المساعد الشخصي الرقمي

مشاهدة النسخة كاملة : منتخبنا .. يخسر بهدفي اسيان ومونتاري حتى الان



ايمن عبد الله
06-09-2009, 09:42 AM
لو فلحت يا قسطنطين ..


المنتخب حتى الان خاسر بهدفين ..

اسيان ..

مونتاري ..


وعمنا قسطنطين لاعب لي بي ناس كرنقووو ..


والله جنس هزل ..

وانا متاكد حساب مافي ..

ولا ح يكون ...


لك الله يا سودان ..

ايمن عبد الله
06-09-2009, 09:46 AM
الغريبة الرشيد بدوي عبيد بقول يلا يا شباب نرجع بسرعة عشان الاهداف ما تتضاعف .. وما تزيد ..

يعني قنع كلو كلو من التعادل .. بالله دي روح دي ..


عموماً الباقي خمسة دقايق .. وزي ما قال الرشيد ان شاء الله تنتهي كده ..


حبتين في امدرمان .. وحبتين في اكرا

مبروك لغانا التاهل لكاس العالم مبكراً ..

املنا في الصعود لانقولا انه مالي تغلب بنين في بنين .. عشان لو غلبنا بنين نتاهل لانقولا


والله غالب ..

ايمن عبد الله
06-09-2009, 09:58 AM
إنتهت المباراة .. بتأهل غانا للنهائي العالمي .. وزيادة احباطات الكورة السودانية ..


2 غانا .. صفر السودان ..

ايمن عبد الله
06-09-2009, 10:11 AM
وحتى الان مالي متعادلة مع بنين بهدف لكل ..

نتيجة تصب في غير مصلحة السودان ..

نضيعها ونفتش ليها عند غيرنا ..

بورتبيل
06-09-2009, 11:20 AM
لا عزاء للوطن

وانا ما بشجع المنتخب الوطني

وقلتها زماااااااااااااان وتاني بقولها ..!!

منتخب بالطريقة دي ما بشجعوا لو تجي السماوات

بورتبيل
06-09-2009, 11:24 AM
اسف اخونا ايمن

كل عام وانت بخير ( الجو في الشرقية عندكم كيف ) احتمال اجي العيد في الجبيل

كل عام وانت بخير .. ويوم الجمعة بل راسك ساي يا با

ايمن عبد الله
06-09-2009, 11:50 AM
لا عزاء للوطن

وانا ما بشجع المنتخب الوطني

وقلتها زماااااااااااااان وتاني بقولها ..!!

منتخب بالطريقة دي ما بشجعوا لو تجي السماوات


والله ريحت نفسك شديد يا بورتبيل ..

ايمن عبد الله
06-09-2009, 11:52 AM
اسف اخونا ايمن

كل عام وانت بخير ( الجو في الشرقية عندكم كيف ) احتمال اجي العيد في الجبيل

كل عام وانت بخير .. ويوم الجمعة بل راسك ساي يا با


وانت بخير .. وتصوم وتفطر على خير


الجو : والله بدأ يتصلح .. والرطوبة زالت .. والحمد لله ..


انا رأسي هين لكن صلعة روبش دي الموية ما بتمسكها ..

ايمن عبد الله
06-09-2009, 12:00 PM
انتهت مباراة مالي وبنين بالتعادل 1-1

وبذلك اصبحت المجموعة كالاتي :

غانا .. 12 نقطة .. ولها مباراتين مع مالي في غانا .. ومع بنين في بنين ..

مالي 5 نقاط .. ولها مبارتين مع السودان في مالي .. ومع غانا في غانا ..

بنين 4 نقاط ولها مباراتين مع السودان في امدرمان .. ومع غانا في بنين ..

السودان بنقطة .. نالها من تعادل وحيد في امدرمان مع مالي وتبقت للسودان مباراتين الاولى ضد مالي في مالي والثانية ضد بنين في امدرمان ..

ونجد ان منتخب بنين الذي ينافسنا في الصعود لنهائيات انقولا يحتاج فقط للتعادل امام غانا في بنين ليتأهل واظن ان الامر ليس صعباً على منتخب يلعب في ارضه وبين جماهيره ..

امل السودان ينحصر في ..:

ان يفوز على بنين في الخرطوم بفارق هدفين .

وان تفوز غانا على بنين .. بأي عدد من الاهداف .

وخم وصر يا شداد ويا قسطنطين .. الجايات اكثر من الرايحات .. ودي راحت عليكم تب ..

ايمن عبد الله
06-09-2009, 12:49 PM
ومن نتائج التصفيات اليوم ..

فوز موزمبيق على كينيا 2/1

تعادل توغو والمغرب 1/1

تعادل تونس ونيجريا 2/2

وتجري الان مباراة الجزائر وزامبيا .. نتيجتها حتى الان التعادل صفر / صفر

ABUZAID
06-09-2009, 02:00 PM
الغريبة الرشيد بدوي عبيد بقول يلا يا شباب نرجع بسرعة عشان الاهداف ما تتضاعف .. وما تزيد ..

يعني قنع كلو كلو من التعادل ..








الاخ الغالي - ايمن عبد الله

الراجل عاقل وعارف المنتخب وخرابو
وخايف من الفضايح

بالله يعمل شنو الغلبان على امرو ؟ ؟ ؟ ؟

روبش
06-09-2009, 08:52 PM
يا ايمن ما قلنا بطل نقل .. اها كجيت السودان بنقلك ده واتهزم
اقول طبعا اكيد بتنقل مباراة 11 سبتمبر ..


تخريمه : ايمن عليك الله حافظ النشيد الوطني .. ولا زي طمبل

الجندي المجهول
07-09-2009, 03:14 AM
يا ايمن ما قلنا بطل نقل .. اها كجيت السودان بنقلك ده واتهزم
اقول طبعا اكيد بتنقل مباراة 11 سبتمبر ..


تخريمه : ايمن عليك الله حافظ النشيد الوطني .. ولا زي طمبل

رمضاااااااان كريم

بالله عليك هو الفريق القومي عاوز ليهو كج -- نتكلم بالمنطق هو الفريق لو مشى تامي ومعاهو كل الناس الموجودة ومتعشمين يجيبو لينا نتيجة ما اظن كان يقدروا يجيبوها من غانا ( داخل غانا ) بسبب بسيط ليس لان غانا قوية ( وهذه لا جدال فيها ) شيلسي وبرشلونة واوروبا وما ادراك -- عارف السبب البسيط شنو ( نحن نفتقد لثقافة الفوز خارج الارض) وتحياتي للجميع خاصة شداد وقس طن طين ( وا اسفااااي )

بورتبيل
07-09-2009, 03:24 AM
انا رأسي هين لكن صلعة روبش دي الموية ما بتمسكها ..

:d:d:d





تخريمه : ايمن عليك الله حافظ النشيد الوطني .. ولا زي طمبل

:d:d:d القوية ياتا الفوق ولا التحت ..

كتلتونا من الضحك

ايمن عبد الله
07-09-2009, 10:26 AM
الاخ الغالي - ايمن عبد الله

الراجل عاقل وعارف المنتخب وخرابو
وخايف من الفضايح

بالله يعمل شنو الغلبان على امرو ؟ ؟ ؟ ؟

:p:D:p:D


رحم الله امرئٍ عرف قدر نفسه ..

ايمن عبد الله
07-09-2009, 10:27 AM
يا ايمن ما قلنا بطل نقل .. اها كجيت السودان بنقلك ده واتهزم
اقول طبعا اكيد بتنقل مباراة 11 سبتمبر ..


تخريمه : ايمن عليك الله حافظ النشيد الوطني .. ولا زي طمبل

زي اللفة حقتو

ايمن عبد الله
07-09-2009, 10:28 AM
رمضاااااااان كريم

بالله عليك هو الفريق القومي عاوز ليهو كج -- نتكلم بالمنطق هو الفريق لو مشى تامي ومعاهو كل الناس الموجودة ومتعشمين يجيبو لينا نتيجة ما اظن كان يقدروا يجيبوها من غانا ( داخل غانا ) بسبب بسيط ليس لان غانا قوية ( وهذه لا جدال فيها ) شيلسي وبرشلونة واوروبا وما ادراك -- عارف السبب البسيط شنو ( نحن نفتقد لثقافة الفوز خارج الارض) وتحياتي للجميع خاصة شداد وقس طن طين ( وا اسفااااي )


ده مانقل يا الجندي ..

كل سنة وانت طيب .. تصوم وتفطر على خير ..

انا كتبت البوست والمباراة باقي ليها خمسة دقايق بس ..


وين انت يا راجل .. ؟

ايمن عبد الله
07-09-2009, 10:32 AM
وتحياتي للجميع خاصة شداد وقس طن طين ( وا اسفااااي )

والله عشرين طن طين مش طن واحد :p:D

ايمن عبد الله
07-09-2009, 10:33 AM
:d:d:d



:d:d:d القوية ياتا الفوق ولا التحت ..

كتلتونا من الضحك

الله يطول لينا في عمرك يا بورتبيل ..

القوية حقتي طبعاً اكيد