ما بين جحا وقرضه وصاحبنا الـ في الجامعة

[عثمان جلالة]

جحا زي ما هو موجود في حجا حبوباتنا وحكاوينا العربية

وقرضه .. مصاص العرديب :D زي ما حكى عنو ود السني

وصاحبنا الـ في الجامعة :rolleyes:

موجودين وبكثره في مجتمعنا السوداني .. ومجتمعاتنا العربية أو الأفرو عربيه:p

جحا في حكاية الحبوبات دي

كان عندو مخرز "للشعر" ... مشى لقى ليهو مره تعمل في "السورج" ... أوع واحد يجي يقول لي ما بعرف السورج :eek: ... قالت ليهو اديني المخرز حقك دا أسرح بيهو شعري .. قال ليها جداً .. إتفضلي .. وأثناء ما بتسرح في شعرها .. إنكسر المخرز ;) .. قال ليها بس داير المخرز حقي بأي طريقه .. قال ليهو مافي غير أعوضك بــ السورج ده .. وشال منها السورج .. ومشى :rolleyes:

لقى ليهو رواعيه مع بقرهم ... قال ليهم داير انوم معاكم للصباح ؟؟ قالوا ليهو أتفضل .. بعد ما ناموا .. قام شرب السورج كلو .. وقشى باقي السورج في خشم أكبر تور عندهم .. وقام من صباح الرحمن يبكي :eek::eek:

قال ليهم توركم شرب السورج حقي:confused: وأنا داير السورج حقي حسع :rolleyes: طبعا عشان إنفكو منو !!! أدوهو التور :rolleyes: ..وشال تورو ومشى .. لقى ليهو جماعة يبكوا وحزنانين .. عندهم مره ميته .. عزاهم في وفاة المرحومة .. وقال ليهو ما عنكم صدقة :p قالوا ليهو ما عندنا البنضبحو للصدقة .. قال ليهم هاااكم توري دا أضبحوهو :rolleyes: ضبحوا التور وشكروهو .. جاهم تاني يوم قال ليهو بس داير التور حقي :):) .. قال ليهو ما عندنا حاجه نعوضك بيها غير .. المره الميته دي .. قام شال المره الميته .. ومشى ختاها في طرف البحر .. وعمل ليهو أكل وأنتظر في طريق الجلابه .. جو الجلابه .. قام حجا حلف عليهم .. إنو ينزلو ياكلو معاهو ورسل ولد من أولاد الجلابه قال ليهو أمش لى عمتك في طرف البحر .. الاكل جاهز .. لكن ألكزها لأنها طرشه ... قول ليها ختي لينا الأكل ... قام الولد مشى لكز المره الميته وقعت في البحر .. قعد يكورك كتلتو مرتي ... وأنا داير مرتي :eek: أهااا لامن شافو بكاهو كتر .. عوضوهو بى ناقه :rolleyes::rolleyes: .. وهكذا تستمر حكاية حجا :p

أما شأن قرضه .. هو النقد الدائم واللاذع لكل الإبداع والمبدعين .. بحركته المفرطه في السخريه كما يمص الواحد منا عرديبا ... :)

ينتقد ويسخر من الجميع دون أن يقدم هو شيئا في المقابل .. أو دعما لأي طرف :rolleyes:

صاحبنا الـ في الجامعة كنا نسميه "الخباز" :D:D لأنو يخبز الكلام .. بمعنى أنه "طبيز قليل الميز" ... يعني لو يوم كنا مفلسين .. وقام عزمنا فطور .. ولا بااااااااااسطه :p:p تاني يوم بنلقى الجامعة كلها عرفت :rolleyes:

وممكن هو يأشر لينا ويقول " شوفو ... ديلك الاكلتهم الباسطة :D:rolleyes:;)

[مدنيّة]

ياقول ابو النور

عاين ياجلالة
عشان الفهم الكلام دا

"السورج"

معناها شنووووو

:(:(:(:(:(:(:(

[صلاح ودالطاهر]

ياقول ابو النور

عاين ياجلالة
عشان الفهم الكلام دا

"السورج"

معناها شنووووو

:(:(:(:(:(:(:(


ما بتعرف السورج عاد ده كلام كدي بتعرفي الجبردين

[عثمان جلالة]

ياقول ابو النور

عاين ياجلالة
عشان الفهم الكلام دا

"السورج"

معناها شنووووو

:(:(:(:(:(:(:(


اها بدينا ؟؟؟ :rolleyes::eek:

ما بتعرفي السورج .... يعرفوك "صفوه" كيف ...؟؟؟

السورج يا أم جمال .. هو عجين خمير .. لكن مجفف "بودره يعني" .. ممكن يكون كسره وممكن يكون "مريسه" حسب الطلب مع بعض الإضافات :p;)

[صلاح ودالطاهر]

اها بدينا ؟؟؟ :rolleyes::eek:

ما بتعرفي السورج .... يعرفوك "صفوه" كيف ...؟؟؟

السورج يا أم جمال .. هو عجين خمير .. لكن مجفف "بودره يعني" .. ممكن يكون كسره وممكن يكون "مريسه" حسب الطلب مع بعض الإضافات :p;)
وزيادة الخير خيرين
السُّورِجْ " ، وهو من صميم ثقافة شمال السودان " السافل " فيما يبدو ، يدلك على ذلك أنه يطلق لقباً على بعض الناس هناك. و السورج كما وصفه بروفيسور يوسف فضل حسن في شرحه لهذه اللفظة التي وردت في ترجمة الشيخ إبراهيم ولد بريّ في كتاب: " طبقات ود ضيف الله " ، حيث وصف ذلك الشيخ بأنه " كان ورعاً زاهداً ، لا يقبل الهدية إلاّ الشئ اليسير مثل السورج والمطاطيل والنبق " ، وصف السورج بأنه: " نوع من الخبز المجفف كالحلو مر في شكله ، إلا أن كمية البهارات فيه قليلة جدا ، ويصنع من عجين الذرة المخلوط بالزُّراع أو الزريّعة ، ويخبز بطرق مختلفة أبسطها طريقة الكسرة .. الخ " ، بينما وصفه عون الشريف في قاموسه بأنه: " لون من الكسرة المخمرة يطبخ بشكل مفتّت ثم يستعمل كمشروب ناقع ". ويظهر أن هذه اللفظة قد انتقلت مع " المندوكورو " إلى بعض مناطق الجنوب أيضا ، وذلك بآية ما أخبرني الأخ الزميل السفير " جون سايمون " ، من أنّ الشلك يصنعون أكلة شبيهة في طريقة صنعها ب " السورج " ، وقال إنهم يسمونها " التُّرُجْ " أو " الطُّرُجْ " ، ورجح أن تكون هذه اللفظة تحريف لكلمة " السورج " ، وحجته في ذلك أن هذه اللفظة قد دخلت في لغة الشلك بأداة التعريف العربية " الألف واللام " ، وهو مما لا نظير له في لغة الشلك.

[العاقب مصباح]

ياخى دا لايوق بس

لايوق ام بقبق

جلالة

جابنى الشوق ليك

ووعد فى رقبتى

بكلمك بيهو

[صلاح ودالطاهر]

ياخى دا لايوق بس

لايوق ام بقبق

جلالة

جابنى الشوق ليك

ووعد فى رقبتى

بكلمك بيهو

انت يا قوبه انتهينا من السورج تجيب ام بقبق كدي هاك حبه من ام شعيفه دي رقمك راح اتصل عندي شمار بس زكرني با ام بقبق

[بت مارنجان]

انت يا قوبه انتهينا من السورج تجيب ام بقبق كدي هاك حبه من ام شعيفه دي رقمك راح اتصل عندي شمار بس زكرني با ام بقبق

ام بقبق دي بي قراصة ولا كسرة ....
علي العموم صحب البصل لازم يكون موجود مع الشطة الخدر ا :p:p