المساعد الشخصي الرقمي

مشاهدة النسخة كاملة : أحتاج أنثي لأفــرد ضفيـــرتها للمطـــــر


ود الضو
15-09-2009, 10:12 AM
ياريت كل زول تأيه يلاقي الريده في دربو
عشان الناس تحب الناس وزي عينينا إتحبو
عرفنا الريده في الطبيه وحلاوة الريده في ألاخلاص ..
مشاققات اجبارية :
و كما قالت الممثلات المصريات منهن والسوريات واللبنانيات
( نفسي احب واتحب ) ..
وانا نفسي احب لي واحدة كدا رومانسية تملاني
رومانسية لامن اقول بث كفاية ياهناية ..
وتحبني حب تخليني ماشاعر بي نفسي زاتو :
آكل حب .. واشرب حب .. وادخن حب .. واتنفس حب .. وانوم حب ..
واصحي حب .. وامشي حب .. واقعد حب .. واتكلم حب بس ..
واشتغل بس حب .. واغير اسمي ظاتووو واسميني ( الحب ) ..
مشاققة داخل الفريق :
( هوووي يافلانة الليلة ( الحب ) ماجاء ماري بي هنا ؟
اجي يابت امي هو الحب بجي مار مرور , دحين ماقالوا بطير طيران ..
كمان ؟ لا قصدي الود الاسمو الحب ... ) لا والله ماجاء ..
لكن يمكن يكون في بيت ناس
فلانة ... ان شاء الله ياخ يكون جـــوة هناك في بيت ناس فلانة
مافلانة دي نحنا غيرنا ليها الاسم من الاول ياخ ...
عايز واحدة تعشقني حد الثمالة واعشقها حدين ثمالة
( للرجل مثل حظ الانثيين وكــــــــــــــــدا )
هو حد الثمالة دي كيف يعني انتو ياجماعة ..
يعني كدي وروني بالواضح يعني والصريح :
هل احببت واحدة حد الثمالة ؟ ام هل أحبتك واحدة حد الثمالة ؟؟
تقريبا حد الثمالة دا بعد اللاوعي ولا كيف ؟؟ فهمونا ياخ لو بسيط
عشان الواحد يتثمل ويتلثم
ليه في حب يوصل حد الثمالة ...
مشاققة لانثي ذات طعم خاااص :
اريد واحدة بطعم عصير الدهشة الاولي .. تجتاحني ..
وتخلي بالها مني فيها ..
مشاققة اخيرة :
انثي اشتاقها لافرد ضفيرتها للمطـــــــــر واحقن وريدها بالدعاش ..
او كما غني مصطفي .. بإختصــــار :
اريد تلك الانثي التي غناها مصطفي ويكفيني هذا اختيار ...
سماحة
30-09-2009, 05:29 AM
تحياتي ود الضو
انت جربت الحب قبل كدة ولا عاوز تجربو
لو جربتو اكيد ما بتقول عاوز تحب تاني لا نالقصة الاولى انتهت
ولا عاوز تجربو فبلاش وصيييييييييييييييييييية مني
فراس
30-09-2009, 05:49 AM
ود الضو

بالتوفيق ان شاء الله

وان شاء الله تجد مثل

هذا الحب فالحب موجود

والدنيا لسة بخير

تسلم
المبارك ود إبراهيم
30-09-2009, 10:22 AM
ود الضو شيشك شوية ومن الحب ما قتل ونحن لسه ما عرفناك سمح داير تروح فيها ولا شنو ؟؟ يا حبيبنا خلي حبك نص كم وخلي الجمال نسبي عشان تعيش مرتاح أنا خايفك تبقي زي الشاعر القال عن حب حبيبته:

أحبها وتحبني ويحب ناقتها بعيري.

وربنا إوفقك وأنا خايف عليك من التزوزي بالخلاء آولدي.
أشرف صلاح السعيد
30-09-2009, 11:39 PM
ود الضو كل الاعوام انت والاهل كما تتمنون..
ان شاء الله تحب وتتحب لما الاحبة من حبك تزيد فى الحب..
تعرف هجمتنى جملة "خلى بالك منى فيك" بطريقة اصلو مابتتصورا..قبل سبعة سنسن واكتر كنتا عاقد ولسة مادخلت وام العيال كانت بتدرس بالجامعة فى السودان والنتنة مدورة تش..وكنتا دايما بختم بالجملة دى ..شفت الهجمة جات من وين؟..
ربنا يحقق مرادك وكل الشباب وتلاقو الحب والحبيب بما يرضى الله ومايشبع كل دنان الحب فيكم..
ود الضو
18-10-2009, 12:33 AM
الاعزاء
سماحة
فراس
المبارك ود ابراهيم
اشرف صلاح
لكم التحية والشكر الجميل
علي مروركم الانيق جدا
وان شاء الله كل زول تائه زيي كدا
يلاقي الريدة في دربو
ويشبع حب لامن يقول بث ..
telecom
18-10-2009, 12:48 AM
خلى بالك منى فيك ومن قلب خايف عليك وكل سكة تمر بيها اقراء يس فى مشيك
همسة:
ادينى معاك من عصير الدهشة دا لو ضقتا طعموا
ود الضو
18-10-2009, 01:14 AM
خلى بالك منى فيك ومن قلب خايف عليك وكل سكة تمر بيها اقراء يس فى مشيك
همسة:
ادينى معاك من عصير الدهشة دا لو ضقتا طعموا

بعد اضوقو ؟؟
لكن قالوا طاااعم شديد
تحياتي ..
أبوحراز
28-10-2009, 01:17 AM
أحتاج أنثى لأفرد ضفيرتها للمطر !!!!
ألا تخاف أن يعشقها المطر حينما يلامس ضفائرها ؟؟؟
صابرحسين
28-10-2009, 06:40 AM
أحتاج أنثى لأفرد ضفيرتها للمطر !!!!
ألا تخاف أن يعشقها المطر حينما يلامس ضفائرها ؟؟؟

أنت عارف يا ود الضو كلام الرجل الجميل أبو حراز العائد لنا بالسلامة ليعطر هذه المنتديات بكلامه الطيب ذكرني هذه الأبيات حينما رأي سيدنا علي رضي الله عنه السيدة فاطمة في ثغرها مسواك فأنشد هذه الأبيات التي سطر ابو حراز شيئاً مشابهاً لها وسجل غيرته من المطر حينما يلامس ضفائرها ، وأبيات سيدنا علي رضي الله عنه التي نظمها تعلن عن فوز السواك :ـ

فزت يا عـود السواك بثغرهـا **** أما خفت يا عود السـواك أراك

لو كنت من أهل القتال قاتلتك ****ما فاز مني يا"سـواك"سـواك
محمد سلاح حسن
28-10-2009, 08:37 AM
شنو الحكاية ياود الضو انت داير تموت بدرى الحب بالطريقة دى حكم على نفسك بالاعدام
ربنا اوفقك وتلاقى الفى بالك اكيد ما الاعدام هههههه
اسلام فرح
28-10-2009, 08:47 AM
ود الضو حب وعيش للحب والدنيا ما بتسوى بدون حب ومافي حب بينتهي والي بينتهي اصلو ما كان حب الله يرزقق بي حبيبة تحبها وتحبك لمن يطول بيكم العمر والدنيا تعصر من حنينها وتديه ليكم كل الاماني العذبة ليك يلقى قلبك السعادة وتبقى ليك هي زادة
وابتساماتها وحلاها
ابوخالد
28-10-2009, 06:56 PM
ود الضو

مرحب حبابك ألف

جوة بيتك التانى منتديات مدنى

آكل حب .. واشرب حب .. وادخن حب .. واتنفس حب .. وانوم حب ..
واصحي حب .. وامشي حب .. واقعد حب .. واتكلم حب بس ..
واشتغل بس حب .. واغير اسمي ظاتووو واسميني ( الحب ) ..


يا أخوى الله يديك الفى مرادك ,,,,

لكن جنس حبك العايزو ده

ده شيتآ أصلو ما شفناه ,,,, لا فى الناس ولا فى الريد
أبوحراز
30-10-2009, 11:42 PM
أنت عارف يا ود الضو كلام الرجل الجميل أبو حراز العائد لنا بالسلامة ليعطر هذه المنتديات بكلامه الطيب ذكرني هذه الأبيات حينما رأي سيدنا علي رضي الله عنه السيدة فاطمة في ثغرها مسواك فأنشد هذه الأبيات التي سطر ابو حراز شيئاً مشابهاً لها وسجل غيرته من المطر حينما يلامس ضفائرها ، وأبيات سيدنا علي رضي الله عنه التي نظمها تعلن عن فوز السواك :ـ

فزت يا عـود السواك بثغرهـا **** أما خفت يا عود السـواك أراك

لو كنت من أهل القتال قاتلتك ****ما فاز مني يا"سـواك"سـواك

شكراً سيدي الكريم صابر
شكرا لإطرائك الجميل
صدقني أخاف من المطر حينما أمسك بيد حبيبتي
أخاف أن يغسلها
فيلامس كل تضاريسها الأنثوية
المطر حينما لايجد من يغازله
يتسلق الجدران
ويتلصص من خلال النوافذ
هذه المخلوقات تعشق بعمق
لكن الناس يتعاملون معها بعفوية
حينما أسأل النيل الذي يلتف حول خصر الحصاحيصا عن سر هذا العشق
يصر وجهه ويكاد يفترسني بكل أنيابه
الا ترى أن الله قد غضب على البحر الأحمر وجعله مالحاً ؟؟
كل ذلك لأنه يضاجع كل المدن التي يمر بها
وهو لايدري أن الاسلام قد شرّع اربعة لاغير
arima
08-01-2010, 10:59 AM
اعمل حسابك ياخوي وما تخلي قلبك رهيف الحب دا غدااااااااار