عباس الدسيس
13-09-2009, 11:47 PM
مشكلة لما تلتقي بشخص يسلم عليك بكل ود وترحاب ومعرفه شديده اقول ليك ما عرفتني ... تقعد تشبه فيهو يا ربي انا ده شفتوا وين الراجل ده ما غريب علي تكون محرج شديد مع اصراره ... ما تقول ياخي ما عرفتني ولا شنو بالغته يااااااااااااااااااخي تعاين في الواطه ترفع راسك انت محرج تحك راسك : الله دي حكاية غريبة انا ذاتي الجابني بي هنا شنو عشان اقابل الزول اللايوق ده .... اقطع ليك حبل افكارك ياخي ما تقول ...
النسيان مصيبة تدخل في مواقف محرجه حريص جدا يوميا عندما احضر من العمل وبعد ارتداء ملابس المنزل اضع الموبايل في مكان خفي او مكان عالي عشان العيال .... نهاية الاسبوع قلته العبد لله اجلد النوم مع شفقتي وشوقي للنوم نسيت الجوال وأنا داخل الشقه في طربيزة الصفره... قول دي واحد... أنا نايم امكن بعد حوالي ساعتين مع انو كان عندي الرغبة انوم لي اقل شيء خمسة ساعات ناس البيت صحوني من النوم ..... قمته مخلوع ايوه في شنو ... انت ما عارف الليلة معزومين زواج فلانه .... الله والله نسيت (قول اثنين) المدام قالت لي انا طلعت ليك الملابس بره بتاعتك بعد تأخذ الدش وتلبس احنا بنكون جاهزين فعلا المدام عندها زوق في اختيار الالوان مع العلم انا زوقي صفر في اختيار الملابس الحمد لله من اتزوجنا يوم واحد ما اشتريت لي قميص بي مزاجي الا مره واحده اشتريت لي بنطلون لونوا بني محروق وقميص لونوا زي جير المدارس اصفر باهت من ديك تم اصدار قرار بعدم تسوقي فيما يخص الملابس لشخصي .... بعد الحمام لقيت المدام مجهزه لي لبسه ايطاليه بنطلون وبدله بدون ربطة عنق تناسق الوان عجيبه بنطلون بيج قميص ابيض معاهوا نقشات خفيفه بنفس اللون البدله لون اصفر غامق طبعا هي حريصه جدا علي لمظهري زي اي ست عايزه اقولوا الراجل القيافه ده زوجها ما حبا في قيافتي من اجل القيافه ثانيا والله انا ما مهتم للمواضيع دي ممكن امشي بي عراقي النوم افتكر والله اعلم دي الاسباب كشحت العطر طلعنا ركبنا العربية بالله من ركبنا العربية الجوال ده اشتغل فيني قرف ....كرررررررررررررررن ... الو مين .... انا فلان كيف اخبارك.. اهههههههههههه يا فلان سلامات ..... طبعا بتقول الاسم عشان ما المدام تسأل والسياره ضيقه الطرف الثاني في المكالمة ممكن اسمع كلامها تقول ليك بي زهجه ..... ده منوااااااااااااااااااا ... محرجه خالص ده منوا.... جاتني كمية من المكالمات كلها بطبيعه واحده مبهمه عشان انهي المكالمة اقول ليهم انا في مرور سريع ماشي لي زواج في الاستراحات فعلا كنت محرج من بعض الاصدقاء اتخيلت الناس دي نهاية اسبوع عايزة تسجل لي زيارة لاكن الله قادر طلع لينا العرس ده بعدين الناس دي كلها عايزة تزورني الحكاية شنو اليوم والاتصالات الكثيرة دي وصلنا بيت العرس قعدته شغال سنترال ارد علي المكالمات ملاحظ الناس بتعاين لي بعين غريبة قلته تعرف مع اللبسه القيافه دي انت اصبحت ملفت للانظار يا ود يا وجيه...... واحد صديقنا عزيز قال لي شنو يا الحبيب مرسل لينا رسالة اتصل علي.... اكتشفت انا خليت الموبايل لموا فيهوا الاولاد.... في رساله بتكون محفوظه في الجوالي اتصل علي.... عملوا ارسال لجميع الارقام المخزنه اتصل علي ..... وانا خالف رجلي وارد في المكالمات اكتشفت والناس تعاين لي انو لابس سفنجة (( حذاء الحمام))
النسيان مصيبة تدخل في مواقف محرجه حريص جدا يوميا عندما احضر من العمل وبعد ارتداء ملابس المنزل اضع الموبايل في مكان خفي او مكان عالي عشان العيال .... نهاية الاسبوع قلته العبد لله اجلد النوم مع شفقتي وشوقي للنوم نسيت الجوال وأنا داخل الشقه في طربيزة الصفره... قول دي واحد... أنا نايم امكن بعد حوالي ساعتين مع انو كان عندي الرغبة انوم لي اقل شيء خمسة ساعات ناس البيت صحوني من النوم ..... قمته مخلوع ايوه في شنو ... انت ما عارف الليلة معزومين زواج فلانه .... الله والله نسيت (قول اثنين) المدام قالت لي انا طلعت ليك الملابس بره بتاعتك بعد تأخذ الدش وتلبس احنا بنكون جاهزين فعلا المدام عندها زوق في اختيار الالوان مع العلم انا زوقي صفر في اختيار الملابس الحمد لله من اتزوجنا يوم واحد ما اشتريت لي قميص بي مزاجي الا مره واحده اشتريت لي بنطلون لونوا بني محروق وقميص لونوا زي جير المدارس اصفر باهت من ديك تم اصدار قرار بعدم تسوقي فيما يخص الملابس لشخصي .... بعد الحمام لقيت المدام مجهزه لي لبسه ايطاليه بنطلون وبدله بدون ربطة عنق تناسق الوان عجيبه بنطلون بيج قميص ابيض معاهوا نقشات خفيفه بنفس اللون البدله لون اصفر غامق طبعا هي حريصه جدا علي لمظهري زي اي ست عايزه اقولوا الراجل القيافه ده زوجها ما حبا في قيافتي من اجل القيافه ثانيا والله انا ما مهتم للمواضيع دي ممكن امشي بي عراقي النوم افتكر والله اعلم دي الاسباب كشحت العطر طلعنا ركبنا العربية بالله من ركبنا العربية الجوال ده اشتغل فيني قرف ....كرررررررررررررررن ... الو مين .... انا فلان كيف اخبارك.. اهههههههههههه يا فلان سلامات ..... طبعا بتقول الاسم عشان ما المدام تسأل والسياره ضيقه الطرف الثاني في المكالمة ممكن اسمع كلامها تقول ليك بي زهجه ..... ده منوااااااااااااااااااا ... محرجه خالص ده منوا.... جاتني كمية من المكالمات كلها بطبيعه واحده مبهمه عشان انهي المكالمة اقول ليهم انا في مرور سريع ماشي لي زواج في الاستراحات فعلا كنت محرج من بعض الاصدقاء اتخيلت الناس دي نهاية اسبوع عايزة تسجل لي زيارة لاكن الله قادر طلع لينا العرس ده بعدين الناس دي كلها عايزة تزورني الحكاية شنو اليوم والاتصالات الكثيرة دي وصلنا بيت العرس قعدته شغال سنترال ارد علي المكالمات ملاحظ الناس بتعاين لي بعين غريبة قلته تعرف مع اللبسه القيافه دي انت اصبحت ملفت للانظار يا ود يا وجيه...... واحد صديقنا عزيز قال لي شنو يا الحبيب مرسل لينا رسالة اتصل علي.... اكتشفت انا خليت الموبايل لموا فيهوا الاولاد.... في رساله بتكون محفوظه في الجوالي اتصل علي.... عملوا ارسال لجميع الارقام المخزنه اتصل علي ..... وانا خالف رجلي وارد في المكالمات اكتشفت والناس تعاين لي انو لابس سفنجة (( حذاء الحمام))