رايكم شنو

[البطحانى]

رايكم شنو فى كلام البنت دى انا بفتكر انها قست على نفسها شديد ولارايكم شنو
حبى ليك كان ذادى ****** وخايفه عليهو من العين
عليهو انا كنت بصوم وافطر**** عليهو بكابد النارين
وكنت بحسب سنين الغربه ****** لما تعود تجينى متين
وكنت برجاك فوق النار ******** لما وكت لقنا يحين
نوس فى برائة اطفال ********** فى الحب نروا ونهل زين
وكل يوم يذيد البينا ************* لامن بقينا غاب قوسين
اتارينى كنت فيك مخدوعه ********* كم من زيى مخدوعين
ما قيلاك تعلب بى تعيش ********* الحظه بس والحين
وما قيلاك حبيب الام ********** قلبك قبله للضالين
وما قيلاك تنسى حبيب ********* صبر راجيك سته سنين
وتشغل بالك الاشواك ******* لمن تزبل الياسمين
وكيفن هان عليك تنساهو ******زولا كان عليك حنين
وكنت دايراك بسمه عريضه ******* فى وش الزمان الشين
وكنت دايراك وقت الحاره ******* تبقالى دخرى خزين
وكنت دايراك مقنع حوبه ******** وكتين المضاره يبين
وكنت دايراك فارس احلام ********* تشاركنى ونتم الدين
وكنت دايراك شريك الروح ********* واخدمك حافيت القدمين
وكنت بحلمبك انت معايه *********** مجرتك بالعديل والزين
وجنبك فى شمالك قاعده ************ تسمع فى دقر يا عين
وتبشر زين مع الاصحاب *********** وتشبل من الوزين
وانا الابحرته راكبه الموج ************ اجيك مرسايه بين موجتين
وداعا يا سحابة صيف شايله ********* مطرشى لينا رهيف
وداعا يا سراب خداع ************ محال ما بروى عطشانين
وداعا يا حلم عابر ************* يسعد ويفرح النايمين
وداعا يا كلام معسول ********* حدو ومكمنو الشفتين
وداعا يا سحبة صيف شايله ******** مطرشى لينا رهيف
تبشر بى خريف جاينا ********* ويما الناس رجهو سنين
وكل زولا يفكر فيها ما ********** معروفه تنزل وين
والف سلامه ليك يا قلب ******** مسالم وديما طبعو حنين
يتاوروا الشوق ويلعب بيهو ******* وتنحر فى حشا السكين
ويعاودوا الذكرى فى جواهو ******* وحالو تحنن المسكين
واخيرا ليك الف سلام قبل ********** ما تجف دموع العين
قبال منى ما تعدى وقبال ********* الفراق ما يحين
بخيت وسعيد عليك انشاء الله ****** يبقالك عمار وبنين
وقلبى انا خلى فى اناتو وبعدك **** يما راجى انين
لوكان يا قلب حبيت بعد وبعد ***** قسمته يمين
انشاء الله ما ينتم ليك مراد ولا **** تضوقك لا حلو ولا زين
وعمرك ما تجيك سعاده ولا **** تتهنا قول امين
وتانى الحب عليك حرمان وعد ***** الحر امانه ودين
ده كان جوه الحنايه دفين
وكنت بضارى من الناس وخايفه عليهو من العين

[ضياء الدين احمد]

طبعا يا البطحاني القصيده دي مؤثره جدا وهي قصه حقيقيه وقد يغلب علي شعر اهلنا الشوايقه نوع من الصدق والواقعيه المعاشه للحدث وسريع جدا تتحول لي قصيده والطنبور ما بتلفتو ليهو قاعد متكول مستني انامل زي بتاعت المبدع عبد الرحيم ارقي عشان اتحفنا وابكينا زي ما انت هسه عاوز تبكينا
اديك العافيه يا البطحاني

[البطحانى]

هلا اخوى ضياء
ومشكورا كتير وليك كل التحيا

[aborawan]

انشاء الله ما ينتم ليك مراد ولا **** تضوقك لا حلو ولا زين
وعمرك ما تجيك سعاده ولا **** تتهنا قول امين



والله انا من وجهة نظري انسانة تحب كل الحب ده وتتخدع في النهاية ممكن تطلع كلام اكعب من كده ودائماً بقول ليك اعمل حسابك من النسر الجريح :):)

[البطحانى]

والهى نتمنى انو كل الناس تتهنا
وتعيش احلا ايامها

[زيكو منيب]

و الله يا البطحاني بحييك على القصيدة الرائعة في كلماتها

[medo]

اقول لي البنت دي صومتي وفطرتي علي بصله --------------------وانا لو منها الي نساك انساه:mad:

[marwa]

keeeeeef klamk da ya medo ho mo3lega 6senen tgol alnesak ansaho da zool anany fe nazery m3 e7tramy leek y amedo

[امير عبدالباقي]

البطحاني يديك العافيه ابداع والله
اتحفنا