المساعد الشخصي الرقمي

مشاهدة النسخة كاملة : عصابة النساء


الجندي المجهول
15-09-2009, 11:50 PM
محاكمة أخطر زعيمتين لتجارة المخدرات بأمدرمان
أصدرت محكمة جنايات أمبدة - أمدرمان حكماً بالسجن على تاجرتين من تجار المخدرات بالمنطقة تم ضبطهن بواسطة شرطة أمن المجتمع في مداهمة لها لأحد المنازل بمنطقة أمبدة.
وكشف الإتهام من خلال القضية بأن معلومات توفرت حول نشاط المتهمتين في عمليات لتجارة الحشيش وبعد مداهمة منزلهما عثر على المعروضات وهي 40 قندول حشيش كما تم التحفظ على فتاة وثلاثة آخرين برأت المحكمة ساحتهم، فيما جاء الحكم على المتهمة الأولى بالسجن 10 سنوات والغرامة 150 جنيه والمتهمة الثانية السجن لمدة ثلاثة أشهر والغرامة 50 جنيها وبالعدم السجن لمدة اسبوعين.

صحيفة حكايات
منقول من موقع النيلين دوت كومتخريمة :

هسع تطلع لي ام قبس بي بوست تقول علينا اعداء الجنس اللطيف ( ديل بقوا بتاعين عصابات ومخدرات يا حليل اللطافة )
ام عسجد
16-09-2009, 12:00 AM
لا اكيد وراهم رجال مافيش نسوان بعملوا كل دة لوحدهم والمشكلة يكونوا يبيعوهو يجي يسلموا الرجال القرو ش
الجندي المجهول
16-09-2009, 12:05 AM
لا اكيد وراهم رجال مافيش نسوان بعملوا كل دة لوحدهم والمشكلة يكونوا يبيعوهو يجي يسلموا الرجال القرو ش

رمضان كريم ام عسجد

لكن شكلك طولتي من البلد ( والله ديل يبيعوك ويشتروك) شكلك من زمن الناس الطيبة وابشرك كله لاحق بعضه وفي الجريمة المرة سباااااااااااااااااااقة من زمااااااااان من بدري ونسال الله السلامة وان يسترنا فوق الارض وتحت الارض ويوم العرض .. ولا شنو
ابوخالد
16-09-2009, 12:42 AM
يالطيف ألطف .....

مخددددددددددددرات ......
دى أخرتا .....

لكن الغرامة دى مابسيطة عليهم ....!!!!!!!

لو حسبنا العائد المادى من القناديل الإتوزعت ....

مفروض غرامات البلاوى دى تمشى لصالح علاج المدمنين ....

وكلما ذاد رقم الغرامة كان أفضل .....
مدنيّة
16-09-2009, 12:49 AM
ريا وسكينة
مع الفارق
نخيل طيبة
16-09-2009, 12:49 AM
ايوااااااااااااه والله كلام عجيب ..ياساتر يارب ..
لكن انا مع ام عسجد انه بكون وراهم رجال ..
لانه انا هسه حا اطلع ليكم بمثل جديد..
وراء كل رجل عظيم امرأه
ووراء كل امرأه مجرمه رجل ...
نخيل طيبة
16-09-2009, 12:52 AM
مع رأي ابو خالد في انه الغرامه دي بسيطه ...
بعدين ناس المخدرات ديل وين المؤبد...!!
والا ناسين ضياع الشباب بسببهم ...؟
ديل مفروض اصله ماتكون ليهم ايي رحمه ...عشان يعتبر الوراهم والمعاهم .
ahmed algam
16-09-2009, 01:40 AM
ريا وسكينه شنو لي ديل


يامدنيه



ريا وسكينه بالنسبه لي ديل ملايكه
صهيب البصير
16-09-2009, 01:48 AM
جندينا رمضان كريم

من كسرة وطبيخ لى حشيش وبنقوا
تعرف دى بتزكرنى بالحكمة البتقول

زى السرج فى ضهر كلب
بعدين ياخوى انت تعال الاخبار العجيبه دى بتجيبها من وين الظاهر على بقيت مؤلف كبير
ياود ماتركز خلاص كلها اربعه ايام

تخريمه قوووووووووووول لى جارك حمدالله عل السلامه رغم انو طفش وماكلمنا
الجندي المجهول
16-09-2009, 02:03 AM
يالطيف ألطف .....

مخددددددددددددرات ......
دى أخرتا .....

لكن الغرامة دى مابسيطة عليهم ....!!!!!!!

لو حسبنا العائد المادى من القناديل الإتوزعت ....

مفروض غرامات البلاوى دى تمشى لصالح علاج المدمنين ....

وكلما ذاد رقم الغرامة كان أفضل .....

انا في راي الخاص مفروض تكون عقوبة المخدرات الاعدام كما معمول به في المملكة العربية السعودية - اخر الجزاء ازى يا _ حبيبنا _
الجندي المجهول
16-09-2009, 02:07 AM
ريا وسكينة
مع الفارق

ما قلت إلا الحق

تخريمة :
كلامك دا حا يخلي ام قبس تقول ليك انت معانا ولا معاهم ( وانا نيابة عنك) بقول ليها انت مع الحق ( وش مبسوط من الكسب الاداري دا)
الجندي المجهول
16-09-2009, 02:08 AM
ايوااااااااااااه والله كلام عجيب ..ياساتر يارب ..
لكن انا مع ام عسجد انه بكون وراهم رجال ..
لانه انا هسه حا اطلع ليكم بمثل جديد..
وراء كل رجل عظيم امرأه
ووراء كل امرأه مجرمه رجل ...

لا ابدا هم كلهم من النساء فقط (وهذه كارثة)
الجندي المجهول
16-09-2009, 02:09 AM
ريا وسكينه شنو لي ديل


يامدنيه



ريا وسكينه بالنسبه لي ديل ملايكه

والله يا علقم انت الملاك ديل بيتاجرو بالموت ولو يعرفوا حقيقة المخدرات وماذا تفعل في الشعوب ( لانتحروا قبل ان يقبض عليهم)
الجندي المجهول
16-09-2009, 02:11 AM
جندينا رمضان كريم

من كسرة وطبيخ لى حشيش وبنقوا
تعرف دى بتزكرنى بالحكمة البتقول

زى السرج فى ضهر كلب
بعدين ياخوى انت تعال الاخبار العجيبه دى بتجيبها من وين الظاهر على بقيت مؤلف كبير
ياود ماتركز خلاص كلها اربعه ايام

تخريمه قوووووووووووول لى جارك حمدالله عل السلامه رغم انو طفش وماكلمنا

الم تسمع يا قريبي بكيدهن عظيم والله والله دي مشكلة كبيرة يعني بكرة حا يعملوا شنو

تخريمة :
جاري وصل لكن معاهوا كمية من الضيفان وملخوم والله وانا كمان كل يومين في المطار يا موصل يا مستقبل ( ريسيفر بس) والحمد لله كل الاهل والاخوان تمام وربنا يجمعنا بالجميع في ساعة خير .
مهيد ود السفاح
16-09-2009, 04:31 AM
قال شنو قال جنس لطيف

تعرف يا جندينا التانيه دي القانون جاملها عديل كده
شنو 150 جنيه وتلاته اشهر
العقوبه دي ما تأديبيه
حاجات زي دي مفروض القانون يتعامل بلا رحمه
لكن يا جندي لما النساء تتجه نحو الجريمه وبكل جرأة سواء بادارة الجريمه او المشاركه فيها ,
ده مؤشر خطير . ولا يكون القصد التمويه .؟؟
عبدالله
16-09-2009, 05:38 AM
نسأل الله السلامة
فالمرأة اذا دخلت عالم الاجرام فهى سوف تستغل ما وهبها الله من دهاء و كيد و و ربنا يستر من العواقب
ام نوران
16-09-2009, 09:34 PM
لاحول ولاقوة الا بالله
هي وصلت بالنساء لكده
ياساااتر