المساعد الشخصي الرقمي

مشاهدة النسخة كاملة : ست الجيل



abdgina
05-09-2009, 06:48 AM
اخذت ست الجيل بت الحسن كمية من التراب وغمرت به شعرها حين اتاها النبأ الحزين.... بوفاة مايكل جاكسون الخزين.... وقد كانت فى تلك اللحظة على وشك ان تنتهى من باغة العجين... لولا ان داهمها الخبر فرمت القرقريبة ووضعت الريكة فى مكان امين..... ثم ولت خارجة تولول وتنده لنساء القرية وتنشر الخبر فى اوساطهن والذى سرى كما تسرى النار فى الهشيم وارتفعت به الاصوات عاليه واخذ الغبار فى رؤوسهن وفى اعلى القرية مما يدل على كارثة عظيمة....ومصيبة المت بالقرية كالهجيمة... لم تترك فيها ثورا ولا بهيمة.... وقضت على الاخضر واليابس بما فيه شجرة النيمة..... تلك التى تعود الناس ان يشربوا فى ظلها القهوة ومن ثم يأخذون تعريجتهم لقول النميمة ...


اول من سمعت الخبر من ست الجيل ... كانت السرة بت الهزيل.... وقد خرجت هذه بدون ثوبها معلنة حزنها وتضيقها من خبر نشر فى القرية العويل... فأصبحن النسوة بسببه يبكين دون مقيل ... مما اثار حفيظة الرجال ... وقرروا على اثره ان يقوموا بالذهاب الى بيت العزاء ... كل منهم وقد اخذ ملفحة وعمة .... وقد تحرك اللورى فى اتجاه اهل الغمة... كل منهم يمنى نفسه بأن يشيل الفاتحة وفى اقرب مكان يهجعون فيه وهم يذكرون خيره على الامة .....


عند ساعة الوصول ... وقف اللورى محاذيا صالون النساء ....وقد لمحوا من بعيد جنيفير لوبيز مهتمة بأمر الغداء ..... وهى تضع المحشى والدجاج المعد على الشواء ... وهى ترتدى جينز من ماركة وتى شيرت يجبر الشباب على الجرسة والحب والبكاء ..


نزلت ست الجيل وهى تصرخ كالمفجوع... قابلتها عند المدخل جانيت جاكسون وتلاقت الدموع.... وهنا اصاب الموقف من كان موجودا وغير موجوع... فنزلت من مآقيهم دموع بلا رجوع.... وحلفن بقية النسوة ان يكون المأتم لمدة اسبوع... واتصلن على مديرى اعمالهن لكى يؤخر لهن اعمالهن حتى يرفع الحداد وترجع ست الجيل مع عملهن بإستعدادها للوضوع ...


بعد شد وجذب... وبعد بكاء كنساء تم سبيهن فى حرب .... جلست ست الجيل مواجهة سيلين ديون... وقد رأتها تضع الكحل فى العيون..... وهى ترتدى نظارتها لكى تخفى ما اصاب الجفون.... فى تلك اللحظة ارادت ست الجيل ان تخفف عليها فقالت لها سبحان الله هم السابقون ونحن اللاحقون....فتضجرت منها بريتنى سبيرز,.....وهى قد اتت لتناول ست الجيل حلوى وكعك وخبيز.....لأن العادات فى امريكا هكذا تُجيز ....
بعد ان شربت ست الجيل ماء الصحة... وعلى صوتها ظهرت بحه ...رأت ان هذا وقتا مناسبا للصيحة.....فنظرت بطرفى عينها تبحث عن تراب ... ولم تجد غير الموكيت والرخام فى السرداب... فأستعاضت عنه ببودرة كانت موضوعة بطرف دولاب..... فأخذته وكشحته فى رأسها معلنة ان الارض ستصبح خراب .... فضمت اليها احدى مغنيات الراب .... وهى تصيح :-
اللييييييييييييييييلة يا مايكل جاكسون ...
يا الما ركبت الداتسون ولا صحتك شفت فيها تحسن ....
اللييييييييييييييييييييييلة ...
يا الركبت الهمر وغنيت فى نص القمر
ماااااااااااا دوامة .....
الليييييييييييييييييييييييييييييييلة ...
يا الكملت عمليات تجميلك..... ويا الوشك فاقد دليلك ...
ما دواااااااااااااااامة ....


فى تلك اللحظة اتاها الخزين .... ووجدها فى غرفتها تنين .....وعرف انها فى حلم مبين ...فصاح فيها صيحة قامت بسببها مخلوعة...... وانها لم تذهب الى العزاء رغم انها مفجوعة....فأخذت عجينها تعوسه من جديد.... ولنار الدوكة تولع وتستعيد.... ولمايكل جاكسون تغنى دون ان تشارك فى الرقص ولو من بعيد ...
الكاتب
الاخ المبدع العاقب المصباح

منقوول

الملكة اسماء ( ام محمد )
05-09-2009, 06:55 AM
الكاتب
الاخ المبدع العاقب المصباح

منقوول






:eek::eek::eek::eek::eek::eek::eek:

http://www.wadmadani.com/vb/showthread.php?t=25358 (http://www.wadmadani.com/vb/showthread.php?t=25358)

:):):)

littlestar
05-09-2009, 08:01 AM
الكاتب
الاخ المبدع العاقب المصباح

منقوول



الكاتب
الأخ المبدع ده زى ال لاقانى ف حته
والإسم ده صادفنى لكن ويييييييين ويييييييييين ؟؟؟؟
ياهووووو يا عااااااااالم زول يذكرنى ياخ
باقى الميمورى بتاعى صلب
وناقصو تشحيم :p:p:p

بت أم درمان
05-09-2009, 08:42 AM
الكاتب
الأخ المبدع ده زى ال لاقانى ف حته
والإسم ده صادفنى لكن ويييييييين ويييييييييين ؟؟؟؟
ياهووووو يا عااااااااالم زول يذكرنى ياخ
باقى الميمورى بتاعى صلب

وناقصو تشحيم :p:p:p


:p:p:p:p:p:p:p

نزار السر
05-09-2009, 09:08 AM
:D:D:D:D:D:D:D:D:D:p:p:p:p

عبدالرحمن مدثر
05-09-2009, 09:14 AM
الكاتب
الاخ المبدع العاقب المصباح

منقوول






:eek::eek::eek::eek::eek::eek::eek:

http://www.wadmadani.com/vb/showthread.php?t=25358 (http://www.wadmadani.com/vb/showthread.php?t=25358)

:):):)


لكن مابسالك

مندهشة يعنى من كلمة (مبدع )

حاسة بالكلمة كبيرة عليهو ولاشنو

العاقب مصباح دا دفعتى وهو مبدع بالفطرة

من ايام عشقه للفطيرة جنب تكل ناس عوضية

حين تجذبك رااائحة الفطيرة والضفيرة:p:p:p

الملكة اسماء ( ام محمد )
05-09-2009, 09:22 AM
لكن مابسالك


مندهشة يعنى من كلمة (مبدع )


حاسة بالكلمة كبيرة عليهو ولاشنو


العاقب مصباح دا دفعتى وهو مبدع بالفطرة


من ايام عشقه للفطيرة جنب تكل ناس عوضية


حين تجذبك رااائحة الفطيرة والضفيرة:p:p:p





انا المابسالك طبعا
جاي تفتني مع العاقب

تعرف لماشفت البوست قعدت اضحك
وسبب دهشتي انه ناقل الموضوع ماملاحظ ان المُبدع شخصيا عضو معانا :p

العاقب مصباح
05-09-2009, 09:43 AM
المبدع العاقب دا منو

اول مرة اسمع بيهو

عرفونى عليهو

ممكن نطلع قرائب ولا حاجه

ابدقينة يجزيك الله خير

على النقل المفيد

وذكرتنى الذى مضى من حياتى

لما كان الواحد شبه مبدع

ويتفسح فى الجماعة ساى

وعامل فيها كاتب

لكن هو ما كاتب

بس حركات مكاتب :d:d

الملكة اسماء ( ام محمد )
05-09-2009, 10:02 AM
لكن هو ما كاتب


بس حركات مكاتبd


واضف عندك
كتاباته بتتسرق وتنقل لمنتديات اخرى
لكن مال الحلال برجع لاصحابه والا شنو ؟:)

العاقب مصباح
05-09-2009, 10:06 AM
واضف عندك
كتاباته بتتسرق وتنقل لمنتديات اخرى
لكن مال الحلال برجع لاصحابه والا شنو ؟:)




الموضوع دا بالذات لقيته فى اربعين منتدى تانى

غير الايميلات

عايز اطالبهم بقيمة نقدية

عشان الواحد يتم دينه :d:d

الملكة اسماء ( ام محمد )
05-09-2009, 10:16 AM
عشان الواحد يتم دينه :d:d


الدال في كلمة ( دينه ) بالفتحة والا الكسرة :confused:
ربنا يحقق امنياتك في الحالتين :)

العاقب مصباح
05-09-2009, 10:22 AM
الدال في كلمة ( دينه ) بالفتحة والا الكسرة :confused:
ربنا يحقق امنياتك في الحالتين :)




والله فى اخر لحظة قلت اوضح ليك

تانى قلت البت بتخليها عايمة ساى

خيبتى املى

واعمليها بالاتنين

انتى دافعة شئ يا عاطلة :mad::mad::p:p:D:D

الملكة اسماء ( ام محمد )
05-09-2009, 10:26 AM
انتى دافعة شئ يا عاطلة :mad::mad::p:p:D:D


:(:(:(:(
الله يسااامحك
بتعايرني عشان جالسة ومقابلاكم اليوم كله
ح ادعي ليلة القدر اني انشغل تاني لدرجة تتمنوا طلتي بالغلط :mad::mad::mad:

بيني وبينك العطالة كعبة :(

لكن لما اسرق منك موضوع اوعدك ادفع ليك قيمة رمزية

العاقب مصباح
05-09-2009, 10:28 AM
:(:(:(:(
الله يسااامحك
بتعايرني عشان جالسة ومقابلاكم اليوم كله
ح ادعي ليلة القدر اني انشغل تاني لدرجة تتمنوا طلتي بالغلط :mad::mad::mad:
بيني وبينك العطالة كعبة :(
لكن لما اسرق منك موضوع اوعدك ادفع ليك قيمة رمزية





اشنغلى ساى

يا ابلا اسماء

وداير لى درس عصر

بحب درس العصر زمان

تتغدى بى مزااااااج وتمش ليهو

وادفعى لى قيمة رمزية

ومعها سلطة اسود ومحشى :d:d

abdgina
05-09-2009, 11:18 PM
تشكر اخ عجيب
وانا عايز حقي لاني قاعد اروج ليك؟