انها الحقيقة ..... وليس غيرها

[الجندي المجهول]

حقيقة بالامس خيب لاعبي الهلال الامة السودانية وانهزموا بطريقة غريبة .... هذه حقيقة ولكن !

لا نحزن فهذا هو حال الكرة السودانية وافتقادها لثقافة النهائيات وعدم الدراية بكيفية التعامل معها ... لم استغرب للهزيمة فالمريخ من قبل انهزم ب4 اهداف من الصفاقسي التونسي في نهائي الكونفدرالية

قبل فترة ليست بالطويلة كتبت مثل هذا البوست فكان هنالك اكثر من ( مداخلة وتنظير) والحمد لله ولانني لا ابيع ولا اشترى الوهم فقد كنت واقعياً فهذا هو حال الكرة السودانية عموماً ولا فرق عندي بين احمد وحاج أحمد وجدهم الكبير (المنتخب السوداني) الذي اتوقع انه سينهزم من مالي في مالي بنتيجة لا تقل عن نتيجة الهلال أو اضعف الايمان 3/صفر ..

هكذا انتهى المسلسل البايخ (الموسم الكروي ) السوداني وحا ترجع العرحاء لمراحها (هلاريخ) للدوري الممتاز تعود الجرايد ايضا من جديد بالتطبيل ( التضليل )

الهلال يهزم اهلي مدني ونجومه يبدعون في فنون الكرة وصارزخ من سادومبا ومش عارف ايه ..
المريخ يهزم حي العرب ونجومه يبدعون في فنون الكرة وايداهور يطلف صاروخ ارض جو ومش عارف ايه ..

ولما الناس تلاقي مازيمبي وزسكو الناس بترقد واااااااااااااااااااطة
انها كرتنا وباختصار شديد
لا توجد لدينا كرة قدم حقيقة وانما ما نمارسه يجب تسميته بأي شي آخر

لا يوجد لدينا ادارة فالكل يلهث ورا الشهرة والاستفادة من موقعه وكلهم يحبون كلمة يا ريس
لا يوجد لدينا اعلام وخير نموذج ( قووووووون + الصدى) وكفى ومجلس الصحافة اخير منه المشاطات
لا يوجد لدينا تدريب كلهم عاوزين ياخدوا قروش بس والتشكيلة يضعها الاداريين
لا يوجد لدينا اتحاد (كفاية علينا شداد المنظراتي )
لا يوجد لدينا لاعبيبن .....؟؟؟؟؟؟
ولي عودة باذن الله ،،،،

[بدر الدين احمد الطائف]

والله يا جندى ما قلت الا الحق

[ابوالنور]

احيك يا جندي

[أبو جودي]

والله يا الجندي أخوي اهه دي الحقيقة الحارة الذاته ،،، حليل زمن اللعيبة ،،، وعرفنا أنحنا ما عندنا لعيبة ،،، تعال يا أخوي والبجيبوهم من بره ديل ،،، والله الواحد ما بيعرف ينطق أساميهم برضوا بجيبوهم ما عارفين حاجة ،،،، حلله كيف دي ،،،، وواحد منهم أمس مضيع ثلاثة أهداف ساهلة وهدية كما قال المزيع ،،،، ده عليك الله بدوه كم ما عشان القون ده يعرف يجيبه ولا عدم حظ وعدم توفيق ودي شماعتنا الجاهزة ،،،، أكان أولادنا ديل نحنا مجبورين عليهم نعلمون ونتعب عليهم ما ياهم في النهاية مننا ولينا ونصبر عليهم ،،، لكن زي البجيبوه ده ما بعرف علاجه كيف؟؟؟؟؟ خليها ساي يا أخوي المقصة ماحاااااااااااااااااااااااااااااااااااااارة

[ابو جمانه]

عليك الله كلم رمضان و الرشيد على صور

[نزار حسن محمد]

يسلام عليك ايها الجندى المجهول
هذا اجمل بوست قراته اليوم

[مرتضى التوم]

تسلم يا جندى على كلامك الواقعى والمنطقى بس ربنا يكون فى عون الجمهور السودانى المسكين وماف شئ يفرح بيهو الا الكورة بس حتى فرح الكورة بقى غالى ومستعصى عليهو

[مهيد ود السفاح]

يسلم يراعك يا جندي
فقط كنت اود ان اقول
اذا كان هذا هو حالنا وهذا هو واقع الكره عندنا فهل معنى ذلك ان نستكين للوضع الحالي ام نجتهد لمعالجة كل ما هو سلبي في كرتنا .
نعم اليوم نستجلب محترفين ونطبل لهم ونتغزل فيهم كيفما شئنا ولا نجني منهم الا القليل او حتى لا نجني منهم شيئاً , نعم اليوم تعاني ادارات الانديه من الجهل العميق , نعم يعيش اللاعب السوداني دوماً فقيراً لثقافة الكره واحترافها او حتى هوايتها , كل ذلك موجود ولكن ...
لا يعني ذلك ان نمنع انفسنا من متعة كرة القدم او العمل على الوصول بها الى مصاف العالميه .
قد اكون متفائلاً , ولكن الرأي عندي ان الاستفادة من اخطاءنا هي الطريق الوحيد لتحقيق حلم الجماهير ,
فمثلاً اخي الجندي منطقة الخليج , متى عرف الخليجيون الكره وممارستها ؟؟
ثلاثة عقود اربعه او اقل من ذلك , اين هم اليوم ؟؟ السعوديه تشارك في كأس العالم والامارات نالت الشرف من قبل والعراق , ونفس الحال لمشاركات الكره الخليجيه في بطولات اسيا .
بأختصار اخي انها العلميه .
فهزيمة الهلال ليست نهاية الدنيا
على ذلك لابد من الاستفادة من اخطاءنا ولو كثرت
وحقيقة كان لابد ان ينهزم الهلال
وانا شخصياً لم اكن اتمنى الهزيمه ولكن احمد الله عليها لتكون تصحيحاً لواقع يجب تصحيحه .