شـــ مريخابي ـــاعر

[انوريكا]

http://www.al7asas.org/up/uploads/files/al7asas-6fe2d72bb5.mp3

[يوسف كيكل]

ياخي دا استفزانا نحن الصفوه برقصتو دي الخميساب اكونو كيف
بس التسجيل ما اشتغل يا انوريكا

[انوريكا]

ياخي دا استفزانا نحن الصفوه برقصتو دي الخميساب اكونو كيف
بس التسجيل ما اشتغل يا انوريكا



هههههههههههههههه

عدلت المشاركة وإن شاء الله تشتغل معااااااااااااك .

[ابوسمؤال]

ابشر ابشر ابشر ابشر ابشر والله تب عجبتني

[amino]

لكن وينوا الشاعر
دا البهلوان المرمط الحمام الميت

:p:p:p:p:p:p:p:p:p:p:p:p:p:):):):)

[هيثم عبدالعال]

كلامكم في الجرايد كلو ما كان صاح
حقو يكتبوكم فيهو إستيضاح

هييييع


القلتولنا معروف مقبرة أبطال
دفنكم فيهو مازيمبي ورقادكم طال

أبشر



غرقت مركبو من أول التلقيحه
لا تنغشوا يا الأخوان نتيجتو فضيحه


صح لسانك

[انوريكا]

يا هلالاب قبيل قلتو الكفر أسادو
وقلتولنا الهال ما بينهزم في إستادو
قلتولنا الفريق في كامل إستعدادو
وفريق مازيمبي يتضرع تقول في بلادو

*****
القلتولنا معروف مقبرة أبطال
دفنكم فيها مازيمبي ورقادكم طـــال
لو كان عندكم للكاس بصيص آمال
أبقولنا للكاس رجال

*****
كلامكم في الجرايد كلو ما كان صاح
وحقو يكتوبكم فيه إستيضاح
فريق مازيمبي في كل الخطوط مُرتاح
وإنتو معاهو في الميدان تقول أشباح

*****
الراجيك يجيبلو الخمسة جات معكوسه
في ليلة الأحــد مازيمبي كان كابوسه
تجاربو الخاضها كلها ما أستفاد بي دروسا
ما فادوهو لا إمبيلي لا إيفوسا

*****
قلتولنا الهلال بدر إكتمل متجلي
وفي ليلة التمام ظهر الخسوف الكُـلي
الكنغولي لــي قون شوتُه ما بتجلي
خمسة أقوان تقول لأعبين بلي

*****
بعد عشرين دقيقة بدأ الهلال ينهار
لقــى شوية هبوب بي قطعة التيار
إمبهط المُدرب وفي البقت مُحتار
ســيد الدار بقــى الضيف وضيفو ســيد الدار

*****
ليلتك يا الأحــد لـــى هلالنــا أســود ليله
مطــر مازيمبي غلبو دفاعك كترو السيلا
التوفيق بعيد ما جانب التشكيله
صحيح أحرزتو قونين إلا مآخدين كيلا

*****
زغاريدنا وكروت أفراحنا ماليه الديره
دلاليــك الكسمبر هابكـة لآحقــه السيــره
هلالنــا مجرتقنو هلال وصوت وضريره
ذنبي عليك يا مازيمبي خمسة كتيره
الليله الهلال في إستادو مقطوع ريحــه
وفيهو عشمنا كان يحرز نتيجــة مُريحه
غرقت مُركبو من أول التلقيحــه
لا تنغشوا يا الأخــوان نتيجتوا فضيحه

*****
ما كان عندو كورة نزلت عديل في مكانا
أول قون فرحنا إلا العشــم غشّــانا
ما لقينا الولــد من الغـُلب فشـّانا
يآ إمبيلي معاهــم إنت ولا معانا
الأزمة القبيل متل الدهب لمعانا
ما قايلنها بتغيب قبُل أوانـّا
لا إيفوســا لا مساوي نالو رضــانا
بعد هال حالا نرجى الفــي الذهاب راجيانا
بعد هال حالا نرجى الفــي الذهاب راجيانا
بعد هال حالا نرجى الفــي الذهاب راجيانا

[خالد عبدالماجد]

هو في مريخابي شاعر !!!
ديل الشعور في حتة وهم في حتة تانية ...
وإلا لما تتطاولوا للحديث عن الهلال وهو الذي هزمهم بثلاثية ولتوارو خجلاً وهم يتزيلون مجموعتي الأبطال دون تحقيق فوز واحد ...

[مدنيّة]

والله ياانور جاتني بالايمل
كنت عايزة انزلها


لكن لقيتك ماقصرت
مايقصرن ايامك

[عمرسنهوري]

ههههههههههه
ههههههههههههه
هههههههههههههه
هههههههههههههه
هههههههههه