والله ما كان العشم يا ناس مدني

[الحمزاوي]

قولتو هذا القسم للافتراحات واقترحنا عليكم اقتراح لكن الظاهر البتعرفو بتردو ليو 0 حاولت جاهد اني التقي باصدقاء واخوان يخففو عني الغربة ويكونو نعم الونيس ولكن خاب ظني فيكم 0ولدي اقتراح قد كنت كتبته بعنوان تواصل اجيال ولكن الظاهر هي تواصل مجموعات 0 وان شاء الله يكون كلامي دا ما في محله 0 ؤاسف ان كنت اثقلت عليكم

[المكاشفى]

الحمزاوى اخوى هون عليك شويه يا اخى
بالجد انت من طلبت انيس الغربه وصديق المحنه
فنحن فى منتديات ودمدنى
والتمس لأخيك العزر حتى وان لم تجد فقل
عل لديه عزرا لا اعرفه
الحبيب ابقى لى جوه وانت فى الاول
عرف نفسك وخلى الناس ترحب بيك
وتانى اقترح وافتكر بى راحتك
لكن ما من تيت طوالى اقتراحات
امهلنا شويه ياخى وتلقانا كما تشتهى انشاءالله

ابوعبدالله

[الزبير محمد عبدالفضيل]

يامرررررررحبا يا اخ الحمزاوي ترحب فيك ست المدائن والبيت بيتك ادخل وأشرب

فنجان قهوه تحت ظل شجرة النيمه وحبابك عشره أخوي

[الحمزاوي]

الحمزاوى اخوى هون عليك شويه يا اخى
بالجد انت من طلبت انيس الغربه وصديق المحنه
فنحن فى منتديات ودمدنى
والتمس لأخيك العزر حتى وان لم تجد فقل
عل لديه عزرا لا اعرفه
الحبيب ابقى لى جوه وانت فى الاول
عرف نفسك وخلى الناس ترحب بيك
وتانى اقترح وافتكر بى راحتك
لكن ما من تيت طوالى اقتراحات
امهلنا شويه ياخى وتلقانا كما تشتهى انشاءالله

ابوعبدالله

والله يا ابو عبد الله اسف جدا لكن انا بدخل المنتدي قرابة العشرة ايام متواصله زول واحد عبرنا مافي اشكرك جدا يا زوق الله يديك العافية واكرر اسفي

[الحمزاوي]

الاخ الزبير مشكور جدا على الترحيب و القهوه ان شاء الله مشروبه 0 تحياتي لكل ابناء مدني الرائعين امثالكم

[أبو جودي]

ألف ألف مرحب بيك أخي الحمزاوي ،،، والله ناس مدني اي واحد أتعشم فيهم لقاهم ،،، ولك العتبى حتى ترضي ،،،،،،،، وأهه كدي النتواصل مع الإجيال الجديدة دي ،،،، لأنو نحن من الإجيال الزممممممممممممممان من بلبسوا الردى والواحد يغطي شعر رجليه من الناس ،،،، أهه يا أخوي أنت من ياتو جيل ،،،،،،،،،، ومرحب بيك تاني

[ابوخالد]

مرحب بك اخى حمزاوى فى دارك ...

صراحة إمكن تكون دخلت فى وقت الناس فى إجازة العيد

وبعيدة عن المكاتب ... والمسافر لقضاء العطلة

فى السودان .... وزحمة رمضان والعيد ...

فلك العتبى حتى ترضى ....

ولك نقول
.
.
.
.
.
http://farm1.static.flickr.com/126/333854963_6b37dd2669.jpg

[حافظ الليبى]

ألف ألف مرحب بيك أخي الحمزاوي
بــكــل حــب وإحــتــرام وشــوق
نــســتــقــبــلك ونــفــرش طــريــقــك بــالــورد
ونــعــطــر حــبــر الــكــلــمــات بــالــمــســك والــعــنــبــر

[الخواض محمداحمد خواض]

اخونا الحمزاوى لك منا التحيه و إنشاء الله عشمك فى محله .واتمنى ان تشاركنا بوست كلام فى السر بقسم النفاج وانا متأكد إنشاء الله سوف تجد فيه إخوان و اخوات لك ولك شكرى

[أبو جودي]

أخي الحمزاوي ،،،، لك التحية وألف مرحب بيك بين ناسك وأهلك ،،، وليس هناك قصد ،،، وأكرر نرحب بيك مرة أخرى وكدي نشوفك ونشوف جديدك ،،،،

[ام ريان]

http://filaty.com/i/805/bdb9a7e.IQF01325.gif

[مصطفى حبشى]

هلا ومرحب بيك اخونا الحمزاوى بين اخوانك وعشيرتك واحبابك واصحابك
كلنا حاجه واحدى

[الحمزاوي]

اهلي الحنان ابوجودي _ ابوخالد _حافظ الليبي _ الخواض محمد احمد _ ام ريان _مصطفى حبشي اولا اعزروني لعدم متابعتي البوست لولا اخي مصطفى حبشي ولفت انتباهي فارجوالمعزرة لعدم الرد ولكن احمل لكم كل حب وتقدير لكم وانا سعيد جدا بمعرفتكم لكم مني خالص المنى


ياابوجودي انا قريت المتوسط يعني ما تامنة والحمد لله الكتوف متلاحقه

[صلاح الشيخ إبراهيم]

مرحب الاح الحمزاوى .. منور.. والدار دارك ..

[ahmed algam]

مرحب الاح الحمزاوى .. منور.. والبيت بيتك

[هيثم بابكر]

ياحمزاوي منور والله ودي بلدك وبيتك انت سيد بيت ياباشا ابقى داخل