخى ما عارف اقول ليك شنو!! والله يالنويرى مرات بكتب الركشة عشانك ولا عشان أسماء أو ابو حمزة..يااخى انتو اكبر مكسب والله يقدرنى على رد جمايلكم ايها الرائعون..


الأوتوغراف عالي من شخص إستثنائي

يا خي أخجلت تواضعنا زاتو أشرف نحن عشنا معاك بي إحساس يمكن يختلف عن باقي المتابعين أنت عارف أنا متابع الركشة دي كأنها حقتي ومستني التوريده أخر اليوم عشان كده بكون اليوم كله مشغول ياربي أمين دا مش بيها وين ودخلت كم وأتعطلت ولا شغالة ولذلك كان همنا أنو الركشة تعدي لي بر الأمان والحمد لله إنها عدت وأدت ما عليها وزيادة وبرضو الشكر لجميع من تابع وشارك في هذا العرس الفني

نحييك بكل ما نملك من أحاسيس رائعة تجاهك

النويري
04-11-2009, 08:23 PM
مبروك التثبيت للبوست

وصراحة يستاهل

يا اشرف عايز اكون فى الاستوديو التحليلى مع عمتو اسماء دى



وناس النويرى ديل بعاين ليهم ساى

لكن عمتو اسماء لو قالت شمال بقول ليها يمين

ولو قالت يمين بقول ليها شمال

شغل مكاجرة

لكن والله بصراحة يا اشرف عمتو أسماء مافى شخص بيقرأ زيها فى المنتدى دا

بتلاحظ لى حاجات ما كل شخص بيعرفها

متميزة جدا والله

اها اقسم ليها من وسام شهرك دا ساعة ساعتين خليها تقشر بيهن على صاحباتها

اخونا العاقب لك مني تحية الصبح الجميل مع فنجان من القهوة التركي إذا كنت من محبي البن الحبشي

نحن في حقيقة الأمر نحتاج إلى أستديو تحليلي لهذا الطرح الذي تقدم به الأخ أشرف ويشرفنا أن تكون معنا نظراً لما تتمتع به من رقة في الإحساس ورؤية فنية ممتازة بننتظرك ، وليه يعني بتعاين لينا ساي كدى

كن دائماً بألف خير ولك مني خالص التحايا

أشرف صلاح السعيد
04-11-2009, 08:28 PM
مبروك الركشه وتستاهل الاغنيه شكلها جابت حق مشواره ولا شنو.......لك التحيه:rolleyes:

سلام ومراحب اختى ام حنين..
يااخى اسم بتك دا كاسر فينى ضلع عديل الله يحفظا ويجعلا من الصالحات وكل الذرية..
انتى قايلا الفوز الركشة مواضيعا؟..يازولا ناس مدنى وما حولها ديل ناس ربة وكدا واخوك رباااب ورقدتا ليهم بيها وشفتى النتيجة كيف..

وركشة ركشة ركشا .. اوو ركشا
انحنا ما بتاعين بس ربات.. اوو ركشا
لكن بنحب الجد والهظارات..اوو ركشا
وناس مدنى والجزيرة لؤلؤات .. اوو ركشا
وركشة ركشة ركشا .. اوو ركشا..
والتحية ليك والتحيات .. اوو ركشا..

النويري
04-11-2009, 08:29 PM
الأخ أشرف طالبت جموع المواطنين بولاية الجزيرة بأن يكون أخر مشوار للركشة هو اليوم وسوف يتم التعامل مع هذه الركشة على أنها من القطع الأسرية وعليه نرجو أن تقوم بالتبرع بها لصالح متحف الولاية لتنضم إلى مجموعة من الأثار الموجودة بالمجمع الثقافي والإجتماعي بمدينة ودمدني ويتم تصنيفها كأحد الأثار القيمة بالولاية

مع الإحتفاظ بحقوق الملكية لصاحب الركشة

أشرف صلاح السعيد
04-11-2009, 08:37 PM
الراقي جد .. جد .. أشرف صلاح السعيد.. السعيد.. الفائز بالمركز الأول .. عقبال بعشوم..!!

طبعاً متابع في سري.. ولا أخفي عليك .. زعلان لأني شائف بعشوم أحقَّ بهذا التتويج..
بس نعمل شنو.. ناس غبيانة.. !!
يا أخوانا الدعايات مفروض تكون لـ الصين ولـ بعشوم.. بس بعشوم ده مالو..!!؟؟ عيبوه لي..؟؟!!

آسف أخي أشرف .. يبدو أنني لن استطيع أن أكمل تهنئتي اليوم.. شكلها بايتة معاي..!!
والله شائف روحي ذي السكران.. على الرغم من أنني لم أشمه حتى..!!
مالكم بتعاينوا لي..!! شكلي بكضب ولا شنو..!؟؟!! أهَ .. والله ما سكرتُ..!!

بصراحة : كل ما أقول أكتب تهنئتي وتكون الأخيرة .. ألقى واحد جاء طائر يهنيئ..
إنت هم مالم بقوا يهنوا كتير كدا..!! هو في شنو..؟؟!!
والله أقول ليك حاجة.. أنت ما تكتب حاجة عن السكرانين.. يعني ممكن تجيب كلام كتير .. وبعدين ببقى كلام سكر ساي... والسكران في ذمة الواعي.. وما عندك مشكلة.. الأيام دِه المطاوعة قلُّووو...!!

على كلٍ أقبلني كده..!! فرحي بيك.. مخليني أكتب براحتي.. وأقول ليك حاجة.. الفات ذاتو ما براجعو..!!
وبين قوسين نحنا بالجد مشتاقين.. وعبرك أنا بفتقد ناس كثيرين.. سلم لي عليهم أولهم الرائع tegani18..


ابو حمزة هق سلام..
ياااخى مالك بتسكر وبتسكرنا من كلااامك السمح لكن ملخبط دا ياااخ؟؟..
غايتو اصلو الدبلوماسية دى ما بتعرفا..جاى جوة صيوان الركشة وتندد بيها وتورى تكسرك ببعشوم..اسكت اهل العروس ما يسمعونا يطردونا الاتنين..
يااخى الفرح بجى معاك طاشم واعى وعفوى يا طاعم..
والله الشوق كيمان كيمان وبنتلاقى بالجمعة إن شاء الله..

أشرف صلاح السعيد
04-11-2009, 08:44 PM
الجميل .. اشرف
الجمال ليس فقط جمال الخلق
الجمال .. جمال الروح
الجمال .. ريحانة القلب
الجمال .. هو خوفي عليك
الجمال .. خوفك .. علي
الجمال .. ان اجدك اين ما ذهبت
الجمال .. ان لا تقتلنا احلامنا
الجمال .. ان نبقي .. ليبقي
الجمال .. ان نكون قدوة لغد افضل
الجمال ..
الجمال ..
الجمال ..


الحبيب اخى سواااح سلام..
برضو انا الجميل !! الجمال يمشى منك وين؟؟..
ليتنى استطيع مقابلة كل الاخوة والاخوات بالمنتديات لأعمق الفكرة وشخصية ماوراء الحروف بشخصية الجثامين الناضحة ألق وجمال كما كان لى بك..

أشرف صلاح السعيد
04-11-2009, 08:49 PM
الأوتوغراف عالي من شخص إستثنائي

يا خي أخجلت تواضعنا زاتو أشرف نحن عشنا معاك بي إحساس يمكن يختلف عن باقي المتابعين أنت عارف أنا متابع الركشة دي كأنها حقتي ومستني التوريده أخر اليوم عشان كده بكون اليوم كله مشغول ياربي أمين دا مش بيها وين ودخلت كم وأتعطلت ولا شغالة ولذلك كان همنا أنو الركشة تعدي لي بر الأمان والحمد لله إنها عدت وأدت ما عليها وزيادة وبرضو الشكر لجميع من تابع وشارك في هذا العرس الفني

نحييك بكل ما نملك من أحاسيس رائعة تجاهك

الحبيب اخى النويرى تحياتى..


يااخى الجملة الفووق ديك ما عذبتنى عذاب ..هى ملت ونفخت راسى بس ما دا الموضوع..بتنكت الكلام الدايرلو دكشنريات ومعاجم دا من وين يااخ؟.
غايتو الفهمتو منو انو كلام سمح خلاص وبيملى الراس..
الركشة والله انت من ملاكها وليس من المتابعين بالاحساس الجميل فقط..
ولن اعقب على ردك لعقبة لانو ردك يكفى ورد عقبة للآخر يكفى ورد اسماء يكفى ورد كل من يدخل الركشة للآخر يكشفى فكلنا هنا شركاء وانت أحد كبار الشركاء "اسهمك كتييرة""..

أشرف صلاح السعيد
04-11-2009, 08:54 PM
الأخ أشرف طالبت جموع المواطنين بولاية الجزيرة بأن يكون أخر مشوار للركشة هو اليوم وسوف يتم التعامل مع هذه الركشة على أنها من القطع الأسرية وعليه نرجو أن تقوم بالتبرع بها لصالح متحف الولاية لتنضم إلى مجموعة من الأثار الموجودة بالمجمع الثقافي والإجتماعي بمدينة ودمدني ويتم تصنيفها كأحد الأثار القيمة بالولاية

مع الإحتفاظ بحقوق الملكية لصاحب الركشة


النويرى اخوى فى زول بيشاور فى حقو؟؟..اعمل الدايرو وانا وراك تب..
بس حقوق الملكية لأصحاب الركشة جميعا وهم كثر..ولو سمحو لى التحدث بالنيابة عنهم لقلت فلتهدى إن كانت بها الفائدة بداخل المتحف اكثر من الطرقات الى المتحف وكلنا راضون الا تحفظ لنا أى حقوق..

nadakarar
05-11-2009, 03:10 AM
تقوم بينا دى الركشة وتودينا لي اشرف صلاح
دى ركشتك الحمرة تقوم بينا دى الركشة
وجات خاشة في الرملة تقوم بينا دى الركشة
جات خاشة في الرملة وقلبتنا في الواطة
دى الركشة دى الركشة
الركشة الخفيفة تقوم بينا دى الركشة
خفيفة زى الريشة تقوم بينا دى الركشة
تقوم بينا دى الركشة تودينا ناس اشرف

دى ركشتك اللبنية تقوم بينا دى الركشة
وجات لافة صينية تقوم بينا دى الركشة
جات لافة صينية جهجهت سيد العربية
تقوم بينا دى الركشة
تقوم بينا طوالي لكن مافي العلالي
تقوم بينا دى الركشة

والله كلو زمن بي زمنو

لك تحياتى وتقديرى استاذ اشرف صلاح

أشرف صلاح السعيد
05-11-2009, 11:10 PM
تقوم بينا دى الركشة وتودينا لي اشرف صلاح
دى ركشتك الحمرة تقوم بينا دى الركشة
وجات خاشة في الرملة تقوم بينا دى الركشة
جات خاشة في الرملة وقلبتنا في الواطة
دى الركشة دى الركشة
الركشة الخفيفة تقوم بينا دى الركشة
خفيفة زى الريشة تقوم بينا دى الركشة
تقوم بينا دى الركشة تودينا ناس اشرف

دى ركشتك اللبنية تقوم بينا دى الركشة
وجات لافة صينية تقوم بينا دى الركشة
جات لافة صينية جهجهت سيد العربية
تقوم بينا دى الركشة
تقوم بينا طوالي لكن مافي العلالي
تقوم بينا دى الركشة

والله كلو زمن بي زمنو

لك تحياتى وتقديرى استاذ اشرف صلاح


تحياتى اختى ندى كرار ومليون مراحب..
تعرفى اجزناك من اول مشاركة فى الطاقم الفنى المعد للاغانى بالركشة..

ودى الركشة يا ناس ..ودى الركشة وناسا ظراف يا ناس..
فيها البورى يا ناس..فيها البورى وناسا ضرورى يا ناس..

amino
05-11-2009, 11:19 PM
اخونا اشرف سلامات وبعد كدة كدى اقيف هنا
معاك ناس المرووور انتى ركشتك مرخصة؟؟

أشرف صلاح السعيد
06-11-2009, 09:04 AM
اخونا اشرف سلامات وبعد كدة كدى اقيف هنا
معاك ناس المرووور انتى ركشتك مرخصة؟؟


اخوى امينو سلام..
أها الهوا جانا ..
يازول كدى اول شى قولنا انت شايت وين؟معانا ولا مع الهرانا؟
خايف ارد ويجينى الهوا كراضم كراضم..لكن للاحتياطى خالى ضابط..

أشرف صلاح السعيد
07-11-2009, 11:10 PM
الحلقة ..25

(مشروع ال جز ير ة )..


فاصل اعلانى..

دا الجننى الادارة دى..
دا العذبنى الادارة دى..
دا العذبنى وحارق من زمان دمى الادارة دى..

دا الفلسنى المالية دى..
دا العذبنى المالية دى..
دا العذبنى وخلانى اموت فى همى المالية دى..


امين : شايفكم بتتكلمو عن الزراعة والموية ومشروع الجزيرة..صحى الكلام البنسمعو دا صاح؟..انو المشروع حيتباع؟..

أحمد : والله الموظفين باعو ولا اتباعو ما عارفين..لكن انحنا حرم البيع دا ما بتم الا يدفنون اول وبعدين اليبيعو..

عمر : يا زول ما تحرم ساااكت ..بكرة بجوك الجماعة بالكنجالات وراسك يدوش..

الطاهر : الله يكنجل راسك وفهمك الغليد دا..قروش شنو البتخلينا نبيع؟..ولنفرض اننا بعنا حنودى عيالنا وين؟..نتخاتت قريشاتنا ديل ونعمل خشم قربة جديدة؟؟..

عمر : بكرة بنشوف..انتو يااخوانا ما شايفين حالة المزارعين بقت كيف؟..فى خطة متينة بس العمى شايلكم والهاشمية مودياكم فى طريقن بعيد منو..

امين : شنو الخطة يااخونا؟..

عمر : خطة الحصار والتجويع..الترع تنشف والارض تبور وتخرب والضرع ييبس والبطون تكركر والشفع تلاويهم مصارينم لمان نصل نكفر بالزراعة..وبعدا يجيك التمساح ناقز ويفهمنا انو هو المنقذ وهو الإنقاذ زاتو..

أحمد : والله كلامك اول مرة يكون مرتب ومفهوم..بس دا بعيد عن شنباتم..

الطاهر : والله مش يجوعونا لو عملو شنو داك ارضنا ما بنطلع منها..اكان نشتغل رواعية ولا عتالة عشان نمشى امورنا ارضنا ما بنهاجر منها..احنا بلدنا دى الناس بيلجأولا لجاية وبتقول للناس حبابكم..نجى آخر الزمن انحنا ناس الجزيرة نبقى لاجئين ونتشتت فى ارض الله!!

امين : أها وشنو العمل؟..وبعدين الحكومة مش بدت تدى الموظفين حقوقم؟؟انا سمعتا قالو فى 105 مليار جنيه بتتوزع مستحقات..

أحمد : دى مستحقات للأفندية وناس الورش والإدارة..لكن المزارعين ما ببيعو؟..

امين : طيب ما الافندية وادارة المشروع بعد ما يمشو المزارعين تانى كيف بيزرعو؟..التفاتيش بعد ما تبقى خلا تانى الناس بتزرع كيف؟؟البذور والتقاوى من وين الناس تجيبو؟..

عمر : انتا يازول فكرك الناس دى كانت بتزرع عشان الادارة كانت فى؟..عليك امان الله الادارة دى البنزين والجاز ما عندها..يااخى دى شركة توتال الطلعا من البلد شنو غير الادارة؟..الادارة تشيل وتسحب منها البنزين والجاز على النوتة ولما الحساب تقل الادارة ما عرفت تطلع حق توتال من وزارة المالية واساسا ما كانت فى انتاجية بتغطى حق البنزين..

الطاهر : والله ما فى شى أزانا غير الادارة الكل يوم والتانى ناطة لينا بسياسة جديدة..حليل زمنك ياالنميرى..

أحمد : والله بزمنو برضو اكانت فى لكلكة بس ما قدر الشفناهو جديد دا..

يتبع إن شاء الله..

أفراح
07-11-2009, 11:59 PM
أشرف ... إزيك أخوي
أولاً مبروك النجومية انت والركشه والله تستاهلوا ,,, ولي قدام

والله بقيت وانا متحركة في مدني كل ماأشوف ركشه اتخيل إنو دا أمين
خليتنا نعيش معاهو حياتو وهموموا اللي هي هموم السواد الاعظم من شبابنا

المواضيع جميلة وهابشانا كلنا ... بس الاجمل احساسك العالي وأسلوبك الراقي ...

تسلم اخوي .... وتشرفت بوجودي هنا ...

أشرف صلاح السعيد
08-11-2009, 12:10 AM
أشرف ... إزيك أخوي
أولاً مبروك النجومية انت والركشه والله تستاهلوا ,,, ولي قدام

والله بقيت وانا متحركة في مدني كل ماأشوف ركشه اتخيل إنو دا أمين
خليتنا نعيش معاهو حياتو وهموموا اللي هي هموم السواد الاعظم من شبابنا

المواضيع جميلة وهابشانا كلنا ... بس الاجمل احساسك العالي وأسلوبك الراقي ...

تسلم اخوي .... وتشرفت بوجودي هنا ...

سلام اختى افراح ..
افرح الله كل لحاظك بما يرضاه..
مراحب بيك بالمنتديات وشرفتى الركشة..
تسلمى على الكلام الطالع من جوه وببساطة اتمنى ان ننتهجها جميعا..
جد شرفنى ما كتبتى جدا وشرفتى الركشة..
وأحيى احساسك الرقيق وإلتفاتاتك لامين الرمز لمعناة مليون ومليون امين..

النويري
10-11-2009, 12:00 AM
الحلقة ..25

(مشروع ال جز ير ة )..

[امين : شايفكم بتتكلمو عن الزراعة والموية ومشروع الجزيرة..صحى الكلام البنسمعو دا صاح؟..انو المشروع حيتباع؟..

الباقي نحنا وتقريباً باعونا

أحمد : والله الموظفين باعو ولا اتباعو ما عارفين..لكن انحنا حرم البيع دا ما بتم الا يدفنون اول وبعدين اليبيعو..

الناس لحقو ناس 114 يا أشرف أخوي وقريباً حتشوف نفس السيناريو



الطاهر : الله يكنجل راسك وفهمك الغليد دا..قروش شنو البتخلينا نبيع؟..ولنفرض اننا بعنا حنودى عيالنا وين؟..نتخاتت قريشاتنا ديل ونعمل خشم قربة جديدة؟؟..

عشرين أسرة بلا رأس خيط
مليون أسرة بلا رأس خيط


خفف وزنك يبن الغالية من التمسحبو كبابي الصيني من توب مضغوط

وين الطلبة والمشروع وين عمال السكة رماد

بعتو شفيعكم يا عمال وبعتوا وجيعكم للراسمال

عمر : بكرة بنشوف..انتو يااخوانا ما شايفين حالة المزارعين بقت كيف؟..فى خطة متينة بس العمى شايلكم والهاشمية مودياكم فى طريقن بعيد منو..

امين : شنو الخطة يااخونا؟..

عمر : خطة الحصار والتجويع..الترع تنشف والارض تبور وتخرب والضرع ييبس والبطون تكركر والشفع تلاويهم مصارينم لمان نصل نكفر بالزراعة..وبعدا يجيك التمساح ناقز ويفهمنا انو هو المنقذ وهو الإنقاذ زاتو..
وهم لسة ما كفروا بالزراعة

أحمد : والله كلامك اول مرة يكون مرتب ومفهوم..بس دا بعيد عن شنباتم..
بس بعد ما خربت مالطا
الطاهر : والله مش يجوعونا لو عملو شنو داك ارضنا ما بنطلع منها..اكان نشتغل رواعية ولا عتالة عشان نمشى امورنا ارضنا ما بنهاجر منها..احنا بلدنا دى الناس بيلجأولا لجاية وبتقول للناس حبابكم..نجى آخر الزمن انحنا ناس الجزيرة نبقى لاجئين ونتشتت فى ارض الله!!

امين : أها وشنو العمل؟..وبعدين الحكومة مش بدت تدى الموظفين حقوقم؟؟انا سمعتا قالو فى 105 مليار جنيه بتتوزع مستحقات..

أحمد : دى مستحقات للأفندية وناس الورش والإدارة..لكن المزارعين ما ببيعو؟.

حتى ديل برضو مابلقوا حاجة.

امين : طيب ما الافندية وادارة المشروع بعد ما يمشو المزارعين تانى كيف بيزرعو؟..التفاتيش بعد ما تبقى خلا تانى الناس بتزرع كيف؟؟البذور والتقاوى من وين الناس تجيبو؟..

أصلاً التقاوي وقفت من ذمان ودي أحد أسباب نهاية هذا الصرحعمر : انتا يازول فكرك الناس دى كانت بتزرع عشان الادارة كانت فى؟..عليك امان الله الادارة دى البنزين والجاز ما عندها..يااخى دى شركة توتال الطلعا من البلد شنو غير الادارة؟..الادارة تشيل وتسحب منها البنزين والجاز على النوتة ولما الحساب تقل الادارة ما عرفت تطلع حق توتال من وزارة المالية واساسا ما كانت فى انتاجية بتغطى حق البنزين..

الطاهر : والله ما فى شى أزانا غير الادارة الكل يوم والتانى ناطة لينا بسياسة جديدة..حليل زمنك ياالنميرى..

أحمد : والله بزمنو برضو اكانت فى لكلكة بس ما قدر الشفناهو جديد دا..

يتبع إن شاء الله..


يا أشرف أخوي القضية بقت كبيرة شديد وسماسرة البلد أتلموا على المشروع وأكد ليك أنو تقريباً أتباع وأخدو التمن

أشرف صلاح السعيد
10-11-2009, 12:28 AM
يا أشرف أخوي القضية بقت كبيرة شديد وسماسرة البلد أتلموا على المشروع وأكد ليك أنو تقريباً أتباع وأخدو التمن

سلام اخوى النويرى..
حتى لو اتباع بنرجعو..بالحكمة بنرجعو..بالقول بنرجعو..بالتحنيس بنرجعو..
وحتى لو بالدم بنرجعو..

طه بورتبيل
10-11-2009, 11:01 AM
مشكور والله موضوع الركشه ده موضوع مهم للغايه

أشرف صلاح السعيد
10-11-2009, 06:51 PM
مشكور والله موضوع الركشه ده موضوع مهم للغايه


اخى طه سلام..
مرحب بيك بالمنتديات اولا..
وتراحيب خاصة جدا بالركشة..
اتمنى ان تكون كل المواضيع هامة وهادفة بالعام..
شكرا لطلتك وزادنى الشرف حضورك..

telecom
12-11-2009, 02:10 AM
ايها المبدع الرائع دوما كم احلق فى سما ابداعك وانت تنثر الحروف لتعبر عن واقع نعيش فيه ولا نستطيع تغيره فلك التحايا بعمق الفكرة ونحن نستمتع معك 0
دمت لنا جميعا فخر لهذا المنتدى ايها الرائع ونحن ننتظرسردك الجميل المشوق

أشرف صلاح السعيد
12-11-2009, 02:56 AM
ايها المبدع الرائع دوما كم احلق فى سما ابداعك وانت تنثر الحروف لتعبر عن واقع نعيش فيه ولا نستطيع تغيره فلك التحايا بعمق الفكرة ونحن نستمتع معك 0
دمت لنا جميعا فخر لهذا المنتدى ايها الرائع ونحن ننتظرسردك الجميل المشوق


اختى الكريمة تيلى كوم إحتراماتى وتحياتى..
أهديتنى احساس مزيج مابين الخجل والسرور..
أشكرك على كلماتك الطيبات فى وصفى وليتنى أكونها..
مثلك من يشجعنى للإستمرار فى السرد فلكم يصنع التشجيع بمن يكتب..فهو دليل جميل بأن هناك من يهتم وأن ما نكتب يستحق..
الواقع وبعض قبحه الكائن بيننا يمكننا تغيره..بعض التغير يأتى بطيئا والبعض أكثر بطئا وهناك السريع وبكل الحلات علينا المحاولة وعدم اليأس..
شكرا لك..

أشرف صلاح السعيد
12-11-2009, 10:15 AM
الحلقة ..26

(مشروع الجز ير ة)..

امين : المشكلة الحقيقية وين؟..المشروع دا كان عصب اقتصاد السودان..شنو الحاصل؟..

احمد : الحاصل ياسيدى انو العساكر تخطيطم تخطيطات فورات..يكونو قعدين ليك كدا وفجأة يطلعو بفكرة قبل فكرتم الاولى ما نعرفلها طعم..ديل ناس امسك لى اقطع ليك..مرة يغيرو الدورة الزراعية..مرة يعدلو فى الشراكة ولما يحتاسو يقبلو يشوفو ليهم فورة فى حتى تانية..

الطاهر : دا غير استنذاف الحروب الفى البلد لخزينة الدولة..يعنى الحكومة بدل ما تشترى الاسبيرات وادوات الانتاج تقعد تشترى فى السلاح والعتاد..ياخى دى فى دراسة فى بداية التمنينات بتقول وقتا داك منصرف الدولة فى حرب الجنوب مليون دولار يومى..

عمر : دا غير مشاكل المزارعين نفسم..يااخى فيهم ناس بيبيعو كانو البذور والسماد فى السوق السودا..من عدم استقرار المواسم الزراعية يقولو نلعب فى المضمون احسن..وبينى وبينك الزكاة من جهة والضرايب من جهة غير القبانات وحق الترحيل للسوق الكتير من المرات بيكون اكتر من حق الشى الشايلنو..الواحد ينزل السوق بمحصول يلقى السوق مغرق بيو..لا حكومة تحمى المزارع ولا المزارع بقى مزارع..عليك امان الله فى مزارعية بقو مبارين سهرات التلفزيونات والواحد يمشى حواشتو الضحى..

فاصل اعلانى..
إنتخب يا مواطن وما تنتحب..
النتيجة فى علم غيب وتصويتك ما بزيد تعب..
سوى العليك وخليهم إن زورو اليشيلو الذنب الكعب..
لا تخاف شريكين المرة دى ويمكن يجعل بالاتنين ربك للنزاهة سبب..

امين : يااخوانا ما يمكن يكون الحل عمل ادارة وطنية واجنبية زى ما فى كنانة..

عمر : هو زاتو دا المحيرنا..كنانة بت امبارح دى ماشة زى الساعة ما شاء الله ومشروع الجزيرة عليك امان الله زى الطوطحانية مرة فوق ومرة تحت..هى الحكومة اكان بتهتم بالمشروع زى كنانة ولا اكان صرفت فيو زى ما بتصرف فى عمل المشاريع الجديدة الزى مروى ولا سكر النيل الابيض ما كان الحال انعدل..

الطاهر : والله لسة فيك عقل ياالجنا..تعرف الحكومة دى تمشى لوين الضيق وتعمل فيو مشروع وتصرف فى القريشات زى الراجل المزواج يهمل القديمة ويشوف وين الجديدات وشن الجديدات لا معروف ليهن صلب لا معروف يلدن ولا ما يلدن..

امين : بس يااخوانا كمان المشاريع ما لازم تتوزع بكل السودان..

احمد : ما قلنا شى..لكن هسع دى الراجل بكوس للعرس ومرتو الاولى بصحة شوية؟..ما اول شى بيعالجا لمان تطيب وبعدين يعمل الدايرو ما دى الاصول؟..ماشين يشقو فى الترع الجديدة والمشروع ترعو قربت تبقى ردميات..ياتو الاسهل تعمل مشروع جديد ولا تعيد تأهيل المشروع القديم؟..يااخى أهِل القديم وظبطو ..وأهو هو جننا بتعرفو..وعوايدو حتى بتكون اسرع وبيها اعمل الجديد..ولا ما كدا..

امين : والله كلامكم يحيّر..طيب يااخوانا ومن غير زعل انتو وقت فاهمين القصة وين كنتو لما المشروع دا وصل للوصلو..

عمر : يااخوى خلك من المشروع السودان دا هسع فى افهم من ناسو؟..فى اكتر من مواردو؟..فى اكتر تيقن قلوبو؟..بس وينو وجيعو؟؟..الناس يااخوى فى بلدنا دى فى البر عوامة جد ..بس تدخل اتحاد المزارعين العفين دا ببقو سكان البرج العالى..يااخى انت سمعت ليك فى الكون دا رئيس اتحاد عمال دولة بروفسير ولا دكتور؟؟..بلدنا دى البيملى الكراسى فيها يااحوص يا مسطول..

يتبع إن شاء الله..

amino
12-11-2009, 10:44 PM
اخوى امينو سلام..


أها الهوا جانا ..
يازول كدى اول شى قولنا انت شايت وين؟معانا ولا مع الهرانا؟

خايف ارد ويجينى الهوا كراضم كراضم..لكن للاحتياطى خالى ضابط..




تقوم بينا رب تقع كب
ديك ياها ركشة ود صلاح
السمح زولة وراقى لونة
تلف بينا يمين وتلف بينا شمال وانا قاعد وراء فى ركشة ودصلاح,,,
ودصلاح صباحاتا بيض الركشة وصلت وين؟؟؟الانتخابات قربت واول بند فى الحكومة الجديدة مافى اى ركشات فى السودان...

أشرف صلاح السعيد
13-11-2009, 01:16 AM
تقوم بينا رب تقع كب
ديك ياها ركشة ود صلاح
السمح زولة وراقى لونة
تلف بينا يمين وتلف بينا شمال وانا قاعد وراء فى ركشة ودصلاح,,,
ودصلاح صباحاتا بيض الركشة وصلت وين؟؟؟الانتخابات قربت واول بند فى الحكومة الجديدة مافى اى ركشات فى السودان...



حبيبنا امينو سلام..
يااخوى شغل لينا مقصات مالك يااخ..مرة تهرشنا بالرخص ومرة تجيب لينا خبر الركشات حيوقفوها "يعنى ناكل نيم"؟؟..
فعلا الانتخابات على الابواب وإن شاء الله الناس تسيب سلبيتا وتمارس حقها فى التصويت وربنا يجيب البيصلح البلد..
خسمتك يااخوى لا تفول علينا خلنا الناكل عيش وقتين الخريجين لافين عاطلين..

amino
13-11-2009, 01:41 AM
حبيبنا امينو سلام..


يااخوى شغل لينا مقصات مالك يااخ..مرة تهرشنا بالرخص ومرة تجيب لينا خبر الركشات حيوقفوها "يعنى ناكل نيم"؟؟..
فعلا الانتخابات على الابواب وإن شاء الله الناس تسيب سلبيتا وتمارس حقها فى التصويت وربنا يجيب البيصلح البلد..

خسمتك يااخوى لا تفول علينا خلنا الناكل عيش وقتين الخريجين لافين عاطلين..



ركشة والله سمحة وعاجبانى اعمل شنو؟؟؟ممكن تدينى اجوك فيهااااا انا خريج...

نخيل طيبة
13-11-2009, 02:19 AM
الاخ اشرف صلاح السعيد ..
دائما بقول ادخل في موضوع الركشة ده لكن كنت خايفة يكون الركشة زادوا تسعيرتها ورفعوا بترولها ورخصتها:eek: باقي الركشة حلت لينا كثير من المشاكل بالرغم من مشاكلها هي زاتها الا انها ساعدتنا كثير ...

أشرف صلاح السعيد
13-11-2009, 02:54 AM
ركشة والله سمحة وعاجبانى اعمل شنو؟؟؟ممكن تدينى اجوك فيهااااا انا خريج...


الركشة كوسيلة مواصلات لها مالها وعليها ما عليها..ونأمل بغد أن يحمل الناس بما يليق لهم ولكن الآن للضرورة أحكام وإحكام وحكام..
وغدا بمشيئة الله ستغرد العصافير طربا لا جوعا..
وسيندثر العاطلون ويعملون..
فدعنا نفكر معا ونعمل معا لتحقيق ذلك الحلم الوصول..
وإن شاء الله ما تحتاج للجواكة انتا وجميع الخريجين..

أشرف صلاح السعيد
13-11-2009, 02:58 AM
الاخ اشرف صلاح السعيد ..
دائما بقول ادخل في موضوع الركشة ده لكن كنت خايفة يكون الركشة زادوا تسعيرتها ورفعوا بترولها ورخصتها:eek: باقي الركشة حلت لينا كثير من المشاكل بالرغم من مشاكلها هي زاتها الا انها ساعدتنا كثير ...


اختى نخيل طيبة تحية طيبة وسلام..
ركشتنا هنا والحمد للمولى سبحانه وتعالى لا تسرق الجيوب ولا تسرق الوقت سدا ولكن أملا لايجاد الحلول بعد تسليط الضوء على العيوب..
ركشتنا جميعا هنا نأمل الا تخرج الادخنة والا تعرف القلبة ولا بالكلاب سكة وهجمة..
ابقى داخلا وخلى الحساب علينا..

أشرف صلاح السعيد
14-11-2009, 08:34 AM
فاصل اعلانى..

الخير ياناس مرق فى اولاد البلد وقرض الشرقرض وقرض الشر قرض..

لو بلبسة..لو بفكة..لو ببسمة.............. بتصنع بسمة..:p

:( ما نساعدوا يبقى :)

:confused: ما نفك ليو حيرتو عشان مايبقى كدا ;)

وركشة ركشة ركشا..اوو فرحا

أشرف صلاح السعيد
18-11-2009, 04:27 AM
الحلقة ..27

(مشروع الجز ير ة)..

امين : والله حكاية البلد دى البملا كراسيها يا احوص يا مجنون دى رغم انها مضحكة فى التشبيه لكنها مبكية شديد خلاص..الولاء السياسى والمحسوبية وحتى مسألة توزيع المناصب حسب المناطق شى غريب..بيحكى لى قريبى قبل كدا والدو كان طبيب ايام الحكم الاقليمى وبعدا ابو قريبنا دا انخرط بالعمل الادارى لما بقى مساعد محافظ للشئون الصحية..ولما جو يعملو الحكم الاقليمى جابو ليهو وزير دكتور حشرى!!..

احمد : ما هو كمان الوزير منصب سياسى وما ادارى يعنى واجهة..والوزير دا زول بيطبق سياسات دولة وبس..

امين : يااخى ما قلنا حاجة..لكن الوزير بالرغم من دا لازم يكون زول مدقش فى وزارتو وعارف مداخلا ومخارجا ولا ما كدا؟..

عمر : يااخى هو كويس الجابو وقتا داك دكتور حشرى..عليك امان الله هسى بيجيبو بقو كل من هب ودب والمهم يكون زولم..هسع دى وزرائم ديل غير ما ببدلوهم بين الكراسى شن بيعملو؟..التقول البلد دى غير الوزرا ديل ما جابت..والولاة يشيلو ليك من هنا ويبقوهو ليك سفير برا..

الطاهر:يااخى ديل حتى البجيبوهو فى نفس تخصصو يكون وليد امبارح بس المهم يكون معاهم ومن حتة حاسين انها مهمشة عشان يسكتو بيهو الناس..

امين : ما دا زاتو المرجع البلد ورا..اذا كانت الحكومة ممشيا امورا بالواسطة والمحسوبية والخوف من احتجاج الاقليات بالرغم من انو الاغلبيات كتير من المرات بيكونو مظلومين واهو ناس الجزيرة اكبر مثل..فى زول كان بيفكر انو يجى زمن وناس الجزيرة يكونو مهمشين !!!!!!!

احمد : الموضوع والله بقى جايط جووطة شديدة..وزير الزراعة يصرح بانو بيعة المشروع موقفة والقصة كلها حيتعاد التفكير فيها..وتانى يوم يدو العاملين بالمشروع 105 مليار ..البلد دى ماتعرف ليها حاكم ولا التقول فيها الف حاكم وكلو واحد شغال براو..

امين : طيب انتو هسى بتزرعو كيف لو خلاص العاملين قبضو تعويضاتم..

احمد : هو غير الموية احنا راجيين من ادارة المشروع شى ولا هم اساسا بقو يقدمو لينا شى..والموية دى مسؤولية ناس مياه الرى والله يستر بكرة يبيعوهم هم زاتم..

عمر : والله حتى ديل لو باعوهم ماظنيت المشروع بتجيو عوجة..هم غير الفلف بعربياتم واستقبال الولاة وناس الحكومة بقى عندهم شنو؟..وهم اكان شايفين شغلم هسع احنا جايين ومهملين عيالنا عشان الموية القاطعة دى..والله ديل ينشفو ريالة ود أب كراع السايلة من يوم ولدو..

الطايف : يازول قريبك البتسرقلنا منو البنزين نسيتو؟..هو ما شغال فى مياه الرى؟..

عمر : انا يازول قريبى البجيب لارضى الموية ..شن القرابة وتعطيش الارض بسببم؟..عليك الله بلا قريبى بلا حبيبى هو فضل فيها قرابة ؟..

امين : يااخوانا الواحد كان عايز يكمل معاكم الونسة بس وصلنا..

عمر : يا زول ادنا تلفونك وعقب ما يخلص اجتماعم دا بنتصل بيك تودينا الموقف العام حق الباصات..

امين : جدا واهو الواحد يعرف شنو الحصل للمشروع..تلفونى ".................."..

احمد : إن شاء احنا زاتنا نفهم الحاصل..

الطاهر : بنفهم والماعايز يفهم بنفهمو كيف ما كان..

يتبع إن شاء الله..

أشرف صلاح السعيد
24-11-2009, 03:31 AM
فاصل اعلانى..

عيدو مبارا ألينا أليكم كل سنة تيبون تيبون..

كل الاعوام والجميع بكل الخير وبيقين وسعادات ترضى الله..

مبارك عمر عباس
25-11-2009, 12:34 PM
عيد سعيد اخي العزيز اشرف صلاح
كل عام والجميع بخير

أشرف صلاح السعيد
26-11-2009, 10:33 AM
عيد سعيد اخي العزيز اشرف صلاح
كل عام والجميع بخير


كل عام وانت والاسرة وجميع من تحب بخير وصحة ويقين وسعادات يا بركة..

أشرف صلاح السعيد
01-12-2009, 01:43 AM
الحلقة..28

(مشروع الجز ير ة - الأخيرة)..

امين : انتو يا اخوانا هسع البنسمع عنو دا صاح؟..انو الحكومة بتجبر اصحاب الأراضى يبيعو؟..

احمد : شوف يا امين يااخوى اصحاب الاراضى نوعين..نوع قاعد فى ارضو وبيزرعا ونوع مؤجر ارضو ..وكمان فى زول ارضو حكر وزول ارضو ملك حر..اها الزول المؤجر دا أكان ارضو حكر ولا ملك حر ما بتفرق معاو كتير وأكيد واكيد بيدوهو مبلغ يغريو عشان يبيع..

عمر : حليلك يا احمد يا اخوى وينك عايش انتا؟!!..عليك أمان الله ناس الملك الحر بيلقطو فيهم ويهرشوهم عشان يبيعو..وما كدا وبس ديل قالولك لمو ليك فى جماعة منهم وحددو ليهم سعر الفدان كمان بأربعة ألف "الجديد" وفهموهم انهم حيبيعو حيبيعو ..تقول ليى يغروهم..وحتى ديل قسموهم اكوام..ناس شرق المشروع وجنوب المشروع وما بعرف شنو وكل مجموعة بيوروهم إنهم هم المميزين يعنى الخواجة لسة عايش فينا وفرق تسد على عينك يا تاجر..

امين : بس الملك الحر دا مافى اى جهة بتلزم سيدو بالبيع..ووالله انا لو منهم أعمل قضية وأرفعا حتى لو فى المحكمة الدستورية..

الطاهر : يااخوى محكمة شنو؟ الجانى والحاكم ما ياهو واحد..وبعدين الدستور البيغيرو كل مرة دا زاتو شن طعمو؟..والله لا بقينا عارفين دستورنا اسلامى ولا علمانى..القصة دى بتدور الناس تتوحد وتاخد موقف واحد وبقلب واحد..لأنو الجماعة عايزين يحلو اتحاد المزارعين ويعملو شركة تمثل المزارع زى الشركة البتمثل الإدارة..وطبعا السمان داخلين بهنا وبهناك..وحكاية الجبر على البيع دا عشان الغلااد والمانعيين يخشو فى ادارة الشركة البتمثل المزارعين ..يا زول القصة ظاهرة ووااضحة وربك يكضب الشينة..

امين : أها يا اخوانا والحل شنو؟..

عمر : الصبر والحكمة..وأكان ما نفعن ما ياهى الغابة..

امين : هى البلد ناقصة غابات وراجمات وأرامل ويتامى؟..

احمد : الحل فى الصف الواحد وعدم الجرى ورا المغريات والمكاسب الفردية البتضييع ملايين وبرضو بتعمل أرامل ويتامى..

امين : الله ليك يا بلد والله ليك يا شعب..

عمر : حرم أكان المزارعية حتى لو باعو كلهم بالإكراه ولا بالإغراء البجو بعدم ما يضوقو راحة تب..هى دعاوى المظاليم بتقع واطة؟؟..ومع الدعاوى أنحنا بنعرف كيف نخلى البجى غصب دا كيف يعرف الله حق وحرم تجويعو للبطون بعدين يفتشلو ما يلاقيو..الأرض الجابت ود حبوبة لسات عمار وبتولد مليون ود حبوبة ومليون مليون عيار فى صدر الإستعمار..

امين : يعنى حتعملو شنو؟..

الطاهر : البنعملو سيبو ليومو..وقالو اهلنا السواى مو حداس..

احمد : يااخوانا أنزلاكم إتأخرنا .. وربنا يكضب الشينة..



فاصل اعلانى..


بالروح بالدم نفديك يا عرضنا..


بالروح بالدم نفديك يا أرضنا..


بالروح بالدم نفديك يا مالنا وعزنا..

مبارك عمر عباس
01-12-2009, 05:59 AM
بالروح بالدم نفديك يا عرضنا..


بالروح بالدم نفديك يا أرضنا..


بالروح بالدم نفديك يا مالنا وعزنا.
(تاني مافي كلام)

أشرف صلاح السعيد
01-12-2009, 06:11 AM
بالروح بالدم نفديك يا عرضنا..


بالروح بالدم نفديك يا أرضنا..


بالروح بالدم نفديك يا مالنا وعزنا.
(تاني مافي كلام)


الحبيب بركة سلام..

لما الثورة للشعب تحين
و يوحد ايد وبقلبو يقين
ابدا ابدا ما بنهار ولا بركع

لما النفرة تكون متماسكة
وصدق النية تكون جد ماكنة
ما بصيبنا الجوع واكيد نشبع

الوحدة سلاح لأعتاو طاغوت
وبسبيل العدل الأنّا بتموت
بتهزم الليل والنور بطلع

إن بقت القصة فيها حقارة
ونط صعلوك قايلا شطارة
بجيهو الموت وقبلو بيفزع

مبارك عمر عباس
01-12-2009, 07:00 AM
من الألف الى الياء هذا
توضيح لملاك الاراضي «الملك الحر» بمشروع الجزيرة والمناقل والحرقة ونور الدين

منذ نيف وثمانين عاماً ولسبب اشباع حاجة المستعمر البريطاني للقطن لمصانعه في «لانكشير» انشىء ما يعرف بـ eSudan Plantation Syndicat ( S.P.S) لتنفيذ مشروع زراعي بمنطقة الجزيرة والذي سُمي فيما بعد بمشروع الجزيرة بعد ان تم التأكد من جدوى اقامته وكان وقتها من أكبر المشاريع الزراعية في العالم.
لقد كانت بعض الأراضي التي حددت لقيام المشروع مملوكة بالملك الحر لبعض الافراد بما نسبته 41% من مساحة المشروع الآن، وتطلب الوضع اصدار قانون 1927م بأن اصدرت الادارة الاستعمارية مرسوماً تعسفياً جبرياً بحيث وضعت يدها على تلك الاراضي نظير دفع ايجار سنوي للفدان قدره ريال واحد لفترة زمنية قدرها 40 عاماً تنتهي عام 1967م ولا تزيد من خلال عقد اذعان دون استشارة الملاك فيه او طلب موافقتهم.
تواصل الظلم وحرمان الملاك من أراضيهم بعد قيام الحكومات الوطنية فسكنت في قلوبهم حسرة وفي مآقيهم دمعة يجأرون بالشكوى لطوب الارض وحتى يومنا هذا.بعضهم عاش فقيراً ومات فقيراً ولم يستطع البعض ان يؤمنوا علاج ذويهم او تعليم ابنائهم بل وفشل بعضهم في تأمين سبل عيشه، وظل يحدوهم الامل بانصافهم ورد مظلمتهم من بني جلدتهم ولكن «اسمعت اذ ناديت حياً» وذهبت مساعيهم أدراج الرياح.
لقد تشكلت لجان متعاقبة لانصاف ملاك الاراضي وظلت تصدر التوصيات التي تبقى حبيسة الادراج ولم تتجرأ اي من الحكومات الوطنية للتصدي لهذا الملف المثخن بالانات والآلم والظلم لتزيل عن الملاك ما حاق بهم ولترفع عنهم ما ألم بهم وهي تعلم ان الظلم ظلمات.
لجنة مبادرة ملاك الأراضي بالجزيرة المكلفة لمتابعة تنفيذ قرار السيد رئيس الجمهورية بدفع استحقاقات ملاك الأراضي
1- حسن جبارة عبد الجليل 0918115444
2- التوم محمد طه صبير 0922741460
3- الوليد عمر عباس 0922250626
4- بشرى محمد الطائف 0122765500
5- الصادق محمد الطائف 0916418816

أشرف صلاح السعيد
01-12-2009, 07:35 PM
الحبيب بركة سلام..
ارجو امدادنا بكل المستجدات ما امكن حتى يكون الجميع بالصورة..
إضافة اروع من رائعة..


قول للوليد الوحدة بتكسر اعتاو جبين
بتسدعى جلّد البخاف ما يستكين
بيع الارض تفريض عرض لمغتصبين
قول ليهو وحدو هو البعز وهو البهين
بإرادتو مولى بينجلى ظلم السنين
وبإرادتو بس بحمينا من كل الشياطين
قول للوليد ما ينكسر أوعاو يلين
وفى الفزعة جد بنجيهو جندا ملبين

ابوخالد
01-12-2009, 08:43 PM
الحبيب بركة سلام..
ارجو امدادنا بكل المستجدات ما امكن حتى يكون الجميع بالصورة..
إضافة اروع من رائعة..


قول للوليد الوحدة بتكسر اعتاو جبين
بتسدعى جلّد البخاف ما يستكين
بيع الارض تفريض عرض لمغتصبين
قول ليهو وحدو هو البعز وهو البهين
بإرادتو مولى بينجلى ظلم السنين
وبإرادتو بس بحمينا من كل الشياطين
قول للوليد ما ينكسر أوعاو يلين
وفى الفزعة جد بنجيهو جندا ملبين




الحبيب مبارك عمر عباس
والمبدع أشرف صلاح

الموضوع جد خطير ,, ومتابعة الوضع من قريب
ومن داخل الأحداث مفيد للجميع ,,,
نرجو المتابعة ومحاولة الربط مع الوقائع والأحداث والمعلومات
الموثقة ,,,

ولكم كل الشكر ,,,
نُوصى بالمتابعة مع الداخل ,, لطرح المشكلة والحلول الواجب
إتباعها ,,

وكونوا بخير وصحة جيدة

أشرف صلاح السعيد
04-12-2009, 10:50 PM
الحبيب مبارك عمر عباس
والمبدع أشرف صلاح

الموضوع جد خطير ,, ومتابعة الوضع من قريب
ومن داخل الأحداث مفيد للجميع ,,,
نرجو المتابعة ومحاولة الربط مع الوقائع والأحداث والمعلومات
الموثقة ,,,

ولكم كل الشكر ,,,
نُوصى بالمتابعة مع الداخل ,, لطرح المشكلة والحلول الواجب
إتباعها ,,

وكونوا بخير وصحة جيدة


ابو خالد تحياتى وسلامى..
أكيد المتابعة مع من هم بالداخل مفيدة وخصوصا لمن مثلنا بخارج الاسوار..
ونسأل الله أن تأتى حلول يرتضى بها الجميع وألا ندخل الغابة من جديد وبالوسط الذى كان ولازال عصب إقتصاد السودان..
ما أمر جحود النكران وما أبشع أن تهمش الجزيرة المعطاءة طول الأزمان..
والله يكضب الشينة..

أشرف صلاح السعيد
17-12-2009, 05:03 AM
فاصل اعلانى..

جيناكم وكدا والبلد كلها معججة..

جوقة جوبا دايرا تهججا والحركة غنت مالى ومال كدا..


الوطنى قال أى لمة بلخبتا والماعجبو يبعد من هنا..

وانت وين من كلو دا؟؟؟؟

الملكة اسماء ( ام محمد )
17-12-2009, 05:10 AM
وانت وين من دا كلو ؟؟؟؟



سؤال سالته لنفسي وانا اقراء اجزاء فاتتني

اجابة غير منطقية
فليس هناك سبب مقنع لغيابي عن مسلسلي الذي اُحب




استاذي
عودة ومتابعة باذن الله

أشرف صلاح السعيد
17-12-2009, 05:37 AM
سؤال سالته لنفسي وانا اقراء اجزاء فاتتني

اجابة غير منطقية
فليس هناك سبب مقنع لغيابي عن مسلسلي الذي اُحب




استاذي
عودة ومتابعة باذن الله


اختى اسماء سلام..
عودا احمد للركشة..
وياربى نعود كلنا ونكون مؤثرين بالحياة فى السودان ونترك التفرج والاستنتاج..


بالجنبة: مطرك ما مطر والاخ رضا..ابداع يوصل للإدهاش..

الملكة اسماء ( ام محمد )
17-12-2009, 06:09 AM
بالجنبة: مطرك ما مطر والاخ رضا..ابداع يوصل للإدهاش..



بنفس الجنبة : شهادة اعتز بها استاذي ,واتمنى ان اكون عند حسن الظن دائما

عاطف عولي
18-12-2009, 10:03 AM
عندك مخالفة امشي المرور ادفعا.

ركشتك محملة زيادة.

أشرف صلاح السعيد
18-12-2009, 10:55 PM
بنفس الجنبة : شهادة اعتز بها استاذي ,واتمنى ان اكون عند حسن الظن دائما


والله لما تكتبى استاذى دى بقعد اتلفت افتش للاستاذ..ما علينا مقبولة رغم انها ما راكبة ليا..
حسن الظن موجود فيمن يكتب كما تكتبين وتدعين..أديبة ومحللة لا يشق لك غبار..
سفيرة نوايات حسنة بلا مجاملات..
الله يزيد ويبارك..

أشرف صلاح السعيد
18-12-2009, 11:20 PM
عندك مخالفة امشي المرور ادفعا.

ركشتك محملة زيادة.


يا جنابو الركشة جد مُحمَّلة
بمشاهد فاضحة ومُجلجِلة
بعِوج بيعرِج للدُقاس المُتنبِلة
السايبا المهم وبالقشور مُجلجِلة
بالماسك القلم ولحياتنا مُحنضِلة
جاى تزود عليا المُعضِلة؟
تمارس متعك فى الزلزلة
وتصعب عليا المسألة
خريج وركشة ومتحملة
ما عاطل متجدع بالاسكلا
لا راكب مطية مهلهلة
لا واسطة ليا مُسهِلة
حركاتك ظاهرة ومستهبلة
داير الغمدا للأفوِلة
من زول غطاو الأشولة
وبالصبر سابقك يا فهلوة

ود عولى الكلام دا ما ليك للعسكرى الداير المعلوم من مجهول يقودو مجهول بواقع مغيب ومسطول ..
تحاياتى واحتراماتى..

أبوريلان
18-12-2009, 11:36 PM
عمر : يااخى هو كويس الجابو وقتا داك دكتور حشرى..عليك امان الله هسى بيجيبو بقو كل من هب ودب والمهم يكون زولم..هسع دى وزرائم ديل غير ما ببدلوهم بين الكراسى شن بيعملو؟..التقول البلد دى غير الوزرا ديل ما جابت..والولاة يشيلو ليك من هنا ويبقوهو ليك سفير برا..




صاحب الركشة تعظيم سلام
كل سنة إنت والأسرة بخير
والشعب السوداني الفضل ومشروع الجزيرة بخير
قالوا أســعار الركشات طارت الســماء بعد صرف حقوق
ناس مشروع الجزيرة ، كلهم قالوا يستثمروا رقشات بدل حواشات
رأيك شنو في الإستثمار في الحديد بدل الزراعة الأشتهرنا بيها سننين
وبعد جودة أقطانا نستثمر في الركشات الهندية ، وناس الحكومة يحركوا في
وزراء الشطرنج من مكان لمكان ولا خير في ملكهم ولا جنديهم هل من رشيد .

أشرف صلاح السعيد
19-12-2009, 05:28 AM
صاحب الركشة تعظيم سلام
كل سنة إنت والأسرة بخير
والشعب السوداني الفضل ومشروع الجزيرة بخير
قالوا أســعار الركشات طارت الســماء بعد صرف حقوق
ناس مشروع الجزيرة ، كلهم قالوا يستثمروا رقشات بدل حواشات
رأيك شنو في الإستثمار في الحديد بدل الزراعة الأشتهرنا بيها سننين
وبعد جودة أقطانا نستثمر في الركشات الهندية ، وناس الحكومة يحركوا في
وزراء الشطرنج من مكان لمكان ولا خير في ملكهم ولا جنديهم هل من رشيد .


اخى وصديقى الهميم ذو الرأى السديد ياسر اللذيذ العجيب..لقد بلغنى ايها الحبيب بأن الدنيا فايرة من تصبح لمان تغيب فى بلد المليون مربع البقى لهيب..إتبدلت الحواشات الى ركشات وحديد..وبقينا نتاقى بدل طويل التيلا دواب الهنود من بلدم البعيد..وعليك أمان الله بدقداق الشوارع حنتحول لتجار اسكراب والخوف نصدرو بكرة لتل أبيب..
بالنسبة لشطرنج ناس القصر الرهيب ما هو بجديد..لكن كراع فى المظاهرات وكراع فى البرلمان خلو راسى يشيب زى قطن التنجيد..وجوبا مالك عليا أنا بقت تجمع الناس للمظاهرة والتنديد..وناس جوبا جوة البرلمان ضاربين التكندش والهمبريب..دحين يا اخوى أكان عملتا ليا كم حركة كدا ما ببقونى لوا ولا عقيد؟؟..أمبارونة دى قرودا ما بالغابة زمنن مديد دحين فى الحكم ما بيدوهم ياربى نصيب..يازول تعالاكا شيرنج نشتريلنا راجمة وعربية جيب..تبقى انت مساعد رئيس وأنا املا الجيب ..قولك شنو استبينا يا الحبيب؟..

moh_alnour
19-12-2009, 04:13 PM
الجوكي : أشرف السعيد
عوافي
شغلني شاغل عن متابعة بوست الركشة بعد أن وضعت فيه مشاركتي التي حملت الرقم 178
و عُدت الأن مصمما ً على قراءة البوست فوصلت إلى المشاركة رقم 300 ، مُتابعا ً لكل حرف و تعليق كُتب في هذا البوست
أي أنني تمكنت من قراءة ثلاث صفحات و ذلك لأنني أخترت خيار عرض 40 مشاركة في الصفحة
أي ما يُعادل ( خمس صفحات بالعرض الأفتراض للمنتدى وهو عرض 25 مشاركة في الصفحة الواحدة )
و حقيقي أستمتعت بهذه المَلكة الإبداعية عبر هذه الرحلة المتنوعة مع إيقاع الحياة اليومي عبر ( الثري ويل درايفر )
لي عودة بمشيئة الله

أشرف صلاح السعيد
19-12-2009, 10:05 PM
اخى محمد النور "نكتب عديل لزوم ماتتلخبط الأنوار" سلام وتحايا..
شايفك يااخوى ركبتا ليك فور ويل داريفر وتيربو كمان عشان تلحق الركشة ..غايتو اعفى ليا وانا هسى مهدى السرعة عشان كتير من الاخوة نفسم اتقطع من ملاحقة الركشة ..
يااخى كلامك السمح دا بيكبر ليا راسى وبيعمل ليا مشكلة الركشة الصغيرونة دى جوكيها يركب فيها كيف ويزحم الزباين براسو وداقوسو الكبر دا؟..
حقيقى شكرا ليك ولكلماتك المشجعات وإن شاء الله جميعنا نكون مفيدين ومستفيدين لبعض ومن بعض وعازة تسلك امورا وما تحتاج للز والتدفر فى أكتر من إتجاه..
قربت يااخوى تفوت الركشة ومستنى طلاتك الروائع..

مـجــيد
20-12-2009, 02:34 PM
في البدء السلام عليكم و رحمة الله
اشرف و الله الموضوع ابعد مايكون عن الدعابة انا شايف انو هي وسيلة نقل تصميمها كاريكاتيرى و احيانا مضحك و احيانا جدا مزعج لكن و الله بام عيني شفت انو كتير من الشباب بفضل التصميم المضحك دا بقو اعتمدو علي انفسهم و حتي التكلة تحت شجرة و منظر واحد ماسك مقص و يحلق لصاحبو اختفي
و الادهي و الامر انو كتير من الاسر بتعتمد في دخلها علي ( الركشة ) !!!!
انا من رايئ انو دخول الركشة علي مجتمعمنا محمدة علي الاقل مسكت الشباب و عملت ليهم موضوع
ايه كان ح يكون مصيرهم اذا الركشة دي كانت ما جات السودان اصلا ً
اطلق لخيالك العنان و تخيل ماذا سيكون مصيرهـــــــــــــــــــــــــــــــــــــم
تحياتي لكم جميعا ً

أشرف صلاح السعيد
20-12-2009, 11:45 PM
في البدء السلام عليكم و رحمة الله

وعليكم السلام ورحمة الله وتعالى اخى مجيد ومرحب بيك بالمنتديات..

اشرف و الله الموضوع ابعد مايكون عن الدعابة انا شايف انو هي وسيلة نقل تصميمها كاريكاتيرى و احيانا مضحك و احيانا جدا مزعج لكن و الله بام عيني شفت انو كتير من الشباب بفضل التصميم المضحك دا بقو اعتمدو علي انفسهم و حتي التكلة تحت شجرة و منظر واحد ماسك مقص و يحلق لصاحبو اختفي

الركشة لم أتناولها من منطلق دعابى بل من منطلق تصويرى وإن كان ببعض الأحيان الأسلوب الساخر أو الممازح ..
الركشة ظاهرة ونتيجة لوضع إقتصادى متدهور جدا وطموح يكاد يكون منعدم بين الشباب إلا من رحم ربى..الركشة ببعض البلاد الأسوية فكرة قبيحة جدا جدا..فهناك الرجل من يجر عربة يجلس عليها الناس لتوصلهم فقد أستبدل بالدابة..وأرجو ألا نصل تلك المرحلة..

و الادهي و الامر انو كتير من الاسر بتعتمد في دخلها علي ( الركشة ) !!!!

مصدر الرزق أيا كان نوعه ولا يختلط بالحرام فهو جائز ..ولعل الركشة قد أغنت الكثيرين من حوجة السؤال .. الطامة الكبرى فيمن يقود الركشة والغالبية منهم خريجى سُجنوا وسَجنوا إمكانياتهم القابلة للتطوير والإستفادة منها لهم وللمجتمع فى قيادة ذات الثلاثة ايطارات وثقافتها..هنا تكمن كارثية المشكلة..فإن قاد الركشة من لم يحظى بقدر من العلم والمعرفة الكافية لشق الحياة بمهنية وإحترافية بعلوم متخصصة لا ضير من ذلك فالوظيفة تتناسب حينها بالمقدرة..ولكل فولة كيالها و يالعجبى إن كان الكيال يستطيع زرع الفولة وتصنيعها واكتفى بكيل أضاع معطياته وإمكانياته الأكبر بكثير من الكيالة..

انا من رايئ انو دخول الركشة علي مجتمعمنا محمدة علي الاقل مسكت الشباب و عملت ليهم موضوع
ايه كان ح يكون مصيرهم اذا الركشة دي كانت ما جات السودان اصلا ً
اطلق لخيالك العنان و تخيل ماذا سيكون مصيرهـــــــــــــــــــــــــــــــــــــم
تحياتي لكم جميعا ً



سؤال إفتراضى ماذا كان سيكون حال الشباب إن لم تدخل الركشة واقعنا؟..
كان سيكون واقعهم مثل ما كان قبل دخول الركشة..
وقبل دخول الركشة كان هناك العديد من أنواع الشباب..
شباب لا يسعى لتطوير نفسه وقنع بالجلوس على الكبارى ونواصى الدكاكين وتحت ضل الشجر نادبا حظه ولاعنا زمانه دون عمل واجبه والسعى لايجاد سبل وطرق لتغيير حاله لينصلح حاله..
شباب مكافح تعانده الظروف فيعمل عقله لايجاد ثغرات ينفذ من خلالها ليعلن وجوده وحضوره ويسعى فى الارض ساعيا جادا لأن يكون ..
شباب نال من التعليم قدر لابأس به ومنى نفسه بالاميازات ووضع شروط لقبول عمله قبل البدأ ولازال ينتظر شروط القبول..
السعى مناط بالشباب وبجميع المسلمين..أو لم ينصحنا صاحب الملك "واسعوا فى مناكبها وكلوا من رزقه وإليه النشور"..
الركشة ليست الحل كما يعتقد الكثيرين والمخرج للشباب بل اليقين ..بأن الرزق بيد الله وأن السعى مفتاح لا يرتهن به كسب الرزق ..فالرزق يصيب صاحبه كما الموت يصيبه وإن حاول الهرب منه "معنى لحديث شريف"..
فلنغير ما بأنفسنا ليغير الله ما بنا ..

أشرف صلاح السعيد
13-01-2010, 02:31 AM
فاصل اعلانى..

الركشة المدبرسين وبرى وبرى..

الركشة ناس مرنتزين وبرى وبرى..

الركشة المدبشين وبرى وبرى..

الركشة المتوكلين وآيّا آيّا..

قريبا الركشة ..القصة الحاصلة على أوسكار العام بشهرى أكتوبر ونوفمبر..

(عالم الدمبوش والدمبشة)..

خليك قريب ولو ماشى بعيد قشة ما تعتر ليك..بنرسل ليك الركشة كمان..

مايسة
13-01-2010, 03:18 AM
وعادت ركشة السعيد

لتحكي وتروي لنا عن واقع حياتنا المرير

عن ما يحدث في دهاليز طرقاتنا (بلادنا) من غش وخداع وتدليس

فهي تدعنا نناقش ونراجه انفسنا الف مرة في كثير من القضايا - قبل ان نهوى ونسقط سقوطا مؤلما واني لأراه لوشيك

الف مرحب بالركشا

او ركشا - ركشا - ركشا - ركشا

ام قبس
13-01-2010, 03:27 AM
ركشه ركشه
يابتاع الركشه
عليك الله عندي مشوار لي جوه مدني
بعد كم شهر كدا
وعاوزاك تنتظرني بره قدام كل حته وكل بيت ازوره
وعاوزة اخشي السوق الصغير
وتاني عندي خشوه صغيرونه للقبطي اقطع لي كم متر قماش
وخشوه للملجه اشيل خضار لي ناس خالي ماممكن امشي يدي فاضيه
ونفسي في تسالي من جنب المساطب

ونمشي ود ازرق نزور ناس خالي وبعدين ونحنا مارقين نجيب لينا طعميه من عند سيف طعميه

ونديها خشوه لي كشك نشيل الفوله

وبعدين نرجع البيت
بتشيل مني كم ؟؟


مرحب بالسعيد
ودعنا سعدا معك
ان شاء الله حبه بس

أشرف صلاح السعيد
13-01-2010, 06:34 AM
وعادت ركشة السعيد

بل عاد أشرف ليسعد بين ناسو وأهلو الطيبين يا مايسة بيكم..
لتحكي وتروي لنا عن واقع حياتنا المرير

لنغيّرو ما إحنا برضو مرين ..

عن ما يحدث في دهاليز طرقاتنا (بلادنا) من غش وخداع وتدليس

دا كلو كلو بنتهى إن شاء الله كلو كلو بنتهى..

فهي تدعنا نناقش ونراجه انفسنا الف مرة في كثير من القضايا - قبل ان نهوى ونسقط سقوطا مؤلما واني لأراه لوشيك

سنردم القيعان ما استطعنا وايدى بايدك بنبنى وبنبقى بكرة مع الطيور المُصرة يكون ليها خرطة وبتعشق ألا تغادر تلك الخرطة..

الف مرحب بالركشا

مرحب بينا ناس أرض المحنة وين ماكانت بينا المحنة..

او ركشا - ركشا - ركشا - ركشا


مايسة صدقينى زعلت من نفسى كثيرا لجهلها بعوالم الكمبيوترات التى حبستنى عن هنا..
يديكى ربى كل العوافى ويسعدك وكل اهلنا والمسلمين..

أشرف صلاح السعيد
13-01-2010, 07:00 AM
ركشه ركشه
يابتاع الركشه

- اتفضلى يااخت ياالراضعة من مدنى المحنة ..

عليك الله عندي مشوار لي جوه مدني
بعد كم شهر كدا

- كل المشاوير بعد سنين الرحيل بنهديها ليك .. لجوه البلد وللناس الحنان يقلدو الزول الاغترب..

وعاوزاك تنتظرني بره قدام كل حته وكل بيت ازوره

- وين ما تمشى الركشة واقفة ومستنياك ..قدام كل البيوت وكل حتة محمداك..

وعاوزة اخشي السوق الصغير

- برضو بنوديك لهناك وبالبرندات بنرجاك..اخدى راحتك وبلى فى جواك شوق بنسعد معاك..

وتاني عندي خشوه صغيرونه للقبطي اقطع لي كم متر قماش

- مابتدورى للقماش بس عايزة تدخلى فى نقاش..دايرة ترجعى تعيدى ذكرى ..ذكرى عطرة وتسمع الاصوات زمان وترجعى جواك انتعاش..

وخشوه للملجه اشيل خضار لي ناس خالي ماممكن امشي يدي فاضيه

- الملجة ودوها لبعيد بس لاتهمى بتوصلى والسايق سعيد..

ونفسي في تسالي من جنب المساطب

- ما قلت ليك مشتاقة للزمن الزمان..للدقة وتسالى ما عرف يمسحم رمان..

ونمشي ود ازرق نزور ناس خالي وبعدين ونحنا مارقين نجيب لينا طعميه من عند سيف طعميه

- الله عليك شايلا التفاصيل فى قليبك وفى عينيك..مشتاقة ترجعى للوصال ود أزرق الفيها الخوال..وتستنشقى الطعمية وسيف أداها شبال..

ونديها خشوه لي كشك نشيل الفوله

- حتى لكشك وفولو العجيب شايلك حنين..للمة لناسنا الغبش وقدرة بتجمع لقاهم كل السنين..

وبعدين نرجع البيت
بتشيل مني كم ؟؟

- ما كفاية شيل السنين بغربتك وسط الملل المتلونين..أدينى فاتحة ترجع بلدنا نحس اليقين..وكل المشاوير حلف يهديها اخوى امين..

مرحب بالسعيد
ودعنا سعدا معك
ان شاء الله حبه بس


بل ودعت أنا سعدى بين شملكم الكريم اختى ام قبس وأصر على ام قبس والله يخلى ليك احمد وابوهم..
تانى وجع وش أفارقكم كيف أودع كيف لا لا ما بقدر ..
إن شاء الله تسعدى وكلنا نسعد ونتيقن ونصل لعازة الحلم ونرجع ليها تضمنا تدفينا وندفيها..آآآآمين..

ام قبس
13-01-2010, 11:31 AM
والله ياود السعيد كلامك شده مااسعدني شديد
شلت ميدو ولدي ونططته نطيط
سبحان الله من كلام يخلينا نطير بعيد
ونبقي ذي الطفل البيحبي جديد
عاوزين نمسك النجمه الفي سماها بعيد
بس ماغريبه علينا ونحنا شربنا من منبع وحيد
مدني مدني مدني يالله علي حضنها الضمانا شديد

أشرف صلاح السعيد
14-01-2010, 01:59 AM
والله ياود السعيد كلامك شده مااسعدني شديد
شلت ميدو ولدي ونططته نطيط
سبحان الله من كلام يخلينا نطير بعيد
ونبقي ذي الطفل البيحبي جديد
عاوزين نمسك النجمه الفي سماها بعيد
بس ماغريبه علينا ونحنا شربنا من منبع وحيد
مدني مدني مدني يالله علي حضنها الضمانا شديد
سلام اختىام قبس ..
وبرضو تقولى ليا أنا بنجر؟..يااخى انتى ام النجر زااتو ونجرك خطير وجميل..
أسعد الله كل ايامك ويجمع الكل ربى بمدنى الحنينة وكل الحنان..
سعيد جدا بهذا الدويتو الجميل بيك..تحياتى لك ولكل الأسرة..وخلى ليك ميدو واختو وابوهم..

أشرف صلاح السعيد
14-01-2010, 02:02 AM
الدمبشة ..الأولى..


بينما تطرطر الركشة وعلى متنها امين فى الطريق إلى أول المحطة يشاور إليه ثلاثة نساء للتوقف وهن هبالات..خزعبلات و عباطات..


هبالات : ركشة..ركشة..هووى يا سيد الركشة ما تقيف..


وتتوقف الركشة ثم تقطع الشارع إلى حيث الثلاث نساء..




فاصل اعلانى..


إنتخبوا والى الولاية الذى سيهشتكم بعهد الديموعسكطية..
الديموعسكطية مرحلة تستوجب إعادة صنع الولاة ..وقد صنعنا لكم من الفسيخ شربات..
الديموعسكطية تكفل للجميع حق الترشيح والإنتخاب وسجم البفوز غير الديموعسكطيين..
الديموعسكطية هى الطريق إلى رفاهية الولاة ومن والاهم..ولا عزاء للديمونومطية..
الديمونومطية الطريق الأقصر لوصول الولاة إلى الولاية..

امين : السلام عليكم..على وين يا أخوات؟..


عباطات : على حلة دنابيش يااخونا ومستعجلات عندنا مواعيد..تودينا بكم؟..


امين : دنابيش دى زاتا وين؟..


هبلات : هيى سجمى سواق ركشة ومابيعرف حلة دنابيش وين!! يااخوى إنتا ما من هنا ولا شنو؟..فى زول فى زمتك ما بيعرف حلة دنابيش؟..


خزعبلات : ياختى سيبى النقنقة خلينا النفهمو بسرعة ونوصف ليو عشان انحنا مستعجلات "يعنى هى الما بتنقنق"..شوف يااللخو بتعرف حى الورود؟..


امين : بعرفو..


خزعبلات : آخرو مش فى الأُميَّة الجنب الجامع ابو ميذنتين؟.."ألا تتفقون معى بأن الجامع هو القاسم المشترك لوصف أى مكان ببلادى..فأين المصلين!!"..


امين : مزبوط جامع الصوامين "الشى ما عندهم اسم ولا هم براهم البصومو؟"..


خزعبلات : بس ياهو..أها تمشى مِغرِب من الجامع بالشارع البوديك لحلة الرطانة..الدنابيش بعد الرطانة طوااالى..عرفتا؟.."دى هسع دايرة ليها درس عصر ؟"..


امين : أها.. الحلة العشوائية البعد الرطانة..عرفتها بس دى بالله اسما الدنابيش؟..


عباطات : يا ها الدنابيش..أها بتودينا بكم؟..


امين : المشوار يا جماعة بعيد زى ما عارفين..إنتو أدفعو المعقول بس.."ما تقول ياامين وتريحنا الا كل مرة تعيد نفس الاسطوانة؟"..


عباطات : خمسطاشر جنيه..ياهى العندنا كل واحدة مقدرتا خمسة جنيه..قلتا كيف؟.."قلت إنكم كضابات كضب دا حق المشية بترجعو كدارى ؟ما ما عندكم غيرن"..


امين : جدا اركبو..بس هسع انتو ماشين لغاية هناك مالكم إن شاء الله لخير؟..


خزعبلات : مناسبة كدا..


وتتحرك الركشة فى طريقها الى حلة الدنابيش بالمبلغ الصغير لإعتقاد امين بأن النساء ذاهبن لمجاملة ما فلم يريد أن يزيد العبئ عليهن فيكفى ما سيدفعنه بالمناسبة كانت فرحا او طرحا..


خزعبلات : تعرفن فكى كراضم دا لاااحق وواصل لحقا..إما خل ليكن الرجال ديل بس تانى ما يعاينو لغيركن ويبقو فى إيديكن زى الختم ما أكون أنا خزعبلات بت أم خزعبلات..موضوعكن دا بسيييط وساهل بس لما نصل طرّن ايدنكن وبحبحنهن فى البياض عشان يسرع ليكن فى المهمة..ما اوصيكن اوعكن توروهو اسم امهاتكن وشوفن بيعرفن ولا لا؟..أكان غلط فى حرف وااحد برجعكن تانى والدفعتو برجعو ليكن..أمانة ما فكى كراضم كراضمو لاحقة..


هبالات : النشوف..وعليكى عليىّ من غير حِلفان أكان عمل ليا الدايراهو منو يا خزعبلات يااختى إلا أدُق ليك غويشتن يتحاكو بيها حكى نسوان فريكم..بس يااختى فكى كراضم دا اسمو دا ما غريب؟..


خزعبلات : الاسم دا ما سرو كبير وباااتع يلحقنى وينجدنى "أعوذ بالله من الضلال"..تعرفن سببو شنو؟..فى مرة واحد من أبات دقون ديل قالو ليك شاكل فكى كراضم وقال ليو يا راجل يا نصاب يا ما بتخاف الله..السحر دا ما حرام ؟..فكى عامل وبتسحر فى الناس ..أها قوم يا فكى كراضم قول ليهو يا زول سحر شنو ؟..دا كلو بكتاب الله..بس قالو ليكم اب دقن فننن رمى ليك كتاب الدين "يعنى ما مصحف ما كدى"بتاع ابو كراضم ..وابو كراضم قال ليو تشوف شنو البيحصل ليك إما خليت وشك دا كلو كراضم ما أكون أنا فكى إسحق..ما اصلو قبل القصة دى فكى كراضم أكان اسمو فكى اسحق بس بعد مابين بيانو فى الزول أب دقن وخلى ليهو وشو كلو كراضم من يوما الناس بتقول ليهو الفكى الكرضام ومنها بقى اسمو ابو كراضم..يلحقنى وينجدنى "استغفر الله من غضب الله"..


عباطات : يلحقنا وينجدنا..


كانت الزحمة بالطريق قوية لذلك لم ينتبه امين للحوار الدائر بكنبة الركشة الخلفية..وإلا كان قد تمنع بتوصيل النساء الثلاث إلى مشوارهم المُكفر والمُخرج من الملّة..


يتبع إن شاء الله..

ahmed algam
12-05-2010, 10:17 AM
والله زمان

ابوبطه
13-05-2010, 07:49 AM
رايك ايه اشوف ليك ليها لحن
وعندى ليك مطربه صوتها اجلح

ام نوران
13-05-2010, 11:17 PM
قمه الدهشه مشااااااويرك ياركشه............
تحياتي للاح السعيد..

مايسة
13-05-2010, 11:41 PM
الكاتب المتمكن - صاحب الرؤية الثاقبة جدا
أشرف صلاح السعيد
لا ضير في ان تكتب لنا ايضا - اخي -

تثلج صدورنا بما تكتبه - ارجو واتمني ان توااصل ايضا هنا -


دع من لا يعرفك على الاقل يستمتع بما يخطه قلمك - سلمت

أشرف صلاح السعيد
05-07-2010, 06:04 AM
والله زمان

و الله و ما طالبينى حليفة اليوم بس قدرت أدخل المنتدى ..
علقم يا رائع سلام ..

أشرف صلاح السعيد
05-07-2010, 06:06 AM
رايك ايه اشوف ليك ليها لحن
وعندى ليك مطربه صوتها اجلح
أبو بطة سلام يااخ ..
صوتا أجلح دا معناهو بالجنبات خفيف ولا شنو ؟؟..
الله يستر ما تجيب فنانة صوتا أصلع ..
يا زول جيب ..

أشرف صلاح السعيد
05-07-2010, 06:11 AM
الكاتب المتمكن - صاحب الرؤية الثاقبة جدا
أشرف صلاح السعيد
لا ضير في ان تكتب لنا ايضا - اخي -

تثلج صدورنا بما تكتبه - ارجو واتمني ان توااصل ايضا هنا -



دع من لا يعرفك على الاقل يستمتع بما يخطه قلمك - سلمت
أختنا الرائعة مايسة سلام ..
و الله ثم و الله بأحاول الدخول للمنتديات و ماقادر ..
لغاية ما كسلا لميت فيو فى الإحتفال بعمنا أبوشوارب ..
هنا بيتى ولا يهجر الأهل إلا عاق ..
ما قلنا صحافة و أيام ..
ويشرفنى أكون هنا أيتها الكريمة و أرجو السماح للطشة ..

بنت الرفاعي
05-07-2010, 08:35 AM
:):):):):):):):)

ألف حمداً لله على رجوعك يا أخوي.:)

مايسة
05-07-2010, 10:17 AM
أختنا الرائعة مايسة سلام ..
و الله ثم و الله بأحاول الدخول للمنتديات و ماقادر ..
لغاية ما كسلا لميت فيو فى الإحتفال بعمنا أبوشوارب ..
هنا بيتى ولا يهجر الأهل إلا عاق ..
ما قلنا صحافة و أيام ..
ويشرفنى أكون هنا أيتها الكريمة و أرجو السماح للطشة ..



غايتو بس الحمد لله:)

وانا اقول المنتدى منور مالو كدا

مليون حمد لله على السلامة -

مسامحنك والله - بس تاني ما تعيدا يااخ - :o

تخريمة : البركة في عمنا ابو شوارب :)

أشرف صلاح السعيد
05-07-2010, 09:41 PM
قمه الدهشه مشااااااويرك ياركشه............
تحياتي للاح السعيد..
أختنا أم نوران سلام و تحية ..
عذرا لعدم التسلسل فى الردود حسب ترتيبها لعدم رؤيتى لمشاركتك " الكبر و الشوف وكدا" ..
لك أجمل التحايا أم نوران وكل تقديرى و احتراماتى ..

أشرف صلاح السعيد
05-07-2010, 09:44 PM
:):):):):):):):)

ألف حمداً لله على رجوعك يا أخوي.:)
الله يسلمك و يسلم أهلك أختنا الراقية مرام ..
حقيقى إشتقت لجمعكم الفريد ..
وأدى غرسة ..

أشرف صلاح السعيد
05-07-2010, 09:48 PM
غايتو بس الحمد لله:)

وانا اقول المنتدى منور مالو كدا
المنتدى منور بيكم يا مايسة و بالدرر الفيو ..

مليون حمد لله على السلامة -
الله يسلمك وكل من يهموك يا راقية ..

مسامحنك والله - بس تاني ما تعيدا يااخ - :o
دا العشم فى ناس حنان شايلين سماحة فى طبعهم ..

تخريمة : البركة في عمنا ابو شوارب :)
صدقتى و الله أبو شوارب بركة جد و بكرى ما قصر رغم غيباتو و إنشغالاتو ..
جد مسرور بينكم زى الزول الكان مسافر و رجع لناسو و أهلو ..

moh_alnour
05-07-2010, 09:48 PM
حمدا ً لله على سلامة الطلة من جديد أخي أشرف و مرحب بعودة الركشة إلى الخطوط العرضية
مشاققة : نحن قلنا يمكن الرقشة متعطلة ولا التوريدة بقت ما جايبة همها :rolleyes:

أشرف صلاح السعيد
05-07-2010, 09:57 PM
حمدا ً لله على سلامة الطلة من جديد أخي أشرف و مرحب بعودة الركشة إلى الخطوط العرضية
مشاققة : نحن قلنا يمكن الرقشة متعطلة ولا التوريدة بقت ما جايبة همها :rolleyes:
الزول الخلوق محمد النور سلام و تحية ..
الله يسلمك يااخ ..
يااخى اعتبر الركشة كانت فى الصيانة او فى إعادة نظر فى توجهاتها أو مراجعة لأوراقا ..
أهى الركشة راجعة بسلامة
تشق دروب
تكشف عيوب
تكفينا شر قسوة قلوب ..
سعيد بطلتك يا الكلس ..

مدنيّة
06-07-2010, 02:21 AM
العود احمد ياسيد الركشة


------------------
منور المنتدي يااشرف

أحمد عمر ( MOODY )
06-07-2010, 02:50 AM
بعد إنقطاع طويل من المنتدى
جيت قبل إسبوعين لقيت درديري كباشّي
و بعدو العاقب مصباح ... و تاني جا الخواجة عزيز .. و جمال الماحي ... و عولي
و هسه أشرف صلاح سعيد


تخريمة : يا أبو الشوش بس عليييييييك الله ركشتك دي خمسة دقايق
أبشّر الناس ... بي خريف المنتدى و رجعة طيور الفرحة مراسيل الإخضرار


لحن الختام : دي أول مشاركة لي في البوست مع إنّي من المتابعين
كنّا فاقدنّك ... و مكانك خالي

أشرف صلاح السعيد
06-07-2010, 07:49 PM
العود احمد ياسيد الركشة


------------------
منور المنتدي يااشرف
أم جمال سلام و شوق أخوان ..
نعم العود أحمد لأنكم بمحطات الوصول ..
العود أحمد لما يكون اللقا تريان سلام و شوق معبا تحنان ..
و الأحمر دا أنا ديما معا ..

أشرف صلاح السعيد
06-07-2010, 07:55 PM
بعد إنقطاع طويل من المنتدى
جيت قبل إسبوعين لقيت درديري كباشّي
و بعدو العاقب مصباح ... و تاني جا الخواجة عزيز .. و جمال الماحي ... و عولي
و هسه أشرف صلاح سعيد
يا مراحب بالعائدين و تحية لكل المتواجدين ..


تخريمة : يا أبو الشوش بس عليييييييك الله ركشتك دي خمسة دقايق
أبشّر الناس ... بي خريف المنتدى و رجعة طيور الفرحة مراسيل الإخضرار
يا سلام على كلامك الأخضر و على قلبك الأخضر .. خليك كدا بنتعلم منك سماحة و بنتعلم معاك كيف الفرح و معلنى الجمال أيها الجميل الشفيف ..

و إن شاء الله ترجع كل الطيور لأوكارا و تملاها خير و محنة ..
لحن الختام : دي أول مشاركة لي في البوست مع إنّي من المتابعين
كنّا فاقدنّك ... و مكانك خالي
بتشرفنى متابعاتك حبيبنا مودى و إن شاء الله ما تضوق طعم للفراق و لا لحرمان ..

أشرف صلاح السعيد
06-07-2010, 08:07 PM
فاصل اعلانى..

جركاس : تعرف يا فردة لازمنى مشوار عاااجل لشيخ كراضم..

فرنداس : خير يازول فى شنو؟..عامل ليا الدرب ساساى كراضم وبالعكس..

جركاس : سامع فى تخفيض للموظفين بالشركة والقصة دى عاملة ليا كيلو قلق يااخ..الرتينزة بقت حوجة ضرورية..

فرنداس : يا زول ماتخطى البتعمل فيو دا..دى يازول قالو عليو كفر وشرك أكبر عدييل كدا..

جركاس : يا زول شرك شنو وكفر شنو داير تعمل لينا زى التكفير والهجرة..الراجل كراضم دا زول مبروك وشغلو كلو بالقرآن..زول قرااى خلاص..

فرنداس : والقرآن دا مالو ؟..غالبك تقراو براك؟..ما تقراو براك وتتوكل على ربك..

جركاس : إنتا شن فهمك فى أولياء الله الصالحين ديل..ولا ما كدا يا جماعة؟؟..


لا ..يا جركاس..


وركشة ركشة ركشا..لا دمبشا..

عوض صقير
06-07-2010, 08:15 PM
الباشمهندس ود السعيد

شايف دخاخين الركشة فى العلالى ..

نتمنى أن نراها دائماً تصول وتجول

كما نتمنى أن يكون عدادها رامى على طول ...


سعداء بطلتك وبظهور ركشتك ...

أشرف صلاح السعيد
06-07-2010, 08:43 PM
الباشمهندس ود السعيد

سلام و أشواق أستاذنا عوض صقير ..

شايف دخاخين الركشة فى العلالى ..

تعرف مفكر أستغل الدخاخين دى و أعبيها فى سلندرات مع قليل من الطلح و العطور و أوردا لمحال قدر ظروفك .. ما فكرة ؟؟..

نتمنى أن نراها دائماً تصول وتجول

كما نتمنى أن يكون عدادها رامى على طول ...

إن شاء الله تصول و تجول بس الواحد ما يطش تانى ..



سعداء بطلتك وبظهور ركشتك ...
الحبيب ود صقير سلام و أشواق ..
يااخى تصدق أنا بدخل المنتديات بطريقة طويلة خلاص .. لما أكتب منتديات ودمدنى بتجينى منتديات ودمدنى العامة و النيلين .. وغلبنى أدخل هنا و هسع بدخل عن طريق أكتب خربشات شعرية فى باحث قوقل و منها بدخل ..أكان ما الركشة الواحد كان يحتار المشوار دا يوصلو كيف زاتو ..

عوض صقير
06-07-2010, 09:21 PM
الحبيب ود صقير سلام و أشواق ..
يااخى تصدق أنا بدخل المنتديات بطريقة طويلة خلاص .. لما أكتب منتديات ودمدنى بتجينى منتديات ودمدنى العامة و النيلين .. وغلبنى أدخل هنا و هسع بدخل عن طريق أكتب خربشات شعرية فى باحث قوقل و منها بدخل ..أكان ما الركشة الواحد كان يحتار المشوار دا يوصلو كيف زاتو ..

البركة فى الخربشات الشعرية والركشة حاملة اللوحات الدبلوماسية الخلتنا نشوف إطلالتكم البهية ... ( ده شعر ولا نثر ؟ )

مايسة
07-07-2010, 05:45 AM
فاصل اعلانى..

جركاس : تعرف يا فردة لازمنى مشوار عاااجل لشيخ كراضم..

فرنداس : خير يازول فى شنو؟..عامل ليا الدرب ساساى كراضم وبالعكس..

جركاس : سامع فى تخفيض للموظفين بالشركة والقصة دى عاملة ليا كيلو قلق يااخ..الرتينزة بقت حوجة ضرورية..

فرنداس : يا زول ماتخطى البتعمل فيو دا..دى يازول قالو عليو كفر وشرك أكبر عدييل كدا..

جركاس : يا زول شرك شنو وكفر شنو داير تعمل لينا زى التكفير والهجرة..الراجل كراضم دا زول مبروك وشغلو كلو بالقرآن..زول قرااى خلاص..

فرنداس : والقرآن دا مالو ؟..غالبك تقراو براك؟..ما تقراو براك وتتوكل على ربك..

جركاس : إنتا شن فهمك فى أولياء الله الصالحين ديل..ولا ما كدا يا جماعة؟؟..


لا ..يا جركاس..


وركشة ركشة ركشا..لا دمبشا..


قال تعالى " إن الذين يتلون كتاب الله وأقاموا الصلاة وأنفقوا مما رزقناهم سرًا وعلانية يرجون تجارة لن تبور ليوفيهم أجورهم ويزيدهم من فضله إنه غفور شكور ". (فاطر:29)


شيخ كراضم دا - بيعمل شنو تاني - :rolleyes:


فاصل معبر ومليااااااااان :)

أبو حمزة
07-07-2010, 06:39 AM
الركشة: عاوزة تتدخل الإسلامي ولا شنو؟؟ يا زول هييي.. سوق بهناك.. وخلي الدرب ده!!
ولا .. من دربي ده بجيب ليك عسكري المرور.. خليك في الشوارع العرضية.. ؟؟
والله خائفك بكرة تقطعي الكبري.. باقي لي كراضم ده أكان قطعها الكبري بكرة السوق كلُّو بكرضم..!!
سعداء بعودة الركشة.. ومتابعين بمتعة وانشراح!! بس لو محتاج لزيت.. وكدة نحن جاهزين!!
الله يجازي محنك يا زمن.. بس أصبر بكرة بنلقاك في مطب!!

أشرف صلاح السعيد
11-07-2010, 09:31 PM
البركة فى الخربشات الشعرية والركشة حاملة اللوحات الدبلوماسية الخلتنا نشوف إطلالتكم البهية ... ( ده شعر ولا نثر ؟ )
الزول الجميل صقرة سلام و تحايا ..
هو الشعور و إحساس الأخوة الذى نعهده فيك .. و نثر المداعبات الحبية المنعشة للأخوية ..
كل الخير لك و للأسرة ايها الحبيب ..

أشرف صلاح السعيد
11-07-2010, 09:36 PM
قال تعالى " إن الذين يتلون كتاب الله وأقاموا الصلاة وأنفقوا مما رزقناهم سرًا وعلانية يرجون تجارة لن تبور ليوفيهم أجورهم ويزيدهم من فضله إنه غفور شكور ". (فاطر:29)


شيخ كراضم دا - بيعمل شنو تاني - :rolleyes:


فاصل معبر ومليااااااااان :)
الله عليك يا مايسة و أنت تدعمين الفكرة بكلام الصانع الخلاق ..
كراضم لا يرمى و إن رمى و لكن الله من يرمى ..
كراضم جهالة يتشبث به القانطون و الذين لا يحسنون بالله الظن ..
مرورك على الراس و بيصلح راس و بيطرد الوسواس ..

أشرف صلاح السعيد
11-07-2010, 09:41 PM
الركشة: عاوزة تتدخل الإسلامي ولا شنو؟؟ يا زول هييي.. سوق بهناك.. وخلي الدرب ده!!
كل الدروب بنغشاها و الغاية تمزيق للمحايا و الدساتير الغواية ..
ولا .. من دربي ده بجيب ليك عسكري المرور.. خليك في الشوارع العرضية.. ؟؟
المرور بتلخبط لما الذمم تتلخبط و اليقين يتبعثر و يتشتت و الصورة تبهت ..
والله خائفك بكرة تقطعي الكبري.. باقي لي كراضم ده أكان قطعها الكبري بكرة السوق كلُّو بكرضم..!!
سعداء بعودة الركشة.. ومتابعين بمتعة وانشراح!! بس لو محتاج لزيت.. وكدة نحن جاهزين!!
الله يجازي محنك يا زمن.. بس أصبر بكرة بنلقاك في مطب!!
الحبيب أبا حمزة سلام يا عريس ..
كدى بعدين امين بغشاك بيعرف ليهو صيدلية فيها زيت الأفوكادو .. كيف معاك ؟؟..
الله يبعد عنك و عننا المطبات و العماءات و ينور البصائر يا الزول السمح ..

أشرف صلاح السعيد
11-07-2010, 09:48 PM
الدمبشة ..الثانية..




خزعبلات : يااخوى النبى فيك "النبى فيك دى هسع معناها شنو؟" تسرع شوية ..ما دايرين الوقت يتأخر ..كراضم دا بعد المغرب بيكون مزحوم شديد خلااس..

امين : كراضم!! كراضم شنو يا اخت؟..مش قولتو ماشين دنابيش ؟..كراضم دى شنو كمان؟..

خزعبلات : يااخوى منو هسع الجاب سيرة كراضم؟.

هبالات : أجى يا بت أمى هسع دى ما قلتى كراضم؟..كراضم دا يااخوى الفكى الماشين ليهو..الرسول فيك "نفس السؤال" عجل بينا خلينا النلفاو قبل الزحمة..

امين : ماشين لفكى؟..يااخوات فكى شنو الماشين ليهو دا؟!!..

عباطات : الفكى الواااحد دا..الشيخ الشيخ..أجى يا بنات أمى!!..دنابيش ما عرفتها قلنا يمكن جديد ..بس الفقرا ديل اصلك ما سمعت بيهم؟؟

امين : عارف الفكى وعارف الشيخ وعارف الفقير..بس انتو ديل انتو ديل ماشين ليهو ليه؟..

خزعبلات : الناس بتمشى للفكى عشان شنو يااخوى؟..ما عشان يتم ليهم ناقصة ولا يعمل ليهم عمل يساعدن بيو..ما كدى؟..

اراد امين أن يتوقف وينزل النساء الثلاث ولكنه فكر لما لا يستعمل معهن الدعوة باللين لعلهن يهتدين ويؤجر بهن..

امين : طيب انتو هسع دى ماشين ليهو لشنو ؟..عشان يعمل ليكم شنو يعنى؟..

عباطات : انا راجلى اريتو بالطاوية حبالا "يعنى الموت للحناكيش وكدا" قال شنو داير يعرس فينى اليعرس ركبيه "يعرسم كيف ؟"..

امين : أها والباقين ماشين لشنو؟..

خزعبلات : إنتا يااخوى أسئلتك الزى التحقيق دى عشان شنو ؟.."هسع دى عرفت التحقيق من وين؟..ماتقولو من المسلسلات"..

امين : لا أبدا قلنا المشاور لسة فيو مسافة النتونس وكدا..ماتكونى اتضايقتى يااخت؟..

هبالات : انتى يا خزعبلات الراجل ما بتونس مالك عليو..أها أنا يااخوى دايرة الجنا معرسا ليا خمسة سنين وما ولدتا أهل راجلى أكلو وشى أكل وخايفهم يحرشو الراجل أجيب ليا ضُرا..

امين : الله يرزقك الزرية الصالحة يااخت ويحقق ليك مرادك..واختنا ما تكون زعلانة لسة من ونستى..

خزعبلات : والبزعلنى شنو؟..

امين : لا بس حسيت من ردك عليا زى الزعلتى وكدا حبيت اطمئن إنى ما مزعجك وكدا..

هبالات : خزعبلات دى يا ود العم مرة ملكة وقلوبا ابيض..البيسمعا بتتكلم بحرورية كدا بيتغش فيها ..بس هى يا سلام عليها مافى زول بيعرفا من قريب الا بحبها..

امين : يا سلام يااخ..هو غير المحبة بين الناس البيفضل شنو؟..

إرتاحت خزعبلات للوصف الجميل فى حقها رغم معرفتها بلا صحته..ولكننا هكذا إن شكرنا بما ليس فينا سعدنا وإن ذممنا بمافينا لم نرضى..سبحان الله فى أمرنا..خزعبلات : والله ياالاخو من أسئلتك الكتيرة دى وما أكذب عليك افتكرتك من الجماعة إياهم..

ياتو جماعة؟..هذا ما سنشاهده بالحلقة القادمة إن شاء الله..

بنت الرفاعي
12-07-2010, 02:14 AM
نرحب بعودة الركشة.:)

وفي إنتظار الحلقة القادمة.

مايسة
15-07-2010, 04:04 AM
النبي فيك

الرسول فيك

كلمات - دائما ما نستخدمها فعلا في احاديثنا

وبالذات النساء -

ضيف ليها خسمتك بالنبي (بالصاد - بالسين ) (الله اعلم)

بس حلفان هي -

- نسعد جدا بالشكر - وان كان كذبا -
- نغضب - من الذم - وان كان حقيقة وحقيقة ملموسة كمان

الدهنسة والتدليس - سمات منتشرة كثيرا - :(


مواصلين ومتابعين معك حكاية الشيخ - كراضم - ويدو الطايلة :rolleyes:

ونشوف الجماعة منو ديل :rolleyes:

أشرف صلاح السعيد
15-07-2010, 06:13 AM
دبل ميم مرام و مايسة سلاماتى و احتراماتى ..
هسع بنزل ليكم حلقة من الركشة مشان خاطر عويناتكم ..

و ركشة ركشة ركشا .. اوو ركشا
كلو حاجة إلا الدمبشا .. اوو ركشا ..

أشرف صلاح السعيد
15-07-2010, 06:19 AM
الدمبشة .. الثالثة..


امين : يا تو جماعة ديل يااختنا؟..


خزعبلات : الشابكننا المشى للشيوخ حرام..والبنايات حرام..والعلاج بالقرآن حرام والمشى للفكى حرام..هيى ما كلو زول مخّر فى نفسو؟..البمش النار دا بودوهو النار براو ولا بيقطرو معاهو الناس؟..وبعدين الناس الصالحييين ديل وبقرو فى القرآن وقتم دا كلو كيفن المشية ليهم بتبقى حرا؟!!..

امين : كدى واحدة واحدة يا اختنا..انتى هسع دى لخبتى الاكوام كلها فوق بعض..وبعدين الجماعة ديل زاتم منو؟..ما مسلمين؟..

خزعبلات : مسلمين بس إلا اسلامم دا جايبنو من وين ما بعرف؟..ما يانا مما قمنا بنتبرك بالصالحين وبيدعو لينا وبيسهلو لينا امورنا "استغفر الله العظيم من كل ذنبٍ عظيم"..

امين : طيب يا اخت كدى براااحة كدا.. هم مسلمين وانتى مسلمة وعشان الناس ما تختلف فى فهم الدين مفروض ترجع للقرآن وما وصى بيهو الرسول عليه أفضل الصلاة والسلام ما كدا؟..بعدين من وين كدا عرفتى إنو الفقرا ديل صالحين؟..

خزعبلات : أجى يا بنات أمى !!..ما هم صالحين..الناس ديل ما بصلوا وبيصومو وبيعلِّمو كمان للقرآن..وفاتحين مسيداتم دى 24 ساعة الغاشى والماشى بياكل فيها..دا ما صلاح ياولد أمى؟!!..وياهو دينم دا جابو من القرآن والاحاديس..

امين : والله الزول البيعمل الكلام البتقولى فيو دا تب زول مؤمن وما فيو كلام..بس كمان مافى ناس كتيييرا بتعمل نفس الشى والناس ما بتزورم وتتبرك بيهم..انا أكان عندى جدى أبو أمى الله يرحمو زول صدقة وصلاة جماعة وبقيم الليل ودارو دا بابو اصلو ما بتقفل فى وش زول أكان من ناس الحلة ولا عابر سبيل والناس ما كانت بتجى وتتبارك فيو..كانت بتسألو عن فتوى عن معنى آية وبتمش..والبدور يقعد يجاورو بيقول ليهو يا زول حق الضيافة تلاتا ايام وبعدا تتوكل على سيدك وتمشى تشوف اشغالك وتخلينا نشوف اشغالنا..

خزعبلات : والله أكان كدا انتا زاتك ولد صالحين..

امين : يااخت الايمان بيعملو الزول إذا ربو هداهو و ما بتورث؟..والتبرك بالزول ما احقا الناس تتبرك بالله وما تخلى بينا وبينو واسطة..هسع دى أكان صليتى فى وقتك وقريتى قرآنك واتصدقتى ما بتبقى زولة مؤمنة جد وتدعى لنفسك بدل التعب وحق الركشة والزحمة؟..

خزعبلات : وين لينا من الصالحين ديل يا ود أمى؟..انتا قايل الصلاح دا هيّن كدا؟..

امين : صعوبتو شنو يا اختنا؟..

خزعبلات : الصلاح دا ليهو ناسو..القداحتم بتتملى ببركتم..والبتنقضى طوااالى حاجتم..

امين : تعرفى يااخت الرسول عليهو أفضل الصلاة والسلام لما مات كان راهن درقتو ليهودى؟..وانو ما كان بياكل لحم بيومين ورا بعض؟..وانو كان مرات من شدة الجوع بيربط بطنو عليه أفضل الصلاة والسلام بحجر من شدة الجوع؟..أها الرسول دا الفقرا ديل احسن منو؟..

خزعبلات : عليه الصلاة والسلام..بس داك الرسول منو الزيو؟..وأكان جاع ولا ما جاع بركتو لاااحقا وما محتاج لقداحة ولا لغيرا..

امين : يعنى مالازم تعملى قداحة أكان ما عندك صاح؟..

خزعبلات : كلامك صاح يا ود أمى..

امين : أها باقى لينا الصلاة وقراية القرآن وديل مقدورات عليهمن ولا ما كدا؟..

خزعبلات : الصلاة بنقدر عليها وبنصليها..بس القرآن دا ما عندنا ليهو معرفة وقدرة..الواحدة بتقرا وبتمتم فوقو..

امين : أها ما بختك عديييل كدا..تعرفى البيعرف يقرا القرآن بسهولة ليهو حسنة والبيقراهو بصعوبة ليهو حسنتين؟..

خزعبلات : دا كلام شنو يا ودأمى!!..هسع قرايتى البتلتلا دى أخير من قراية الفقرا؟..

امين : الفقرا ليهم حسنات القراية السمحة حقتم..وانتى عندك حسنات القراية و حسنات التعب كمان الفى القراية شوفتى ربك دا رحيم وكريم كيف وما بدور ليهو واسطة كيف؟..

عباطات : أها والمابتعرف تقرا كلو كلو تسوى شنو؟..انا ما قصدى انا عندى صاحبتن ليى يخربا ما بتعرف الالف من العصاية "صاحبتك برضو؟"..

امين : يا تتعلم يا تسمع القرآن اكان فى الرادى اكان فى التلفزيون..فى اذاعات وتلفزيونات كتييرة بس للقرآن اليومين ديل..

هل يقتنعن النسوة بما يطرح امين؟..هل يؤثر كلامه فيهم ايجابا؟..

هذا ما سنعرفه من الحلقات القادمة إن شاء الله مع:







ركشة ركشة ركشا..اوو ركشا
انحنا ما مختصين .. اوو ركشا
بس بنحاول نكون ناصحين ..اوو ركشا
عشان المحبة فى الله والدين..اوو ركشا..

مايسة
15-07-2010, 06:36 AM
تسلم والله استاذ اشرف

وياريت كل الناس أمين

- بالنسبة لصحباتي ديل أكيد حا يقتنعن بكلام أمين :)

قلته لي عباطات قالت جارته :cool:

أشرف صلاح السعيد
17-07-2010, 03:48 AM
تسلم والله استاذ اشرف

وياريت كل الناس أمين

- بالنسبة لصحباتي ديل أكيد حا يقتنعن بكلام أمين :)

قلته لي عباطات قالت جارته :cool:
الله يسلمك من كل شر اختنا مايسة و يجعلنا جميعا ممن يستمعون للذكر فيتبعون أحسنه ..
فى ناس كدا أكان إقتنع الديك هم برضو برة الشبكة .. الله يهدى الجميع لما يحب و يرضى ..
عباطات بالنسبة لعشوشة و كدا ..

أشرف صلاح السعيد
17-07-2010, 07:18 AM
الدمبشة .. الرابعة..


فاصل اعلانى



دى الخلطة ياناس دى الخلطة وجلطت الناس جلطة يا ناس
ديل ستة ياناس ديل ستة والخمسة من حتة يا ناس
دا عرمان ياناس دا عرمان ومن هسع نزل بيان يا ناس
دا البشير ياناس دا البشير بقى ما مشير يا ناس
دى فاطمة ياناس دى فاطمة جات للقوامة شاطبة يا ناس
دا عبدالعزيز ياناس دا عبد العزيز مجهز تجهيزيا ناس
دا نيال ياناس دا نيال كان بنفس المجال يا ناس
دا الصادق ياناس دا الصادق جا تالت مارق يا ناس

خزعبلات : يااخوى القرآن دا أكان ما قروهو كدا وش لوش وزى مابيقولو ناس التفلزيون على الهوا مباشرتن مابكون نتيجتو مضمونة..


امين : "استغفر الله العظيم بسره" ..يا أختنا دا كلام شنو دا البتقولى؟..القرآن دا بركتوا لا بتقل ولا حاجة إذا الزول أنصت واستمع ليهو ..


عباطات : لا يااخوى قراية الفكى عاد شى تانى..والله ساعة ما يقرا كدا الساعة الواحدة جسما كلو يكلب ويقوم..قرايتو عاد ما قراية هى..


هبالات : والله ختفتى الكلام من خشمى يا عباطات..ولا العجب لما يطلق ليك البخور ويرمى المحاية دى فيو..عاد ما جو تانى الواحد لما تجيهو خوفة ورهبا..


امين : ايوا..خوفا ورهبا..شفتو دا زاتو بيورى انو فكيكم دا زااتو ما بيقرا قرآن..


خزعبلات : "منزعجة" .. كيفن الكلام دا ؟..أكان ماسامعينو بإضنينا!!..مخيّر الله فيك ..أكان الفكى ما بيقرا قرآن منو البيقرا تانى!!..


امين : صبرك يااختنا..إنتو ما عارفين ذكر الله بيهو القلوب بتطمئن؟..


خزعبلات : ونعم بالله..عارفين..


امين : كيف طيب الفكى لما يقرا الواحدة بتحس بالخوف وبتفزع؟..ما اتفقنا ذكر الله دا بيهدى النفس وبيرحا مش بيعمل العكس؟..


هبالات : صحى ليه بنخاف وقلب الواحدة بيدور يفر من مكانو يااخوانا؟..


عباطات : دى ما مخافة الله يا انتى..


خزعبلات : بالحيل..ياهى مخافة الله..


امين : مخافة الله بتجى للواحد لما يقرا القرآن بتكون دموع..خوف من العذاب..شكر لنعم الله وما بتكون خوف من الدخان واحساس بإنو واحد من الخدام يظهر..ما كدا "موجه حديثه لهبالات" إنتى يااختنا مش بتكونى خايفة من شى يظهر فجأة؟..


هبالات : والله الكضب شين..آييا يا ود العم..بشعر كدا من الضلمة والبخور وهمهمات الفكى بخوف ورعب يحضرو خدامو ما أصلو بيقولو الخدام ديل شكلم مخيف..


وبأثناء الحديث يغلب على أحد ايطارات الركشة حمل ما يحمله من النساء الممتلئات فينفجر محدثا صوتا مجلجلا..


خزعبلات : سماح سماح يا الأسياد..السموحة السموحة ياأسيادنا..


هبالات وعباطات : "بنفس واحد"..السموحة السموحة ياأسيادنا..


ويحاول امين السيطرة على الركشة ولكن هيهات له وتأبى إلا أن تخرج من الردمية لتنقلب..

ماهى أضرار الحادثة؟..هذا ما سنتابعه إن شاء الله بالحلقة القادمة..

بنت الرفاعي
18-07-2010, 02:32 AM
دبل ميم مرام و مايسة سلاماتى و احتراماتى ..
هسع بنزل ليكم حلقة من الركشة مشان خاطر عويناتكم ..

و ركشة ركشة ركشا .. اوو ركشا
كلو حاجة إلا الدمبشا .. اوو ركشا ..

تسلم يا أخوي:)، وتسلم عويناتنا;).

أشرف صلاح السعيد
29-07-2010, 03:58 AM
تسلم يا أخوي:)، وتسلم عويناتنا;).

الله يسلمك يا مرام .. و تسلم عويناتكم و كل بصائركم و بصائرنا ..
و يهدى الكل و خسوسا ناس ديلك و يجعل كلامنا خفيف ..

أشرف صلاح السعيد
29-07-2010, 03:59 AM
الركشة..الدمبشة..الخامسة..

عباطات : الليلة وووب الليلة وووب ..الليلة ما متى يا عباطات وماشفتى للدنيا شى..

هبالات : "بنفس التوقيت"..وووب علىّ وووب علىّ..الليلة ووووب ..حيّى وووب حيّى وووب..

خزعبلات : عرقى إنقطع الليلة عاد..عرقى إنقطع..عرقى إنقطع .."شنو سر النسوان فى التكرار؟"..

وكان المشهد لا يسر عدو ولا حبيب..الركشة ملقية على جانبها ..امين بالامام قد إتكأ على جانبه الأيمن على الأرض ولازال بداخل الركشة..خزعبلات بالخلف ومن فوقها هبالات فعباطات متداخلات فى بعضهن لا تدرى قدم من تلك أو أى توب ترتدى كل منهن..يخرج امين من الركشة اولا ثم يعينه بعض المارة من استعدال الركشة..

خزعبلات : يا أبكراضم ألحقنا الليلة وأنجدنا الليلة..وزى ما ظهرت بيانك فى سواق الركشة نجينا "استغفر الله العظيم"..الليلة وووب يا عرقى الإنقطع..
امين : يا مرة اذكرى الله واستغفرى..عرق شنو دا الإنقطع دا؟..

خزعبلات : كتلتنا ولسة فى سواتك؟..عرق شنو ؟..ما شايف الدم المغطى توبى دا..الليلة يا خزعبلات نهاية عمرك سببا ركشة وسواقن ما بخاف الله!!..

امين : استغفر الله العظيم من كل ذنب عظيم..يا مرة دم شنو؟..دا زيت الفرامل قولى بسم الله..مافيك عوجة واذكرى الله..

وفى هذه الأثناء كانت هبالات تجرى بلاهدى فى الخلاء فلحق بها امين ..

امين : يا زولة ماشى وين؟..

هبالات : ماشة لناس أبوى تمشى معاى؟..

امين : يازولا قولى بسم الله ناس ابوك ديل ما فى الخلا دا..

هبالات : اهنديلك يا هم..انتى اعمى ما بتشوف؟..

ويستدرك امين بأن هبالات فى صدمة بعد فاصل الولولة فيصفعها على وجهها ولا أدرى ما سر الكف البرجع الناس ادراج التعقل..

هبالات : ضاربنى ليه يضربك الضريب شقاق العناقريب؟..والله الليلة ما أخليك..

امين : دى شبكة شنو دى الليلة دى "فى سره"..يا اخت انا ما ضربتك سااكت يااخى انتى من شوية كنتى جارية سااكت وقلتى كمان ماشة لناس ابوك..

هبالات : داير تعملنى انا المانصيحة؟..ما نصيح انتا..ناس ابوى هسع البجيبن هنا شنو الله يرحمن..تقلب فينا وكمان نازل فينا تكفت!!..هو شنو زاتو القلبنا غير كلام الفى الصالحين؟..

امين : يااخى معليش وحقك على ..بس والله لما ضربتك عشان ارجعك من صدمة القلبة..والقلبة يااخت دى مقدر من صاحب القدر..لا شيوخك ولا غيرم إن ما قدر الله يقلبنا ما بيقلبونا..استغفرى واذكرى ربك..

ثم يعود امين بهبالات الى موقع الحادث ليجدا عباطات فى إغماءة دون حراك..

يتبع إن شاء الله..

واصل
29-07-2010, 12:42 PM
الاخ صلاح يامميز الموضوع حاجه حلوه كتر من الملح

مايسة
30-07-2010, 08:06 AM
هبالات : داير تعملنى انا المانصيحة؟..ما نصيح انتا..ناس ابوى هسع البجيبن هنا شنو الله يرحمن..تقلب فينا وكمان نازل فينا تكفت!!..هو شنو زاتو القلبنا غير كلام الفى الصالحين؟..






ههههههههه

غايتو دي ابدعته فيها -

بانتظاار عباطات النشوفه ماله :)

أشرف صلاح السعيد
05-08-2010, 06:19 AM
الاخ صلاح يامميز الموضوع حاجه حلوه كتر من الملح
سلام أخى واصل ..
يا زول ملح فى السخانة دا بجيب وجع كلاوى ..
سعيد بطلتك يا حبيب..

أشرف صلاح السعيد
05-08-2010, 06:23 AM
ههههههههه

غايتو دي ابدعته فيها -

بانتظاار عباطات النشوفه ماله :)
سلام مايسة ..
أسعد الله كل أيامك وهداهم الله و هدانا..

أشرف صلاح السعيد
05-08-2010, 06:24 AM
الركشة..الدمبشة..الخامسة وى نص..

عباطات : ووب عليا وووب عليا الراجل كفتنى وكتل هبالات..ألحونا يا ناس ألحقنا يا أبو كراضيييييييييييم بيّن بيانك الليلة..وووووب يا هبالات اليا الماشفتى للدنيا شى وفطستى الليلة فى ركشة..

أحد المارة : يا مرة روقى ..أختك دى غمرانة ما ميتة..أذكرى ربك واستغفرى..

خزعبلات : ودونا الإستبالية ..برى برى ودونا لأب كراضم ودونا ليو..

أمين : لا حولا ولا قوة إلا بالله ..بنوديك بس كدى أهدأى وخلينا النفوق أختكم دى الأول..

عباطات : تفوقا كيييف تفوقا كييف؟؟..خلاص كتلتها خلاص ماتت ..هو البموت بيرجع تانى؟؟..

وفى هذه الأثناء يتناول أمين بعض ما تبقى من ماء بقارورة كانت بالركشة وجدها ملقية نتيجة الإنقلاب ونضح به وجه هبالات لتستفيق..

هبالات : أنا وين؟؟.. الله الناس السمحين ديل منو؟؟..

عباطات : ووب عليا ووب يا هبالات يا الفقدتى وما رجعتى..

أمين : يا مرة أبعدى منها وبطلى السكلى بتاعك الفى الفاضى والمليان دا خلى المرة التشم الهوا..أصلو مشواركم دا من الأول قلبى ما كان مرتاح ليو..

خزعبلات : إنتا القلبك الما أرتاح ليو ؟؟..ولا أنحنا الخلانا نركب مع زول بيتكلم فى الصالحين شنو؟؟..الحصل دا ما ساااكت..أب كراضم يلحقنا وينجدنا ما عايزك تصلو..

امين : طيب ما عايزنى أصلو إنتو مالو قلبكم معاى وقطع ليك عرقك الكنتى بتولولى بيو؟؟..يا مرة استغفرى..

خزعبلات : يا راجل إنتا ما بتوب ؟..عايزو يعمل فيك أكتر من كدا شنو؟..يطرشق ليك ركشتك عشان تآمن؟..

امين : استغفر الله العظيم من كل ذنبٍ عظيم..يااخت أتوب من شنو؟..

عباطات : هووى يا خزعبلات يااختى الراجل دا الفى راسو فى راسو ..ما تضيعى لينا الزمن خلينا النمشى مشوارنا..الدنيا اتأخرت والحمد لله ما فينا شى وأهندى هبالات شافت الناس شينين تانى..

هبالات : مالكم فوقتونى؟؟..ما كنتو تخلونى فى الأنا فيو..يلا يا اخونا ودينا مشوارنا ما عندنا قروش نركب من الحتة المقطوعة دى..

يتفقد امين الركشة ليجدها لازالت صالحة للمسير وينفض جمع المارة وتهندم النساء حالهن ويركبن من جديد الركشة على مضض وخصوصا خزعبلات..

يتبع إن شاء الله..

مايسة
05-08-2010, 07:33 AM
أستاذ اشرف - كدي راجع حكاية عباطات وهبالات دي تاني :o:cool:
مش في تبديل في الادوار