البرنس افضل المرشحين لنيل جائزة افضل لاعب في بطولة افريقيا [الأرشيف]

محمد السر

04-09-2009, 06:17 PM

دخل قائد الهلال هيثم مصطفي قائمة المرشحين للفوز بجائزة افضل لاعب في بطولة الاندية الافريقية الابطال مع الثنائي الزامبي ساكواها وساكالا

ونجم هارت لاند كامونغينغا ونجم كانو فيكتور نامو ولاعب مازمبي كالوييتوكا .. والمنافسة شديدة بين البرنس واللاعب الزامبي الذي سجل ثلاثية في مرمي المريخ بامدرمان وانتقل الي نادي لوريان الفرنسي ..
وسترتفع اسهم البرنس بشكل كبير اذا صعد الهلال الي نصف النهائي او شارك في المباراة النهائية ..
تجدر الاشارة هنا ان نجم الاهلي المصري محمد ابو تريكة قد فاز بالجائزة العام الماضي ..
وتشير التوقعات الي ثلاثة من لاعبي الهلال هم البرنس والحارس المعز محجوب والمدافع المالي باري ديمبا مرشحون لدخول التشكيلة النهائية لفريق بطولة الابطال هذا الموسم ..

نزار السر

05-09-2009, 09:30 AM

يستحق اكتر من كدة

الفخيييم

05-09-2009, 09:54 AM

انه الهلال صانع النجوم منذ قديم الزمان00
التحية للهلال سيد البلد والزعيم الحقيقي00

ايمن عبد الله

05-09-2009, 09:57 AM

الشتيلة الراسمة حنة ... شتلة جديدة من قوون رمدان السجمان..

والله يا ود السر تباري لي رمدان السجمان ده يضيعك .. برنس شنو وكلام فاضي شنو ياخي

قال برنس قال .. يعني عايزين تفهمونا ان هيثم مصطفى احسن لاعب في الدورة الحالية

ايمن عبد الله

05-09-2009, 09:57 AM

النشوفه بكرة مع ناس اسيان بعمل شنو ..

محمد السر

06-09-2009, 04:30 AM

النشوفه بكرة مع ناس اسيان بعمل شنو ..

الغريبة انو مالاعب

هيثم عبدالعال

06-09-2009, 09:17 AM

الغريبة انو مالاعب

قالوا عيان وبي تقرير طبي
وتاني يوم لاعب مع الهلال وأحرز هدف (لوحـــــه:eek:)

يستاهل الجائزه

الوطنية عندو

ايمن عبد الله

06-09-2009, 09:40 AM

قالوا عيان وبي تقرير طبي
وتاني يوم لاعب مع الهلال وأحرز هدف (لوحـــــه:eek:)

يستاهل الجائزه

الوطنية عندو

بالله عليك يا هيثم .. والله خسارة انه اسمه هيثم زيك .. حقو يا هيثم تغيروا والله والخروفين علي والله ما انط ..

هيثم عبدالعال

06-09-2009, 10:06 AM

بالله عليك يا هيثم .. والله خسارة انه اسمه هيثم زيك .. حقو يا هيثم تغيروا والله والخروفين علي والله ما انط ..

وتم استبعاد الكابتن هيثم مصطفى قبل ساعات لمرضه المفاجئ بعد ان تقدم بتقرير طبي لمدرب المنتخب استيفن ليثبت مرضه
عدد جريدة رمدان يوم 3/9/ 2009

حقق الهلال فوزا مستحقا على فريق الامل العطبراوى بهدف لوحة جاء بقدم قائده وكابتنه البرنس هيثم مصطفى فى شوط اللعب الثانى فى اللقاء

عدد جريدة رمظان يوم 5/9/2009

شنو يا أيمن عايزني أبقى ليك زي محمد السر ، ثم رغم إنو الزول ده أكبر مني :eek: يعني سموهو قبلي لكن ما بغير ليهو إسمي ما يغير هو ، أصلاً هو عندو أسماء تاني كتيره (قارورة مثلاً )

ايمن عبد الله

06-09-2009, 11:08 AM

عدد جريدة رمدان يوم 3/9/ 2009

عدد جريدة رمظان يوم 5/9/2009

شنو يا أيمن عايزني أبقى ليك زي محمد السر ، ثم رغم إنو الزول ده أكبر مني :eek: يعني سموهو قبلي لكن ما بغير ليهو إسمي ما يغير هو ، أصلاً هو عندو أسماء تاني كتيره (قارورة مثلاً )

:p:D:p:D

عجبتني قارورة دي .. هو برضو بالله بتاع قوارير ..

وسفير النوايا الحسنة ..

والدوبلوماسي ..

وووووو الخ الخ الخ الخ الخ الخ .. وماننسى البرنس كمان ..

روبش

06-09-2009, 10:52 PM

يا ايمن .. ويا هيثم
حافظين النشيد الوطني

تخريمه : الله يستر يا هيثم تكون ما حافظ النشيد الوطني ويكون عاداك

روبش

06-09-2009, 10:54 PM

بالله عليك يا هيثم .. والله خسارة انه اسمه هيثم زيك .. حقو يا هيثم تغيروا والله والخروفين علي والله ما انط ..

طيب انت ما تغير اسمك ده .. ما في واحد اسمه ايمن دقله

روبش

06-09-2009, 10:57 PM

والخروفين علي والله ما انط ..

حتى في هداياكم ما بتتخطو العدد (2) والله مشكلة

تخريمه : يعني ما ممكن سبعه خراف بدل خروفين

ايمن عبد الله

07-09-2009, 10:15 AM

يا ايمن .. ويا هيثم
حافظين النشيد الوطني

تخريمه : الله يستر يا هيثم تكون ما حافظ النشيد الوطني ويكون عاداك

لي قايلنا .. تشاديين ولا شنو ..

الظريفة هيثم طمبل جابو قبل ايام في التلفزيون طلع ما حافظ ..

ايمن عبد الله

07-09-2009, 10:15 AM

طيب انت ما تغير اسمك ده .. ما في واحد اسمه ايمن دقله

بلعب في الهلال دقلة ده ؟

ايمن عبد الله

07-09-2009, 10:16 AM

حتى في هداياكم ما بتتخطو العدد (2) والله مشكلة

تخريمه : يعني ما ممكن سبعه خراف بدل خروفين

خروف واحد بس يوم الجمعة .. والضباح ايدو ..

محمد السر

07-09-2009, 01:36 PM

يا ايمن .. ويا هيثم
حافظين النشيد الوطني

تخريمه : الله يستر يا هيثم تكون ما حافظ النشيد الوطني ويكون عاداك

طمبل دا يا روبش بكون سورة الحمدو ما حافظ
خلي نشيد العلم

محمد السر

07-09-2009, 01:37 PM

بلعب في الهلال دقلة ده ؟

دقله دا اخو ساكواها

ايمن عبد الله

07-09-2009, 01:38 PM

طمبل دا يا روبش بكون سورة الحمدو ما حافظ
خلي نشيد العلم

اسمها سورة الفاتحة

ايمن عبد الله

07-09-2009, 01:39 PM

دقله دا اخو ساكواها

المهم بلعب وين .. ورينا

محمد السر

07-09-2009, 01:39 PM

محمد السر

07-09-2009, 01:41 PM

المهم بلعب وين .. ورينا

ايمن دقله دا فناااااااااااااان

مرتضى التوم

08-09-2009, 01:59 AM

والله هيثم مصطفى لاعب مميز وموهبة كبيرة قدم للهلال وللكرة السودانية الكثير واستغرب للحملة التى تعاديه بقيادة قائد الجماعة السخفى مزمل ابو القاسم والغريب انو المريخاب يقولو ليك والله لو هيثم ماف الهلال بكون ماف وده ما كلام من عندى كلهم بقولو كدة . طيب لو هو بساوى فريق الهلال كلو وبدون وجوده الهلال ما عندو حول ولا قوة وملا يكون موجود الهلال بنتصر ويفوز والخمسة سنين (اعاوم الرمادة ) الفيها ارقام قياسية فى الهزائم فى عدد المباريات وعدد الاهداف ( اسى حا يمشو سنة خمسين ويقولو ليك 8 مرات ) 90% من الانتصارات دى كانت صناعه هيثم مصطفى وبجد الهلال مفروض يكرم هيثم تكريم ما حصل للاعب سودانى قبل كدة . بس انتو اطلعو منها

هيثم عبدالعال

08-09-2009, 03:11 AM

والغريب انو المريخاب يقولو ليك والله لو هيثم ماف الهلال بكون ماف وده ما كلام من عندى كلهم بقولو كدة . ا

والغريب أنا عمري ما قلت كده
ولا أرى في هيثم سوى لاعب بطئ تخدمه آله إعلاميه ضخمة تمنحه حمايه وتجعله يلف ويدور بالكرة كما يشاء في إستايل أكل عليه الدهر وشرب ، وينكشف في أول خمس دقائق عند ملاقاة الفرق التي تلعب باسلوب ضاغط ولا تهتم للهالة المحاط بها

نزار السر

08-09-2009, 04:11 AM

والغريب أنا عمري ما قلت كده
ولا أرى في هيثم سوى لاعب بطئ تخدمه آله إعلاميه ضخمة تمنحه حمايه وتجعله يلف ويدور بالكرة كما يشاء في إستايل أكل عليه الدهر وشرب ، وينكشف في أول خمس دقائق عند ملاقاة الفرق التي تلعب باسلوب ضاغط ولا تهتم للهالة المحاط بها

والله دة الشايفوا فى سيدااااااااااااا انت مابتقرا جرائد ولا بتشوف تلفزيون ولا بتشوف صدى الملاعب بتاعةmbc دا كلو هين مدرب المنتخب الغانى قال فى تصريح .............. حتقول لى جبتو من وين ............ أخاف المنتخب السودانى وبالذات اللاعب هيثم مصطفى .................... دا سفير النوايا الحسنة

انت ياهيثم حافظ النشيد الوطنى

ايمن عبد الله

08-09-2009, 10:43 AM

ايمن دقله دا فناااااااااااااان

بغني شنو .. اوع يكون صاحب غنية الهلال هلا ..

amino

08-09-2009, 10:59 AM

والله الناس المرشحة دى لا تعرف الشمال من اليمين

البرنس احسن لاعب:eek::eek::eek::eek::eek:

والله ربنا يكون فى العون:):):):)

ايمن عبد الله

08-09-2009, 12:36 PM

هو اصلاً مافي زول رشحه غير رمدان السجمان

روبش

08-09-2009, 09:24 PM

هو اصلاً مافي زول رشحه غير رمدان السجمان

انت عسع زعلان مالك .. اعمل حسابك من الضغط والسكري

مرتضى التوم

09-09-2009, 08:24 AM

المشاركة الاصلية بواسطه هيثم عبد العال

والغريب أنا عمري ما قلت كده
ولا أرى في هيثم سوى لاعب بطئ تخدمه آله إعلاميه ضخمة تمنحه حمايه وتجعله يلف ويدور بالكرة كما يشاء في إستايل أكل عليه الدهر وشرب ، وينكشف في أول خمس دقائق عند ملاقاة الفرق التي تلعب باسلوب ضاغط ولا تهتم للهالة المحاط بها

أخ هيثم تقييم لاعب كرة القدم لا يكون بهذه الطريقة اللهم الا من باب الانتماء واللون وممكن تسال الوالد والكوتش الكبير عبد العال ساتى من تقييمه لهيثم كلاعب وساعتها ستدرى من هو هيثم .
لهيثم عيوب اساسية كلاعب كورة ولكن هذا حال كل لاعبى الكرة فى السودان ولا ذنب لهم فى ذلك تقييم اللاعب يكون وفق معايير بعيده عن التعصب.
انتقد هيثم كلاعب وماذا ينقصه ولكن حديثك حديث يصبغه اللون اكثر من المصداقية .
انا اعشق الهلال ولكن لو ادليت براى عن احد لاعبى المريخ صدقنى سيكون بعيد عن انتمائي للهلال .

محمد السر

09-09-2009, 11:25 AM

المشاركة الاصلية بواسطه هيثم عبد العال

أخ هيثم تقييم لاعب كرة القدم لا يكون بهذه الطريقة اللهم الا من باب الانتماء واللون وممكن تسال الوالد والكوتش الكبير عبد العال ساتى من تقييمه لهيثم كلاعب وساعتها ستدرى من هو هيثم .
لهيثم عيوب اساسية كلاعب كورة ولكن هذا حال كل لاعبى الكرة فى السودان ولا ذنب لهم فى ذلك تقييم اللاعب يكون وفق معايير بعيده عن التعصب.
انتقد هيثم كلاعب وماذا ينقصه ولكن حديثك حديث يصبغه اللون اكثر من المصداقية .
انا اعشق الهلال ولكن لو ادليت براى عن احد لاعبى المريخ صدقنى سيكون بعيد عن انتمائي للهلال .

لقد اصبت يا مرتضى
مثلاً الهلالاب يحبون الكابتن فيصل العجب لاسباب متعدده
ومن الممكن ان يصوتوا له اذا دعت الضروره

بورتبيل

09-09-2009, 12:39 PM

قالوا عيان وبي تقرير طبي
وتاني يوم لاعب مع الهلال وأحرز هدف (لوحـــــه:eek:)

يستاهل الجائزه

الوطنية عندو

ما كنت قايلك قديم للدرجة دي

وطني بتاعت ايه يا حبيب .. خليناها زماااااااااان

وهيثم عندو تقرير طبي .. وتقريرو الطبي عن المنتخب ومدرب المنتخب .. وتشكيل المنتخب
وتاني ما تقول ليا وطنية ..!!

وهو احد المرشحين شئتم ام ابيتم يا هولاء ( امسكو الارانب)