الركشة..

[أشرف صلاح السعيد]

نسبة للفشل الزريع لقصة الحافلة وعدم مجاراتها لسرعة رزم إيقاعات العولمة..
قريبا جدا مسلسل الركشة بمنتديات ودمدنى..

فاصل إعلانى..:confused:

الركشة .."أغنية..

ركشة ركشة ركشا......اوو ركشا
ركشة ركشة ركشا......اوو ركشا
انحنا مامساطيل .........اوو ركشا
نشخبط فى المنتديات..اوو ركشا
عشان تجينا كشات.....اوو ركشا

[درديري كباشي]

في انتظار ركشتك لكن ليه فطيت الامجاد من حافلة لركشة مره واحدة

[فراس]

لكن يااشرف بقيت زي القنوات السودانية
الدعايات اهم من البرنامج ...طيب منتظرين
المسلسل وماتكتر الدعايات

[أشرف صلاح السعيد]

في انتظار ركشتك لكن ليه فطيت الامجاد من حافلة لركشة مره واحدة

يااخوى عايز ابقى عصامى وابدأ من تحت..لغاية ماأصل اللورى حل بيا مرورا بنيسان بورتسودان فعبارة السلام..
الامجاد القصة الجاية..وبعدا الهايس..

[أشرف صلاح السعيد]

لكن يااشرف بقيت زي القنوات السودانية
الدعايات اهم من البرنامج ...طيب منتظرين
المسلسل وماتكتر الدعايات

ماعشان الموضة قالو كدا..كل ماكترت الاعلانات معناها نسبة المشاهدة عالية وانا عايز اعمل توم وشمار للركشة..
وبعدين مايمكن الدعايات دى تجر ليها دعايات تانية والقشة تبقى معدن وتنفتح لينا سبوبة..
عولمة وكدا يافراس اخوى..

[الملكة اسماء ( ام محمد )]

اول مشوار بالله
ابارك ليكم الركشة ومنها اعمل لي مشوار مجان والباقي بالتقسيط :p:D:p

[أشرف صلاح السعيد]

الحلقة الاولى..
(بوليس الحركة)


وقف امين بمحطة اول الخط مهموما شارد الذهن..يفكر فى كيفية تسديد باقى اقساط الركشة..نعم لم يتبقى الا خمسة اقساط ولكنها لازالت دين على عاتقه..يصبر نفسه بما خطه بموخرة ركشته (الرزق على الله)..(وفى السماء رزقكم وما توعدون)..هجس وانشغل بالسعى برغم ذلك اليقين بما كتب..يالغرابة الانسان..يدرى بأن الرزق بيد يد الله ويكتب ذلك وبرغمه يحمل الهموم حين تذكر حصار متطلبات الحياة له..امين شاب بسيط مكافح متعلم بل وخريج جامعى..لم يدرك وظيفة حكومية لأن أمره لا يعنى الكثير من الملتحين من المدراء ..وحتى القطاع الخاص وجد نفس اللحى وكثير من عبدة المادة منهم ومن غيرهم..يريدون موظف يبيض ذهبا لا خريجا يتعلم ويتدرب ليملأ فراغ منصب ما قد ينجح به او لا..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ

فاصل إعلانى...

توكيلات البختوهو فوق الزير للإستيراد..
تعلن شركة البختوهو فوق الزير عن وصول رسالة جديدة من الركشات..
الشركة تقوم بكل التراخيص ومافى داعى للزوغة من البواليس..
ركشات مختلفة الأنواع والأشكال ..
والجديد لنج..الركشة البرمائية لمجابهة الأمطار الموسمية..

ركشة ركشة ركشا..اوو ركشا

مع تحيات أخو الكباية الكبير..

اوو ركشا..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

حافظ: وين يافردة سارح؟ شنو جاك مرض حامد ولا شنو؟


امين: مرض حامد!! والله شكلك فايق ورايق..الزيى بجيهو مرض حامض..مرض جامد ..مرض حامد شنو البجينى..حامد ومرضو منو الفاضى ليهم عليك الله؟


حافظ: امك..شنو يافردة مالك ؟ الحاصل شنو؟ خير الليلة اصلك مابراك..القصة دى عايزا ليها كباية شاى متينة..نشربا ونسمع حكايتك المزهجاك براااحة..


امين: ماقلت ليك انك فايق ورايق..المحاصراو ديون الركشة الماعايزا تخلص دى بجيو مزاج يشرب شاى؟ الشهر قرب يخلص والقسط ماعايز يتم..الواحد خلص والاقساط ماعايزا تخلص..من صباح الرحمن رابين الركشة لما تضلم والواحد ضهرو اتخشب من القعدة والدقداق غير بواليس الحركة التقول مشاركننا..وتقول لى مرض حامد!!

حافظ: يازول قول بسم الله..شنو الجديد ماياهو دا الحال..شنو الجدا؟


امين: الحال ياريت زى الحال..الركشة كانت جديدة وغير كب البنزين والزيت ماكانت بتحتاج شى تانى..هسع بين المشوار والمشوار عايزا قطع غيار..

حافظ: يازول هونا بتهون وخليها على ربك..


امين: ونعم بالله..بس الظروف بقت اصعب ياحافظ يااخوى وماشا على وين الواحد ماعارف..


حافظ: كدى يلاكا نضرب الفطور ونتفاكر فى الموضوع..

امين انا فطرت..اتسهل انتا افطر وبعدين بلاقيك فى اخر الخط انا دورى شايفو جا..

لم يفطر امين ولكن تحرج ان يفصح عن ذلك..اصبح يأكل مايجد عند خروجه من منزلهم حتى يتمكن من سداد القسط ..التقشف اصبح صديقه بآونته الأخيرة..أصبح يأكل نصف الوجبة أو أقل..وكل مايهمه أن تمتلأ بطون ناس البيت..والده موظف صغير لا يكفى راتبه لتموين الشاى والسكر ووجبة فول مرة باليوم..كيف إستطاع هذا الرجل تعليم اولاده لا يستطيع احدا الرد وحتى هذا الرجل نفسه..الله كريم ..هى الجملة التى أعانة حاج عوض والد امين ومئات مثله للإستمرار بحياة لا ترحم الفقراء والموظفين..

يتبع.........

[ابوخالد]

والله ركشتك عينه ....

إستريو ... وسطلة .... وبهرجة ...وهجه ...

لكن ياأخوى ... الغنية دى لى علاقة مع القميص الليمونى

والبنطلون البنبى ....

لكن والله أبوك ماخاتى عليك كان داير يتبرأ منك ... ( حسب التصريح السابق ) ..

أسرع لينا شوية فى قصة الركشة دى .... عشان حاجزين المشوار التانى ...

والملح كتر منو ....

مع إحترامى الشديد ... أخى وصديقى وزميلى ... ود صلاح سليل الصلاح ...

ورمضان كريم

[الملكة اسماء ( ام محمد )]

امين: الحال ياريت زى الحال..الركشة كانت جديدة وغير كب البنزين والزيت ماكانت بتحتاج شى تانى..هسع بين المشوار والمشوار عايزا قطع غيار..




حُلم يراود الكثيرين من ميسوري الحال
مشروع يقال بانه ناجح
ولكن اعباء مابعد الايام الاولى للمشروع الحُلم تحوله لكابوس مزعج يُرهق العقل والجيب
الله كريم على الغلبان

واصل يامُبدع متابعين

[أشرف صلاح السعيد]

اول مشوار بالله
ابارك ليكم الركشة ومنها اعمل لي مشوار مجان والباقي بالتقسيط :p:d:p

ياملكة يااختى مادا زاتو البفشل المشاريع المعيشية..عايزا تملحى من قولة تيت..الراجل عليو أقصاد وكدا خلى اليحلها وبعدين ربك يسهل..
يعنى تقسيطك دا يمشى بكشفو لناس البنك ولا كيف؟
غايتو انا بتفاهم ليك مع امين يعمل بيك لفة كدا يسخن بيها الركشة..

[أشرف صلاح السعيد]

والله ركشتك عينه ....

إستريو ... وسطلة .... وبهرجة ...وهجه ...

لكن ياأخوى ... الغنية دى لى علاقة مع القميص الليمونى

والبنطلون البنبى ....

لكن والله أبوك ماخاتى عليك كان داير يتبرأ منك ... ( حسب التصريح السابق ) ..

أسرع لينا شوية فى قصة الركشة دى .... عشان حاجزين المشوار التانى ...

والملح كتر منو ....

مع إحترامى الشديد ... أخى وصديقى وزميلى ... ود صلاح سليل الصلاح ...

ورمضان كريم
حبيبنا ابوخالد عوافى..
قميص ليمونى وبنطلون بنى مابقتنى شجرة ليمون عديل كدا..
يازول بعد الاغتراب اخوك بقى شيك بنطلون بوقى كسر ورا وقدام وبرتقالى وقمصان برادعى تطشش بالناس "ابو الاناقة زاتا"..
ملح شنو يااخوى الراجل عليو اقسااااط ..ياناس ماتخلو فى قلبكم رحمة اقساااط..
مع احترامى الشديد أخى وحبيبى الباش الديما باش وبيتو مفتوح للخاش ودمو اخف من ود نفاش..

[أشرف صلاح السعيد]

حُلم يراود الكثيرين من ميسوري الحال
مشروع يقال بانه ناجح
ولكن اعباء مابعد الايام الاولى للمشروع الحُلم تحوله لكابوس مزعج يُرهق العقل والجيب
الله كريم على الغلبان

واصل يامُبدع متابعين




ملكة القلوب طالما تواجدتم فالرحلة مستمرة ان شاء الله والالتقاء حول الفكرة هو سبيلنا ومخرجنا من جنون الافكار المفروشة على ارصفة القطاع العام والخاص..
ولايأس مع الحياة وغدا ستغرد كل العصافير..

[فراس]

واصل يامبدع واحكي عن واقع
معاش ويقع فيه الكثيرين من اصحاب
الشهادات ولايجدون حتي مايكفي لوجبة
واحدة ويهديهم تفكيرهم الي طرق سبل
البنوك والاقساط عسي ولعل
ينصلح الحال ولكن ماخفي اعظم ؟؟؟
حضور ومتابعة لروائع ابواشرف

[أشرف صلاح السعيد]

واصل يامبدع واحكي عن واقع
معاش ويقع فيه الكثيرين من اصحاب
الشهادات ولايجدون حتي مايكفي لوجبة
واحدة ويهديهم تفكيرهم الي طرق سبل
البنوك والاقساط عسي ولعل
ينصلح الحال ولكن ماخفي اعظم ؟؟؟
حضور ومتابعة لروائع ابواشرف

حبيبنا فراس عوافى..
طالما انت متابع فسأحكى وأحكى وتكفينى جدا متابعتك الكريمة..
شكرا لحضوراتك الدافعة والمشجعة للبوح..

[الملكة اسماء ( ام محمد )]

ياملكة يااختى مادا زاتو البفشل المشاريع المعيشية..عايزا تملحى من قولة تيت..الراجل عليو أقصاد وكدا خلى اليحلها وبعدين ربك يسهل..


ماساءة اخرى
المجاملة التي تتربص بالمشروعات الوليدة
دائما مانجد صاحب الركشة او التاكسي يعاني الامرين من الاهل والجيران
( هي يافلان عليك الله ماتقدمني معاك ) وحياتك التقديمة تتحول لمشوار ( ملحة )
وصاحبك يقضيها مجاملات وصاحبي وصاحبك ( وعلي يمين ماتدفع , يازول هااااا نحن اخوان ياااااااخ )
عشان كدا يازول ركشتك دي اديها ولد مضمون يجيب ليك التوريدة كل اخر يوم ( وشيل شيلتك لو اديتها واحد قايل نفسه سايق في شوارع حرير , يورم قلبك وكل يوم عطلان في حتة )
الله غالب

[درديري كباشي]

ماسي تقتل طموح الشباب وتهدر طاقتهم في عمل غير مجدي ولا يساهم في الناتج القومي للبلاد .. انا ما حاضر استخدام الركشة في السودان وكنت متشوق الى ان نزلت السودان اول مره في عام 2006 لاول مره اكتشفت انه الركشة اصلا غطت الخطوط العرضية التي كان الناس عادة يمشونها على اقدامهم ... اذا هي حتى ساهمت في تعطيل الناس وكسلهم .. حتى انه الركشة كانت تنقل الناس من موقف مواصلات الى موقف اخر لانها ممنوعة من عبور الكباري ..

لذلك الركشة هي رمزا من رموز العطالة المقنعة...


اشرف هذا جانب او واجهة من مكعب قصتك الواقعية الجميلة ... واصل

[ود الجعلي]

امين: ماقلت ليك انك فايق ورايق..المحاصراو ديون الركشة الماعايزا تخلص دى بجيو مزاج يشرب شاى؟ الشهر قرب يخلص والقسط ماعايز يتم..الواحد خلص والاقساط ماعايزا تخلص..من صباح الرحمن رابين الركشة لما تضلم والواحد ضهرو اتخشب من القعدة والدقداق غير بواليس الحركة التقول مشاركننا..وتقول لى مرض حامد!!


فعلا" مرارة العيش وقساوة الحياة تقود الى ما لا يحمد عقباه

...لكن نحمد الله على اليقين والمهلة ...

تعابة غلابة كادحون عبر السنون الطويلة
باحثون عن اللاشيء
فتات وسبات
يجملون حياتهم التعيسة
بالفطور وكباية الشاي المتينة
بملاحقة السلطان الجائر لهم
يجملون حياتهم بهذه الانوار الزاهية
والاغاني الصادحة والبناطيل الملونة
يجملون حياتهم باحساسهم وحكاويهم لبعض
بفضح اسرارهم الدفينة لبعض
بالتواصل وتوارد خواطرهم البريئة لبعض
مساحات لديهم من النقاء
مساحات لديهم من البراءة
لا يعلمون ان بلادهم قد بيعت في مزادات
والجشعين قد شربوا نخبهم

[المكاشفى]

بله ود عشه وينو بله راكب الركــــــــــــــــــــــــــشه
وينو بله
دق الرقم خش
وينو اشرف
الله يعين امين السودانى على الفلس العلانى
ويفك ضيق كل مكروب
اللهم انزل الغيث


اسى الجاب الغيث شنو؟؟؟؟؟
كيف عاد الجابو شنو
اين ماوقع نفع

مشكور اشرف اخوى
واصل وكتر فى الفواصل لزوم البهرجه

كشه

[أشرف صلاح السعيد]

ماساءة اخرى
المجاملة التي تتربص بالمشروعات الوليدة
دائما مانجد صاحب الركشة او التاكسي يعاني الامرين من الاهل والجيران
( هي يافلان عليك الله ماتقدمني معاك ) وحياتك التقديمة تتحول لمشوار ( ملحة )
وصاحبك يقضيها مجاملات وصاحبي وصاحبك ( وعلي يمين ماتدفع , يازول هااااا نحن اخوان ياااااااخ )
عشان كدا يازول ركشتك دي اديها ولد مضمون يجيب ليك التوريدة كل اخر يوم ( وشيل شيلتك لو اديتها واحد قايل نفسه سايق في شوارع حرير , يورم قلبك وكل يوم عطلان في حتة )
الله غالب

فعلا انحنا مجتمع مترابط وجميل بس مشكلتنا عندنا بعض الشتارات مرات..تلاقى الواحد عمل دكان بطرف بيتو وبعد شهر يقفلو لأنو اكتشف انو مادكان ..لكنو كان مخزن تموين خارجى لناس البيت..
التفريق مابين العلاقات الخاصة والعمل هم آخر من همومنا..الكيمان متلخبطة والواقع المرير بخلى الناس تتنازل عن قيم إضطراريا وإختياريا..
الله يعين والحال يستقيم والشباب يلقى فرصو الحقيقية لبناء نفسه وعازة ونودع المهن العطالة والمهن البطالة..

[أشرف صلاح السعيد]

ماسي تقتل طموح الشباب وتهدر طاقتهم في عمل غير مجدي ولا يساهم في الناتج القومي للبلاد .. انا ما حاضر استخدام الركشة في السودان وكنت متشوق الى ان نزلت السودان اول مره في عام 2006 لاول مره اكتشفت انه الركشة اصلا غطت الخطوط العرضية التي كان الناس عادة يمشونها على اقدامهم ... اذا هي حتى ساهمت في تعطيل الناس وكسلهم .. حتى انه الركشة كانت تنقل الناس من موقف مواصلات الى موقف اخر لانها ممنوعة من عبور الكباري ..

لذلك الركشة هي رمزا من رموز العطالة المقنعة...


اشرف هذا جانب او واجهة من مكعب قصتك الواقعية الجميلة ... واصل

الركشة والفرشة والسمسار الخشا كلهم بقو زى ونسة ناس اضان الحامل طرشا..
للركشة دور ايجابى بالحياة ..اقلاه إنها عملت موازنة وثبتت سعر المواشير والمشاوير لبتاعين التكسى الكانو ماليهم كبير..عرفو حاجة وبقو بيعرفو المعقول..
بس وحاتك حوادثا كتيرة وقلباتا زى افلام الهنود الاكشن مرة بالبضيئ ومرة بالسريع ..
العطالة المقنعة تعددت وتنامت وتوغلت وانتشرت تحت مسميات وللأسف الشديد لها مدافعين وطبالين ومترافعين وبواسين..........
بكرة بتحلى ياابوالدر وخلينا الننقنق يمكن نقنقتنا يكون فيها صدى حقيقى..

[أشرف صلاح السعيد]

امين: ماقلت ليك انك فايق ورايق..المحاصراو ديون الركشة الماعايزا تخلص دى بجيو مزاج يشرب شاى؟ الشهر قرب يخلص والقسط ماعايز يتم..الواحد خلص والاقساط ماعايزا تخلص..من صباح الرحمن رابين الركشة لما تضلم والواحد ضهرو اتخشب من القعدة والدقداق غير بواليس الحركة التقول مشاركننا..وتقول لى مرض حامد!!


فعلا" مرارة العيش وقساوة الحياة تقود الى ما لا يحمد عقباه

...لكن نحمد الله على اليقين والمهلة ...

تعابة غلابة كادحون عبر السنون الطويلة
باحثون عن اللاشيء
فتات وسبات
يجملون حياتهم التعيسة
بالفطور وكباية الشاي المتينة
بملاحقة السلطان الجائر لهم
يجملون حياتهم بهذه الانوار الزاهية
والاغاني الصادحة والبناطيل الملونة
يجملون حياتهم باحساسهم وحكاويهم لبعض
بفضح اسرارهم الدفينة لبعض
بالتواصل وتوارد خواطرهم البريئة لبعض
مساحات لديهم من النقاء
مساحات لديهم من البراءة
لا يعلمون ان بلادهم قد بيعت في مزادات
والجشعين قد شربوا نخبهم

ود الجعلى ربك مارحيم ولطيف بعبادو..يقفلو باب يفتح الف باب..
والحلم والسعادة لو كان ليهم شكل وطعم وتقييم واحد لمات الفقراء والاغنياء سواء..
لاتكن متشائما حبيبنا فلنتفاءل ولنعمل جميعا لإستجلاب الأمل ولو بكلمة او حتى نية ودعوة قلبية..فالتغيير لا يأتى بالتشاؤم والاستسلام لبعض عباد الكراسى والسلطان..
الدعوة تغيّر..الكلمة تغيّر والعمل السلمى يغيّر وحتى دخول الغابة يغيّر..وحمانا الله شر الغابة وقاطنيها..
من شرب نخبا اليوم تأكد سيتجرعه غدا حيا او بعد الممات "وماربك بظلام للعبيد"..
وغدا ستغرد العصافير..

[أشرف صلاح السعيد]

بله ود عشه وينو بله راكب الركــــــــــــــــــــــــــشه
وينو بله
دق الرقم خش
وينو اشرف
الله يعين امين السودانى على الفلس العلانى
ويفك ضيق كل مكروب
اللهم انزل الغيث


اسى الجاب الغيث شنو؟؟؟؟؟
كيف عاد الجابو شنو
اين ماوقع نفع

مشكور اشرف اخوى
واصل وكتر فى الفواصل لزوم البهرجه

كشه

المكاشفى رمضان كريم عليك..
اللهم آمييييييييييييين..بالنسبة لإعانة كل فلسان وقحيط وعدمان ومهلهل الدلقان..ويفك الضيق عن الكريب والمكروب ويبعد الهوا المدمر وسخانة الهبوب..
والله يالمكاشفى طلتك زى النسمة خفيفة ومفيدة ولذيذة ..
الفواصل راقدة لكن بعدين عليك الطحنية والعيش وعلبة السجاير..
قلتا كيف؟

[أشرف صلاح السعيد]

الحلقة الثانية ..
(برضو بوليس الحركة)

الكمسونجى : يامين حرك يااخى ..تعال قدم لقدام افسح فرقا خلى الناس تلاقى مكان..

امين : حافظ بنتقابل بآخر المحطة وبنواصل كلامنا بعدين..

حافظ : ماش يافردة ..بس زى ماقلتا ليك هونا بتهون..

امين: شنو ياتعريفة الدنيا طارت!! وينم الزباين الواقفين طوابير؟

الكمسونجى: النظام ياابو الشباب..تعريفة دا واقف هنا كراع بنبر؟ قدم يافردة وانضبط خلينا نحلل رزقتنا..

امين : ماشى يامايسترو..ونشوف اخر نظامك دا بودينا وين..

بهذه الاثناء تقترب ثلاثة نساء ..أو قل إمرأتان وشابة..الأولى كبيرة بالسن بملامح سودانية حميمة..المطارق الثلاثة المتوازية بكل خد..وكما تقول حبوباتنا حلات الدمعة فى شلختا..شفتان مسودتان من أثر الدقة ..جسم ممتلئ بلا بدانة ..هى أم الشابة والأخت الكبرى للأخرى..أما الأخرى فهى المحامية المتأنقة بوقار..تحيطها هالة من الجدية والثقة..حسنة الملامح وطويلة القامة..أما الشابة فملامحها طقت عليها البراءة وجمالها..ليست فاتنة الوجهه بقدر جاذبيتها..لم تضع من مساحيق التجميل شيئا..إنما إكتحلت مقلتيها وحسب..تبدو فتاة لازالت تدرس بالجامعة..

الكمسونجى : الدور هنا ..الركشة السوداء..عجلو شوية يااخوات..

الام : ياولدى المهلة ماسمحا مالك مستعجل؟الدنيا طايرة!!

الكمسونجى : الحركة مابركة ياحاجة..والرزق بنادى ومحبوبى قصد عنادى وكدا..

امين : ياتعريفة روشتك دى اصلو مابتخليها..ياوالدة على مهلك وماتسمعى كلام الزول المرووش دا..اصلو هو كدا مستعجل بدون سبب..

الام : والله ياولدى انا ركوب الركشات دا مابدورو..لكن مخيّر الله البنات ديل جابراتنى عليها..ركشاتكن ديل حوادسم كترن وربنا يحفظنا عاد منهن..

امين : انتى الليلة اركبى معاى وشوفى تانى كان تركبى غير الركشة..

البنت : أمى خلينى أركب ليك أول عشان تقعدى بالطرف..

الخالة : وأنا بركب بالجهة التانية..

الكمسونجى : نظام والله كلام..ايو كدا ..دا الشغل..

تخطيط عفوى فطرى..الجميع سهل للأم ركوبها غريزيا..كل من الشابتين لعبت دورها كأنه دور مكتوب بنص ما..ماذا لو عرف كل منا كيف يلعب دوره بعفوية وبساطة وإبتعد عن التعقيد ووصايته على مايجب أن يقوم به الآخر..ماذا إذا لعبت الحكومة دورها بشفافية والمواطن صمت قليلا عن أخطاء الآخرين وفهم دوره بالأنظومة..لتغيّر الكثير والكثير..

امين : تعريفة..بحاسبك لما ارجع يافردة..سلام..

الام : ياولدى النبى فيك سوق على مهلك الطريق دا كلو دقداق..ودرب السلامة للحول قريب..

امين : جدا ياوالدة..ماتشيلى هم ان شاء الله بتصلى بالسلامة..وماتفتكرى انى زى الكمسونجى متصربع..بس اهم حاجة تدينا دعوة ربنا يسهلا علينا..

الام : الله يبعد عنك شر الطريق ياولدى ويكتب ليك بكل خطوة سلامة ويرزقك من اوسع ابوابو ويغطى عليك..

امين : الله يديكى العافية ياوالدة..كدا الواحد يسوق بمزااج بعد دعواتك البركة ديل..اها السرعة دى كدا كيف ياوالدة؟

الام : ايا خليك ماشى كدا ياولدى..العجلة مامن الشيطان والتأنى فيو السلامة..

الخالة : غايتو يااخ الله يكون فى عونكم مع زولكم الفى الموقف..دا شنو دا ؟ خشمو مابيقيف وجنو نقة فى الفاضية والمليانة..

امين : ياأخت ماتشيلى فى خاطرك اصلو الزول دا حركتو كتيرة ونقتو كتيرة ..ماالنقة الحاجة الوحيدة البقت ببلاش فى البلد دى..

البنت : زمان كان بيقولو النسوان هم النقناقات..لكن رجال الزمن دا فاتوهم بهناك..

امين : الناس يااخت بقت معصورة وشايلا كتير..واهو بتنفس بالنقة..مادى الفاضلا ليهم..ولو مانقنقو والله بالزمن دا الا يطرشقو..


فاصل إعلانى..

وكالة الحسس اللذيذ..
تعلن وكالة الحسس اللذيذ بوجود باقة من الجكس النضيف..
باقة جديدة من المذذ لجميع الاغراض..اذاعة وتلفزيون..خيام رمضانية..شوارع النيل..
الحسس اللذيذ..توصيل الخدمات الى كل المنازل..
الحسس اللذيذ..مش حتقدر تغض طرفك..


وبينما الحوار مستمر..تصل الركشة الصينية التى توسطها عسكرى المرور بزيه الأبيض الغير ناصع البياض..الأتربة إتحدت مع عرقه لتصنع ذلك اللون الأسود بأطراف أكمامه وحول لياقته التى يحاول جاهدا الا تتسخ بوضع المنديل بينها وبين عنقه المتعرق..من ياترى من إختار الزى الأبيض لرجال المرور؟..أترى عند إتخاذ هذا الإختيار وقتها كانت الأجواء أكثر برودة..ألم تكن الشمس حارقة او لا توجد الأتربة التى عفرت كل جزيئات الهواء..لعمرى أعتمد هذا اللون لعكسه حرارة الشمس التى لامحال متغلغلة بدون أى إنعكاسات..ماضير إتخاذ لون فاتح ولكن لايظهر فيه الإتساخ بهذه الصورة المنفرة..
تنطلق صافرة تقطع كل الحوارات بكل المركبات بالصينية..والكل أحس بأن الصافرة له..المخطئ والبرئ..

العسكرى : أقيف يابتاع الركشة وأطلع من الشارع..

امين : خير ياجنابو ..فى شنو؟

العسكرى : الخير يجى معاكم كيف يابتاعين الركشات؟ ماشى ليى بمهلك زاحم الطريق..شنو إشتريت الشارع؟كدا اولن ادينى الرخص..

امين : (يخرجها من تحت شمسية الركشة)..إتفضل اهندى رخصتى..ودى رخصة الركشة واوراقا..

العسكرى : الاوراق دى مالا مبهدلة كدا..دى شوية وتتقطع..

امين : من كترت دخيلا وطليعا..مالا مابتتبشتن؟

العسكرى : شنو شايفك كمان معترض نشوف شغلنا..

امين : هو فى زول لاسمح الله بيقدر يعترض ولا يتكلم؟ إنتا سألتا وانا جاوبتا..

العسكرى : انتو بتاعين الركشات ديل غير الاعتراض والنقة ماعندكم شى..والمرايا دى مالا ملخلخة كدا..دى مخالفة ياابو الشباب..تعريض الطريق للخطر..

امين : ياجنابو مالا المرايا ؟ ماهدى مثبتة!!

العسكرى : يعنى انا كضاب؟ شوفا دى هسع مابتتحرك؟ دى هسع لو وقعت ليك فى حفرة مابتطير وتعوق ليها مشاه ولا تكسر ليها قزاز عربية؟

يتبع..........

[الملكة اسماء ( ام محمد )]

الحلقة الثانية ..


(برضو بوليس الحركة)



دى هسع لو وقعت ليك فى حفرة مابتطير وتعوق ليها مشاه ولا تكسر ليها قزاز عربية؟



يتبع..........



الله غالب
من تعب الغلابة عايشين
ومع كدا ماراضين
يستنوا الواحد على الغلطة
عشان يخلصوا منه قرشين
الله ليك يابلد ويامساكين
ومعاك يااستاذي متابعين

[أشرف صلاح السعيد]

الله غالب
من تعب الغلابة عايشين
ومع كدا ماراضين
يستنوا الواحد على الغلطة
عشان يخلصوا منه قرشين
الله ليك يابلد ويامساكين
ومعاك يااستاذي متابعين



ملكة القلوب عوافى..
ياخى شنو التفلية دى؟ يعجبنى كثيرا تحليلاتك ولكأنى كتبت القصة بمعيتك الكريمة..
سأكتب وأدعك لكى إستوديو التحليل ..فأراكى تعمقى الفكرة وتزيديها حلاوة وفائدة..
شكرا لكى..

[فراس]

الكمسونجى : الحركة مابركة ياحاجة..والرزق بنادى ومحبوبى قصد عنادى وكدا..

اشرف انا بديت اشك انك بطل القصة دي

البنت : زمان كان بيقولو النسوان هم النقناقات..لكن رجال الزمن دا فاتوهم بهناك..

البت دي صادقة والله



وكالة الحسس اللذيذ..
تعلن وكالة الحسس اللذيذ بوجود باقة من الجكس النضيف..
باقة جديدة من المذذ لجميع الاغراض..اذاعة وتلفزيون..خيام رمضانية..شوارع النيل..
الحسس اللذيذ..توصيل الخدمات الى كل المنازل..
الحسس اللذيذ..مش حتقدر تغض طرفك..

مادايرين مندوبين مبيعات


وبينما الحوار مستمر..تصل الركشة الصينية التى توسطها عسكرى المرور بزيه الأبيض الغير ناصع البياض..الأتربة إتحدت مع عرقه لتصنع ذلك اللون الأسود بأطراف أكمامه وحول لياقته التى يحاول جاهدا الا تتسخ بوضع المنديل بينها وبين عنقه المتعرق

هنا ابدعت عديييييل في الوصف وياهو حال
شرطي المرور

امين : (يخرجها من تحت شمسية الركشة)..إتفضل اهندى رخصتى..ودى رخصة الركشة واوراقا..

انا صدقت تب انك بتاع ركشة :mad:

اشرف
قمة في الابداع وتصوير جميل جدا جدا
واصل يامبدع

[الملكة اسماء ( ام محمد )]

البنت : زمان كان بيقولو النسوان هم النقناقات..لكن رجال الزمن دا فاتوهم بهناك..

البت دي صادقة والله



:rolleyes::rolleyes::rolleyes::rolleyes:
شهد شاهد من ........:):D:)

[فراس]

:rolleyes::rolleyes::rolleyes::rolleyes:
شهد شاهد من ........:):D:)


هووووووي ياملكة انا قاصد صادقة
في انو النسوان نقناقات والمقطع
الاخير من الكلام ماشفتو :eek::eek:

[أشرف صلاح السعيد]

اشرف
قمة في الابداع وتصوير جميل جدا جدا
واصل يامبدع

حبيبنا فراس سلام..
هو توزيع الحسس وانتشارم بدورلو مناديب؟!!!
والله الركشة حتى مابعرف اسوقا..لكن الواحد بيتعلما ويخليها خيار مابعد الكشة عشان السجع "كشة بعدا ركشة"..
لكن هو المامات ماشق المقابر؟
خليك قريب لانو طلاتك جد بتشجع الواحد على المتابعة..
يديك كل العوافى..

[أشرف صلاح السعيد]

:rolleyes::rolleyes::rolleyes::rolleyes:
شهد شاهد من ........:):d:)

شنو ياملكة القلوب الكلام قالتو البنية..انا دخلى شنو؟؟
والنقنقة الفاضية كان للراجل ولا للمرأة ماسمحة..وسيبى التعنصر ياشابة..

[درديري كباشي]

اشرف نصيحة:

قالو العندو ركشة ما يحاول يشغلها في امدرمان جهة ابوروف وبيت المال ... السبب قالوا الحي ملان كلاب والكلب بيسك الركشة ويدخل خشمة ناحية كرعين الناس تجد سواق الركشة والركاب كلهم رافعين رجليهم مما يفقد الركشة توازنها وانقلابها ..


نصيحة ثانية .. الركشة لازم تعمل لها فتحات جهة الرجلين تستخدم ايام السيول والامطار لانه الركشة ما ممكن تخوض الموية فيجب ان ينزل السائق رجلية بالفتحة مع الركاب ويشمروها ( اي الركشة) ويخوضوا بها الموية

[محمد حسين (المميز)]

فاصل إعلانى..

وكالة الحسس اللذيذ..
تعلن وكالة الحسس اللذيذ بوجود باقة من الجكس النضيف..
باقة جديدة من المذذ لجميع الاغراض..اذاعة وتلفزيون..خيام رمضانية..شوارع النيل..
الحسس اللذيذ..توصيل الخدمات الى كل المنازل..
الحسس اللذيذ..مش حتقدر تغض طرفك..

..........



الاعلان عنــدك لكن:D




العسكرى : أقيف يابتاع الركشة وأطلع من الشارع..

امين : خير ياجنابو ..فى شنو؟

العسكرى : الخير يجى معاكم كيف يابتاعين الركشات؟ ماشى ليى بمهلك زاحم الطريق..شنو إشتريت الشارع؟كدا اولن ادينى الرخص..

امين : (يخرجها من تحت شمسية الركشة)..إتفضل اهندى رخصتى..ودى رخصة الركشة واوراقا..

العسكرى : الاوراق دى مالا مبهدلة كدا..دى شوية وتتقطع..

امين : من كترت دخيلا وطليعا..مالا مابتتبشتن؟

العسكرى : شنو شايفك كمان معترض نشوف شغلنا..

امين : هو فى زول لاسمح الله بيقدر يعترض ولا يتكلم؟ إنتا سألتا وانا جاوبتا..

العسكرى : انتو بتاعين الركشات ديل غير الاعتراض والنقة ماعندكم شى..والمرايا دى مالا ملخلخة كدا..دى مخالفة ياابو الشباب..تعريض الطريق للخطر..

امين : ياجنابو مالا المرايا ؟ ماهدى مثبتة!!

العسكرى : يعنى انا كضاب؟ شوفا دى هسع مابتتحرك؟ دى هسع لو وقعت ليك فى حفرة مابتطير وتعوق ليها مشاه ولا تكسر ليها قزاز عربية؟

يتبع..........




بيلبس ابيض وقلبه ابيض:mad:

[ابوخالد]

:rolleyes::rolleyes::rolleyes::rolleyes:
شهد شاهد من ........:):d:)



هووووى ..... يا بتاع الركشة ...

جبت لينا الدخان فى حللنا دى ......

بالله أركن ركشتك دى جنب التيبار التحت النيمة الهناك

دييييييييييييييييييييييك ......


رِضينا ولبسنا موضوع المفكرة .....

والمساككا بالليل ... والسهر قلنا مافى مشكلة ....

كمان بقت هواء وكتاحة ودخان ......... وزيت وبنزين ......

دى لايمكن نعديها بعد كدا ...

[الملكة اسماء ( ام محمد )]

رِضينا ولبسنا موضوع المفكرة .....


والمساككا بالليل ... والسهر قلنا مافى مشكلة ....


كمان بقت هواء وكتاحة ودخان ......... وزيت وبنزين ......



دى لايمكن نعديها بعد كدا ...


:eek::D:D:D:D:eek:

[ابوخالد]

:eek::D:D:D:D:eek:



:confused::confused::confused::confused:

:cool:

[أشرف صلاح السعيد]

اشرف نصيحة:

قالو العندو ركشة ما يحاول يشغلها في امدرمان جهة ابوروف وبيت المال ... السبب قالوا الحي ملان كلاب والكلب بيسك الركشة ويدخل خشمة ناحية كرعين الناس تجد سواق الركشة والركاب كلهم رافعين رجليهم مما يفقد الركشة توازنها وانقلابها ..


نصيحة ثانية .. الركشة لازم تعمل لها فتحات جهة الرجلين تستخدم ايام السيول والامطار لانه الركشة ما ممكن تخوض الموية فيجب ان ينزل السائق رجلية بالفتحة مع الركاب ويشمروها ( اي الركشة) ويخوضوا بها الموية

والله ياابوالدر نصايحك مفيدة وام درمان بجهة ابو روف بنركبلها حافلة مالا ؟أبت..الا العضعضة والقلبة ..اتنين فى واحد دى كتيرة والعجب لو الركشة اتقلبت على جهتك والجهة التانية فيها مرة غليدة دى تبقى تلاتا فى واحد ..
انتا ماقريت اعلان وكالة الركشات ولا شنو ؟ فى موديل نازل برى مائى يعنى المشكلة اتحلت.

[أشرف صلاح السعيد]

الاعلان عنــدك لكن:d






بيلبس ابيض وقلبه ابيض:mad:

عوافى اخونا المميز..
شفتا كيف الاعلانات ولسة حالتنا ماعملنا تعاقدات مع الجكس المصرى ابو بودى ومحجب..
بوليس الحركة الله يعينو ويعينا عليو..
ورمضان كريم..

[أشرف صلاح السعيد]

:eek::D:D:D:D:eek:

:confused:

[أشرف صلاح السعيد]

هووووى ..... يا بتاع الركشة ...

جبت لينا الدخان فى حللنا دى ......

بالله أركن ركشتك دى جنب التيبار التحت النيمة الهناك

دييييييييييييييييييييييك ......


رِضينا ولبسنا موضوع المفكرة .....

والمساككا بالليل ... والسهر قلنا مافى مشكلة ....

كمان بقت هواء وكتاحة ودخان ......... وزيت وبنزين ......

دى لايمكن نعديها بعد كدا ...

ابوخالد شنو الحكاية بتاع الركشة ماياكل عيش عشان حلتك الخاتيها فى السهلة؟ ماتطبخو فى التكن يااخ..
والتيبار دا ماتخلينى اجى جنبو النفس امارة بالسوء فى رمضان..بالله عاين مويتو باااردة وصااافية ..الله ينعلك ياابليس..اها ياابوخالد فى داعى لمراودة التيبار دى؟؟
المسككا مااديتنا شمارة لهسى..هو فى شنو؟؟

[أشرف صلاح السعيد]

الحلقة الثالثة ..قبل الالف (صابيكم صابيكم اشمعنا المسلسل التركى)

(ايضا بوليس الحركة)


امين: المرايات مالازم تتحرك عشان تتظبط ..انا الدقداق مسؤل عنو!! يعنى مكسر الركشة وكمان ماراحمنا نتخالف عشانو!!



العسكرى: يازول ماتعمل ليى محامى..دى مخالفة..حتدفع ولا تستنى الضابط والدورية؟



الام : ياولدى مخيّر الله فيك !! المرايا دى هسع ملخلخة!!ماهدى قدامك سليمة ومااتحركت من ما ركبنا الا لما هبشتها..الله يرضى عليك خليو اليمش..


العسكرى : ياحاجة خليك فى حالك خلينا النشوف شغلنا..اها ياابو الشباب قلتا كيف؟


الخالة : شغلك كان بتعرفو صحى المرايا اهدى سليمة..ومخالفتك تقديرية مامبنية على شى سليم..بتفترض انو المرايا يمكن يمكن تطير..طيب بنفس المبدأ العربات الماشة دى كلها ممكن يتفجر تكنى البنزين وتحرق الماشين كلهم مش تهدد لسلامتم وبس..امشى اديهم مخالفات هم كمان..


العسكرى : دا كلام شنو دا؟!!وبعدين يااخت انتى راكبة شنو البيدخلك اساسا فى الموضوع؟ تكونى ست الركشة؟يازول بتدفع ولا شنو؟


الخالة : انتا بس جارى ورا الدفع..ومتسبب ساكت..يااخو ماتدفع ونشوف اخرتا شنو..


امين : يااخت هدى شوية..وبعدين انتو ماناقصين عطلة ذنبكم شنو؟ ياجنابو خلينى اوصل الجماعة ديل وبجيك راجع..


العسكرى : سنتى واحد مابتتحرك ..وخلينا نشوف الزولا دى مالا..بأتسبب كيف يااخت قصدك شنو؟


فاصل اعلانى..

تعلن وكالة المديدة حرقتنى..من سكان الوسط بالهجرة للأطراف القصية..
بالاطراف القصية ستكسب القضية..
بالاطراف القصية التشتيت الى خارج الحدود سيقوى النظرية..
تعلن الوكالة عن إيجار صحارى وغابات خفية..
غابات ناصية وصحارى برمال متحركة لزوم المغارز والنواحى الأمنية..
المديدة حرقتنى خيارك الاسهل للوصول..


الخالة: اول حاجة لو مامتسبب من نص الصينية كيف شفتا المرايا بتتحرك؟ وهى هسع مابتتحرك الا اذا حركتها بقوة؟تانى حاجة البيعمل مخالفة بيكتبا وبعدين بيطلب السداد مش العكس..انتا لهسع ماكتبتا المخالفة لانو ماعندك شى بينكتب..وماتفتكر انى بخاف منك ولا من امثالك..البلد فيها قوانين..


العسكرى : الكلام دا خطير ودا تعدى على رجل مرور اثناء تأدية واجباتو..وانا بوريك القانون ..ياجماعة انزلو اتيسرو شوفو ليكم مواصلة تانية..عندنا قعدا طويلا مع السواق والاخت دى (يقصد الخالة)..


امين : كيف ينزلو فى الصينية!!يازول خلينى بوصلم وبرجع ليك خلى الرخص معاك..والزولا دى كمان مالا حتعمل ليها مخالفة كمان عشان الكلام؟!!


البنت: الو.. ايوا ياخالى فى صينية النخيل..........العسكرى مامعلق اسمو فى القميص...هاك ليو....يااخو هاك كلم..


العسكرى : انا ماعايز اتكلم مع اى زول..هو شنو كل واحد نوقفو يتصل ويخلنا نتكلم فى الموبايل..مابتكلم..


البنت : خالى ماعايز يتكلم معاك.....اقول ليو شنو...........يااخو دا العقيد عاطف حيدر..


العسكرى : سعادة العقيد عاطف مدير مرور المنطقة..


الام : ايا ياهو زاتو..


العسكرى : الو ..اهلا سعادتك..نعم..نعم..نعم..تمام سعادتك..مافى مشكلة..حاضر سعادتك..مع السلامة سعادتك..يااخوانا اتفضلو امشو..مامن الاول تقولو قرايب سعادة العقيد..


الخالة : اساسا ياماجدة (الابنة) ماكان تتصلى لانو الموضوع مامستاهل من الاول..وعلى فكرة انا محامية وبفهم فى القانون ..ولو مامستعجلين كنتا وريتك شغلك ..بتورينى انتا القوانين!!والزول دا ماتفتكر بتقدر تحقرو لما ننزل لانو بنديهو تلفوناتنا وانا مستعدة ادافع عنو وبلاش فى محكمة المرور..


العسكرى : يااخت المابعرفك بيجهلك..ومعليش يااخت كنا ماعارفين قدرك والسماح..


تتحرك الركشة بعد ان اخذ امين كل اوراقه من شرطى المرور ..


يتبع...

[الملكة اسماء ( ام محمد )]

العسكرى : يااخت المابعرفك بيجهلك..ومعليش يااخت كنا ماعارفين قدرك والسماح..


دنيـــــــــــــــــــــا
متابعين يااستاذي
نشوف اخر بلد الواسطات دي شنو ؟

[أشرف صلاح السعيد]

[/color][/size]

دنيـــــــــــــــــــــا
متابعين يااستاذي
نشوف اخر بلد الواسطات دي شنو ؟


دنيا..الماليهو ضهر يتجلد على بطنو..
آآآآآآآآآآآآآآآآآخ يابلد..لما الوجيع يتخرس مدهوش بالبدع والابتداع والناس همها بس رغيف..
آآآآآآآآآآآآآآآآآه يابلد..لما يحس وليدك جواك غريب..

[أشرف صلاح السعيد]

فاصل اعلانى..

تهنئ اسرة الركشة جميع مواطنين منتديات ودمدنى بحلول الشهر الفضيل..

كما تدعو الجميع للافطار الجماعى باول المحطة فى آخر أيام رمضان..

يمنع لبس البناطلين للحسس عشان ماتقطعو لينا الفطور فى راسنا ونتجارا معاكن للاقسام..

بالنسبة للرجال ممنوع الجلاليب ابات جيوبن كبيرة عشان باقى الاكل مايتهرب وكدا..

ملحوظة على كل شخص احضار وجبة رئيسية وسلطة مصاحبة وجك مشروبات لا تخرج عن الآبريه والعصائر الطبيعية وبالحليب موية مامعانا..وماتنسو التمر ..او مايعادلها..ملح نهى نهى نهى بالتلاتا..
ولاتنسو تختو حاجة بالكشف امين دا جد مهموم بالاقساط وكلكم نظر..

[الملكة اسماء ( ام محمد )]

بالنسبة للرجال ممنوع الجلاليب ابات جيوبن كبيرة عشان باقى الاكل مايتهرب وكدا..

..


غايتو ياالرجال الله معاكم
مرة يطلعوكم نقناقين
وهسي طلعوكم (مُهربي ) اطعمة
الله يستر مامعروف الحلقات الجاية ح تكشف عن ياتو جانب مظلم لانعرفه عنكم :)

ياجماعة الكلام دا خطير في حقكم والله

[مدنيّة]

نسبة للفشل الزريع لقصة الحافلة وعدم مجاراتها لسرعة رزم إيقاعات العولمة..
قريبا جدا مسلسل الركشة بمنتديات ودمدنى..

فاصل إعلانى..:confused:

الركشة .."أغنية..

ركشة ركشة ركشا......اوو ركشا
ركشة ركشة ركشا......اوو ركشا
انحنا مامساطيل .........اوو ركشا
نشخبط فى المنتديات..اوو ركشا
عشان تجينا كشات.....اوو ركشا

النغمة دي بتذكرني

اووو تنقا تنقا تنقا تنقا

هسي زعلتني وماتميت باقي البوست

في داااعي هسي يااشراف
:mad::mad::mad::mad::mad::mad::mad:

[درديري كباشي]

النغمة دي بتذكرني

اووو تنقا تنقا تنقا تنقا

هسي زعلتني وماتميت باقي البوست

في داااعي هسي يااشراف
:mad::mad::mad::mad::mad::mad::mad:



هو يعني الحالة دي عندك من الزمن داااااااااك انا قايل جاتك قريب ... اتصلي ببرنامج صحة وعافية حسن

[بنت الرفاعي]

المبدع أشرف لك التحية وأنت تكتب عن معاناة أصحاب الركشات .:)
ولد خالتي إشترى ركشة , وأدّاها لسوّاق يسوقها ليهو , المهم على حسب الإتفاق آخر اليوم التوريدة مبلغ ثابت بيجيبو ليهو , والباقي إن شاءالله كان ضعف المبلغ إللي تم توريده لصاحب الركشة بيكون من حق السائق , المشكلة في إنو الركشة بعد ماكانت ماشة تمام في الأول , بقت تخسر , والخسارة بيتحملها صاحب الركشة طبعا , وبقى يدفع ثمن التصليح من جيبو , يعني ركشة بالخسارة بالنسبة لصاحبها , زهج منها وباعها!

والركشات ذااااته بقت كثييييرة لما مسيخة , والحاجة اللي بتغيظ مرّات لما الواحد ييكون محتاج ليها يقيف أكثر من ربع ساعة وإذا مرّت كم واحدة يكونوا ملانات!!:eek: , و لما ما يكون محتاج ليها في الدقيقة تجي مارّة من جنبك 5 ركشات وكمان فاضيات:o!!!

غايتو الله يهون!

[ايمن عبد الله]

هي ركشة ... ولا رقشة .. ولا تكتك .. ولا فيسبا ..

تتعدد الاسماء لكن لو وقعت تحت دفار .. الموت واحد ..

[أشرف صلاح السعيد]

غايتو ياالرجال الله معاكم
مرة يطلعوكم نقناقين
وهسي طلعوكم (مُهربي ) اطعمة
الله يستر مامعروف الحلقات الجاية ح تكشف عن ياتو جانب مظلم لانعرفه عنكم :)

ياجماعة الكلام دا خطير في حقكم والله

شنو ياملكة القلوب حيرتينى معاك!!
ندافع عن الرجال وووب..نضغط فيهم ووب..دا كلو كوم والفتنة ليك شنو؟ شنو موصية واحد يهرب ليك ورك جدادة ولا شنو؟

[أشرف صلاح السعيد]

النغمة دي بتذكرني

اووو تنقا تنقا تنقا تنقا

هسي زعلتني وماتميت باقي البوست

في داااعي هسي يااشراف
:mad::mad::mad::mad::mad::mad::mad:



مدنية عوافى..
شكلك صغيرة وجاهلة "طبعا اتكشمتىلمن سنيناتك ظهرن..بتحبن التصغر"..
الاغنية الاصلية :
دشكة دشكة دشكا...اووو دشكا
وبعدا بتاعين الكورة قلبوها لتنقا وجيت انا قلبتها للركشة..
الاغنية من زمن السبعينات "جنس قدم هو"..
البوست متموووم وماتجيبى لينا الهوا ياشابة..

[أشرف صلاح السعيد]

المبدع أشرف لك التحية وأنت تكتب عن معاناة أصحاب الركشات .:)
ولد خالتي إشترى ركشة , وأدّاها لسوّاق يسوقها ليهو , المهم على حسب الإتفاق آخر اليوم التوريدة مبلغ ثابت بيجيبو ليهو , والباقي إن شاءالله كان ضعف المبلغ إللي تم توريده لصاحب الركشة بيكون من حق السائق , المشكلة في إنو الركشة بعد ماكانت ماشة تمام في الأول , بقت تخسر , والخسارة بيتحملها صاحب الركشة طبعا , وبقى يدفع ثمن التصليح من جيبو , يعني ركشة بالخسارة بالنسبة لصاحبها , زهج منها وباعها!

والركشات ذااااته بقت كثييييرة لما مسيخة , والحاجة اللي بتغيظ مرّات لما الواحد ييكون محتاج ليها يقيف أكثر من ربع ساعة وإذا مرّت كم واحدة يكونوا ملانات!!:eek: , و لما ما يكون محتاج ليها في الدقيقة تجي مارّة من جنبك 5 ركشات وكمان فاضيات:o!!!

غايتو الله يهون!

اختنا مرام عوافى..
والله الركشة دى مشاكلا كتيرة..بس المشكلة فينا مافيها..واحد يعمل ركشة البلد كلها تجيبا وراو وعشان كدا بيكون العرض اكبر من الطلب وبتسوح صاحب الركشة فى النهاية زى قريبك..
ومشكلة ندرتم لانو شكلك بتقيفى فى طرف بيتكم ومابعدى الا واحد مودى طلب ودى انتى وحظك..ياخى ماتسكنى باول المحطة هههههههههه..

[أشرف صلاح السعيد]

هي ركشة ... ولا رقشة .. ولا تكتك .. ولا فيسبا ..

تتعدد الاسماء لكن لو وقعت تحت دفار .. الموت واحد ..

هو لو ميتا هينة أمر الله ونفذ..
الكارثة التقطع والتعور والبشتنة..الواحد كااامل واها ماشا والحمد لله ..اما التقطع وتشوه الوش دا ياها زاتا المشكلة الواحد يقبل بشناتو تانى وين؟ الا بس يحجز ليو كورنا بالجامع الكبير ويستنى الصدقة..
هى بالسودانية ركشة لأن الرقشة هى اللمعة..
وبالمصرية تك تك ..
وللشركة المصنعة فيسبا ثرى وييل درايفر..
شوفتا الثقافة الركشاوية دى؟

[أبو ريان]

غايتو مع الامطار دي الله يعين اهل الركشات وراكبي الركشات واختراح بسيط يعملو اطواق نجاة نسبة لإ رتفاع مناسيب المياه بالأحياء

[ايمن عبد الله]

هو لو ميتا هينة أمر الله ونفذ..
الكارثة التقطع والتعور والبشتنة..الواحد كااامل واها ماشا والحمد لله ..اما التقطع وتشوه الوش دا ياها زاتا المشكلة الواحد يقبل بشناتو تانى وين؟ الا بس يحجز ليو كورنا بالجامع الكبير ويستنى الصدقة..
هى بالسودانية ركشة لأن الرقشة هى اللمعة..
وبالمصرية تك تك ..
وللشركة المصنعة فيسبا ثرى وييل درايفر..
شوفتا الثقافة الركشاوية دى؟


شكلك كنت سايق لي واحد تك تك يا اشرف ..

[أشرف صلاح السعيد]

غايتو مع الامطار دي الله يعين اهل الركشات وراكبي الركشات واختراح بسيط يعملو اطواق نجاة نسبة لإ رتفاع مناسيب المياه بالأحياء

ابوحميد رمضان كريم..
هسى يعنى اشيل "ال" من جدى ولا شنو العمل؟..
أطواق النجاة ليه؟ مايجيبوا ركشات برمائية ماأظبط؟نخلص من عضعضة الكلاب نقع فى البردات "مفردها بردة السمكة ام جنريتر وكهارب" ..غايتو نقع وين ماعارفين!!

[أشرف صلاح السعيد]

شكلك كنت سايق لي واحد تك تك يا اشرف ..

فى زمنا الكنا طلبة فى مصر ماكنتش كات "جات"..كنتا سايق حنطور يابيه..

[أبو حمزة]

بالله عليكم وروني الركشة ده وينا..!!

ويا أشرف تجَّازى .. الركشة .. ياها الركشة..؟

طبعاً أصبحت للتهريب.. بس لا تقول لي تهريب شنو..!!

وأنا محتار.. من وين بجيك الإلهام ده كلو..؟؟ ما صائم ولا شنو؟؟

حقيقة الما بيعرفك يجهلك..

وكمان دعايات..!! إنت بدَّردق فينا لحدي وين..؟

بعدين ما كلمتونا .. الركشة ده سرية ولا شنو؟؟

لازم نعرف الحاصل شنو؟؟

والعسكري ما ممكن يكون في صالح المواطن..؟

يعني نحن طوالي نغلطوا؟؟

عارفين في بعضهم حرامي..

لكن الأصل فيهم حماية المواطن وليس النهب..

بس عساكر الزمن ده يُخيَّل لي أحسن من غيرهم ..!

ولا كلو ذي بعضو..؟؟
على كلٍ بكرة نشوف.. ..

[أشرف صلاح السعيد]

بالله عليكم وروني الركشة ده وينا..!!

ويا أشرف تجَّازى .. الركشة .. ياها الركشة..؟

طبعاً أصبحت للتهريب.. بس لا تقول لي تهريب شنو..!!

وأنا محتار.. من وين بجيك الإلهام ده كلو..؟؟ ما صائم ولا شنو؟؟

حقيقة الما بيعرفك يجهلك..

وكمان دعايات..!! إنت بدَّردق فينا لحدي وين..؟

بعدين ما كلمتونا .. الركشة ده سرية ولا شنو؟؟

لازم نعرف الحاصل شنو؟؟

والعسكري ما ممكن يكون في صالح المواطن..؟

يعني نحن طوالي نغلطوا؟؟

عارفين في بعضهم حرامي..

لكن الأصل فيهم حماية المواطن وليس النهب..

بس عساكر الزمن ده يُخيَّل لي أحسن من غيرهم ..!

ولا كلو ذي بعضو..؟؟
على كلٍ بكرة نشوف.. ..

من الأخطاء الشائعة إعتبار الدعاية درديقة أو قل درداقة "فعالّة" فالدعاية هنا خسساية على نفس الوزن..
يااخوى حبابك واهلن بيك..
العساكر والله فيهم ديل وفيهم ديك..واخونا تعيس بخت لقى العضمة فى الصينية..
عساكر الزمن ديل أخير من ياتم؟ أنا غايتو لسة عندى شعر وماحضرتا الزمن دااااك..
الله يعدل الحال ويكتر من اولاد الحلال..
ويديك كل العوافى حبيبنا ابوحمزة..

[بنت الرفاعي]

اختنا مرام عوافى..
والله الركشة دى مشاكلا كتيرة..بس المشكلة فينا مافيها..واحد يعمل ركشة البلد كلها تجيبا وراو وعشان كدا بيكون العرض اكبر من الطلب وبتسوح صاحب الركشة فى النهاية زى قريبك..

والله صدقت:)
ومشكلة ندرتم لانو شكلك بتقيفى فى طرف بيتكم ومابعدى الا واحد مودى طلب ودى انتى وحظك..ياخى ماتسكنى باول المحطة هههههههههه..

في حلتنا ما عندنا محطة للركشات , بس تطلع الشارع الرئيسي تلقى الركشات أو قدام البيت بيمروا , و إتخيل إنو لما نكون جوة البيت بنسمع صوت الركشات بصورة ما عادية , وأول ما نطلع , تحلف تقول البلد مافيها ركشات!!!!!:p

[أشرف صلاح السعيد]

في حلتنا ما عندنا محطة للركشات , بس تطلع الشارع الرئيسي تلقى الركشات أو قدام البيت بيمروا , و إتخيل إنو لما نكون جوة البيت بنسمع صوت الركشات بصورة ما عادية , وأول ما نطلع , تحلف تقول البلد مافيها ركشات!!!!!:p



غايتو الشكية لى أب إيدن قوية..
يعنى إزعاج ولما تحتاجى يدوكى العجاج..
تعرفى اعملى ليك لافتة واكتبى فيها ركشة وخليها ظاهرة من ورا الحيطة ولما يشوفا بتاع ركشة يمكن يجى ويخبط الباب..تقومى تفتحى وتقولى ليو فى شنو..يقول ليك مش عايزين ركشة تقومى تقولى ليو الله يفتح وتتسدى فيهم..ههههههههههه

[أبو حمزة]

حقيقة يا أخي أشرف: طاقة دفَّاقة .. ومخزون جيِّد ..

وأسلوب سلس .. وغَيْرَة واضحة ..

وطرح مفيد .. وعلم وفهم..

بس الزمن ده الركشة سائقها متعلِّم.. والأعمال الهامشية تجد شاغرها المثقفين ..

ألا ترى بأن المستقبل القادم ينتحي نحو العطالة المتعلِّمة؟؟

تعليقك .. وبعد ذلك....................... لنا عودة لموضوع شعرك العاجبك ده!!

[ود الجعلي]

الركشة لسة مدورة .........................

في السابق كنت من اصحاب الركشات ولكن لم تعمر معي كثيرا" وذلك لان الجوكية " السائقين" مشاكلهم كتير وحيلهم واعذارهم اكتر من الفائدة المرجوة منها ولانني كنت بعيدا عن مكان الحدث لذلك لم اسيطر على الوضع فاضطررت الى بيعها
ذكرت القصة عزيزي اشرف لابين جانب اخر من طبائع الجوكية ايضا انهم بالرغم من غلبهم وفقرهم ومعاناتهم ايضا" فيهم عدد لا بأس منه من النصابين والذين ياكلون التوريده ويتعللون بالاعطال والذين يستغلون الركشة لهم وقضاء امورهم الشخصية والمادية " وهذا واناصاحب تجربة"
وتقبل مروري

[أشرف صلاح السعيد]

حقيقة يا أخي أشرف: طاقة دفَّاقة .. ومخزون جيِّد ..

وأسلوب سلس .. وغَيْرَة واضحة ..

وطرح مفيد .. وعلم وفهم..

بس الزمن ده الركشة سائقها متعلِّم.. والأعمال الهامشية تجد شاغرها المثقفين ..

ألا ترى بأن المستقبل القادم ينتحي نحو العطالة المتعلِّمة؟؟

تعليقك .. وبعد ذلك....................... لنا عودة لموضوع شعرك العاجبك ده!!


عوافى ابو حمزة..
لقد بدأنا العطالة المقنعة سلفا..
الثورة الجامعية ولن اقول الثورة التعليمية لانها لم تتحقق حتى الآن أفرزت العديد من الخريجين وبالمقابل لا توجد الفرص الوظيفية لإستيعابهم هذه اولى..
والثانية حتى بوجود الفرص الوظيفية المحدودة فهى فرص لا تسمن ولاتغنى من جوع وغير مشجعة للخريج للبدء من تحت الصفر "بالقطاع العام" إلا من كانت الوطنية وحب الوطن هو دافعه الأول "وهذا أيضا غير موجود"..
لذا نجد معظم الشباب الخريج مابين سمسار "من له رأس مال معقول" ومابين شاغل لوظيفة هامشية ذات مدخل معقول يلبى اقل احتياجات الحياة..وهناك السواد الاعظم العاطل والراجى للوترى وفرصة الاغتراب الحلم الكاذب..
أما بالنسبة لرجيع الشهادة الثانوية وهم كثر وكثر جدا فهم العطالة بمعنها وبدون رتوش ولا اقنعة..
الدولة عليها الاهتمام بالدراسات التقنية "polytechnics" لأن البلد متعطشة للفنيين ونجد معظم الفنيين بالسودان هم رانكر يبدون كعمال وينتهون كمعلمين بخبرات كبيرة وافتقار شديد للمعلومات والنظريات التقنية..
السودان محتاج لفتح المعاهد الزراعية والصناعية وحتى التجارة والصحية لخلق المعادلة ودفع عملية الانتاج دون تضييع الشباب بالمهن الهامشية والسمسرة التى لا تدر على الناتج القومى سوى الصفر الكبير..

[أشرف صلاح السعيد]

الركشة لسة مدورة .........................

في السابق كنت من اصحاب الركشات ولكن لم تعمر معي كثيرا" وذلك لان الجوكية " السائقين" مشاكلهم كتير وحيلهم واعذارهم اكتر من الفائدة المرجوة منها ولانني كنت بعيدا عن مكان الحدث لذلك لم اسيطر على الوضع فاضطررت الى بيعها
ذكرت القصة عزيزي اشرف لابين جانب اخر من طبائع الجوكية ايضا انهم بالرغم من غلبهم وفقرهم ومعاناتهم ايضا" فيهم عدد لا بأس منه من النصابين والذين ياكلون التوريده ويتعللون بالاعطال والذين يستغلون الركشة لهم وقضاء امورهم الشخصية والمادية " وهذا واناصاحب تجربة"
وتقبل مروري

الجوكية وماادراك من الجوكية..هى حفنة من جماعات العطالة المقنعة تكاد تكون كالطفيليات بمجتمعنا وعبئ كبير على المجتمع..ولكن ماهو العلاج؟ كثير من اصحاب الركشات يمتهنون مهن اخرى وتكون الركشة او الحافلة كمدخل اضافى وهنا يجد الجوكى الغير امين فرصته لامتصاص الدماء وتأليف قصص الاستنذاف التى لاتنتهى ابدا..
المشكلة معقدة ولعلى اجد الحل فى اختيار المشاريع التى يمكن للمالك الاشراف المباشر عليها والله يكون فى عونو ايضا من المجاملات والديانة..
الشكية لاب ايدن قوية..والله المستعان..

[هيثم عبدالعال]

الركشة لسة مدورة .........................

في السابق كنت من اصحاب الركشات ولكن لم تعمر معي كثيرا" وذلك لان الجوكية " السائقين" مشاكلهم كتير وحيلهم واعذارهم اكتر من الفائدة المرجوة منها ولانني كنت بعيدا عن مكان الحدث لذلك لم اسيطر على الوضع فاضطررت الى بيعها
ذكرت القصة عزيزي اشرف لابين جانب اخر من طبائع الجوكية ايضا انهم بالرغم من غلبهم وفقرهم ومعاناتهم ايضا" فيهم عدد لا بأس منه من النصابين والذين ياكلون التوريده ويتعللون بالاعطال والذين يستغلون الركشة لهم وقضاء امورهم الشخصية والمادية " وهذا واناصاحب تجربة"
وتقبل مروري

أشرف يا زميل مالك ياخ بتنكت في الأوجاع
أظن يا ودالجعلي أنا أول ضحايا الإستثمار الركشاوي ( رغم إني ما قصدت الإثراء ) لما كانت طفلة تحبو في ودمدني ،وده كان في بدايات رحلة الإغتراب الجماعه لمو فيني وأقنعوني أشتري واحده تشيل مني هم المصاريف والمرسال الشهري ويا مؤمن يا مصدق تم شراء الركشه مرخصة نمره عشرة ( بس رونالدينو ) وبي عشره مليون (أيامها رقم خرافي ) وبدينا مع الجوكيه والتوريده يوم آه ويوم لا وباقي القصه تقليديه لغاية ما بقت بقايا ركشه وراح رأس المال عشره مليون ورجع تلاته بس بعد ما لقينا ليها مشتري بخراج الروح .
هسي من شدة ما مكجنها ما بركبها كان توصلني ويدوني توريدة الشهر .

[أبو حمزة]

أشرف أخوي: رجعت ليك على حسب الوعد..

وما عاوزك ترد عليَّ.. بس واصل واترك لي المجال استمتع بهذه المفاجأة يا كبييير..

بقامة نخيل البلد ..ورويان ما عطشان..

( عندي كلام وتعليق.. بس ساتركه لمحطة الركشة الجاية..)..وخائف.. كتير من الجاي..

وبصراحة المستقبل أكثر شيء بيخوِّفني..

[أشرف صلاح السعيد]

أشرف يا زميل مالك ياخ بتنكت في الأوجاع
أظن يا ودالجعلي أنا أول ضحايا الإستثمار الركشاوي ( رغم إني ما قصدت الإثراء ) لما كانت طفلة تحبو في ودمدني ،وده كان في بدايات رحلة الإغتراب الجماعه لمو فيني وأقنعوني أشتري واحده تشيل مني هم المصاريف والمرسال الشهري ويا مؤمن يا مصدق تم شراء الركشه مرخصة نمره عشرة ( بس رونالدينو ) وبي عشره مليون (أيامها رقم خرافي ) وبدينا مع الجوكيه والتوريده يوم آه ويوم لا وباقي القصه تقليديه لغاية ما بقت بقايا ركشه وراح رأس المال عشره مليون ورجع تلاته بس بعد ما لقينا ليها مشتري بخراج الروح .
هسي من شدة ما مكجنها ما بركبها كان توصلني ويدوني توريدة الشهر .

ابوالزمل حبيبنا هيثم سلام..
والله ضحكتا لمن بطنى وجعتنى..
قلت ليا عملتا شفت والجوكية لعبوك ون تو لما قلتا الروووب..
تعرف ناس السودان بس مايلاقو ليهم واحد عمل شى الا بيفتكرو زى مانجح معاو بينجح معاهم وبعدا عينك ماتشوف الا النور قصدى الا الضلمة..
تعيش وتاخد غيرا "مااصلو الحلاقة بتعلموها فى راس اليتيم" والمغترب فى زيو يتيم؟
لكن شايفك مثبت موقف قوى خلاص..قلت ليا ركوبتا كجنتها ههههههههههه
يديك العافية ورمضان كريم عليك..

[أشرف صلاح السعيد]

الحلقة الرابعة..قبل الالف (سبحة لالوب..اما خليتكم تدروشو)..
(الاخيرة مؤقتا من بوليس الحركة)



حافظ: تعرف ياتعريفة امين دا الليلة ماعاجبنى مهموم هم شديد خلاص..


تعريفة: يافردة هو منو المامهموم؟ تلاقى الحبة عاملا ليو شوية ارضى..


حافظ: انتا يازول مطرطش ؟ امين بيغباك؟ حبة شنو وجكسوية شنو معاو..الزول دا غير الركشة والجامع بتشوفو تانى وين؟


تعريفة: يافردة ماتدافر ..شنو يافردة دى ونسة ولا شكلا..عارفنو زول مولانا هو المولانا دا ماعندو قلب فى حنانو؟


حافظ: والله انا زاتى الماعندى شغلا البناضمك انتا ياابو الرواشة..


تعريفة: يازول هدى اللعب واطلع بسجارة خلينا النوزن الداموغ ونشوف قصتك صاحبك..


حافظ: هديك الطبلية قدامك ياجلدة..كوكبتك وملحك الكتير دا بجيب ليك ضغط..بتدخل اكتر مننا كلنا وقروشك دى اصلو ماظاهرة بتوديها وين..


تعريفة: دا كلو عشان سجارة!!سجارة خلتك تدق طارة..ابوك ياخوة ..خوة مافى ..خوة فرتك..اطلع يازول بالسجارة وبردها ليك بعدين مامعاى فكة..


حافظ: هاك ليها..والله لوبترد ليى السجاير الطفحتو كنتا انا زاتى عملت بيو طبلية..


تعريفة: تسلم يافردة..ايا خليك كدا تمام واحكى بعد كدا بمزاج ..صاحبك مالو؟


حافظ: الزول دا انا ملاحظ ليو من فترة يااخى الفطور بقى مابيفطرو معانا..ويقول ليك فاطر ديما..مع انو انا بعرفو بيحب اللمة ومامن عوايدو ياكل براو..اليومين ديل مشغول ليو بكبيرة..


تعريفة: شنو بيكون الشاغلو؟ الركشة وهانت تلاتا اربعة شهور وبيجيب حدها ..


حافظ : مادا زاتو المحيرنى..وهو قال مهموم بالركشة..بس الكلام دا ماداخل لى مخ..يكون مالو يالله؟


وفى هذه الاثناء امين يواصل مشواره الى اخر المحطة يملؤه احساس وشعور عظيمين بأن أمة محمد لازالت بخير لصنيع ركابه..


امين: والله ياخوانا انا ماعارف منو القال المرة ان بقت فاس مابتشق الراس..لكن الشفتو الليلة والله تشقو شقة..الله يديكم العافية ماقصرتو معاى والعسكرى المتلحنى دا تانى ماظنيتو بيعترض لى طريق..


الام: ياولدى انتا شكلك ولد حلال عشان كدا ربنا مسهل ليك خطوتك وبيسخر ليك خلقو..


الخالة: ياود العم انتا ماغلطان من الاصل وانحنا ماعملنا حاجة غير وقفنا مع الحق..


امين: تعرفو العسكرى دا مامعاى انا بس كدا..دا من شدة ازيتو للناس بقى معروف حسنين ابو جيبين..جيبو اصلو مابيكون فاضى..وجيب الحكومة مابيدخلو قرش الا لما يكون الضابط فى..


الخالة: انا حسيت بكدا..قاعد ساعة يقول ليك بتدفع وهو اصلا ماعمل المخالفة..تهديدو ظاهر كان..ومافهمك العبيط لما قلت ليو بوصل الجماعة وبرجع ليك..لكن يااخو انتو بتشجعو على كدا طالما بتدفعو..


امين: الناس مرات بتتطرا..انا عن نفسى مابأدفع عشان كدا عرفنى لما قلت ليو برجع ليك عرف انى حأجى عشان استنى الضابط..اصلو الضابط بتاعو ود حلال وزل دوغرى ..عشان كدا حاول يضغضنى بيكم..الرشوة الله لايكتبا علينا..وبعدين المخليو مستقوى معظم ناس الركشات بقو مامرخصين خط..المرور بيرخص ليهم ملاكى عشان كدا لما يلم فيهم زى العسكرى دا بيدفعو عشان يقدرو يشتغلو..


الخالة: كيف يعنى المرور بيرخص ليهم ملاكى ما بيرخص ليهم خط؟


امين: دا الحاصل..الركشات معظما ملاكى والسايقينها شغالين عليها جوكية..ومشكلة التراخيص ماعايزة تتحلا عشان كدا الناس مجبورا..المعايش ماصعبة..


البنت: دا كلام شنو دا!! يعنى المرور بيقولو للعساكر هاكم هدية اسلخو السواقين..هو منو دا البيجيب ليو ركشة ملاكى!!!يكون ياربى جايبا يفسح بيها اولادو!!!


وتقترب الركشة من اخر المحطة ولم ينتهى حوار ولم تحل ايضا معضلة الركشات الملاكى..


الخالة: يااخو عندك موبايل؟


امين: عندى اي..


الخالة: طيب عليك الله ادينا ليو لو عندنا مشوار بنتصل بيك لانو بيتنا اهنداك قريب من اخر محطة..


امين : جدا رقمى (.........) وانا بوصلكم لحدى البيت عشان اعرفو كمان..


الام : والله ياولدى سواقتك سمحة الله يغطيك..


امين: يعنى خلاص مابتحاربى الركشات ياوالدة؟


الام: هى بعد ماشلنا رقمك البركبنى مع غيرك شنو..انتا ولد حلال..


امين: الله يديك العافية ياوالدة..


البنت: داك البيت الفيو سبيل برا داك..


الخالة: ودا رقمى (.........) لو العسكرى الثقيل دا اتعرض ليك بس ادينى مس كول وانا بوريك فيو..


امين: بعد كلامك داك ماظنيتو تانى بتشبك معاى..


الام: انزل ياولدى النسقيك موية..


امين: مرة تانية ياوالدة الشغل بنادى ..


الخالة: اتفضل يااخونا (تدفع الاجرة)..انتا لهسع ماقلت لينا اسمك منو عشان اسجلو مع رقمك..


امين: ماتخلى اول مرة علينا..


الخالة: اها دا الكلام الماحيخلينا نتصل بيك لو عندنا مشوار..


امين: خلاص خلاص..انا اسمى امين عوض..


الخالة: وانا حنان المحامية عشان لو اتصلتا تعرف منو المتصل..


الجميع: مع السلامة..


امين: الله يسلمكم ويديكم العافية وماقصرتو..


ثم تتوجه الركشة الى اخر محطة محملة بامين وهمومه العراض والثقال...



يتبع......

[أشرف صلاح السعيد]

ترقبوا الحلقة القادمة من الركشة فيها:

(راجل المرة) ..قصة للكاتب المرشح لجائزة لستك الركشة البلاستيكية..

جميل الزمن دا العامل بريد مرتو ..وبثينة الدفار العاملا تتى..

قريبا بمنتديات ودمدنى.. الركشة مش حتقدر تملح فيها..

ركشة ركشة ركشا....اوو ركشا

[فراس]

اشرف ياراقي

طبعا مستغرب لي حاجة

الحلقة اليوم مافيها دعايات

ذكرتني قناة هارموني لمن

تستضيف ليها شخص قبل

الحلقة بي كم يوم اعلانات

لجلب الدعاية او لرعاية الحلقة

الا في حلقة رجل الاعمال صلاح

ادريس التي لم تتوقف للدعاية

لانو بكون ماقصر معاهم ..

لكن استغرابي زال بعد لقيت

انو الراكبة دي حنان المحامية

ياخي استاذة حنان دي قالو مروقة

شديد وقروشا كتيرة

ولو امكن رسل لي التلفون حقها

لانو مامعروف احتمال نرجع من

الغربة السجم دي ونبقي جوكية

اشرف والله انت مبدع ماشاء الله عليك

ربنا اديك الصحة والعافية

تسلم

[أبو حمزة]

يا أشرف : ما كان تشرب ليك موية سااي يا أخوي.. نحن عطشنا..!!

بعدين شوف ليك كم مشوار كده مضمونات..

يعني المحامية ده (حنان) لو كل يوم توديها المكتب وترجعها..وفي الشهر مبلغ معلوم..

أو طالبة ..! يعني المهم .. علشان الركشة ما تقيف..

نحن خلاص تعلَّقنا معاك.. في انتظار الجديد..

والخميس قرَّب ولا شنو..؟؟

[أشرف صلاح السعيد]

أشرف أخوي: رجعت ليك على حسب الوعد..

وما عاوزك ترد عليَّ.. بس واصل واترك لي المجال استمتع بهذه المفاجأة يا كبييير..

بقامة نخيل البلد ..ورويان ما عطشان..

( عندي كلام وتعليق.. بس ساتركه لمحطة الركشة الجاية..)..وخائف.. كتير من الجاي..

وبصراحة المستقبل أكثر شيء بيخوِّفني..


اخى ابو حمزة عوافى..
هناك نوعان من الشخوص والعهدة على أنيس منصور..
الشخص القدرى: وهو من يحاول ان يحدث التغيير على المستوى الشخصى والعام..
الشخص الظرفى: وهو الشخص التى تلعب به الظروف كما تشاء..
فلنكن قدريين نااستطعنا فلعلنا نصنع مستقبل لا يدعو للخوف منه..
دمت سالما..

[أشرف صلاح السعيد]

اشرف ياراقي

طبعا مستغرب لي حاجة

الحلقة اليوم مافيها دعايات

ذكرتني قناة هارموني لمن

تستضيف ليها شخص قبل

الحلقة بي كم يوم اعلانات

لجلب الدعاية او لرعاية الحلقة

الا في حلقة رجل الاعمال صلاح

ادريس التي لم تتوقف للدعاية

لانو بكون ماقصر معاهم ..

لكن استغرابي زال بعد لقيت

انو الراكبة دي حنان المحامية

ياخي استاذة حنان دي قالو مروقة

شديد وقروشا كتيرة

ولو امكن رسل لي التلفون حقها

لانو مامعروف احتمال نرجع من

الغربة السجم دي ونبقي جوكية

اشرف والله انت مبدع ماشاء الله عليك

ربنا اديك الصحة والعافية

تسلم

عوافى اخى فراس...
المحامية حنان موجودة وبكثرة فينا جميعا ولكنها لاتظهر الا فى ساعات "خلاص مافارقة معاى اليحصل يحصل" او عادة ماتكون متقوقعة بداخلنا فى انتظار آخر ينتفض فتبرز علانية..

مشاققة:
ياخوى جوكية مابتأكل عيش ..قدرة الفول اضمن..

[أشرف صلاح السعيد]

يا أشرف : ما كان تشرب ليك موية سااي يا أخوي.. نحن عطشنا..!!

بعدين شوف ليك كم مشوار كده مضمونات..

يعني المحامية ده (حنان) لو كل يوم توديها المكتب وترجعها..وفي الشهر مبلغ معلوم..

أو طالبة ..! يعني المهم .. علشان الركشة ما تقيف..

نحن خلاص تعلَّقنا معاك.. في انتظار الجديد..

والخميس قرَّب ولا شنو..؟؟

لكم يسعنى حضورك حبيبنا ابوحمزة..
الخميس قرب بس خايف الركشة تعصلج ..للضمان اتفاهمتا مع جارى عندو امجاد..
كن بخير الى حين ملتقى إن شاء الله..

[درديري كباشي]

اشرف خبيت رقم حنان وامين لييييه ..
المهم لامن الاقيك اديني الرقمين اول رقم امين للمشاوير ..

اما رقم حنان لانه انا نازل بافراج مؤقت وعارف الجماعة بيتلحوا المغتربين والنمر الاجنبية لانهم بيكونوا واثقين انه ما وراه منصب كبير .. فحنان تنفعنا انا بقول ليها انا ود عم امين بتاع الركشة .

[أشرف صلاح السعيد]

فاصل اعلانى..

وكالة مافى مشكلة..

تسر الوكالة لأصحاب المصائب والبلاوى العويصة عن إكتتاب الشركة لصكوك الأمان..
صك يهمنا أمره..لكى لا تعتر لك قشة وجعل حياتك كجديد الرقشة..
صك الأسياد..لتسليك كل الطرقات زى الطريق المسفلت لآخر موديل الأمجاد..

صك الحركة..لتسيير جميع شارات الحركة وإزالة مشاكلك مع النظام والربكة..

[أشرف صلاح السعيد]

الحلقة الخامسة ..


(أضان القفة-راجل المرة)


وصل حافظ الى اخر المحطة..وكان لازال هم صديقه امين شاغله الكبير..حافظ تربطه علاقة مهنة مع امين وايضا هما ابناء نفس الحى..لم يكمل تعليمه الجامعى مع سبق الاصرار والترصد..اراد ان يختصر طريقه بالعمل بالتجارة ..وعندما كان ينصحه امين بفائدة الدراسة..كان يجيبه :عندما تتخرج بشغلك معاى..وياللمفارقات..امين يمتلك ركشته بينما حافظ يعمل عليها بالايجار..فحافظ لم يوفق بالتجارة ولم يكن شجاعا ليرجع ليكمل مشواره التعليمى..

فاصل اعلانى..
مسرحية السيل..

على شوارع عواصم السودان..
السيل .. نظافة للأسفلت و بخلى الشفع يلعبوا بالطين..
السيل.. لتخفيف اكياس النايلون واستعمالا فى الكرعين..
السيل..شرانا ياسلوى وقال بجى وعمل السيل زى حكاية بت ام قضيم..
(اغنية)..
قالو السيل مرق فى كل البلد ..
قرض المسكين قرض
قرض المسكين قرض..
السيل ..ادخل والتزكرة لابقروش ولا بدين..


امين: والله اليوم مافاتك فيلم..صاحبك اب جيبين وقع فى شر اعمالو..


حافظ: الله لا يوفقو يستاهل..بس شنو القصة..احكى..


يحكى امين القصة بإستمتاع المنتصر وكيف كان وجه اب جيبين تتغير ألوانه وهو يهاتف العقيد..وكيف كانت ردود أفعال نساء بتفاوت ثقافاتهن وأعمارهن مع المشكله بمنتهى الشجاعة والشهامة..


حافظ: والله المحامية ما مرة..عافى منها..مرة من ضهر راجل صحى..(الخيل تجقلب والشكر لحماد..دا انا فى سرى)..


امين: كمان ادتنى رقم موبايلا وقالت لى اتصل فى اى وقت لو اب جيبين اعترض ليك طريق..


حافظ: والله كلام..لكن ماظنيت صاحبك تانى بيعمل ليك ملاوزات..عقيد ومحامية والله يلحقو الزينين..كدا خلينى من اب جيبين ..انا شاعر بيك مهموم وماعشان اقساط الركشة زى ماقلتا..لانها حاجة ماجديدة..قول لى الحقيقة شنو؟


امين: مافى شى..بس شوية قرفة والاقساط ياحافظ يااخوى..


حافظ: على راحتك ماتتكلم..بس حتلف وحترجع لى عندك منو غيرى..سيبو الظروف بتجيبو وكراع البقر جيّابة..


امين: يعنى متين كنتا بدس عليك شى؟ بقيت براى خلاص عاداك تعريفة بنقتو الكتيرة ديك..


حافظ: الله يرحم ايام بريك وشعرك القديتنى بيو ايام الجهل..لو نسيت انا مانسيت..يامفترى فى زول بيصحو الساعة تلاتا صباحا عشان يقرو ليهو قصيدة!!وجاى هسع تتكلم عن البرى !!والله انتا عندك دكتورا فيو..


مابين إجترار احلى ذكريات الماضى ومابين قساوات متطلبات الحاضر مر الزمن بالصديقين حتى جاء دور امين ..جالبا إليه رجل نحيف وإمرأة من ذوات الأوزان الثقيلة..


الكومسنجى: الدور فى الركشة السودا ديك..


امين: (بصوت منخفض) ..شوف الحظ دا الركشة الليلة ماودتنى المنطقة الصناعية بعد مشوار المرة دا..


حافظ: (محاولا الا يضحك بصوت عالى) جلّى المشوار ..والله دى عمرة مابتخارجك الليلة..

امين: مابتبقى ظاهرة والمرة بتتغقد ياخى..خلينا الناخد الاجر وربك كريم على الركشة وعليا..


المرأة: ماتقدم ياانتا شنو الدور ماعليك؟


امين: جدا يااخت جدا..شنو الحكاية دى راكبة دى ولا كمسونجى(فى سره)..


الرجل: اركبى على مهلك يابثينة..


بثينة: شنو شايفنى شافعة بتوصى فينى!!مااحسن التجى تشيلنى تركبنى..(هى انتى بتتشالى!!دا انا فى سرى)..


الرجل: انا خايف عليك ماتعوقك الركشة..(منو اليعوق منو؟دى حتفتل شاسى الركشة مش تعوقا..انا برضو فى سرى)..


بثينة: ياراجل خلاص بطل النقة الكتيرة وانجرا اركب بهناك..ماتضيع لى زمنى فى نقتك الماعندها طعم دى..


امين: طلب ولا ماشين اول المحطة..


بثينة: اول المحطة..


الرجل: مانمشى المشوار من هنا طوالى يابثينة؟مش انتى مستعجلة؟


بثينة: عليك الله ياجميل انطم واسكت..لزوما شنو بعزقت القروش نصل اول المحطة ومن هناك نقاول الزول دا..وبعدين مستعجلة دى انا البحددا انتا تركب وتسكت وبس..


امين: بس يااخوانا كدا لازم نستنى زول تالت عشان الركشة تتملى..


بثينة: والتالت دا ان شاءالله حيركب وين يااخوى؟فى راسى؟


امين: طيب بتدفعو حق تلاتا ركاب..


جميل: بندفع اتوكل على الله امش..


بثينة: انا ياراجل ماقلت ليك تنطم..منو البيدفع انا ولا انتا؟ندفع كيف لتلاتا واحنا اتنين؟انتا مابتفهم؟انطم احسن ليك عشان مااوريك ليو..


امين: خلاص نستنى التالت..ويركب معاكم ورا..


بثينة: انتا يازول مانصيح..الركشة دى بتشيل ليها زول تالت؟


امين: يااخت مافى داعى للغلط..ياتدفعى حق التلاتا ياتستنى يجى زول..


جميل: خلاص يابثينة عشان راحتك ادفعى حق التلاتا..


بثينة: انتا ياالفقر مابتعرف تسكت كلو كلو..ادفع من وين ؟من قريشاتك الكتيرا ولا من راتبك الناقز ليا بيو اخر الشهر المابيجيب حق الفول؟


امين: اها قلتو شنو؟


بثينة: امش وسيب النقنقة خلاص بدفع..ناس عايزا بس تغنى بسرعة..

امين: تغنى !!ركوب الركشة بيغنى!!على كدا انتى مرتاحة البتركبى ركشة..

بثينة: يااخو بالله اطلع وخليك فى روحك..


تتحرك الركشة بتثاقل..فالوزن لم يكن خفيفا عليها..وامين مابين التساؤل والحيرة..هل هذا الجميل زوج هذه الشريرة بثينة..ام تراه اخاها..ولم يقبل على نفسه كل هذه المهانة!!..بجميع الحالات كان اخا او زوجا او حتى عاشقا..وماذا تراه يعشق فى هذه السليطة اللسان..لاجمال ولا اخلاق ولا حتى وزن معقول ومقبول..


يتبع....

[فراس]

اشرف يارائع
انا ايضاء محتار مع امين
لكن في الغالب هي زوجته
ماتستبعد في رجال اضينات كتاااار ,,,,,
اشرف والله انت مبدع واصل ياجميل

[أشرف صلاح السعيد]

اشرف يارائع
انا ايضاء محتار مع امين
لكن في الغالب هي زوجته
ماتستبعد في رجال اضينات كتاااار ,,,,,
اشرف والله انت مبدع واصل ياجميل

عوافى اخى فراس..
يااخى جد بتحسسنى انى مبدع بجد..يازول خفف شوية مااقوم اصدق بجد..
يديك كل العوافى وبيكم اكيد حواصل إن شاء الله..

[ايمن عبد الله]

اشرف اخوي ركشتك دي لسة ما لاقاها دفار كسرها ولا كيف ؟

[أشرف صلاح السعيد]

اشرف اخوي ركشتك دي لسة ما لاقاها دفار كسرها ولا كيف ؟

ياخى الزول اقساطا ماكملا مالك عليو..
لكن لو عايزا التتكسر جيب دفارك وتعال..

[أبو حمزة]

بالمناسبة: رجال ذي ديل ما جد غريبين..

لكن بيني وبينك لازم تكون ماسكة عليه شيء..!!

[أشرف صلاح السعيد]

بالمناسبة: رجال ذي ديل ما جد غريبين..

لكن بيني وبينك لازم تكون ماسكة عليه شيء..!!

اكيد ماسكة عليو..هو القفة دى مامسكة وربطة وحبسة وكسرة عين؟؟
ولكن هناك الكثيرين بلا مسكة ضيعوا الهيبة وأضاعوا القوامة تحت مسميات ابتدعوها لم ينزل الله بها من سلطان..ويمكن صاحبك امو كانت ضافرة الحاج ومابعيد يكون بيعانى من تبول لا إرادى..

[أشرف صلاح السعيد]

فاصل اعلانى..

فايزة: ماشفتى يابتول اليومين ديل فى حلاة مسلسل..

بتول: مسلسل شنو ياانتى ؟ تركى ولامصرى؟

فايزة: مسلسل سودانى واسمو الركشة كمان..

الركشة ..فخر الدراما الركشاوية..الآن بقناة منتديات ودمدنى..

ركشة ركشة ركشا..او ركشا
ركشة ركشة ركشا..او ركشا

انحنا احلى قارئين ..او ركشا
نعاين ومصنقرين ... او ركشا
الركشة طول السنة والسنتين الجايات..برى للأساتيك..
الركشــــــــــــــــــــــــــــــــــــــــــة هى هى ركشة لكن..

[فراس]

غايتو جنس شحتفة روح :p:p

[أشرف صلاح السعيد]

الحلقة السادسة..



(اضان القفة-راجل المرة)


بثينة: شوف ياراجل لما نصل عند ناس اختى فتحية اوعك تجيب سيرة شوال الطلح الجبتو من الدمازين..


جميل: اجيب سيرتو كيف!!دا طلح بثينتى انا وبس..انا ماجايبو ليك انتى ياست القيافة (ود الكضااابة قيافة!!قيافة فى عينك-انا فى سرى)..


بثينة: انتا خشم وبس..اكان عامل مكسر فينى كدا ليه لهسع مااتسلفت ليا حق التوب لعرس بت اسمى؟


جميل: يخسى عليك يابسبس..انا ماقلت ليك حتسلف من احمد صاحبى بس مستنيو يجى من المأمورية بتاعتو..


بثينة: واحمد بتاعك دا لو اتأخر وماجا قبل العرس امشى العرس بشنو..ياراجل شوف ليك زول غيرو وماتجهجهنى ساكت العرس الخميس الجاى يعنى باقى ليو تلاتا ايام..


جميل: ان من متين بتأخر على طلباتك..حاضر ..بكرة بمشى ناس عبد الرازق اخوى وبتصرف..


وفى هذه الاثناء تتجاوز الركشة عربة من الموديلات الحديثة بسرعة شديدة مما جعل الغبار يبدو كعاصفة ترابية..


فاصل اعلانى



بمنتديات ودمدنى بتركلس لما تنمل كدريك..


امين: الزول دا مالو؟ شن لاحق عججنا كدا!!


جميل: بثينة غطى وشك بالتوب التراب مايأزيك..يااخى ديل ناس ديل..عشان عندهم عربات سمحة يبهدلو فينا كدا؟؟


بثينة: تلاقيو سواق..ولا ود امو عجباو عربتو..ازانا الله يئزيو الحمار..


جميل: دا ماسواق ماشفتى البت الراكبة معاو قدام؟


بثينة: انتا الوداك تعاين للبت شنو؟ راجل مابتخجل على شيبتك..وهى زاتا شن البت..بنات الزمن ديل بنات؟غير الصعلكة وركوب العربات مع الرجال عندهم شغلا؟تلاقيها واحدة من اياهم..


جميل: يابسبس انا ماشفتها كويس ..صدفة هى وقعت فى عينى لما العربية عدت..هو انا بشوف غيرك؟وهى دى منو الزيك بالله (احييا من كضبو الراجل الخايب دا ضافراو مطلعة زيتو وبيكسر لسة فى تلج!!فى سرى لكن بعد شوية بجاهر عديييل كدا)..


امين: يااخت ماتتذنبى ببنات الناس ساى..ممكن تكون اختو ولا زوجتو..


بثينة: وليه ماتكون واحدة من اياهم..هو فى راجل اليومين ديل بطلع اختو معاو؟؟


امين: ليه مافى!!ماهسع اهو اخونا مطلعك معاو..


بثينة: دا ماظااهر انو راجلى..


امين: ظاهر ليك انتى لكن هسع الناس الماشة فى الشارع ديل بيعرفو كيف انو راجلك؟


بثينة: اي انا صغيرة ومابيظهر على العرس لكن توبى دا مابورى انى متزوجة..


امين: بيورى انك متزوجة يمكن..بس مابيورى الاخو المعاك انو زوجك..


بثينة: بعد دا الناس بطريقتا..يعنى امشى معلقة ورقة مكتوب عليها الراجل الجنبى دا راجلى ولا كيف؟


امين: بس كدا وصلنا..يعنى لا التوب ولاغيرو بيورى الناس انو الواحدة متزوجة والمعاها بيكون زوجها..عشان كدا حقو الواحد مايتسرع فى الحكم على غيرو ولا ماكدا؟


بثينة: بس البت ظاااهر انها مازوجتو..(دى يفهموها كيف- امين فى سرو)..


جميل: يااخو بالله شفتا مرتى دى كيف نجيضة ومابتتغلب..والله يابسبس مفروض تبقى محامية..(ان شاء الله تموت انتا وهى ياحمار-خلاص ماقادر استحمل الزول الغبى دا فى سر امين وفى سرى)..


تمر الركشة بصينية النخلة ولازال اب جيبين بوسطهابصافرته اللعينة..


يتبع...

[أشرف صلاح السعيد]

غايتو جنس شحتفة روح :p:p

حبيبنا فراس عوافى..
اها نزلنا ليك حلقة..
تواجدك شرف لأسرة الركشة ..
وممكن فى السحب الكبير تفوز بلفة بالركشة بعيدا عن الطرقات ام كلاب..

[الملكة اسماء ( ام محمد )]

..(ان شاء الله تموت انتا وهى ياحمار-خلاص ماقادر استحمل الزول الغبى دا فى سر امين وفى سرى)..


وفي سري انا برضو بالله :)

[أشرف صلاح السعيد]

وفي سري انا برضو بالله :)

ملكة القلوب سلام..
شفتى الحالة الصعبة دى بالله؟
وبركة بثينة الخلتنا لاول مرة متفقين فى جانب واحد..تصدقى داخل اشوف ردك ومتخيل بداية موقعة انثى /ذكر ..بس كتلتى ليا الدش فى يدى..
غايتو جنس غايتو من بثينة ومن اضان القفة..

[أبو حمزة]

الأخ / أشرف العجيب .. أظن الآبري بتاعكم فيهو خميرة ..( لو تسمح لي عندي وجهة نظر .. واستنتاج مستوحى من الحلقة السادسة: شكراً..


بصراحة .. يا ناس كل زول حر مع زوجته .. يكسِّر ليها تلج ..يشيلها في كتفو .. يمشي قدامها..يقبل نبذها ولآمتها ومرِّ كلامها.. يعني نحن لو حاولنا نصحِّح وضع ..أو نعدِّل فهم.. بنخرب بيت ( إما صاحبنا .. أو أخونا .. أو زول بنعرفه..).. عشان كدة بيوقولوا: ( البيوت أسرار ) أسرار بابكر؟؟


فجميل مبسوط من بثينة .. وبيني وبينكم : هو منو المعرِّس منو؟؟

[الملكة اسماء ( ام محمد )]

وبركة بثينة الخلتنا لاول مرة متفقين فى جانب واحد..


في الحتة دي بجيك ( بمزااااااج )
لكن كمقدمة .. انا ضد تسلط المراءة وانكسار الرجل

[أشرف صلاح السعيد]

بصراحة .. يا ناس كل زول حر مع زوجته .. يكسِّر ليها تلج ..يشيلها في كتفو .. يمشي قدامها..يقبل نبذها ولآمتها ومرِّ كلامها.. يعني نحن لو حاولنا نصحِّح وضع ..أو نعدِّل فهم.. بنخرب بيت ( إما صاحبنا .. أو أخونا .. أو زول بنعرفه..).. عشان كدة بيوقولوا: ( البيوت أسرار ) أسرار بابكر؟؟

ابوحمزة عوافى..
يازول منو دا اليصلح ؟ بالله عليك مع بثينة دى فى امكانية تصليح "مخيّر راجلا معاها" ..بس شنو سر المدافعة "مجرد سؤال بريئ مع احترامى ليك؟" ههههههههههه..

[تغريد]

ممكن افهم الركشة دي ماشة ويين بالضبط عشان نجهز حق المشوار وكدا :confused::confused::D:D

[أبو حمزة]

ابوحمزة عوافى..
يازول منو دا اليصلح ؟ بالله عليك مع بثينة دى فى امكانية تصليح "مخيّر راجلا معاها" ..بس شنو سر المدافعة "مجرد سؤال بريئ مع احترامى ليك؟" ههههههههههه..


علشان عندنا أخوانا ..( والله رجال 100% ) بس نساؤهم يلعبن بهم ...

ولا أدري لِمَ هم متسامحون مع زوجاتهم .. ومتعنتون مع الغير..

وأقرب مثال نابليون.. الذي كان يهابه الكل .. يرتجف أمام زوجته..

( يا ربي كانت عاملالو عمل؟؟)..!!

[أشرف صلاح السعيد]

في الحتة دي بجيك ( بمزااااااج )
لكن كمقدمة .. انا ضد تسلط المراءة وانكسار الرجل


الحمد لله ..
وتعالى راجعة عشان نقول ليك "بركة الجيت بركة الجيت ..آآى دا الشغل دا الشغل" بس الله يسترنا من جياتك..

[أشرف صلاح السعيد]

ممكن افهم الركشة دي ماشة ويين بالضبط عشان نجهز حق المشوار وكدا :confused::confused::d:d

اختنا تغريد رمضان كريم..
الركشة ماشة بكل طريق ممكن يكون فيو خطأ او سوء تقدير..
لناس مدنى الركشة ملح ..بس امين لو الاقساط غلبتو الكشف بجيكم..

[أشرف صلاح السعيد]

علشان عندنا أخوانا ..( والله رجال 100% ) بس نساؤهم يلعبن بهم ...

ولا أدري لِمَ هم متسامحون مع زوجاتهم .. ومتعنتون مع الغير..

وأقرب مثال نابليون.. الذي كان يهابه الكل .. يرتجف أمام زوجته..

( يا ربي كانت عاملالو عمل؟؟)..!!

يااخوى نابليون دا فرنسى وبعذرو..الكلام فى اب شنبات وناس حرم وطلق..
التسامح مع الزوجة محمدة " رفقا بالقوارير" ولكن التساهل لحد الغاء الشخصية دى الكارثة..

[الاميره]

مره ونحنا راجعين على البيت .وقف بتاع ركشه ..وركبنا وبعد صمت سال:انتو باين ما من هتا
فردت الوالده :والله من ناس مدنى ..
السواق:شكلكم ما ماشايفو كتير ..
ورديت انا :والله دى الغربه ..اصلو طولنا بره السودان
ولما وصلنا وكانت المسافه عباره عن محطتين طلب مننا( 2500) فقلت ليه المبلغ كثير شويه ..فرد:والله دى التعريفه وكمان انتوا اصحاب اموال
يعنى القصه فى الركشه كلو زول وكومو البطلعو من الركشه..ما فى تعريفه موحده للمشاوير من ناحية القرب والبعد...
مع احترامى وتقديرى

[أشرف صلاح السعيد]

مره ونحنا راجعين على البيت .وقف بتاع ركشه ..وركبنا وبعد صمت سال:انتو باين ما من هتا
فردت الوالده :والله من ناس مدنى ..
السواق:شكلكم ما ماشايفو كتير ..
ورديت انا :والله دى الغربه ..اصلو طولنا بره السودان
ولما وصلنا وكانت المسافه عباره عن محطتين طلب مننا( 2500) فقلت ليه المبلغ كثير شويه ..فرد:والله دى التعريفه وكمان انتوا اصحاب اموال
يعنى القصه فى الركشه كلو زول وكومو البطلعو من الركشه..ما فى تعريفه موحده للمشاوير من ناحية القرب والبعد...
مع احترامى وتقديرى

تعرفى قطاع النقل من امثال ركشة والتكسى وامجاد طلب اصلو ماتجيبى سيرة اغتراب وانك طولتى من البلد ..او حتى انك من مدينة تانية..وسؤال بتاع الركشة كان دردقة عشان يحدد بموجبها اللبعة وانتى جزاك الله خيرا ماقصرتى..قلتى ليا مغتربة؟ الحمدلله ماشال منك خمسة جنيه "الجديدة"..تعيشى وتاخدى غيرا..قال قالت مغتربة قال..

[أشرف صلاح السعيد]

فاصل اعلانـــــــــــــــــــــــــــــــــــــى

بوبارة : ماشفتى يا فلهمة ماعملو مدرسة خاصة ..

فلهمة: النبى فيك ودى بيدرسو فيها شنو دى..

بوبارة : دى مدرسة ثانوى بس للناس العندها قروش الزينا كدا..

فلهمة : دا مفروض يحصل من زمان لانو التعليم لمة كمان..

مدارس الحناكيش ماعندنا اول و طيش
الفرص محدودة وكراسى للغبش مافيش
ثانويات الحناكيش بكل الاحياء الراقية مش احياء الدراويش

ماتأليش ماتأليش غير مدارس الحنكيش ماتلائيش

[أشرف صلاح السعيد]

الحلقة السابعة..

(نفس الشى اضان القفة)

تنطلق صافرة اب جيبين مرة اخرى كعهدها دوما..يلتفت السائقين كالعادة ولكم تبهج تلكم الالتفاتات الخائفة اب جيبين..تشبع غروره بأن الكل يرهبه ويخشى صافرته..






فاصل اعلانى..


الخدمة الوطنية هى سند البلاد
هى فرصة البنات كى تسبق بالدراسة الاولاد
هى الحل لبورة الشابات..تتخرج اولا وتؤسس نفسها لك ايها الشاب..
الخدمة الالزامية..هى حل كل المشكلات..
ماكل شارب نايم ملح ولاتحاسب الجرسونات..


اب جيبين : اقيف ياركشة ..

امين : خير اللهم اجعلو خير..الزول دا مابيفتر من تصفيرو الكتير دا..لو عندو احساس هسع مفروض يكون طرش ..

جميل : يازول اسكت مايسمعك يعمل ليك مشكلة..

امين : انحنا وين وهو وين ..اصلو يسمعنا كيف؟

بثينة : انتا ياراجل بتتحشر كدا ليه؟ مخيرين هم مع بعض..الا تدخل بوزك دا فى كل شى؟!!

اب جيبين : شنو يافردة كيفك؟

امين : (مستغربا) تمام ياجنابو فى شى؟

اب جيبين : هو ناس العقيد ديل بيبقو ليك؟

امين : كيف ديل اهلنا (الحرب خدعة) فى شى؟ عايزنى اوصيهم ليك بشى؟

اب جيبين : مابتقصر ياابو الشباب..بس بالله فهمن انو مافى مشكلة بيناتنا ..

امين : الله لا يجيب مشاكل يازول..ماعندك اى مشكلة..فى شى تانى؟

اب جيبين: لا مافى بس اتوصى بينا وكدا..اتفضل الله معاك..

سبحان المغير من حال لحال..يتغير اب جيبين مع امين كل هذا التغيّر..كيف لا ..والواسطة قد مددت ارجلها وتمطت بكل الاماكن والطرقات..كيف ولا ..والقانون امسى نسبى والدساتير تتغير مابين ليلة وضحاها..من ياترى الاقوى الواسطة ام الضمير؟







فاصل اعلانى..


التمساح لاستجلاب العمالة الاجنبية
استرح ايها السودانى ودعنا نجلب لك من يعمل بدلك
التمساح يهنئ الشعب الكريم بوصول باقة من البنغال والنيبال
التمساح يعينكم على الاستمتاع باوقاتكم
لم تعمل وتتعب وانت تستطيع ان تجعل غيرك يعمل
التمساح رائد العمالة الاجنبية وياسعار لا تقبل المنافسة
التمساح اسم فى عالم الاستقدام




امين : والله الزول دا منفوخ تراهو على الفاضى..معقول دا اب جيبين المؤذى!!سبحان مغير الاحوال!!

بثينة : هسع دى العسكرى المطرطش دا موقفنا ومعطلنا عشان كلمتينو الفاضيات ديل؟

امين : احمدى ربك على كدا..والله انا فى الفردة الاخيرة موقفنى ساعة عشان قال المرايا مامثبتة ويمكن تطير تضرب ليها زول ولا عربية..

بثينة : هم اصلم كدا واقفين لجنس دا ..الماشى يشيلو منو والجايى يشيلو منو..

جميل : وهسع مالو اتغير معاك كدا؟

بثينة: ياراجل انتا ماعندك فهم ولاشنو؟ ماظاهر عرف الزول دا قريبو ضابط عشان كدا جارى ناعم معاو..انتا مخك دا وين ماسمعت كلامن؟

امين : زى ماقالت الاخت افتكر انو قريبى ضابط ودى قصة طويلة..

بثينة : اها يااخو بعد مانصل اول المحطة بتودينا مشوار لطرف النخيل؟

امين : جدا مافى مشكلة..

بثينة : احنا ماشين جنب محطة الدايش..بتودينا بكم؟

امين : مافى مشكلة ادفعو المعقول..

بثينة : والمعقول دا يااخوى كم؟ عشان مابعدين نقعد نتفاصل قول بتودينا بكم عشان من اول نكون متفقين..

امين : انتو بتمشو المشوار دا بكم؟

جميل : والله بنم..

بثينة : (مقاطعة لجميل) بنمشيو بتلاتا جنيه..اها بتودينا؟

امين : المشوار دا حقو خمسة جنيه..بس ادفعو الاربعة بوديكم..

بثينة : ياود الناس ماتبقى صعب وباركا بالتلاتا..(هامسة لجميل) دا كلو من تشوبرك ..

امين : والله لو بتخارج كنتا وديتكم..

بثينة : طيب بنديك تلاتا ونص..

امين : يااخت المشوار انتى عارفاو واكيد مامشيتو قبل كدا باقل من اربعة جنيه..

بثينة : والله انت صعب خلااس..اتفقنا ..اربعة اربعة مجبورين..عاد نسوى شنو..

جميل : يااخى ماتراعينا شوية..

امين : والله راعيتكم يااخونا..

بثينة : انتا ياراجل الموضوع ماخلص شنو تانى ليك ..ماكلو منك ومن خشمك المابتعرف تسدو دا..

الركشة تغير اتجاهها المعتاد لتتجه الى طرف النخيل..امين محتار لامر هذا الرجل وخنوعه المهين لزوجته..فهو لايستطيع حتى ابتدار حوار معه..او حتى اكمال جملة لاترتضيها هذه البثينة المفترية..ترى ماذا يجعله يستحمل هذه المعيشة مع إمرأة مثلها..نعم لولا إختلاف الآراء لبارة النساء..ولكن ابهذه البثينة رأيان مختلفان؟!!

يتبع....

[أشرف صلاح السعيد]

فاصل اعلانى..

توكيلات الصائم..تعلن عن وجود وجبات الصائم المكتملة العناصر الغذائية..
وجبة السلف..سبعة تمرات وكوز ماء "ماتختلط عليكم الكيزان"..

الوجبة العصرية ..تمرة ..جقمة ماء والكورة العجيبة طحنية ومربى وسكر وسجم ورماد وبلى..
الوجبة الخفيفة..تمرة وبليلة وموية زير صحية ونقية..
الصائم نحن نؤكد على السير بنهج الصيام الديما..

[الملكة اسماء ( ام محمد )]

..امين محتار لامر هذا الرجل وخنوعه المهين لزوجته..فهو لايستطيع حتى ابتدار حوار معه..او حتى اكمال جملة لاترتضيها هذه البثينة المفترية..ترى ماذا يجعله يستحمل هذه المعيشة مع إمرأة مثلها..نعم لولا إختلاف الآراء لبارة النساء..ولكن ابهذه البثينة رأيان مختلفان؟!!



عُدنا يااستاذي
استسلام الرجل لاوامر المراءة او خلينا نقول ( لتسلطها واستعلائها ) يعتبر ( شذوذ ) في شخصية الرجل الذي يعرف عنه منذ قدم التاريخ (قوة الشخصية وسياسة الامر والنهي في المنزل )
صراحة بتضايق جدا من الراجل ( البتمشية المرة على عجين مايلخبطوش )
المصيبة انه المرة المتسلطة بتتعمد ( استعراض ) شخصيتها امام العامة لاظهار شخصية زوجها ( المهزوزة )
وهنا تكمن المصيبة الاكبر

وااااصل ابداع يامُبدع وخلينا نشوف اخر مشوار بودينا وين ؟

[أشرف صلاح السعيد]

عُدنا يااستاذي
استسلام الرجل لاوامر المراءة او خلينا نقول ( لتسلطها واستعلائها ) يعتبر ( شذوذ ) في شخصية الرجل الذي يعرف عنه منذ قدم التاريخ (قوة الشخصية وسياسة الامر والنهي في المنزل )
صراحة بتضايق جدا من الراجل ( البتمشية المرة على عجين مايلخبطوش )
المصيبة انه المرة المتسلطة بتتعمد ( استعراض ) شخصيتها امام العامة لاظهار شخصية زوجها ( المهزوزة )
وهنا تكمن المصيبة الاكبر

وااااصل ابداع يامُبدع وخلينا نشوف اخر مشوار بودينا وين ؟


اختى ملكة القلوب عوافى..
يعجبنى التحليل مع القراءة جدا والنواتج الغير مكتوبة بالنصوص..
المستقوى او المفترى امثال بثينة يتلذذون باستعراض قواهم الكاذبة كما اسلفتى ولكنهم اذكياء جدا بحيث لا يصلون المفترى عليه لمرحلة الثورة لمعرفتهم اين تقع حدود بدايات كراماتهم المغيبة ..
والركشة لسة ولسة مدورة وانا زاتى ماعارف ماشا على وين..

[فراس]

الليلة يااشرف جيب المسلسل بدري الشفع
ديل قالو لو ماحضرو المسلسل مابنومو

[أشرف صلاح السعيد]

الليلة يااشرف جيب المسلسل بدري الشفع
ديل قالو لو ماحضرو المسلسل مابنومو

حبيبنا فراس سلام..
الا سهر الشفع هسى بنزل ليهم المسلسل..

[أشرف صلاح السعيد]

الحلقة الثامنة..


(اضان القفة-الاخيرة)

بينما الركشة فى طريقها الى طرف النخيل تمر بمنطقة كأنها بحيرات متقطعة..الامطار مياهها راكدة غير مصرفة..الركشة تسير بدروبات متعرجة تاركة خلفها ثلاثة خطوط كأنها آثار حيّاتٍ على الارض..



فاصل اعلانى..

وليد دارفور للتدريب الحربى وفنون الملشيات

وليد دارفور يأخذك الى العالمية وفنادق الخمسة نجوم الباريسية

نمدكم بالتاتشرات المجهزة بالراجمات والمضادات للطائرات

وليد دارفور عالم جديد فى فن التعامل مع المحكمات الدوليات

وليد دارفور بمشى معاك الليلة محل ماتدور الا مكان ود نور..


جميل : بالله شوف المطر دا عامل بالشوارع دى كيف!!


امين : بس فالحين يشيلو ضرائب فى الفاضية والمليانة..هسع الشوارع دى منو المفروض يعملا ردميات؟ياخى اقلاها يعملو مصارف للموية دى ماتتجمع وتعمل للناس امراض..


جميل : ياخى انا لما كنتا فى الخليج الشوارع تفتح النفس..جنس البهادل دى اصلو مابتشوفا..


بثينة : انتا وقتين الخليج دا شارققك كدا الرجعك شنو لو ماغاوى فقر..


جميل :الرجعنى ماعارفاو؟ مارجعتينى انتى يابسبس..


بثينة : شوف الراجل وكضبو..انا زاتى ماكنتا معرساك لما كنتا مغترب..رجعتك كيف يعنى؟


جميل : مارجعتا عشان اعرسك يابسبس..


بثينة : اها اتسجمتا وعرستنى..مالك مارجعتا تانى؟


جميل : ارجع كيف وانا اتلميت فيك؟ ارجع واسيبك كيف؟


بثينة : ارجع زى مخاليق الله..مابيجو يعرسو وبعدا بيرجعو يستقدمو نسوانم..


جميل : لكن يابسبس اقامتى ماكانت بتخلينى اعمل ليك استقدام..وبعدين بعد وفاة الوالد ارجع كنتا يعنى واسيب امى براها كيف؟


بثينة : ياخوى ابوك مات بعد عرسنا بسنة يعنى دا ماكان سببك..


جميل : ماقلنا ليك السبب الاقامة..


امين : مالا الاقامة؟


جميل : اقامتى كانت عامل تربية مواشى..ودى اقامة لا بتتغير لمهنة تانية ولا بتقدر تجيب بيها مرتك..


امين : معليش للتطفل بس انتا اصلا الوداك باقامة راعى شنو وشكلك موظف؟


جميل : الغبا وموضة الاغتراب..


بثينة : الغبا ولا غشاك ودحلتكم؟ قال ليك المهنة بتتغير وشال قروشك سااى..


امين : هو كمان الاقامة بتاعت الراعى دى بيشتروها؟!!


جميل : والله ديل لو لقو اقامة ناقة كانو باعوها..


امين : والله الكويس رجعتا واشتغلتا فى بلدك معزز مكرم..


بثينة : معزز مكرم!! وينو التعزز دا؟ ياها الماهية البتطير قبل يوم خمسة فى الشهر؟ولا البطن البتقوم بنصها من الاكل؟


امين : هنا مامرتاح وهناك مامرتاح..اقلاها الواحد يكون بين اهلو..


بثينة : وهم الاهل ديل وينم؟ كلو واحد شال نصيبو من الميراث ومابتلاقو الا فى المناسبات..راعى راعى اخير من هنا والمعيشة الصعبة دى..


جميل : يااخونا البيت ماتفوتو..البيت هداك القدامو شجرة النيمة..


بثينة : عليك الله قربنا من الباب الطين دا مايوقعنا يكسرنا..


امين : جدا يااخت..


تقيف الركشة امام الباب اللبنى وشجرة النيمة ..



فاصل اعلانى..

الدحدوح لاحدث وسائل التفتيح والمسووح

الدحدوح لكريمات تظليط الوشوش وعمل الجروح

الدحدوح يهنئ الشابات والخالات والعمات بوصول كريم فتوح

كرم فتوح الكريم السحرى لقلبك لميرندا ولو كنتى بيبسى

الدحدوح رائد عالم التظليط والتظليل وعمل الدبرات الجروح


بثينة : هاك دا حساب المشوار الاول ودى الاربعة جنيه بتاع المشوار دا..

امين : شكرا ..يديك العافية..

جميل : ماتتفضل معانا شوية يااخو..

امين : مابستغنى ..بس الواحد اليمشى يسك رزقو..

جميل : طيب مع السلامة..

امين الله يسلمك..فى امان الله..

ثم تستعدل الركشة مستعدة لمشوار العودة الى اول المحطة ..


يتبع....

[الملكة اسماء ( ام محمد )]

فاصل اعلانى..




وليد دارفور للتدريب الحربى وفنون الملشيات




وليد دارفور يأخذك الى العالمية وفنادق الخمسة نجوم الباريسية




نمدكم بالتاتشرات المجهزة بالراجمات والمضادات للطائرات




وليد دارفور عالم جديد فى فن التعامل مع المحكمات الدوليات



وليد دارفور بمشى معاك الليلة محل ماتدور الا مكان ود نور..






فاصل اعلانى..




الدحدوح لاحدث وسائل التفتيح والمسووح




الدحدوح لكريمات تظليط الوشوش وعمل الجروح




الدحدوح يهنئ الشابات والخالات والعمات بوصول كريم فتوح




كرم فتوح الكريم السحرى لقلبك لميرندا ولو كنتى بيبسى




الدحدوح رائد عالم التظليط والتظليل وعمل الدبرات الجروح



تصدق يا استاذي ساعات بحتار اعلق على اعلاناتك الفيها الف رسالة والا على مشاوير امين بالركشة
والمواقف البتمر عليه

[الملكة اسماء ( ام محمد )]

امين : بس فالحين يشيلو ضرائب فى الفاضية والمليانة..هسع الشوارع دى منو المفروض يعملا ردميات؟ياخى اقلاها يعملو مصارف للموية دى ماتتجمع وتعمل للناس امراض..

الله ليك يابلد



جميل : لكن يابسبس اقامتى ماكانت بتخلينى اعمل ليك استقدام.. اقامتى كانت عامل تربية مواشى..ودى اقامة لا بتتغير لمهنة تانية ولا بتقدر تجيب بيها مرتك..




والله ليك يامغترب

[أشرف صلاح السعيد]

تصدق يا استاذي ساعات بحتار اعلق على اعلاناتك الفيها الف رسالة والا على مشاوير امين بالركشة
والمواقف البتمر عليه

يكفينى متابعاتك الرائعة ايتها الاستاذة الغائصة تمعنا بين الاسطر وماأمام الاسطر وماورائها..
لكى كل التحايا والاحترامات..

[أشرف صلاح السعيد]

والله ليك يامغترب

لا تعليق من بعد التعاليق..

[أشرف صلاح السعيد]

فاصل اعلانى..
الحلقات القادمة من الركشة لايجب مشاهداتها مع من هم اقل من 18 سنة..
والحاضر يكلم الغايب..هووووى انا حذرتكم وبعدين لما تتحرجو ماتسبو ليى..

و..
ركشة ركشة ركشا..اووو ركشا
انحنا ماسحاسيح .....اووو ركشا
انحنا بس مماسيح....اووو ركشا
و..
ركشة ركشة ركشا..اووو ركشا


الحلقات القادمة (الله يكفينا شرهم)

[أشرف صلاح السعيد]

الحلقة التاسعة..

(يكفينا شرهم)

تطرطر الركشة عائدة الى اول المحطة وسائقها يقودها بآلية حفظت بكل حواسه..يغير السرعة دون اى تفكير ويرى امامه رغم انشغال ذهنه بمواضيع اخرى ..الركشة غدت لامين كجزئ من جسمه او هو جزئ منها..يجلس عليها واقفة او متحركة لاكثر من ستة عشرة ساعة باليوم..ثلثى حياته الحاضرة هو والركشة..


فاصل اعلانى..[/color]

شئون المغتربين بالتنسيق مع مصلحة الاراضى يعلن عن اراضى للبيع بأحياء دقسناكم..ومحطة الصرف الصحى جنوب غربكم..حيث الهواء النقى
اراضى درجة اولى ممتاز..درجة اولى جيد جدا..درجة اولى جيد..درجة اولى حسن ودرجة اولى خاص ودرجة اولى مميز ودرجة اولى اول ودرجة اولى ثانى ودرجة اولى ثالث[/color]
الدفع بالتقسيط ..ادفع الآن واولادك يتابعون السداد (اكيد قاتلنك بعد القسط الاول)
اراضى خاصة لك ايها المغترب (نسو يلحقوها بالداقس) لعودة هانئة للبلاد
ميادين ..مدارس ..رياض اطفال..مستوصفات..اسواق وملاهى (بعد تلتين اربعين سنة كدا)[/color]


- ياركشااا..هااى يابتاع الركشا هااااى..
صوت فيه الحنية والدلع وحتى عندما ضخم وكبر وعظم دلعه لم يغيب ..صوت جعل امين ينتشل انتشالا من سرحانه ودينميكية قيادته للركشة..صوت اتاه كالطل الخفيف بوقت انصهار ماعلى سطح الارض من سخونية شمسها..
تقف الركشة..شابين ام تراهم شابين..اختلط الامر..الملامح متداخلة ..مرة ملامح واضحة ثم تداخل عليها ملامح اخرى ايضا واضحة..من تراهم هذين؟..لم ارى بحياتى مثل هذين الشخصين ..يتقدما الى الركشة متمايلين وقد سبقهما الى الركشة عطرهما النفاذ ورائحة النظافة المنعشة..يكونو ديل...استغفر الله العظيم..

يتبع....

[أشرف صلاح السعيد]

الحلقة التاسعة ونصف..

(يكفينا شرهم)

تتوقف الركشة..يتقدم الكائنان الحيان صوبها..يالها من مشية كل شئ موقع فيها حتى تنية الايد وغرودة العيون..

الاول : ياهناى تودينا شارع النيل؟

الثانى : هيى ياحسونة ماتسلم الاول..الشاب شكلو ظريف ولطيف..ازيك ياانتا..

تجمد لسان امين ولم يستطع حتى الرد..سرح سريعا..ايترك هذين الكائنين ويمضى؟ام يركبهما ليكتشف عوالمهم المريبة؟كيف يتركهم وهل تتكرر مثل هذه اللحظات دائما..

امين : اهلا بالشباب..بوديكم شارع النيل..بتدفعو كم؟

حسونة :الدايرو بنديك ليو..يلا ياعليوة اركب..

امين : خمسة جنيه المشوار..

عليوة : والله اول مرة اشوف ليا بتاع ركشة ظريييف كدا..طواالى بغشونا تراهو..والله ياانتا اقل مرة مشينا المشوار دا بسبعة جنيه..بس الكلام الاول مابيتحول وتجى ياانتا تقول عايز سبعة جنيه..هى هى هى..





فاصل اعلانى..

الأناقة للملبوسات النسائية تهنئ الشعب الكريم لقرب حلول رمضان..
الأناقة اسم رائد فى البناطلين النسائية سابقا..
وتفاديا للشنكبات والعنكبات والنظامات العامات والخاصات جديدنا اسكيرتات الخطوة ونص النانساوى..

(اغنية)
برى برى برى ياالبنطلون..
برى برى برى ادخل سجون..
برى برى برى اعاكس القانون..
برى برى برى تدخل فرنسيون..
برى برى برى للأليزيه وليون..
برى برى برى ياالبنطلون..

الأناقة..لماذا تتشرشحى بالبنطلون ويوجد لدينا جيبات شفافة كالنيون..
اسكيرت النيون يقسمك ويفدعك من ماتصحى من النوم..




امين : ماتخاف الخمسة مابرجع فيها..بس امسكو قوى عشان الدقداق وكدا..

حسونة : والله ياانتا ماعسل عديل كدا..بس عليك الله ماتجرى فى شوارع التراب عشان مانتوسخ..اصلنا ماشين مواعدين الشلة وعندنا رحلة نيلية ختيييرة..

عليوة : وعلى فكرة ياهنااى..هو انتا اسمك منو ياانتا؟

امين : امين ..اخوكم امين..

عليوة : ممكن اقول ليك ميمى؟

امين : قول ..هو القول بقروش؟

عليوة : طيب ياميمى ماتجى معانا والله نبسطك انبساطة لما غلت (غلط)..قلتا شنو؟

امين : (مستغبيا) حتبسطونى كيف يعنى؟

حسونة : زى ماعايز..اى نوع انبساطة احنا عندنا..غنا وبنغنى..واسكت ساى عندنا حلات لعبات ولا لما تشوف باقى الشلة حتحبهم كلهم الا دودى الكريه..

امين : ومالو دودى دا كريه!!؟

عليوة : اصلو غيووور واى حاجة بنعملا يبوخا لينا..تتذكر ياحسونة دودى قال شنو فى حلاقتى المرة ديييك؟

حسونة : ولا تاخد حبيبى من كلامو..هو اصلو سخييف وغيور موت..

امين : يخسى عليو..اوع يكون زعلك ونبز ليك حلاقتك؟

عليوة : تتخيل ياانتا قال عليا انا كاوى شعرى عشان كدا شعرى ظاهر ناعم..وانا وحياتك غير استشوار ماعملتا شى..حتى كريم الشعر ماهبش شعرى ..

امين : اخصى عليو صحى غيور..

حسونة : وهو ياريت لو الموضوع بقى على كدا وبس..دا عليوة من يوما شعرو اتبشتن وبقينا تلاتا شهور من دكتور لدكتور بيوتى من عين دودى..شعر عليوة دا بقى حاجة تانية خااالص واتبشتن شدييد خلاااص..

امين مابين مصدق ولا مصدق وان شارك فى الحوار حتى يعرف كيفية تفكير هذه الكائنات التى تشاركنا نفس الكوكب ونفس البلاد..ماالسبب الذى جعل هذه الكائنات الممسوخة هكذا..مليون سؤال مابين الحيرة والاستغراب..ايمكن ان يكون هناك بشرا لا يحسون بمايحدث بالحياة الى هذه الدرجة؟ايعقل ان يحيا مثليهما فى عالم من السطحية والغباء وبكل هذا الاستمتاع؟من المسؤول؟واين اولياء الامور؟

امين :اها وعملتو شنو فى المشكلة العويصة دى؟

عليوة : دكتور تيفور ما دكتور عاد..قيافة واناقة وفهم..كتب ليا كريمات والله فى الصيدليات مافى لما جابوها ليا من الخليج والحمد لله شعرى اتحسن بس لسة مازى اول..

حسونة : احنا كنا وين وبقينا وين ياعليوة..الحمدلله جات بس كدا..وان شاء الله الغيور الحسود دا مانلاقيو الليلة وتكون كديستو السيامى العاجباو وقاشر لينا بيها ماتت وهو حزين عليها وماقادر يطلع من بيتم..ياربى تكون ماتت..

عليوة : حسونة حرام عليك..دودى هو كريه بس تونا ذنبها شنو تموت..حرام عليك..عايزنى ازعل منك..

حسونة : هو غير قلب الحنين دى شنو المضيعك..

امين : انتو ياشباب عملتو التجنيد؟

حسونة : تجنيد حرام عليك ياانتا..انتا ماعندك نظر؟ هسى الزينا دا بيمشى التجنيد ويرصص الاعداء؟

عليوة : تف ياهناى عشان ناس آمين مايقولو آمين..يخسى عليك ماتفول فى وشوشنا..

وهنا أمين واتته تنفيذ الفكرة..



ماهى الفكرة هذا ماقد تشاهدونه فى الحلقة القادمة من..ركشة ركشة ركشا..اوو ركشا..

[فراس]

تحياتي اشرف
اسم القصة الركشة لكن في داخلها كثير من
المسميات في داخلها حقائق مؤلمة عن الشارع
السوداني وماتطرقت له اليوم من المؤسف حقيقي
وواقع معاش لا ندري من اين ولد؟؟
حتي الاعلانات موفق في اختيارها باختصار
كل البوست يخدم قضاياء كثيرة ظهرت في السطح
واصل يامبدع
تسلم

[درديري كباشي]

تعرف يا اشرف خليتني اتشوق اشوفك نازل اجازة او على الاقل اخت كاميرا خفية في المطار ..
عشان اشوف الجهات الحا تتناولك من قلب الطيارة ...

ياخي انت بركشة الجن دي ما خليت جهة ما هبشتها ..

والليلة انضم للركب ( ناس المريخ)

[أبوبكرحامد]

امين : انتو ياشباب عملتو التجنيد؟




ديل يا أشرف إلا إتجندوا فى الجيش الفلبينى (تخيل بكتب فى الرد وبعاين فى الساعة خايف إجى وقت الإمساك وصيامى إتجرح) :):):)

[أبو حمزة]

صرت تشدنا بكل الجوارح.. نزلت بنا للبساطة .. وحلَّقت معنا تقودنا في اللاوعي.. أنت مننا .. تحكي عننا.. تعطينا مساحات للتفكير الجدِّي .. تسامرنا في كل الأوقات .. تجمعنا على الجمال.. نحن معك في متعة لا نظير لها .. وما أجمل أسلوبك في الربط والتشويق.. أحببناك أخي بكل ألوانك..

سر بنا ولا تقف فقد أعجبنا رسمك وعشقنا عنوانك...!!!

[أبو جودي]

يا اشرف شنو يا أخوي شايف رقشاتك كتروووووووا ،،، يعني ممكن تديني واحدة بالأقساط ،،، وله حتى بالأجرة ما عندي مانع ،،،،،،،،، أبو جودي

[أشرف صلاح السعيد]

تحياتي اشرف
اسم القصة الركشة لكن في داخلها كثير من
المسميات في داخلها حقائق مؤلمة عن الشارع
السوداني وماتطرقت له اليوم من المؤسف حقيقي
وواقع معاش لا ندري من اين ولد؟؟
حتي الاعلانات موفق في اختيارها باختصار
كل البوست يخدم قضاياء كثيرة ظهرت في السطح
واصل يامبدع
تسلم

حبيبنا فراس سلام..
الركشة لافة زى الدنيا..مرة هنا ومرة هناك والناس لافين جواها وجو الدنيا..هى محاولة لإظهار كل عيوبنا وتسليط الضو عليها مع تساؤلاتنا حتى نجد ايجابات قد تساعد لايجاد حلول..او قد نكون انفسنا غير شاعرين بنا فنزيل اغبرة قد علقت دون ان نحسها فننفضها..
ظواهر كتيرة غدت واضحة وللأسف طوعتنا لقبولها بقبحها..كنا نروض القبيح ونغيره الى بعض جمال..وصرنا نرى القبح ولا نحرك ساكن..سرقنا بالقفاف وبالهتاف والوصولات السريعة..
يسعدنى كثيرا مرورك اخى فراس فكن معى نسلط الضو على القبح لعله يستحى فينزوى الى الظلام ولعلنا نحقق "وإن أبتليتم فاستتروا"..
كن بخير..

[أشرف صلاح السعيد]

ديل يا أشرف إلا إتجندوا فى الجيش الفلبينى (تخيل بكتب فى الرد وبعاين فى الساعة خايف إجى وقت الإمساك وصيامى إتجرح) :):):)


اخى ابوبكر سلام..
انا برضو قلت ارد بعد الافطار..ردك مبالغة وخلانى اضحك زى المجنون..هو عندكم الفلبينين برضو عسااااكر..نسأل الله السلامة والتجاة..بلدنا اتملت محن والكل يشلهد ويتفرج..ومايحيرنى اين اولياء الامور؟ اين ذلك المجتمع المحافظ الذى كان يجبر الفكرة المعوجة ان توئد قبل التنفيذ..واين تلك المادة 152 من القانون الجنائى؟؟؟؟
كن بخير واظهر وبان بتعاليقك التحفة المضحكة المبكية..

[أشرف صلاح السعيد]

صرت تشدنا بكل الجوارح.. نزلت بنا للبساطة .. وحلَّقت معنا تقودنا في اللاوعي.. أنت مننا .. تحكي عننا.. تعطينا مساحات للتفكير الجدِّي .. تسامرنا في كل الأوقات .. تجمعنا على الجمال.. نحن معك في متعة لا نظير لها .. وما أجمل أسلوبك في الربط والتشويق.. أحببناك أخي بكل ألوانك..

سر بنا ولا تقف فقد أعجبنا رسمك وعشقنا عنوانك...!!!

شهادة من أبى حمزة جدير أن أبروزها وأعلقها بصدر البيت وصدرى..
دمت محفزا للهواة امثالى لتصديق محاولاتهم قد شابها بعض من جمال لامس فكر العقلاء فنستمر..
يشرفنى ويسعدنى كثيرا متابعاتك الرقيقة الانيقة المشجعة..
كن بخير..

[أشرف صلاح السعيد]

تعرف يا اشرف خليتني اتشوق اشوفك نازل اجازة او على الاقل اخت كاميرا خفية في المطار ..
عشان اشوف الجهات الحا تتناولك من قلب الطيارة ...

ياخي انت بركشة الجن دي ما خليت جهة ما هبشتها ..

والليلة انضم للركب ( ناس المريخ)

ابوالدر اخى المبدع عوافى,,
يااخى مالك داير تفتح علينا العيون؟..وتحسبا الميطار زاتو مابنجى بجنبو ..البحر مالو أبا؟
الركشة تعمل شنو شايفا الجواها والبراها..تغمض يعنى ونبقى فى اتقلبت والناس اتظلطت؟
مافهمتا (ناس المريخ) ابن وافصح والله يستر تكون قاصد ناس عمى نقد..هاااى يازول ماتجبلنا الهوااا اصلو غلااااب وانا كف واحد بخليك رئيس الخلية وباقى الصراصير الاعضاء..
كن بالجوار دوما نستمد الابداع منك..

[أشرف صلاح السعيد]

يا اشرف شنو يا أخوي شايف رقشاتك كتروووووووا ،،، يعني ممكن تديني واحدة بالأقساط ،،، وله حتى بالأجرة ما عندي مانع ،،،،،،،،، أبو جودي

حبيبنا ابوجودى سلام..
يازول انتا نايم وين انا زمان كشونى وحلقونى اللحية..والموية بقيت اشربا فى كبابى..حليلك انتا قايلنى موزع؟ انا طالع الليلة بكشف لامين للقسط تقول ليا اديك ركشة!!الرقشة فى هدومنا بقت ماف..
كن بخير..

[الملكة اسماء ( ام محمد )]

اسم القصة الركشة لكن في داخلها كثير من
المسميات في داخلها حقائق مؤلمة عن الشارع
السوداني وماتطرقت له اليوم من المؤسف حقيقي
وواقع معاش لا ندري من اين ولد؟؟
حتي الاعلانات موفق في اختيارها باختصار
كل البوست يخدم قضاياء كثيرة ظهرت في السطح






ياخي انت بركشة الجن دي ما خليت جهة ما هبشتها ..









أنت مننا .. تحكي عننا.. تعطينا مساحات للتفكير الجدِّي .. تسامرنا في كل الأوقات ..




تتمثل روعة هذا العمل المبُدع في تطرقه لقضايا مجتمعنا المختلفة
ولعل الابداع كان في اختيار اسم تلك المركبة الصغيرة التي حملت ورغم صغر حجمها الكثير من الرسائل المختلفة
وفي كل مشوار كان امين يقودنا لمحطة تآمل تجعل من ابواب تلك الركشة نافذة كبيرة لمجتمع نكاد نرى فيه تلك الصور بشكل يومي
فمن هموم المعيشة وسوء استخدام السلطات في انتهاك حقوق الغلابة والمساكين
مرورا بدولة صغيرة هي منزل يحوي بداخله الكثير من الاسرار وفيه السُلطة على غير العادة بيد المراءة

وتمثل جانب الابداع بمنظور اخر في اختيار الفواصل الاعلانية التي لامس بها كاتبنا المميز جُروح تنزف في مجتمعنا رغم ادعائنا او تغاضي النظر عنها

لون كتابة ( حريف ) ذكي جدا ..فليس هناك مايوقفنا من سرد مشكلة بقالب تمثيلي او مسرحي يجعل تقبلنا و اقبالنا على المشكلة ودراسة كل ابعادها بشكل اوسع واكثر جاذبية ممكنا

رائع استاذي الكريم
والاروع احساس حرفك بالم يتمادى داخل مجتمع اعيته الطبقات والواسطات والشوارع بما تحوي من مآسي

اطعن بقلمك داخل جرح ينزف لعله يتماثل للشفاء بعد وصول النزف ذروته ولعلنا نكون فيمن يداويها بالتي هي الداء

سلمت يداك

[الملكة اسماء ( ام محمد )]

وانا كف واحد بخليك رئيس الخلية وباقى الصراصير الاعضاء..
..


:eek::eek::eek::eek:
:confused::confused::confused:
:mad::mad:
:mad:

[درديري كباشي]

[/right]





تتمثل روعة هذا العمل المبُدع في تطرقه لقضايا مجتمعنا المختلفة
ولعل الابداع كان في اختيار اسم تلك المركبة الصغيرة التي حملت ورغم صغر حجمها الكثير من الرسائل المختلفة
وفي كل مشوار كان امين يقودنا لمحطة تآمل تجعل من ابواب تلك الركشة نافذة كبيرة لمجتمع نكاد نرى فيه تلك الصور بشكل يومي
فمن هموم المعيشة وسوء استخدام السلطات في انتهاك حقوق الغلابة والمساكين
مرورا بدولة صغيرة هي منزل يحوي بداخله الكثير من الاسرار وفيه السُلطة على غير العادة بيد المراءة

وتمثل جانب الابداع بمنظور اخر في اختيار الفواصل الاعلانية التي لامس بها كاتبنا المميز جُروح تنزف في مجتمعنا رغم ادعائنا او تغاضي النظر عنها

لون كتابة ( حريف ) ذكي جدا ..فليس هناك مايوقفنا من سرد مشكلة بقالب تمثيلي او مسرحي يجعل تقبلنا و اقبالنا على المشكلة ودراسة كل ابعادها بشكل اوسع واكثر جاذبية ممكنا

رائع استاذي الكريم
والاروع احساس حرفك بالم يتمادى داخل مجتمع اعيته الطبقات والواسطات والشوارع بما تحوي من مآسي

اطعن بقلمك داخل جرح ينزف لعله يتماثل للشفاء بعد وصول النزف ذروته ولعلنا نكون فيمن يداويها بالتي هي الداء

سلمت يداك



قراءه متانية وعميقة كالعادة

مع كشكول اشرف المسمى الركشة خلانا نعيد النظر واعادة التامل في هذه الالة البسيطة البلهاء التي زادت من خمولنا حسب نظرتي لها السابقه ..قبل ما يتسلط عليها اشرف ويقدمها لنا في عدة ثياب ..

تعرفوا انا اول اجازة لي في السودان اول خطوة حا اعملها عندي ود عمي عنده ركشه .. حالف الا اشدها يوم كامل واعيش الاحداث دي بنفسي ... لاني فعلا تشوقت لهذه التجارب

[أشرف صلاح السعيد]

[/right]





تتمثل روعة هذا العمل المبُدع في تطرقه لقضايا مجتمعنا المختلفة
ولعل الابداع كان في اختيار اسم تلك المركبة الصغيرة التي حملت ورغم صغر حجمها الكثير من الرسائل المختلفة
وفي كل مشوار كان امين يقودنا لمحطة تآمل تجعل من ابواب تلك الركشة نافذة كبيرة لمجتمع نكاد نرى فيه تلك الصور بشكل يومي
فمن هموم المعيشة وسوء استخدام السلطات في انتهاك حقوق الغلابة والمساكين
مرورا بدولة صغيرة هي منزل يحوي بداخله الكثير من الاسرار وفيه السُلطة على غير العادة بيد المراءة

وتمثل جانب الابداع بمنظور اخر في اختيار الفواصل الاعلانية التي لامس بها كاتبنا المميز جُروح تنزف في مجتمعنا رغم ادعائنا او تغاضي النظر عنها

لون كتابة ( حريف ) ذكي جدا ..فليس هناك مايوقفنا من سرد مشكلة بقالب تمثيلي او مسرحي يجعل تقبلنا و اقبالنا على المشكلة ودراسة كل ابعادها بشكل اوسع واكثر جاذبية ممكنا

رائع استاذي الكريم
والاروع احساس حرفك بالم يتمادى داخل مجتمع اعيته الطبقات والواسطات والشوارع بما تحوي من مآسي

اطعن بقلمك داخل جرح ينزف لعله يتماثل للشفاء بعد وصول النزف ذروته ولعلنا نكون فيمن يداويها بالتي هي الداء

سلمت يداك

ملكة القلوب عوافى..
لم تخذلينى عندما نصبتك المحلل الرئيسى لاستوديو التحليل..اجدك دوما تلتقطين الدعوات وان كانت صغيرة..لاتفلت من بين ثاقبتك لا صغيرة ولا كبيرة..فاسعد بأنى قد ألقيت شيئا ما وتلقاه آخر كما أريد بل كما يريد ضمير يقظ وسط الثبات والتناسى وغض الاطراف لا مثالية بل استسهالا وانانية..
لعل اكبر كم من القراء تصلهم تلك الدعاوى البسيطة فنتمرد على كل القناعات المشوهة ونصل الى اصول الوجوه وان كانت لا فاتنة فالمهم ان تكون طبيعية..فالجمال لا برواز ولا الوان انما بساطة تتحدى كل المساحيق ومحاولات التجمل..الجمال لا زييف..
لك كل التحايا ولله درك من لاقطة لكل همسات المتواضعة..

[أشرف صلاح السعيد]

قراءه متانية وعميقة كالعادة

مع كشكول اشرف المسمى الركشة خلانا نعيد النظر واعادة التامل في هذه الالة البسيطة البلهاء التي زادت من خمولنا حسب نظرتي لها السابقه ..قبل ما يتسلط عليها اشرف ويقدمها لنا في عدة ثياب ..

تعرفوا انا اول اجازة لي في السودان اول خطوة حا اعملها عندي ود عمي عنده ركشه .. حالف الا اشدها يوم كامل واعيش الاحداث دي بنفسي ... لاني فعلا تشوقت لهذه التجارب

حبيبنا ابوالدر عوافى..
دا تواضع العلماء فمثلك لا تخفى عليه تداعياتى البسيطة فجعبتك تحوى وتحمل من المشاهد ماينوء على حمله مثل شخصى امام عملاق شخصك المكتظ جمالا وابداعا..
ولكنى اعرف الممبدعون لا يتكئون على الخيالات وحدها بل يعشقون كل فكرة ان تكون جزئ من رصيد معرفتهم..لله درك اخى درديرى من شخص يحمل الجمال ابعادا وابعادا..

مشاققة:
ملكة القلوب ابو الدر له قصة جميلة عن الصراصير..ارجعى اليها لتزيل استفهاماتك..

[أشرف صلاح السعيد]

:eek::eek::eek::eek:
:confused::confused::confused:
:mad::mad:
:mad:


الصراصير الاعضاء معاذ الله ان قصدت بهم اشخاص..انهم صراصير قصة مبدعنا الدرديرى فقد شخصهم باحدى قصصه المدهشة..

[أشرف صلاح السعيد]

الحلقة العاشرة..


(يكفينا شرهم)





فاصل اعلانى..بالجد جد..


أرجو من الاخوة والاخوات الواجب عليهم زكاة الفطر اينما كانوا بدفعها او تقديمها عينية لجمعية أبناء ودمدنى الخيرية..

بالرياض تسلم للأخ حاتم مرزوق السكرتير المالى للجمعية..

وبباقى المناطق إختيار شخص موثوق به وإن شاء الله كل أبناء مدنى أهل للثقة..

وللمتواجدين بمدنى للأخ الخواض أو أى شخص باللجنة التنفيذية للجمعية ..

(إن الله لا يضيع أجر من أحسن عملا)


امين : طيب مالشباب كلهم بيمشو التجنيد انتو مالكم ناقصكم شنو؟


حسونة: ياتو شباب ديل؟ مخيّر الله ..والله مابيمشو الا الطلبة والشماشة والماعنهم ضهر والعايزين براهم يمشو وديل مخيّرين وهم حرييين فى نفسم..


عليوة: وحتى الطلبة اولاد الناس بيمشو يقضوها فى وحدات ساااهلة ومابمشو كمان كل يوم..الواسطة يانتا ماسمحة..


امين: دا كلام شنو!!والله انا عملت الخدمة جد..جنس شد ..وبعدين الخدمة دى مابتعلم الرجالة والخشونة ماكدا؟


حسونة: الرجالة طااايرة..هو عليك الله الرجال عملو شنو..الرجال حليلم ماتو فى كررى هى هى هى..


امين : يازول كيف الكلام دا؟البلد مليانة رجال وولادة كمان..


حسونة: هو كان فيها رجال الزينا ديل بقيفو فى الشارع ساعة مايلاقو ود حلال كدا يقدمن لقدام..هسع عليك النبى (استغفر الله العظيم) الزينا ديل حقو يركبو ركشة؟مفروض كل واحد يكون بعربيتو شوف سماحتنا دى ماحرام فى الركشات والتغبر دا؟..


امين : (سماحة التابا واليابا ..سماحة يا....اللهم انى صائم "فى سرو").. ماعشان كل واحد يركب عربيتو احنا لازم نعمل العلينا ولا ماكدا؟


عليوة: يعنى نعمل شنو نتقطع يعنى؟ الحكومة دى هسى زاتا لو سابت حروبا الكتيرة دى ومشاكلا مع امريكا ومع الناس كلها ماكنا ركبنا طيارات مش عربات..


امين: طيب دى الحكومة..انتو انتو ديل عملتو شنو عشان تركبو العربات؟


حسونة: ونعمل كيف فى الدنيا الصعبة دى؟اكتر من اننا نقرا ونخلس جامعتنا ..محل مانقدم لوظيفة يكرشونا ويزحلقونا بصابونة..هو الماعندو واسطة بيعرف يشتغل؟

امين: ماانا هسع دى شغال..هو الشغل الا يكون فى الحكومة..


عليوة: ماتزعل من كلامى ياهناى..هسى سواقة الركشة دى شغل؟بعد تعبنا وقرايتنا دى كلها نشتغل سواقين ركشة والله دا الفضل كمان..جد ماتزعل منى ياهناى..هسى اليدين دى خلقوها للشقى دا "استغفر الله العظيم""؟


امين: هو انتو قارين جامعة؟


حسونة: وآداب انجلش كمان..


امين: طيب ماالمدارس بقت كتيرة كان خاصة ولا حكومية..المشكلة وين؟والله تشتغلو هوا اليومين ديل..والمدرسين ديل هسى مامروقين..والله عندنا جارنا دروس خصوصية ساااكت بنا دورين..


عليوة: نشتغل مدرسين يعنى؟هو التدريس دا شغل بالله عليك؟دا الفضل كمان..الواحد يقيف على رجولو اليوم كلو عشان ملاليم..ولا فاضيين نتجارى من بيت لبيت ..واحنا الزيينا يدرسو..


امين: طيب عايزين تشتغلو شنو؟وزرا ولا شنو؟


حسونة: لا وزرا لا غيرو..احنا قدمنا للوترى وشغل فى البلد دى زاتو ماعايزين..نمشى هناك يايابا الحرية كيف..نلبس العايزنو ونعمل العايزنو مش زى هنا وناسا المعقدين ديل..شابين لينا فى الطلعة والنزلة..اوف منهم..التقول يانتا ماشين ملط سيستم هى هى هئ..


عليوة: عليك الله دى بلد احنا نعيش فيها؟الواحد يجى بس من حفلة فى كل كبرى سين وجيم..زهجونا ..هم كان حارسين البلد بجد ناس خليل ديلك كيفن وصلو نص امدرمان؟؟بس يتشطرو علينا احنا ديل..

حسونة: دى مرة جايين من عرس وماتتصور عملو لينا شنو..وقفونا فى الكبرى لحدى الصباح ..واحنا ميتين من النعاس..والعساكر عملونا موضوع..دا لبس شنو دا اللابسنو..وياملكية مالكم ماشادين حيلكم..وكان شفتهم والله يخوفو الزول..وودونى انا وعليوة الكركون حلقو لينا شعرنا المتوحشين..سم عليهم سم..والله مانقعد ليهم هنا خليهم الكريهين يشبعو بيها..


امين: والله ماليهم حق (مبسوط من جوا) اها طيب انتو هسع بتجيبو مصاريفكم من وين وقت لسة ماشغالين؟


عليوة: من الاعمال الخاصة..هى هى هى..


ماهى ياترى تلك الأعمال الخاصة؟فكر أمين أن يسترسل فى الأسئلة ولكنه خشية أن تكون إجاباتها صاعقة..خجل دون أن يخجل ذو الطبع المشين..ايعقل هذا؟ايمكن ان يكونان ممتهنان للفاحشة..استغفر الله إن بعض الظن إثم..ولازالت الفكرة تراود امين..أينفذها؟

يتبععععععععععععع عليهم..

[الملكة اسماء ( ام محمد )]

مشاققة:
ملكة القلوب ابو الدر له قصة جميلة عن الصراصير..ارجعى اليها لتزيل استفهاماتك..

الصدفة الغريبة والدليل على الافكار المتقاربة ادبيا ,تجلت هنا
السبب اني كنت ناوية اضيف تعليق على كتابات استاذ درديري كباشي وكتاباتك الفعلا بتصيغ مشاكل المجتمع في هيئة قصص مصاغة بذكاء وتدل في الغالب على ذكاء الكاتب وحروفه اللماحة


الصراصير الاعضاء معاذ الله ان قصدت بهم اشخاص..انهم صراصير قصة مبدعنا الدرديرى فقد شخصهم باحدى قصصه المدهشة..

:p:D:D:D:p
انا عارفة ومتاكدة انك مابتقصد الاعضاء بس كالعادة انا قريت الكلام من زاوية تانية


اما قصة ثرثرة في عالم الصراصير
فيها تقريبا كانت اول مداخلاتي للتعليق على كتابات ابو الدُر
وكان ردي في نفس البوست
زي ماواضح هنا



بصراحة

لاول مرة اقف وقفة متآملة لكل ابعاد اللوحة التي رسمتها اخي درديري
ولا اخفيك سرا .... قصة ذات ابعاد كثيرة جدا
طبقات اجتماعية
رؤية سياسية ...لما يحدث حاليا
محاولة فاشلة لتفادي اخطاء السابقين في ظل وجود من يدعون حفظ السلام
مخاوف من مستقبل معروف مادام الخوف يسكن فينا



والكثير الكثير مما يدل على روعة وابداع الكاتب
ونظرته المتفحصة لابعاد لوحة الحياة اليومية


واقف صمتا مرة اخرى لاعرف ...ماذا بعد ؟
دمت بكل الود

احتراماتي





واكيد لي عودة لكل المواضيع التي تلامس مشاكل مجتمعنا بشكل او اخر

همسة لابو الدُر ..المرة الفاتت طلعت ليك قصة الحرامي من الارشيف وتاني راجعة لارفف ارشيفك الحافل عشان انفض غبار تجاهل الفكرة عن بعض اروع كتاباتك
في انتظار جديد كتاباتكم اساتذتي دائما
وكلي ثقة في انكم تيقظون ضمائر خاملة

لكم كل الود والتقدير

[أشرف صلاح السعيد]

الصدفة الغريبة والدليل على الافكار المتقاربة ادبيا ,تجلت هنا
السبب اني كنت ناوية اضيف تعليق على كتابات استاذ درديري كباشي وكتاباتك الفعلا بتصيغ مشاكل المجتمع في هيئة قصص مصاغة بذكاء وتدل في الغالب على ذكاء الكاتب وحروفه اللماحة


:p:d:d:d:p
انا عارفة ومتاكدة انك مابتقصد الاعضاء بس كالعادة انا قريت الكلام من زاوية تانية


اما قصة ثرثرة في عالم الصراصير
فيها تقريبا كانت اول مداخلاتي للتعليق على كتابات ابو الدُر
وكان ردي في نفس البوست
زي ماواضح هنا






واكيد لي عودة لكل المواضيع التي تلامس مشاكل مجتمعنا بشكل او اخر

همسة لابو الدُر ..المرة الفاتت طلعت ليك قصة الحرامي من الارشيف وتاني راجعة لارفف ارشيفك الحافل عشان انفض غبار تجاهل الفكرة عن بعض اروع كتاباتك
في انتظار جديد كتاباتكم اساتذتي دائما
وكلي ثقة في انكم تيقظون ضمائر خاملة

لكم كل الود والتقدير

الحمد لله قريتيها من زاوية تانية مازاويتى والا كنتا ضعت فى الرجلين..لانو المنتدى دا زى الادوه عين بكل لفة تلاقى ليك مداوسة..وانا يازولا جربتا عشان كدا بقيت ماشى جنب الحيط بس الله يستر من الحيط الشبعانة مويه ماتجى هى كمان على راسنا ههههههههه
يديك العافية اختى ملكة القلوب وكونى كا انت وبخير..

[الملكة اسماء ( ام محمد )]

الحمد لله قريتيها من زاوية تانية مازاويتى والا كنتا ضعت فى الرجلين..لانو المنتدى دا زى الادوه عين بكل لفة تلاقى ليك مداوسة..وانا يازولا جربتا عشان كدا بقيت ماشى جنب الحيط بس الله يستر من الحيط الشبعانة مويه ماتجى هى كمان على راسنا ههههههههه
يديك العافية اختى ملكة القلوب وكونى انت وبخير..


:p:p:p:p:p
والله ضحكتني
تصدق الايامات دي الصيام عامل عمايله في الامه دي
اي زول تهبشه ينهرك
عشان كدا بقينا بنجي بعد الافطار :)
ناوين نعمل شعار جديد تحب تشترك ؟
( امسك اعصابك وامشي جمب الحيطة تحافظ على عضويتك ):p:D:D:p

[أشرف صلاح السعيد]

:p:p:p:p:p
والله ضحكتني
تصدق الايامات دي الصيام عامل عمايله في الامه دي
اي زول تهبشه ينهرك
عشان كدا بقينا بنجي بعد الافطار :)
ناوين نعمل شعار جديد تحب تشترك ؟
( امسك اعصابك وامشي جمب الحيطة تحافظ على عضويتك ):p:d:d:p

بنزلا ليك فى الاعلانات بس كمليها..ههههههههههههه

[أشرف صلاح السعيد]

الحلقة ال11..

(يكفينا شرهم)




فاصل اعلانى..
مكتب العمل..دعم للعمالة المستجلبة..
مكتب العمل..دعوة للعالمية والعولمة بأبخس الاثمان..
مكتب العمل..مشاكل العمالة الوافدة تفعيل لاقسام البلاغات بالشرطة..
مكتب العمل..تشجيع للغات الاجنبية ذات الانتشار المحدود ونقلة للغة هزيز الراس..
مكتب العمل..دعوة لك ايها المواطن للقعاد جنب التيبار والهظار وتعبية راسك بتمباك مكوار..




امين: هسع انتو ماشين رحلة نيلية وسايبين شغلكم كيف؟

حسونة: الرحل دى زاتا ماشغل يااتا..

امين: شغل!! كيف يعنى؟

حسونة: مش فى الرحل الناس بتلاقى وبتتعرف على ناس جداد..مادا زاااتو الشغل..

امين: اي صاح..بس وينو الشغل فى كدا؟

حسونة:تعرفك على الناس مافيو فايدة..تلاقى واحد تاجر..واحد موظف فى مصلحة مهمة..وتسلك امورك وكدا..

امين: وهو التجار والموظفين ديل بيبارو رحلكم دى؟

عليوة: الرحل النيلية دى شبابية بس..لكن رحل ايام الجمع مليااانة ناس مهمين..

امين: لهسع ماعرفت علاقة الشغل بالناس المهمة..

حسونة: الرحل دى زى ماتقول علاقات عامة..او بروموشن وتسويق..وبتفتح مجالات بزنس كتيرة..تعرف دا بدا وتطلع بنسبتك..تسوق لدا حاجة وتطلع بنسبتك وكدا..يعنى رحلة ترفيهية وبزنزية..فهمتا ياانتا؟

امين: منكم نستفيد..بس برضو الصورة ماوضحت ليا..

عليوة: شنو ياانتا عايزنا نفت ليك اسرار المهنة ولا شنو؟

امين: هو انا عرفتا المهنة لمان اعرف اسرارا..

حسونة: مع انو شكلك تفتيحة بس يظهر عليك غشيم وماناقش للدنيا حاجة..

امين: والله يظهر كدا..

عليوة: هو لو كان ياحسونة عارف الدنيا ماشة كيف كان ساق ركشة وكسر ضهرو عشان ملاليم..هيى الاتكسر فى شى ليو طعمو وفايدتو..

فى شى ليو طعمو..ماذا يقصد هذا المحلوق الناعم؟أيقصد..أعوذ بالله من غضب الله..لكنه لم يفصح عما يؤكد ذلك..لماذا دائما تفكيرى يذهب فى اتجاهات شديدة الضلال..نعم هم منعمين..نعم حنينين اكثر من اللازم ولكن لم يصرحوا بأى شئ يدل على فحشهم..




فاصل اعلانى..

الكربات للعلاقات العامة..
الكربات..توفق بين البائع والمشترى لفائدة الجميع (اكترم نحنا المغتربين نسوها)..
الكربات..عالم بفن العلاقات المحلية والدولية..
الكربات..لم تتعب نفسك ونوصل الداقس اليك ثم ندقسكم معا..
(اغنية)
ديل منو ديل...(الكورس) الكربات
بيعملو شنو ديل..(الكورس) كل التداولات
يعنى شنو ديل..(الكورس) بيعملو كل حاجات
الكربات..لكل الحاجات وقلب الهوبات وتدقيس باحسن الجاكات..




امين بدأ يتنازل عن فكرته..ففكرته كان يريد ان يتجه بالشابين الى مكاتب الخدمة الوطنية وتسليمهما الى المسؤلين هناك..لكن من هو ليفعل ذلك؟ هل هو وصى على الشارع العام..هل هو احد افراد الانضباط العام؟تملك غضبه عن هيئة الشابين التى تعطى ارهاصات لفحشهم وإن لم يكونا كذلك..تذكر مقولة جده (ياولدى ماتحكم على الناس من الخارج..كل زول اكيد فى سبب بيخليو مختلف عن التانى)..لكن هذين الشابان محسوبين علينا كشباب..وعلى البلد التى لايريدان ان يعيشان بها لأهوائهم الشخصية..ويقطع سرحان امين صوت شاب..

عليوة: ياانتا ممكن توقف لينا جنب طبلية السجاير ديك؟

امين: جدا..

حسونة: يابتاع الطبلية عندك لبان؟

بتاع الطبلية: عندى..

حسونة: طيب هاك جيب لينا خمسة باكوهات..تلاتا سادة واحد فراولة وواحد موز..

بتاع الطبلية: ماتجى تشيلم براك مالك محنن؟وهمهمة بسره (ولد باطل)..

عليوة: اها جيت..مشينا بسرعة..مالك مسيخ انتا كدا زى القرض كدا..انحنا مازباين ..

بتاع الطبلية: ماالزباين كلها بتزل وبتشيل الدايرا..شنو مالكم اسيب الطبلية واجيكم عشان لبان؟

عليوة: هاك قروشك..برى من مساختك ولآمتك..ممصمص بموية ترمس..

بتاع الطبلية: امشى يا (كلمة والله كعبة خلاص)..

عليوة: انا (.....) ياوسخ ياكريه يامعفن ياوسخان..

وتتحرك الركشة قبل ان يصل اليها صاحب الطبلية..فامين يعى تمام ان وصل اليها لتشرشح الكائنين..ولاخذت المعركة زمنا هو فى غنى عن تضييعه..

حسونة: ليه مشيت ؟كنتا تخلينى اوريو شغلو..والله كنتا ظعتو ومعطتو الوسخ الكرارة شبه الحمارة دا..

عليوة: وعلى شنو توسخ يدك فى زى دا؟ دا آخر مرة استحما فيها لما البحر ما كان هايج..

حسونة: بس يانتا وقف هنا وصلنا ..

امين: جدا..

عليوة: اتفضل يانتا ومشكور خاالص خاالص..

يتبع...

[الملكة اسماء ( ام محمد )]

عليوة: هو لو كان ياحسونة عارف الدنيا ماشة كيف كان ساق ركشة وكسر ضهرو عشان ملاليم..


والله بيني وبينكم يا(عليوة وحسونة ) امين دا ماعارف الدنيا ماشية كيف



فاصل اعلانى..


الكربات للعلاقات العامة..
الكربات..توفق بين البائع والمشترى لفائدة الجميع (اكترم نحنا المغتربين نسوها)..
الكربات..عالم بفن العلاقات المحلية والدولية..
الكربات..لم تتعب نفسك ونوصل الداقس اليك ثم ندقسكم معا..



و المساكين فعلا بتدقسوا ليهم


واصل استاذي
متابعين

[أشرف صلاح السعيد]

و المساكين فعلا بتدقسوا ليهم


واصل استاذي
متابعين

محللتنا الفكرية سلام..
وانا متابع والركشة دى انا زااتى ماعارف موديانى وين..والله يستر كلام ابوالدر مايتحقق واخوك من الطيارة يودو على هناااك..

[أشرف صلاح السعيد]

فاصل اعلانى..

يهنئ طاقم الركشة كل أعضاء منتديات ودمدنى ست المدائن وكل أهل وأحباب مدنى الجمال بدنو عيد الفطر المبارك أعاده الله على الجميع والمسلمين كافة باليمن والخيرات والبركات..

(اغنية)
يجينا العيد مفروش بجديد
يجينا العيد والكل بى سعيد
ويكون العيد افراح واناشيد
يفرح اطفال وتصدح زغاريد
والناس تتلم زى فرح بوليد

وركشة ركشة ركشا...اووو ركشا
ونبقى كلنا سعيدين ...اووو ركشا
مافينا ناس مهمومين..اووو ركشا
والناس كلها طيبين ...اووو ركشا
وركشة ركشة ركشا...اووو ركشا..

[ابوخالد]

التمساح لاستجلاب العمالة الاجنبية
استرح ايها السودانى ودعنا نجلب لك من يعمل بدلك
التمساح يهنئ الشعب الكريم بوصول باقة من البنغال والنيبال
التمساح يعينكم على الاستمتاع باوقاتكم
لم تعمل وتتعب وانت تستطيع ان تجعل غيرك يعمل
التمساح رائد العمالة الاجنبية وياسعار لا تقبل المنافسة
التمساح اسم فى عالم الاستقدام



والله إعلان رائع ....

لا ينقصه إلا كم واحدة من الجامعة

الأمريكية بالقاهرة ...

والمخرج أيمن نور ....

[أشرف صلاح السعيد]

التمساح لاستجلاب العمالة الاجنبية
استرح ايها السودانى ودعنا نجلب لك من يعمل بدلك
التمساح يهنئ الشعب الكريم بوصول باقة من البنغال والنيبال
التمساح يعينكم على الاستمتاع باوقاتكم
لم تعمل وتتعب وانت تستطيع ان تجعل غيرك يعمل
التمساح رائد العمالة الاجنبية وياسعار لا تقبل المنافسة
التمساح اسم فى عالم الاستقدام



والله إعلان رائع ....

لا ينقصه إلا كم واحدة من الجامعة

الأمريكية بالقاهرة ...

والمخرج أيمن نور ....


ابوخالد سلام..
ديل لو جو مابتبقى دعاية لبنغال ونيبال بتبقى قول للبان ست.......ان وفستان وكدا..
يااخى الدنيا رمضان مالك علينا؟
وبعدين الجماعة ديل جايبنهم لوكالة الحسس اللذيذ ماتختلط عليك التخسسات..رمضان فات العضم شايفو معاك..

[أشرف صلاح السعيد]

الحلقة 12..

(يكفينا شرهم)

وقبل ان يهم امين بالانصراف يستوقفه حسونة مناديا..

حسونة : ياانتا هااى ياامين استنا اقيف..

امين : ايوه ..خير فى شنو؟

حسونة : يااخى انتا مالذيذ..رأيك شنو تجى معانا الرحلة؟

امين : شكرا ليك..مرة تانية الواحد عندو مشغوليات..

عليوة : يخسى عليك الشغل ماملحوق ..تعال قضى ليك وقت رهيييب معانا ..يااخى تعال وخليك لذيذ..

امين : يااخوانا انتو عايزين تمشو امريكا وقاعدين تقضو وقت لغاية ماتمشو..الكلام على العلينا المزروعين هنا وهنا ماراضية بينا..

حسونة : وشنو الجابرك؟..

امين : ياشباب خليكم منى امشو رحلتكم الناس ماتفوتكم..

عليوة : احنا جينا بدرى ويظهر مافى غيرنا زول جا..عليك الله عليك الله تعال معانا والله حتنبسط انبساطة..مش كدا ياحسونة..

امين : شكرا ليكم ياشباب..اها ادونا خاطركم..سلام..

عليوة : طيب وقت جينا بدرى خلاص حنمشى مشوار قريب هنا نجيب بارد وشيبسى وحاجات..تودينا؟

امين : جدا ..اتفضلوا..

يركب الشابين الناعمين الركشة مرة اخرى..وامين سابح فى التفكير والمقارنة بينه وبين هذين الشخصين..يعيشان وكأن لا هم لهم بالدنيا..ليس لهم انتماء ولا هدف ولا قيم ولا هم..نعم ليس لهم هم..آآآخ كيف له دفع القسط ولم يتبقى غير اسبوع ولم يجمع غير نصف المبلغ بكل الثلاثة اسابيع المنصرمة..وتنطلق الركشة بسائقها المهموم وراكبيه المنعمين ..

فاصل اعلانى ..

لجنة الاختيار والقبول..
تعلن اللجنة عن الترشيحات والقبول بالكليات الجامعية للعام الحالى..
علوم طبية: شروط القبول الدولار والفشخة والبوبار ولا فرص للشطار..
العلوم الهندسية: برضو الدولار ومامعانا هظار وناس الاركان والثوار..

العلوم الادارية: دولار وناس نضيفة ماناس المشاط ولابأس إضافة مهارات بالشمار..
العلوم القانونية: دولار برضو وناس تفتيحة بيحترمو الشعار ومكنم نووى ولا استيم بخار..

علوم الاقتصاد: ايضا توفر الولار وناس بتعرف موقع الصين وبيحبو اللعب بالاستيراد والاصدار..

العلوم الاسلامية: بدون دولار بس شرط اساسى الهتيفة وعلوم كراتيه وتكتيكات الانفجار..

العلوم المحاسبية: تكون شفت بالميزانيات المضروبة وزيادات البهار..

ويعفيك من كل الشروط السابقة ورقة محاية من شيخ مااكن حريف وفرفار وقوتو زى القطار..

امين : اها دايرين تمشو وين؟

حسونة : أيى سوبرماركت كبير..

امين :فى الحتا دى مافى سوبرماركت كبير لكن فى اكشاك وبقالات مابعيدة..بتنفع؟

عليوة : مامشكلة ودينا اقرب بقالة ولو مالقينا العايزنو بعدين بنشوف..هى اصلو البلد دى شنو الفيها؟..

امين : مشينا..

حسونة : انتا هسى بس سايق الركشة دى طواالى وماعندك شغلا تانية؟

امين : شغلا تانية زى شنو؟

حسونة : يعنى فسح وبرنامج كدا ولا كدا..هى هى هئ..

امين : عندى برنامج تانى بس ماظنيتو بخارج معاكم..

عليوة : شنو برنامجك التانى..قولو يمكن يخارج معانا..

امين : الجامع..عندنا حلقة قرآن فى جامع فريقنا كل اربعا بعد المغرب..

حسونة : هسى دا برنامج!! ناس تتلما وتقعد تقرا قرآن !!وانتو لسة فى الموضات القديمة دى؟

امين : الحلقة والقرآن بقو موضة!!وكمان موضة قديمة!!دا كلام شنو دا؟

عليوة : ياخوى انتا من زمن الناس تمشى الحلقات..والله هسى دى بس تفتح النت تلاقى مقرئين اشكال والوان..ومازى بتاعننا المبشتنين ديل والصوتم ماعارف كيف كيف..

امين : النت دا للزيكم الماعندهم شغلا ولا هم..وبعدين النت دا لو الواحد غلط فى القراية يصلحو كيف؟وبعدين النت دا انتو قايلين اى زول عندو؟دا مابراهو ميزانية تانية..

حسونة : هيى ياانتا ماانتا بتشغل القرآن وبتقرى وراو..تانى شن غلط بيكون؟وبعدين الاجهزة بقت رخيييصة انتا من زمن غلاها داك..والله الصينى شغال تش اليومين ديل..انا يومداك سمسرتا ليا فى شحنة اجهزة والله الجهاز بيجى بربع قيمتو بس التجار الهنا النافخين الاسعار..

امين : وانتو فكركم الواحد لو قرى قدامك خلاص كفاية عشان تقرا صاح؟ الشيخ عندنا بقرا وبعد كدا فى ناس بتقرا بعدو غلط وبصححم ويوريهم كيف الطريقة الصاح فى النطق..النافخ الاسعار وناس السمسرة..وبعدين احنا زاتنا ماعندى فراغ ووقت للنت..كدى بس التاكل ونشرب الاول ونسدد اقساطنا..

عليوة : غايتو بس بتحبو تصعبو الحياة سااكت..هسى انا لما امشى الكاريوكى والله بغنى معاو زى الحلاوة حتى ناس فيفى مابيرقصو الا لما اغنى انا..

امين : الكاريوكى دا زاتو شنو؟

حسونة : هيى ياانتا مابالغتا مابتعرف الكاريوكى؟ وين انتا عايش..لا عندك كمبيوتر ولا بتعرف الكاريوكى..عااد مابسألك عاد!!..

صمت امين واحس بإهانة بالغة من استهزاء هذا المخنث..ايعقل ان يكون المقاتل لكسب القوت وبأصعب السبل هو الغريب..ياللمفارقات التى اكتظ بها هذا الزمن..ويقطع شروده صوت عليوة الرقيق..

عليوة : وين سرحتا ياانتا؟ الكاريوكى دا عبارة عن اغنية بتكون مكتوبة على الاسكرين ومعاها اللحن وموسيقى والزول العايز يغنى يمسك المايك يقرا من المنوتر ويغنى هو..يعنى يبقى هو الفنان..

امين بحرقة : منكم نستفيد..

حسونة : مالو كلامك اتغيير ؟ احنا زعلناك بكلامنا؟

امين : لا مازعلتونى..اهندى البقالة شوفو عايزين منها شنو..

وتتوقف الركشة اما البقالة وينزل الشابان اليها..بينما جلس امين بركشته مندهشا..أيعقل أن ببلدنا هذه هذا الكاريوكى؟..صحى "ناس تاكل كباب بالسسيخ وناس بالسيخة مفلوقة"..
يتبع..

[أشرف صلاح السعيد]

الحلقة 13..

(يكفينا شرهم)..

انتظر امين بالركشة ولازالت علامات الحيرة تكسو وجهه المثقل بالهموم..لكم هى احوالنا غريبة ولا منطقية..مثل هذان الشابان التى لاتحمل ملامحهم اى آيات المسؤلية يعيشان ولكأنهما امتلكا الدنيا..يرفضان واقعهما وواقعهما خلا من الجد والمثابرة وحتى الوطنية..يعيشان حياتيهما كيفما شاءا وبلا مجهود يذكر بيد أنه لم يكل او يمل من السعى وهاهى الاقساط المتبقية تجثم على فكره وصدره..كم من الوقت انتظر لم يعى فخواطره ابحرت ولم تجعله يعبأ بملل الانتظار او حتى احتسابه ..ثم يأتى الشابان محملان بأكياس وأكياس..ويركبان الركشة بما حملا..


فاصل اعلانى..

وكالةالرشاش للحماية من الآفات..

الرشاش للمبيدات اسم فى عالم تفجخ الباعوضات..

تعلن الوكالة عن وصول لاقطات الباعوض والذباب الكهربائية.."تموتو احسن بالباعوض ولا بفواتير الكهرباء"..

الرشاش تحدى لكل مقاومات الآفات وخطوط دفاعاتها الصماء.."دخان ساااكت"..

سارع ايها العميل الكريم للحصول على لاقطك فالكميات محدودة..

جوائز لاول مائة عميل الناموسيات الكهروموتية.."عارفين لواقطم ماكفاية"..



حسونة : والله جنس حالة..هو شنو دا!! بلد طويلة عريضة مافيها برنكلز؟
عليوة : هو احنا غلطانين لو هاجرنا؟ مامن جنس دا..وعليك الله شفتا بتاع البقالة دا كان بعاين لينا كيف؟؟ التقول ماشاف ليهو ناس قبل كدا..وهم زاتو ناس الاقاليم ديل ملو علينا البلد..

حسونة : غايتو النصبر..وهى كم شهر ونكون بهناك لا زول بعاين ليك ولا زول بيسألك..

امين : اها من هنا ماشين على وين؟ عندكم مشوار تانى ولا اوديكم المرسى؟

حسونة : اها ياعليوة نمشى المرسى ؟

عليوة : هيى والبرنكلز طيب..ياامين مابتعرف ليك بقالة تانية فيها برنكلز؟

امين : "لا يدرى ماهو هذا الشئ" لا مابعرف..اها يااخوانا قررو ماشين وين؟

حسونة : يااخوى مالك مستعجل ؟ مابنديك حقك كااامل مكمل ..والله ياالسودانيين انتو مستعجلين ساكت على الفاضى..

امين : احنا السودانيين!! والاخ من وين؟ ماسودانى برضو؟

حسونة : سودانى شنو عليك الله!! لا سودانى ولا عايز ابقى سودانى..هو السودان دا ادانى شنو عشان اكون عايز ابقى سودانى؟ سم عليو وعلى الفيو..

امين : صحى سم عليو وعلى الفيو المخلين واحد زيك كدا يقول عليو كدا..

عليوة : هاااى انتا مالك محروق كدا؟ هو فى زول هبشك؟

امين : مافى زول هبشنى!! ليه وهو انا جنسى شنو؟ اسبانى..

حسونة : ياريت لو اسبانى كان الحال غير الحال..هو احنا لامين فى الاسبان وابينا؟

امين : آيى أبينا..الاسبان ديل اساسا شن هم؟ماحكمناهم فوق ال 600 سنة قبل كدا؟

عليوة : منو الحكمن دا؟ ان شاء الله قايل نفسك ولا حاسب نفسك مع العرب؟ والله قصة لكن..

امين : اها كمان طلعتونا ماعرب كمان!!

حسونة : عرب من وين؟ هسى امشى الخليج وقول انك عربى كان ماضحكو فيك وعملوك نكتة..كان عرب مابعرف..

امين : اها طيب ورونا انحنا شنو ؟

حسونة : سودانيين..وبس..

امين : طيب كويس بقيت سودانى يعنى ولحستا كلامك القبيل..

حسونة : انا مافارقة معاى سودانى ولا بنغالى وخلاص ماشى ابقى امريكى ماتحسبنى معاكم..

امين : والله امركم عجيب..البلد دى كبرتكم وآخرتا ماشين منها وماعجباكم..

عليوة : كبرتنا يشنو؟ مااخدت الطاق طاقين..شى زكاة وشى ضرايب وشى حق النضافة وشى حق الشهيد وشى حق الجريح..والله البشيلو من الناس دا كان بقينا بيو احسن من امريكا..

أراد امين يدافع عن وطنه ولكن ماذكره هذا المخلوق لم يدع له مجالا للدفاع..بقرارة نفسه يعى تماما ماقال لم يخالف الواقع الاليم..حتى هو احد ضحايا هذا البلد..لم يدافع عنه بكل هذه الشراسة وهو الجامعى الذى يقود لركشة..ورغمه لم ينسحب من المعركة وبصمته استجمع قواه لينتصر على هذين المخلوقين والا لكانت كل حياته اكذوبة وعبث ..

امين : البلد دى لو مادتكم ادت ابواتكم وجدودكم..

حسونة : ياتو جدود وابوات ديل!! ابواتنا وجدودنا كانو دراويش وعايشين كدا والسلام..شنو ادتم؟ العمارات والمزارع ولا الاطيان؟

امين : ادتم الامان وادتم الكرامة والهوية..دا ماكفاية؟

عليوة : كان كفاية ليهم هم مخيرين..هم ادوها وهى ادتم احنا ذنبنا شنو النتبهدل ونتبشتن فيها..الواحد خلص قرايتو ومافى واحد عبرنا..هو احنا قرينا وخلصنا عشان شنو؟عشان يودونا معسكرات التجنيد؟وياريت بودو كل الناس..ناس يودوها وناس نايمة فى احضان امهاتا وفى خشومن ملاعق دهب..

ومرة اخرى يلجم الواقع لسان امين من المدافعة..ايعقل ان يكون هذين الكائنين ادرى بحال البلد منه؟ ايعقل ان هذين الشابين الاملسين المنعمين يحملان كل هذا المنطق بعقليهما الذى يبدو مفرغ ومكتظ بسفاسف الامور..تبرجل فكره واحتار لأمره وأمريهما..


يتبع..

[ابوالناس]

نسبة للفشل الزريع لقصة الحافلة وعدم مجاراتها لسرعة رزم إيقاعات العولمة..
قريبا جدا مسلسل الركشة بمنتديات ودمدنى..

فاصل إعلانى..:confused:

الركشة .."أغنية..

ركشة ركشة ركشا......اوو ركشا
ركشة ركشة ركشا......اوو ركشا
انحنا مامساطيل .........اوو ركشا
نشخبط فى المنتديات..اوو ركشا
عشان تجينا كشات.....اوو ركشا
السلام عليكم
الاخ اشرف صلاح
ناس الركشات ديل مساكين والله
تحياتى الى عوض صرخه وطارق ابوهاشم واللواء
وكل سائقين الركشات

[بدر الدين احمد الطائف]

ودالسعيد كل عام وانت بالف خير
مشاويرك كلها ابداع ونقل حى لتفاصيل حياتنا بحلوها ومرها
وحقيقة الركشةممكن تكون نافذة مطلةعلى جميع تفاصيلنا .

[أشرف صلاح السعيد]

السلام عليكم
الاخ اشرف صلاح
ناس الركشات ديل مساكين والله
تحياتى الى عوض صرخه وطارق ابوهاشم واللواء
وكل سائقين الركشات

ابوالناس سلامات..
والله فى من ناس الركشات مساكين وبرضو من ممتطنها غلابة..
وبدروى احييك وكل سائقى الركشات الامناء والمثابرين على الرزق الحلال..
كن بخير..

[أشرف صلاح السعيد]

ودالسعيد كل عام وانت بالف خير
مشاويرك كلها ابداع ونقل حى لتفاصيل حياتنا بحلوها ومرها
وحقيقة الركشةممكن تكون نافذة مطلةعلى جميع تفاصيلنا .




ود الطائف سلامات..
وكل عام وانت ومن يهمك بألف خير وسعادة..
الركشة شاهد على مشاهدات متباينة وكثيرة..على الخير وعلى الشر..على الطيبة وعلى اللآمة..على الابيض والاسود ..
حبيت بركشة امين اصطاد ملامح حان عليها ازالتها..ومؤكد ملامح الجمال لم تكشط نهائيا عن حياتنا ولكن سيدنا المسيح عليه الصلاة والسلام قال :"إنما أتيت للخراف الضالة"..ومعاذ الله أن أتشبه بالأنبياء ولكن حسبى أخذ السنن والحكم منهم فهم من خير ماارسل للإنسانيات..
وكذلك حبيبنا المصطفى عليه افضل الصلاة والتسليم دعانا لتغير المنكر بيد او لسان او بقلب وعسى الا نكون لامستطعفى للتغير ونكتفى بما يكتب فى الصدور..
وهدانا الله والجميع لما يحب ويرضى ويجعلنا أدوات تغيير لنستحث جمالات مابين الصدور للبوح وتسطير جميل السلوك والاعمال..

[أشرف صلاح السعيد]

الحلقة 14 ..

(شرحو..يكفينا شرهم-الاخيرة)

امين لم تستمر حيرته كثيرا..فرغم منطقية مايزعم الشابان الا انه له كثير من الحجج بأن بلده لن تهون عليه ويكفيه رغم إحساس الظلم داخل أسوارها أنها تمنحه هويته التى يعتز بها كثيرا ورغم كل الاهوال والاحن..


فاصل اعلانى..

مخابز العجيب للمعجنات والبتى فور والبسكويت..
العجيب ..تشكيلة من بسكويتات ومنينات الزبيب..
العجيب..البتى فور عندنا شى عجيب..
العجيب..بنجيب ليكم فروقات الصيام الصعيب..
العجيب..لا تتعبو وتلوخو العجين وتقومو الفارات وتبش العضلات ياالحبيب..
العجيب ..قرب تعال وخلى الجلدنة واقتل عقارب الجيب..


حسونة : بالله فكونا من السيرة البااايخة دى..هسى دى حنعمل شنو فى البرنكلز ياعليوة؟ نجلى ولا شنو الراااى؟

عليوة : بس ياانتا الزمن ماراح؟..وبعدين الشباب ممكن يكونو جابو معاهم..النمشى على المرسى ونشوف الدنيا وين بينا بترسى..هى هى هى..هيى سجمى مابقيت شاعر وانا ماشاعر..

امين : "تعتصره الوجعة"..اها قلتو شنو؟ ماشين على وين؟

حسونة : على المرسى وخلينا على قولو النشوف وين ترسى..والله ياعليوة شذيت وبااالغتا وعانقت الخيال ياانتا..ماتكملا وخلينا نعمل اغنية رااابة نطير بيها زهجنا دا..

عليوة : ياانتا نبقى شعرا وطيب لو بقينا احنا الشعرا ناس هناااى ديلك تانى يقولو الشعر فى منو..هى هى هى هييييييييييي..خليتنى اضحك ياانتا..

حسونة : قصدك المابجيب إسمو واخاف الهوا يقسمو..صحى انتا وين الحى بيو من يوم ديك وعييك ماظهر تانى ومارجع لحنانى..

عليوة : مرتو الكريها مارجعت من اهلا..وهى تانى بتدينا فيو فرصة..النبى فيك "استغفر الله" شفتا حلاة بيتو كيف؟..ولا اوضة النوم وووب عليا ماكنتا عايز افارقا..

امين : "غاضبا"..انزلو ياعواليق..انزلو الله لا يديكم بركة..

حسونة : هيى ياانتا مالك فجأة اتظربنتا؟..هو فى زول هبشك؟مالك هجتا فينا كدا؟..

امين : قلت ليكم انزلو عشان ماتشوفو منى المابعجبكم..انزلو يارمم..يازبالة..

عليوة : نازلين من الفارهة يايابا..هو شنو هو دا؟!!..احنا هسى عملنا ليك شنو ياانتا؟ فى زول حدسك ولا نضم معاك؟

امين : الغلط مامنكم ..الغلط من البركب اشكالكم النية دى..بالله مامكسوفين من خلقكم العجيبة دى؟يااخى اذا ابتليتم فاستتروا..لكن صحى الخشا مات..

حسونة : والله حكايتك غريبة وحالتك عصيبة..انتا هسى الكلام دا كلو عشان شنو؟ مخيريين ياانتا نلبس العايزنو..ولا عايزنا نلبس مبهدلين زيك كدا؟ومافى داعى للغلط انحنا ماسوينا ليك حاجة..عقدك دى بالله ماتفكها فينا..

امين : عقدى!!يااخى ايا انا معقد بس راجل..مازيكم يابتاعين اوض النوم يامعفنيين..طيرو الله لا ردكم وقروشكم النجسة زاتا مادايرا خلوها معاكم يازبالة..

عليوة : اوض النوم مالا؟ المابتلحقو جدعو..هسى شوف حالتك وشوفنا..المابتحصلو جدعو..

امين : حالكم يازبالة!!وين حالكم دا؟ ياانجاس..اتفسح زيكم والناس ماقادرا تاكل؟وبقروش من وين؟ من الدعارة ياكلبات السكك..ولسة بتقاوحو؟..حالى انتو بتجو بجنبو ولا بينحط عشان يجيكم..والله صحى الاختشو ماتو..طيرو بلا يخمكم ويخم اشكالكم يا(.........)..

حسونة : بس حاسب مايطق ليك عرق..هاك قروشاك..

امين : قروش !!وهى قروشكم دى قروش يازبالة..

وينطلق امين بركشته الى عالمه النقى الطاهر رغم قسوته وشدته..انطلق بعد أن ألقى كل النقود التى دفعها الشابان بوجهيهما..إنطلق وقد أحس بأنه أهين وجرح فى رجولته..كيف لهذين المتنسونين البوح امامه بلياليهم الحمراء الشاذة أمامه!!أوصلت بهم الجراءة الى هذا المستوى من الوقاحة والإستهتار بوجوده..أراد أن يرجع إليهم ويضربهم ثأرا لما يحس به..ولكن ماذا سيعتقد المارة من عراكه مع مثل هذين الناعمين؟..زبون لم يتفق معهم..تبا لأحكام الناس الغير مبررة وتبا لمجتمع جعل الأرازل هم المنتصرون..

يتبع...

[أشرف صلاح السعيد]

فاصل اعلانى..

تهنئ أسرة الركشة زبائنها الكويسين بس بدنو العيد وجعله على كل المسلمين والسودانيين سعيد..

وتدعو لزبائنها الماكويسين يهتدوا ويبقوا بنات واولاد حلال..

وتهنئة خاصة جدا جدا لأبناء ست المدائن الكرام وكل عام والجميع بخير..

(اغنية-فرقة جاز فلاتا)

إيدو مبارك ألينا أليكم وكل سنة تيبون تيبون..

إيدو مبارك ألينا أليكم وكل سنة سالمون سالمون..

يجيكم أيدكم مستورين ومبسوتين..

يجيكم إيدكم مامديونين ومتجرسين..

يجيكم إيدكم والديانةبإيدين بإيدين..

يجيكم إيدكم ويبئد عنكم الخاينين..

وكل آم تبين تيبن ..

[أشرف صلاح السعيد]

فاصل اعلانى..

تعلن اسرة الركشة عن تغيبها الى بعد ايام العيد كعيدية للمتابعين "لزوم عدم وجع وش"..
وبنرجع ليكم بعد العيد بيكون امين شغال تش فى موسم الاعياد ومافاضى يدينى التفاصيل عشان ابريكم بيها..

عيد سعيد وكل عام والجميع طيبين..

والعفو والعافية..

[أبو حمزة]

العيد مشى.. كل عام وأنتم ب1000 خير..

الركشة يا سيد السماحة.. خلاص صار إدمان وعشق بكل صراحة..

حلوة الحبكة والدعايات بنلقى فيها الراحة..

واصل يا حبيبنا بس المرة ده بهدوء شديد وبراحة..

(علشان في ناس بيكونوا لا زالوا معيدين خليهم يلحقوا التهاني وأفراحا..)..

وبعد ما تسخن الركشة سوقنا بمزاجك نشوف ناس لالوبة..!! وناس تفاحة..!!

ناس شقيانة ..!! وناس مرتاحة..!!

[أشرف صلاح السعيد]

العيد مشى.. كل عام وأنتم ب1000 خير..

الركشة يا سيد السماحة.. خلاص صار إدمان وعشق بكل صراحة..

حلوة الحبكة والدعايات بنلقى فيها الراحة..

واصل يا حبيبنا بس المرة ده بهدوء شديد وبراحة..

(علشان في ناس بيكونوا لا زالوا معيدين خليهم يلحقوا التهاني وأفراحا..)..

وبعد ما تسخن الركشة سوقنا بمزاجك نشوف ناس لالوبة..!! وناس تفاحة..!!

ناس شقيانة ..!! وناس مرتاحة..!!

حبيبنا ابوحمزة سلامات..
يااخى بقيت جنك سك سك قطعتا نفسى معاك..
وهاك الحلقة دى عشان خاطر الناس السمحة..

[أشرف صلاح السعيد]

لحلقة 15..

(شباب الجامعة)

أحس امين بإرتياح شديد لطرده حسونة وعليوة من ركشته..وكان يمنى نفسه لو أنه إستطاع طرد دعرهم وخبيث ماتحتضنه أنفسهم..رغم كرهه لما يفعلانه أحس بالألم عليهم أكثر من ألمه منهم..فمؤكد كانت هناك دوافع أكبر منهما لحظة ما وأجبرتهما على الضلال..كم من صبية أغتصبوا دون ذنب لهم ثم يجبرهم من حولهم للإستمرار بدروب الرزيلة أو الإفصاح عنهم..وكم هم كثر من يخشون الفضيحة رغم الظلم الواقع عليهم أكثر من البوح وفضح الجناه.. لعن الله الجبن والخوف من المجتمع حينما يكون شريك فى الجريمة ومناصرة القبح بلا مبررات..
وبينما امين سارح فى عالمه يقطع محادثاته مع نفسه صوت شابة نضرة فتية..


فاصل اعلانى...


كل الأعوام والجميع بألف خير وعافية وسعادة ومتيقنين



الفتاة : ركشة..ركشة..

امين : اتفضلو..على وين ماشين؟

الفتاة : حى الزهرة..أها بتودينا بكم؟

امين : مابنختلف اتفضلو اركبو..

الفتاة : يااخونا الاولو شرط آخرو نور..قول بتوصلنا بكم عشان فى الاخر مايجى خلاف ولا نظلمك ولا تظلمنا..

امين : الله لا يجيب خلاف يابت العم..مافى مشكلة بس ماشين وين فى حى الزهرة؟

الفتاة الاخرى : جنب الجامع الكبير..

امين : تلاتا جنيه كويس معاكم؟ دا بس عشان انكم طلبة..

الفتاة الاولى : يلا ياسارة مشينا..

تركب سارة وفاتن الركشة بتؤدد ووقار خوفا من ظهور سوقهن وتنطلق بهن الركشة..

امين : غريبة يعنى تركبو ركشة انتو ياناس الجامعة..

سارة : منو القال ليك!!شكلك مابتشتغل جنب الجامعة..معظم البنات بتشاركن ركشة ويبعدن من بشتنة المواصلات ومشاكلا..وحتى الاولاد بيركبوها كتير..

امين : فعلا الواحد مابيشتغل بجاى..وياها الا صدف الواحد يوصل ليو زبون قريب بجاى مرة مرة..

فاتن : انتى ياسارة صحى موضوع قبيل دا جد "شكلو موضوع خطير وماعايزا امين ينقشو"..

سارة : وليه مستغربة كدا ؟ يابت الموضوع دا بقى فى الجامعة عااادى..ليه انتى ماسمعتى بقصة ولد هندسة وبت اداب مانفس الشى..

فاتن : هم البنات ديل ماعندهم اهل؟!!غايتو الزمن دا بقى فيو كترت مصايب..

سارة : المشكلة مافى الزمن فى الناس ..الزمن ذنبو شنو؟ الناس بقت بتعمل اى حاجة ولا همها شى..هو زاتو واحدة بيكون ابوها ماقادر يأكلا قراية الجامعة عليها شنو؟

فاتن : مابسألك غايتو ..يعنى قراية الجامعة بس تكون للعندهم قروش؟

سارة : انا ماقصدى الفهمتيو..قصدى اصلو سبب المشاكل البنسمع بيها دى المادة..الواحدة تجى الجامعة وتنصدم بحال البنات التانيات وتبقى عايزا تكون زيهم ومامهم كيف..بس التلبس زيهم وتتمكيج زيهم وماتحس انها اقل من الباقيات..

فاتن : معقول انا هسى اعمل زيهم عشان البس ولا الناس يعجبى شكلى!! وين الدين ووين التربية؟

سارة : انتى بتقولى كدا لانك مااتحرمتى..صحى انك مااشيك بت فى الجامعة بس لابسة كويس وحالة اهلك معقولة..اتخيلى انك جايا من بيت فقير وماعندك غير لبسة واحدة وبين يوم وليلة ختوك فى وسط الجامعة دا..حتستحملى يوم شهر بس بتجى لحظة يااما تبقى زى سلافة ولا زى رويدا..الناس ما فهمن واحد والمغريات فى ناس بتعديها بوعى وناس بتضعف ليها..

فاتن : يعنى نرجع تانى للتربية والاخلاق..هسى شوفى سلافة دى من سنة اولى يمكن ماعندها غير تلاتا لبسات وانحنا هسى فى تالتا..والناس الحولها بيحبوها وبيحترموها ..

سارة : لأنها بت واثقة فى نفسا وخلت الناس ينظرو ليها من خلال شخصيتا القوية وفهما..بس برضو فى ناس تانين مسمنها عبد الواحد واخونا الراجل..ولو ماهى بت قوية كان زمان ياسابت الجامعة ولا ركبت الموجة زى رويدة..مابتتذكرى كانت كيف وهسى كيف بقت..

فاتن : بس الناس بتحترم منو فيهم؟

سارة : القضية مافى منو بيحترموها الناس..القضية فى انو واحدة استسلمت وواحدة لا..الاتنين فقيرات واسرم على قدر حالا..بس البقو زى رويدا اكتر بكتير من سلافة بدليل كم واحدة عندنا زى سلافة؟اربعة خمسة..الفقر بداية المشكلة..

فاتن : ليه ماتقولى عدم القناعة والتربية هم السبب؟..

سارة : ماعندك امانى وتحية اخوات وشقيقات ..اتربن بنفس الطريقة..وشوفى امانى كيف وتحية كيف..المفروض يكونو زى بعض ولا ماكدا؟بس الفقر كسر واحدة وماقدر على التانية..لو الفقر بيخلى فى البيت الواحد شخص واحد مايكون تمام بيكون هو السبب لانو الفكرة ماكم بقو كويسين ..الفكرة كم بقو ماكويسين والواحد خسارة وخسارة كبيرة لانو اساسا مفروض مايكون ولا واحد بقى ماكويس بسبب الفقر..لو السبب التربة ولا عدم الوازع الدينى بيكون فى خيار للزول وفى نزاع بين الخير والشر فيو..بس الفقر بيخلى الواحد يفكر هو صاح وليو الحق يبقى زى الاخرين..

امين صامت ومتابع للحوار الذى يبدو خطير وخطير جدا..عن ماذا تتحدث الشابتان ؟ عن الانحرافات الخلقية ام عن الزواجات السرية والمسيارية والعرفية..ام عن ماذا..يلف الغموض تحاورهما رغم معرفته بأن هناك خلل ما يغزو شباب الجامعة بلا رحمة وبدافع الفقر كما تؤكد سارة او بجملة دوافع اخرى كانت على سارة خفية..

يتبع..

[أبو جودي]

تعال والله يا أخوي أشرف خلينا من رقشاتك دي ،،، بس عاوز أعرف عضو برونزي دي جبتها من وين ولو عندك واسطة أخوك عاوز ليه لزة ولو فضي ما بطالة ،،،،،،،، ولا تقول لي جبتها بالرقشة بتاعتك دي ،،، أهه أنحنا حنسويها لوري إمكن نأخذ العضو الذهبي ،،،

[أشرف صلاح السعيد]

تعال والله يا أخوي أشرف خلينا من رقشاتك دي ،،، بس عاوز أعرف عضو برونزي دي جبتها من وين ولو عندك واسطة أخوك عاوز ليه لزة ولو فضي ما بطالة ،،،،،،،، ولا تقول لي جبتها بالرقشة بتاعتك دي ،،، أهه أنحنا حنسويها لوري إمكن نأخذ العضو الذهبي ،،،


ابوجودى كل الاعوام انت والاسرة والاهل الكرام بألف خير وعافية وسعادة..
يااخوى كل الهماك انى بقيت عضو برونزى "مع انو لونى اسمر" والله جبتها كدا سااااى ماقالو ليك بتجى مع الطرشان والعميان صواب..
وبعدين انتا ناسى انو اولادى فى اجازة يعنى قاعد فى البيت قدام الكمبيوتر زى ترزى ابوالدر فى الوقفة نازل خياطة قصدى كتابة سااااى..وبعدين اخوك مستشار فى منتدى تانى يعنى نازل ليك كوبى بيست على ودنو رصيدى هناك ماكن خلاص"أسلفك شوية؟"..
والله لو عملت ليك موقف لوارى ماظنيتك تحصلنى الا تسفر الاولاد واولادى يرجعو غير كدا ماعندك طريقة معاى..قال واسطة قال..

[أبو جودي]

حلوه منك يا اشرف ولك التحية

[الملكة اسماء ( ام محمد )]

حسونة : والله حكايتك غريبة وحالتك عصيبة..انتا هسى الكلام دا كلو عشان شنو؟ مخيريين ياانتا نلبس العايزنو..ولا عايزنا نلبس مبهدلين زيك كدا؟ومافى داعى للغلط انحنا ماسوينا ليك حاجة..عقدك دى بالله ماتفكها فينا..


زمن فيه اصبح العاقل ( مجنون !!)
والاصيل ( معقد !!)
ولاعجب
فهذا زمان ( العولمة )






امين صامت ومتابع للحوار الذى يبدو خطير وخطير جدا..عن ماذا تتحدث الشابتان ؟ عن الانحرافات الخلقية ام عن الزواجات السرية والمسيارية والعرفية..ام عن ماذا..يلف الغموض تحاورهما رغم معرفته بأن هناك خلل ما يغزو شباب الجامعة بلا رحمة وبدافع الفقر كما تؤكد سارة او بجملة دوافع اخرى كانت على سارة خفية..


مجتمع الجامعات
عاااااالم يضج بالمتناقضات
والفوضى ( احيان كثيرة )
والذرائع كثيرة ( فقر - ترف - سوء تربية وغيرها )

وللاسف لم يقتصر الانحراف السلوكي على طبقة دون غيرها بل اصبح واضح ومنتشر بين جميع الطبقات والفئات
والمؤسف جدا ان تكون تلك الاشياء منتشرة في وسط يحتوي على جيل هم ( امل المستقبل )- ووسط يفترض انه وسط ( المتعلمين )


همسة : حسيت انه المدرسة الحقيقية ( ركشة ) شاف سواقها ( بام عينه ) خلل لا يكاد يفوت على متابع ولكننا نغض البصر عنه

عجباً

استاذي
عيدك مبارك ان شاء الله
ومرحبا بعودة الركشة التي حُرمنا منها خلال اجازة العيد ( شايف انا متابعة كيف ؟)

واصل ومعك تزداد ثقتنا بان الحياة مدرسة حقيقية

[أبو حمزة]

لحلقة 15..

(شباب الجامعة)
........................................
...... هناك خلل ما يغزو شباب الجامعة بلا رحمة وبدافع الفقر كما تؤكد سارة او بجملة دوافع اخرى كانت على سارة خفية..

يتبع..

يا لجمال المقطع..!!! نعم هذه الأمور تحتاج لمن يعكسها.. وبأسلوبك الحلو السهل الممتنع.. لا فُضَّ فوك يا أُخيْ...

ولكنك تركتنا في نصف المسافة.. والحبكة هنا مصرية..!!

أنا أكثر الناس متعة .. وسعادة.. وفخر.. فأنا لي صديق كتابته تفك الضيق..!!


تخريمة قديمة.. متأخرة شوية:م
معاك.. ويومي الخميس والجمعة : ما عندي دوام.. فمن ديك الصباح إلى بنغالة المساء معاك..( بالمناسبة البلد ده فيها ديوك..؟؟؟ ما تمشي لبعيد..)..!!

[أشرف صلاح السعيد]

حلوه منك يا اشرف ولك التحية

حلو البشوف حلو ياابو جودى..

[أشرف صلاح السعيد]

[/color][/size]

زمن فيه اصبح العاقل ( مجنون !!)
والاصيل ( معقد !!)
ولاعجب
فهذا زمان ( العولمة )







مجتمع الجامعات
عاااااالم يضج بالمتناقضات
والفوضى ( احيان كثيرة )
والذرائع كثيرة ( فقر - ترف - سوء تربية وغيرها )

وللاسف لم يقتصر الانحراف السلوكي على طبقة دون غيرها بل اصبح واضح ومنتشر بين جميع الطبقات والفئات
والمؤسف جدا ان تكون تلك الاشياء منتشرة في وسط يحتوي على جيل هم ( امل المستقبل )- ووسط يفترض انه وسط ( المتعلمين )


همسة : حسيت انه المدرسة الحقيقية ( ركشة ) شاف سواقها ( بام عينه ) خلل لا يكاد يفوت على متابع ولكننا نغض البصر عنه

عجباً

استاذي
عيدك مبارك ان شاء الله
ومرحبا بعودة الركشة التي حُرمنا منها خلال اجازة العيد ( شايف انا متابعة كيف ؟)

واصل ومعك تزداد ثقتنا بان الحياة مدرسة حقيقية




اختى ملكة القلوب أسماء كل الاعوام وانت والاسرة والاهل بالف خير وصحة وسعادة..
يااخى خالانا نفتش عليك وانت بهنا بس غيرتى الاسم..ولكم باك..
الاستوديو التحليلى منور بصاحبتو..
وكل الامانى الطيبات محققة ..

[أشرف صلاح السعيد]

يا لجمال المقطع..!!! نعم هذه الأمور تحتاج لمن يعكسها.. وبأسلوبك الحلو السهل الممتنع.. لا فُضَّ فوك يا أُخيْ...

ولكنك تركتنا في نصف المسافة.. والحبكة هنا مصرية..!!

أنا أكثر الناس متعة .. وسعادة.. وفخر.. فأنا لي صديق كتابته تفك الضيق..!!


تخريمة قديمة.. متأخرة شوية:م
معاك.. ويومي الخميس والجمعة : ما عندي دوام.. فمن ديك الصباح إلى بنغالة المساء معاك..( بالمناسبة البلد ده فيها ديوك..؟؟؟ ما تمشي لبعيد..)..!!

حبيبنا ابوحمزة سلام يافردة..
شنو حكايتكم ملكة القلوب تغير اسما وانت تغير لينا صورتك"مبروك التخرج"..
ماالحبكة دى زاتا الافلما ..بس هاك الحلقة دى..

[أشرف صلاح السعيد]

الحلقة 16..

(ناس الجامعة)..

امين لم يتحمل السكوت كثيرا فالموضوع ساخن ولكن كيف له ان يشارك فى مثل هذا الحديث الذى يراه معظم الناس كلام فى الممنوع عندما يكون بين ذكر وأنثى..أيكسر هذا الممنوع ويدلو بدلوه؟ وماذا سيعتقدن الشابتين فيه؟متطفل أم شاب يريد كسر حاجز معهن لبدء حوار يؤدى إلى طريق معوج؟..ولكن لم يحمل ان يصمت كثيرا..

امين : المعذرة يااخوات عايز اتكلم بس خايفكم تفهمونى غلط..

سارة : والله يااخونا الغلط واضح والصاح واضح وانتا اكيد بتقدر تفرز بيناتم..

امين : كلامك صحيح..بس فى مواضيع رغم انها مافيها اى غلط معظم الناس بتشوفا مواضيع حساسة ومامفروض الاولاد والبنات يتكلمو فيها بيناتم..

سارة : اها..بس يااخونا الكلام دا كان زمان..هسى الزمن اختلف وفهم الناس بدا يتغير..

فاتن : بس برضو فى لسة مواضيع الناس قصدى الاولاد والبنات مامفروض يتكلمو فيها مع بعض ولا ماكدا..

امين : اكيد..اكيد ..بس والله ماعارف كلامى دا بيقع وين بالنسبة ليكم..

سارة : والله كلامك العايز تقولو اذا بترضى اختك تسمعو منك او من شاب غريب مافى مشكلة..

امين : كدا ريحتينى وشجعتينى الاتكلم..معليش يعنى ..رغم انكم حاولتو تتكلمو بصوت واطى الا انى سمعتا كتير من كلامكم من غير مااتعمد..

فاتن : "متخوفة"..سمعتا شنو؟..

امين : عن بنات واولاد الجامعة وانو فى علاقات بيناتم..وكنتا عايز اذا مافيها احراج بتقصدو بالعلاقات دى شنو؟ انو بيتزوجو عرفى ولا مسيار ولا علاقات غيرا..

فاتن : "لازالت متخوفة"..هسى عاجبك كدا يا سارة الفضايح دى؟..

سارة : فضايح شنو يابت الحلال؟..الموضوع دا عام وبقى ظاهرة ..لا هو سر ولا كلام فى الممنوع..

امين : لو الاخت اتضايقت انا آسف ياجماعة وانسو استفسارى..

سارة : فاتن دى شوية بتزود الامور..لا ابدا انا بالنسبة ليا الموضوع بيستحمل المناقشة..بس عندى سؤال معليش يمكن يكون شخصى ليك..الاخ قارى لحدى وين؟..

امين : انا خريج جامعى ..لكن ليه السؤال دا؟..

سارة : لانو حسيت فى كلامك انك مامفروض تكون سواق ركشة..طريقة كلامك وطرحك وتدرجو فيو شى من الوعى والسهولة فى كسر الحواجز الناس بتشوفا مامفروض تتكسر بين الجنسين..

امين : والله دى شهادة سمحة..بس مابتتفقى معاى انو مالقراية وحدها البتسوى الوعى؟..

سارة : والله قراية الجامعة فى رأيى مفروض تقودنا للوعى..

فاتن : اذا الجامعة مابتوعينا تانى شنو البوعينا؟..

امين : الموضوع دا طويل..لكن باختصار الجامعة بتدينا معلومات فى اختصاص معين وللأسف الشديد مابتنمى فينا الوعى بالصورة المطلوبة عشان كدا بتلقى خريجين واعيين جدا وكتيرين شطار اكاديميا ولكن للأسف على قول المثل "القلم مازال ليو بلم"..الوعى قمتو هو احترام وتقبل الآخر رغم اختلافو ومرجعية تفكيرو وطرحو..اننا نرى الاشياء من زوايا مختلفة وبرؤا متعددة بلا تخوف ولا خوف مابس من من منظور احادى..بس البحصل فى الجامعات والضرب بين الطلاب لاختلافاتم السياسية دا ماقمة الجهل بأبسط ملامح الوعى ولا ماكدا؟..

سارة : والله وجهة رأيك سليمة..واول مرة أحس إنو فى فرق بين التعليم والوعى..

امين : الله يفتح عليك..التعليم بيدينا كم من المعلومات والداتا "شفتو فلسفة ناس الجامعة لازم يحشرو الانكليزى فى كلامن كيف"بنقدر نسيّر بيها امورنا ضمن تخصصاتنا وعملنا..لكن الوعى هو تقبلنا للافكار الجديدة وان كانت غريبة وبيخلينا مانخاف من مناقشتا ..وماشرط نؤمن بيها بس على الاقل تكون مرجعية رفضنا ليها مؤسس على شى سليم ومانرفضا من اجل الرفض وبس او لإيمانا بشى مختلف ممكن تهاجم بعض اركانو او حتى كلها..

سارة : مع انو الموضوع شيق بس زى الانحرفنا عن موضوعنا الاول..

فاتن : ليه مصرة نرجع للموضوع الاول طالما سيدو هو زاتو نساهو؟..

سارة : عشان على الاقل اكسر الاوهام الفى راسك ..ليه بتخافى من نقاش؟وساجنة نفسك بس فى الحدود البقولو عليها الناس وبس؟..

امين : موضوعنا مابعد شديد وكل الكلام بصب فى الشباب كان سلوك او تفكير..وهسى الكلام الانتى بتقوليهو لصاحبتك دا قمة فى الوعى..عدم الخوف من كسر الحواجز الغير مسببة بمنطق سليم..

سارة : طيب كويس الواحدة طلعت واعية..

فاتن : دا ماوعى..دى جراءة ماليها ابدا لزوم..

امين : ماالوعى لو مافيهو جراءة حنقعد دايما مسجونين بأفكارنا التقليدية وحنبقى زى حصان العربجى البختو ليهو كرتونتين بطرف عيونو عشان بس يشوف قدامو وبس..واحنا والحمدلله ماحصين وعندنا عقول بنقدر نحدد بيها خياراتنا من غير وصاية ومن غير كراتين ولا ماكدا؟..

فاتن : بس فى النهاية الحصان بيصل وصاحبو سالمين ولا لا؟..

امين : احتمال يصلو سالمين واحتمال لا .. لأنو حتى لما نحمى أنفسنا مانشوف الخطر بنلاقى الخطر أحيانا كتيرة ماحامى نفسو عشان ما ما يشوفنا..

فاتن : دا كلام شنو دا هسى؟..

امين : قصدى المقدر ليك بجيك شنو ماسويتى..كرتونة الحصان بختوها عشان مايشوف العربات من حولو ويخاف..لكن الكرتونة مابتحميهو لو صاحب العربية فقد السيطرة وماشافو..

سارة : فهمتى ياام كرتونة؟..

يتبع...

[أبو حمزة]

يتبع ..يتبع .. يتبع.. يتبع...
ذي الفلم الأجنبي.. تكون متابع .. وحكاية مسخِّنة.. وفجأة يقول ليك (يتبــــــــــــــــــــــــع)

الله يلزمنا الصبر.. قلنا الخميس والجمعة ما عندنا دوام ( ما تسمعني أم قبس)
هي أم قبس ذاتها البجيبها بي هنا شنو؟ غايتو جنس خوف هو ..!!
يعني أدور لي كوفي شوب .. ولا محل نت هي..!!

ولا أمشي أسع دي أشتري لي لاب توب وأعمل دي أس إل...؟؟

إتفكينا من بعشوم...!! الله يصبرنا على الركشة..!! الشوارع البتمشي فيها كلها بلاوى..!!

[أشرف صلاح السعيد]

يتبع ..يتبع .. يتبع.. يتبع...
ذي الفلم الأجنبي.. تكون متابع .. وحكاية مسخِّنة.. وفجأة يقول ليك (يتبــــــــــــــــــــــــع)

الله يلزمنا الصبر.. قلنا الخميس والجمعة ما عندنا دوام ( ما تسمعني أم قبس)
هي أم قبس ذاتها البجيبها بي هنا شنو؟ غايتو جنس خوف هو ..!!
يعني أدور لي كوفي شوب .. ولا محل نت هي..!!

ولا أمشي أسع دي أشتري لي لاب توب وأعمل دي أس إل...؟؟

إتفكينا من بعشوم...!! الله يصبرنا على الركشة..!! الشوارع البتمشي فيها كلها بلاوى..!!


حبيبنا ابوحمزة سلام..
والله حيرتنى ماانزل حلقة تبقى ليا فى حلقى..انزل حلقة تجننى..شنو القصة يافردة؟..
ولا يهمك لو فى حلقة نازلة الخميس او الجمعة بجيك فى البيت وبحجيها ليك وبالموسيقى التصويرية كمان "طر طر طر طر طررررررررررررررر"..اها كيف معاك؟..
ولا اقول ليك تعال عندى بقريها ليك والعشوة فوق البيعة "والله مسلسلات النت دى غايتو لو كل متابعنها زيك الله يكون فى عون البيكتبوها "هههههههههههه
لك كل الود..

[أبو حمزة]

حبيبنا ابوحمزة سلام..
والله حيرتنى ماانزل حلقة تبقى ليا فى حلقى..انزل حلقة تجننى..شنو القصة يافردة؟..
ولا يهمك لو فى حلقة نازلة الخميس او الجمعة بجيك فى البيت وبحجيها ليك وبالموسيقى التصويرية كمان "طر طر طر طر طررررررررررررررر"..اها كيف معاك؟..
ولا اقول ليك تعال عندى بقريها ليك والعشوة فوق البيعة "والله مسلسلات النت دى غايتو لو كل متابعنها زيك الله يكون فى عون البيكتبوها "هههههههههههه
لك كل الود..


خلاص.. ما عندك مشكلة.. وأنا بيك سعادتي مؤكدة..

ووعد الحر دين عليه... واليوم داك يوم المنى.. فرحتي ما سايعاني..

أنا أسعد الناس بكم.. حاسس بنفسي منفعل زيادة.. خليني عليك الله لحدي كدة..

وكان إتسهَّلت كل مناي في اللحظة ده نتلاقى.. ما عاوز أقيف من الكتابة لكن أعمل شنو.. عشمي في الملاقاة.!!

[أشرف صلاح السعيد]

خلاص.. ما عندك مشكلة.. وأنا بيك سعادتي مؤكدة..

ووعد الحر دين عليه... واليوم داك يوم المنى.. فرحتي ما سايعاني..

أنا أسعد الناس بكم.. حاسس بنفسي منفعل زيادة.. خليني عليك الله لحدي كدة..

وكان إتسهَّلت كل مناي في اللحظة ده نتلاقى.. ما عاوز أقيف من الكتابة لكن أعمل شنو.. عشمي في الملاقاة.!!

يااخ احنا لاقينك وين يا ابا حمزة "شفت يا ابا حمزة دى كيف ابو النحو زاتو"..
لكم يسعدنى ردك ومتابعاتك للركشة ياابوالروعة قصدى ياابا الروعة "كيف ليك؟"....
كن دوما بخير يااحلى فردة..

[درديري كباشي]

اشرف يا نبع الابداع انشاء الله ما ينضب معينك يوم

وانشاء الله ما يصدر قرار بالغاء الركشات

[أشرف صلاح السعيد]

اشرف يا نبع الابداع انشاء الله ما ينضب معينك يوم

وانشاء الله ما يصدر قرار بالغاء الركشات


حبيبنا ابوالدر سلام..
لما يجى كلام زى دا من قامة واستاذ زيك والله دا شرف مابعدو شرف..
وعلى فكرة انا لسة متابع ديكسون وديكون وبجيك بهناك بعد مااخلصهم ..اما خروف السنى محتار ارد فيو كيف..
لاقينى بهناك وهناك..
ماعدمنا سماحة طبعك وروعة طرحك وتشجيعك لمن يحاول ان يحذو حذوك..
كن بالف خير..

[الملكة اسماء ( ام محمد )]

فهمتى ياام كرتونة؟..





يتبع...







والله حيرتنى ماانزل حلقة تبقى ليا فى حلقى..انزل حلقة تجننى..شنو القصة يافردة؟..


سلامات استاذنا المتفرد في روعة السرد
بصراحة اسلوبك في تناول الحوارات عموما ( مُدهش ) و يحسس القارئ انك متقمص الشخصيات الفي الحوار كلها وعندك مقدرة على انك تعيش الفكرة قبل ترد على الطرف التاني في النقاش

ماشاء الله عليك

خلال الحلقة لاحظت تناولك لجانب معم وهو الفرق بين ( مدرسة الحياة ومدرسة التعليم المعروفة )
والفرق بين الوعي والتعلم فعلا كبير وعبارة ( عمره القلم مابزيل بلم ) صحيحة جدا لاننا ممكن نلاقي شخص عنده ( دكتوراة ) لكن للاسف ( عقله قدر حبة السمسم )


ملاحظة : انت صحيح لبيت طلب استاذ ابو حمزة في عرض حلقة اليوم لكن انا ملاحظة انك مانزلت ( اعلانات ) والا الاعلانات بتكتر خلال رمضان ومواسم الاعياد ؟؟؟:rolleyes:

مرة تانية : مُبدع ومُلهم الفكرة والمضمون

[أشرف صلاح السعيد]

[/color]




سلامات استاذنا المتفرد في روعة السرد
بصراحة اسلوبك في تناول الحوارات عموما ( مُدهش ) و يحسس القارئ انك متقمص الشخصيات الفي الحوار كلها وعندك مقدرة على انك تعيش الفكرة قبل ترد على الطرف التاني في النقاش

ماشاء الله عليك

خلال الحلقة لاحظت تناولك لجانب معم وهو الفرق بين ( مدرسة الحياة ومدرسة التعليم المعروفة )
والفرق بين الوعي والتعلم فعلا كبير وعبارة ( عمره القلم مابزيل بلم ) صحيحة جدا لاننا ممكن نلاقي شخص عنده ( دكتوراة ) لكن للاسف ( عقله قدر حبة السمسم )


ملاحظة : انت صحيح لبيت طلب استاذ ابو حمزة في عرض حلقة اليوم لكن انا ملاحظة انك مانزلت ( اعلانات ) والا الاعلانات بتكتر خلال رمضان ومواسم الاعياد ؟؟؟:rolleyes:

مرة تانية : مُبدع ومُلهم الفكرة والمضمون



اختى الملكة اسماء سلام..
يديك الف عافية وشكرا للمتابعات والتحليلات الرائعة رغم كلفتك للتحليل هذه المرة "ماقلت ليك نحنا ناس واضحين وبنقول للاعمى اعمى هههههههههههه "..
اسلوب الحوار فى القصص احبه جدا لان الرسالة بتكون واقعية والرسالة واضحة ومادايرا ليها مدرسة..اصلو الدراما السودانبة عملت ليا عقدة من سيناريوهاتا الركيكة والمتكلفة فدايما تلاقينى مع المدام عاملين استوديو تحليلى واتخيل ليا الموضوع دا فادنى جدا "رب ضارة نافعة"..
تقمص الشخصية مهمة جدا عشان تطلع الفكرة كما هى "الود دخل دور الممثلين فى اللقاءات وكدا"..انا بحب اتونس مع كل الناس وحتى الناس البخافو الناس يتونسو معاهم "الطباخين الحنينين وهلمجرا"..ودا بيساعد فى عكس الشخصية بأبعادا وتكويناتا "بناء الشخصية"..
اما عن الاعلانات انتى ماشايفة سك حبيبنا ابوحمزة دا"قاطع نفسى قطع"..بس بالحلقات القادمة بنرجع للاعلانات وياريت تدينى بعض الافكار وانا عليا ازيد الرتوش والافلمة..
اختى اسماء كونى بخير دوما..

[زاهر النويري]

صاحب الركشة الغالي تحياتي
حاجزين مشوار ياريت تقدر توصلنا باقي فيهو قطع كبري
بس شكلك بتحب المجازفة وتوصلنا
في انتظارك تفضى،،،،

[أشرف صلاح السعيد]

صاحب الركشة الغالي تحياتي
حاجزين مشوار باريت تقدر توصلنا باقي فيهو قطع كبري
بس شكلك بتحب المجازفة وتوصلنا
في انتظارك تفضى،،،،


حبيبنا زاهر كل الاعوام انت والاهل جميعا كما تتمنون..
أصلو ماإندك أتلا نجازيفو ليى مانجازيفو بس كدى كدا كلام فى هنانك تركبى مآكى جنابو مونى إهتياتى كدا..أنا ما نخافو أسلا أبدا من المجازفة ولاااهى بس إهتياتى كدا مآك جنابو المؤلمين الفى الكبرى بيدايرو ومابيإملو لينا شنكبات وأنكبات..
قولتى شنو؟..

مع الاعتذار لأخوانا الفلاتا إستلفنا منهم ركشاوى يرد على اخونا زاهر..

[أشرف صلاح السعيد]

فاصل اعلانى ..


مشروع الجزيرة وإمتداد المناقل..سنخصصه نكاية بالخواجة أب كسكتة مخملية ..
سنخصصه ونبيعه بالقطاعى والاجمالى لنمنع إستيراد قطع الغيار الوهمية..
سندلله لناس اللحى وللناس اللى للحكومة بتدى الشبال وبتغنى اللولية..
يامزارعية ياداقسين كان عملتو بيو غابات ماكان جاتكم هسى المفوضية..

"أغنية"..

حليل الجزيرة الكنا بنزرع فيها قطنا ونسقى ونتيرب نحقق أملنا..

يااخوى هووى نوم مافى زراعة واستنى المجاعة ماسرقو حلمنا..

[فراس]

ابواشرف

انت عارف والله ركشتك دي ادمناها عديييل

غايتو كل يوم لو ماسمعنا صوتا وهي تصول

وتجول في المنتدي العام اكد تماما الخرمة

بتكسر راسنا واكعب من خرمة الجبنة كمان

في الانتظار يامبدع

[أشرف صلاح السعيد]

ابواشرف

انت عارف والله ركشتك دي ادمناها عديييل

غايتو كل يوم لو ماسمعنا صوتا وهي تصول

وتجول في المنتدي العام اكد تماما الخرمة

بتكسر راسنا واكعب من خرمة الجبنة كمان

في الانتظار يامبدع

حبيبنا فراس حمكاك الله من كل إدمان والمسلمين جميعا..
تعرف الركشة دى بتمول بنزينا منكم يعنى طالما انتو موجودين هى حتكون مدورة..
يديك العافية وماحرمت من تشجيعك الجميل ياجميل..

[أشرف صلاح السعيد]

الحلقة 17..

(ناس الجامعة)


فاصل اعلانى..

وزارة الشئون الهندسية..

تعلن الوزارة عن توفير حفاير بالطرق الرئيسية والفرعية وملئها بالمياه حتى توفر خدمة ملأ اللديترات لقائدى المركبات بكل الاماكن واللفات..

كما تعلن لخططتها التحريرية من جعل كل الطرق بلا تلتوارات "الخنقة فوق كم؟"..الدين لله والطريق للجميع ..



فاتن : انا ام كرتونة ولا انتو العايزين تهبشو فى كل شى وفى النهاية الحال ياهو الحال..


امين : كلامك فيو كتير من الحقيقة ..نحن بنهبش هنا وهناك ..لكن مش ممكن بمهابشاتنا دى نغيّر شى ولو قليل؟..وحتى لو ماغيرت مهابشاتنا هسى ولا بكرة أقلاها بنتبادل الافكار عشان ما نصل لتقارب فيها وبكرة بيكون فينا الابو وفينا الام وبيزرع الجمال فى اولادو..ولا ماكدا؟..


سارة : ماهى الشفقة والاستعجال المضيعانا ومضيّعا البلد دى .. عايزين أى شى يتغيّر بين يوم وليلة وماعندنا صبر..الكل همو فى هسى وبكرا وبعدو ماغرضو..


فاتن : مالأنو هسى الناس عايشا بالتلتلا عايزنهم كمان يفكرو فى بكرة وبعدو وهم الليلة ماعارفين رجلينم من ريسينم وين؟..


امين : العيشة صعبة وماقلنا حاجة واهو انا عندك خريج سايق ركشة.. بس فى كم خريج وغير خريج عايش من غير شغل ولا مشغلة؟..الواحد فيهم مستنى المعجزات وعصاية سيدنا موسى عشان تغير ليو حالتو ..بس ورونى كيف؟..الرزق لا بيدى ولا بيد غيرى وكل الناس وعارفين كدا بس الناس لازم تترحمن وتعمل العليها والرزق يخلوهو لصاحب الارزاق..انا بعرف ليا زول حالتو ازفت منى بكتيير وجامعى كمان نزل الصعيد على جهة الدمازين وبدا هناك من الصفر وهسى ماشاء الله عليهو بقى مستور..مازى الكتيرين بس يلعنو فى الحكومة وفى الزمن وهم مستكبرين انهم يشتغلو الا فى وظائف وعايشين على قفا اهلم والمغتربين..اهنديل الموظفين الشغالين ليهم عشرات السنين حالم شنو؟ ياالواحد مشى درب التساهيل زى مابيسموهو ولا رابط حجر ببطنو وبطن عيالو..يعنى حتى الوظيفة ماهى الحلم الكبير رغم انو فى ناس متوفقين فيها..


فاتن : يعنى الخريجين عايزم كلهم يسوقو ركشات ولا يمشو الصعيد ؟..


سارة : دا ماالقصد يافاتن..انا معاك الحكومة إلزام عليها إيجاد الفرص بالتشغيل للخريجين وحتى غير الخريجين بس دا حتى فى البلاد المتطورة اكتر مننا مابتلاقيو والعطالة موجودة بكل العالم وان كانت بنسب متفاوتة..القصد على الشباب السعى وربك كريم ومابضيع ليهو تعب ولا سعاية كان هسى ولا بكرة وقدام..واهنديل قبل مايتخرجو نازلين زواجات عرفية ومسيار..كيف بكرة الحال؟..


امين : رجعتينى للموضوع الاول..بالله الموضوع دا جد؟..


سارة : دى بقت ظاهرة وظاهرة خطيرة كمان..كل يوم والتانى نسمع فلان وفلانة متزوجين..دا غير الخافى..الله يحمينا..


امين : لا حولا ولا قوة الا بالله!!!!!..شنو يااخوانا البيحصل دا؟..والزواجات دى ياربى ممكن تستمر لمتين؟..مالم الشباب ناقصم يصبرو سنة سنتين وربك يسهلا..


سارة : دا كلو نتيجة الاحباط..الواحد يقول ليك المتخرجين خمسة وعشرة سنين معظمم ماقادرين يتزوجو..يعنى احنا العلى راسنا ريشة وحنقدر؟.. ويقولو ليك الزواج ياهو الزواج وحتى كتير من العلماء حللوهو..وبكرة لما يجى زى ماقدرنا نتصرف هسى بنتصرف بعدين..


امين : يعنى بيقدرو يتصرفو فى بكرة ومابيقدرو يستنو لبكرة ويتزوجو!!! مفارقات عجيبة..يؤمنون ببعض الكتاب ويكفرون ببعض الكتاب..ربك بكرة كريم وحيسهل عليهم استمرار زواجاتم الناقصة اركان الزواج ولكنو غير كريم اهنديلك الخريجين قدامنا ماقادرين يتزوجو !!! دا كلام شنو دا؟..


سارة : والمشكلة انو البنات قدامن نماذج كتيرة فيها الاولاد اتهربو من زوجاتم الماعارفة كيف كيف وبرضو موهومين انو حالاتم خاصة وماحتفشل وبكرة بيختو اهلهم امام الامر الواقع لما الولد يشتغل بعد التخرج..


فاتن : ما دا الانتو بتشجعو فيهو من الصباح الناس تشيل الكراتين..اهم شالوها..شفتو النتايج؟..


امين : ديل ماشالو الكراتين..ديل شالو اسس وشروط ربانية عشان يتم الزواج بالصورة الصحيحة ويحقق الفكرة بتاعتو..وينو الاشهار ووينو موافقة الولى للبكر ؟..الدين واضح وابدا ماخت لينا كراتين..وبعدين الرسول عليه أفضل الصلاة والتسليم خت شرط الاستطاعة على الباءة وديل رغم توفر الباءة بياخدو مصاريف من ابواتم ..الباءة هى المقدرة على الشغل وإكفاء الزوجة والأسرة ..بس باءة من غير عمل كيف بتكون؟؟..


سارة : باءة شنو هى الاصلا بيعرفوها ودين شنو..اى واحد من ديل بس لو عرف اختو متزوجة بالدس بيضبحا..الزواجات الجنس دى هوى نفس ولعب عيال مااكتر ولا اقل..انحنا معانا شباب متزوجين وهم بيدرسو وفى النور..بمباركة اهلهم واهلهم هم الدفعوهم للزواج..وعايشين بينا بكل احترام ..


فاتن : انحنا وصلنا وكلامكم لا بيقدم ولا بيأخر..البيحصل دا حيستمر كان غلط ولا كان صاح..


امين : بس انا متأكد بإنك ماحتعملى كدا بعد الكلام الكنا بنقولو ولا ماكدا..


فاتن : يااخوى قبل كلامكم دا انا مابعمل كدا..


سارة : وممكن غيرك مايعمل كدا لو عملنا ندوات ونقاشات واتناولنا الموضوع دا ولا ماكدا؟..


امين : اكيد ماالذكرى بتنفع المؤمنين وبتشيل الغشاوة مرات كتيرة..

يتبع................

[الزونية]

لأخي اشرف كل التحايا العطرة
واقول ليك سلمت وسلم قلمك النبيل هذا ..وكلماتك التى مست كل ممتنع..

انا بديت من الحلقة 15 دون الرجوع للحلقات الأولى فقد شدني الموضوع وأسر تفكيري....

ولكم جلست مع نفسي العن الزمن الردي هذا الذي أحال جامعاتنا لمعاقل لنشر الرزيلة..
فالفقر ياأخي برئ من كل ممارسة غيرسوية.. ولكم تخرّج من بين فكي الفقر أناس شهد لهم الوطن بانهم من خيرة بنيه ..
اللا مبالاة و عدم الوعي ..من الأسرة والتفكك بين أفرادها جعل الكل حسب هواه في مجتمع غير آبه بأي مثل وقيم لحفظ شرف أمة..
إختلاط الدخليات بين الموظفات والعاملات والطالبات ..خلقت شي من عدم التركيز في حدود التعلم للتفكير في أمور بعيدة عن المجتمع الطلابي ..الرفاهية في الملبس والأكل والخرجات الحلوة مع من كان.حيث لاضوابط صارمة للداخليات ..وشارع النيل خير شاهد..ودكاكين سعد قشرة..وحسبي اله ونعم الوكيل...
نحن نعاني أزمة مجتمع بأسره أخي ...أزمة أسرة ..أزمة وعي ..ازمة حكومة تراعي الفرد وتتبنى همومه...
ثم لمن يوكل ضبط الشارع لقوات الأمن؟؟؟؟

[moh_alnour]

أبت نفسي إلا و أن أقرأ هذا البوست من بدايته إلى نهايته
و و جدت فيه مفارقات غريبة و ممارسات أغرب غزت مجتمعنا السوداني الذي كُنا
إلى وقت قريب نطلق عليه بملء فاهنا أنه ( مجتمع محافظ و مترابط و متعافي )
من المفارقات الغريبة أن صاحبة الجلالة ( الثري ويلز داريفر ) أصبحت تحتاج إلى من يحملون الشهادات الجامعية لقيادتها
و من المؤكد أن هذا نتاج سياسة التعليم العالي العنترية و الخاطئة و التي أنشات الجامعات و الكليات
بطريقة غير مدروسة كان نتاجها ذلك الكم الهائل من الخريجين العاطلين عن العمل و المحبطين
ولا أتفق مع أخي ود الجعلي في أنها أصبحت مهنة العطالة أو مهنة من لا مهنة له
فالشاهد أن هناك رقشات فتحت بيوت و ساهمت في إكمال البعض لتعليمهم العالي و عالجت المرضى و غيرها
لم يكن الفقر في يوم ما دافع للوقوع في المحظور أو ممارسة الرزيلة و لكنه التقليد الأعمى و البوبار في داخليات الإيجار و مجتمع الشوفونية
كما أن الإنفتاح الإعلامي و ثورة الأتصالات من إنترنت و جوالات ساهمت في ظهور مثل هذه الممارسات اللأخلاقية
و قناعتي التامة أن الظروف الأقتصادية الطاحنة ألقت بظلالها على كافة مناحي الحياة
فقد جعلت رب الأسرة يلتهي بتوفير متطلبات الحياة الأساسية و يقفل عن دوره الأساسي و هو التربية و متابعة الأبناء في سلوكياتهم
لك التحية أخي أشرف و أنت تلمس مكامن الوجع في جسد المجتمع من خلال هذا البوست
و لا نملك إلا و أن ندعو الله العلي القدير بأن يحفظنا في مالنا و عرضنا و ديننا و أنفسنا و أهلينا
و أن يقبضنا إليه مسلمين غير مفتونين

[أشرف صلاح السعيد]

لأخي اشرف كل التحايا العطرة
واقول ليك سلمت وسلم قلمك النبيل هذا ..وكلماتك التى مست كل ممتنع..

انا بديت من الحلقة 15 دون الرجوع للحلقات الأولى فقد شدني الموضوع وأسر تفكيري....

ولكم جلست مع نفسي العن الزمن الردي هذا الذي أحال جامعاتنا لمعاقل لنشر الرزيلة..
فالفقر ياأخي برئ من كل ممارسة غيرسوية.. ولكم تخرّج من بين فكي الفقر أناس شهد لهم الوطن بانهم من خيرة بنيه ..
اللا مبالاة و عدم الوعي ..من الأسرة والتفكك بين أفرادها جعل الكل حسب هواه في مجتمع غير آبه بأي مثل وقيم لحفظ شرف أمة..
إختلاط الدخليات بين الموظفات والعاملات والطالبات ..خلقت شي من عدم التركيز في حدود التعلم للتفكير في أمور بعيدة عن المجتمع الطلابي ..الرفاهية في الملبس والأكل والخرجات الحلوة مع من كان.حيث لاضوابط صارمة للداخليات ..وشارع النيل خير شاهد..ودكاكين سعد قشرة..وحسبي اله ونعم الوكيل...
نحن نعاني أزمة مجتمع بأسره أخي ...أزمة أسرة ..أزمة وعي ..ازمة حكومة تراعي الفرد وتتبنى همومه...
ثم لمن يوكل ضبط الشارع لقوات الأمن؟؟؟؟




اختى الزونية سلام..وكل عام انت والاهل جميعا كما تتمنون..
نعم الفقر ليس سبب كل الشرور ولكن السبب عدم اليقين وغياب التربية وإنشغال أولياء الامور بماديات الحياة والقفوف والتى لا تعفيهم عن المسؤلية..
العين الفارغة وركوب موجات الشوفانية نتاج هشاشة اساس البنيان الذى لم يؤسس على ثوابت لا تتغير بتغير البيئات..وعفة البنات لن تضبطها حتى قوات حفظ سلام اممية ولا حتى اسلامية إن غاب عنا الوازع الدينى..
لك التحية..

[أشرف صلاح السعيد]

أبت نفسي إلا و أن أقرأ هذا البوست من بدايته إلى نهايته
و و جدت فيه مفارقات غريبة و ممارسات أغرب غزت مجتمعنا السوداني الذي كُنا
إلى وقت قريب نطلق عليه بملء فاهنا أنه ( مجتمع محافظ و مترابط و متعافي )
من المفارقات الغريبة أن صاحبة الجلالة ( الثري ويلز داريفر ) أصبحت تحتاج إلى من يحملون الشهادات الجامعية لقيادتها
و من المؤكد أن هذا نتاج سياسة التعليم العالي العنترية و الخاطئة و التي أنشات الجامعات و الكليات
بطريقة غير مدروسة كان نتاجها ذلك الكم الهائل من الخريجين العاطلين عن العمل و المحبطين
ولا أتفق مع أخي ود الجعلي في أنها أصبحت مهنة العطالة أو مهنة من لا مهنة له
فالشاهد أن هناك رقشات فتحت بيوت و ساهمت في إكمال البعض لتعليمهم العالي و عالجت المرضى و غيرها
لم يكن الفقر في يوم ما دافع للوقوع في المحظور أو ممارسة الرزيلة و لكنه التقليد الأعمى و البوبار في داخليات الإيجار و مجتمع الشوفونية
كما أن الإنفتاح الإعلامي و ثورة الأتصالات من إنترنت و جوالات ساهمت في ظهور مثل هذه الممارسات اللأخلاقية
و قناعتي التامة أن الظروف الأقتصادية الطاحنة ألقت بظلالها على كافة مناحي الحياة
فقد جعلت رب الأسرة يلتهي بتوفير متطلبات الحياة الأساسية و يقفل عن دوره الأساسي و هو التربية و متابعة الأبناء في سلوكياتهم
لك التحية أخي أشرف و أنت تلمس مكامن الوجع في جسد المجتمع من خلال هذا البوست
و لا نملك إلا و أن ندعو الله العلي القدير بأن يحفظنا في مالنا و عرضنا و ديننا و أنفسنا و أهلينا
و أن يقبضنا إليه مسلمين غير مفتونين


اخى محمد كل الاعوام انت والاهل كماتتمنون وبالف خير..
صدقت اخى ثورات التعليم العنترية والعددية..نفتخر بعدد القطعان وان هزلت ولم نوفر لها المراعى ..الخريج الجامعى غدا بضاعة تعرنا ببلاد الاغتراب عندما يتأتئ فى الرد على الهنود والبنغال ..الافتخار بلغتنا العربية مطلوب ولكن اين خريج الامس من خريج اليوم..اما عن العطالة فحدث وبلا حرج والحلول لازالت مغيبة والجامعات مخاضات التخريج لا تتوقف بها..
اما عن التربية فياللغرابة المال والسعى خلف القفاف غدا الاولوية لا تربية الابناء بكثير من البيوتات..كنا نأكل لنعيش وغدونا نعيش لنأكل والتربية اصبحت رفاهية وقلة شغلة بعصر العولمة ..صارت كثير من البيوتات كحظائر الاغنام كل الهم فى العليقة والعجب عدم الاهتمام بالالبان فالبهيمة لها دور تلعبه وبإقتدار بيد أن رب الاسرة يعلق من اجل العليق وحسب!!!
سرنى تطوافك مع الركشة وشرفنى كثيرا..ولعل وقود الثرى ويل درايفر استمده من متابعاتكم المحفذة للإستمرار..
كن بخير..

[أبو حمزة]

كلام عين العقل.. ومرتب.. والحقيقة حتى لو حاولنا ننكر..!! ففي مجتمعنا موجود..

لكن السبب شنو؟؟ بس لا تقولوا لي الحالة الاقتصادية.. ولا من الحيكومة؟؟

لأنو ما بصدقكم ده حبيبي الروح بالروح..!!

[أشرف صلاح السعيد]

كلام عين العقل.. ومرتب.. والحقيقة حتى لو حاولنا ننكر..!! ففي مجتمعنا موجود..

لكن السبب شنو؟؟ بس لا تقولوا لي الحالة الاقتصادية.. ولا من الحيكومة؟؟

لأنو ما بصدقكم ده حبيبي الروح بالروح..!!


ابوحمزة اسعد الله ايامك..
الاسباب تتعدد والموت واحد..
قل غياب الدين كسلوك لا كمادة تدرس والدرجات العلمية هى حصادها..
قل الفاقد التربوى والولى الذى يحتاج ان يربى قبل ان يربى ..
قل عدم اليقين والتوكل على الله ومعرفة السعى مايتوجب علينا لا ادراك النجاح..
قل وجود ازدواجية المعايير وفلسفة ببلاد الغير ان نمشى ام فكو..وحتى ببلادنا مع تداعيات واسقاطات سلبيات العولمة الجديدة..
قل الفقر والجوع القرص البطون والحرمان من ابسط اساسيات الحياة..
قل سجن الحريات وتربية التلقين وترديد القيم جوفاء دون الحذو بها..
وقل ماتشاء فهناك ملايين الاسباب والمسببات..
وكن بخير..

[الملكة اسماء ( ام محمد )]

وشكرا للمتابعات والتحليلات الرائعة رغم كلفتك للتحليل هذه المرة "ماقلت ليك نحنا ناس واضحين وبنقول للاعمى اعمى هههههههههههه "..



استاذي القدير تحية وتقدير
طبعا انا ماكلفت التحليل لكن كنت عايزة اسمع باقي القصة الانا متاكدة انها ح تحلل نفسها تلقائيا في الجزء التالي
وفعلا ما خذلتني واعتقد انك في الجزء التالي اجبت عن سؤالنا الدائم عن مقدار التغير الممكن نحدثه بمجرد الكتابة والتعبير عن الرائي الصريح اتجاه مشكلات حياتنا وكان التعليق الممكن اقول عليه (طرف سوط هبش حتتين ) موجود ادناه
والحتتين اكيد انت قاصدهم ولو ما عرفتهم وريني واجي اقولهم ليك بشرط ( تشوف لي محامي كويس :))




امين : كلامك فيو كتير من الحقيقة ..نحن بنهبش هنا وهناك ..لكن مش ممكن بمهابشاتنا دى نغيّر شى ولو قليل؟..وحتى لو ماغيرت مهابشاتنا هسى ولا بكرة أقلاها بنتبادل الافكار عشان ما نصل لتقارب فيها وبكرة بيكون فينا الابو وفينا الام وبيزرع الجمال فى اولادو..ولا ماكدا؟..





بالنسبة لمستوى التدني الخُلقي الذي الذي وصل له مجتمعنا الكان محافظ ( سابقا ) فاعتقد ان تخلينا عن تقاليد واصول تربية كفلت العفة والطُهر لاجدادنا هو السبب
فالكثير من المخالفات التي نراها اليوم سببها ( انحراف ) مفهوم التربية و( الحرية ) فاللاسف كان الهدف وراء الاختلاط في الجامعات اسمى من المستوى المنحط الوصل اليه حاليا
والتربية هي اصل كل المعاملات في كل المجتمعات ولا اظن ان تربية ( المنحرفين ) في مجتمعنا كانت ( نظيفة ) فدخول ( العولمة ) والفهم الخاطئ لانفتاحنا على الحياة شكل سلاح ذو حدين كان الحد الفاعل فيهما ( الدمار )
النماذج والقصص كثيرة جدا , والجامعات ( شريحة ) تشكل خطر على الكثير من القيم , يبقى ان نربي ابنائنا بشكل سليم وبذلك نضمن محافظتنا عليهم وسط ( تيار الانحرافات )



همسة : بالنسبة للاعلانات ( صدقني افكارك لابتجي على بال ولا على خاطر , فالاولى اني اسكت ساااااي :o)


ولا نقول الا حسبنا الله ونعم الوكيل
كن بالف خير استاذي القدير
وعذرا على التآخير

[أشرف صلاح السعيد]

اختى أسماء سلامات..
والله اصلو مابنقدر عليك..مش لأنك بتلبسى الحق بالباطل حاشا لله..لفصاحة اللسان ورجاحة العقل..قال آيه المرة إن بقت فاس مابتشق الراس!! تعرفى اول ضكر يردد المثل دا بحول ورقو عليك وبالله عليك ماتقصرى فيو "ليكى اللحم والعضم كمان"..
الحتتين مافهمتهم ..تعالى ادينا شوية وورينا ليهم..
يسعدنى ويعجبنى تحليلك "بس خلينى مرة مرة استعبط طمعا فى المزيد زى السطر الفوق دا"..
على مهلك ومابينا عجلة تعالى متى ماكنتى مستعدة فالجية بهدوء بتدى ابعاد اجمل للحضور..
اتفق معك جملة وتفصيلا فى تحليلك..
بالنسبة للاعلانات ماتكبى الزوغة لسة راجيك..
كونى بخير ولك التحية اجلها..

[الملكة اسماء ( ام محمد )]

الحتتين مافهمتهم ..تعالى ادينا شوية وورينا ليهم..


ماعارفة هل انا بقراء المواضيع حسب رؤيتي وبنظام ( الفي بطنه حرقص :)) والا شنو ؟
لاني لما قريت الفقرة دي



(نحن بنهبش هنا وهناك ..لكن مش ممكن بمهابشاتنا دى نغيّر شى ولو قليل؟..وحتى لو ماغيرت مهابشاتنا هسى ولا بكرة أقلاها بنتبادل الافكار عشان ما نصل لتقارب فيها وبكرة بيكون فينا الابو وفينا الام وبيزرع الجمال فى اولادو..ولا ماكدا؟..)



اتذكرت جهتين معنيات بذات الكلام , (التهبيش بغرض ايصال الرائي ) الجهة الاولى او الحتة الاولى ( المجتمع مُدعي الديمقراطية مع كبت حرية الادلاء بالرائي!!) والحتة التانية ( منتدانا العريق ) الانا متاكدة انه بشجع نقاش المشكلات باسلوب يكفل حرية الرائي وامن وسلامة المنتدى , ودا الانا اتمنى انه يكون موجود فعلا , على الاقل حتى لانكون ناس ونسة وهظار بس ..

وفي الحالتين الكلام ممكن يكون مؤثر اكتر خصوصا لو كنا لانمتلك غيره كشكل من اشكال تغير ( المُنكر )

"بس خلينى مرة مرة استعبط طمعا فى المزيد زى السطر الفوق دا"..

استعبط على راحتك , بما ان الهدف استفذاذي عشان ارد بشكل افضل . وصدقني ساعات بحس اني محتاجة سبب اقوى للرد ,على الاقل لعلمي انه ماكل الناس بتتمنى اضافة شخص لحرف فيما كتبوا

اتفق معك جملة وتفصيلا فى تحليلك..
بالنسبة للاعلانات ماتكبى الزوغة لسة راجيك..


كونى بخير ولك التحية اجلها..



لي الشرف استاذي القدير ولي عودات كل ماسنحت لي الفرصة
همسة صااااادقة : احترت في ركشتك دي هل هي ( مدرسة - نافذة على العالم - منتدى قائم بذاته ..ام ماذا ؟)
فصدقني كانك اختصرت عشرات الطرق لتقول كلمة حق وتلفت انتباه الغافلين لمهازل الحياة التي نعيشها اليوم


وفقك الله اخي دائما وابدا واعانك على توصيل رسائل من احرف مضيئة
جعلها الله في ميزان حسناتك

[أشرف صلاح السعيد]

اختى أسماء سلام..
تعرفى ساعات حتى البيكون عايز يوصل فكرة معينة فى كتاباتو مرات بيكون فى كلام بين الكلام حتى هو ماشايفو..أو بالقليل مامقدر حجم خطورتو وعمق الفكرة حتى..وبيجى هبااااش زيك كدا وبيوضح الفكرة أكتر وبيحللا بشكل منطقى ويضيف على الفكرة أبعاد أخرى..
مرة بقصة "الحافلة" وفى منتدى آخر إستعملت كلمة طرادة مرتين..مرة بمعنى خمسة وعشرون قرش ومرة بمعنى خمسة وعشرون جنيه..لقيت واحد من المتداخلين بيشيد بالعملية دى لأنو شايف الطرادة اذابت البعد الزمنى وخلطت بين الماضى والحاضر "انا زاتى احترتا فى تحليلو وابدا ماكنت قاصدو"..لما قريت القصة تانى لقيت فى كتير من المنطق فى تحليو رغم إنها أضعفت جزئية تانية فى القصة فلغيت الاستعمال المزدوج..

همسة صااااادقة : احترت في ركشتك دي هل هي ( مدرسة - نافذة على العالم - منتدى قائم بذاته ..ام ماذا ؟)

همسة مرتدة : بقوم بصدق وبكرة بربى شعرى وبعمل ليا كدوس.."شهادة وافتخر بيها وان كنت لا استحقها"..

الركشة خلينا نقول لاقطة لملمح القبح بمجتمعنا أو عدسة مكبرة ترى مواقع الصعف فينا لمن إستعمى فأرى ويرى فنستفذ فنقرر الثأر من القبح بالجمال..

شكرا لوقتك وتحليلاتك العميقة التى تثرى وتضيف الفكرة أكثر ووأوضح ..
وشكرا لكلماتك الطيبات الدافعة للإستمرار مع إنو مابين الشركاء تشكرات..

[أبو جودي]

أخوي أشرف ،،، لك التحية والود ،،، والله ركشتك دي بقت لامة آراء ومداخلات جميلة خالص ،،، وأنا مع إني لست من المداخلين بكثرة ،،، لكني يومياً بمر عليها ،،، عشان كدي أحسن أقوله ليك في وشك وما تسمعه بي وراك ،،، حاسدك عديييييييييل كده ،،، وأهه بعرض عليك عرض مغري شديد ،،،، يعني يا أخوي لو اشتريت ركشتك دي بــ 7 أنا بديك فيها 10 ،،،،وبس تخليها لي ،،، ولا الرأي شنو
،،،،،،،،،،،،،،،،،،،،،،،،
حبيت أداعبك شوية باشمهندس أشرف ،،، وحمداً لله على السلامة ،،، وشوفتك للأولاد ،،،، رجاء قبول المداعبة

[أشرف صلاح السعيد]

حبيبنا اللذيذ ابوجودى تحية وتحيات..
والله عرضك مغرى علا خلينا النشاور امين سيدا وماتقول مزنوق فى الاقساط وخصوصا قسط الشهر دا الجا بعد العيد ورمضان..كدا باركا شوية وزيد عشان الزول يطلع حق سمسرتو..يعنى العشرة بتاعتك دى بعد السمسرة وشخيط الواطة "السر شنو السماسر بشخبطو فى الارض؟" بتفضل لأمين خمسة ستة وماظنيتو ببيع وهو مشتريها بتماينة"تمنية"..اها قلتا شنو؟ صلحا كدا شويتين..
انت مرحب بيك كيف ماجيت هظار ولا عين فى البرونزى المهم تجى عشان نقول ليك:
بركة الجيت بركة الجيت آيى دا الشغل دا الشغل..
آيى داابوجودى حلو وبسكويت الشغل دا الشغل..

[أشرف صلاح السعيد]

فاصل اعلانى..


لجنة الإنتخابات العليا للزعيم..


صوتو للزعيم فهو من تكتسون داخليا من لا فتاته بعد الفوز العظيم..

ب 20 سنة بنينا سد ووعدنا لكم نصر جديد فى 5 سنين بناء ربع سد جديد..

ب 20 سنة علينا خزان الروصيرص وفى 5 سنين الوعد نعلى الدعاء للمحتاجين..


ب 20 سنة عملنا شريان الحياة وفى 5 سنين حنمدكم بسلندرات الأكسجين..
ب 20 سنة عملنا تلاتا كبارى بالعاصمة المثلثة وفى 5 سنين نربع العاصمة والكبارى..

[أبو جودي]

والله يا أخوي اشرف جيتني في الحتة الدايرة أنا ذاته ،،،، والتقول أنت عندك الحاسة السادسة ،،، أهه عاوز أسألك عن السماسرة ،،، واكيد أنت بي شماراتك دي ،،، مشيت قعدته معاهم في شارع الجمهورية جم الشجرة ،،، وعارفك كما عاوز تشتري بتكون عاوز تبيع ،،، ولا عاوز تتطلع ليك بي بوست كدي من مواضيعهم ،،، أنا في انتظارك،،،،
وبعدين رقشتك دي كدي خليها لم يقدروها السماسرة وبعدين بنتفق وما بنختلف ،،، درسني بس قانون هواك ،،،،،،،،،،،،،،، بحفظ حروفو حرف حرف ،،،،،، وما بنختلف

[أشرف صلاح السعيد]

حبيبا ابو جودى يااخى مابتفهمها وهى طايرة..حلقات الركشة القادمة عن عالم السمسرة والسماسرة ..إستنانى بجيك ليهم اولاد الهرمة "الهرمة دى كان بتعرفا رسل ليا معناها فى الخاص كان قبيح"..

[أشرف صلاح السعيد]

ابوجودى كدى كلام فى سرك دحين لو ركبتا ود كسلا بكرى الركشة واديتو فيها سحبة كااااربة مابثبتا ؟؟ولا اشوف النورين ود النور وابو النور ؟ بس يااخوى ديل مشوارين والبنزين ديل الايام دى صعبة وامين دا عليو اقساط..كدى النمشى نوصل ود السنى سرو بتاع خروفو ثبتو ليو..بس مايقولو ليا التثبيت لذوات الاربعة وبس..لكن ما تخاف اخوك تفتيحة بقول ليهم الركشة دى كانت ماشة على اربعة بس الحيكومة ومرورا جابولها السكرى اضطرينا نقطع كراعا عشان داست ليها مسمار غليد عملها غرغرينا..كيف بتقسم المكنة دى؟.. ولا اقول ليك حأعدل اسما "ركشة الاساسى ود السنى" عصفورين بحجر فيها اساسى وفيها ود السنى مااظن بعد دا عندهم حجة..
وقال حاسدنى على الواسطة قال..

[ادروب]

يا ناس التكسى الاحمر المعلم البارز لود مدنى
خلونا انحنا مع الركشات اتكتك

والمخرج احسن يغير اسم المسلسل
ولا احسن فى رباشاتنا قصدى ركشاتنا
اه اه اه

[أشرف صلاح السعيد]

يا ناس التكسى الاحمر المعلم البارز لود مدنى
خلونا انحنا مع الركشات اتكتك

والمخرج احسن يغير اسم المسلسل
ولا احسن فى رباشاتنا قصدى ركشاتنا
اه اه اه


أدروب دبايوا ياأحلى سلام..
مرحب بيك بالمنتديات اولا..
مرحب بك فى عالم الركشات ثانيا..
ثالثا انتا الخمسمية وخمسطاشر ألف ومية واحد وخمسين دى شنو؟ماتقول ليا رقم الركشة لأنو لو قدرت تشيلو ما ظنيت الركاب بيلقو حتة يركبو فيها..
انتا من زمن الضحك اه اه اه ؟ يااخى مااتعلمت من العولمة شى ولا شنو الضحك بقى هى هى هى ..
بعدين الركشة دى نغير اسمى كيف؟ نضبح ليها خروف ونسميها تك تك ولا كيف؟..
وناس التكاسى الحمر ديل مالك جايب لينا سيرتم ماكفاية بالشوارع عاملين لينا ضيق وبيحدرو لينا فى الروحة والجية؟..
تكتك على راحتك بس اهم شى تكون مرخص..
شكرا لمرورك اللذيذ ..

[أشرف صلاح السعيد]

فاصل اعلانى..


الخير لأعمال الخير والكسير..

الخير رائد بعالم الخير والخيرات والخيرين والخيار..

تعال بجاى وماتمشى هناك ..هناك مابعيد ومالاحقة الإيد..
محلاتنا ناصية وظاهرة وعجبانا ومحلاتم غاااطسة وما همانا..
الخير كان ما طلع من عندنا هو فيو خير؟؟..

(أغنية)..

قالو الخير مرق إلا بسرعة إتعفص ..الخير الغرق ياناس..

قالو الخير رفض وناسو بقو فى غضب ..الخير الغرق يا ناس..

قالو الخير لبد وإتدسدس وإتخنق ..الخير الغرق ياناس..

[الملكة اسماء ( ام محمد )]

فاصل اعلانى..




الخير لأعمال الخير والكسير..


الخير رائد بعالم الخير والخيرات والخيرين والخيار..


تعال بجاى وماتمشى هناك ..هناك مابعيد ومالاحقة الإيد..
محلاتنا ناصية وظاهرة وعجبانا ومحلاتم غاااطسة وما همانا..
الخير كان ما طلع من عندنا هو فيو خير؟؟..


(أغنية)..


قالو الخير مرق إلا بسرعة إتعفص ..الخير الغرق ياناس..


قالو الخير رفض وناسو بقو فى غضب ..الخير الغرق يا ناس..



قالو الخير لبد وإتدسدس وإتخنق ..الخير الغرق ياناس..



:rolleyes::rolleyes::rolleyes::rolleyes::rolleyes:

[أشرف صلاح السعيد]

:confused::confused::confused::confused:


:rolleyes::rolleyes::rolleyes::rolleyes::rolleyes:

[الملكة اسماء ( ام محمد )]

:confused::confused::confused::confused:


في شنو ؟:mad:
الواحد مايتحير معاكم يعني والا شنو ؟:mad:

كلام عجبني
كان في بالي
لقيتك كاتبه
استغربت وقلت اقول انا جيت بيجاي ولسه بفكر في الكلام الفوق دا :rolleyes:



همسة : عارفة انك فهمتني :)

[أشرف صلاح السعيد]

أنت تحيرتى وأنا ساندت بإستعجابى..
والله يزيل كل العجب والحيرة والإستعجابات..
كونى بخير..

[الملكة اسماء ( ام محمد )]

والله يزيل كل العجب والحيرة والإستعجابات..
..

تعرف بما انه الركشة في الورشة ( فرضا ) فخلينا نتونس في الفاصل الاعلاني دا

بمناسبة الحيرة والعجب
ساعات بحس اني بدون قصد او بالاصح ( بدون تعب ) بلاقي نفسي ملاحظة لحاجات غيري بفتكر اني ماشايفاها
نفس الحاجات الممكن تخليني اندهش واستغرب بيكون في زول غيري ملاحظ ليها , وبزيد اندهاشي لما اعرف انه فعلا ملاحظ ليها ( ودا دليل على انها طلعت من اطار المُستغرب).. يعني بقت عااااااادية

مش بقولوا ( تعيش كتير تشوف كتير ) ؟ اعتقد اننا شفنا مايكفينا لمدة تساوي الزمن العشناه
الحاجات ( المُدهشة ) كتيرة
لكن في عبارة جميلة ( سِلبية ) بتقول ( طنش تعش )
وبقول سِلبية لانها بتعودنا ( الفُرجة ) والاندهاش في زمن محتاج نترجم فيه الدهشة لصوت يصل لابعد مدى


معاي ؟

[أشرف صلاح السعيد]

اختى أسماء سلام..
معاك وما معاك..معاك بانو كثرة الإندهاشات بزماننا..وما معاك أن كثرة المندهشين بتحول العجب لإعتياد..
إعتياد الغرابة القبيحة هو إنتصار شر على خير وإن تم ذلك فعلى الدنيا الشر لا السلام..
"طنش تنتعش" تقلب الشخص إلى تابع ..فالتطنيش دائما يكون على خطأ"خسارة ما" كائن والمحاربة لتصحيحه افترض خسارتها فلذا يكون التطنيش الوسيلة لوقف مزيد الخسائر وليس نفى لوقوع الخسارة..ومن يستسلم لخسارة واحدة لا يوجد ما يمنعه للتسليم لخساراة أخرى والتعود على ذلك..أى تصبح الهزيمة هى العادة وليس الخطأ هو الإعتيادى..
الفرجة عادة بتكون لمشاهدات لا تمسنا بسوء وتكون الأنانية هى سمتنا حينها فما يسوء الآخر الآن هو إساءة لإنسانية مشتركة بيننا..أما أن نتفرج على سوء يمسنا مباشرة فتلك كارثة ..
الفرجة على ظلم يقع مشكلة..والفرجة على ظلم يقع علينا مصيبة..
لا تطنش وعش وإن لم تنتعش هو مايجب أن نوطنه بأنفسنا لأن تسويق طنش تنتعش يخدم مصلحة آخر سوانا ولعمرى ذلك الآخر هو من سوقه لنا حتى يعمينا ويهمشنا ..

[الملكة اسماء ( ام محمد )]

ولعمرى ذلك الآخر هو من سوقه لنا حتى يعمينا ويهمشنا ..



ومع علم الكثيرين بهذه النقطة هناك ( استسلام )
للاسف

لاادري ماسبب سكوت البعض عن الظلم , وتعليقهم للاسباب على شماعة ( امشي جمب الحيطة )
خضوع
استسلام
سكوت تام عن الحق
وبعد دا كله يجيك لما يلاقي غيره عامل انتفاضه يقول ليك ( دا كلامنا القبيل )
طيب كلامك القبيل شاله الهواء والا انت لقيت انك بتكورك براك ففضلت الصمت والا الفهم شنو بالضبط


دنيا غريبه استاذي الفاضل
رغم علمنا احيان كثيرة بوقوع الظلم نسكت
رغم عدم وجود مانخاف عليه اكثر من انفسنا يوم ينادي منادي عظيم

ولااخفيك سرا
بت اكره ( عبائة (المُسالمة ))
فهي ان طوت تحتها شي فهو على الغالب ( لسان حق )

واتسال كم غيري سيصابون بالملل اخيرا

[درديري كباشي]

اشرف واسماء
اسف انا ساعود بالحوار لاخر حوار دار داخل الركشة.. بصراحة لاني ما عاوز الركشة تخوض في مواضيع رد الفعل فهذه لها بوستاتها الخاصة ..
ولكن النقطة المهمة في الحوار هي مظاهر الانفلات الاخلاقي واسنسهال مسالة الزواج العرفي وغيره بين الطلاب تحت بصر وسمع وسكوت المجتمع بكل قطاعاته .. وانا اضيف حتى اجهزة الاعلام عندنا ساهمت في تغذية الظاهرة عبر برامجهم الغير مدروسة الابعاد على الاطلاق ..
مثلا في قناة النيل الازرق يوجد برنامج افراح افراح .. والذي هو الغرض منه كما فهمت عكس العادات والتقاليد في الزواج ونشرها .ز ولكن هي ذات تلك العادات سبب الكارثة لانها هي تعني تبرير البزخ والصرف في الزواج وتغذية الراي الذي ادى لصعوبة الزواج ..
تبدا من العادات الهامشية من فتح الخشم وسد المال والشيلة وليلة الدخلة وفطور العريس .. بل يتم لقاء مع مؤسسات تصب في ذات الظاهرة .. مثلا المراه التي تصنع فطور العريس وقيل انه يكلف من عشرة مليون الى اكثر ..
والتلفزيونات بدلا عن ان تصب جهودها في تبسيط وتقليل الزواج تفعل العكس .. بل اكرم نساء الارض السيدة فاطمة الزهراء كان مهرها درع بالي كان الشئ الوحيد الذي يمتلكه سيدنا علي رضي الله عنه .. لايوجد فطور عريس ولا فتح خشم ورغما عن ذلك لاتستطيع امراه ان تتجرا وتقول انها اكرم من السيدة فاطمة الزهراء .

[أشرف صلاح السعيد]

ابوالدر سلامات..
مايدور من نقاش هو نقاش عام ولا انكر ان له صلة بما يدور الآن بالمنتدى..ولكن هو ذا هدف الركشة..مناقشة كل الظواهر والافكار التى يمكن ان تتغير الى الاجمل..
بالعودة الى موضوع الزواجات العرفية والانفلاتات الخلقية التى يقع بها بعض الطلبة والطالبات بالجامعات لها كثير من المسببات وكما اشرت دعاوى البزخ والاسراف بمراسيم الزواج من احد اهم الاسباب لهذه السلوكيات الجديدة على مجتمعاتنا..
الاعلام يسوق ويعرف بالفلكلور السودانى بعمى أأسف له ولمن يقع فيه من كثير من اعلامينا..التعريف بالعادات السودانية شى جميل ولكن عرضه وبترفه الغير مقنع وبكله جميله وقبيحه خطأ جسيم..فهو يظهر الفكرة وكأنها يجب ان تكون كما هى دون الانتباه لما فيها من علات ودون الدعوة لتصحيح ما بالفكرة من خطأ..
الفضائيات السودانية غدت نافذة تعكس افكار شرائح معينة من المجتمع لا تزيد نسبته بالسودان على احسن الفروض 5% وللأسف هذه الفئة لاتعنيها المنصرفات والتكاليف الحياتية الباهظة بالمراسيم والغير ضرورة غير عكس الشوفانية ..
وبالرغم من عدم وجود شباب الجامعات بالمرحلة القبل الزواج مباشرة الا أن مايقوم به المجتمع والاعلام من غسل مخ على لزومية شكل الزواج بالمراسيم الملكية تجعل الاحباط ينفذ الى قلوب الكثيرين منهم ويحاولون اختصار تلك السنون التى تفصل بينهم وبين متطلبات ام العروس التى تبنى كبرى فى نهر عطبرة..
ولكن من تربى على القناعة والتيقن والتوكل على الله ومن كان له أسوة برسول الله عليه افضل الصلاة والتسليم لن تهزه كل المسببات التى تزاحمت من حوليه لسلك دروب الحرام وامتطاء موجات الغرابة وأستسهال الحياة ولو على حساب أعراض الناس..

[hadi salih]

اخوى اشرف والله حقيقى سرد رائع جدا احيك اخى وقلنا نشاركك بى شعار المسلسل ودمت

http://file14.9q9q.net/img/19513436/raksha.jpg (http://file14.9q9q.net/preview/19513436/raksha.jpg.html)

[أشرف صلاح السعيد]

اخوى اشرف والله حقيقى سرد رائع جدا احيك اخى وقلنا نشاركك بى شعار المسلسل ودمت

http://file14.9q9q.net/img/19513436/raksha.jpg (http://file14.9q9q.net/preview/19513436/raksha.jpg.html)

اخى هادى صالح سلامات..
شكرا لمرورك الكريم ولشعارك الجميل المهدى لمسلسل الركشة..
مشاركتك أخذت من الجمال بعداً ومن اللطافة كما فلك التحية..

[أشرف صلاح السعيد]

(الحلقة ..18)

(السمسرة..)

نزلت سارة وفاتن بعدما وصلتا إلى منزل سارة ودفعتا إلى امين الثلاثة جنيهات المستحقة..وانطلقت الركشة من جديدفى طريق العودة باتجاه محطة اول الخط .. امين راض عن دخل ايامه الاخيرة ويبدو أن الله استجاب لدعواته بكل صلواته على أن يوفقه من سداد قسط الركشة وكفاية أهل بيته بما يسد رمقهم..وبينما هو يحمد الله على كرمه إستوقفه صوت رجل أنيق تصحبه سيدة فاقته أناقة ونضارة..


فاصل اعلانى ..

وكالة السمسار للبيع والشراء والاتجار..

نشترى كل ما تبيعون ونبيع كل ما تحتاجون..وبالحالتين متسيكون متسيكون..

السمسار .. نبيع من الطائرة للحمار.. ومن العمارة الى الجالوص دار..

السمسار .. بنولع الاسعار ونجعلها نار وشرار..

السمسار .. امانا ما نلعب بيك لما تحتار..

السمسار .. الشخطة الاولى بالجنيه ومن التانية وطالع بالدولار..
السمسار .. لا نفرق بين المحتاجين و شيوخ البوبار..


الرجل : ركشة..يا ركشة..

امين : اتفضلو..

الرجل : يااخونا ماشين جميزة السماسرة..تودينا بكم..

امين : اركبو وما بنختلف والفيها النصيب بنرضى بيها..

الرجل : يااخوى بالله عليك تافقنا عشان نكون على بينة وربنا مايجيب خلاف بعدين..

امين : سبعة جنيه كويس معاكم..

المرأة : يااخوى ما تودينا بالستة..والله مشاوير السماسرة دى هدتنا هد..

امين : وقت جابت ليها سماسرة اركبو بالستة بوديكم كفاية عليكم السماسرة..

الراجل : والله يا ود العم البلد دى الناس ماعارف حصل ليهم فيها شنو!!..تصدق وتآمن الواحد إجازتو كلها مبارى السماسرة وان شاء الله لو بفايدة..مشاوير ماشى جاى وغير الكلام والحلفان ما شفنا حاجة..

امين : يااخوى شكلك مغترب.. والسماسرة هنا بيستنوكم استنا .. ما هو البشترى الاراضى ياالمغتربين ياالجماعة الطيبين.. مش برضو بتفتشو لأرض؟..

المرأة : حليل الاغتراب والمغتربين..انت يااخونا لسة من زمن الاغتراب؟..هو الاغتراب هسى لو ستر الناس وماحاجم لزول ما بيبقى كتر خيرو..

الرجل : مغتربين شنو يا ود العم..والله احنا لينا عشرين يوم طالعين نازلين نشوف فى الاراضى..البلد كلها بقت حقت الجماعة..يااخى بتصدق ناس خليناهم شفع حايمين وقت ما اغتربنا البقى عندو عمارة والعندو بدل الارض تلاتا غير البيوت..الواحد عشرة سنين شادى فيها الحزام وكل المعاهو مابتجيب ليهو ارض فى مكان على قدر حالو..

امين : والله الاراضى دى احنا ما ناسا لكن البنسمعو عنها ولا فى الاحلام..

المرأة : والله الاحلام عدوها بهناااك.. يااخى فى زول كان بصدق ارض فى الندى يبقى سعرا 300 مليون !! والله قبل ستة سنين كانو بيشحدو ليها الناس شحدا ومافى زول كان عايزا.. هسى يااخوى ما بتعرف ليك مكتب عقار هدى ورضى؟..السماسرة التحت الشجر ديل بيبيعو لينا سمك فى البحر وضيعو لينا ايامنا معاهم بدون فايدة..

الرجل : مكاتب عقار تانى!!.. ما كفاية الشفناهم.. ديل التقول مشاركين صاحب الارض فى ارضو..فى بيعة الارض يشيلو المليونين والتلاتا دا غير ربح التاجر..

امين : التاجر!! تاجر شنو ؟ ..

الرجل : يا زول انت عايش وين؟..التاجر دا زول عندو كاش ..السماسرة بيوروهو زول مزنوق لبيع ارض وبيقوم يشتريها بتراب القروش ويعرض الارض عند مكاتب العقار.. والله انا مرة بالصدفة لقيت ليا زول عايز يبيع ليو ارض والارض عجبتنى واتافقنا على 150 مليون اديهو مية ولما ارجع بعد شهرين ارسل ليو الباقى .. تانى يوم مشيت معاى المحامى عشان نعمل اجراءات البيع والاقى الزول نطا و باعا لتاجر ب 160 مليون..

امين : وهو الزول المابيختشى دا بعد ما ربط كلامو معاك هو القال ليك انو باعا للتاجر؟..

الرجل : ابدا.. قال ليا انو صرف نظر عن البيع والزنقة الجبرتو للبيع اتحلت.. وبعدا بكم يوم مشيت لمكتب عقار والاقى ليك الارض الما بتغبانى معروضة للبيع.. ولما سألتا عن تمنا لقيت طالبين فيها 180 مليون.. ولما قلت ليهم الارض دى اتعرضت ليا ب 150 مليون ضحكوا وقالو ليا وشنو الخلاك ما تشتريها وتدقس؟..احنا الارض دى جابا لينا تاجر وعايز فيها ال 180 مليون وقرش واحد ما بينزلو.. دا طبعا غير حق السعاية.. والسعاية شن هى!!.. يوروك ورقة فيها مخطط اراضى ولو خلاص تعبو جد يركبو معاك ويمشو يوروك ليها.. والمشوار دا زايد شوفتك للورقة أتعابو مليون نص مليونين جنيه!!..وتقول لى إغتراب!!..

امين : يعنى التاجر زاد على السعر الاساسى عشرة مليون.. وتانى زاد عليها عشرين مليون ربح ليو زايد مليون ونص او مليونين حقت المكتب.. يعنى على احسن الفروض اتنين وتلاتين مليون ونص اتزادت على قيمة الارض سااكت!!..والمشكلة كل الزيادة دى بنيت على حرام والعياذ بالله.. البيعة فوق البيعة حرام طالما اتفق البايع والشارى لا يجوز للبايع بيع الحاجة لمشترى تانى وان دفع اكتر.. اعوذ بالله من طمع الناس.. وبعدين المزنوق دا كيف يفك زنقتو بمال فيهو حرمة!!..

المرأة : يااخوى يظهر عليك انتا عايش فى عالم تانى خالص و ماعارف شنو البيحصل حوليك..حرام شنو وحلال شنو البتتكلم عنو فى اليومين ديل !!..

استوقفت هذا الجملة امين كثيرا.. ما خطبه؟.. كل من يركب معه الركشة يلقى بهذه الجملة!!.. أخذ يفكر.. أتراه حقا يعيش على هامش الحياة فلا يعى بما يحصل فى صميمها؟.. أيعقل للقادم من خارج اسوار البلاد بعد عشرة أعوام إغتراب يفطن لما يدور بدهاليز البلد أكثر منه وهو لم يعتب خارج حدودها ولو مرة!!..أيعقل أن يربح شخص عشرين مليون فى أيام قلائل وهو يكدح من صبحه حتى المساء ولشهور وشهور لتسديد ثمانية ملايين فقط!!.. ويقطع شروده صوت المتحدثين إليه..

فاصل اعلانى ..

جمعية أبناء ودمدنى الخيرية ..

للخير ألف باب والجمعية إحدى تلك الأبواب..

لن تقوم الجمعية بما تقوم به الحكومات ولكن يكفى سد حوجة ولو لمحتاج واحد..

الدال على الخير كفاعله .. فلتكن الدعوة لخير مدنى و ناسها الكرام..


الرجل : شنو يااخونا وين سرحتا ؟..

امين : والله خايف أقول ليكم وين سرحتا تضحكو ولا تبكو على حالى .. ما اصلو الضحك والبكا فى البلد دى بقى واحد.. تشوف الواحد تقول عليو بيضحك وبعدا شوية تشوف من عيونو بدل الدموع دم..

المرأة : وهو زاتو فى زمن عشان الناس فيو تضحك ولا تبكى ؟ ..الكل مشغول والكل جارى وجارى لشنو ما بتعرف .. والكل بيشكى و ما بيلقى حتى اليسمع شكوتو ..

الرجل : يااخونا شكلك ولد بلد ولساتك ما غيرتك الاحوال.. يااخى ما بتعرف ليك سمسار كدا ود نااس تودينا عليو ؟ .. والله خلاص زهجنا من الكذب واللف والدوران وشغل التلاتا ورقات .. الزمن بيمشى وكل يوم الواحد بفقد الامل انو فى اجازتو دى يلقى ليهو ارض يشتريها..

امين : والله ما بعرف ليا سمسار .. و يا زول خليها على ربك نصيبك بيصيبك و رزقك ما بيمشى لغيرك .. ارضك قاعدة كان مقسوم ليك ارض ..

الرجل : ونعم بالله بس الناس بقت ما بترحم بعض ويا هو دا حال الانسان مرة يتيقن ومرة يجزع.. والخوف من الرجعة والجية السنة الجايا ونعيد نفس الحكاية ونفس تفاصيل الرواية.. والمشكلة انو الاراضى كل سنة زايدا .. يعنى لو ما اشتريت السنة دى حترجع عشان تلم فرق السعر بين السنة دى والسنة الجاية .. ويمكن كمان ما تتوفق تشترى كمان ..

امين : والله المعادلة بقت صعبة .. بس برضو الواحد ما يقنع من رحمة ربو .. ما قالو الرزق والموت ما بتعرفم متين بيجو ..بس هم بيجو..وكلو حيى بلقى مقسومو ..

الرجل : ونعم بالله .. تعرف أنا جيت من خمسة سنين عشان اشترى ارض وما اشتريت .. واللميتو فى الخمسة سنين الاخيرة ما جاب ليا فرق السعر فى الخمسة سنين دى !! بقت ليا الاراضى زى قصة الحصان الرابطين ليهو الجزرة فى قناية قدامو.. قدر ما الحصان يجرى عشان يصل الجزرة المسافة بينو وبين الجزرة ثابتة ..شايفين الاراضى قدامنا ومهما نجرى ونسعى والاراضى اسعارا بتجرى قدامنا وبنفس السرعة ..

امين : يااخى ما قدر كدا .. خليها على صاحب الرحمة وهو ما بينسى خلقو وعبيدو..

الراجل : يا اخى وقت اننا ارتحنا ليك رايك شنو تكون معانا فى دوامتنا دى لغاية ما ربك يسهلا ونلقى لينا ارض وبنحاسبك بالمشوار.. قلتا شنو ؟..

امين : ما عندك مشكلة اتفقنا ..

يتبع.......

[بدر الدين احمد الطائف]

ودالسعيد الله يجازى محنك
غايتو انت يا كنت سمسار
ولا باريت السمساره
والله الجماعه ديل انا شفته منهم كلامك ده كله
التقول قاصدنى
واصل وربنا يديك العافيه



بس بوصيك كتر من اعلانات الدعوه الى عمل الخير
والله بتلقى وراها فايده عظيمه
وركشتك دى لا بتقطع بنزين ولا بتدور ليها لزه.

[مايسة]

الكاتب المتمكن جدا أشرف

تخيل انا من الصباح بقرأ في الركشة دي ويا دوب خلصتها :)

ونفسي اتقطع صراحة

بجي تاني برواااقة وبعلق

- تناولك للمواضيع ولحياتنا اليومية في السودان - وللظواهر الغريبة التي اصبحت دخيلة علينا - ولحال امين - الشخص المثالي - تجعل الواحد بالجد يستمتع بالقراءة - ويحس وكأن هذا السيناوريو يحدث امام عينيه -

سلمت اخي الكريم

[الملكة اسماء ( ام محمد )]

الحلقة ( 18 )


رغم طولها
استوقفتني فيها عشرات الرسائل
تسجيل حضور
وجاية راجعة لمكتب التحليل
احتراماتي يامُبدع

[أشرف صلاح السعيد]

ودالسعيد الله يجازى محنك
غايتو انت يا كنت سمسار
ولا باريت السمساره
والله الجماعه ديل انا شفته منهم كلامك ده كله
التقول قاصدنى
واصل وربنا يديك العافيه



بس بوصيك كتر من اعلانات الدعوه الى عمل الخير
والله بتلقى وراها فايده عظيمه
وركشتك دى لا بتقطع بنزين ولا بتدور ليها لزه.



حبيبنا ود الطائف عودا حميدا..
اشتقنا ليك فى النضمى..
الله يسامحك يااخى معقول ممكن أكون سمسار!! لغاية انى ابقى سواق ركشة ببلعا وبحيى كل الركاشا..بس سمسار ..ماشى يالحبيب ..
حكايات السماسرة دى تقريبا اى مغترب دخل فليما وهو فيلم زى ما عارفو كريه وقميئ..
جد سعيد جدا لمداخلاتك اللذيذة وكلنا ندعو لعمل الخير وربنا يقدر الجميع على فعله..
كن قريبا فبمثلك تحلوالحياة..

[أشرف صلاح السعيد]

الكاتب المتمكن جدا أشرف

تخيل انا من الصباح بقرأ في الركشة دي ويا دوب خلصتها :)

ونفسي اتقطع صراحة

بجي تاني برواااقة وبعلق

- تناولك للمواضيع ولحياتنا اليومية في السودان - وللظواهر الغريبة التي اصبحت دخيلة علينا - ولحال امين - الشخص المثالي - تجعل الواحد بالجد يستمتع بالقراءة - ويحس وكأن هذا السيناوريو يحدث امام عينيه -

سلمت اخي الكريم


الاخت مايسة سلامات..
شرف لى بحضورك ومتابعاتك كل مشاوير الركشة وسامحينا على اخذ الكثير من جهدك ووقتك..وسلامة نفسك اختى الكريمة..
اتمنى متابعاتك بالقادم والادلاء بأرائك وتحليلاتك فمنكم استقى الافكار وبكم اتشجع بالمواصلة..
الله يديك كل العوافى وممنون لحضورك الكريم..

[أشرف صلاح السعيد]

الحلقة ( 18 )


رغم طولها
استوقفتني فيها عشرات الرسائل
تسجيل حضور
وجاية راجعة لمكتب التحليل
احتراماتي يامُبدع


محللتنا القديرة أسماء تحياتى..
والله هى من حيث طويلة فهى طويلة..لكن تعرفى ما قدرت افرمل لانو السماسرة ديل هردو ليا فى شهر جوزين احذية كاتربلر "زايدا شوية موية"..الناس ديل بس ابدى اتكلم عنهم وتلاقينى ماسورة بالخليج وانفتحت "حليل زمن مواسيرنا الما كانت بتشبه الضفادع وفى رواية القعونجات قا قا قا ولا النايم خخخخ خخخ"..
منتظرين تفلياتك المفيدة والثرة والى لقاء..

[درديري كباشي]

الحمد لله يا اشرف انه امين وافق يباريهم ويقضي معهم المشاوير .. لو رفض كنت نطيت ليك جوة راسك وخنقتو جوة ..
تعرف حكاية الجزرة والحصان دي نحن حاصلة لينا بس نحن كمان مصيبتنا رك غراب في القناية واكل الجزرة وخلانا جارين اوانطة ساي ...
نشوف الجماعة وصلوا لوين قل لامين يقول ليهم جربوا نبته او الصالحة ام مدرمان ..

[أشرف صلاح السعيد]

الحمد لله يا اشرف انه امين وافق يباريهم ويقضي معهم المشاوير .. لو رفض كنت نطيت ليك جوة راسك وخنقتو جوة ..
تعرف حكاية الجزرة والحصان دي نحن حاصلة لينا بس نحن كمان مصيبتنا رك غراب في القناية واكل الجزرة وخلانا جارين اوانطة ساي ...
نشوف الجماعة وصلوا لوين قل لامين يقول ليهم جربوا نبته او الصالحة ام مدرمان ..


حبيبنا ابو الدر تحياتى..
والله خليتنى اضحك لما فترتا..
تعرف كل ماتذكر جملتك "لو رفض كنت نطيت ليك جوة راسك وخنقتو جوة .." وصدقنى وانا هسى بكتب وهى راكة ليا فى راسى بضحك.. جد جملة قلبتا فيها الهوبة قُلُبُت..
اما الغراب الركا بالقناية واكلا دى قصة تانية وصورة اكبر من خيلات البسطاء وحتى العلماء لما فيها من دلالة وأى دلالة "الله المستعان" ..
يااخوى حليلك الصالحة انتا من زمنا الاراضى فيها تخطت ال 50 مليون ويقال جاوزتا بمراحل.. اما نبتة فلا انصح عليها وذلك لوجود محطة الصرف الصحى الواقعة جنوبها وكما تعلم رياحنا جنوبية غربية..يعنى البيسكنا الا يشترى معاها ماسكات "زى الوزعوها ايام حرب الخليج"..واتخيل معاى الاسرة كدا حايمين بماسكاتم وكأنو ساكنين فى القمر الشى رواد فضاء.. وامشى بخيالك العجيب وشوف ممارساتم الحياتية بتكون كيف..
اب الدر لا عدمناك وبالله ماتنط فى راسى لانو فيو زحمة وبخاف عليك تدخل وماتطلع من البلاوى الفيو واحنا محتاجين لابداعاتك خليك برا اسلم كتير رغم الغراب الاكل الجزرا وخلانا جاريين ساكين فى الوهم..

همسة: يكفينى ما قلت بحقى والركشة ..سلمت اياه الرائع ابدا..

[أبو جودي]

هوي يا ناس المنتدى ،،، ما دام الكلام جاب ليه فوز وكده ونجومية ،،، أهه أحسن أفتو ليكم ،،،
أخونا أشرف ده ،،، أنا من زمان خلاص اتفقت معاه ووداني من سمسار لي سمسار لحدي ما زودته ليه ،،، فوق للعشرة ،،، وعمل عقد بيع من الباطن ،،،،، أهه كدي النقوم أشوف الجوايز دي ،،، بعدين ما يتلبط ويقول ما بعت ليه ،،، وشكله كدي بتاع لبط

[أشرف صلاح السعيد]

هوي يا ناس المنتدى ،،، ما دام الكلام جاب ليه فوز وكده ونجومية ،،، أهه أحسن أفتو ليكم ،،،
أخونا أشرف ده ،،، أنا من زمان خلاص اتفقت معاه ووداني من سمسار لي سمسار لحدي ما زودته ليه ،،، فوق للعشرة ،،، وعمل عقد بيع من الباطن ،،،،، أهه كدي النقوم أشوف الجوايز دي ،،، بعدين ما يتلبط ويقول ما بعت ليه ،،، وشكله كدي بتاع لبط

حبيبنا ابو جودى تحياتى..
يازول البيعة ما تمت وما تعمل لينا جوطات ساااكت.. قلنا ليك صلحا وانتا عملت اضان جلد.. ووقتين القصة جابتلها جوائز وترشيحات السعر علا زاد..عشرتك دى ما بتخارج معانا وما فيها لينا عضة سمينة..كدى صلحا وما بنختلف..بالعشرين قلتا شنو؟..عرضو لينا فيها العشرين بس قلنا النشاورك اول انتا ما زول حبيبنا "ما تخلينا نبدا نشخط فى العرض لانو الشخطة بمليون قولك شنو؟"..

[ودتابر]

الأخ الراائع .. اشرف



سرد واقعي .. ومنطق ادبي لا يأتي إلا من شخص متمرس في الكتابة .. في البدء أهنيك على هذا الإبداع في الطرح .. وإلى أن أكمل قراءة النصوص واستفيق من جمالها سيكون لي عودة يا شفيف .. فتقبل مروري إلى أن تحين لحظة الإفاقة الثانية مما أوقعتنا فيه من إندهاش جميل .


لك مني كل التقدير والاحترام .. ووقفة تعظيم سلام لقلمك .

[أشرف صلاح السعيد]

الأخ الراائع .. اشرف



سرد واقعي .. ومنطق ادبي لا يأتي إلا من شخص متمرس في الكتابة .. في البدء أهنيك على هذا الإبداع في الطرح .. وإلى أن أكمل قراءة النصوص واستفيق من جمالها سيكون لي عودة يا شفيف .. فتقبل مروري إلى أن تحين لحظة الإفاقة الثانية مما أوقعتنا فيه من إندهاش جميل .


لك مني كل التقدير والاحترام .. ووقفة تعظيم سلام لقلمك .


اخى ود تابر عوافى..
سرنى امتطائك للركشة والتجوال بين مشاويرها..كما ارضى كل دواخلى إطراءك لى وللقصة وكيف لا وانت صاحب الاتكاءة الثرة..
أحيى تواضعك الكبير وأدبك الجم فحريا لى أن أقف لشخصك النبيل إجلالا وتقديرا لتشجيعك الكبير لشخصى الضعيف..
فى إنتظار عودتك وإلى حينها رافقة السلامة فى حطك وترحالك..

[النويري]

العزيز أشرف تحية طيبة

انا والجميع نتابع ونرتقب وصراحة أنت والأخت أسماء في محاضرات يجب الإستماع إليها بتمعن

مسئول من الخير خروف ود السني ودوهو وين لي أيام وبفتش ليه كان قاعد وش كدا

[أشرف صلاح السعيد]

[quote=النويري;414508]العزيز أشرف تحية طيبة

انا والجميع نتابع ونرتقب وصراحة أنت والأخت أسماء في محاضرات يجب الإستماع إليها بتمعن

مسئول من الخير خروف ود السني ودوهو وين لي أيام وبفتش ليه كان قاعد وش كدا


اخى الحبيب النويرى تحياتى..
والله بيغمرنى الفرح لما الاقى شخابيطى متابعة من قبل من هم مثلك واخوات واخوة كرام .. حاشا ان نعلم من هم بشاكلتك او ندعى الاستاذية على احد ..إنما هى مشاهدات نلقى عليها الاضواء فكثير منا عاشها ولكن وآه من لكن نمر بها دون الشعور فقد شغلتنا عنها أساسيات نقضيها بدوامات الحياة التى عصيت عن كثير منا تسمى القفاف..
والله خروف ود السنى دا شكلو نقتى فيو جابت اجلو "اجلو شنو هو لسه ما انضبح؟"..كنت شايفو معلق ومثبت كدا كم يوم وبعدا ما عارف نزلو ليه..يكون خلصو السلخ؟؟ يااخوى ما يكونو سلخو واكلو كمان ونحن بنفتش فيو..
مرورك دوما يسعدنى استاذنا النويرى..

[أشرف صلاح السعيد]

(الحلقة ..19)

(السمسرة..)

لازال بدر الدين وعفاف بالركشة التى تقصد جميزة السماسرة..ولازال امين يفكر فى سهولة البعض فى الحصول على عشرات الملايين ببضع أيام وبلا مجهود يوازى لهذه الملايين..لقد صدق قول البعض "الملايين بتجيب ملايين" ولكن أليس بنفس هذا المنطق إلزام للجنيه بجلبه لجنيه؟..ويجيب امين على نفسه لا والف لا.. فالملايين كثرثها تغلب شجاعات كل ما دونها والجنيه اليتيم مآله إلى ملجأ النقود الكائن درجا لجزار أو خضرجى أو خباز..


فاصل اعلانى ..

تهنئ أسرة مسلسل الركشة جميع الأعضاء بالعيد السابع لمنتديات ودمدنى..
وتحيى القائمين من إدارة ومشرفين بجهودهم المبذولة لتطوير المنتديات..
كما تهيب بجميع الأعضاء للحوارات البناءة والأطروحات المفيدة والتوحد لخاطر عيون

أحلى ست "ست المدائن"..

كل الأعوام والجميع بخير والمنتدى أكثر تطورا وإنجازا وعطاءً..

(أغنية )..

ياى ياى منتدانا وكلنا إخوان..

مدنى بليدنا ..ياى ياى ..

يلا يااعضاء المنتديات أكتبو أملو بالبوستات..

أبدعو فيدو كملو الواجب وتطورو لاحلى الولايات..



بدر الدين : ما اتعرفنا باسم الكريم..معاك اخوك بدر الدين ودى زوجتى عفاف..

امين : اتشرفنا والله بمعرفتكم .. اخوكم امين عوض..

بدر الدين : انتى يا عفاف نمشى الجميزة ولا نمشى للزول الوصفو لينا اخوك عاطف؟..

عفاف : يااخوى انتا مالك كل مرة براى!!..ما قلتا ما عايز ناس المكاتب العقارية من شوية..

بدر الدين : هو قصة الارض دى خلت فى الواحد عقل ولا راى..

امين : والله يااخوانا السمسار ياهو السمسار .. كان عمل ليو مكتب ولا قعد ليو تحت ضل جميزة..انا فى رأيى الحكاية ما فارقا كتير وزولكم الوصفوه ليكم كان مافيو خير ما كان اتوصف ليكم ولا شنو؟..

بدر الدين : والله كلامك فيو منطق.. لكن بلدنا دى المنطق فيها بقى ما بياكل فيها عيش.. طيب خلونا النمشى على مكتب العقار وأمرنا لله..هو يا أمين قريب من حتتنا دى..شايف الصينية الجاية لف بيها يمين واول شارع سيبو وتانى شارع سيبو ادخل الشارع التالت بعدا شمال المكتب هناك..""يعنى تالت شارع شمال قال لا..السر شنو فى التطويل فى الكلام اول شارع لا وتانى شارع لا ..يااخى معقول!!!!"

عفاف : هو عاطف قال اسم الزول منو؟.."موضوع مصيرى بتقولو عليو وما بتاخدو معلوماتو بدقة!!"..
بدر الدين : أظنو حسام عثمان حسان.. كدى ماتتصلى بعاطف تانى..

عفاف : آيا عثمان اتذكرتو ..ياهو عثمان..

بدر الدين : ياريت لو كلمنا عاطف وجا معانا..

عفاف : هو عاطف فاضى لينا..وكان فاضى لينا مرتو بتخليو يجى معانا ..ماشفتها بس ادانا اسم المكتب قالت ليو شنو؟..

بدر الدين : يااخى هى خايفة انو يطلع الراجل مقلب ونشب لراجلا فى حلقو بعدا..

عفاف : انتا يااخوى خليك فى دروشتك دى..دى اصلو مابتدور ليا الخير..

بدر الدين : انتى الفى راسك ضد المرة دى اصلو ما بنعدل..انسينا منها احنا ما ناقصين ذنوب نتكلم فى الناس الفينا مكفينا..

عفاف : ذنوب شنو؟.. والله انا فى وشها مستعدا اقول ليها الكلام..

امين : يااختنا فيكى الخير.. الغيبة ما هى الكلام فى الناس من وراهم بالشى المافيهم .. الغيبة هو اننا نتكلم فى غياب الناس بما لايحبو ان يسمعو منا حتى وان كان واقع حقيقى..اما كلامنا فى الناس من وراهم بالشى المافيهم بيكون بهتان..والاتنين حرام شرعا نعملم..

بدر الدين : فهمتى الكلام دا؟..يعنى زى ما قلت ليك قبل كدا وانتى مصرة انو دى ما غيبة..اتنين لو قالو ليك اضانك ماف اهبشيها.." والعمل كيف لو الاتنين عميانين؟"..

عفاف : والله انتو ياالرجال بس بتعملو لينا انكم شيوخ سااكت..والغيبة البتقولو فيها دى بقيتو اسيادا..

امين : والله هى الغيبة فى الزمن دا بقت فينا وفيكم كتيرة خلاص بس الله يهدينا ويهديكم..

بدر الدين : والله دى حقيقة..بس كمان الواحد لما ينصحو المفروض يستغفر مش ينكد للتانى بلاويهو..الله يهدينا كلنا ويصلح احوالنا..

امين : يارب..

بدر الدين : بس ياهو دا المكتب ..

تتوقف الركشة أمام مكتب عقار كسيت جدرانه الخارجية بالرخام وعلقت فوق بابه لافتة مضيئة بعرض المكتب من الخارج..أما الباب فكان فخما وبزجاج مظلل بحيث لا ترى من بداخل المكتب..

بدر الدين: والله المكتب دا بيخوف..وشكلو ناسو ضباحيين خلاص.."لماذا نخشى الفخامة عادة؟"..

عفاف : يا راجل هو فى زول بيجبرك على شى؟..خلينا الندخل ونشوف البيحصل شنو..يا عجبنا كلامن ولا طلعنا زى ما دخلنا ..

امين : انا مستنيكم هناك تحت النيمة ديك..

يدخل بدر الدين وعفاف الى المكتب ليصدما بفخامة من الداخل أكبر وأكثر من فخامته الخارجية.. الأرضية غطيت بسراميك جميل أملس ولميع "اسس السلامة سيدا غايب"..بالمكتب مكتبين مستوردين لم يقابلا بدر الدين بمكاتب العقار بخليجه البترولى أولا.. حتى ما وضع على الطاولات من إكسسوارات مكتبية وفاظات أدهش عفاف..بداخل المكتب جلس خلف طاولتيه عثمان وأحمد وهناك أيضا ثلاثة أشخاص قد خالفوا الرجلين باللباس فقد إرتدوا الجلاليب والعمم ..

بدر الدين : السلام عليكم..

عثمان والجميع : وعليكم السلام ورحمة الله..

بدر الدين : "موجه الكلام لعثمان فيبدو هو صاحب المكتب" ..والله يا أخونا بنفتش لينا فى أرض حولينكم هنا أو حتى فى مخطط السحاب..

عثمان : كدى إتفضلوا أول أقعدو وبنوريكم كل العندنا من اراضى .. حولينا هنا عندنا وفى السحاب عندنا.. تشربو شنو ؟.."الدردقة بدت"..

يتبع...

[النويري]

[quoبدر الدين : يااخى هى خايفة انو يطلع الراجل مقلب ونشب لراجلا فى حلقو بعدا..

عفاف : انتا يااخوى خليك فى دروشتك دى..دى اصلو مابدور ليا الخير..

بدر الدين : انتى الفى راسك ضد المرة دى اصلو ما بنعدل..انسينا منها احنا ما ناقصين ذنوب نتكلم فى الناس الفينا مكفينا..

عفاف : ذنوب شنو؟.. والله انا فى وشها مستعدا اقول ليها الكلام..

امين : يااختنا فيكى الخير.. الغيبة ما هى الكلام فى الناس من وراهم بالشى المافيهم .. الغيبة هو اننا نتكلم فى غياب الناس بما لايحبو ان يسمعو منا حتى وان كان واقع حقيقى..اما كلامنا فى الناس من وراهم بالشى المافيهم بيكون بهتان..والاتنين حرام شرعا نعملم..

بدر الدين : فهمتى الكلام دا؟..يعنى زى ما قلت ليك قبل كدا وانتى مصرة انو دى ما غيبة..اتنين لو قالو ليك اضانك ماف اهبشيها.." والعمل كيف لو الاتنين عميانين؟"..

عفاف : والله انتو ياالرجال بس بتعملو لينا انكم شيوخ سااكت..والغيبة البتقولو فيها دى بقيتو اسيادا..

امين : والله هى الغيبة فى الزمن دا بقت فينا وفيكم كتيرة خلاص بس الله يهدينا ويهديكم..

بدر الدين : والله دى حقيقة..بس كمان الواحد لما ينصحو المفروض يستغفر مش ينكد للتانى بلاويهو..الله يهدينا كلنا ويصلح احوالنا..


ما أكثر العبر والدروس المستفادة من هذه الركشة واصل أخونا أشرف ونحن معاك

[الملكة اسماء ( ام محمد )]

محللتنا القديرة أسماء تحياتى..


والله هى من حيث طويلة فهى طويلة..


وبقت اطول
يعني ماممكن تدونا C D الحلقات الجاية عشان نحلل وقت الbreak :p

[أشرف صلاح السعيد]

[quoبدر الدين : يااخى هى خايفة انو يطلع الراجل مقلب ونشب لراجلا فى حلقو بعدا..

عفاف : انتا يااخوى خليك فى دروشتك دى..دى اصلو مابدور ليا الخير..

بدر الدين : انتى الفى راسك ضد المرة دى اصلو ما بنعدل..انسينا منها احنا ما ناقصين ذنوب نتكلم فى الناس الفينا مكفينا..

عفاف : ذنوب شنو؟.. والله انا فى وشها مستعدا اقول ليها الكلام..

امين : يااختنا فيكى الخير.. الغيبة ما هى الكلام فى الناس من وراهم بالشى المافيهم .. الغيبة هو اننا نتكلم فى غياب الناس بما لايحبو ان يسمعو منا حتى وان كان واقع حقيقى..اما كلامنا فى الناس من وراهم بالشى المافيهم بيكون بهتان..والاتنين حرام شرعا نعملم..

بدر الدين : فهمتى الكلام دا؟..يعنى زى ما قلت ليك قبل كدا وانتى مصرة انو دى ما غيبة..اتنين لو قالو ليك اضانك ماف اهبشيها.." والعمل كيف لو الاتنين عميانين؟"..

عفاف : والله انتو ياالرجال بس بتعملو لينا انكم شيوخ سااكت..والغيبة البتقولو فيها دى بقيتو اسيادا..

امين : والله هى الغيبة فى الزمن دا بقت فينا وفيكم كتيرة خلاص بس الله يهدينا ويهديكم..

بدر الدين : والله دى حقيقة..بس كمان الواحد لما ينصحو المفروض يستغفر مش ينكد للتانى بلاويهو..الله يهدينا كلنا ويصلح احوالنا..


ما أكثر العبر والدروس المستفادة من هذه الركشة واصل أخونا أشرف ونحن معاك

حبيبنا النويرى طالما انتم معى وكتب الله لها عمرا فالركشة ماضية بإذنه تعالى..
شكرا لك ايها المشجع والمحفذ للهمم..
لك كل الود والتقدير..

[أشرف صلاح السعيد]

[/right]

وبقت اطول
يعني ماممكن تدونا c d الحلقات الجاية عشان نحلل وقت الbreak :p




يااخى معقول ركشة فى c d !! والله الواحد كان عندو فكرة يعمل قصة ويسميها الهمر بس جد خوفتينى نختها وين ..
الاخت أسماء تقصدى طالت الحلقات أم طالت الحلقة..أكان على الحلقة مقدور وبنكفها..لكن ان كانت الحلقات ف "ترا را تش" صدمتينى..
لك التحية والشغل شكلو شادى الله يعينك..

[درديري كباشي]

ابو الشوش

وبمناسبة المنطق اهدي لركاب وزوار الركشة هذه النكته المصرية التي اهديت الي بالايميل .

راتب الموظف المصرى
في جلسة ودية بين الرئيس المصري حسني مبارك والرئيس الأمريكى باراك
> أوباما، دار الحوار ا لتالى:
> مبارك: فخامة الرئيس ... كم متوسط راتب الموظف الأمريكى في الشهر؟
> أوباما: حوالى 5.000 دولار.
> مبارك: وكم يصرف شهريا؟
> أوباما: حوالى 2.800 دولار..
> مبارك: يعنى يبقى معاه 2.200 دولار، ويا ترى بيعمل بالمبلغ الباقي ده ايه؟
> أوباما: فى الحقيقة لأننا دولة ديمقراطية، احنا ما بنسألوش.
> أوباما: وانتم يا فخامة الرئيس... كام متوسط راتب الموظف عندكم؟
> مبارك: حوالى 200 دولار.
> أوباما: أووو!!! ... وبيصرف كام؟
> مبارك: حوالى 1.000 دولار.
> أوباما: ومنين بيجيب الفرق الكبير ده؟؟؟!!!!
> مبارك: فى الحقيقة لأننا دولة ديمقراطية زيكم بالضبط، احنا كمان ما بنسألوش

[أشرف صلاح السعيد]

ابو الشوش

وبمناسبة المنطق اهدي لركاب وزوار الركشة هذه النكته المصرية التي اهديت الي بالايميل .

راتب الموظف المصرى
في جلسة ودية بين الرئيس المصري حسني مبارك والرئيس الأمريكى باراك
> أوباما، دار الحوار ا لتالى:
> مبارك: فخامة الرئيس ... كم متوسط راتب الموظف الأمريكى في الشهر؟
> أوباما: حوالى 5.000 دولار.
> مبارك: وكم يصرف شهريا؟
> أوباما: حوالى 2.800 دولار..
> مبارك: يعنى يبقى معاه 2.200 دولار، ويا ترى بيعمل بالمبلغ الباقي ده ايه؟
> أوباما: فى الحقيقة لأننا دولة ديمقراطية، احنا ما بنسألوش.
> أوباما: وانتم يا فخامة الرئيس... كام متوسط راتب الموظف عندكم؟
> مبارك: حوالى 200 دولار.
> أوباما: أووو!!! ... وبيصرف كام؟
> مبارك: حوالى 1.000 دولار.
> أوباما: ومنين بيجيب الفرق الكبير ده؟؟؟!!!!
> مبارك: فى الحقيقة لأننا دولة ديمقراطية زيكم بالضبط، احنا كمان ما بنسألوش


سلام ابو الدر..
منطق لكن..والنكتة ملعوبة بحرفنا..
أيام الجامعة عملت بحث عن السودان واستعنت بكتاب "sudan today" كاتبو كاتب بريطانى سنة 1967 ما مستحضر اسمو.. المهم فى المقدمة الخواجة أشار إلى تدنى متوسط الدخل وكبر حجم الاسرة بالسودان وذكر إنو لما يسأل الناس كيف بيعيشو كانو بيردو بيقولو ليو "الله كريم" الكلام دا سنة 67 ..تعرف اهلنا لخبطو ليك منطق الخواجة لخبطة شديدة.. واتخيل الخواجة دا تانى جا السودان حالو حيكون كيف؟؟.. عليك أمان الله يحتار لمن يكمل الفهم وفهم قبايل خواجات معاو " هو الخواجات اولاد قبايل؟"..

[درديري كباشي]

سلام ابو الدر..
منطق لكن..والنكتة ملعوبة بحرفنا..
أيام الجامعة عملت بحث عن السودان واستعنت بكتاب "sudan today" كاتبو كاتب بريطانى سنة 1967 ما مستحضر اسمو.. المهم فى المقدمة الخواجة أشار إلى تدنى متوسط الدخل وكبر حجم الاسرة بالسودان وذكر إنو لما يسأل الناس كيف بيعيشو كانو بيردو بيقولو ليو "الله كريم" الكلام دا سنة 67 ..تعرف اهلنا لخبطو ليك منطق الخواجة لخبطة شديدة.. واتخيل الخواجة دا تانى جا السودان حالو حيكون كيف؟؟.. عليك أمان الله يحتار لمن يكمل الفهم وفهم قبايل خواجات معاو " هو الخواجات اولاد قبايل؟"..



نحن حياتنا فقدت المنطق واصبحت تدور في فلك الحيرة

يعني كيف يعيش انسان وراتبه الشهري لا يغطي ربع منصرفاته الشهرية ؟؟

وسبب ارتفاع اسعار الاراضي في السودان هي نظرية اقتصادية معروفة

انه عندا يحدث عدم استقرار في الاقتصاد insatbility واضطراب في سعر العملة المحلية Devaluation of curency يلجا الناس للعقارات حتى يحفظوا مدخراتهم ظنا منهم انها هي الوسيلة الوحيدة لحفظها مما ترفع الطلب وبالتالي اسعار هذه العقارات
لكن هو ارتفاع وهمي لانه مرتبط بانخفاض في سعر الصرف للعملة ... يعني مثلا شخص اشتري قطعة ارض في كافوري في الثمانينات بخمسين الف جنية وباعها حاليا بثلاثمائة مليون .. الناس سينظرون له باندهاش ياعتبار انه حقق مكسب خرافي خلال اكثر من عشرين عاما .. لكن لوقستها ستجد انه الخمسين الف في الثمانينان كانت تعادل مائة وخمسون الف دولارا .. والمائة وخمسون الف دولار حاليا سعرها اعلى من الثلاثمائة مليون الحالية بمعنى انه صاحبنا باع بخسارة كبيرة هو لا يعرفها ولا يعرفها السماسرة ..

واضيف شئ جديد حركة البيع والشراء في الاراضي والعقار لا تضاف الى الناتج القومي للدولة فهي اصول ثابته تنتقل من يد الى اخرى دون ان تضاف عليها اي اشياء جديدة . والارض اصلا موجودة منذ الازل .

[أشرف صلاح السعيد]

سلام ابو الدر..
تعرف كلامك حقيقى وحقيقى جدا.. بالاقتصاد فى معادلات لتحويل القيمة الحالية لقيمة مستقبلية والعكس صحيح "future value & past value" ..والمعادلات دى بتراعى عوامل من اهمها معدل التطخم بالبلد و معدل الفائدة بالبنوك "inflation rate & interest rate"..بيستعملوها فى دراسات الجدوى عشان يعرفوا هلى الاستثمار الحالى بيحقق ربحية متوقعة ولا لا.. وبالطبع بيراعوا مسألة القوة الشرائية للعملة المستخدمة.. يعنى زى ما قلت 50000 جنيه زمان كانت بتجيب ارض وهى نفس الارض البتتباع هسى 300000000 جنيه فالقيمة الشرائية واحدة للرقمين ..
فعلا بالسودان قد يخسر الانسان وهو معتبر نفسه كاسب فعادة ما يبيع به لا يتحصل بقيمته لنفس السلعة ودى قصة تانية..
يااخوى لكن جنس تواضع هو ..تنكليزى ساااكت يالجنا "ابو الضرب زاتو"..

[أشرف صلاح السعيد]

فاصل اعلانى..

ستونة : الليل ليل الركشة بتكشف فى الشين بالحيل ..الليل ليل فى أمان الله..
الطقطاقة : فى شارع جبرونا حلاتا الركشة.. والحافلة بت ابوها حلاتا الركشة..

ستونة : دردقا لحد الجبل ياسايقة الركشة.. وصل بيها كل الاهل ياسايق الركشة..

الطقطاقة : ركشتك ام لونين بتضوى ظلام الليل ..بتضوى ظلام الليل ويمكن نشد بيها الحيل ياسايق الركشاوية....

[أشرف صلاح السعيد]

(الحلقة ..20)


(السمسرة)

فاصل اعلانى..

سبعة سنين عاشهم الحب والإبداع ومهرجانات العشق فى ست المدائن وكل البقاع التى حضنت أبنائها ومنتداهم ولست المدائن..

منتديات ودمدنى العملاقة بمشاركات ساكنيها ومجهودات صانيعيها مواطن فرح وأمانى ودعوات لتغيّير القبح من ملمح المدينة الأبية بفعل فاعل لا تغيّر الأزمنة..

مزيدا من سنوات مديدة لمنتديات ودمدنى قوية متماسكة بتماسك أبنائها وتراصهم كالبنيان وسعيهم الدؤوب لرقى معشوقتهم مدنى الجميلة ..

كل الأعوام ومدنى الحب والخير والجمال..


جلس بدر الدين وعفاف متجاورين بعد أن انتقل احد المتواجدين الثلاثة الى الجانب الآخر من المحل لإفساح المكان لهما..

عثمان : أها يااخوانا ما قلتو ليا تشربو شنو ؟..

بدر الدين : الشراب ملحوق يا اخونا.. بس منو فيكم عثمان ؟ لأنو انا جايى ليو وصايا من اخونا عاطف السر..

عثمان : وصلتو تب.. انا عثمان.. يا سلام عاطف السر.. وين حيّو الزول دا ؟.. ليهو شهور قاطع عننا..والاخوان بيقربو ليهو شنو ؟..

عفاف : عاطف دا اخوى شقيقى " ما الموضوع بقى فيو معرفة قدر دا كلو"..وهو زاتو والله مدحك وشكرك لينا شكر شديد خلاص "جنس كضب هو"..

عثمان : وقت انكم من طرف عاطف ومن دمو والله لازم تشربو شى ..اها تشربو شنو ؟..

بدر الدين : والله مسألة الشراب دى وقت مصر عليها بنشرب شاى.."هيى ما تسأل الولية"..

عثمان : بالله يا احمد امشى لحنان وجيب لينا كلنا شاى موصى "شعب لو اتجرح ينزل شاى وقهوة بدل الدم"..

بدر الدين : أها شنو المتاح عندك قريب منكم هنا؟..

عثمان : انتا كدى ورينا حدودك كم ؟ والاراضى راااقدا " ما بترقد مالا مفروض ترقد وخالفا رجلا كمان هى منو القدرا"..

بدر الدين : والله حدودنا لغاية مية ألف "من الجديد" ..

عثمان : والله بالمية دى المسألة بتبقى صعبة وخصوصا قريب مننا.. اقل ارض معروضة هنا فى حدود 350 الف.. ولا ما كدا ياالتوم؟..

التوم : حليلك يا زول الارض ام 350 الف الوحيدة الكانت فى ما اتباعت.. هسى اقلا من 400 الف ولا تفكر تلاقيلك ارض..

عفاف : 400 الف !!!!!!! خلاص سيبونا من الاراضى القريبة من هنا.. شوف لينا فى مخطط السحاب حاجة معقولا..

عثمان : بس تعرفى يااخت السحاب زاتا ما هينة والمية دى الا تصلحوها شوية.. فى السحاب هسى عندى تلاتا قطع اقلاهم صاحبا عايز 150..لكن فى ارض بتاعت زول مزنوق شوية ممكن تجينا الليلة وممكن نخارجا ليكم بالمية وتلاتين.. انتا يالماحى ارض جنابو أخبارا شنو؟..

الماحى : جنابو اليومين ديل فى مأمورية وبيجى بعد اسبوع الا هو تب بايع..

عثمان : بس يااخى المبلغ الطالبو ما كتير شوية..

بدر الدين : طالب كم؟..

الماحى : والله احنا حاولنا معاهو الاسبوع الفات يبيع لواحد قريبنا ووصلناهو لغاية مية وعشرين والزول قال بيفكر.. بس جاتو السفرة دى..

عفاف : وحتى لو وافق بالمية وعشرين ما انتا قلتا عايز الارض لزول قريبك..يعنى ما عندنا فيها طريقة..

عثمان : انتى ياالماحى قريبك دا ما نعرض ليو ام مية وتلاتين وهى زاتا قريبة من ارضك وتبقو اولاد اهل وجيران..

الماحى : والله يااخوى عثمان قريبى دا الارض عجبتو بالحيل وما ظنيت ام مية وتلاتين بتناسبو ..لكن يا زول بنحاول معاهو "جنس افلما هى"..

بدر الدين : وغير اراضيكم ام ميات وشوية دى ما عندكم حاجة اقل منهم ؟..

عثمان : والله ممكن يتلقو بس عايزة صبر شوية.. الاراضى دى ما عندها قوانين يمكن هسى دى فى قعدتنا تجينا ارض وتتناسب مع امكانياتكم "حليل زمن المية وهيبتا"..

عفاف : بس نحنا زمن ما عندنا.. باقى لينا عشرة ايام وراجعين السعودية..

عثمان : والله انتو يا المغتربين دايمن زانقين نفسكم وزانقننا معاكم .. وزمنكم الفات دا كنتوا وين ؟ .. والله الاسبوع الفات بايع ليا قطعتين واحدة بتمانين والتانية بخمسة وسبعين وفى السحاب كمان..

بدر الدين : وفى اسبوع واحد الاراضى تفوت اسعارا الضعف؟؟!!..

عثمان : ما قلنا ليكم الاراضى ما عندها قوانين.. وبعدين انتا مستهون باسبوع؟.. على الحرام فى شهر حداشر الفات يعنى قبل تمانية شهور الاراضى بتاعت السحاب دى كانت اسمحا ما بتفوت العشرين الف.. شوف هسى وصلت كم .. الارض المميزة الفيها هسى اربعمية الف ما بيرضو يبيعوها..ما انتو المغتربين ديل البتغلو الاراضى..بس تجو والاراضى تطير السما..

بدر الدين : المغتربين !! يااخى هم زاتم مغتربين الزمن دا عندهم قروش عشان يغلو الاسعار؟..ما علينا هسى الراى شنو؟..

عفاف : هسى يا اخونا الارض ام مية وتلاتين دى ما تشوف لينا سيدا لو بيوافق نديهو المية وبعد كم شهر كدا نرسل ليهو الباقى..

عثمان : هو سيدا زى ما قلت ليكم الليلة بيعدى عليا وبعرض عليو الموضوع .. بس حكاية التقسيط دى الناس بقت بتخاف منها لانو كتيرين باعو بالتقسيط وحصلت مشاكل وتأخيرات فى التسديد..لكن بقابلو ليكم الليلة وبكرا عدو عليا الساعة عشرة "يصحى بدرى ليه ما مدير كبير الملايين بتجيهو لحدت عندو" وربكم كريم ونقدر نقنعو..

بدر الدين : طيب ما نشوف الارض اولا ولا ما كدا؟.. وبعدين هى مساحتا كم ؟..

عثمان : اهدى ليها فى المخطط رقما 211 ومساحتا اربعمية..تالت قطعة من الناصية..

بدر الدين : والله فى المخطط ما كعبة لكن خلينا النشوفا أول على الطبيعة..

عثمان : جدا .. ياالماحى امشى مع الجماعة وريها ليهم.. اها عندكم عربية؟..

بدر الدين : والله متفقين لينا مع بتاع ركشة "بتاع دى شنو؟؟؟" وهو منتظرنا برة..

عثمان : هيى ياالمغتربين بقيتو انتو كمان مدورين بالركشات ها ها ها ..خلاص امشى معاهم ياالماحى وامرك على الله ركشة ركشة ما كلوا بيصل ها ها ها..

ضحكات عثمان إستفذت بدر الدين جدا ولولا الحوجة إليه لسأله عن معنى تلك الضحكة البلهاء..أو إلزام على المغترب أن تكون معه مركبة فارهة يقودها؟..وهل الركشة وسيلة مضحكة للتنقل؟..وسبب لضحك الناس على من يركبها؟..وقاطع استرسال أسئلته الماحى بنهوضه تأهبا للخروج..

الماحى : مشينا يااخوانا عشان نكسب الزمن ورانا اشغال كتيرة.. "قااعد من الصباح هسى بقيت مشغول؟"..

عثمان : طيب اشربو الشاى وامشو..

بدر الدين : لما نرجع بنشربو خلينا ما نأخر أخونا الماحى من مشغولياتو..

ويتجه ثلاثتهم الى الركشة لرؤية الارض على الواقع..


يتبع... لمتين يتبع دى ما عارفين "جنس قد هو لكن"..

[النويري]

(الحلقة ..20)


(السمسرة)

فاصل اعلانى..

سبعة سنين عاشهم الحب والإبداع ومهرجانات العشق فى ست المدائن وكل البقاع التى حضنت أبنائها ومنتداهم ولست المدائن..

منتديات ودمدنى العملاقة بمشاركات ساكنيها ومجهودات صانيعيها مواطن فرح وأمانى ودعوات لتغيّير القبح من ملمح المدينة الأبية بفعل فاعل لا تغيّر الأزمنة..

مزيدا من سنوات مديدة لمنتديات ودمدنى قوية متماسكة بتماسك أبنائها وتراصهم كالبنيان وسعيهم الدؤوب لرقى معشوقتهم مدنى الجميلة ..

كل الأعوام ومدنى الحب والخير والجمال..


جلس بدر الدين وعفاف متجاورين بعد أن انتقل احد المتواجدين الثلاثة الى الجانب الآخر من المحل لإفساح المكان لهما..

عثمان : أها يااخوانا ما قلتو ليا تشربو شنو ؟..

بدر الدين : الشراب ملحوق يا اخونا.. بس منو فيكم عثمان ؟ لأنو انا جايى ليو وصايا من اخونا عاطف السر..

عثمان : وصلتو تب.. انا عثمان.. يا سلام عاطف السر.. وين حيّو الزول دا ؟.. ليهو شهور قاطع عننا..والاخوان بيقربو ليهو شنو ؟..

عفاف : عاطف دا اخوى شقيقى " ما الموضوع بقى فيو معرفة قدر دا كلو"..وهو زاتو والله مدحك وشكرك لينا شكر شديد خلاص "جنس كضب هو"..

عثمان : وقت انكم من طرف عاطف ومن دمو والله لازم تشربو شى ..اها تشربو شنو ؟..

بدر الدين : والله مسألة الشراب دى وقت مصر عليها بنشرب شاى.."هيى ما تسأل الولية"..

عثمان : بالله يا احمد امشى لحنان وجيب لينا كلنا شاى موصى "شعب لو اتجرح ينزل شاى وقهوة بدل الدم"..

بدر الدين : أها شنو المتاح عندك قريب منكم هنا؟..

عثمان : انتا كدى ورينا حدودك كم ؟ والاراضى راااقدا " ما بترقد مالا مفروض ترقد وخالفا رجلا كمان هى منو القدرا"..

بدر الدين : والله حدودنا لغاية مية ألف "من الجديد" ..

عثمان : والله بالمية دى المسألة بتبقى صعبة وخصوصا قريب مننا.. اقل ارض معروضة هنا فى حدود 350 الف.. ولا ما كدا ياالتوم؟..

التوم : حليلك يا زول الارض ام 350 الف الوحيدة الكانت فى ما اتباعت.. هسى اقلا من 400 الف ولا تفكر تلاقيلك ارض..

عفاف : 400 الف !!!!!!! خلاص سيبونا من الاراضى القريبة من هنا.. شوف لينا فى مخطط السحاب حاجة معقولا..

عثمان : بس تعرفى يااخت السحاب زاتا ما هينة والمية دى الا تصلحوها شوية.. فى السحاب هسى عندى تلاتا قطع اقلاهم صاحبا عايز 150..لكن فى ارض بتاعت زول مزنوق شوية ممكن تجينا الليلة وممكن نخارجا ليكم بالمية وتلاتين.. انتا يالماحى ارض جنابو أخبارا شنو؟..

الماحى : جنابو اليومين ديل فى مأمورية وبيجى بعد اسبوع الا هو تب بايع..

عثمان : بس يااخى المبلغ الطالبو ما كتير شوية..

بدر الدين : طالب كم؟..

الماحى : والله احنا حاولنا معاهو الاسبوع الفات يبيع لواحد قريبنا ووصلناهو لغاية مية وعشرين والزول قال بيفكر.. بس جاتو السفرة دى..

عفاف : وحتى لو وافق بالمية وعشرين ما انتا قلتا عايز الارض لزول قريبك..يعنى ما عندنا فيها طريقة..

عثمان : انتى ياالماحى قريبك دا ما نعرض ليو ام مية وتلاتين وهى زاتا قريبة من ارضك وتبقو اولاد اهل وجيران..

الماحى : والله يااخوى عثمان قريبى دا الارض عجبتو بالحيل وما ظنيت ام مية وتلاتين بتناسبو ..لكن يا زول بنحاول معاهو "جنس افلما هى"..

بدر الدين : وغير اراضيكم ام ميات وشوية دى ما عندكم حاجة اقل منهم ؟..

عثمان : والله ممكن يتلقو بس عايزة صبر شوية.. الاراضى دى ما عندها قوانين يمكن هسى دى فى قعدتنا تجينا ارض وتتناسب مع امكانياتكم "حليل زمن المية وهيبتا"..

عفاف : بس نحنا زمن ما عندنا.. باقى لينا عشرة ايام وراجعين السعودية..

عثمان : والله انتو يا المغتربين دايمن زانقين نفسكم وزانقننا معاكم .. وزمنكم الفات دا كنتوا وين ؟ .. والله الاسبوع الفات بايع ليا قطعتين واحدة بتمانين والتانية بخمسة وسبعين وفى السحاب كمان..

بدر الدين : وفى اسبوع واحد الاراضى تفوت اسعارا الضعف؟؟!!..

عثمان : ما قلنا ليكم الاراضى ما عندها قوانين.. وبعدين انتا مستهون باسبوع؟.. على الحرام فى شهر حداشر الفات يعنى قبل تمانية شهور الاراضى بتاعت السحاب دى كانت اسمحا ما بتفوت العشرين الف.. شوف هسى وصلت كم .. الارض المميزة الفيها هسى اربعمية الف ما بيرضو يبيعوها..ما انتو المغتربين ديل البتغلو الاراضى..بس تجو والاراضى تطير السما..

بدر الدين : المغتربين !! يااخى هم زاتم مغتربين الزمن دا عندهم قروش عشان يغلو الاسعار؟..ما علينا هسى الراى شنو؟..

عفاف : هسى يا اخونا الارض ام مية وتلاتين دى ما تشوف لينا سيدا لو بيوافق نديهو المية وبعد كم شهر كدا نرسل ليهو الباقى..

عثمان : هو سيدا زى ما قلت ليكم الليلة بيعدى عليا وبعرض عليو الموضوع .. بس حكاية التقسيط دى الناس بقت بتخاف منها لانو كتيرين باعو بالتقسيط وحصلت مشاكل وتأخيرات فى التسديد..لكن بقابلو ليكم الليلة وبكرا عدو عليا الساعة عشرة "يصحى بدرى ليه ما مدير كبير الملايين بتجيهو لحدت عندو" وربكم كريم ونقدر نقنعو..

بدر الدين : طيب ما نشوف الارض اولا ولا ما كدا؟.. وبعدين هى مساحتا كم ؟..

عثمان : اهدى ليها فى المخطط رقما 211 ومساحتا اربعمية..تالت قطعة من الناصية..

بدر الدين : والله فى المخطط ما كعبة لكن خلينا النشوفا أول على الطبيعة..

عثمان : جدا .. ياالماحى امشى مع الجماعة وريها ليهم.. اها عندكم عربية؟..

بدر الدين : والله متفقين لينا مع بتاع ركشة "بتاع دى شنو؟؟؟" وهو منتظرنا برة..

عثمان : هيى ياالمغتربين بقيتو انتو كمان مدورين بالركشات ها ها ها ..خلاص امشى معاهم ياالماحى وامرك على الله ركشة ركشة ما كلوا بيصل ها ها ها..

ضحكات عثمان إستفذت بدر الدين جدا ولولا الحوجة إليه لسأله عن معنى تلك الضحكة البلهاء..أو إلزام على المغترب أن تكون معه مركبة فارهة يقودها؟..وهل الركشة وسيلة مضحكة للتنقل؟..وسبب لضحك الناس على من يركبها؟..وقاطع استرسال أسئلته الماحى بنهوضه تأهبا للخروج..

الماحى : مشينا يااخوانا عشان نكسب الزمن ورانا اشغال كتيرة.. "قااعد من الصباح هسى بقيت مشغول؟"..

عثمان : طيب اشربو الشاى وامشو..

بدر الدين : لما نرجع بنشربو خلينا ما نأخر أخونا الماحى من مشغولياتو..

ويتجه ثلاثتهم الى الركشة لرؤية الارض على الواقع..


يتبع... لمتين يتبع دى ما عارفين "جنس قد هو لكن"..

شفت يا أشرف اخوي النسوان بورطن كيف يعني جايبا فزعة بقت ليه وجعه

في لحظات بيكون الإندفاع سلبي ولذلك علينا التروي وما نكون دلاديل

عندي قصة في شكل (نكته) القصة أو النكتة حدثت في مدنى بالتحديد مع أحد الجبابرة أقصد السماسرة وانا كنت متابع الأحداث

الراجل لمو فيه شفوت من الخرطوم ودردقوه لي عمارة في الطائف بقيمة 2 مليار وأنو صاحبها ظروفه سيئة ومستعجل يعني( زي لمن تكون جاتك فيزا وماشي السعودية )
مشوا للخرطوم وعاين العمارة مع بعض الأخوان والأوراق سليمة وكل شيء وصاحبنا دفع الفلوس وما شي يستلم العمارة إلا أنه لقى نفسة إشترى قطعة الأرض بجوار العمارة محل النزاع قيمتها250 مليون ههههههههههههه بالله رايك شنو في سماسرت الخرطوم شغل ولا ماشغل

ونواصل مشوارنا مع الرقشة

[أشرف صلاح السعيد]

شفت يا أشرف اخوي النسوان بورطن كيف يعني جايبا فزعة بقت ليه وجعه

في لحظات بيكون الإندفاع سلبي ولذلك علينا التروي وما نكون دلاديل

عندي قصة في شكل (نكته) القصة أو النكتة حدثت في مدنى بالتحديد مع أحد الجبابرة أقصد السماسرة وانا كنت متابع الأحداث

الراجل لمو فيه شفوت من الخرطوم ودردقوه لي عمارة في الطائف بقيمة 2 مليار وأنو صاحبها ظروفه سيئة ومستعجل يعني( زي لمن تكون جاتك فيزا وماشي السعودية )
مشوا للخرطوم وعاين العمارة مع بعض الأخوان والأوراق سليمة وكل شيء وصاحبنا دفع الفلوس وما شي يستلم العمارة إلا أنه لقى نفسة إشترى قطعة الأرض بجوار العمارة محل النزاع قيمتها250 مليون ههههههههههههه بالله رايك شنو في سماسرت الخرطوم شغل ولا ماشغل

ونواصل مشوارنا مع الرقشة

تحياتى حبيبنا النويرى..
اتخيل سماسرة عملو فى سمسار كدا.. يعنى الزينا ديل ممكن يبيعو لينا الفراغ الفوق العمارة .. والله السماسرة ديل مفروض يسموهم السحاحرة " مفردها ساحر بس ابو حمزة ما يجينى"..تمشى ليهم وعارفم بيمكنو وبيأفلمو المواضيع عشان العمولة حقتم تزيد وتلاقينا زى المنومين متابعنهم وما قادرين نفتك منهم وما قادرين ما نضيع زمنا معاهم..
سماسرة الخرطوم اسألنى منهم انا سمح..سنة 2008 كنت بدور على ارض وقعدتا 45 يوم فى السودان وعينك ما تشوف الا النور لغاية مالقيت ليا مكتب سيدو اهلو من مدنى فى كافورى اسمو عصام والله اول مرة الاقى ليا سمسار زيو والحمدلله اتوفقت واشتريت الارض لكن بعد ما بكونى السماسرة بدل الدموع دم..
يديك كل العوافى..وكنت ترسل ليا القصة بالخاص كنتا دخلتها فى الركشة كعمل مشترك..لكن الجايات اكتر من الرايحات..
كن بخير ..

[بنت الرفاعي]

يتبع... لمتين يتبع دى ما عارفين "جنس قد هو لكن"..


:p:p:p:p:p:p:p:p
ياخ وإنت مالك عاجبنا وعاجبنا وعاجبنا:confused::rolleyes::p , صحي يتبع بتغيظ , لكن بتديك أمل إنو لسة الجاي أجمل وأكثر إدهاشاً :rolleyes:;)

[أشرف صلاح السعيد]

:p:p:p:p:p:p:p:p
ياخ وإنت مالك عاجبنا وعاجبنا وعاجبنا:confused::rolleyes::p , صحي يتبع بتغيظ , لكن بتديك أمل إنو لسة الجاي أجمل وأكثر إدهاشاً :rolleyes:;)


سلام اختى مرام..

الله يطمنك على الاقل لقيتك لسة صابرة ومحتسبة ومتحملة البرى الشديد دا..
وقت عاجبك وبالتلاتا اها شيلى شيلتك تانى الركشة عدلنا ليها مكنتا وبتدور بقت بالموية يعنى وقوف مافى تانى ههههه
الله يديك كل العوافى فكلماتك تكفى للاستمرار..
كونى بخير..

[ام قبس]

والله ياباشمهندس ركشتك عينه
وتماشيا مع الذارني بذورة جيتك
ولقيت شيء مابقدر اقول فيه غير
مافي زول بيستاهل نجوميه الشهر غيرك
ومن دربي دا اخليهم يبقوا 17 صوت
ولو لي الحق اضيف ليك سبعتي
واصل يامبدع

[الملكة اسماء ( ام محمد )]

الاخت أسماء تقصدى طالت الحلقات أم طالت الحلقة..


بقصد اتراكم علي الشغل في مكتب التحليل

أكان على الحلقة مقدور وبنكفها..لكن ان كانت الحلقات ف "ترا را تش" صدمتينى..

على فكرة , هل تعلم اني بقيت اجي مخصوص عشان اقراء الحلقات الجديدة
فماتستغرب لو طالبناك بعدد لايقل عن 200 حلقة من مسلسل الركشة


لك التحية والشغل شكلو شادى الله يعينك..




الله يعين الجميع
يعلم الله مدروشة درش القمح
عزائي اني بلاقي وقت على الاقل اقراء الجديد

[الملكة اسماء ( ام محمد )]

المرأة : يااخوى يظهر عليك انتا عايش فى عالم تانى خالص و ماعارف شنو البيحصل حوليك..حرام شنو وحلال شنو البتتكلم عنو فى اليومين ديل !!..


استوقفت هذا الجملة امين كثيرا.. ما خطبه؟.. كل من يركب معه الركشة يلقى بهذه الجملة!!..
يتبع.......


استوقفت امين جملة تكررت على مسامعه من اكثر من شخص, واستوقفتني انا جملة اظنها ..اصابت كبد الحقيقة , وللاسف هذا واقع الحياة اليوم .. فالحلال والحرام اصبحا كلمات على خط من نار , مفاهيم ملغية وكلمات تطلق في غير حينها , وفي حينها ..تتوارى الحقائق خلف ستائر الممكن والمعقول








يعنى تالت شارع شمال قال لا..السر شنو فى التطويل فى الكلام اول شارع لا وتانى شارع لا ..يااخى معقول!!!!"


.."موضوع مصيرى بتقولو عليو وما بتاخدو معلوماتو بدقة!!"..


والعمل كيف لو الاتنين عميانين؟"..






.."لماذا نخشى الفخامة عادة؟"..


"اسس السلامة سيدا غايب"..
.."الدردقة بدت"..

عودة لحلقة سابقة
المؤلف لون بعض العبارات بلون احمر جذاب ..
تلميح
ذكي
ولازال مابين السطور يحكي المزيد



يتبع...







يتبع... لمتين يتبع دى ما عارفين "جنس قد هو لكن"..



غايتو انت لو زهجت فدي مشكلتك .. تاخد راحة تاخد اجازة .. تتصرف المهم .. تواااااااصل لاننا متابعين
سلمت يداك استاذي

[مبارك عمر عباس]

حضور ومتابعة لروائع ابوعبد الرحمن .
وباسم اعمال البركة الهندسية فقد قررنا الاتي:
1/عمل صيانة دورية مجانية للركشة(تشمل الصيانة وقطع الغيار)
2/صرف ركشة جديدة فترة الصيانة حتي نستمتع بالركشة دون توقف .
تحياتي واحترامي اخي اشرف صلاح.

[أشرف صلاح السعيد]

والله ياباشمهندس ركشتك عينه
وتماشيا مع الذارني بذورة جيتك
ولقيت شيء مابقدر اقول فيه غير
مافي زول بيستاهل نجوميه الشهر غيرك
ومن دربي دا اخليهم يبقوا 17 صوت
ولو لي الحق اضيف ليك سبعتي
واصل يامبدع


سلام اختى أم قبس..
والله يا أم قبس لقيتك ما تمشى لي ناس ما بجونا وكدا..
الله يرفع معنوياتك ويعلى مراتبك ويديكى لما يغنيكى وتتعلى وما تتدلى " ود حبوبات" يكفى كلامك الطيب ايتها الطيبة فنحن هنا جميعا لإيصال فكرة علها تكون بذرة نسقيها جميعا بالمحبة والخير فتنمو زهرة الكل يتنسم ريحها الطيب..
كلماتك الطيبات تعدل كل الترشيحات والألقاب فالجميع هنا رائعون ومنهم من تعدى حدود الروعة وانت منهم أسعدك الله وأسرتك الكريمة..
لك كل التحايا والركشة بعد كلامك دا ان شاء الله دفرة ما بتقيف..

[أشرف صلاح السعيد]

سلام اختى أسماء..
كالعادة إضافاتك تثرى وتزيد..
كان الله فى عونك لزحمة الشغل ولك خالص الشكر رغم انشغالك الا نجد مرورك الكريم ووجودك باستوديو تحليل الركشة مهم جدا..
همسة: الكتابة بالاحمر حتى لا نكثر عليك التحليل "مشاركة تحليلة" ولكنها لا تكفى عن تحليلاتك الرائعة..
لك كل الشكر والتقدير والله يعينك ويعين الجميع لما يحب ويرضى ويخفف على الجميع المشغوليات والانشغال..

[أشرف صلاح السعيد]

حضور ومتابعة لروائع ابوعبد الرحمن .
وباسم اعمال البركة الهندسية فقد قررنا الاتي:
1/عمل صيانة دورية مجانية للركشة(تشمل الصيانة وقطع الغيار)
2/صرف ركشة جديدة فترة الصيانة حتي نستمتع بالركشة دون توقف .
تحياتي واحترامي اخي اشرف صلاح.


الحبيب بركة تحياتى..
يااخى اختك وين ؟..يديك كل العوافى ايها الحبيب الحبيب..
غايتو امين بعد الخدمات الرهيبة دى ماليو الا يبرضع بكل الطرقات الليها خرطة والماليها خرطة وبدون جوازات سفر..
أها يا أخوى ما نطمع شوية فى خيركم ما فيها تعمل لينا جمعية ونقبض اخونا امين الاول عشان الاقساط وكدا؟.."جنس طمع هو"..

[أشرف صلاح السعيد]

فاصل اعلانى..

وكالة الماسك القلم اسم بعالم التوصيات والوصايات..
الماسك القلم نحن نهمش الناس تهميشا..
الماسك القلم بنكتب على الآخرين الشقاء..
الماسك القلم تعال لينا بجاى المسافة أقصر..
الماسك القلم ليه التعب وبهنا توش بتصل..

[النويري]

فاصل اعلانى..

وكالة الماسك القلم اسم بعالم التوصيات والوصايات..
الماسك القلم نحن نهمش الناس تهميشا..
الماسك القلم بنكتب على الآخرين الشقاء..
الماسك القلم تعال لينا بجاى المسافة أقصر..
الماسك القلم ليه التعب وبهنا توش بتصل..

قل للذين يوزعون الظلم بأسم الله في الطرقات

الله في نار الدموع في صفوف الخبذ في العربات والغرف الدمار

وهل يستوي الذين يعلمون والذين لا يعلمون

[أشرف صلاح السعيد]

(الحلقة..21)

(السماسرة..)

يركب بدر الدين وعفاف والماحى الركشة بعد أن حُدِد لامين واجهة سيرهم..

الماحى : يااخوانا انا قدام عثمان ما حبيت اتكلم ..الا عندى ارض سمحة تب وسعرا سمح ورخيّص كمان وبتقدرو عليو..

بدر الدين : وين القطعة دى؟..

الماحى : فى الرحاب بس مساحتا 300 متر لكن موقعا احسن من ام 130 الف..

عفاف : ودى طالبين فيها كم؟..

الماحى : والله سيدا عايز فيها المية بس بنحاول نخارجا منو بالتسعين من غير حقى..قلتو شنو؟..

بدر الدين : ما فى مشكلة.. بس نشوفن الاتنين..

الماحى : بصراحة الارض الاولى فيها مشكلة ورثة وكدا.. والحكاية دى بتاخد زمن وبتدورلها صبر وكدا.. لكن التانية دى جاااهزة واوراقا جاهزة وما فيها اى مشكلة..

بدر الدين : طيب وقت الاولى فيها مشكلة ورثة ما كلمتنا بيها فى المكتب ليه؟..

الماحى : عشان السعاية فيها حقت عثمان وخفتا انو يزعل لو اتكلمتا.. هو ما وراكم انا كيفن اوريكم وعليكم الله يااخوانا الموضوع دا سر بينا وعثمان ما يعرف بيو..

عفاف : عليكم الله شوفو الراجل دا!!.. ودا حالتو قال جاينو بتوصية..

بدر الدين : توصية شنو ..البلد دى ما سمعتى قول الناس فيها شنو "دقس واتلحس" والله زمنا بقى فيو الزول ما يأمن لود بطن أمو..امين يااخوى ودينا على قطعة الماحى دا .. الماحى وصف ليو الدرب..

امين : هى قريبة من شنو؟..

الماحى : بتعرف الصهريج بتاع السحاب؟..

امين : بعرفو..

الماحى : بس عندو..

تصل الركشة للأرض المعنية ولكن المفاجأة التى كانت تنتظرهم بها لم تكن بالحسبان..

الماحى : هدى القطعة.. بالله ما سمحة؟..وشوفو الفسحة القداما دى مش زى القطع المخنوقة خنق حتة الهوا ما بيمر فيها..

بدر الدين : موقعا كويس لكن أبراج الكهربا دى ما قريبة شديد..

الماحى : البيوت ما كلها فيها كهربا.. هى الكهربا بتعمل لينا شنو؟..

امين : كهربة البيوت الجوا ما بتعمل شى لانها 220 فولت.. لكن الابراج دى شايلا ضغوط عالية ولازم يكون فى مسافا بينا وبين المناطق السكنية لانها بتعمل سرطانات وامراض..

عفاف : سجمى سجمى..سرطانات؟؟..يااخوى واطاتك دى لو ببلاش ما دايرنها..ارح يا بدر على الارض الاولى ورثة ورثة اخير من السرطانات..

الماحى : يااختنا الزول دا ما يخوفك سااكت.. ما هدا الناس بانيا وعايشة فى امااان الله..

بدر الدين : لو عندك واطا غيرا ورينا ليها .. اما دى ما لازمانا..الناس الساكنا كان مستغنية عن روحا احنا ما مستغنين وعندنا وليدات صغار عايزين نربيهم..

الماحى : يااخوانا انا الواطة دى بقدر اخارجا ليكم لغاية 80 الف "10 طارو فجأة والحسابة بتحسب"..والله بالمبلغ دا لو لفيتو البلد كلها ما بتلاقو زيو..

امين : يااخونا ما تضيع وقتك لو عندك ارض غيرا وريها ليهم..اكسب زمنك..

الماحى : يا زول انتا غير تطيّر الارزاق ما عندك شى..هو انتا المشترى؟..بالله ما تتدخل فى الماليك فيو..

بدر الدين : هو كان بطيّر ارزاق انتا يااخوى بتطيّر ارواح..وبعدين الزول دا اخوى يعنى صاحب وجعة زيى وما زيّك بيقبضو سعايتو وبتخارج..

يرن الهاتف الخلوى للماحى أثناء مشادته مع امين..


فاصل اعلانى..


منتديات معانا والا ما ترجانا خبراء بفنون التطنيش والتهميش والكلمة لنا وبس..

منتديات معانا إرساء لمفهوم الديمقراطية الصفوية فنحن نفهم اكثر من الجميع..

منتديات معانا بنعرف مستوانا والما معانا ماهمانا..

منتديات معانا طنش تعش تنتعش..



الماحى : ايوا ....وعليكم السلام....لا والله الارض ما عجبتم....يااخى الناس ديل شكلم ما ناس شرا...طيب ...بس بوريهم ليها وتانى ما ليا غرض فيهم..سلام..

بدر الدين : انحنا ما ناس شرا كيف؟؟ ولا لازم نشترى واطاتك ام سرطانات دى عشان نبقى شرايين..

الماحى : يااخونا روق انا فى التلفون ما قصدتكم انتو ..على كيفكم يااخ الشرا والبيع ما جبر..ارحكاكم على الواطة التانية وانتو مخّيرين..

يركب الجميع الركشة وتتحرك بهم الى الارض مكان خلاف الورثة..

يتبع........

[أشرف صلاح السعيد]

قل للذين يوزعون الظلم بأسم الله في الطرقات

الله في نار الدموع في صفوف الخبذ في العربات والغرف الدمار

وهل يستوي الذين يعلمون والذين لا يعلمون

كل دعوانا ان نستعمل كل ما اوتينا لنصل الى الافاقات وترسيخ معانى الجمال وإن لجأنا لبعض من قساوات فالنار خير من البتر وانفصال الاجزاء..
نسأل الله أن يلهمنا جميعا البصيرة والتبصر ليس من أجل ست المدائن فحسب بل وأيضا لتحقيق أجمل معانى إنسان..

[الملكة اسماء ( ام محمد )]

فاصل اعلانى..



منتديات معانا والا ما ترجانا خبراء بفنون التطنيش والتهميش والكلمة لنا وبس..


منتديات معانا إرساء لمفهوم الديمقراطية الصفوية فنحن نفهم اكثر من الجميع..


منتديات معانا بنعرف مستوانا والما معانا ماهمانا..


منتديات معانا طنش تعش تنتعش..






ممكن ابتسم ؟
:)

[ابوخالد]

بدر الدين : موقعا كويس لكن أبراج الكهربا دى ما قريبة شديد..

الماحى : البيوت ما كلها فيها كهربا.. هى الكهربا بتعمل لينا شنو؟..

امين : كهربة البيوت الجوا ما بتعمل شى لانها 220 فولت.. لكن الابراج دى شايلا ضغوط عالية ولازم يكون فى مسافا بينا وبين المناطق السكنية لانها بتعمل سرطانات وامراض..

عفاف : سجمى سجمى..سرطانات؟؟..يااخوى واطاتك دى لو ببلاش ما دايرنها..ارح يا بدر على الارض الاولى ورثة ورثة اخير من السرطانات..

الماحى : يااختنا الزول دا ما يخوفك سااكت.. ما هدا الناس بانيا وعايشة فى امااان الله..






الرائع أشرف ...
ود عمودية أحمد سعيد ..
على قول واحد(أمنجى دبلوماسى وكده)

يا أخوى خوفتنا ... الجُراب فيهو شنو يا اللخو ....؟؟؟؟

ركشتك دى الشافا وحلت فى طين لُكة ما كضب ....

ودفرة ما بندفر معاك ....

غايتو شائف لى عسكرى مرور لابت ليك فى الزقاقات

البتمشي فيها دى ....

خليك فى الظلط ... وركز على الظلط ....

الحفر والمطبات دى بتخرب الرُكب ..... وبتيبس المساعدات ...

وأحزر عشان ما تخلط الموية والزيت ....

الركشات دى صيانتا بتكلف كتير ....

مسجلك ده صوتو عالى ... عامل جوطة ...

الهدوء راحة بال وهجعة زول بعد ترحال ...

ومشاويرك طويلة ... هدئ السرعة .... وركز فى الدرب ....

وخليك قريب بنحتاجك فى مشوار كده ...

بعيد عن الضغط العالى والأتوميزرات ... والبلكات الطافية ....

وهِب يانسيم ....




*************
أشرف ... والضغط العالى ... مروا من هنا ...

[أشرف صلاح السعيد]

ممكن ابتسم ؟
:)


تبسمى فالحياة رغم ما فيها لا تسوى عند الله جناح باعوضة..
تبسمى فالبسمة صدقة بالأوضاع الطبيعية فكيف تكون حين كظم الغيظ وبدنيا اللامعقول..
تبسمى وادعى الجميع للبسم فهو ترياق للخطوب وابواب لصفاء النفوس..
تبسمى فالحلم أن يبسم الجميع ويتصالحون مع النفوس الأمارة بالسوء بعد أن طوعوها بالخيرات..