بعض من باعوض

[درديري كباشي]

بعض من بعوض
- طننننننننننننننننننننننننننننن طننننننننننننننننننننننننننننننننن
- شنو يا ابو الشباب ما تنزل تورينا مبسوط كدا مالك
- طنننننننننننننننننننننننننننننننن طننننننننننننننننننننننننننننننن
- دا منو دا البغني وفرحان دا عامل لينا ازعاج .
- دا ولدك نيمو قدر ما قلنا ليه انزل ورينا الحاصل شنو لافي في راسنا ويغني
- ولد يا نيمو ما تنزل توري اخوانك شنو المفرحك كدا ..
- يا يمه ما في حاجة بس في جماعة مغتربين جو اجازة ... تعرفي انا ما كنت عارف يا ريتني كنت عارف .. نزلت لي في .. واحد منهم يمين اول جغمتين لامن حسيت براسي لف طعم زي الحلم .. هو نحن القعد نشرب فيه كل يوم دا كان دم ... في الجماعة النشفانين ودمهم كله موية فول ..
- طيب يا نيمو والجماعة ديل المغتربين ما قالوا قعد يجيبوا معاهم نا موسيات يعني ما بتلقى طريقه فيهم ..
- طيب الناموسيات عايزين يلبسوها ويحومو ما بيدخلوا فيها وقت النوم بس .
- تقصد انه انت بتهاجمهم بنص النهار ..
- ومال شنو عاوز تلاقي الدماء الطازجة دي كيف ما سمعت بالمثل البيقول يفوز باللذات كل مغامر جسور ..
- يعني ما بتخاف واحد يخبطك ولا حاجة ..
- هو الحا يخبطك منو ؟؟؟.. شفع المغتربين ديل ما عارفين الفرق بين الباعوض والذباب الواحد بعد ما ترك في جسمه وتطعنه وتشرب وتقرطع تطير حتن بعد داك يادوب يبدا يكرش في جسمه .. وبعدين شنو اجسام هشه زي الورد يعني ما عايزين مجهود ..مش زي الجماعة الناشفين بتاعين موية الفول ديل ..
- يا زول اسكت ساي ولو على الفول ماكويس ديل حتى دم ماعندهم قبل يومين كنت متعشي في بيت عزابه .. يمين واحد فيهم لامن جاب لي لوز .. يا خي قدر ما امص واجبد يا دوب طلعت لي منه بجغمتين ما يبلن الريق .. الا في النهاية لقيت لي واحد رويان شويه كدا اظنه ضيف كملت منه عشاي ..
- وكمان يقولو ليك نحن بننقل ليهم الملاريا هم الجايبين لينا اللوز والبلاوي
- انت في دا ولا مره غشيت لي مدرسة لقيت الاستاذ بيدرس في التلاميذ عننا نحن يعني عن الباعوض .. وقال الاستاذ شنو انه ذكر الباعوض يتغذا على رحيق الازهار .. وانثى الانوفلس هي فقط التي تتغذا على دماء البني ادم وتنقل الملاريا ..
- يا ابو الشباب خليهم عايشين على كدا ازهار شنو هو هسع في ازهار عشان تعرف البشر ما عنهدم راس كيف ..
- اهاا اليلة السهره كيف الخميس دا ما عايزين لينا حاجة كاربة كدا بس اوعى تودينا لجماعتك المدنين ديك .. يا خي المره الفاتت شربت لي جغمتين من واحد لامن ما قدرت اطير ... عازين لينا ناس شغلهم كدا على خفيف ..
- ابشر في جماعة كدا جدد اظنهم موظفين بنك سكنوا في الميز الفي بلاعتنا دا .. الليلة عندهم قعدة وجايبين حاجات كدا راقية ..
- لكن قبل ما نمشي القعدة لازم نغشى جماعتك المغتربين ديل نتعشى لينا عشوة محترمة زمن ما اكلنا لينا لقمة نضيفة ياخ ..
- ابشر انا كنت عاوز نخليهم في النهاية نمزمز بيهم لكن على رايك يمكن يدخلوا الناموسية احسن نضمن عشانا .. وبعدين يمكن الشربة تكون قوية وانت عارف الشغلانة ديك مع الجوع ما بتنفع .. ولا ما كدا يا ابو الشباب
- يتبع

[أشرف صلاح السعيد]

الحمدلله فاطرين..
مبالغة لكن ..بس العزابة ديل ياربى جايبين شنو؟؟؟
والبعوضة الهبلا الجاها لوز دى يعنى ماشايفا زولك زى العونكوليب "بالله الاختراع دا لسه موجود؟"..كان يمشى لناس المراسيم والله جنس عشا يلاقى ولا يمشى للناس البقعدو فى الصالون الكبير داك وكلو واحد فى رقم فى كرسيو..المغتربين ديل شهر بالكتير وبرجعو لازم يكون عندهم خطة استراتيجية يكملو بيها السنة ولا ياربى البعوض ديل عكس البشر يضربو شهر ويصومو الحداشر؟
والله انا زاتى كنت شاكك فى حكاية انثى وذكر ..هو شنو كل الناموس الفى السودان دا جكس؟
ابوالدر انا وراك وفى خطراتك وين ماتلف يامبدعنا..

مجرد سوعال:
عرفت المواضيع ديك بتدور فرشة كيف؟؟؟؟؟

[درديري كباشي]

الحمدلله فاطرين..
مبالغة لكن ..بس العزابة ديل ياربى جايبين شنو؟؟؟
والبعوضة الهبلا الجاها لوز دى يعنى ماشايفا زولك زى العونكوليب "بالله الاختراع دا لسه موجود؟"..كان يمشى لناس المراسيم والله جنس عشا يلاقى ولا يمشى للناس البقعدو فى الصالون الكبير داك وكلو واحد فى رقم فى كرسيو..المغتربين ديل شهر بالكتير وبرجعو لازم يكون عندهم خطة استراتيجية يكملو بيها السنة ولا ياربى البعوض ديل عكس البشر يضربو شهر ويصومو الحداشر؟
والله انا زاتى كنت شاكك فى حكاية انثى وذكر ..هو شنو كل الناموس الفى السودان دا جكس؟
ابوالدر انا وراك وفى خطراتك وين ماتلف يامبدعنا..

مجرد سوعال:
عرفت المواضيع ديك بتدور فرشة كيف؟؟؟؟؟

عارف الموضوع دا جا حيجيبك وعارفه حا يجر في ياتو اتجاه ..

تعرف اتصلت ياولادي في السودان قالوا دا قشاهم ملاريا

اها قلت الليلة الباعوضة دي الا افضحها واالب عليها الراي الجماعي للمغتربين .. يمكن يتبرعوا ولا يساهموا في حملة ضد الباعوض ..( هسع الجاب سيرة الفرشة منو؟؟؟؟)

[الملكة اسماء ( ام محمد )]

- يا زول اسكت ساي ولو على الفول ماكويس ديل حتى دم ماعندهم قبل يومين كنت متعشي في بيت عزابه .. يمين واحد فيهم لامن جاب لي لوز .. يا خي قدر ما امص واجبد يا دوب طلعت لي منه بجغمتين ما يبلن الريق ..






يعني في احتمال انه البعوضه وطفيلي الملاريا بعد ماعملوا مقاومة لمعظم المبيدات والادوية يعملوا مؤتمرات تمنع دخول البعوض لبيوت العزابة بسبب انتشار اللوز والامراض التي يسببها دم اكلي الفول؟ :p



استاذي درديري

متفرد بسردك لصور واقعنا الغريب
حتى البعوضه اظنها كما ذكرت تميز دماء المغتربين من غيرهم بدليل انه ( الواحد من يمشي السودان لمن يجي بكون في حالة _ هرش ):p





والعجب الهجوم الفي وضح النهار كمان

دا بالذات بحس فيه بان البعوضه بقت ( حاقدة ) ولقت انه المفروض تضمن الوجبة قبل الليل والمراوح والناموسيات





دائما يراودني سؤال : منشئة عملاقة من اجل ( دحر الملاريا ) ولايزال السودان يعاني الامرين منها .. هل ياترى السبب هو عدم التكامل بين دور المواطن ولجنة المكافحة في القضاء على المسبب ام انها تقاوم كل الحروب ضدها لحكمة يعلمها الله ؟




واصل

ونحن معاك مواصلين

[درديري كباشي]

يعني في احتمال انه البعوضه وطفيلي الملاريا بعد ماعملوا مقاومة لمعظم المبيدات والادوية يعملوا مؤتمرات تمنع دخول البعوض لبيوت العزابة بسبب انتشار اللوز والامراض التي يسببها دم اكلي الفول؟ :p



استاذي درديري

متفرد بسردك لصور واقعنا الغريب
حتى البعوضه اظنها كما ذكرت تميز دماء المغتربين من غيرهم بدليل انه ( الواحد من يمشي السودان لمن يجي بكون في حالة _ هرش ):p





والعجب الهجوم الفي وضح النهار كمان

دا بالذات بحس فيه بان البعوضه بقت ( حاقدة ) ولقت انه المفروض تضمن الوجبة قبل الليل والمراوح والناموسيات





دائما يراودني سؤال : منشئة عملاقة من اجل ( دحر الملاريا ) ولايزال السودان يعاني الامرين منها .. هل ياترى السبب هو عدم التكامل بين دور المواطن ولجنة المكافحة في القضاء على المسبب ام انها تقاوم كل الحروب ضدها لحكمة يعلمها الله ؟




واصل

ونحن معاك مواصلين


سلام يا دكتوره ..حضورك محطة تستحق الوقوف عندها في كل مره ..
في سؤال فرض نفسه لماذا .. عندما ينزل المغتربون يصابون بالملاريا في حين انه اهل البيت الاصلا موجودين لا يكون عندهم ملاريا .

حا ولت اجد اجابة لهذا السؤال من ناحية نظر البعوض .. وافترضت انه البعوض اصبح انتقائي جدا .. يميز بين الضيف النضر المتغذي تماما وبين بن البلد الشبه مصاب بانيميا .. يمكن هذا التحليل يفسر الظاهرة .

[أشرف صلاح السعيد]

سلام يا دكتوره ..حضورك محطة تستحق الوقوف عندها في كل مره ..
في سؤال فرض نفسه لماذا .. عندما ينزل المغتربون يصابون بالملاريا في حين انه اهل البيت الاصلا موجودين لا يكون عندهم ملاريا .

حا ولت اجد اجابة لهذا السؤال من ناحية نظر البعوض .. وافترضت انه البعوض اصبح انتقائي جدا .. يميز بين الضيف النضر المتغذي تماما وبين بن البلد الشبه مصاب بانيميا .. يمكن هذا التحليل يفسر الظاهرة .

تعرف ياابوالدر هناك نوعين من الملاريا..
الملاريا الحميدة "وهى لا حميدة ولا يحزنون" بس بسموها كدا لانها بتتحوصل فى الكبد وتقدر تقول الزول البيكون عندو النوع دا حامل ليها ومابتظهر اعراض الملاريا عليو الا اذا جسمو قلة مقاومتو من سوء غذاء او اجهاد..والنوع دا بعينة الدم مابيظهر علشان كدا المصابين بيهو بيكونو تعبانين معاو لانو العينات بتطلع سالبة ودا تقريبا كلنا فى مدنى عندنا بس سمح الاغتراب والتفاح والرقاد.
النوع التانى بيسموها الملاريا الخبيثة ودى بتكون ظاهرة فى التحليل للدم لانها بتكون فيو ومافى الكبد..
كيف بالله عليك ماود الفار حفار حكيم ابوى اختصاصى فى امراض المناطق الحارة..يعنى العندو مشكلة يجى ومعاهو البنديرة خلونا النختصر سنينا..ههههههههههه

[درديري كباشي]

تعرف ياابوالدر هناك نوعين من الملاريا..
الملاريا الحميدة "وهى لا حميدة ولا يحزنون" بس بسموها كدا لانها بتتحوصل فى الكبد وتقدر تقول الزول البيكون عندو النوع دا حامل ليها ومابتظهر اعراض الملاريا عليو الا اذا جسمو قلة مقاومتو من سوء غذاء او اجهاد..والنوع دا بعينة الدم مابيظهر علشان كدا المصابين بيهو بيكونو تعبانين معاو لانو العينات بتطلع سالبة ودا تقريبا كلنا فى مدنى عندنا بس سمح الاغتراب والتفاح والرقاد.
النوع التانى بيسموها الملاريا الخبيثة ودى بتكون ظاهرة فى التحليل للدم لانها بتكون فيو ومافى الكبد..
كيف بالله عليك ماود الفار حفار حكيم ابوى اختصاصى فى امراض المناطق الحارة..يعنى العندو مشكلة يجى ومعاهو البنديرة خلونا النختصر سنينا..ههههههههههه

اها قلت لي كدا يا ود الدكتور .. يعني الوالد بتاع ملاريات وكدا ...

طيب انت البقاك بتاع اسمنت شنو ؟؟ ماكان قريت طب هسه ما كان نفعتنا ونفعت روحك .. عارفنا نحن ماعندنا قدرة على البنا بس عندنا قدره على المرض

[ابوخالد]

ما قلنا ليك بى هناك ..

سيد الرايحة يقلب النملة ويفتش تحتا ...

طنشتنا ساااااااااااااااااى

لكن يا أخوى الظاهر مترجمى خططططططططططططير

وإحساسى عمره ما يخيب ...

يعنى البعوض هو الهيج مشاعرك ...

ما طبعآ فاتح خط مباشر مع كسلا ...

لكن أقول ليك بركة الجيت ... بركة الجيت آآآآآآآآآآآآآآآآآآى

وحمدلله ألف على السلامة ....

والله العام من غيرك ضلمة .....

البعوض عملنا صفايات ....



وما تقول لى سبب سُقدك

البعوض ... أها الليلة حتنوم كيف ...

سلامى لكل من يهواه قلبك ....

[درديري كباشي]

ما قلنا ليك بى هناك ..

سيد الرايحة يقلب النملة ويفتش تحتا ...

طنشتنا ساااااااااااااااااى

لكن يا أخوى الظاهر مترجمى خططططططططططططير

وإحساسى عمره ما يخيب ...

يعنى البعوض هو الهيج مشاعرك ...

ما طبعآ فاتح خط مباشر مع كسلا ...

لكن أقول ليك بركة الجيت ... بركة الجيت آآآآآآآآآآآآآآآآآآى

وحمدلله ألف على السلامة ....

والله العام من غيرك ضلمة .....

البعوض عملنا صفايات ....



وما تقول لى سبب سُقدك

البعوض ... أها الليلة حتنوم كيف ...

سلامى لكل من يهواه قلبك ....


ما انت شغال بنظرية قام بجماعته ونزل بجماعته

المسكولات بتاعة الباعوض دي ما سمعت بيها ..

على كل حال هانت والعيد باقيلو اسبوع

وبيجي الخريف والباعوضة بتقيف

بيجو اليوم البخليك نزل بجماعته ورجع براه

بعدين ما عندك مشكلة مناديل الورق علي انا هدية من هسع

قصائد البكا ممكن اشرف ينجرها ليك ولو طلب قروش برضو حسابه علي .. اها كيف قصرنا معاك

[درديري كباشي]

شلة من شباب الباعوض يدورون حول بلاعة آل نيمو حيث يسكنون بعد ان اتفقوا للذهاب مجموعة لتناول وجبة العشاء في البوفيه المفتوح بتاع اطفال المغتربين النازلين اجازة . ويناديه اخوه سيمو .
سيمو: شنو يا نيمو ما تطلع نحن اتخرنا والجماعة ديل قالوا جعانين
نيمو: ما تصبر يا سيمو امي دي قالت ماشة معانا وقعد تلبس في جنحاتها ..
سيمو: تعال هنا يا فقري انت .. امك ماشى معانا مش نحن متفقين بعد ما نتعشى في المغتربين نمشي نسهر في دم العزابة امك الحا يوديها معانا شنو ؟؟
نيمو: اسوي ليها شنو قالت طولت ما ضاقت دم مغتربين ... خليها تتعشى بعدين نغشيها البيت بعدين نكسح من هناك ..
سيمو: طيب خليها تطلع سريع ما تاخرنا الجماعة ديل بيدخلو الناموسيات بعد شوية .



يتبـــــــــــــــــــــــــــــــــــــــــــــــ ع

[درديري كباشي]

وصل الجمع اللئيم الى حيث بيت العشا وانتشروا طعنا ومصا في الاطفال الابرياء حتى الصغير النائم والذي لم يتجاوز العام الواحد ما رحموه حتى صحى من النوم يصرخ ويهرش في جسمه ...
كانت شلة الانس الباعوضية منتشبية ومستمتعه بدماء اطفالنا بعد ان تناولوا عشاؤهم ( انشاء الله ما ينفعهم ) صعدوا في الهواء يغنون ويطنون منتشين بهذه الوجبة اللذيذة ..
نطق احدهم : مشكور يا سيمو على الوجبة اللذيذة دي تسلم الايادي ياخ ( ايايدي شنو هو سيمو طابخها؟؟)
سيمو: ولا يهمك يا كيكو نجيكم في الافراح ... انت جماعتكم ما وصلوا لسع ؟؟ .. وديلك كمان بتاعين لندن قلت لي دم بارد زي الايسكريم ..
كيكو : اسكت ساي يا ابو الشباب تعرف ديل لمن يصلوا انا الشارع ما بطلع بس اقعد احرسهم كدا .. يلا نمشي على بيت الجماعة نكمل السهره ولا كيف ؟؟؟
سيمو: نحن معانا الوالدة نوصلها اللبيت ونحلقكم هناك ... ولد يا نيمو امك اتعشك ؟؟؟
نيمو: امي بس سكنت في الطفل الصغير داك قدر ما ناديتها ابت تزح من جمبه ..
سيمو: قوليها كفاك الجماعة ديل بيكتلوك بعد كدا ... امك دي حتضيع بشرفنتها دي ..

[أشرف صلاح السعيد]

شكيت على الله الام اكان ماعندها عيال كانت عملت فى الشافع شنو؟ اكلتو ..تاكل السم..
ان شاء الله العزابة يكونو مدورنها سجارات الليلة نشوفن حيطيرو وين؟
متابعين ياابوالدر..وسيب الجلدنة وشغل القطارة بتاعك دا..تخلينا نعمل الفرشة وتأخر لينا فى المعلوم ..الكلام دا مابخارج ..ماتطيرا لينا من راسنا "قصدى المعلومات والاحداث ماتمشى لبعيد"..

[الملكة اسماء ( ام محمد )]

في سؤال فرض نفسه لماذا .. عندما ينزل المغتربون يصابون بالملاريا في حين انه اهل البيت الاصلا موجودين لا يكون عندهم ملاريا .

.



كيف بالله عليك ماود الفار حفار حكيم ابوى اختصاصى فى امراض المناطق الحارة..


طبعا يا ابو الدُر بما انه استاذ اشرف جاوبك بطريقة علمية ,خليني اجاوبك بطريقة فلسفية عامة , اعتقد والله اعلم انه اهل البيت بتكون اجسامهم عملت مقاومة للاعراض الظاهرة (حمى - غثيان ....) عشان كدا الاعراض مابتظهر عليهم رغم وجود الطفيلي في دمائهم , اما الجماعة المغتربين فاكبر مقاومة عندهم ممكن تكون لنزلات البرد العادية
فدا البخلي الملاريا رغم ضعف مناعة الطفيلي تظهر عندهم بشكل حاد ( لكن بعد حمتين تلاتة يكونوا زيهم وزي الباقين واحد :p)



طيب انت البقاك بتاع اسمنت شنو ؟؟ ماكان قريت طب هسه ما كان نفعتنا ونفعت روحك .. عارفنا نحن ماعندنا قدرة على البنا بس عندنا قدره على المرض


ولو كان بقى دكتور كان بقى سواق ركشة في الغالب نظرا لزحمة خريجي كليات الطب المالاقين شغل في مجال دراستهم :p

[الملكة اسماء ( ام محمد )]

( انشاء الله ما ينفعهم )

احساسي بقول انك ناوي تبيد الجماعة ديل بطريقة مفجعة:cool::D:cool:

... امك دي حتضيع بشرفنتها دي ..




طبعا لاقتني معلومة غريبة جدا بتقول
هل تعلم؟ أنه اذا قطع عصب الإحساس في معدة أنثى البعوض, فانها ستمتص الدم دون انقطاع حتى تتفجر:confused::confused::confused:.

[الملكة اسماء ( ام محمد )]

.وسيب الجلدنة وشغل القطارة بتاعك دا.."..

دا اسمه ( تشويق ) يااااااخ:cool::cool::cool:

[درديري كباشي]

طبعا لاقتني معلومة غريبة جدا بتقول
هل تعلم؟ أنه اذا قطع عصب الإحساس في معدة أنثى البعوض, فانها ستمتص الدم دون انقطاع حتى تتفجر:confused::confused::confused:.


سلام على العلم .. سمح العلم وسمحة المقدرة ...

بس تصبح مشكلتنا كيف نصل لعصب الاحساس في معدة الباعوض عشان نخليها تموت بالطخمة من دمنا .. وتتطرشق .. واكيد ممكن في المعمل يادكتورة تصلو لغاز كيميائي يعمل العملة دي....

انا حارجع عشان اوصل الجماعة بيت العزابة والعشوة اي الفرشة ما تروح اوانطة وعم اشرف ما يزعل .

[أشرف صلاح السعيد]

مستنيييين ..
يااخوى لا نقطع عصب ولا يحزنون خليها كدا ..وهو بت ال....اذا مسكناها مابنقطع خبرا عصب شنو تانى البنفكر فيو..بس زى ماقلتا لحقنا بسرعة عشان الفرشة وكدا..

[درديري كباشي]

مستنيييين ..
يااخوى لا نقطع عصب ولا يحزنون خليها كدا ..وهو بت ال....اذا مسكناها مابنقطع خبرا عصب شنو تانى البنفكر فيو..بس زى ماقلتا لحقنا بسرعة عشان الفرشة وكدا..

ماشي يا باشا

مع انه عندي سوالف وردود في مكان تاني خليتها وجيتك راجع .. انت ساكي الباعوضة مالك

تلاقي الجماعة لمن ترسل ليك رسالة يكون واقفين في كتف الوالده ويقرو فيها .... اهم شئ يكو ن ... شوفو ما قال جايي ... ياخي الولددا فيه جنس دم ميرندا فراولة بس ..

[الملكة اسماء ( ام محمد )]

تلاقي الجماعة لمن ترسل ليك رسالة يكون واقفين في كتف الوالده ويقرو فيها .... اهم شئ يكو ن ... شوفو ما قال جايي ... ياخي الولد دا فيه جنس دم ميرندا فراولة بس ..


:p:D:D:D:p
ابو الدُر بقى بفكر بعقلية ( بعوضة ) ياجماعة
يعني تاني الواحد مايرسل رسالة الا يتاكد ان الباعوض ماواقف في كتف مُستلم الرسالة ؟:p
والله كان جابت ليها (شمشرة باعوض) تبقى كارثة
يعني تاني الواحد يخش تحت الناموسية حتى يتصفح المنتدى ورسائل الموبايل ؟:confused:

[درديري كباشي]

:p:d:d:d:p
ابو الدُر بقى بفكر بعقلية ( بعوضة ) ياجماعة
يعني تاني الواحد مايرسل رسالة الا يتاكد ان الباعوض ماواقف في كتف مُستلم الرسالة ؟:p
والله كان جابت ليها (شمشرة باعوض) تبقى كارثة
يعني تاني الواحد يخش تحت الناموسية حتى يتصفح المنتدى ورسائل الموبايل ؟:confused:


ذكرتيني نكتة الاسد .. هو انت معانا ولا مع الاسد..

يعني هو انت معانا ولا مع الباعوضة ..

المهم شيلو شيلتكم انا في خيالي دا انه البعوض فاهم وفيه قدرات اكثر مما نتخيل

[أشرف صلاح السعيد]

ابوالدر وملكة عوافى..
والله ردودكم زاتا بقت موضوع..اضحك زى الهبيل "ولا انا هبيل وماعارف ساااى"..
الاسمنت يااخوى مضمون اكان بيتى وقع بصلحو..لكن غير عطالة الاطباء واحتمالية سواقة الركشة ..اكان عييت ومحتاج لعملية لاقدر الله دى اعملا كيف "اخوك تفتيحة"..وبعدين طب ولا هندسة انا وابوى اغتربنا "كلو عند العرب صابون"..
عندك شوية باعوضيات ولا نمشى ننوم؟

[درديري كباشي]

بعد ما وصل الشابين البعوضيين سيمو ونيمو امهما الى بيتها في البلاعةالرئيسية ..انطلقوا للحاق بالركب في بيت العذابة .. ووجدوا الجماعة منتظرنهم في سور بيت العزاب .
سيمو: شينو يا شباب واقفين مالكم ما تتفضلوا .
كيكو: دقيقة يا سيمو الجماعة ديل لسع ما اتصلحو حا ندخل نشرب دم ساي
خيخو ( خيخو ناموس سمين طفس يحب الاكل ولا يكتفي كثيرا ما يجروه جرا من جلود البني ادمين معرضا نفسه للهلاك ) قال ليهم انا غايتو ما قادر اقاوم شوف الناس ديل مجدعين في السراير كيف معقولة حد يعاين للخير دا كله ويقاوم ؟؟
نيمو: اصبر يا خيخو خلي الجماعة ديل يشربوا اول .. ومال نحن جايين هنا لشنو كان الحكاية عشا بس ما كان نتم عشانا مع المغتربين هناك .. على الاقل هناك الدم على مستوى مش زي الزيت المحروق دا ..
المهم وفعلا بعد شوية وصل شلة من العذاب يحملون العشا والمزات والزجاجات لزوم السهره والقعدة الليلية ..
وبعد شوية بدات الكاسات توزع والالسن تتقل والخطوات تترنح ..
وتحرك سرب البعوض مهاجما السكارى طبعا ..
واختطلت طنطنات البعوض مع خبطات السكارى العشاوئي في اجسامهم مع تزمرهم بالسنتهم المعكوفة ( الحكاية شنو يا عاكف ياخي بيتكم دا مالو مليان ناموس كدا انت ساكن في نادي الناموس ولا شنو )
خيخو السمين لاحظ انه احد الجلوس سمين مثله لكن لم يشرب انما لم يقف من الاكل .. بدا يقشر البيض المسلوق وياكل .. ثم انتقل الى الزيتون وهكذا ..
وخيخو اكتفى به بل تخصص فيه الى ان لاحظ له سيمو وساله ..
سيمو : خيخو انت بتشرب من دا بس مالك .. انت تبت ولا شنو ؟؟
خيخو : ياخي انا المره الفاتت امي شمت فيني ريحة قربت تموتني . انا بس خلوني مع هادم المزات دا ..
نيمو : تقصد شنو بهادم المزات ..
خيخو : ما شايف صاحبك دا بس مدور في المزة اصلوا ما شرب حاجة ياخي دا قرض البيض براه ودور في الزيتون ..
سيمو : يا جماعة خلاص نمشي انا اتمليت تب اكتر من كدا ما حا اقدر اطير .. والجماعة ديل كان صحو الصباح ولقوني نايم جمبهم حا يخبطوني بشبشب ولا مصيبة ..
نيمو : كلنا اتملينا يلا يا شباب نطير بباقي النفس الفينا دا ..
وفعلا بصعوبة ومعاناة وترنح طار السرب متجهين الى بيوتهم ..
وفي الطريق نيمو محذرا اخوه الاصغر سيمو : شوف يا سيمو امي كان سالتك قالت كنتوا وين قوليها رحنا حضرنا هلال مريخ في النادي اوعى تقول ليها سهرنا في بيت العزابة .. وبعدين ما تخليها تقرب من خشمك وتشم الريحة سامع ولا لا ..
ويتعب ...اقصد يتبع

[أشرف صلاح السعيد]

مباالغة..
كدا الواحد فكرو هدا ..كل شوية يتاوق ليو لباعوضة "يااخى معقول ياابوالدر تخلينا مشتهين للبعوض!!"..
قلت ليا الجماعة طشو جد ..السمين "البعوضة" تفتيحة لكن قالت ليك بسمنتى دى مع اول كاس بضرب الواطة وكمان اختارت السمين دا لغاية مايحرك يدو عشان يضربا بتكون جرت منو لتر..
نفسى اشوف باعوضة طاشة "دى بتكون بتزنزن كيف..زن زن زن هق زن زن زن هق" ولا بتطير كيف ..ان شاءالله يطشو ويدخلو قسم شرطة..يااخى العساكر ديل نياشين فى ضرب البعوض جن نيش "بيكون بدوهم تدريب نيشان ونيش ولا شنو؟"..
الله غالب نرجا لبكرة ونتابع الباقى..

[الملكة اسماء ( ام محمد )]

وفي الطريق نيمو محذرا اخوه الاصغر سيمو : شوف يا سيمو امي كان سالتك قالت كنتوا وين قوليها رحنا حضرنا هلال مريخ في النادي


غايتو كان امهم صدقتهم انا ح اخش اخرب ليك المسلسل دا كله :mad::mad:
هلال مريخ زي الساعة دي ؟:confused::confused:
اوعا تكون قاصد مباراة يوم الجمعة :eek::D:D:eek:

سياسة بعوضية حريفة جدا في اختيار مصادر الغذاء
ذكرتني سياسة اخينا الحرامي البهناك:rolleyes:

متااااابعين استاذي الكريم

[درديري كباشي]

[/right]

غايتو كان امهم صدقتهم انا ح اخش اخرب ليك المسلسل دا كله :mad::mad:
هلال مريخ زي الساعة دي ؟:confused::confused:
اوعا تكون قاصد مباراة يوم الجمعة :eek::d:d:eek:

سياسة بعوضية حريفة جدا في اختيار مصادر الغذاء
ذكرتني سياسة اخينا الحرامي البهناك:rolleyes:

متااااابعين استاذي الكريم










شنو يا ملكة حاكلها معانا كدا ... كورة المريخ والهلال ما بدات الساعة عشرة بالليل

وبعدين انتهت اتناشر ... ناس نيمو ما يسمعو الكلام دا يفتكروك عايزة تفتنيهم مع امعهم يمين يهاجروا ليك .. عبر الخطوط السودانية .. اكيد حيلاقوا فيها طريقة ..

[درديري كباشي]

مباالغة..
كدا الواحد فكرو هدا ..كل شوية يتاوق ليو لباعوضة "يااخى معقول ياابوالدر تخلينا مشتهين للبعوض!!"..
قلت ليا الجماعة طشو جد ..السمين "البعوضة" تفتيحة لكن قالت ليك بسمنتى دى مع اول كاس بضرب الواطة وكمان اختارت السمين دا لغاية مايحرك يدو عشان يضربا بتكون جرت منو لتر..
نفسى اشوف باعوضة طاشة "دى بتكون بتزنزن كيف..زن زن زن هق زن زن زن هق" ولا بتطير كيف ..ان شاءالله يطشو ويدخلو قسم شرطة..يااخى العساكر ديل نياشين فى ضرب البعوض جن نيش "بيكون بدوهم تدريب نيشان ونيش ولا شنو؟"..
الله غالب نرجا لبكرة ونتابع الباقى..


سلام يا ابو الشرف ... انا عارف كدا ريحتك

بعد كدا حاندخل على المنعطف السياسي الخطير .. وانتخابات نقابة باعوض السودان ؟؟ ومكروفونات وظيطة .... بس انتظرونا ... اذهبوا بعيدا لكن عودوا ..

[درديري كباشي]

عدنا:
عاد سرب البعوض الى منازلهم سالمين غانمين دون اي خسائر .. لانه لم تفلح اي من خبطات السكارى العشوائية البطيئة في اصابة احد افراد السرب .. وبعد هذه السهرة الحمراء جدا توجه الاخوين سيمو ونيمو وهم يتهامسون حتى لا تستيقظ امهم .. سيمو هامسا لنيمو ..
سيمو: زي ما قلت ليك ... هلال مريخ اوعى تنسى ..
نيمو: عامل حسابي ياخي قديتنا كل مرة توصي فيني ..
سيمو: خلاص براحة ما تصحي امنا .
الام ويبدو انها مستيقظة ... منو في الباب ... سيمو؟؟؟؟ يا نيمو انتو جيتو ؟؟؟
سيمو: ايوا يا يمه نحن جينا
نيمو ويبدو عليه اثار السكر بدا يغني ( نحن جينا وكيا للمابينا ... سواقنا زينا وحالف ما يدلينا )
سيمو: اسكت يا فقر فضحتنا ..
الام : كنتو وين مساهرين لحدي هسع يا اولاد نحن ما جينا قبيل من العشا بتاع المغتربين مشيتو وين تاني ..
نيمو : يا يمه مشينا نحضر مباراة هلال مريخ في النادي يا امي ..
الام : مباراة لغاية الساعة اتناشر بالليل دي مباراة شنو دي ؟؟
سيمو: ما بدات متاخره يايمه ..( محاولا الهائها ) وانتي المصحيك شنو يا يمه خير نعله ما في عوجه ..
الام : ياولدي شفت لي خبر في التلفزيون كدا عامل لي قلق ..
نيمو : خير يا يامه خبر شنو ..
الام : قالوا حايعملوا وزارة جديدة يسموها وزارة صحة البيئة ..
سيمو: يمه انتي السياسة دي ما بتخليها ... طيب ما يعملوا ما من زمان في وزارات كثيرة وفي وزارة الصحة والاشغال العامه عملوا شنو ... يمه قلنا ليك انت ابعدي من السياسة دي مرضتك وجابت ليك الهارت .
الام : يا اولادي زمان صحة البيئة كانت ضايعة ناس وزارة الصحة يقولوا دي ما شغلنا شغل ناس الاشغال العامة .. وناس الاشغال يقولوا دي تبع الحكومات المحلية والحكومات المحلية يقولوا تبع الحكومة المركزية .. المهم وسط الضياع دا نحن المستفيدين البيئة منتهية والبلاعات منتعشه والدم دا رغما عن انه الناس صحتها تعبانه الا نحن عايشين ومبسوطين ... لكن يا اولادي لمن يعملوا وزارة خاصة بصحة البيئة ... الناس ديل ما عندهم شغل غير النظافة وردم البرك ورش المبيدات .. يعني حانشوف اسود ايام مع الوزارة الجديدة ..
نيمو(هامسا لاخوه) خلي بالك امك دي طيرت لينا السكره من راسنا يمين انا خفت عديييييييل .
الام : بتقول شنو يا ولدي ؟؟
نيمو : لا لا يا ايمه انا كنت بقول لسيمو صلح لياقة الريش بتاعتك ..
الام : اها يا اولادي نحن لازم نعلن عن اجتماع ونستعد للحرب الوقائية قبل ما تستلم الوزارة الجديدة مهامها ..
يتبـــــــــــــــــــــــــــــــــــــــــــــــ ــــــــــــــــــــــــــــــــع

[أشرف صلاح السعيد]

سلام ابوالدر..
"نعله" الباعوض دا يااخوى وارد بوادينا ولا شنو؟
طمن اخوانا البعوض بانو حيعيشو دورتم الحياته كاااملة ان شاء الله لانو لغاية مالوزارة تفعل وتجاز مقراراتها وتعمل اللجان المنبثقة من اللجان المنبثقة من اللجان المنبثقة..وبعديها يقرروا اى المبيدات يجيبو "واكيد من الهند للرخصة وعدم الفعالية" بيكونوا ماتوا موت طبيعى وقرضوا قبالا اكثر من عدد جيلم من البشر.. مفروض البشر هم اليعملو الجلسات الطارئة ماهم

[درديري كباشي]

سلام ابوالدر..
"نعله" الباعوض دا يااخوى وارد بوادينا ولا شنو؟
طمن اخوانا البعوض بانو حيعيشو دورتم الحياته كاااملة ان شاء الله لانو لغاية مالوزارة تفعل وتجاز مقراراتها وتعمل اللجان المنبثقة من اللجان المنبثقة من اللجان المنبثقة..وبعديها يقرروا اى المبيدات يجيبو "واكيد من الهند للرخصة وعدم الفعالية" بيكونوا ماتوا موت طبيعى وقرضوا قبالا اكثر من عدد جيلم من البشر.. مفروض البشر هم اليعملو الجلسات الطارئة ماهم

يعني نقول للخالة ام نيمو نومي قفا ما بتجيك الحبه .. وربي اولادك ودماء اولادنا تحت خدمتك انت وعيالك ... تشربوا السم انشاء الله....

[درديري كباشي]

الخالة ام نيمو لم تقتنع بالحجج التي صاغها اولادها لها وبمساعدة الباشمهندس اشرف ... والتي صبت في خانة انه قراراتنا عبارة عن حبر على ورق .. واصرت ان تعلن عن جمعية عمومية ..
وارسلت اولادها لابلاغ طنان الدولة الناطق الرسمي لامة البعوض ليعلن عن جمعية عمومية رئيسية بالترعة الرئيسية بطرف الحي .ز

وفعلا راح اولادها وابلغوا الناطق الرسمي للاعلان عن الاجتماع ..

ونشوفكم يوم اجتماع امة البعوض..


وقد قال المنفلوطي في كتابه النظرات
ما رايت امة يضرها تجمعها ويينفعها تفرقها مثل امة البعوض .. بعد ان حاول قتلهم بالمذبة..

[درديري كباشي]

اجتمع الباعوض في قاعة البلاعة الرئيسية على الاجندة المعلنة من قبل تحت شعار.

الخطر القادم من انشاء وزارة لصحة البيئة على امة الباعوض ,,

وقدم السيد طنان الدولة الناموسي مقدما الاجتماع ..

باعوضاتي باعوضي ( على وزن سيداتي سادتي )
كما تعلمون ان العدو الغاشم الانسان السوداني مصدر غذائنا الرئيسي قد التفت الينا هذه المره كما التفت الى لفتته السيدة بت انوفلس الشهيرة بام نيمو .. ممثلة ونقيبة باعوض الشرق في البرلمان المركزي بمنطقة الخرطوم مقرن النيلين .. وقد دعت هي بذاتها لهذا الاجتماع لدراسة هذا الامر حتى نجد طريقة نتقي بها تنفيذ هذا الامر والوقوف دون انشاء وزارة خاصة بصحة البيئة .. والان نقدم لكم الاستاذة بت انوفلس في خطبتها ..
ضجت القاعة بالتصفيق والطنين والهتافات من نوع ..

عاِش كفاح كل الناموس

بالدم بالمص نفديك يا بعوض


وبعد ان هدات الهتافات وقفت السيدة انوفلس وبعد ان اصلحت وضع جنحيها واستخرجت نظارتها واستخرجت الورقة التي اعدتها من قبل وبدات في القاء الخطبة .

ايها الشعب الباعوضي البطل

كما تعلمون نحن امة قديمة منذ الازل .. وقد حاربنا الانسان بمؤامراته الغاشمه اذ ظلينا في صراع مريع بيننا وبينه .. وكل هذا بسبب ان الانسان لم يرضى بوضعه في الحياة بان يكون مصدر لنا في الغذاء ... فهو يستكثر فينا هذه القطرات الصغيرة من دمه والتي لا تذكر .... ونحن اذا استغل مكروب الملاريا وسيلتنا حتى يجعلنا وسيلة مواصلات له ننقله بين البشر .. كان على الانسان ان يحارب جرثوم الملاريا وحده اذ اننا لاذنب لنا في دورة حياة الملاريا بل نحن ايضا نعاني منها لانها تعيش في اجسامنا ايضا .. ور غما عن ذلك راى الانسان ان يقتلنا نحن بدلا عن ابادة الملاريا وعلاجها ..

واخيرا تداعيات هذه الحرب هي الوزارة المقترحة باقامة وزارة تعني بصحة البيئة فقط .ز وهذا انا اعتبره بمثابة اعلان الحرب المباشرة علينا ..لان وزارة صحة البيئة تعني بنظافة الشوارع وتجفيف البرك واماكن سكننا وتكاثرنا ..ولذلك عقدنا هذا الاجتماع للنظر ماذا نحن فاعلون .. وانا سافتح باب الاقتراحات ... ايها الشعب الباعوضي البطل ..اقدح زهنك واعمل فكرك وعقلك حتى تجد لن مخرجا قبل ان تحل بنا هذه الكارثة ..
ولكم التحايا يا ايها الشعب البطل ..

ليعم التصفيق ووالطنين والهتافات من جديد ..

تسقط تسقط وزارة البيئة

تسقط تسقط وزارة البيئة

[أشرف صلاح السعيد]

ابوالدر سلام..
هى ساقطة وباااردة كمان اكتر من كدا الا نجيب ليها تلاجة ابوعلى الكلفانيتور ونخلص ابواحمد من مشكلة مليها وزيارات ابو على..
"بالدم بالمص نفديك يابعوض" ليه مايفدوهو بالدم هم خاسى عليهم شنو كان دمهم ولا كان دمهم اولاد البرك الشوارعية..
الباعوض دا يااخوى يادوبو الانقرض من ماعمل جلسات فى قاعة الجلسات البلاعية بالمؤتمر الوطنى الباعوضى..خطب ساااكت لهسى وكمان كم شهر جاى لعمل اللجان المنبثقة بعد المعارك الميكرفونية وهلمجرا الطيرت ناسى ديلك..
يااخى البعوض ديل لوعايزين يلعبوها صاح يركزو على المغتربين شهر الاجازة وباقى السنة يختو ناس السودان لأنو تصفيق ساااكت بروحو شمار فى مرقة "بختو الشمار ليه وقت هو ضايع؟"..ويركزو على دم الكدايس والكلاب لأنو دماها لسة حارة والانسان بقى من ذوات الدماء الباردة زمااان يعنى حتى دمو عايز تسخين..ولا يقلبو على القريب فروت طالما بيعمل دم والناس ماقادرا تشتريو حرام اترمى ساكت ويختصرو الطريق ويعملو دمهم براهم عشان مايفقدو مصداقيتم وتكون "بالدم حقهم الهتافات مش على قفانا"..

[درديري كباشي]

ابوالدر سلام..
هى ساقطة وباااردة كمان اكتر من كدا الا نجيب ليها تلاجة ابوعلى الكلفانيتور ونخلص ابواحمد من مشكلة مليها وزيارات ابو على..
"بالدم بالمص نفديك يابعوض" ليه مايفدوهو بالدم هم خاسى عليهم شنو كان دمهم ولا كان دمهم اولاد البرك الشوارعية..
الباعوض دا يااخوى يادوبو الانقرض من ماعمل جلسات فى قاعة الجلسات البلاعية بالمؤتمر الوطنى الباعوضى..خطب ساااكت لهسى وكمان كم شهر جاى لعمل اللجان المنبثقة بعد المعارك الميكرفونية وهلمجرا الطيرت ناسى ديلك..
يااخى البعوض ديل لوعايزين يلعبوها صاح يركزو على المغتربين شهر الاجازة وباقى السنة يختو ناس السودان لأنو تصفيق ساااكت بروحو شمار فى مرقة "بختو الشمار ليه وقت هو ضايع؟"..ويركزو على دم الكدايس والكلاب لأنو دماها لسة حارة والانسان بقى من ذوات الدماء الباردة زمااان يعنى حتى دمو عايز تسخين..ولا يقلبو على القريب فروت طالما بيعمل دم والناس ماقادرا تشتريو حرام اترمى ساكت ويختصرو الطريق ويعملو دمهم براهم عشان مايفقدو مصداقيتم وتكون "بالدم حقهم الهتافات مش على قفانا"..

حج اشرف انت زعلان وحامل على البعوض شديد كدا مالك .. ما هم البيغنو ليك في اضانك لغاية ماتنوم .. وهم البيعالجوك بالحجامة بعد ما يمصوا من دمك الزايد وكاد.

[درديري كباشي]

انتشر خبر الجمعية العمومية لبعوض السودان وقد قرر المجلس الاعلى لبرلمان البعوض الاجتماع في شهرسبتمبر بارض المعسكر الدائم للبعوض ببحيرة خزان جبل اولياء جنوب العاصمة الخرطوم .. وقد حددت ايام الاعياد لتكون هي ايام المؤتمر ..حيث ان الناس يكونون مشغولين بالعيد .. ولا توجد اي من انواع مكافحة الناموس حسب اجازة العيد ..
ومن يوم الوقفة بدات جموع البعوض .. طبعا ليس كل البعوض انما ممثلون للولايات والمدن .. كما تركت النساء الانوفلسات لرعاية الصغار من بيض ويرقات .. واتجه الكل ناحية العاصمة لحضور المؤتمر ..
وسننقل لكم من هناك مباشرة ماذا دار في مؤتمر باعوض السودان ..
فلا تقادروا شاشات كمبيوتراتكم