القاورمه مفيده للنظر

[عباس الدسيس]

ملاح القاورمه لمن لا يدري هو يتكون من البصل بالحجم الصغير (( ليس العائلي)) هنالك نكات كنا نتناولها ونحن صغار رغم عن انها غير مضحكه بل تمثل خفة دم لنا اذ ان اكل الدجاج كان من الترفيه اقول ليك واحد عندهم دجاجه لها صغار سواسيو اتي للمنزل يتضور جوعا سأل زوجته الغذاء شنو اجابته لسع ما سوينا الملاح اثناء الكلام جات الدجاجة ماشه معاها السواسيو قال ليها طيب ما تعملي لينا قاورمه بالسواسيو ديل ... الم اقل لكم انها غير مضحكه ... البصل مفيد للنظر وقد اكتشفت ذلك عند ذهابي لاداء الواجب والمجاملة لاحد الاصدقاء في حفلة زواجه ولقد ندمت حقا بانني سابقا لم اكن من محبي البصل والدليل علي ذلك النظاره التي ان حاولت ان المعها بطرف القميص عند مشاهدة اي منظر خلاب اشوف قدامي طشاش طشاش قلته والله ظلمته نفسي من متعة النظر الي مخلوقات الله الجميله من رواد الحفلة من الجنس الاخر ... اللوان ذاهية فساتين اشكال بناطلين موضات وان كنت اعيب علي البعض من رائدات الحفله اللبس الغير محتشم الملابس الشفافة واظهار السرة من البطن والصدر والظهر والملابس الضيقة جدا وما الى هنالك من ماظهر وما لم يخفى من النساء يعني الموضوع ما محتاج كل التكلفة دي ولو لا اختلاف النظارات لبارت بنات وتقدير الجمال يختلف من شخص لاخر احيانا في ناس لو البت شينة زي العبلانج (( هو الككو ... ابن القرد)) فيصورها باحسن الصور والاشكال ويمدح هذا الجمال الخارق وان لم يفعل فيكون عديم الاحساس غير مقدر لجمال النساء ويستحق جحيم غضب النساء وسخريتهن منه .
حكاية البصل في واحده كل يوم تطبخ لي زوجها ملاح قاورما (( بصل صافي)) يوم قال ليها شنو يعني كل يوم بصل بصل مافي تغيير قالت ليهوا البصل مفيد للنظر .... قال ليها جيبي لينا لحمة انشاءالله نعمي... قلته طز في الشوف كان الواحد اقعد ابحلق في التعري ده القصد من التعبير بكلمة طز ((هي كلمة تركية تعني (ملح) وهي ما ورثناه من الحكم التركي العثماني وغيرنا معناها)) لذلك صارت شتيمه للتحقير .... قلته بلا بصل بلا لمه ......ملح في النضارات .... ملح في الحفلات ... ملح في رائدات الحفلات

[عبدالله الصديق]

حكاية البصل دي ما بتنفع مع كل الناس انا لابس نظارة والبصل ولد معاي في البيت
اذكر قصة واحد في شرق مدني كان بيجي بحماره لمدني وفي رجوعه لقريته يشيل في الخرج كيلة بصل وعندما يصل يكون خلص عليها وصار عمره في التسعينات ويدخل الابرة في الخيط

[عباس الدسيس]

حبيبنا عبدالله سلامات والف شكر علي المرور مع اكيد شكري

[أشرف صلاح السعيد]

حبيبنا الدسيس سلامات..
شكيت محنك العبلانج دا نكتو من وين ؟ والله لو ماترجمتو كنتا افتكرتو توم العنبلوج "العنبلوق"..
يااخوى القاورما دى كانت زماان هسى قالولك فى خلاطة بسموها براون ملتى بيربص بتخليللك البصل يبقى مينى مينى قاورما..اها هسى فى فايدة للنظر من الشغلا دى ؟ ولا علا من قاورما وانتا طالع؟..
وبعدين حفلتكم دى تكتلوها براااكم ماالواحد كان عايز يختبر نظرو وكدا وبعدين نقرر اكياس الملح ونصرفا للجميع..
وبعدين المرة دى شكيتا على الله كل يوم ملاح قاورما!!ماتغيرلو يوم شوربة قاورما..
فى انتظار جديدك ..قال مامضحكة قال..

[عباس الدسيس]

حبيبنا اشرف صلاح والله أنا سعيد بمرورك والاضافة الجميلة ...... خليني انا انت العنبلوق دي نكتها من وين ههههههههههههههه ........ الحفلة الجاية جهز ليك مكبر عديل كده نقتلا انا وانت سواء بي مكبرك الله استر ما نخش لينا في بطن ......... مع خالص شكري

[أشرف صلاح السعيد]

حبيبنا اشرف صلاح والله أنا سعيد بمرورك والاضافة الجميلة ...... خليني انا انت العنبلوق دي نكتها من وين ههههههههههههههه ........ الحفلة الجاية جهز ليك مكبر عديل كده نقتلا انا وانت سواء بي مكبرك الله استر ما نخش لينا في بطن ......... مع خالص شكري


دحين لو دخلالنا بطن تانى دى مابتكون ولادة من جديد؟
يازول مكبر مابيخارج والقاورما ماتسندنا بيها زمان انا بمشى معاك علا بشيل معاى قفص الغواصين تدقش مامعانا كفاية الدايةزمااان الله يسامحا شدتنى من كرعى شدة لهسى بشوت الكورة وبقع تااانى ادخل ليا بطن..
لك كل الود..

[محمد عبد الله عبدالقادر]

العزيز الدسيس سلامات
انت البوديك تكابس في الحفلات شنو وكمان تقعج تعاين للجكس

انت سفرت الاولاد السودان ولا شنو

[عباس الدسيس]

حبيبنا اشرف بس ما اكون الشوت ضفاري ههههههههه

محمد عبدالقادر كل سنة وانت طيب الحمد لله الطلعتك حفلتنا دي سلامي للاولاد قول ليهم الحفلة الجاية انتي معاي بي نضارة انا منتظر ردك عشان اقول ليك المواعيد

[مهيد ود السفاح]

تعرف يا دسيس القاورمه دي حلوه بي شنو ؟؟
حلوه عليها طرقة كسره وترشها بي مويه وتديها شوية ملح وشطه وكان عندك نص ليمونه تكون مبالغه, تأكل وما تدي الجنبك .
وفي ناس كده بسموها ( فرطاقه ) اها الفرطاقه دي يا ها زاتها القاورمه بس القاورمه يشرفها الغالي على نفوسنا اللحم ,والفرطاقه المسكينه ابقى ليها بي نار , ولا حتة لحمه ما فيها .

نرجع لي القاورمه المرشوشه بي بالمويه , هي من ناحية حلوه , حلوه شديد واحسن من مت تغمس فيها غميس
عباس رايك شنو في غميس ؟؟
هي غميس ولا قميس
المهم اقطع من طرقة الكسره ودخلها في القاورمه تكون العمليه قميس ولا غميس .

لكن تعرف في حاجه احلى من الكلام ده كلو

احلى من كده بناتنا في الحفلات البسن اللبس المحتشم , والله التوب حقنا معاهو خمار ولا طرحة ساكت ان شاء الله , بكونن احلى من القاورمه بكتييير , والاحلى كمان اننا نعاين ليهن بعين برئية .
ات يا عباس عين برئية يعني شنو ؟؟

[العاقب مصباح]

يا عباس خزلتنا ياخ 00000 فكرنا نشترى لينا كيلة بصل شندى ونقعد نقرم فوقو وما ندى اى زول 0000 زمان لمن كنا صغار ما عارف ليه الواحد لو لقا ليهو كانون فيها جمرات سمحات يجيب ليهو بصلة ويختها فوقو ويقعد يحرسها لمن تنجض 00000 اها ملح فى القاورمة دى خليتنا نكش منه وحلات البصل مع المرارة والشية فى العيد الجاى علينا دا 0000 سلامات يا انيق ويا جار

[ام نوران]

وبعدين المرة دى شكيتا على الله كل يوم ملاح قاورما!!ماتغيرلو يوم شوربة قاورما..
..

الاخ اشرف تعرف انو فعلا في حاجه اسمها شوربة قاورما اعني(شوربة بصل) موجوده بكتاب منال العالم,,

[ابوخالد]

ود الدسيس ....

حفلاتكم دى براكم بس .... ما تغشى أخوك

فرد مرة ... علشان يجلى النظر ... ويشوف

كلامك ده صح والا كضب ....

اكلنا بصل لما البصل قال كفى ...

ومافى فائده ... والقاوروما بى كسرة الحبش تأكل وترش تانى ...

والنضارة دى نضفا بى القطعا الأداك ليها بتاع النظارات

عشان ما تتجرح وتتخربش ... والا تكون أم العيال

دستا مخصوص عااااارفاك عينك ذائغة ......

بالله كان فى هجة كاربه خلى سيد

الركشة يغشانى بى جاى ...

أخوك طول ...

[عباس الدسيس]

الاعزاء - مهيد - العاقب - ام نوران - ابو خالد
لكم الشكر علي الاضافة الثره والمرور كما عودتمونا دائما بطلتكم الحلوة مع اكيد تقديري

[ام قبس]

انت يعباس ياخوي الناس دي وصلت لحدي وين انا بي هناك كتبت عن السمع وجيت لقيت موضوعك عن الشوف

والله الخوف ارجع القي الناس دي هناك ماشين ..................................
لا سمع لا شوف
واحسن البس نظارتك كان تبقي مطشش
الطشاش والطرش في بعض الاحيان نعمة

[أبو جودي]

يا ود الدسيس لكن ما بالغته ،،،،،،،،، شهيتنا لي الدباغة وكوارع الدباغة بتاعة عمك،،، على البحر ،،، بالله لسه في ولا خلاص شاله البحر ،،،،، لك التحية

[عباس الدسيس]

ام قبس لا نشوف لانسمع دي نعمة شنو يا بت امي مع خالص الشكر للمرور

ابوجودي سلامات انا السنة دي شهر 11 نازل اجازةذكرتني كل ما اقول بعد انزل اجازة امشي محل الكوارع انسي لاكن انشاءالله السنة دي اصلا اخلص القديم والفات لي وليك