المساعد الشخصي الرقمي

مشاهدة النسخة كاملة : بنطلون لبنى !!!!


المسافر
27-09-2009, 10:57 PM
بسبب غيابي الفترة الفاتت ما عارف الحصل شنو بالضبط كده
أنا خليت لبنى كانت لابسة بنطلون ( إسترتش ) والناس كانت جايطة
شديد . . . أها تاني حصل شنو بعد داك يا جماعة الخير !!!!!!!
nehroo
27-09-2009, 11:03 PM
المسافر ...
لبنى مااااااا .........
خليني من لبنى إنت مشيت وين ؟؟
جوطت الدنيا كلها .. خليتها لابسة بنطلون ومشيت .
محمد حسين (المميز)
27-09-2009, 11:06 PM
أنا خليت لبنى كانت لابسة بنطلون ( إسترتش ) !!



انت من زمن لابسه ...........الاستريتش:eek::eek:



يييييييييييييييييييك:rolleyes:
الجندي المجهول
28-09-2009, 12:06 AM
يا اخوي بعد لبني ناس كتار جابوهم لابسين البنطلون في التلفزيون ( اي والله في التلفزيون ) ولا اود ذكر الاسماء .. لكن كل الناس شاهدت التلفزيون خاصة النيل الازرق .....

بنطلون لبنى كان كيد سياسي (وهذا ما وصل اليه الجميع ) ان جديدك شنو

تخريمة : يالمسافر وابشرك وانا من انصار الحشمة والحمد لله ولباس المرأة حدده الاسلام في سورة النور ( دا راي الخاص والشخصي والمتمسك به إلا ان تقوم الساعة باذن الله )
رسلت ليك في الخاص رفض اتمام ارسال الرسالة قال شنو ( الصندوق الخاص بالمسافر مليان أووي ( بالله امشي احذف لينا 4 او 5 رسائل ) اشرطك كلها رسائل تحذيرية (اعمل حسابك)
أشرف صلاح السعيد
28-09-2009, 12:27 AM
المسافر كل عام وانت والاهل بخير وعافية..
لبنى يااخوى ماكانت لابسة استرتش..لابسة بنطلون زيها وزى عسكرياتنا ومستورة اكتر من لعيبة الكورة والسلة والطائرة والسباحة والدياشة فى الصيف بجلالاتم بالشورتات والفنايل البيضا..
مستورة اكتر من كتيييير من بنات الجامعة بموضاتم "فصل الدين عن الدولة"و"ابوى مات" و "ماعندى ولى" واللابسات اسكيرتات خطوط ملابسم الداخلية ظاااهرة وووووووو
يااخوى القصة ماقصة رغيف القصة قصة شعب عايز يقيف وغيرو بيلهوهو بالتجريس وبالتخوييف وخلينى الامشى قبل مايجينى امر توقيف..
وكل الاعوام وانت بخير..
بنت الرفاعي
28-09-2009, 12:50 AM
أخوانّا المسافر و المميز حمدالله على السلامة:)
عبدالله محمد العقاد
28-09-2009, 01:25 AM
بسبب غيابي الفترة الفاتت ما عارف الحصل شنو بالضبط كده
أنا خليت لبنى كانت لابسة بنطلون ( إسترتش ) والناس كانت جايطة
شديد . . . أها تاني حصل شنو بعد داك يا جماعة الخير !!!!!!!


الحبيب المسافر

العيد مبارك و من الفائزين ان شالله

طبعا لسان حال لبني يقول بعد ما فكوها من السجن : دقوني و جلودني و ما تبت.........
لسة في لسانها الطويل و مشاكساتها مع اتحاد الطلبة المسمى مجازا الحكومة
أبو ريان
28-09-2009, 01:42 AM
بنطلون لبني فرقعة اعلامية فقط لا غير
حاتم مرزوق
28-09-2009, 04:33 AM
بجيكم لمن يجي ايمون.
المكاشفى
28-09-2009, 01:49 PM
هوى خلينا من بنطلون الما بتتسمى دى
عملت لى شنو فى موضوع الحيطه
راجياك يا ابشرا راجياك دايره أفـ......... معاك
moh_alnour
28-09-2009, 03:40 PM
المسافر كل عام وانت والاهل بخير وعافية
لبنى يا اخوى ما كانت لابسة استرتش ..لابسة بنطلون زيها وزى عسكرياتنا ومستورة اكتر من لعيبة الكورة والسلة والطائرة والسباحة
والدياشة فى الصيف بجلالاتم بالشورتات والفنايل البيضا
مستورة اكتر من كتيييير من بنات الجامعة بموضاتم " فصل الدين عن الدولة " و" ابوى مات " و " ماعندى ولى "
واللابسات اسكيرتات خطوط ملابسم الداخلية ظاااهرة وووووووو
يااخوى القصة ماقصة رغيف القصة قصة شعب عايز يقيف وغيرو بيلهوهو بالتجريس وبالتخوييف وخلينى الامشى قبل مايجينى امر توقيف


أخي أشرف صلاح السعيد
لا فُض فوك و الله ما قلت غير الواقع
ام نوران
28-09-2009, 05:30 PM
والله ياخوانا انا متفقه في انو القضيه قضيه سياسيه اكتر منها بنطلون,,,,لكن حتي لوكده برضو لبني دي زوله ماعندها قضيه ولاشي,,,,وكان احسن ليها تقول كلام فيهو خير للناس اكتر من قضيتها المزعومه,,,وكمان بتتكلم بلسان كل النساء ,,,ويااااعجبي!!!!!
ابوخالد
28-09-2009, 06:40 PM
لا حول الله ...

إنت وين يازول ... الإستريتش كانت لابساه

فى حفلة قديمة .... غير دى ...

الظاهر عليك طولت الغيبة المرة دى ...

حمدآ لله على السلامة ...
الاميره
29-09-2009, 04:01 AM
http://www.sudaneseonline.org/forum/viewtopic.PHP?f=20&t=15182&sid=a7db5322349d39f181517d5a2eff8b62#p95816[IM
ام نوران
29-09-2009, 11:22 AM
والله يالاميره جبتي الفيها.............بارك الله بك
المسافر
30-09-2009, 08:04 PM
المسافر ...
لبنى مااااااا .........
خليني من لبنى إنت مشيت وين ؟؟
جوطت الدنيا كلها .. خليتها لابسة بنطلون ومشيت .


تحياتي نهرو
بالله .............. ما ده الكنت خايف منو زاتو ؟

أنا لما شفت الجماعة بتكلموا عن البنطلون
بالشكل ده قلت أحسن أتخارج مع يكون
فيها شيء تاني !!!!!!!!
المسافر
30-09-2009, 08:05 PM
انت من زمن لابسه ...........الاستريتش:eek::eek:

يييييييييييييييييييك:rolleyes:


ييييييييييييييييييييييك يا المميز ولسع قاعدين
المسافر
30-09-2009, 08:36 PM
يا اخوي بعد لبني ناس كتار جابوهم لابسين البنطلون في التلفزيون ( اي والله في التلفزيون ) ولا اود ذكر الاسماء .. لكن كل الناس شاهدت التلفزيون خاصة النيل الازرق .....
بنطلون لبنى كان كيد سياسي (وهذا ما وصل اليه الجميع ) ان جديدك شنو
تخريمة : يالمسافر وابشرك وانا من انصار الحشمة والحمد لله ولباس المرأة حدده الاسلام في سورة النور ( دا راي الخاص والشخصي والمتمسك به إلا ان تقوم الساعة باذن الله )
رسلت ليك في الخاص رفض اتمام ارسال الرسالة قال شنو ( الصندوق الخاص بالمسافر مليان أووي ( بالله امشي احذف لينا 4 او 5 رسائل ) اشرطك كلها رسائل تحذيرية (اعمل حسابك)


يا أخوي الجندي البنطلون بقى أكتر شيء ساتر
حالياً في السودان والتوب زاتو بقى أحسن منه
البنطلون !!!!!!!!! وكلنا من أنصار الحشمة والحشمة
الشديدة يعني ( النقااااااااااااااااااااب ) . . .
وبكل تأكيد هو كيد سياسي وهذا نظام الكيزان
وهو معروف للجميع بالقذارة ، ولكن المشكلة
ما في الكيزان بل في ( الشرطة ) التي أصحبت
بهذا الوضع السئية والمزري وأصحبت أداء
عقاب في يد هؤلاء .
المسافر
30-09-2009, 08:42 PM
المسافر كل عام وانت والاهل بخير وعافية..
لبنى يااخوى ماكانت لابسة استرتش..لابسة بنطلون زيها وزى عسكرياتنا ومستورة اكتر من لعيبة الكورة والسلة والطائرة والسباحة والدياشة فى الصيف بجلالاتم بالشورتات والفنايل البيضا..
مستورة اكتر من كتيييير من بنات الجامعة بموضاتم "فصل الدين عن الدولة"و"ابوى مات" و "ماعندى ولى" واللابسات اسكيرتات خطوط ملابسم الداخلية ظاااهرة وووووووو
يااخوى القصة ماقصة رغيف القصة قصة شعب عايز يقيف وغيرو بيلهوهو بالتجريس وبالتخوييف وخلينى الامشى قبل مايجينى امر توقيف..
وكل الاعوام وانت بخير..




عيدك مبارك عزيزي أشرف
الكيد السياسي واضح وحتى قبل
المحاكمة وهو واضح للأسف من كلام
الضابط الذي تم إرساله وتلقينه وتحفيظه
للقيام بهذه المداهمة .

لكن العلة الحقيقية والسؤال البفرض نفسه
( لماذا تم جلد الأخريات ولبنى لم تم تغريمها )؟
يعني قلنا العساكر هو أداء للعقاب في يد الكيزان
لكن القضاة ديل برضو . . . أكان كده على الأرض
السلام !!!!!!!!!!

وأحسن لينا الأثنين (ننفك ) قبل ما يجينا ( أمر قبض )
المسافر
30-09-2009, 08:45 PM
أخوانّا المسافر و المميز حمدالله على السلامة:)



الله يسلمك يا مرام
وعيدك سعيد ومبارك
( إنتي برضو كنت مافي !!!! )
المسافر
30-09-2009, 08:49 PM
الحبيب المسافر

العيد مبارك و من الفائزين ان شالله

طبعا لسان حال لبني يقول بعد ما فكوها من السجن : دقوني و جلودني و ما تبت.........
لسة في لسانها الطويل و مشاكساتها مع اتحاد الطلبة المسمى مجازا الحكومة





شيخنا عبدالله
كل عام وإنت بألف خير

وزي ما قال أخونا نحن من أنصار
الحشمة ونرفض ( الشتيت ) !!!
بس بنرأف على حال الأجهزة
الأمنية والقضائية في البلد . .
وبالتالي نرأف على حالنا !!!!
الله لينا بس
المسافر
30-09-2009, 08:50 PM
بنطلون لبني فرقعة اعلامية فقط لا غير


أبو ريان
كل عام وإنت بخير

ليس فرقعة إعلامية
إنما إثبات سوء النوايا
للدولة تجاه مواطنيها ....
المسافر
30-09-2009, 08:51 PM
بجيكم لمن يجي ايمون.




حاتم مرزوق
عيدك مبارك
أيموني مشى يغير مقاس البنطلون وجاي راجع
المسافر
30-09-2009, 08:53 PM
هوى خلينا من بنطلون الما بتتسمى دى
عملت لى شنو فى موضوع الحيطه
راجياك يا ابشرا راجياك دايره أفـ......... معاك


المكاشفي
عيدك سعيد

الحيطة نحركها كيف والجماعة في البنطلون
سااااااااااي قاموا قعدوا الدنيا ، نقوم نعمل
لينا مسلسل يكون فيها ( تطش ) يرسلوا
لينا ضابط . . . والباقي عارفو برااااااااااااك
المسافر
30-09-2009, 08:55 PM
أخي أشرف صلاح السعيد
لا فُض فوك و الله ما قلت غير الواقع


محمد
كل عام وإنت بخير
بالفعل أشرف أظهر تماماً
بأن الدولة بتعامل مواطنيها
بريقة الغدر والخيانة والمحاباة
والمحسوبية .
المسافر
30-09-2009, 08:58 PM
والله ياخوانا انا متفقه في انو القضيه قضيه سياسيه اكتر منها بنطلون,,,,لكن حتي لوكده برضو لبني دي زوله ماعندها قضيه ولاشي,,,,وكان احسن ليها تقول كلام فيهو خير للناس اكتر من قضيتها المزعومه,,,وكمان بتتكلم بلسان كل النساء ,,,ويااااعجبي!!!!!




متفق معاك يأ أم نوران
والسياسية في النسوان
شينة شديد وبعيدة كل
البعد عن تركيبتها ، لأن
السياسية هي في أغلبها
كذب ونفاق وخداع وتلاعب
وهو معارض تماماً لطبيعتة
المرأة .
المسافر
30-09-2009, 08:59 PM
http://www.sudaneseonline.org/forum/viewtopic.php?f=20&t=15182&sid=a7db5322349d39f181517d5a2eff8b62#p95816[im



ألف شكراً يا الأميرة
الظاهر أنا فاتني كتير
لكن الحمد لله الوضع
مستقر !!!!!!!!!!!
المسافر
30-09-2009, 09:01 PM
لا حول الله ...
إنت وين يازول ... الإستريتش كانت لابساه
فى حفلة قديمة .... غير دى ...
الظاهر عليك طولت الغيبة المرة دى ...
حمدآ لله على السلامة ...



الله يسلمك عزيزي أبو خالد

والله الظاهر فعلاً طولت شديد
أها تاني لوقها لابسة شنو في
الحفلة الجديدة ولأ كانت لابسة
من غير هدوم خالص .
بنت الرفاعي
30-09-2009, 09:27 PM
الله يسلمك يا مرام

وعيدك سعيد ومبارك

( إنتي برضو كنت مافي !!!! )

كنت مافي فعلا , لكن ما كنت عارفة إنكم برضو إختفيتو!

بالمناسبة إنت اللي ذكرك موضوع لبنى شنو؟؟:confused:
بنت الرفاعي
30-09-2009, 09:28 PM
أها تاني لقوها لابسة شنو في
الحفلة الجديدة ولا كانت لابسة

من غير هدوم خالص .


:eek::eek::eek::eek:
المسافر
30-09-2009, 09:43 PM
كنت مافي فعلا , لكن ما كنت عارفة إنكم برضو إختفيتو!

بالمناسبة إنت اللي ذكرك موضوع لبنى شنو؟؟:confused:




آآآآآآآآآآآآآآآي أختفيت لما دقيتي لي جرس
في بوست ( أم قبس ) بتاع المجهول والمهاجر
قلت أمشي أرجع نفسي أمكن آآآآآآآي وأمكن لأ .


أها الذكرني موضوع لبنى أنو بعد الحصل ليها
البلد كلها بقيت أشوفها لابسة بنطلونات وبقيت
ما فاهم حاجة قلت أمكن نكاية في ناس الإنضباط
محمد بابكر سنهوري
30-09-2009, 10:15 PM
السلام عليكم والله قضية الزولة دي فلقتنا وللعلم هي ما تسوى كل هذا الزخم الاعلامي والقانون احترامه واجب على الكل والانسان اذا كان محترم مافي اي زول بتكلم معاه
واقول اسمع ضجيجًا ولا ارى طحين ، لانه بعد الضجة دي كلها النتجية كانت شنو هل الحكومة عطلت العمل بالمادة 152 ام لبنى عملوا ليها تمثال
يا اخوان كل واحد يبقى عشرة على ناسوا ويعلمهم كيف يحترموا انفسهم انا بعتقد انه دا افضل علاج
وحديث شريف عن سيدنا رسول الله صلى الله عليه وسلم (كلكم راع وكلكم مسؤول عن رعيته، فالإمام راع ومسؤول عن رعيته، والرجل راع في أهله ومسؤول عن رعيته، والمرأة راعية في بيت زوجها ومسؤولة عن رعيتها، والولد راع في مال أبيه ومسؤول عن رعيته، والخادم راع في مال سيده ومسؤول عن رعيته، وكلكم راع وكلكم مسؤول عن رعيته)
ارجو الرجوع اليه والاطلاع عليه وعلى شرحه وحديث سيدنا رسول الله صلى الله عليه وسلم : ( إن مما أدرك الناس من كلام النبوة الأولى : إذا لم تستحي فاصنع ما شئت )
بنت الرفاعي
30-09-2009, 10:53 PM
آآآآآآآآآآآآآآآي أختفيت لما دقيتي لي جرس



في بوست ( أم قبس ) بتاع المجهول والمهاجر
قلت أمشي أرجع نفسي أمكن آآآآآآآي وأمكن لأ .
:p:p:p:p:p
أها ولقيت شنو؟؟:rolleyes:;)



أها الذكرني موضوع لبنى أنو بعد الحصل ليها
البلد كلها بقيت أشوفها لابسة بنطلونات وبقيت
ما فاهم حاجة قلت أمكن نكاية في ناس الإنضباط


لبس البناطلين فن وذوق , وماكل من لبست بنطلون هي مامستورة , وماكل من لبست بنطلون هي مستورة , بمعنى إنو المفروض لبس البنطلون مايكون معاهو بلوزة للكمر:mad: , يكون معاهو زي فستان لحدي تحت الركبة ( مش فوقها ) ويكون واسع مامجبص في الجسم , والبنطلون ذاتو يكون وسيع , وأي لبس غير كدة للبناطلين مامحتشم .
أها إنت لقيت ياتو نوع من البناطلين؟؟:rolleyes::confused::confused:
المسافر
30-09-2009, 11:18 PM
السلام عليكم والله قضية الزولة دي فلقتنا وللعلم هي ما تسوى كل هذا الزخم الاعلامي والقانون احترامه واجب على الكل والانسان اذا كان محترم مافي اي زول بتكلم معاه
واقول اسمع ضجيجًا ولا ارى طحين ، لانه بعد الضجة دي كلها النتجية كانت شنو هل الحكومة عطلت العمل بالمادة 152 ام لبنى عملوا ليها تمثال
يا اخوان كل واحد يبقى عشرة على ناسوا ويعلمهم كيف يحترموا انفسهم انا بعتقد انه دا افضل علاج
وحديث شريف عن سيدنا رسول الله صلى الله عليه وسلم (كلكم راع وكلكم مسؤول عن رعيته، فالإمام راع ومسؤول عن رعيته، والرجل راع في أهله ومسؤول عن رعيته، والمرأة راعية في بيت زوجها ومسؤولة عن رعيتها، والولد راع في مال أبيه ومسؤول عن رعيته، والخادم راع في مال سيده ومسؤول عن رعيته، وكلكم راع وكلكم مسؤول عن رعيته)
ارجو الرجوع اليه والاطلاع عليه وعلى شرحه وحديث سيدنا رسول الله صلى الله عليه وسلم : ( إن مما أدرك الناس من كلام النبوة الأولى : إذا لم تستحي فاصنع ما شئت )



تحياتي عزيزي محمد بابكر سنهوري

السؤال الذي طرحته هو مربط الفرس وسبب تواجدنا
هنا ، لماذا عطلت الحكومة المادة (152) ولماذا وضعت
اساساً طالما تركه سيكون بهذه البساطة .
المسافر
30-09-2009, 11:24 PM
لبس البناطلين فن وذوق , وماكل من لبست بنطلون هي مامستورة , وماكل من لبست بنطلون هي مستورة , بمعنى إنو المفروض لبس البنطلون مايكون معاهو بلوزة للكمر:mad: , يكون معاهو زي فستان لحدي تحت الركبة ( مش فوقها ) ويكون واسع مامجبص في الجسم , والبنطلون ذاتو يكون وسيع , وأي لبس غير كدة للبناطلين مامحتشم .
أها إنت لقيت ياتو نوع من البناطلين؟؟:rolleyes::confused::confused:




جاوبت ليك في نفس البوست بتاع أم قبس

http://www.wadmadani.com/vb/showthread.php?t=27954&page=3 (http://www.wadmadani.com/vb/showthread.php?t=27954&page=3)

بشكل عام هو أحسن حالاً من الإسكرت
ومن التوب الشفاف الذي نراها حالياً إلى كان
زي ما وصفتي ، ولكن العباية الفضفاضة هي
الأصل وتكفي الفتاة من أي شيء آخر .
بنت الرفاعي
30-09-2009, 11:27 PM
جاوبت ليك في نفس البوست بتاع أم قبس




بشكل عام هو أحسن حالاً من الإسكرت
ومن التوب الشفاف الذي نراها حالياً إلى كان
زي ما وصفتي ، ولكن العباية الفضفاضة هي

الأصل وتكفي الفتاة من أي شيء آخر .

العباية ذاته بقى فيها مشكلة , شيء مخصّر وشيء مفتوح لفوق, وبعضهن يتعمدن إظهار ما يلبسن تحته !!
ماعارفة بيلبسن العبايات دي لييه؟!!!:confused:
محمد بابكر سنهوري
01-10-2009, 01:14 AM
معليش انا طعلته شوية
لكن اللبس عمومًا هو عنوان الشخص نحن ممكن يثيرنا لبس وممكن مع الاسف للكلام ده نسب ونشتم لاخر مرتدي اشياء غير معروفة وده كله اساسه التربية والانفتاح الغلط والتقليد المريب لكل ما هو غريب وشين
واحكي لكم منظر رايته كنت في احدى المجمعات التجارية الكبيرة ومعاي اولادي شفته واحده محجبة لابسه بلوزه قصيرة واسكرت واسع فضفاض وتخيلوا انه البلوزه قصيرة لدرجة انه في مسافة بينها والاسكرت يعني بالعربي صرتها ما مغطيه وعايزكم تقولوا لي الحجاب ده نصنفوا شنو وزي الزولة دي ممكن تكون قدوه لبنات تاني يعني موضوع لبنى ممكن كثير من البنات والاشخاص عديمين الموضوع يقلدوها في انتفاضتها وثورتها على المفاهيم الصحيحة في اللبس
عزائم احمد الطيب
06-10-2009, 11:54 PM
الاخ المسافر حقيقة انت مشيت وين وخليت الفتاة دي لابسا البنطلون العمل العمايل دي

بعدين كنا نسمع عن قميص عامر ذاك المثل الذي يضرب للشئ البطلع مظبوط اي مقاس حقيقي

وهنا السؤال عن ماذا سيضرب بنطلون لبني
المسافر
07-10-2009, 08:10 AM
العباية ذاته بقى فيها مشكلة , شيء مخصّر وشيء مفتوح لفوق, وبعضهن يتعمدن إظهار ما يلبسن تحته !!
ماعارفة بيلبسن العبايات دي لييه؟!!!:confused:




طبعاً الملابس التي تحدث عنها الرسول الكريم
ما عندها أي أثر حالياً لكنها افضل حالاً من الكثير
المسافر
07-10-2009, 08:13 AM
معليش انا طعلته شوية
لكن اللبس عمومًا هو عنوان الشخص نحن ممكن يثيرنا لبس وممكن مع الاسف للكلام ده نسب ونشتم لاخر مرتدي اشياء غير معروفة وده كله اساسه التربية والانفتاح الغلط والتقليد المريب لكل ما هو غريب وشين
واحكي لكم منظر رايته كنت في احدى المجمعات التجارية الكبيرة ومعاي اولادي شفته واحده محجبة لابسه بلوزه قصيرة واسكرت واسع فضفاض وتخيلوا انه البلوزه قصيرة لدرجة انه في مسافة بينها والاسكرت يعني بالعربي صرتها ما مغطيه وعايزكم تقولوا لي الحجاب ده نصنفوا شنو وزي الزولة دي ممكن تكون قدوه لبنات تاني يعني موضوع لبنى ممكن كثير من البنات والاشخاص عديمين الموضوع يقلدوها في انتفاضتها وثورتها على المفاهيم الصحيحة في اللبس




تحياتي محمد

بالطبع وهو على ما أعتقد في سوء فهم
كبير عن الفتيات والخلط بين ( المحجبة )
و ( المتدينة ) ، والمحجبة دي بكون عنها
أساساً مشكلة في شعرها أو خلافه بتحاول
تحجبه وعدم إظهار وغالباً ما تجد في الحجاب
ضالتها ، أما المتدينة فللاسف هي غير موجودة
إلا من رحم ربي .
المسافر
07-10-2009, 08:16 AM
الاخ المسافر حقيقة انت مشيت وين وخليت الفتاة دي لابسا البنطلون العمل العمايل دي
بعدين كنا نسمع عن قميص عامر ذاك المثل الذي يضرب للشئ البطلع مظبوط اي مقاس حقيقي
وهنا السؤال عن ماذا سيضرب بنطلون لبني



والله يا أخي عزائم البنطلون أنا خليتو بنطلون
عادي ( قماش + خياطة + كمر + سحاب + زرار )
لكن الحصل عليهو شنو هسه ، والله خيرني عديل كده!!!

مثل ( بنطلون لبنة ) بضربوه لما ( تنجلد ) ببنطلون !!!!