مثاورة00

[الفخيييم]

ياجمة حشا المغبون00في الزمن الهلاك منجا
تكون حانت مواعيدك00يكون وقت المطر قد جا
شرق ضو البلد عيدك00وطابت نسمتو العرجا
نكون يا طيبة تمينا00وبديناولفنا00غنينا الغنا الراجا
وبدت كاس المودة تلف00عشق من حلفا لي راجا
ألف في ألف00حبابك ألف00ايه يا عنزنا القرجا
يا لبانة في الزمن المراحو نشف000
ياجبانة للخوانة00للعوج البدور ويلف
دميرتنا البتروي جرف
ضفيرتنا وعرش بيتنا00تميراتنا اللي كانو وقف
اصابعين الرجال رصاص00صمغ رأس البنية سقف
أصابعين الرجال رصاص00عضم ضهر القضية سقف
تكون دارة الزمن عمرت00نكون لمينا في الفاتو
تكون فاقت ملامحنا وتضاريسنا القبيل غمرت
دغش ساقت بوابيرنا وندت شتلات بعد ضمرت
ضراعيك يا الولد كبرت00مراعيك يا البلد كترت
خدار00خدرت
غزار00غزرت00نضارا زين00
برغم الصيف وصناتو000
وسموم البين وأناتو
عصافير الجلد قدرت تباصر غيمة منتحرة
تضاير نسمة منحدرة
تضاير الغابة والصحرا00من الغمة وضلاما شين00
ومنك يا دقين ننفك00تكون فكت عقدة الدين00
عقب سيرة البلد سارت علي الدرب العديل والزين
بعدها الحال بلا مرسال00يجو العمال
يجو الزراع00يجو الكداح
يجو الناس البخبرو شليل00وشقيش راح
وقمريتين جناحن دل فوق الصاح
من الغفلة وعساكر الليل00وللدنيا الجديدة جناح
صباح نندل شدة حيل00بلدنا وما بنقيف بين بين
فيا خيالة عدو الخيل00ولي الطيبة البتملي العين
مدي ونياه00في حز القلب غنوة وآه
حنان بلدو00وحنين منفاه
يا بت العز00ياست الجاه
يا هسع دية00يا بكرانا00يا ماضينا00يا بعدين
نكون كنا00وبقينا متين
وكيف تكدح مواعيدك مواعيدنا ونساورك وين؟؟؟

ولسة ح نواصل مع المبدع حميد00

[أشرف صلاح السعيد]

واصل حبيبنا الفخييم من غير فواصل..
ونكد فى الروائع دى خليها التبرد حشى المشغوف بكليم رصين موصوف..
لك كل التشكرات والتحيات..

[ود الجعلي]

واصل حبيبنا مع حميد الشاعر الذي احبه كثيرا"