المساعد الشخصي الرقمي

مشاهدة النسخة كاملة : بواديك بواديك



mohab
27-11-2004, 03:14 AM
بواديك

بناديكِ

وبقول ليكِ

زمان يالحلوه كان صوتك

مسربل لحنو بالترحال

مسطَّر شهقه في جواي

ومتوسِّد سلك طنبور

نغيمة حب غناوي الفال

بناديك وبلاقيكِ

بعيده وعنِّي تتخفِّي

وقَدُر ما كانت الأيام

تباعد بينّا بستنَّاك

وكان وعدِك اكيد توفي

بناديكِ ولمحتين منِّك

تغازل من بعيد قلبي

وانا المن ذمن كايسِك

وراجي خُطاك تجي بقربي

أو في لحظه نتلاقى

ونمازج دمنا البنزف

عشان نعزف

لحون الشوق كمان نعرف

دروب الفرحه وين تمشي

ومتين نهتف

نناديكِ

واناديكِ انا المسكون سجاياكِ

وداير لحظة الميلاد

توافي سمانا في لحظه

نبل اشواقنا بالأحضان واناديك

تعالي نغني لي بكره

وكت اصبح والاقيكِ

وكت تشرق شموس الكون

شعاعا يحوم

وتتخدَّر جفونَّا الناعسه

لما تهل بواديكِ

ولما يضوِّي فينا فجُر

شعاع رسمِك

ولون حلمِك

طعم اسمِك

كمان تتعانق الكلمات

وتتَّرجم عقد يرسم معانيكِ

واناديكِ

قصيده حزينه في الداخل

مسربله بي معانيكِ

وانا اتعذب

واناديكِ

وشكرا ........
منقوال

ضياء الدين احمد
27-11-2004, 08:31 AM
مبدع والله يامهاب والله اديك العافيه

ahm1st
27-11-2004, 03:11 PM
الاخ /مهاب
شكرا علي الدرر و الكلمات الرائعات

waheeb
27-11-2004, 04:43 PM
الاخ مهاب ,,,
تحيه لك وانت تتحف المنتدى بالروائع ونحن منتظرين منك الكثير يا مبدع...

# أبو أشرف #

aborawan
27-11-2004, 08:47 PM
مشكور اخوي مهاب وعودة قوية :):)

ودي لك مع التحية

أبوريلان
27-11-2004, 09:20 PM
صباح الخير مهاب

حلوه شديد كلمات بواديك ، وأحلى شىء الواحد يتصفحها من بداية يوم جديد ونتفاءل بها ، أديك العافية ولك الشكر .