المساعد الشخصي الرقمي

مشاهدة النسخة كاملة : عجباً لقوم ...


خالد عبدالماجد
05-10-2009, 11:29 PM
نعم إنهزم الهلال وهذه كرة القدم ..
أنهزمنا لأننا واجهنا الأقوى ..
أنهزمنا لأننا أرتكبنا أخطاءاً فنية قاتلة ونحن نلعب مع كبار القارة الأفريقية ..
فمابال غيرنا يفرحون ؟!!!
خرجنا من دور الأربعة وغيرنا خرج يجرجر أزيال الخيبة ودون تحقيق فوز واحد ..
فمن اين لأولئك بالفرح ؟
ملانا الشوارع أهازيجاً لأننا تأهلنا لمربع الكبار وهزمنا المريخ بثلاثية فمابالهم يفرحون ؟؟!!!
أنهزمنا بخماسية وغيرنا نالها سباعية ومن قبلها رباعية أفليس غريباً عليهم الفرح ؟
رغم التعجب أجد المبرر حاضراً فالفرح الذي فشل في تحقيقه موسى الزومة وعمو العجب يجب أن يبحث عنه في لوممباشي ..
والمرارة التي اذاقها لهم ديمبا وعمر بخيت وأيفوسا يجب ان يخرجوها زفرات عبر متنفس مازمبي ...

مريخاب وكده ... عادي ...
روبش
05-10-2009, 11:36 PM
العزيز .. خالد
لك التحية ...
خليهم يفرحوا اصلهم طولوا من الفرح ... ديل مثل الزول البمشي العرس وهو ما معزوم ويفرح اكتر من المعزوم وسيد العرس.. والنوعية ده بنطلق عليهم ( السمندل ) ... عشان كده يا خالد خليهم يفرحوا ويعبروا عن مشاعرهم .. ديل مخدرين عندهم كمية من المشاكل لكن غافلنها الايام ده ...
بكرة بضحكوا اكتر من اليوم
خالد عبدالماجد
06-10-2009, 01:12 AM
والله صدقت ياروبش لكن سمندل جد ...
مدنيّة
06-10-2009, 02:23 AM
عجباً لقوم ...


اخدوا خمسة ولسة مواصلين في انزال البوستات :cool:
ABUZAID
06-10-2009, 02:33 AM
أنهزمنا لأننا واجهنا الأقوى

لا لا لا لا لا

لم يكن فريق مازيمبي اقوى من الهلال



أنهزمنا لأننا أرتكبنا أخطاء فنية قاتلة ونحن نلعب مع كبار القارة الأفريقية

نعم نعم نعم نعم نعم

اخطاء فنية وشحنات نفسية ذائدة عن حدها
تشنجات ظهرت على وجوه لاعبي الهلال يومها

وللاسف لايملك لاعبونا روح الاحترافية, برغم خوضهم لكثير من المباريات الخارجية
ABUZAID
06-10-2009, 02:34 AM
اخدوا خمسة ولسة مواصلين في انزال البوستات :cool:




مابشردوا زي ناس كده


هى القوة التي تشربوا بها من حب الهلال


تحياتي
خالد عبدالماجد
06-10-2009, 11:59 PM
العزيز أبوزيد
تحايا ياحبيب
يعني لو ماكانو الأقوى كان عملوا فينا شنو وأدونا كم ؟
رغم أني حاولت إقتنع بكلامك وربما تكون مصح .. لكن ماشاهدناه لايوحي بذلك وربما ماذكرت من شحن نفسي هو ماأظهرنا بهذا المظهر الضعيف ...
عموماً هي مباراة وموسم أفريقي خرجنا منه خاليي الوفاض نتمنى أن نعود أكثر قوة ...
مدنيّة
07-10-2009, 12:26 AM
عموماً هي مباراة وموسم أفريقي خرجنا منه خاليي الوفاض نتمنى أن نعود أكثر قوة ...

متين ياخالد ياخ
:cool::cool::cool::cool::cool:
خالد عبدالماجد
07-10-2009, 01:52 AM
نحن طوالي فرحانين يامدنية المشكلة فيكم إنتو الماضقتو فرحة ليكم سنة ..
بالله سؤال آخر مرة المرخرخ فرحكم متين ؟
امير عبدالباقي
07-10-2009, 02:04 AM
نحن طوالي فرحانين يامدنية المشكلة فيكم إنتو الماضقتو فرحة ليكم سنة ..
بالله سؤال آخر مرة المرخرخ فرحكم متين ؟



طوالي فرحانين !!!!!!!!!!! بشنو ياخالد ؟ بصفركم الدولي
نحن فرحانين لاننا جبنا كاسات للسودان
وانتو التكتحة
وليد عمر سعيد
07-10-2009, 02:55 AM
نعم إنهزم الهلال
أنهزمنا بخماسية وغيرنا نالها سباعية ومن قبلها رباعية أفليس غريباً عليهم الفرح ؟


يا باشا ... خش على ابو الخمسات دا عشان تعرف ....

دا ر دي على ما تم اقتباسه من من كلامك ...

لكن لو قلبك ما قوي ما انصح تخش ،، لانو حاقوم عليك ماضي تلييييييييييد

http://www.youtube.com/watch?v=e8LLYjf9mqw
خالد عبدالماجد
07-10-2009, 10:51 AM
طوالي فرحانين !!!!!!!!!!! بشنو ياخالد ؟ بصفركم الدولي
نحن فرحانين لاننا جبنا كاسات للسودان
وانتو التكتحة
الفرح لايأتي فقط من إحراز الكاسات الخارجية ...
يكفينا ماحققنا من إنتصارات باهرة وكاساتكم دي كلها بيش شي مع الوصفاء وشي مع ناس المجاعة ..
إنتو الفيكم اتعرفت مع الأبطال وجيتو فيها طيش المجموعات عبر التاريخ بدون فوز واحد وأكدتو تماماً أنكم منافسين للوصفاء والتواني وأرانب سيكافا فقط ..
قال كاسات قال ..
خالد عبدالماجد
07-10-2009, 10:59 AM
يا باشا ... خش على ابو الخمسات دا عشان تعرف ....

دا ر دي على ما تم اقتباسه من من كلامك ...

لكن لو قلبك ما قوي ما انصح تخش ،، لانو حاقوم عليك ماضي تلييييييييييد

يامريخابي المريخ أكتر نادي سوداني جلب الفضايح للسودان بالتسعات من سان جورج وبالخمسات مرتين من الاهلي القاهري ( الجبل الأخضر )ومن الهلال السعودي والسباعيات من الوحدات والأربعات من الصفاقسي بالخرطوم وغيرها كتير وكثير وكلو موجود ويكفي فضايحكم في البطولة العربية وخروجكم منها بنقطة ...
ده إنتو أي كلام ياراجل فلاتنبش تاريخك الاسود وفضائحك المجلجلة ...
إنتو إجتهدو في التقليل من الهلال والإساءة له فلا قدرة لكم في بلوغ مكانه وليس لديكم حيلة غير محاولة إنزاله ..
ويبقى الهلال سيداً للبلد ودونه ظلال ..