عباس الدسيس
09-09-2009, 12:19 AM
الشاعر حافظ ابراهيم شاعر النيل رجل بفتش النكته بطريقه ساخره قالوا كان مره بداعب امير الشعراء احمد شوقي ومعروف عن امير الشعراء الرزانه الراجل عايز اطلعوا منها شويه يعني ارفع كثافتوا فانشد هذا البيت:
يقولون إن الشوق نار ولوعة
................... فما بال شوقي اصبح اليوم باردا
فرد عليه احمد شوقي
بأبيات قارصة قال في نهايتها
أودعت إنسانا وكلبا وديعة
..................... فضيعها الإنسان والكلب حافظ
ايضا الاديب الساخر عبدالعزيز البشري كان في زيارة لحافظ ابراهيم وجد حافظ جالس في حديقته الخارجيه قال لي حافظ شفتك من بعيد اتصورتك واحده ست حافظ قال ليهوا والله يا خوي الظاهر انو نظرنا الاثنين ضعف ، انا كمان شفتك وانت جاي افتكرتك راجل والله.
اختنا شقيقتنا عزيزه لدينا في زيارة لنا بمدينة الرياض بعد اداء فريضة العمره مع زوجها وهي انسانه ساخره بطريقه جارحه وبتاعت مداعبات زي حافظ ابراهيم يعني بالدراجي عشان تضحكك الواحد الكز ليها الكلام واديها بداية المواضيع...... ومع اجواء رمضان هنالك تنافس بين القنوات السودانية في مجال الدراما وفي الفترات الاخيره عند المشاهده التلفزيونية اصبحت انا من مدمني مشاهده الدراما السودانية بالرغم من ضعفها في جميع النواحي وفقرها للحوار الجيد كما ان الممثل السوداني اديك احساس انو بمثل وبقرأ في الحوار قرايه يعني زي الطالب البسمع في قصيده لاكن بالرغم من ذلك اصبحت من هواة مشاهدة الدراما السودانية لسبب قد مللت الدراما العربية والمسلسلات العربية الشبه مكرره ممكن تقول نوع من التغيير.
كانت في تمثيليه باختصار تحكي عن زوج ارتبط باعمال مع واحده محامية وهو متزوج ولديه ابناء دخل في حالة غراميه مع المحاميه عايز ازوجا تكون مثني الزوجه القديمه رافضه الكلام ده ووالدها مع زوجها بحاول اقنع في البت بالموافقه علي زواج زوجها والمشكله المحامية طلعت زميلة الزوجه في الجامعه يعني الموضوع مشربك وصعب.... الزوج في النهاية زهج لغي حكاية الزواج دي كتب مذكرة صغيرة لي زوجتوا يوضح ليها الغاء الفكره وارفق ليها كتاب سيد قطب عن تعدد الزوجات .
والنهاية كانت سعيده كحال المسلسلات والتمثيليات السودانية الزوجه وافقت علي زواج زوجها بعد اطلعت علي الكتاب وسمعت كلام والدها مشت خطبت لي زوحها وقسمت البيت ما عدا المطبخ قالت ليها ناكل سواء لحدي هنا الموضوع انتهي قلت لي اختي زوجها طبعا قاعد معانا..... والله لاكن السودانيين بقوا ممثلين تمام انا كل يوم بحضر ساعة دراما دي .....
قالت لي ياخي قوم لف بالله انت ما عندك شغله ده تمثيل حسي الراجل اقول لي بتوا خلي زوجك اتزوج عشان ما اتحرف .... ما اتحرف اصلوا هو مراهق دي طريقة حوار.. ومن المبالغات الزوجه تمشي تخطب لي زوجها.... دي حكاية غريبة قلبوا فيها هوبه عديل كده....... هي تربي في الاولاد شايله البيت زوجها اطلع ليها بي حكاية الزواج دي تمشي تخطب ليهوا او كمان تقسم ليها البيت وتقول ليها ناكل سواء تاكل السم الإهرد قلبها بعدين حكاية كتاب سيد قطب دي انا قريتوا كم مره ما سبب عشان اخلي الواحده في لحظه توافق علي زواج زوجها بالسرعه دي...... انا بعاين لي كلاما عايز اخش في النقاش معاها في اللحظه السعيده دي تدخل زوجها قال ليها في الكلام الفات داك كلوا ما قلنا حاجه بنعاين ليك بس..... وكلامك في الدراما بغض النظر عن المحتوي.... لاكن حكاية كتاب سيد قطب دي والكلام عن تعدد الزوجات دي ما بنسمح ليك تتكلمي فيها كده ........
قالت ليهوا عباس ده خليهوا اها انت عايز تتكلم او تتدخل بالعرض عشان اجيك من الاخر بدون غض نظر وعمي نظر... ما سمعته بي حكاية الكويت حي الجهراء المرا اتزوج راجلا حرقت الخيمه والنسوان ماتو ..... قال ليها اعوذ بالله
قالت ليهوا انا بحرق حي عوضه كلوا في مدني ما خيمة.
طبعا زوجها من عوضه بمدني وصديق عزيز لدينا قبل الزواج
يقولون إن الشوق نار ولوعة
................... فما بال شوقي اصبح اليوم باردا
فرد عليه احمد شوقي
بأبيات قارصة قال في نهايتها
أودعت إنسانا وكلبا وديعة
..................... فضيعها الإنسان والكلب حافظ
ايضا الاديب الساخر عبدالعزيز البشري كان في زيارة لحافظ ابراهيم وجد حافظ جالس في حديقته الخارجيه قال لي حافظ شفتك من بعيد اتصورتك واحده ست حافظ قال ليهوا والله يا خوي الظاهر انو نظرنا الاثنين ضعف ، انا كمان شفتك وانت جاي افتكرتك راجل والله.
اختنا شقيقتنا عزيزه لدينا في زيارة لنا بمدينة الرياض بعد اداء فريضة العمره مع زوجها وهي انسانه ساخره بطريقه جارحه وبتاعت مداعبات زي حافظ ابراهيم يعني بالدراجي عشان تضحكك الواحد الكز ليها الكلام واديها بداية المواضيع...... ومع اجواء رمضان هنالك تنافس بين القنوات السودانية في مجال الدراما وفي الفترات الاخيره عند المشاهده التلفزيونية اصبحت انا من مدمني مشاهده الدراما السودانية بالرغم من ضعفها في جميع النواحي وفقرها للحوار الجيد كما ان الممثل السوداني اديك احساس انو بمثل وبقرأ في الحوار قرايه يعني زي الطالب البسمع في قصيده لاكن بالرغم من ذلك اصبحت من هواة مشاهدة الدراما السودانية لسبب قد مللت الدراما العربية والمسلسلات العربية الشبه مكرره ممكن تقول نوع من التغيير.
كانت في تمثيليه باختصار تحكي عن زوج ارتبط باعمال مع واحده محامية وهو متزوج ولديه ابناء دخل في حالة غراميه مع المحاميه عايز ازوجا تكون مثني الزوجه القديمه رافضه الكلام ده ووالدها مع زوجها بحاول اقنع في البت بالموافقه علي زواج زوجها والمشكله المحامية طلعت زميلة الزوجه في الجامعه يعني الموضوع مشربك وصعب.... الزوج في النهاية زهج لغي حكاية الزواج دي كتب مذكرة صغيرة لي زوجتوا يوضح ليها الغاء الفكره وارفق ليها كتاب سيد قطب عن تعدد الزوجات .
والنهاية كانت سعيده كحال المسلسلات والتمثيليات السودانية الزوجه وافقت علي زواج زوجها بعد اطلعت علي الكتاب وسمعت كلام والدها مشت خطبت لي زوحها وقسمت البيت ما عدا المطبخ قالت ليها ناكل سواء لحدي هنا الموضوع انتهي قلت لي اختي زوجها طبعا قاعد معانا..... والله لاكن السودانيين بقوا ممثلين تمام انا كل يوم بحضر ساعة دراما دي .....
قالت لي ياخي قوم لف بالله انت ما عندك شغله ده تمثيل حسي الراجل اقول لي بتوا خلي زوجك اتزوج عشان ما اتحرف .... ما اتحرف اصلوا هو مراهق دي طريقة حوار.. ومن المبالغات الزوجه تمشي تخطب لي زوجها.... دي حكاية غريبة قلبوا فيها هوبه عديل كده....... هي تربي في الاولاد شايله البيت زوجها اطلع ليها بي حكاية الزواج دي تمشي تخطب ليهوا او كمان تقسم ليها البيت وتقول ليها ناكل سواء تاكل السم الإهرد قلبها بعدين حكاية كتاب سيد قطب دي انا قريتوا كم مره ما سبب عشان اخلي الواحده في لحظه توافق علي زواج زوجها بالسرعه دي...... انا بعاين لي كلاما عايز اخش في النقاش معاها في اللحظه السعيده دي تدخل زوجها قال ليها في الكلام الفات داك كلوا ما قلنا حاجه بنعاين ليك بس..... وكلامك في الدراما بغض النظر عن المحتوي.... لاكن حكاية كتاب سيد قطب دي والكلام عن تعدد الزوجات دي ما بنسمح ليك تتكلمي فيها كده ........
قالت ليهوا عباس ده خليهوا اها انت عايز تتكلم او تتدخل بالعرض عشان اجيك من الاخر بدون غض نظر وعمي نظر... ما سمعته بي حكاية الكويت حي الجهراء المرا اتزوج راجلا حرقت الخيمه والنسوان ماتو ..... قال ليها اعوذ بالله
قالت ليهوا انا بحرق حي عوضه كلوا في مدني ما خيمة.
طبعا زوجها من عوضه بمدني وصديق عزيز لدينا قبل الزواج