الفخيييم
06-09-2009, 09:36 AM
نواصل مع ابداعات حميد00
هبت نسام جيتك00ضوا لحظاتو البكان
زين اركانو00الزمان
فرهد الشوق المضارع
دافرة من كل المواقع
زي مطور هتكت سماها وسيلت ملت المزارع
لهفة الزول الجا راجع
من نخيجو تقول موادع
الفرح في أعين الصابرين دموعو
الهتافات التندد بي عوارضو والتأكد لي رجوعو
والتبدد خوفو 00جوعو
والتجدد بخة الدم في عروقو00وبين ضلوعو
تطرد الهم من جموعو00من خطابن
لافتات أعلام بشابن
موكب العرسان شموعو00الأصابع البي ترابن
الأكف الدم خضابن
لافتات أعلام تهبهب زي صفق
الاناشيد00يشتهنك في سبق
المناديل التلوح والطرح
البنفسج والبراسيم التراقص في مرح
العصافير الملونة في مرايات الفضا
المتكابي تالاك قوس قزح
استحمت غيمة في بحر الأفق
كان دعاش الغيمة بوقة وكانت الرغوة الشفق
جفف اطرافو النسيم00جر بشكيرو الغسق
خت في كف المسا حنة الزمن القديم
قالت الريح العجوز
ما استحت00قالت يجوز
كالصبا ارجع صبية واسري بي عطر العروس
ابري فستانا البياضا00نية الطيب حنين
بي ندم صادق امين
عقبت قالت واتوب
ما أغش الأوكسجين بالأعاصير العبوس الا شان للظلم ادوس
آه يا عشمي الحزين00لو ترجعني السنين
باركنها نسمتين00باختن بالا الرزين
آجرنها في اللي راح00وطيبن نزف الجراح
وعمدنها ريح صلاح00من طرف شق الصباح
قاطعنها نجمتين00يمة عقبالنا00ومتين
من زفاف الغيمة وين00ونحن نشرق مرتين
انتشي العشب الصغير00وتاوق القمرة
التغيربين ضفاير تمرتين
وخف يتصنت مزارع00
دخلة المطر الموله او زفافو علي الشوارع
وحم القمح اليراهق في المتر00جبد شتولو
نور القش في المراتع
نورت كل الخمائل00السحر فوق راسو جايل
زي تخاليل الاصابيع00بين سبيب محبوبة طالع ومرة نازل
زي رسائل بينو بين الجاي راجع00لي حصاد العمر شايل
ضوا في كل النفوس00حب تحت كل الشرائع والشعائر والطقوس
جمة العشق المضاجع00حتي اصوات الضفادع
سن حنجرة المغني في قلب زولو الحجر00العنيد الما مطاوع
ضحي من اجلو وصبر00صبر زمانات التدني والمناحات التجني
سن حنجرتو المغني00وغني غاية ما انفجر
شاحب الليل الألق00الفجر فرهد بهر
جديد الفرحة يادابو انعتق00فك قيد جرحو ونتق
لي جواد شوقو انطلق00قولب الضل والصقايع
الوجود قدامو رايع00خالي من صرمة وفجائع
العصافير التطالع في كتاب الصبح طالع
الندي في سرابو ناقع00الزهر يا دابو فاقع
انطلق للحلة شافع00شال بشارة يوم جميل
الفراشات للأصيل00والبنفسج للشفق
املو عينيكم غميد00يا مجاريح لا أرق
ضمو لي ليلكم شديد00ضمو بي عد ما وسق
لا تجموها السيوف00لا ترموها الدرق
المطيرة الفي وشيكم00هب نساما وبرق
ماها بالساهل تجيكم الا بالدم00بالعرق
يا مطر يا نار حبابك
خدر القصب المعوبس بلل التعب التشابك
روحنا شبت بالقضية وتاوقت برقك سحابك
أيوة يا مطر الغلابة المن زمن صابر ترابك
والقلوب عشرق سرابك00
هبت نسام جيتك00ضوا لحظاتو البكان
زين اركانو00الزمان
فرهد الشوق المضارع
دافرة من كل المواقع
زي مطور هتكت سماها وسيلت ملت المزارع
لهفة الزول الجا راجع
من نخيجو تقول موادع
الفرح في أعين الصابرين دموعو
الهتافات التندد بي عوارضو والتأكد لي رجوعو
والتبدد خوفو 00جوعو
والتجدد بخة الدم في عروقو00وبين ضلوعو
تطرد الهم من جموعو00من خطابن
لافتات أعلام بشابن
موكب العرسان شموعو00الأصابع البي ترابن
الأكف الدم خضابن
لافتات أعلام تهبهب زي صفق
الاناشيد00يشتهنك في سبق
المناديل التلوح والطرح
البنفسج والبراسيم التراقص في مرح
العصافير الملونة في مرايات الفضا
المتكابي تالاك قوس قزح
استحمت غيمة في بحر الأفق
كان دعاش الغيمة بوقة وكانت الرغوة الشفق
جفف اطرافو النسيم00جر بشكيرو الغسق
خت في كف المسا حنة الزمن القديم
قالت الريح العجوز
ما استحت00قالت يجوز
كالصبا ارجع صبية واسري بي عطر العروس
ابري فستانا البياضا00نية الطيب حنين
بي ندم صادق امين
عقبت قالت واتوب
ما أغش الأوكسجين بالأعاصير العبوس الا شان للظلم ادوس
آه يا عشمي الحزين00لو ترجعني السنين
باركنها نسمتين00باختن بالا الرزين
آجرنها في اللي راح00وطيبن نزف الجراح
وعمدنها ريح صلاح00من طرف شق الصباح
قاطعنها نجمتين00يمة عقبالنا00ومتين
من زفاف الغيمة وين00ونحن نشرق مرتين
انتشي العشب الصغير00وتاوق القمرة
التغيربين ضفاير تمرتين
وخف يتصنت مزارع00
دخلة المطر الموله او زفافو علي الشوارع
وحم القمح اليراهق في المتر00جبد شتولو
نور القش في المراتع
نورت كل الخمائل00السحر فوق راسو جايل
زي تخاليل الاصابيع00بين سبيب محبوبة طالع ومرة نازل
زي رسائل بينو بين الجاي راجع00لي حصاد العمر شايل
ضوا في كل النفوس00حب تحت كل الشرائع والشعائر والطقوس
جمة العشق المضاجع00حتي اصوات الضفادع
سن حنجرة المغني في قلب زولو الحجر00العنيد الما مطاوع
ضحي من اجلو وصبر00صبر زمانات التدني والمناحات التجني
سن حنجرتو المغني00وغني غاية ما انفجر
شاحب الليل الألق00الفجر فرهد بهر
جديد الفرحة يادابو انعتق00فك قيد جرحو ونتق
لي جواد شوقو انطلق00قولب الضل والصقايع
الوجود قدامو رايع00خالي من صرمة وفجائع
العصافير التطالع في كتاب الصبح طالع
الندي في سرابو ناقع00الزهر يا دابو فاقع
انطلق للحلة شافع00شال بشارة يوم جميل
الفراشات للأصيل00والبنفسج للشفق
املو عينيكم غميد00يا مجاريح لا أرق
ضمو لي ليلكم شديد00ضمو بي عد ما وسق
لا تجموها السيوف00لا ترموها الدرق
المطيرة الفي وشيكم00هب نساما وبرق
ماها بالساهل تجيكم الا بالدم00بالعرق
يا مطر يا نار حبابك
خدر القصب المعوبس بلل التعب التشابك
روحنا شبت بالقضية وتاوقت برقك سحابك
أيوة يا مطر الغلابة المن زمن صابر ترابك
والقلوب عشرق سرابك00