المساعد الشخصي الرقمي

مشاهدة النسخة كاملة : الشتاء وتوابعه


مايسة
22-09-2009, 11:14 PM
الشتاء على الابواب

احساس الشتاء يختلف من شخص لاخر
تتشابك وتتنافر الاحاسيس صراحة في الشتاء


عن نفسي – من بداية الشتاء للنهاية يخالجني احساس مبهم بالحزن – لا ادري كنهه –



اها رائكم شنو – واحساكم شنو وهو خلاص قرب قرب
ما تقولو لي النوم النوم – وتحت اللحاف وكدا –
wad alballal
23-09-2009, 12:07 AM
برررررررررررررررررررررررررررررررررررررررررررد شديد في مدني ...
العاقب مصباح
23-09-2009, 02:02 AM
انا بتكيف للشتاء شديد

خاصة شتاء الخليج

عشان فيهو مطررررررررررررررررررررة

ومطرة مع شتاء

تشوف النجم عز الضهر

اررررررررررررررررررررررررررررر



دا صوت واحد بردان شديد:d:d:d
مايسة
23-09-2009, 04:21 AM
برررررررررررررررررررررررررررررررررررررررررررد شديد في مدني ...


ههههههه

شغل الدفاية طيب :p

ورينا احساسك شنو طيب وانت بردان :);)
مايسة
23-09-2009, 04:22 AM
انا بتكيف للشتاء شديد

خاصة شتاء الخليج

عشان فيهو مطررررررررررررررررررررة

ومطرة مع شتاء

تشوف النجم عز الضهر

اررررررررررررررررررررررررررررر



دا صوت واحد بردان شديد:d:d:d



فعلا

تقريبا شتاء الخليج - حلاتو في المطرة بس


عندك مظلة ولالا :p;)
العاقب مصباح
23-09-2009, 04:23 AM
مايسة


والله انا من قريت البوست بتاعك دا وانا بردان

ياخى ما منكن اديل كدا

كتلوك ولا جوك جوك
محمد السر
23-09-2009, 04:32 AM
اولاً كل سنه وانتي طيبه


والله يا مايسه انا اجمل الفصول عندي الشتاء
وحتى لو كان البرد جامد
مايسة
23-09-2009, 04:36 AM
مايسة


والله انا من قريت البوست بتاعك دا وانا بردان

ياخى ما منكن اديل كدا

كتلوك ولا جوك جوك



هههههههههههه


ياخي شعورك شنو ياخي وانت قاعد كدا ماسك كباية الشاي الحاااااارة ديك

او انت صاحي الصباح بدررررررري وطالع على الدوام

همسة: ممكن ونص - (ما تعدل):)
مايسة
23-09-2009, 04:38 AM
اولاً كل سنه وانتي طيبه


والله يا مايسه انا اجمل الفصول عندي الشتاء
وحتى لو كان البرد جامد


وانت طيب وربنا يحقق الاماني يا رب

ياخي ولا حلو ولا شئ كلو جفاف في جفاف :D:p


كدي النجيك برواقة نفهم العاجبك فيهو شنو - يمكن الواحد يغير رائو :):p
مهيد ود السفاح
23-09-2009, 04:42 AM
قلتي لي الشتاء يا مايسه

زمان كان اهم حاجه في الشتاء ( الكشكه )

وللناس الما بتعرف الكشكه
هي حاجه كده بتجي للجلد في ايام السقط
والسقط من الحاجه الساقطه اي البارده شديد
اها الكشكه بتصيب (الجضوم ) وتعني الخدود
وتصيب جلد اليد من فوق
والارجل
وكذلك الشفتين
اها لمان تجيك الكشكه في الشفتين الله يعينك على الضحك
والمصاب بالكشكه بضحك بالتجزئيه
وانا اتحدى اي واحد عندو كشكه يضحك او يبتسم ابتسامه عريضه

مخلفات مرض الكشكه

تشقق في الايدي والارجل والشفتين

الانتي كشكه

جلسرين ( ورغم انو بكون مسخن شديد الا انو علاج فعال للكشكه , نوصي بالصبر عليه )
الفازلين ( مزيل جيد لاثار الكشكه من الجلد كما هو مرطب ومطري ويمنع حضور المرض مره اخري فالنداوم على استخدامه )

اها يا مايسه لقيتيني كيف في الشتاء ؟؟
العاقب مصباح
23-09-2009, 04:53 AM
همسة: ممكن ونص - (ما تعدل):)



قاسد اديل كدا ياخ :p:p:p
مايسة
24-09-2009, 04:01 AM
قلتي لي الشتاء يا مايسه

زمان كان اهم حاجه في الشتاء ( الكشكه )



اها يا مايسه لقيتيني كيف في الشتاء ؟؟



بعد دا كلو وبتسالني لقييتيني كيف ؟؟؟


لقيتك مكشك ياخي :p;)

ومعالج :rolleyes:

رائك شنو تفتح محل اعشاب للتداوي :D:cool:
مايسة
24-09-2009, 04:02 AM
قاسد اديل كدا ياخ :p:p:p


كلاص كان تخليها ياكي بدل ياخ :cool::p
وجدى محمد خميس
24-09-2009, 05:22 AM
تحياتى اختى مايسه
اهم شى فى الشتاء الواحد بكون جيعان طوالى(عضه شديده)
نسمة صباح
24-09-2009, 05:24 AM
الشتاء وذكرياتو المريره والأليمه معاي:eek::confused:

بالليل
اكون متردفه بي عشرين لبسه

و خمسه بطاطين وبرضو لسه بردانه



اصحى الصباح بدري اقطع حوش حدادي مدادي يلفحني هو بااااااااااااااااااااااااااااااااااااااااااااااااا ااااااااااااااارد اطرافي تكون اتجمدت

ادخل استحمى القى المويه بااااااااااااااااااااااااارده اشهك شهقه تقرب روحي تطلع معاها


اطلع الشارع في الصباح بدري الشمس لسه بتكون ماشرقت ااقيف منتظره المو صلات عشرميه ساعه
وانابكون بكتكت من البرد ا



ي الساعه ديك بكون لا ارى لا اسمع لا اتكلم


فيا مايسه ما تذكريني ياخ :o:o:o





مايسه كل سنه وانت طيبه واماني كلها محققه يارب
محمد الواثق
24-09-2009, 05:26 AM
الصقت الصقت
يا ميوس والله البرد قارص بكون يعني كيف ما نقوليك لحاف وتحت المخدة اها نقبل وين يعني
عمر المامون
24-09-2009, 06:20 AM
ما عندك بطانية ؟؟؟؟؟؟؟؟؟
سودانية وافتخر
24-09-2009, 12:44 PM
احلى الفصوول عندي فصل الشتاء..وكان سالتيني ليه بقول ليك ما عارفة خخخخ لكن احلى حاجة المطرررر

وكل عام وانتي بخير يا ميسو
ahmed algam
24-09-2009, 08:20 PM
الشتاء دا اجمد فصل




الواحد من الصباح اقوم اديها




حمام كدي القي الناس كلها مددمده





تقوم تبلبل يدك بموية الزير




وتقوم تدخل يدك في ظهروا






وشوف الجرسة





وفي بعض الاحيان تقلب الي شكله
عمرالماحي
24-09-2009, 08:57 PM
الاخت مايسه
لكي التحيه فصل الشتاء فصل جميل وهذا من وجه نظري
لان الانسان في هذا الفصل يستمتع بالاتي///

1/هدوء العصاب وروقان الدم عكس الصيف
2/الاكل بصوره جيده عكس الصيف
3/ساعات النوم في المساء بتزيد مما ينعكس على راحه الجسم في الصباح ونشاطه


كل شتاء وانتم بخير

ودالماحي
محمد النويري-الفقراء
26-09-2009, 02:39 AM
يا مايسة انا بكره الشتاء شديد لان الصيف ممكن اتعالج بالمكيف في ابيت او الشغل او السيارة المشكلة الشتاء بتعالج في البيت والمكتب بالدفاية اها في الشارع اعالجوهو بشنو ؟؟
صهيب البصير
26-09-2009, 03:28 AM
كل سنة وانتى طيبه اختى مايسه

انا فى نظرى اجمل فصول السنه الشتاء وبدون مقارنه مع باقى الفصول باعتبار الشتاء والخريف موسم واحد فى الخليج لعدة اشياء اولها

1- صحة الجسد والنشاط من اكثر الاشياء كرها لى الصحيان باكرا للخروج الى الدوام وزحمة العمل ولكن فى الشاء يكون هنالك اختلاف عن باقى الفصول يكون هنالك نشاط وحيويه
2- النهار فى الشاء قصير والليل اطول وانتى عارفة الواحد على بال مايدخل الدوام اشرب شاى واتصفح الانترنت تكون الساعه 2 جات وهال يازوغه الى البيت
3- الشهية المفتوحه الى الاكل فى اى وقت بالذات الدهون والحلويات لرطوبة الجو
4- الراحة فى النوم لطول الليل اولا والنوم بعمق ثانيا
5- تقل الامراض فى فصل الشتاء ماعدا بعض نزلات البرد
بنت الرفاعي
26-09-2009, 03:57 AM
انا بتكيف للشتاء شديد

خاصة شتاء الخليج

عشان فيهو مطررررررررررررررررررررة

ومطرة مع شتاء

تشوف النجم عز الضهر



بتتكيّف ؟؟
ياخي ده شتاء بيجي مبالغة عديل كدة , السنة الفاتت حضرت البرد عايزة أموت , قالوا لي ماشفتي حق السنة القبليها البلد من شدة البرد الدفايات كملت فيها , والمطرة عندهم غالبا بيصلوا ليها علشان تنزل , وتقول بتتكيّف ؟ ماشفت شتاء السودان سمح شديد .