المساعد الشخصي الرقمي

مشاهدة النسخة كاملة : حضرنا ولم نجدكم- عيد سعيد


درديري كباشي
19-09-2009, 02:17 AM
حضرنا ولم نجدكم ..عيدكم سعيد .. وكل عام وانتم بخير ..

الحاج حمد لبد واولاده

حاتم وقاسم وسالم وعامر ..

بعد ان كتب بالفحم على كتف الباب بالخط العريض نفض يديه من الفحم ونادى اولاده بالمواصله ..

ما عاوز احكي قصة اتربعتوا كدا وقعدتوا لي في الواطه .. قوموا شوفوا عيدكم .. لكن عندنا عادات اقترنت بالعيد سيئه جدا .. لا تريد ان تزول ( بصراحة انا لي عشر سنوات ما حضرت العيد في السودان يعني ما نفتري ساكت) اتمنى انه هذه العادات تكون زالت ..

وكذلك من العادات القبيحه ايضا ..انه بعض الناس يستغلون البيوت المشرعه في ايام العيد .. ويتوغل احدهم داخال اوكار (نخليها خدر ) النساء يسبقه التصفيق مثال ..

( الحاجة سلام عيدكم مبارك ..علينا عليكم كيفنكم) في هذه اللحظة تجد ربكة حدثت داخل البيت البنات يتجارن بين الغرف .والحاجة لفحت ملاية السرير الجديدة وتدثرت بها .. وصاحبنا مواصلا في التوغل لا يشعر باي حرج نتيجة للربكة التي احدثها .. وبعد ما يسلم على الحاجة .يصر ينادوا له البنات .. ربما تكون دخلت البنت في مكان لا توجد به ملابس ساتره توب او عباية ..
( وينن البنات يالحاجة ... سلام ابتسام ... سوسن .. طماضر ... عيدكن مبارك تعالن نسلم عليكن )....
زهذا نقول له العيد الجاب الناس انشاء الله لينا ما جابك ....

* ونوع ثاني يكتفي بالصالون بعد ما صفق وصفر وعيد ولم يجد من يجيب يدخل الى الصالون ويستفرد بعلبة الحلاوة . ويفرق نصها في جيبه .. لذلك نقول اللهم اكفي بيوتنا شر اصحاب الجيوب الكبيرة وجيوب المقاومة ايضا ..


ونوع ثالث هذه المره صاحب البيت نفسه يكون من النوع العبيط واللايوق ويتشعبط ويتشيث بضيوف العيد مصرا على تناول الغداء معه ..
( يا عوين يا جنيات الوقت وقت غدا الكلام دا ما بيجي.. حرم ما بتطلعوا اكان ما تغديتو ) محرجا الضيوف واهل بيته في حرج كبير .. لان الضيوف برنامجهم لازال طويل وساعة الغداء يمكن تكفيهم بالمرور على عدة بيوت اخرى من النوع الذي يرفض المعايدة اذا لم تكن من اول يوم في العيد .. خاصة الخالات والعمات النوع العكليته .. وفي ذات الوقت ناس بيته لايكون عندهم حساب غدا ضيوف .. هي حلة واحدة عبارة عن ملاح خضرة مطبوخة ( لماذا غدا العيد دائما يكون خضرة مطبوخة ؟؟)
عبدالرحمن مدثر
19-09-2009, 02:30 AM
حضرنا ولم نجدكم

يادرديرى وكل ناس الروعة فى بلادى

لاننا بحثنا عنكم فى المكان الخطأ

انتم جووووووووه

ونحن نبحث عن فحمة وباب كبير

ياسلاام على العيد ولمة العيد وفرحة العيد

ماذكرته يابوالدر معظمه صحيح

انا اتوقف معك عند اصحاب الجيوب الكبيرة

انت عاارف وفى ناس بيعددوا ليك افراد الاسرة

وهو يرمى فى جيوبه

دى لبتى فلانة

دقيقة ماانسى ولدى فلان

وخليك من الحاجات المهروسة بواسطة قواته الخاصة

وفى النهاية بعملوا ربكة فى شكل العيد

فى البيوت

وشبكات الصرف الصحى










كل عام وانتم بالف خير
ولدمارنجان
19-09-2009, 04:21 AM
(( ما عاوز احكي قصة اتربعتوا كدا وقعدتوا لي في الواطه .. قوموا شوفوا عيدكم .. ))
>> دا كلة وبرضة ماعاوز تحكى انت لو حكيت كان عملت شنو << الرائع / درديري كباشي ،،
كل عام وانت ونحن وجميع المسلمين بالف خير ، وعيدك مبارك وسعيد ،، ومالك طاردنا من بوستك ،، ونقوم نمشي وين ،، ونخليك براك متحكر ومتربع ،، وتحرمنا من روائعك دى ، منو البكملها وبيمر عليهاااا وخاصة في ايام العيد ونحن بعيدون عن الوطن فهى ملاز لنا من هجير الغربة ،، لذا نستاذنك جلوسنا في هذا البستان الوارف !!!
يااخى انت قديم خلاص ،، انت من زمن الفحم والحيمور البكتبو بيه في الابواب ،، انت العولمة دى ماسمعت بيها ! طبعا من آخر يوم في رمضان وكل الناس بمختلف طبقاتهم ( الثقافية فقط ) في بلادي الحبيبة في المدن المجاورة للعاصمة والبعيدة عنها بيحضروا كروت الشحن ،، ومما يمغرب اليوم الاخير لرمضان تلاقي كل واحد يحكحك ويشحن في الكروت بتاعة الموبايلات وكل حسب قروشة في الموديل ،، واهااا وهاك يااتصالات بالاهل وناس الحلة وناس البلد والجيران وآخر اعتذارات ،، ومعليش كنا بنمر عليكم بس جونا ضيوف ونحنا مارقين في خشم الباب ،، وجنس اعذار ! لمن انت زاتك تصدقها ،، وطبعا مابكون عندك اى عذر غير ان البطن تعبتها شديد باكل الخبيز قبل صلاة العيد مع كبايه شاي اللبن وبعد الصلاة بتكون كبستها حلويات ،، ويلا يالمرافق جاااااك الجاااااك .. وتقبل المرور وعيدك سعيد دوما .
ابوخالد
19-09-2009, 07:25 AM
حصلت معاى اليوم

حضرنا ولم نجدكم

http://farm1.static.flickr.com/126/333854963_6b37dd2669.jpg
محمد السر
19-09-2009, 08:19 AM
http://www.9m.com/upfiles/DFx80452.gif (http://www.7be.com/vb/)
درديري كباشي
19-09-2009, 09:58 AM
حضرنا ولم نجدكم

يادرديرى وكل ناس الروعة فى بلادى

لاننا بحثنا عنكم فى المكان الخطأ

انتم جووووووووه

ونحن نبحث عن فحمة وباب كبير

ياسلاام على العيد ولمة العيد وفرحة العيد

ماذكرته يابوالدر معظمه صحيح

انا اتوقف معك عند اصحاب الجيوب الكبيرة

انت عاارف وفى ناس بيعددوا ليك افراد الاسرة

وهو يرمى فى جيوبه

دى لبتى فلانة

دقيقة ماانسى ولدى فلان

وخليك من الحاجات المهروسة بواسطة قواته الخاصة

وفى النهاية بعملوا ربكة فى شكل العيد

فى البيوت

وشبكات الصرف الصحى










كل عام وانتم بالف خير

انت مبارك علينا ايها الرجل العيد


وقلت لي الواحد يجي يعيد وشايل قائمة اولاده في جيبه ( دي لسوسن ودي لخالد وحبة للاهام .. وعمر كان ما شلت ليه اثنين ما بيدخلني البيت هاعهاعهاعاعهاع)
درديري كباشي
19-09-2009, 10:10 AM
(( ما عاوز احكي قصة اتربعتوا كدا وقعدتوا لي في الواطه .. قوموا شوفوا عيدكم .. ))
>> دا كلة وبرضة ماعاوز تحكى انت لو حكيت كان عملت شنو << الرائع / درديري كباشي ،،
كل عام وانت ونحن وجميع المسلمين بالف خير ، وعيدك مبارك وسعيد ،، ومالك طاردنا من بوستك ،، ونقوم نمشي وين ،، ونخليك براك متحكر ومتربع ،، وتحرمنا من روائعك دى ، منو البكملها وبيمر عليهاااا وخاصة في ايام العيد ونحن بعيدون عن الوطن فهى ملاز لنا من هجير الغربة ،، لذا نستاذنك جلوسنا في هذا البستان الوارف !!!
يااخى انت قديم خلاص ،، انت من زمن الفحم والحيمور البكتبو بيه في الابواب ،، انت العولمة دى ماسمعت بيها ! طبعا من آخر يوم في رمضان وكل الناس بمختلف طبقاتهم ( الثقافية فقط ) في بلادي الحبيبة في المدن المجاورة للعاصمة والبعيدة عنها بيحضروا كروت الشحن ،، ومما يمغرب اليوم الاخير لرمضان تلاقي كل واحد يحكحك ويشحن في الكروت بتاعة الموبايلات وكل حسب قروشة في الموديل ،، واهااا وهاك يااتصالات بالاهل وناس الحلة وناس البلد والجيران وآخر اعتذارات ،، ومعليش كنا بنمر عليكم بس جونا ضيوف ونحنا مارقين في خشم الباب ،، وجنس اعذار ! لمن انت زاتك تصدقها ،، وطبعا مابكون عندك اى عذر غير ان البطن تعبتها شديد باكل الخبيز قبل صلاة العيد مع كبايه شاي اللبن وبعد الصلاة بتكون كبستها حلويات ،، ويلا يالمرافق جاااااك الجاااااك .. وتقبل المرور وعيدك سعيد دوما .


سلام يا ود مارنجان

كل عام وانتم بخير

ونشكرك على الكلام الذي لا يفوقه روعة الاك ومارنجان .

وقلت لي الفحم بقى دا قديمه .. وما اظن بعد الغاز والبترول اصبح في فحم اصلا ..
درديري كباشي
19-09-2009, 10:14 AM
حصلت معاى اليوم

حضرنا ولم نجدكم

http://farm1.static.flickr.com/126/333854963_6b37dd2669.jpg

كل عام وانتم بخير يا باشمهندس وشاكرين على الكرت الرائع

والذي لا يقل جمالا عن هذا التصميم الرائع للموقع
درديري كباشي
19-09-2009, 10:18 AM
http://www.9m.com/upfiles/dfx80452.gif (http://www.7be.com/vb/)

تشكرك يا ابو حميد على هذا الكرت الرائع وكل عام وانتم بالف خير
محمد هاشم
19-09-2009, 10:19 AM
وأنت بألف خير يا أبو الدر وتقبل الله منا ومنكم صالح الاعمال والطاعات
درديري كباشي
19-09-2009, 10:27 AM
وأنت بألف خير يا أبو الدر وتقبل الله منا ومنكم صالح الاعمال والطاعات

كثر خيرك يا ابو وضاح وكل عام وانتم بخير
نزار السر
19-09-2009, 11:40 AM
http://www.9m.com/upfiles/c3y92311.jpg (http://www.7be.com/vb/)
درديري كباشي
19-09-2009, 12:32 PM
http://www.9m.com/upfiles/c3y92311.jpg (http://www.7be.com/vb/)


شاكر جدا يا نذار

وانت بالف خير

وتحايا عطره للاسرة
ايمن عبد الله
19-09-2009, 01:02 PM
درديري كل سنة وانت طيب وربنا يحقق امانيك وامانينا
درديري كباشي
19-09-2009, 01:05 PM
درديري كل سنة وانت طيب وربنا يحقق امانيك وامانينا

وانت بالف خير يا ابو اسيل .ز

وربنا يخليهالك وتخاويها بعد العيد مباشرة .. عشان ما تتعطلوا في العيد
غلباوى
20-09-2009, 06:40 AM
حضرنا ولم نجدكم ..عيدكم سعيد .. وكل عام وانتم بخير ..

الحاج حمد لبد واولاده

حاتم وقاسم وسالم وعامر ..

بعد ان كتب بالفحم على كتف الباب بالخط العريض نفض يديه من الفحم ونادى اولاده بالمواصله ..

ما عاوز احكي قصة اتربعتوا كدا وقعدتوا لي في الواطه .. قوموا شوفوا عيدكم .. لكن عندنا عادات اقترنت بالعيد سيئه جدا .. لا تريد ان تزول ( بصراحة انا لي عشر سنوات ما حضرت العيد في السودان يعني ما نفتري ساكت) اتمنى انه هذه العادات تكون زالت ..

وكذلك من العادات القبيحه ايضا ..انه بعض الناس يستغلون البيوت المشرعه في ايام العيد .. ويتوغل احدهم داخال اوكار (نخليها خدر ) النساء يسبقه التصفيق مثال ..

( الحاجة سلام عيدكم مبارك ..علينا عليكم كيفنكم) في هذه اللحظة تجد ربكة حدثت داخل البيت البنات يتجارن بين الغرف .والحاجة لفحت ملاية السرير الجديدة وتدثرت بها .. وصاحبنا مواصلا في التوغل لا يشعر باي حرج نتيجة للربكة التي احدثها .. وبعد ما يسلم على الحاجة .يصر ينادوا له البنات .. ربما تكون دخلت البنت في مكان لا توجد به ملابس ساتره توب او عباية ..
( وينن البنات يالحاجة ... سلام ابتسام ... سوسن .. طماضر ... عيدكن مبارك تعالن نسلم عليكن )....
زهذا نقول له العيد الجاب الناس انشاء الله لينا ما جابك ....

* ونوع ثاني يكتفي بالصالون بعد ما صفق وصفر وعيد ولم يجد من يجيب يدخل الى الصالون ويستفرد بعلبة الحلاوة . ويفرق نصها في جيبه .. لذلك نقول اللهم اكفي بيوتنا شر اصحاب الجيوب الكبيرة وجيوب المقاومة ايضا ..


ونوع ثالث هذه المره صاحب البيت نفسه يكون من النوع العبيط واللايوق ويتشعبط ويتشيث بضيوف العيد مصرا على تناول الغداء معه ..
( يا عوين يا جنيات الوقت وقت غدا الكلام دا ما بيجي.. حرم ما بتطلعوا اكان ما تغديتو ) محرجا الضيوف واهل بيته في حرج كبير .. لان الضيوف برنامجهم لازال طويل وساعة الغداء يمكن تكفيهم بالمرور على عدة بيوت اخرى من النوع الذي يرفض المعايدة اذا لم تكن من اول يوم في العيد .. خاصة الخالات والعمات النوع العكليته .. وفي ذات الوقت ناس بيته لايكون عندهم حساب غدا ضيوف .. هي حلة واحدة عبارة عن ملاح خضرة مطبوخة ( لماذا غدا العيد دائما يكون خضرة مطبوخة ؟؟)


ود كباشي العملاق !!!!! حضرنا وو جدناكم ( دي كيف معاك ) جديده مش؟


إن شاء الله أبواب الجنة الثمانيه تفتح لك 0وقلوب الناس ترتاح لك0 وكل حسنة تتضاعف لك0 وكل خيرفي الدنيا يوهب لك 0وكل نعيم في الجنة يعطي لك 0وفي كل خطوه الملائكة تدعو لك0
وكل عام وانتم بالف خير0
محمد هاشم
20-09-2009, 09:44 AM
أنت عارف يا أبو الدر العيد الفات في واحد مشيت ليه وما لقيته كتبت ليه حضرنا ولم نجدكم العيد ده برضو مشيت مالقيتو جيت داير أكتب ليه في الباب لقيت كتابتي بتاعت السنة الفاتت قاعدة لسع في الباب قمت كتبت تحته وتاني مرة جينا بدل ما أشوه الباب
درديري كباشي
20-09-2009, 02:34 PM
ود كباشي العملاق !!!!! حضرنا وو جدناكم ( دي كيف معاك ) جديده مش؟


إن شاء الله أبواب الجنة الثمانيه تفتح لك 0وقلوب الناس ترتاح لك0 وكل حسنة تتضاعف لك0 وكل خيرفي الدنيا يوهب لك 0وكل نعيم في الجنة يعطي لك 0وفي كل خطوه الملائكة تدعو لك0
وكل عام وانتم بالف خير0


سلام يا غلبة .. قلت لي انت واحد من الناس فحمته في جيبه جاهزه لقى سيد والبيت ولا ما لقاه هو كاتب كاتب ..

اما الدعاء .. فنسال الله ان يجعل لك في كل خطوة سلامة واجر .. وتحت كل طوبه رزق .. ويكتب لك رضا الوالدين .. وبر الاولاد ...

وازيد تظل انت الكنز اللغز الذي كل ما انكشف منه جزء بهرنا بالوان قوس قزح .ربنا يحفظك كما انت .
درديري كباشي
20-09-2009, 02:41 PM
أنت عارف يا أبو الدر العيد الفات في واحد مشيت ليه وما لقيته كتبت ليه حضرنا ولم نجدكم العيد ده برضو مشيت مالقيتو جيت داير أكتب ليه في الباب لقيت كتابتي بتاعت السنة الفاتت قاعدة لسع في الباب قمت كتبت تحته وتاني مرة جينا بدل ما أشوه الباب

اقسم بالله لذيذ جدا انت يا ابو وضاح وكيفتني بالضحك

ما قصرت مع الراجل .. بس كان تمشي قي الكتابة لانه ربما تعرضت لعوامل التعرية وكان ممكن تكحله شوية
محمد هاشم
21-09-2009, 12:03 AM
اقسم بالله لذيذ جدا انت يا ابو وضاح وكيفتني بالضحك

ما قصرت مع الراجل .. بس كان تمشي قي الكتابة لانه ربما تعرضت لعوامل التعرية وكان ممكن تكحله شوية


يديك العافية يا أبو الدر بس إكتشفت إنو الرجل في نفس الوقت كان في زيارتي في البيت يعني الحمد لله الما شوهت ليه بابه
ahmed algam
21-09-2009, 04:24 AM
http://www10.0zz0.com/2009/09/18/03/579679310.jpg (http://www.0zz0.com)
ودالعمدة
22-09-2009, 07:21 AM
حباب ابالدر ود كسلا
عيدكم مبارك يالدرديرى
-
-
حلاوتكم دى مالها ناشفة من العيد الفات
-
مالكم ماعندك خبيز السنة دى
-
ادينا موية ساكت انا مابشرب بيبسى
-
الحقنا بالعصيدة والشعيرية والفطير كان فطوركم جاهز
-
الحاجة فى نعيد عليها
-
حمامكم بى وين
-
ودعناكم الله النمشى نعيد على باقى الجيران
-
وادينا فحمة احتياطى
-
كدة كيييييييييف
مدنيّة
22-09-2009, 07:36 AM
دقيقة يادرديري
النشوف ابوخالد دا حصلت معه وين ؟؟

يازول انت مش برة البلد ؟؟

عندكم فحم برضووووووووو ؟ :cool:


غايتو اها بفحم ابوبكر المبارك دا

ياناس المنتدي هوووووووووووووووي

كل لحظة وانتو بالف خير يارب :)
ابوخالد
22-09-2009, 08:04 AM
دقيقة يادرديري
النشوف ابوخالد دا حصلت معه وين ؟؟

يازول انت مش برة البلد ؟؟

عندكم فحم برضووووووووو ؟ :cool:


غايتو اها بفحم ابوبكر المبارك دا

ياناس المنتدي هوووووووووووووووي

كل لحظة وانتو بالف خير يارب :)




مدنية أقعدى عافية إنتى وناس البيت ....
وتحية خاصة لجمال أبوعنجة ... الماشفناهو لى هسى ...
يابخيلة صورتو ما عايزة تنزليها لينا ... قبل العروس ما تطير عليهو ....
وسلام خاص الخاص لابو جمال ... وأقول كمان وكمان ..

http://farm1.static.flickr.com/126/333854963_6b37dd2669.jpg

وحصلت معاى اليوم داك مشيت لأخونا صلاح ود الطاهر
بعد وصف وتعب وشئ تميناه جوالات من أخونا بكرى كسلا
وبعد جهد جهيد حصلت البيت وللأسف لم أجد أحد بالبيت ...
وشلت فحمة أقصد ورقة وقلم وكتبت ليهو حضرت ولم أجدكم ...
وغرزتا فى الباب ..... أها كده براءة ...
درديري كباشي
22-09-2009, 10:20 AM
حباب ابالدر ود كسلا
عيدكم مبارك يالدرديرى
-
-
حلاوتكم دى مالها ناشفة من العيد الفات
-
مالكم ماعندك خبيز السنة دى
-
ادينا موية ساكت انا مابشرب بيبسى
-
الحقنا بالعصيدة والشعيرية والفطير كان فطوركم جاهز
-
الحاجة فى نعيد عليها
-
حمامكم بى وين
-
ودعناكم الله النمشى نعيد على باقى الجيران
-
وادينا فحمة احتياطى
-
كدة كيييييييييف


ود العمده عيدك مبارك

يا اخوي انت في المنتدى دا من سنة 2006 ولسع عضو مجتهد انت ما قعد تذاكر ولا شنو .. ؟؟؟ زكرتني واحد صاحبنا قال رايح يدرس الطب في تركيا تم عشرة سنوات ما جا ظاهر سالنا منه ابوه قال لينا عمركم سمعتو بدكتور قالوا قرا الطب في تركيا صاحبكم دا انسوه بس .الظاهر عليك انت مشترك في المنتدى من تركيا ..

والظاهر عليك مع اللف الكتير رمرمت كعك .ز تذكر زمن الكعك الزمان داك الكعكه تضرب بيها الواطه ما تتفرتك وكان الخلات يقطعوه في شكل ( هلال) ما تسمعنا مدنية هسع تجي ناطه .. واحد علق قال كلمة كعك اصلا هي تتكون من شقين ( كع) وهي تعني الكسر بصوت عالي .. والشق الثاني عيك يعني الكلمة اصلا ( كع عيك) يعني حلك لامن تكسرها .. هسع الكعك يقى حاجة هشة تذوب في اليد وتخليك اقرب بيت تدخله تسلم على الحمام قبل اهل البيت ..
ملاك مدني
22-09-2009, 11:16 AM
والله يادرديري حركة الكتابه في الباب دي ما بس في السودان هنا في التعوسيه في بالله يوم الوقفه غسلت الحيط والابواب بره وجواه لي باب الشارع غسلتو اها واول يوم دا طلعننا انا والاهل لمن رجعت القى ليك الباب مكتوب فيهو بي الخطب الكبير حضرنا ولم نجدكم نصر الدين


ولمن رجعنا وشفت المكتوب بكيت بي مغستي تعب يوم كامل ضاع بي لمسه وحده الظاهر لسه عهد الورقه والقلم ولا التلفون ماخشه عند الناس دي


بس لينا الله


والمهم
كل عام والجميع بالف خير
تحياتي
اختكم ...ملاك مدني
درديري كباشي
22-09-2009, 02:03 PM
والله يادرديري حركة الكتابه في الباب دي ما بس في السودان هنا في التعوسيه في بالله يوم الوقفه غسلت الحيط والابواب بره وجواه لي باب الشارع غسلتو اها واول يوم دا طلعننا انا والاهل لمن رجعت القى ليك الباب مكتوب فيهو بي الخطب الكبير حضرنا ولم نجدكم نصر الدين


ولمن رجعنا وشفت المكتوب بكيت بي مغستي تعب يوم كامل ضاع بي لمسه وحده الظاهر لسه عهد الورقه والقلم ولا التلفون ماخشه عند الناس دي


بس لينا الله


والمهم
كل عام والجميع بالف خير
تحياتي
اختكم ...ملاك مدني

سلام يا ملاك وكل عام وانتم بخير

تعرفي شفقتيني انا اول ما جيت شقتي قعدت اعاين في الباب نعله ما في زول كتب بالفحم
ودالعمدة
22-09-2009, 03:16 PM
ود العمده عيدك مبارك
يا اخوي انت في المنتدى دا من سنة 2006 ولسع عضو مجتهد انت ما قاعد تذاكر ولا شنو .. ؟؟؟ ذكرتني واحد صاحبنا قال رايح يدرس الطب في تركيا تم عشرة سنوات ما جا ظاهر سالنا منه ابوه قال لينا عمركم سمعتو بدكتور قالوا قرا الطب في تركيا صاحبكم دا انسوه بس .الظاهر عليك انت مشترك في المنتدى من تركيا ..
والظاهر عليك مع اللف الكتير رمرمت كعك .ز تذكر زمن الكعك الزمان داك الكعكه تضرب بيها الواطه ما تتفرتك وكان الخلات يقطعوه في شكل ( هلال) ما تسمعنا مدنية هسع تجي ناطه .. واحد علق قال كلمة كعك اصلا هي تتكون من شقين ( كع) وهي تعني الكسر بصوت عالي .. والشق الثاني عيك يعني الكلمة اصلا ( كع عيك) يعني حلك لامن تكسرها .. هسع الكعك يقى حاجة هشة تذوب في اليد وتخليك اقرب بيت تدخله تسلم على الحمام قبل اهل البيت ..

أخى درديرى
نعم نسبة لحداثة عهدك بالمنتدى فى يونيو 2009 حيث أنك لم تحضر السيل الجارف من السيرفر والذى جرف مشاركات وعضوية عام كامل بكل المنتدى قبل شهر من تسجيلك
وبعدها بدأنا العضوية من جديد ... وسيبقى لنا شرف الانتماء لمنتدى أم المدائن الذى جمعنا باخوة أعزاء مثلكم ..
وكل سنة وانت طيب ...
صالح ابوشوارب
22-09-2009, 09:09 PM
http://www.9m.com/upfiles/c3y92311.jpg (http://www.9m.com/upfiles/c3y92311.jpg)
درديري كباشي
22-09-2009, 11:01 PM
أخى درديرى
نعم نسبة لحداثة عهدك بالمنتدى فى يونيو 2009 حيث أنك لم تحضر السيل الجارف من السيرفر والذى جرف مشاركات وعضوية عام كامل بكل المنتدى قبل شهر من تسجيلك
وبعدها بدأنا العضوية من جديد ... وسيبقى لنا شرف الانتماء لمنتدى أم المدائن الذى جمعنا باخوة أعزاء مثلكم ..
وكل سنة وانت طيب ...


شرف عظيم لينا يا ود العمده انا عارفك زعيم كبير وقديم بس حبيت اشاغلك شوية ... واحلى ما في ناس مدني انه العلاقة معاهم تقوم بنمرة اربعة طوالي .ما بتحتاج لمقدمات وتمهيد واختبارات فالشخص يكفيك منك اسمه وبعد شوية تكتشف انه شخص اصلا هو موجود جواك يمكن ان تخترقه وانت واثق لاتوجد عقد وعقبات.

عيدكم بالف خير ياعمده
درديري كباشي
22-09-2009, 11:04 PM
http://www.9m.com/upfiles/c3y92311.jpg (http://www.9m.com/upfiles/c3y92311.jpg)

وانت بالف خير يا استاذ صالح

ونشكرك حضورك يا استاذنا
abdgina
23-09-2009, 01:29 AM
haaaa haaaaaaaaaa haaaaaaaaaa
Ahla Nas ya nas madani
(sorry i got aproblem with my keyboard)