محمد الجزولى
10-09-2009, 02:44 AM
توقف به التاكسى فى ذلك المكان الذى اعتاد المجى له كلما ضاق به الحال ... وكلما تاقت نفسه للبحث عن جمال افتقده فى اماكن اخرى كثيره ... ..
ناول سائق التاكسى اجرته على عجل ودلف الى الطريق الذى اعتاد ان يسلكه وهو يدندن باغنيه محببه الى نفسه .... يسبقه الشوق قبل العينين....
عندما اقترب قليلا لفت نظره صيوان كبير نصب على مشارف المكان ...
واصوات بكاء وعويل تتداخل مع صوت سرب من الطيور وهو يعبر مسرعا سماء المنطقه ...
اوجس خيفة فى نفسه ... فهو لا يدرى من الميت ...ومتى مات ... توجه مباشره الى صيوان العزاء .. خلع نعليه بدون اكتراث ثم صاح بطريقه روتينيه
الفاتحه يا جماعه .... الفاتحه !!!!
اتفضل .. اتفضل ... يا ولد جيب مويه بى جاى؟؟؟
كثر خيرك يا اخوى ... حسن الله عزاؤكم !!!!
عزاء الجميع يا اخوى ... يا ولد جيب شاى هنا ...
تطلع يمنة ويسره ... علة يجد من يسأله عن الفقيد ... واسباب الوفاه
لفت نظره نقاش حاد يدور بين اثنين يجلسون بالقرب منه
انت يا حاج اللمين مالك ما بى تجينى فى وفاة الوالد؟؟؟
يا زول حرم انا كنت مسافر ... انت كمان بتلومو معاك يا حاج الخضر!!!
يا زول مسافر شنو ؟؟؟ حرم يوم الوفاه انت كنته قاعد فى الحله دى!!!
اااى اتذكرته والله ... انا سافرت يوم الوفاه ... !!!
يا زول هوى ما تنكر .؟؟؟.. اللوم راكبك راكبك !!!... وحرم تانى كان لاقتنى جنازتك فى الشارع ما بصلى عليها!!!
صلاتك شن بتسوى لى يا اخوى .... الله الغنى منها !!!!
صلى على النبى يا حاج الخضر ... دى ما اصول!!!
يا زلو هوى انت الدخلك شنو؟؟؟ الكلام بينى وبين حاج اللمين ده ... البقى يكذب فى نهار رمضان ده!!!
ابتسم فى سره وهو يرى الصراخ يعلو ويرتفع ... حتى كاد ان يتحول الى اشتباك بالايدى ...
انسحب صاحبنا الى ركن اخر اكثر هدوءا وهو لا يعرف حتى الان من الذى يجلس فى عزاؤه!!
ومتى حدثت وفاته وكيف !!!!
شده حديث يدور بين مجموعه من الشباب استطاع ان يميز وسط صراخهم وشتائمهم انه يتناقشون فى الكوره ... التفت الى اقرب شخص منه وساله:
هو بالمناسبه الغلب امبارح منو ؟؟؟
يا زول غلب شنو ؟؟ هى دايره ليها سؤال ؟؟؟
رد احد الموجودين :
يا زول يسالك نكير ؟؟ انت ما تجاوب على قدر السؤال!!!
يا زول احفظ ادبك ؟؟؟؟ وما تغلط ... !!!
يا اخوى مش المكان ده انا زاتى سايبو ليك ... ومارق ليك من الحله كلها!!!!
قطر عجيب ياخى ....
يالله ... الناس ديل مالهم يا ربى ؟؟؟؟ سأل نفسه باستغراب؟؟
ده بدل يدعو للميت ده ... كل زول يشتم فى الثانى .!!. اللهم استرنا دنيا واخره يا رب.
وقع بصره على شيخ كبير يجلس وحيدا فى اخر الصيوان وبيده سبحه يحرك بها اصابعه وشفتيه تتحرك فى تناغم غريب مع حركات يديه .. تحرك نحوه عله يفيده من هو المتوفى ...
السلام عليكم يا حاج ...
وعليكم السلام ...
البركه فيكم انشاء الله .. هو المات منو يا حاج؟؟؟؟
لم يجبه وانما تشاغل عنه بتحريك حبات السبحه بين يديه
يا حاج المات من ؟؟؟؟؟؟؟؟
يا زول بى تكورك مالك ما سامعنك!!!! انت قايلنى اطرش؟؟؟ حرم بسمع اخير منك...
المات منو طيب؟؟؟؟
مات المنطق .... المنططططططططططططططططططططططططططططططق .. المنطق
ناول سائق التاكسى اجرته على عجل ودلف الى الطريق الذى اعتاد ان يسلكه وهو يدندن باغنيه محببه الى نفسه .... يسبقه الشوق قبل العينين....
عندما اقترب قليلا لفت نظره صيوان كبير نصب على مشارف المكان ...
واصوات بكاء وعويل تتداخل مع صوت سرب من الطيور وهو يعبر مسرعا سماء المنطقه ...
اوجس خيفة فى نفسه ... فهو لا يدرى من الميت ...ومتى مات ... توجه مباشره الى صيوان العزاء .. خلع نعليه بدون اكتراث ثم صاح بطريقه روتينيه
الفاتحه يا جماعه .... الفاتحه !!!!
اتفضل .. اتفضل ... يا ولد جيب مويه بى جاى؟؟؟
كثر خيرك يا اخوى ... حسن الله عزاؤكم !!!!
عزاء الجميع يا اخوى ... يا ولد جيب شاى هنا ...
تطلع يمنة ويسره ... علة يجد من يسأله عن الفقيد ... واسباب الوفاه
لفت نظره نقاش حاد يدور بين اثنين يجلسون بالقرب منه
انت يا حاج اللمين مالك ما بى تجينى فى وفاة الوالد؟؟؟
يا زول حرم انا كنت مسافر ... انت كمان بتلومو معاك يا حاج الخضر!!!
يا زول مسافر شنو ؟؟؟ حرم يوم الوفاه انت كنته قاعد فى الحله دى!!!
اااى اتذكرته والله ... انا سافرت يوم الوفاه ... !!!
يا زول هوى ما تنكر .؟؟؟.. اللوم راكبك راكبك !!!... وحرم تانى كان لاقتنى جنازتك فى الشارع ما بصلى عليها!!!
صلاتك شن بتسوى لى يا اخوى .... الله الغنى منها !!!!
صلى على النبى يا حاج الخضر ... دى ما اصول!!!
يا زلو هوى انت الدخلك شنو؟؟؟ الكلام بينى وبين حاج اللمين ده ... البقى يكذب فى نهار رمضان ده!!!
ابتسم فى سره وهو يرى الصراخ يعلو ويرتفع ... حتى كاد ان يتحول الى اشتباك بالايدى ...
انسحب صاحبنا الى ركن اخر اكثر هدوءا وهو لا يعرف حتى الان من الذى يجلس فى عزاؤه!!
ومتى حدثت وفاته وكيف !!!!
شده حديث يدور بين مجموعه من الشباب استطاع ان يميز وسط صراخهم وشتائمهم انه يتناقشون فى الكوره ... التفت الى اقرب شخص منه وساله:
هو بالمناسبه الغلب امبارح منو ؟؟؟
يا زول غلب شنو ؟؟ هى دايره ليها سؤال ؟؟؟
رد احد الموجودين :
يا زول يسالك نكير ؟؟ انت ما تجاوب على قدر السؤال!!!
يا زول احفظ ادبك ؟؟؟؟ وما تغلط ... !!!
يا اخوى مش المكان ده انا زاتى سايبو ليك ... ومارق ليك من الحله كلها!!!!
قطر عجيب ياخى ....
يالله ... الناس ديل مالهم يا ربى ؟؟؟؟ سأل نفسه باستغراب؟؟
ده بدل يدعو للميت ده ... كل زول يشتم فى الثانى .!!. اللهم استرنا دنيا واخره يا رب.
وقع بصره على شيخ كبير يجلس وحيدا فى اخر الصيوان وبيده سبحه يحرك بها اصابعه وشفتيه تتحرك فى تناغم غريب مع حركات يديه .. تحرك نحوه عله يفيده من هو المتوفى ...
السلام عليكم يا حاج ...
وعليكم السلام ...
البركه فيكم انشاء الله .. هو المات منو يا حاج؟؟؟؟
لم يجبه وانما تشاغل عنه بتحريك حبات السبحه بين يديه
يا حاج المات من ؟؟؟؟؟؟؟؟
يا زول بى تكورك مالك ما سامعنك!!!! انت قايلنى اطرش؟؟؟ حرم بسمع اخير منك...
المات منو طيب؟؟؟؟
مات المنطق .... المنططططططططططططططططططططططططططططططق .. المنطق