الفخيييم
29-09-2009, 10:03 PM
منبوشة..منبوشة
نبشوها قبالك..بت حالا زي حالك
زي كلمة مربوشة
عودها انبعت حرقان زي شتلة معطوشة
عينيها رماشة أم لمبة فتاشة
من طاقة جاتا الريح
كتر البكا التجريح
خلاها دعموشة
تلوشة ولا ضفاف
خيم عليها جفاف
صرخة الغرقان فوق موجه بين فيضان
شعراتا منفوشة
وشفع مبارياها..عيوشة..عيوشة
الليل هديماتا..وشمش الله برطوشة
تشرب من الشارع..وتاكل من الكوشة
عيوشة ..عيوشة
وترقص لهن رقبة،صقرية،جابودي،
السامبا..كاروشة
عيوشة..جامايكا..الهورس عيوشة..اسلولي عيوشة
وعيوشة ما بترقص..لكنها الدوشة
وتفلت من الشفع..في الفلته تترتع..
تدخل علي بيتا..ستاتومنمدي..ناسا بعرفوها..لكن بعافوها
دايرين غسيل عدي..شاكرين يا دقلوشة
ويدوها عيشايي بي دمعه مرشوشة
وتنملك الشارع..خطواتا مربوشة
السوق مع الاطفال..عيوشة..عيوشة
الليل هديماتا..وشمش الله برطوشة
تشرب من الشارع..وتاكل من الكوشة
عيوشة..عيوشة
علي قدر ما كاست..عينيها ما لاقت غير مطبقة وبصلة
المطبقة انهردت..والبصلة مقروشة ما قلنا مقشوشة
قشوها قبالك..ديشك يا عيوشة
ياالحاضر الغايب..في الدنيا ما جايب
خبر المدينة الكان
علي رغم ما فيها من فاقة من حرمان
مرات اياديهاتعطف علي الانسان
بي فكة في قروشا
بي كلمة طيبة..بي فضلة في مطعم
اوبرتكانايتاضرباني في كوشة
والليلة بانت زي..بيتا في اخر الحي..ناساتو منبوشة
ياجرحنا الهايم..طول النهار حايم
يلبداذا ماشاف صحبانو مكشوشة
يضحك اذا الكومر..قبل علي كوبر
ولا المديرية..ينمطق الفرحة..بس فرحة مغشوشة
ان تنجا من كشة..دردير وتلتيلة
كيف تنجا من جوعه ..من بردها وليلا
عزت برنداتاواوكارهامطروشة
بيت الله قافلنو..
مستشفي غافرنو..ساحاتو مرشوشة
كم يوم يعز النوم
رغماعن المشموم.زوالدوخه والدوشة
دي مدينة ما هيلك
مافي البيشبهلك..مافي البناديلك
لافي البخاويلك
غير ناس احاويلن قطعن احاويلك
اصحابك الساعاتك لابد يعاينولك
صمتا يجيبولك
باكر تلاقيهن..في وجبة فوق كوشة
جنب مجري يحكولك
ودونا لي ضابط..كالعاده وانكفرن قال وين اوديهن
والعندي ما قادر بالموية اكفيهن
والعسكر ادونا
سوطين وفكونا
كالعادة يا اخونا..حيكومة مربوشة
دايرين شغل مافيش
غير نغسل العربات غير نضرب الاورنيش
عتالة..جرسونات..شغلا ما يوكل عيش
وبالحالة دي الكشة
بلدية والبوليس..مرات يجيك الديش
ما يقبضو الباعوض..ما يقبضو الضبان..والمابدور فتيش
الارزقي السمسار..ايش معني نحن وليش
نحن الحرامين ولا البدسو العيش
الزول يخاف يكفر..يرجع يقول معليش
شقيش نقع شقيش..حتي السجن مافيش
مافيش يا عيوشة
من تكبري آهة وآه
وآدم بدور حواه
ده الجزء الاول لقصيدة الرائع جدا حميد
عيوشة والقادم قريبا ان شاء الله
نبشوها قبالك..بت حالا زي حالك
زي كلمة مربوشة
عودها انبعت حرقان زي شتلة معطوشة
عينيها رماشة أم لمبة فتاشة
من طاقة جاتا الريح
كتر البكا التجريح
خلاها دعموشة
تلوشة ولا ضفاف
خيم عليها جفاف
صرخة الغرقان فوق موجه بين فيضان
شعراتا منفوشة
وشفع مبارياها..عيوشة..عيوشة
الليل هديماتا..وشمش الله برطوشة
تشرب من الشارع..وتاكل من الكوشة
عيوشة ..عيوشة
وترقص لهن رقبة،صقرية،جابودي،
السامبا..كاروشة
عيوشة..جامايكا..الهورس عيوشة..اسلولي عيوشة
وعيوشة ما بترقص..لكنها الدوشة
وتفلت من الشفع..في الفلته تترتع..
تدخل علي بيتا..ستاتومنمدي..ناسا بعرفوها..لكن بعافوها
دايرين غسيل عدي..شاكرين يا دقلوشة
ويدوها عيشايي بي دمعه مرشوشة
وتنملك الشارع..خطواتا مربوشة
السوق مع الاطفال..عيوشة..عيوشة
الليل هديماتا..وشمش الله برطوشة
تشرب من الشارع..وتاكل من الكوشة
عيوشة..عيوشة
علي قدر ما كاست..عينيها ما لاقت غير مطبقة وبصلة
المطبقة انهردت..والبصلة مقروشة ما قلنا مقشوشة
قشوها قبالك..ديشك يا عيوشة
ياالحاضر الغايب..في الدنيا ما جايب
خبر المدينة الكان
علي رغم ما فيها من فاقة من حرمان
مرات اياديهاتعطف علي الانسان
بي فكة في قروشا
بي كلمة طيبة..بي فضلة في مطعم
اوبرتكانايتاضرباني في كوشة
والليلة بانت زي..بيتا في اخر الحي..ناساتو منبوشة
ياجرحنا الهايم..طول النهار حايم
يلبداذا ماشاف صحبانو مكشوشة
يضحك اذا الكومر..قبل علي كوبر
ولا المديرية..ينمطق الفرحة..بس فرحة مغشوشة
ان تنجا من كشة..دردير وتلتيلة
كيف تنجا من جوعه ..من بردها وليلا
عزت برنداتاواوكارهامطروشة
بيت الله قافلنو..
مستشفي غافرنو..ساحاتو مرشوشة
كم يوم يعز النوم
رغماعن المشموم.زوالدوخه والدوشة
دي مدينة ما هيلك
مافي البيشبهلك..مافي البناديلك
لافي البخاويلك
غير ناس احاويلن قطعن احاويلك
اصحابك الساعاتك لابد يعاينولك
صمتا يجيبولك
باكر تلاقيهن..في وجبة فوق كوشة
جنب مجري يحكولك
ودونا لي ضابط..كالعاده وانكفرن قال وين اوديهن
والعندي ما قادر بالموية اكفيهن
والعسكر ادونا
سوطين وفكونا
كالعادة يا اخونا..حيكومة مربوشة
دايرين شغل مافيش
غير نغسل العربات غير نضرب الاورنيش
عتالة..جرسونات..شغلا ما يوكل عيش
وبالحالة دي الكشة
بلدية والبوليس..مرات يجيك الديش
ما يقبضو الباعوض..ما يقبضو الضبان..والمابدور فتيش
الارزقي السمسار..ايش معني نحن وليش
نحن الحرامين ولا البدسو العيش
الزول يخاف يكفر..يرجع يقول معليش
شقيش نقع شقيش..حتي السجن مافيش
مافيش يا عيوشة
من تكبري آهة وآه
وآدم بدور حواه
ده الجزء الاول لقصيدة الرائع جدا حميد
عيوشة والقادم قريبا ان شاء الله