المساعد الشخصي الرقمي

مشاهدة النسخة كاملة : أقترح الرجوع للرياضة الجماهيرية مرة أخرى بعد الفضيحة الكبيرة



النويري
04-10-2009, 10:56 PM
لكل المتابعين في بلاد السود والطيور المهاجرة والمتتبعين لحال الكرة في السودان وبالأخص عشاق الموج الأزرق كما يسمونه ، المتتبع لمباراة الهلال يوم أمس يستشعر أشياء كثيرة ومفيدة أولاً
*أن الكرة السودانية مازالت في الدرك الأسف
*عدم التنظيم لمثل هكذا مباريات وضعف المستوى الفني والإداري
*عدم وجود إختصاصي نفسي للقيام بالدور النفسي وتهيئة مناخ المباراة لزمرة *الفاشلين ما يسمون بلاعبي الهلال
*ضعف الإعداد البدني واللياقي لللاعبين
*عدم وجود مدرب على قدر من الكفاءة لإدارة مثل هذه المباريات وإحداث التغييرات المطلوبة
*ضعف حارس المرمى الهلالي المعز
أعتقد أن على إتحاد الكرة أن يركز على ألعاب القوة بدلاً من باقي المناشط حتى لا يتسبب في كثير من الأمراض لعشاق كرة القدم مستقبلاً لا سيما وأن الفشل سوف يتواصل مع مرور الزمن فعلينا أن نحترف بأن حال الكرة في السودان لن ينصلح مادام القائمين على أمره ليس بالكفاءة وليس لديه أي أهداف لتطور الكرة في السودان بل المناكفات والمهاترات في المنابر وإستقلال الصحافة لتسويق بعض الأعمال وتمريرها لأزهان المشجع السوداني ليس الفشل نهاية العالم ولكننا لم نتعظ عبر التاريخ الطويل

أقترح أيضاً أن يعتزر الهلال عن مباراة الإياب ويتبرع بمصاريف الرحلة لصالح نازحين دارفور

مع أني للأسف هلالالالالالابي

gadoramedani
05-10-2009, 12:11 AM
ارجعوا انتوا براكم نحن قاعدين ما ماشين انشاء الله تمشوا الجماهيرية الليبية قشة ما تعتر ليكم ....اقصد مازيمبي ما يعتر ليكم ....اقصد ما يخمس ليكم

عصمت الصادق حماد
05-10-2009, 04:39 AM
الأخ الكريم النويري
لعل من الأسباب التي أدت إلى إنهيار الكرة السودانية هي الرياضة الجماهيرية التي أتى الرئيس السابق جعفر نميري بها.. فالعودة لها يعني إلغاء كرة القدم وجميع المناشط.
وصول الهلال والمريخ إلى دوري الثمانية الكبار في أفريقيا يؤكد إلى إننا نسير في المسار الصحيح.. وتجربة الناشئين والفرق السنية التي تعم البلاد هي من الحلول التي تعيد الكرة السودانية إلى منصة التتويج..
ثقافة النهائيات هي التي تنقص الفرق السودانية وهذا لا يأتى إلا بكثرة الوصول إلى النهائيات وأخذ الخبرة الكافية..
وصل الهلال مرتين إلى الدور النهائي.. ولكن كان مصادفة.. لأنو لم يستطع أن الثبات على القمة.. لذلك نحن نسير في الاتجاه الصحيح وعامل الزمن كفيل بأن نحقق الكثير الكثير بمشيئة الله تعالى.

النويري
07-10-2009, 01:14 AM
أخونا عصمت المسار الصحيح دا إذا طلعت من كأس بطريقة محترمة ومقبولة أو ظرف ما أما أنك تطلع بهزيمة على أرضك بخمسة أهداف هذا يعني أنك خالفت المسار الصحيح وإنك في الطريق الغير سليم ومسألة وصولك لدوري الثمانية مجرد حظ ليس إلا لأنو مافي فريق وصل المرحلة دي وطلع بي خمسة أهداف

النويري
07-10-2009, 01:16 AM
ارجعوا انتوا براكم نحن قاعدين ما ماشين انشاء الله تمشوا الجماهيرية الليبية قشة ما تعتر ليكم ....اقصد مازيمبي ما يعتر ليكم ....اقصد ما يخمس ليكم

أنت أظنك نسيت الخمسة دي قبل كدا ونسيت السبعة عشان كدا مبسوط لكن أصحى ياحبيبنا
مع فائق التقدير والإحترام

ابو جمانه
08-10-2009, 01:19 AM
النويرى يا خوى الرياضه الجماهيريه ارجعوا ليها براكم .!

خالد عبدالماجد
08-10-2009, 08:04 AM
الأخ العزيز النويري
ليس الحل في الرياضة الجماهيرية وبعدين ألعاب القوى عمارها شنو طلع عداؤونا القمة وفي البطولات الأولمبية الأخيرة خرجوا بطريقة مؤسفة كالخماسية التي نالها الهلال ...
نحن في معضلة حقيقية تحتاج لمراجعة شاملة فمستوانا الرياضي غير ثابت واللاعب السوداني يوم في السماء ويوم الأرض ...
الهزيمة بخماسية ليست نهاية المطاف ولكنها سبب رئيسي للتصحيح ونتمنى أن يكون القادم أفضل وننتهي من مسلسل الإنكسارات..
لاتدع الإخباط يتسلل إليك يانويري ..
تحياتي لك ياحبيب ..

النويري
09-10-2009, 08:56 PM
النويرى يا خوى الرياضه الجماهيريه ارجعوا ليها براكم .!

يعني أنتو من نتائجكم الباهرة نحن يكفي أنو أسمنا موجود خلال السنوات السابقة في هذه البطولة

النويري
09-10-2009, 08:58 PM
الأخ العزيز النويري
ليس الحل في الرياضة الجماهيرية وبعدين ألعاب القوى عمارها شنو طلع عداؤونا القمة وفي البطولات الأولمبية الأخيرة خرجوا بطريقة مؤسفة كالخماسية التي نالها الهلال ...
نحن في معضلة حقيقية تحتاج لمراجعة شاملة فمستوانا الرياضي غير ثابت واللاعب السوداني يوم في السماء ويوم الأرض ...
الهزيمة بخماسية ليست نهاية المطاف ولكنها سبب رئيسي للتصحيح ونتمنى أن يكون القادم أفضل وننتهي من مسلسل الإنكسارات..
لاتدع الإخباط يتسلل إليك يانويري ..
تحياتي لك ياحبيب ..

يا أستاذ خالد أشكرك على المرور الراقي وعايز أقول ليك أنو ألعاب القوى عالأقل فيها نواة ومستقبل لكن كرة القدم أتخيل لي ما فيها أمل

مع خالص تقديري

النويري
09-10-2009, 09:00 PM
الأخ الكريم النويري
لعل من الأسباب التي أدت إلى إنهيار الكرة السودانية هي الرياضة الجماهيرية التي أتى الرئيس السابق جعفر نميري بها.. فالعودة لها يعني إلغاء كرة القدم وجميع المناشط.
وصول الهلال والمريخ إلى دوري الثمانية الكبار في أفريقيا يؤكد إلى إننا نسير في المسار الصحيح.. وتجربة الناشئين والفرق السنية التي تعم البلاد هي من الحلول التي تعيد الكرة السودانية إلى منصة التتويج..
ثقافة النهائيات هي التي تنقص الفرق السودانية وهذا لا يأتى إلا بكثرة الوصول إلى النهائيات وأخذ الخبرة الكافية..
وصل الهلال مرتين إلى الدور النهائي.. ولكن كان مصادفة.. لأنو لم يستطع أن الثبات على القمة.. لذلك نحن نسير في الاتجاه الصحيح وعامل الزمن كفيل بأن نحقق الكثير الكثير بمشيئة الله تعالى.

اخي عصمت أنت تتكلم بتفائل شديد فدخول الفرق في تنافس أكثر يعني فضائح أكثر

زاهر النويري
11-10-2009, 07:43 AM
والله نشوفو المبارة الجاية ونكم على الهلاك

زاهر النويري
11-10-2009, 07:50 AM
أقترح أيضاً أن يعتزر الهلال عن مباراة الإياب ويتبرع بمصاريف الرحلة لصالح نازحين دارفور

مع أني للأسف هلالالالالالابي[/quote]


وللاسف في مريخاب ومورداب
ياخ نحن نتأسف على شنوماعارفين
كورتنا بقت كلها موتأسفة

النويري
12-10-2009, 10:53 PM
أقترح أيضاً أن يعتزر الهلال عن مباراة الإياب ويتبرع بمصاريف الرحلة لصالح نازحين دارفور

مع أني للأسف هلالالالالالابي


وللاسف في مريخاب ومورداب
ياخ نحن نتأسف على شنوماعارفين
كورتنا بقت كلها موتأسفة[/quote]

والله نحن ما ضرانا إلا دارفور والجنوب وإنشغال الناس عن الكورة إلى مواضيع قديمة وفارغة

gadoramedani
13-10-2009, 03:24 AM
أنت أظنك نسيت الخمسة دي قبل كدا ونسيت السبعة عشان كدا مبسوط لكن أصحى ياحبيبنا
مع فائق التقدير والإحترام

يا النويري انت قايلو دا الدافوري القدام بيتكم
بيتكم كلو بيلعب فيه وتتغلبوا الشكلة تدور

يا حليلها ايام

جماهيرية شنو هو في جماهير عشان الرياضة ترجع ليهم الدافوري بقى مافي خلي روابط الناشئين الكانت احسن من دوري الاولي ويا حليل مباراة القمة بين الاسماعيلي وجيفارا ويا حليل الاولمبي والقادسية دا الزمن النحن عاوزنه يرجع
مش زمن عبد الرحمن سر الختم وشارع الهلال

مرتضى التوم
14-10-2009, 05:51 AM
والله فعلاً الله يعيد الايام الجميلة دى واقوانك الصدف يا قدورة ههههههه.
اسى انا بفكر ارجع العب تانى كورة والحق لى خمشة ملايين من المال السايب ده رائك شنو يا نويرى ؟

gadoramedani
14-10-2009, 11:57 PM
صدفة جميلة تتكرر يومياً في الدافوري مش زي لعبك الكلو شكل انت وخالد شارلس

مرتضى التوم
15-10-2009, 12:42 AM
انا وجارلس اتنين حرفين بتاعين كورة لازم نتناقش مع بعض انت الدخلك شنو ؟؟؟
مش بقولو رب صدفة خير من الف ميعاد بس دى اقوانك .

النويري
17-10-2009, 05:01 AM
يا النويري انت قايلو دا الدافوري القدام بيتكم
بيتكم كلو بيلعب فيه وتتغلبوا الشكلة تدور

يا حليلها ايام

جماهيرية شنو هو في جماهير عشان الرياضة ترجع ليهم الدافوري بقى مافي خلي روابط الناشئين الكانت احسن من دوري الاولي ويا حليل مباراة القمة بين الاسماعيلي وجيفارا ويا حليل الاولمبي والقادسية دا الزمن النحن عاوزنه يرجع
مش زمن عبد الرحمن سر الختم وشارع الهلال

أولاً أخونا قدورة الزمان إنشاء الله طيب يا خي مالك ومال الجلدة دي خليك شوية وبرجع ليك

النويري
17-10-2009, 05:03 AM
والله فعلاً الله يعيد الايام الجميلة دى واقوانك الصدف يا قدورة ههههههه.
اسى انا بفكر ارجع العب تانى كورة والحق لى خمشة ملايين من المال السايب ده رائك شنو يا نويرى ؟

والله يا قدود أنا الصدفة دي ذاته ما بتذكرها ليك أخير الناس أتذكروا ليك صدفه يا خي أرفع النظارة وبعدين جيب ليك قون ههههههههههههههههههههه

النويري
17-10-2009, 05:06 AM
يا النويري انت قايلو دا الدافوري القدام بيتكم
بيتكم كلو بيلعب فيه وتتغلبوا الشكلة تدور

يا حليلها ايام

جماهيرية شنو هو في جماهير عشان الرياضة ترجع ليهم الدافوري بقى مافي خلي روابط الناشئين الكانت احسن من دوري الاولي ويا حليل مباراة القمة بين الاسماعيلي وجيفارا ويا حليل الاولمبي والقادسية دا الزمن النحن عاوزنه يرجع
مش زمن عبد الرحمن سر الختم وشارع الهلال

والله يا قدود كان متمني لي غلب للقادسية أشوف ناس ليموني ووسيلة وعماد خضر إنشاء الله في الشاشة الغشاشة سمعت أنو عماد خضر عرس ؟

gadoramedani
17-10-2009, 11:09 PM
انا وجارلس اتنين حرفين بتاعين كورة لازم نتناقش مع بعض انت الدخلك شنو ؟؟؟
.

حريف والله يا سادومبا الماسورة

خالد عبدالماجد
17-10-2009, 11:56 PM
والله مرتضى التوم كورتو مافيها كلام زول لعاب وأحمق مابدور الغلب ..
والنويري زاتو كان راجل لعاب بس جرستو كتيرة وجمال النويري كذلك راجل فنان ..
حليلها من أيام تلك التي قضيناها بصحبة أولئك النفر الكرام ...
جارلس وعدلي وأيمن الشريف وخالد هاشم ومرتضى العربي وجلال الشريف والوسيلة ......
بالله أخبار جارلس شنو ياودالتوم ( طبعا كان أكتر زول جرسة في الدافوري ) وقدورة ده يامرتضى شكلو من مرتادي الدافوري ياربي أكون لعبت ضدو ؟
أيام ليتها تعود ...
الظريفة إبراهيم العوني قالي ( إنت ياأدروب الكورة دي إتعلمتها وين كسلا دي فيها كورة ؟ ) .

gadoramedani
18-10-2009, 01:14 AM
وقدورة ده يامرتضى شكلو من مرتادي الدافوري ياربي أكون لعبت ضدو ؟
؟ ) .

انت يا خالد لو ما شفت اهدافي في الدافوري معناها ما بتعرف الناس الذكرتهم ديل كلهم

لكن الظاهر عليك من الجيل الجديد لاننا جيل الرواد امثال كمال عطا وسامي وربيع وحاتم وازهري ميسرة وياسر الطيب وجارلس والشبلي وطارق التوم والشايقي وقسم واولاد ابوالسعود زاهر وحسن واسامة النقاش وكثيرون

ولا ما كده يا مرتضي جيل الرواد انشاء الله عجبتك

خالد عبدالماجد
18-10-2009, 01:23 AM
الأخ قدورة :
من الأشخاص الذين ذكرتهم يبدو انك فعلاً من الرواد رغم أني لعبت مع بعض ممن ذكرت منهم جارلس وعبدالرحمن الشايقي وبعض من أولاد أبو السعود ..
لكن طبعا ده مامقياس لأنو جارلس والشايقي بقو زي العجب متشبكين فيها والمروة قلت وماعايزين يقتنعو بقو تامنها نضمي ...
غايتو أنا من جيل مرتضى التوم والنويري وناس الشايقي كانو كبارنا الفي الدافوري ...

بعدين أهدافك دي واحد قال صدفة والتاني قال أقوان الصدفة دي مامعترف ليك بيها عايزني أنا أقتنع بيها ;)

gadoramedani
18-10-2009, 01:44 AM
بعدين أهدافك دي واحد قال صدفة والتاني قال أقوان الصدفة دي مامعترف ليك بيها عايزني أنا أقتنع بيها ;)

هي لو اقوان صدفة بتجي كل يوم وبعدين الناس دي كلها جارية تدخل الكرة دي في القون وانا دي الحاجة الوحيدة البعرفها يعني زي عصام الدحيش

جارلس لي هسها تاميها نضمي كورة وكوتشينة والشايقي بقي زي شداد كل يوم يطلع قانون يغلب بيهو

لكن الحلة تمشي فيها زي الغريب كلها ناشئين

gadoramedani
18-10-2009, 01:55 AM
والله يا قدود أنا الصدفة دي ذاته ما بتذكرها ليك أخير الناس أتذكروا ليك صدفه يا خي أرفع النظارة وبعدين جيب ليك قون ههههههههههههههههههههه

بالصدف برضو هداف الدافوري

خالد عبدالماجد
18-10-2009, 02:02 AM
هي لو اقوان صدفة بتجي كل يوم وبعدين الناس دي كلها جارية تدخل الكرة دي في القون وانا دي الحاجة الوحيدة البعرفها يعني زي عصام الدحيش

جارلس لي هسها تاميها نضمي كورة وكوتشينة والشايقي بقي زي شداد كل يوم يطلع قانون يغلب بيهو

لكن الحلة تمشي فيها زي الغريب كلها ناشئين

عصام الدحيش والله الزول ده جايب فينا قون لي هسع حارقني ( هدفو الفي عبدالمعطي ) ... لكن لو بقيت زيو ماعندك عوجة .
قلت لي عبدالرحمن الشايقي كل يوم قانون عشان يغلب ...:)
أريتو بعد داك كان بغلب ..
لكن بيني وبينك هو معلم ...
وحكاية الناشئين دي تلفون جمعني بخالد هاشم قال لي ياخالد كسلا لو جيت مدني ماحاتعرف أي زول غايتو ده حال الدنيا والشغلة تعاقب أجيال وايامنا ديك ماأظن تجي زيها ..
دمت بخير ياقدورة

النويري
18-10-2009, 04:39 AM
الأخ قدورة :
من الأشخاص الذين ذكرتهم يبدو انك فعلاً من الرواد رغم أني لعبت مع بعض ممن ذكرت منهم جارلس وعبدالرحمن الشايقي وبعض من أولاد أبو السعود ..
لكن طبعا ده مامقياس لأنو جارلس والشايقي بقو زي العجب متشبكين فيها والمروة قلت وماعايزين يقتنعو بقو تامنها نضمي ...
غايتو أنا من جيل مرتضى التوم والنويري وناس الشايقي كانو كبارنا الفي الدافوري ...

بعدين أهدافك دي واحد قال صدفة والتاني قال أقوان الصدفة دي مامعترف ليك بيها عايزني أنا أقتنع بيها ;)

يا خالد كسلا قالو الماعارف يقول عدس ديل ناس جرايد ساكت

النويري
18-10-2009, 04:41 AM
عصام الدحيش والله الزول ده جايب فينا قون لي هسع حارقني ( هدفو الفي عبدالمعطي ) ... لكن لو بقيت زيو ماعندك عوجة .
قلت لي عبدالرحمن الشايقي كل يوم قانون عشان يغلب ...:)
أريتو بعد داك كان بغلب ..
لكن بيني وبينك هو معلم ...
وحكاية الناشئين دي تلفون جمعني بخالد هاشم قال لي ياخالد كسلا لو جيت مدني ماحاتعرف أي زول غايتو ده حال الدنيا والشغلة تعاقب أجيال وايامنا ديك ماأظن تجي زيها ..
دمت بخير ياقدورة

الدنيا لسه بي خيرها وناس الدافوري القدام قاعدين بس دخلت عليهم تشكيلات جديدة ولا يفوتنا في هذا المقام أن نذكر الأب الروحي حسن أبو القاسم ( حسكو) الرجل الذي لم يبخل بوقته وماله في سبيل دعم الرياضة في منطقة مدني شرق

رضاك ياصفيه
18-10-2009, 07:18 AM
ههههههههههههههههههههههههههههههههههه كلامك في محلوووووووو

النويري
24-10-2009, 04:11 AM
ههههههههههههههههههههههههههههههههههه كلامك في محلوووووووو


انا مستينك هناك يا حلو وشكراً على المرور اللذيذ