#مكتبة خاصة ***لروائع المبدعين# [الأرشيف]

littlestar

25-09-2009, 10:14 AM

منتدانا ده عامر بالكتير من
نفائسنا الثمينه
ودررنا المكنونه
ال بنكتشفا كل يوم
بوست بعد بوست
ناس إمتلكت ناصية السرد والكتابه
وإتألقو وأبدعو
ونحن إستمتعنا ولسه بنستمتع بكتاباتهم للحد البعيد

سؤالى موجه للإدارة
وبيستفتى الأعضاء
طب ليه ما تكون هناك مكتبه خاصه
للمبدعين
لكل كاتب يصل لعدد معين من الكتابات
أو عن طريق التصويت والترشيح
أو ال يفوز بحد معين من النقاط
تبقى ليه مكتبتو خاصه
ده على حسب ما الإداره بتراه مناسب
المهم نحن كيف نحافظ على إبداع كتابنا
ونحمسهم بالمواصله والإبداع
من غير ما تجى منتديات تانيه
تتناقل مواضيعم بوضع اليد
كيف نخرج كوكبة من المبدعين المميزين
تكون اللبنة الأساسية وبذرة الإبداع
نابعه من منتديات ود مدنى

ما عارفه أتمنى الفكره تكون وضحت
والناس تتفاعل معاها
وتدينا رأيها ف الموضوع

المكاشفى

25-09-2009, 04:56 PM

ياخى البت دى مبالغه بالجد
ياليتل عليك الله بتجيبى الفكر دى من وين؟؟
ولا ده سمك البحر اصلو بسوى زكاوه
ياخى كدى بتحفزينا وبتخلينا نقشر ؟؟
هى نقشر دى الجابه شنو هنا ؟؟
المهم نهتم بالجانب الروائى والقصصى والمسرحى
لكن اجتهدو معانا يالساده الاداريون

فتك بعافيه؟؟

عمرسنهوري

25-09-2009, 07:51 PM

فكره جميله

يا سوبر استار

littlestar

26-09-2009, 04:12 AM

ياخى البت دى مبالغه بالجد
ياليتل عليك الله بتجيبى الفكر دى من وين؟؟
ولا ده سمك البحر اصلو بسوى زكاوه
ياخى كدى بتحفزينا وبتخلينا نقشر ؟؟
هى نقشر دى الجابه شنو هنا ؟؟
المهم نهتم بالجانب الروائى والقصصى والمسرحى
لكن اجتهدو معانا يالساده الاداريون

فتك بعافيه؟؟

الله يديك العافية يا أبو عبده
ياخى إنتو ال بتحمسو الناس إنو يبلغو قمة العطاء
ف خليك دايمن قريب
ومنتظرين كمان إقتراحاتك وأفكارك
ولو الموضوع إستعصا بنشيع ليك سمك من هنا ;):p
ومتأكده كمان إنو ليك ملكات سرديه وروائيه مبااااااالغه
إن شاء الله تبقى عامل محفز
عشان نطول سما إبداعاتك

وياريت لو الإدراه تخصنا برأيها بخصوص الموضوع ده

littlestar

26-09-2009, 04:14 AM

فكره جميله

يا سوبر استار

الله يجمل ويحلى كل أيامك يارب
وكل سنه وإنت بألف خير
بس ياريت لو تقدم لينا كمان إقتراحاتك
عشان الموضوع يخمر

littlestar

26-09-2009, 04:20 AM

ياشباب ياريت لو الناس تتفاعل أكتر
نسبة لأهمية الموضوع وحساسيتو
المهم عندنا إزاى نقيم مبدعينا ونحفزهم ونحفظ حقهم الأدبى قدر الإمكان
شايفه ما شاء الله إنو فى نسبة مشاهده كويسه
وتصويت وإجزام بالموافقه بنسبة مية ف الميه
دايرين نعرف
أرائكم ورؤيتكم وتحفظاتكم ع الموضوع

ولسه بنقول
ياريت لو الإداره كمان تدلى برأيها

العاقب مصباح

26-09-2009, 04:32 AM

من جميل الصدف أنه وفى احد المنتديات التى اشارك فيها ان تم عمل مكتبة خاصة لى اسوة ببقية الاعضاء فى هذا اليوم

شعرت بأن فيها تقييماً للشخص ومواضيعه

وأن فيها دفعة قوية تشعرك بأن مواضيعك لم تذهب فى خبر كان

واهتمامهم بالعضو يجعل الشخص يهتم أكثر بتجويد ما عنده من افكار

خصوصاً وان بالمنتدى كتاباً لا يُشق لهم غبار

ليس بالجيد أن لا تكون لهم مكتبات خاصة

يطلع عليها الاعضاء كواجهة لمنتدى ودمدنى

فى إنتظار أن تجود الإدارة برأى

خالص احتراماتى اختى ليتل استار

وأحيى فيك الروح المبادرة

المكاشفى

26-09-2009, 03:13 PM

الله يديك العافية يا أبو عبده
ياخى إنتو ال بتحمسو الناس إنو يبلغو قمة العطاء
ف خليك دايمن قريب
ومنتظرين كمان إقتراحاتك وأفكارك
ولو الموضوع إستعصا بنشيع ليك سمك من هنا ;):p
ومتأكده كمان إنو ليك ملكات سرديه وروائيه مبااااااالغه
إن شاء الله تبقى عامل محفز
عشان نطول سما إبداعاتك

وياريت لو الإدراه تخصنا برأيها بخصوص الموضوع ده

ياخى والله اطربنى اطراؤك يا ايها النجمه
بس كدى انتو ابدو ونحن بالجوار انشاء الله

ياااااااااااااااه كم اشتقت لسمك الصياديه؟؟؟؟

شرقكم يشرق والله العظيم

والاداره دى الا تدورو شكله حتن عربيه الدوريه تكبس؟؟؟
الله لاجاب مشاكل

moh_alnour

26-09-2009, 04:40 PM

نجمتنا الصغيرة
تحياتي
الفكرة كفكرة جديرة بالتنفيذ لأن فيها ( كما تفضلتي و تفضل البعض ) حفظ للحقوق الأدبية للأعضاء
و فيها أيضا ً تصنيف عملي لأعمال أعضاء المنتدى خاصة المبدعين منهم من أجل سهولة الوصول لأعمالهم
كما أنها تعتبر دفعة معنوية لكثير من المبدعين من أجل التجويد و نشر أفكارهم و رؤاهم
و لكن لا أدري مدى إمكانية تنفيذ هذه الفكرة من الناحية الفنية و أتمنى من الأخوة أبو بكر الأدمن و الباشمهندس نبيل حمدتو و بكري كسلا أن يفتونا في الأمر
ليتنا نراها على أرض الواقع

محمد الجزولى

26-09-2009, 11:12 PM

المتالقه دائما النجمه الصغيره
فكره هائله .. انشاء مكتبات تحفظ ابداعات الاعضاء
وتغنينا عن البحث المضنى فى الارشيف
لمتابعة درر منتدانا ....
اثنى وبقوه ... اتمنى منك متابعتها حتى نراها قائمه

littlestar

27-09-2009, 06:10 AM

من جميل الصدف أنه وفى احد المنتديات التى اشارك فيها ان تم عمل مكتبة خاصة لى اسوة ببقية الاعضاء فى هذا اليوم

شعرت بأن فيها تقييماً للشخص ومواضيعه

وأن فيها دفعة قوية تشعرك بأن مواضيعك لم تذهب فى خبر كان

واهتمامهم بالعضو يجعل الشخص يهتم أكثر بتجويد ما عنده من افكار

خصوصاً وان بالمنتدى كتاباً لا يُشق لهم غبار

ليس بالجيد أن لا تكون لهم مكتبات خاصة

يطلع عليها الاعضاء كواجهة لمنتدى ودمدنى

فى إنتظار أن تجود الإدارة برأى

خالص احتراماتى اختى ليتل استار

وأحيى فيك الروح المبادرة

المبدع دوماً بكل ذرة من حروفه
العجيب مصباح
سعدت كثيراً بخبر تكوين مكتبة لك
وصدقنى المكتبه هى من أضافت رقماً
وقلماً لا يشق له غبار

وقد تفضلت أنت يوماً
بإنشاء مكتبتك الخاصه هنا
على الرابط:
http://wadmadani.com/vb/showthread.php?t=24070

فلما لا نحاول ان نحافظ على ثرواتنا
ولا ندعها مهملة فى مهب الريح
أرجو من الإخوة الإداريين أن يأخذوا الموضوع على محمل الجد
وتقديمه ضمن احد المقترحات
التى ترقى بالمنتدى وبأعضائه الناشطين المميزين