الحصة تواضع

[درديري كباشي]

اجمل درس تلقيته في حياتي وفاق كل ما تلقيناه من علوم في قاعات الدراسة بالجامعة كنا بالداخلية جامعة الجزيرة بالنشيشيبة تلقينا دعوة من احد زملاؤنا من ابناء احدى القرى بشرق النيل لتناول الغداء يوم جمعة ما .. وخاصة نحن طولنا من اهلنا وزاد شوقنا للاكل البلدي .. وفعلا رحنا الى تلك القرية يوم الجمعة ..
استقلبنا زميلنا مع اخوانه كاحسن ما يكون الاستقبال كاننا سفراء او زوار من دولة اخرى .. وعرفنا زميلنا باخوانه باسماء مجرده فقط من نوع .. اخوي الاكبر عوض واخوي الاصغر عثمان ووالده وهكذا .. وكانوا اناس بسطاء يرتدون الزي البلدي العراقي والسروال الطويل ..
دخلنا الصالون وجلسنا نحن الضيوف على السراير والكراسي .. بينما جلس زميلنا واخوانه ووالدهم على الارض كانهم في حضرة امراء .. ونحن اخذنا العزة بالغرور وطغت العبارات الانجليزية على معظم كلامنا باعتبار اننا طلاب جامعة .. كان الاخوة يضحكون من عباراتنا ونحن كنا ناخذ ضحكهم من باب شر البلية ما يضحك لانهم لايفهمون لغتنا الصفوية والتي هي من المفترض اعلى من مستوى فهمهم .. فهم في عرفنا ليسوا سوى مزارعين بسطاء غالبا اكتفوا من التعليم بما يعينهم على فك الخط بالكثير ..تناولنا وجبة الغداء الدسمه والتحلية وانقضى هذا اليوم الجميل ونحن نهم بالمغادره كانت المفاجاه التي الجمتنا حتى دخل بنا البص ودمدني من جديد .
ونحن في الباب نودع في زميلنا واهله انبرى لنا اخوته لتعريفنا بانفسهم من جديد ومن باب مختلف خالص باعتبار نحن طلاب وغرباء قد نحتاج مساعدتهم قال احدهم انه
( البروفيسور فلان الفلان الذي يعمل بالابحاث الزراعية ببركات ) ولو احتجنا لكتاب او اي مساعدة من مكتبة الابحاث علينا زيارته بمكتبه ... ) والثاني عرفنا بنفسه بانه ( الدكتور فلان الفلاني اخصائي الاطفال بمستشفى ود مدني ) لو جابتنا الحاجة الى المستشفى يمكن ان نمر به هناك ..
اما نحن فتبكمنا وتعطلت لغة الكلام وسيطر علينا الصمت وانغلقنا على انفسنا نحاسبها .. انا شخصيا لم انطق باي كلمة حتى دخل البص الداخلية احاسب في نفسي حسابا عسيرا واتمنى الا تكون فلتت مني كلمة استفذت هؤلاء العلماء المتواضعون البسطاء .. بل ظليت يوما كاملا محاولا استذكار كل الكلمات التي فلتت مني خلال اليوم .. ومنذ ذلك اليوم ظل ذلك الدرس يراودني كل ما حستني نفسي نحو الغرور تذكرت الموقف فخمدت نفسي وعرفت قدرها تماما ..

[أبو جودي]

أخي درديري كثيراً ما يطلع الجميل من أهله ...
من تواضع لله رفعه ،،، من أجمل الصفات التي يتصف بها بني البشر وأرقها وأجملها وقعاً في النفس التواضع ،،، وحبزا لو أتي هذا من أهل العلم والعلماء وهذا ما يتصف به الغالبية منهم ،،، نسأل الله أن نكون منهم ،،،، واستمر معك أخي ،،،

[ابوخالد]

التواضع من الصفات النادرة الوجود في زماننا هذا ...

أخي درديري ...

لك التحية ...

من تواضع لله رفعه ...


أني لتطربني الخلال كريمةً طرب الغريب بأوبةً وتلاقِ

ويهذني ذكر المرؤة والندي بين الشمائل هذةِ المشتاقِ


مقولة رائعة تحمل ماتحمل من صفات الكرم والمرؤة ....

لقد نقدت نفسك ومن معك ... ولله ذاك أصدق أنواع النقد ...

الذي يدق مسمار العظة والعِبر في صناديق التكبر والإفتراء ....

تلك الخصال وللأسف صارت ديدن الكثيرين منا ....

نتمني أن تؤدي هذه الرسالة مبتغاها ويعم نفعها الكثيرين منا ....

قصة واقعية تعكس واقع مرير نعيش فيه ....

ولما بين سطورها يحمل الكثير من المعاني والحكم ...

فلك الشكر كل الشكر لهذا النقاء والتجلي ....

ودمت بخير أخي

[مدنيّة]

اما نحن فتبكمنا وتعطلت لغة الكلام وسيطر علينا الصمت وانغلقنا على انفسنا نحاسبها .. انا شخصيا لم انطق باي كلمة حتى دخل البص الداخلية احاسب في نفسي حسابا عسيرا واتمنى الا تكون فلتت مني كلمة استفذت هؤلاء العلماء المتواضعون البسطاء .. بل ظليت يوما كاملا محاولا استذكار كل الكلمات التي فلتت مني خلال اليوم ...

درديري نورت المنتدي

كان عندي بت خالتي صغيرة جدا كانت في الاساس
مرة قالت لي
الواحد مفترض ما يتكلم كلام ساي
يعمل حساب اي كلمة قبل ما يطلعها
لانه الكلمة الكعبة لو طلعت مابتتنسي
عكس الكلمة الحلوة
بتتنسي باسرع ما يمكن

طبعا تعليقي في حتة وكلامك في حتة
بس اتذكرته بمحاسبة النفس دي


احترااماتي

[أشرف صلاح السعيد]

ابو الدر تحياتى..
تعرف مسألة قعدتك يوم كامل وانت بتتذكر فى كلامك ودتنى الى الزول لما خلاص يحس بالموت بيقولو بيمر عليو شريط حياتو..ولكأنه يبحث عن شئ ما يجد فيه ما يعينه على ما بعد خراج الروح..وكذلك أحسب فى بحثك عن كلام لم يمس او يسخر أؤلئك النفر الكريم البسطاء المتواضعون العلماء للجلوس بين أيديكم وعلى البسيطة كبحث المفارق عن الحياة للنجاة..لقد أكد لنا ذلك الجمع الطيب بأن التواضع من شيم العلماء وبأن الله يرفع به من قدر البشر..
للجامعة فورة وقوالب يحلم بكونيتها الصغار ..ولعل الكثير منا قد حلم بلبس شخصية ما عند مروره بتلك المرحلة.. عن نفسى وانا بالثانوى كنت قد جهزت استايلى باللبس لمرحلة الجامعة "خياليا"وكنت كثيرا ما اسرح مع شخصيتى التى سوف تغدو من الشخصيات السياسة اللامعة بالجامعة..ربما كل تلك التصورات لإعجابنا بطلاب الجامعات بالعصور الذهبية سابقا.. دخلت الجامعة ولم البس ما حلمت به ولم اكن ذلك السياسى المشع نورا ولم احس حتى بأنى بالمرحلة الجامعية سوى من مقرراتها..
كثير منا يفكها فى نفسو ويجيهو الدرس ويعدل راسو الما حلو..
قلت ليا فكيتوها فيهم وعملتو وهماتكم ونظام نو واوف كورس وآى مين ولقيتو القبة فيها فكى انجليزى..يا شماتى فيكم ههههههههه..
درس لكن ..وأنا أقول تواضعك وأدبك الجم دا سببو شنو "مش كنت تؤول"..

[ابوالنور]

ويل كام باك درة

[عباس الدسيس]

ذكرتني حكاية دكتور محمد عوض الكريم اخصائي الباطنية ود عمتنا كان مع اهلوا بتكلموا في المصاريف والحياة بقت غاليه المناسبة جات قالوا حسي رطل اللبن بقي بي الشي الفلاني قال ليهم المزرعه فيها ثلاثة بقرات ليه تشتروا اللبن قالوا ليهوا واحده بس والده الراعي قال ما بقدر احلبا عشان بترفس زولك مشي المغربية قعد تحت البقره بي العراقي ملي الجردل لبن جابو معاهوا البيت الراعي جاء اشكي لي الحاجة في البيت قال ليها جيبتوا راعي جديد ليه انا قصرت في شنو الحاجه قالت ليهوا اجي يل ود امي ده ما ولدي محمد ما بتعرفوا سيد المزرعه والبقر قال ليها كان كده احسن امشي براي ما انتظر ولدك الدكتور البحلب البقر ده.

[درديري كباشي]

أخي درديري كثيراً ما يطلع الجميل من أهله ...
من تواضع لله رفعه ،،، من أجمل الصفات التي يتصف بها بني البشر وأرقها وأجملها وقعاً في النفس التواضع ،،، وحبزا لو أتي هذا من أهل العلم والعلماء وهذا ما يتصف به الغالبية منهم ،،، نسأل الله أن نكون منهم ،،،، واستمر معك أخي ،،،


مش كدا يا اخوي اسامة

الانسان تزيد قيمته اذا تواضع رقم مكانه العالي ولاحظ انا لازلت محتفظ بتفاصيل هذا الموقف منذ عام 1991 .. لكن تخيل لو كان حدث العكس يعني مثلا الدعوة كانت عند اهل الفخفخة والبوبار والجهلاء اكلنا افخم اكل ولكن اسنتفذينا ومسح بنا الارض لنكتشف انه المستفذين لم يكن معهم الابتدائية..

[درديري كباشي]

التواضع من الصفات النادرة الوجود في زماننا هذا ...

أخي درديري ...

لك التحية ...

من تواضع لله رفعه ...


أني لتطربني الخلال كريمةً طرب الغريب بأوبةً وتلاقِ

ويهذني ذكر المرؤة والندي بين الشمائل هذةِ المشتاقِ


مقولة رائعة تحمل ماتحمل من صفات الكرم والمرؤة ....

لقد نقدت نفسك ومن معك ... ولله ذاك أصدق أنواع النقد ...

الذي يدق مسمار العظة والعِبر في صناديق التكبر والإفتراء ....

تلك الخصال وللأسف صارت ديدن الكثيرين منا ....

نتمني أن تؤدي هذه الرسالة مبتغاها ويعم نفعها الكثيرين منا ....

قصة واقعية تعكس واقع مرير نعيش فيه ....

ولما بين سطورها يحمل الكثير من المعاني والحكم ...

فلك الشكر كل الشكر لهذا النقاء والتجلي ....

ودمت بخير أخي

يا سلام عليك يا ابو خالد ولواء

دائما جاهز بمخزونك من الاشعار والحكم وجد دعمت الموضوع

كونوا بخير كلكم

[درديري كباشي]

درديري نورت المنتدي

كان عندي بت خالتي صغيرة جدا كانت في الاساس
مرة قالت لي
الواحد مفترض ما يتكلم كلام ساي
يعمل حساب اي كلمة قبل ما يطلعها
لانه الكلمة الكعبة لو طلعت مابتتنسي
عكس الكلمة الحلوة
بتتنسي باسرع ما يمكن

طبعا تعليقي في حتة وكلامك في حتة
بس اتذكرته بمحاسبة النفس دي


احترااماتي



سلام يا مدن

هو الكلام لم يكن سئ .. بمعنى نحن ما استفذينا احد .. ولكن كنا نحاول مثلا نتواضع او ننزل لمستوى ناس كنا نعتقد انهم دوننا ... اضرب ليك مثال اتخيلي انت معك ناس من القرية لاسمعو بديقتال ولا شافوا ايسكريم ولا يعرفوا ما يونيز ولا بيتزا .. انت بتتونسي ونستك العادية لكن فجاه تعتقدي انه الناس ديل مسطحين وتحاولي تشرحي تعرفي البيتزا .. يعني مثلا _ ما تندهشوا يا اخوان البيتزا دي اكلة ايطاليا عبارة عن قراصة فيها سلطة وخضروات وهكذا ) لتكتشفي في النهاية انه القرويات ديل اساسا مولودات في ايطاليا الما شفتيها دي .. هني يكون موقفك شنو ؟؟... بس دا هو شعورنا لكن نحن الحمد لله ما استفذينا احد ولن نفعلها حتو لو كان امي .

[درديري كباشي]

ابو الدر تحياتى..
تعرف مسألة قعدتك يوم كامل وانت بتتذكر فى كلامك ودتنى الى الزول لما خلاص يحس بالموت بيقولو بيمر عليو شريط حياتو..ولكأنه يبحث عن شئ ما يجد فيه ما يعينه على ما بعد خراج الروح..وكذلك أحسب فى بحثك عن كلام لم يمس او يسخر أؤلئك النفر الكريم البسطاء المتواضعون العلماء للجلوس بين أيديكم وعلى البسيطة كبحث المفارق عن الحياة للنجاة..لقد أكد لنا ذلك الجمع الطيب بأن التواضع من شيم العلماء وبأن الله يرفع به من قدر البشر..
للجامعة فورة وقوالب يحلم بكونيتها الصغار ..ولعل الكثير منا قد حلم بلبس شخصية ما عند مروره بتلك المرحلة.. عن نفسى وانا بالثانوى كنت قد جهزت استايلى باللبس لمرحلة الجامعة "خياليا"وكنت كثيرا ما اسرح مع شخصيتى التى سوف تغدو من الشخصيات السياسة اللامعة بالجامعة..ربما كل تلك التصورات لإعجابنا بطلاب الجامعات بالعصور الذهبية سابقا.. دخلت الجامعة ولم البس ما حلمت به ولم اكن ذلك السياسى المشع نورا ولم احس حتى بأنى بالمرحلة الجامعية سوى من مقرراتها..
كثير منا يفكها فى نفسو ويجيهو الدرس ويعدل راسو الما حلو..
قلت ليا فكيتوها فيهم وعملتو وهماتكم ونظام نو واوف كورس وآى مين ولقيتو القبة فيها فكى انجليزى..يا شماتى فيكم ههههههههه..
درس لكن ..وأنا أقول تواضعك وأدبك الجم دا سببو شنو "مش كنت تؤول"..

سلام يا باش
ميزة الشعب السوداني بصفة عامة لاتغيرهم المناصب ولا الرتب ولا الشهادات ؟؟ يعني الحمد لله ماعندنا واحد يقول ليك بصوت عالي ( ازاي تسمح لنفسك تكلمني بالطريقة ديات انت مش عارف انا مين ؟؟)

وفي ذات الوقت كان غرورنا نابع من الشعب نفسه الذي كان يدلل طلاب الجامعات ( طبعا قبل ما يبهلوها كدا وترخص ) كان يمتحن الشهادة مائة وخمسون الف وخمسة الف منهم فقط كانوا يدخلوا الجامعات والباقين يتصرفوا ( حتى ما كان في ركشات يمشو بيها الحال ) لذلك كان الطالب الجامعي يحس بالغرور ويحس بمكانة المجتمع له .

لكن هؤلاء الجميلين يعني لم تكن توجد دراسات عليا داخل السودان يعني على الاقل عاش كل واحد منهم في انجلترا او امريكا ما يقارب الخمس سنوات .. ورغما عن ذلك لم تفلت منهم ولو بالخطا كلمة انجليزية واحدة تخلينا نتواضع ونتلم من النهار .. ودا سبب الازية والاسية في الموضوع .

[مدنيّة]

طبعا تعليقي في حتة وكلامك في حتة
بس اتذكرته بمحاسبة النفس دي


احترااماتي



سلام يا مدن

هو الكلام لم يكن سئ .. بمعنى نحن ما استفذينا احد .. ولكن كنا نحاول مثلا نتواضع او ننزل لمستوى ناس كنا نعتقد انهم دوننا ... اضرب ليك مثال اتخيلي انت معك ناس من القرية لاسمعو بديقتال ولا شافوا ايسكريم ولا يعرفوا ما يونيز ولا بيتزا .. انت بتتونسي ونستك العادية لكن فجاه تعتقدي انه الناس ديل مسطحين وتحاولي تشرحي تعرفي البيتزا .. يعني مثلا _ ما تندهشوا يا اخوان البيتزا دي اكلة ايطاليا عبارة عن قراصة فيها سلطة وخضروات وهكذا ) لتكتشفي في النهاية انه القرويات ديل اساسا مولودات في ايطاليا الما شفتيها دي .. هني يكون موقفك شنو ؟؟... بس دا هو شعورنا لكن نحن الحمد لله ما استفذينا احد ولن نفعلها حتو لو كان امي .

ديرديري مساءك زين
شكلك كدا الخمسة لهسي واجعاك :cool:

واثقة انك ما ممكن تستفذ زول
او تطلع كلمة اساءة

كدي راجع كلامي تاني وشوف انا قلت ليك شنو

[ام قبس]

درديري
مساك خير
ماعارفه ليه عندي شيء في راسي دا انك انت واشرف السعيد تؤام
لا ادري من اي جاءتني هذه الفكرة الطاعمه
علي العموم ارجع للموضوع
حصه التواضع دي ذي الماس البيضربك من غير كهرباء داك
وعندي موقف بجيك ليه بعد حبتين
ذي تؤمتك انت ودالسعيد الاتمنيت تبقي ثلاثيه الابداع بي واحد بيشبهكم اسمه منعم
تقبل مروري

[moh_alnour]

أخي أبو الدُر
نحن شعب نحمد الله أننا نعي تماما ً حقيقة أن من تواضع لله رفعه و قليل منا من يشذ عن هذه القاعدة
لذلك قال شاعرنا ( محمد علي أبو قطاطي ) ( المغرور ندوسوا و نقطعوا الطنة شافعنا بيرى الموت في الركاب سُنة )
لذلك لم تغيرنا المناصب ولا الدرجات العلمية و لا البعثات الدراسية للبلاد التي تموت حيتانها من البرد
فكثير ما نرى علامات الأستغراب و الإندهاش في وجوه الغير و هم لا يميزون بين الدكتور و الخفير و الوزير
حيث تجد الجميع سواسية في ملبسهم و في حفاظهم على القيم المتوارثة في المجتمع
ربما هي ثورة الشباب و التي تجعل المرء يحس أحيانا ً بقيمة الذات و لكن سُرعان ما تجذبه تلك الصفة المتأصلة فينا و هي التواضع و البساطة من غير سذاجة
أرى الغر في الدنيا إذا كان فاضلا ترقّى على رؤس الرجال ويخطب
وإن كان مثلي لا فضيلة عنده يُقاس بطفل في الشوارع يلعب

[محمد هاشم]

أبو الدر سلامي

كلامك ده ذكرني مرة كنا معزومين غداء وكان معانا بروفيسور إخصائي جهاز هضمي وكان من ضمن الحضور واحد عجيب بيشرح للبروف عن أسباب قرحة المعدة وإلى أي مدى إنتشار هذا المرض في السودان طبعا من غير ما يعرف إنو القدامو ده هو البروف
وبعد الغداء قمنا كلمناه قلنا ليه ياخي إنت داير توري البروف أعراض القرحة وببساطة الراجل قام جاري

[درديري كباشي]

ذكرتني حكاية دكتور محمد عوض الكريم اخصائي الباطنية ود عمتنا كان مع اهلوا بتكلموا في المصاريف والحياة بقت غاليه المناسبة جات قالوا حسي رطل اللبن بقي بي الشي الفلاني قال ليهم المزرعه فيها ثلاثة بقرات ليه تشتروا اللبن قالوا ليهوا واحده بس والده الراعي قال ما بقدر احلبا عشان بترفس زولك مشي المغربية قعد تحت البقره بي العراقي ملي الجردل لبن جابو معاهوا البيت الراعي جاء اشكي لي الحاجة في البيت قال ليها جيبتوا راعي جديد ليه انا قصرت في شنو الحاجه قالت ليهوا اجي يل ود امي ده ما ولدي محمد ما بتعرفوا سيد المزرعه والبقر قال ليها كان كده احسن امشي براي ما انتظر ولدك الدكتور البحلب البقر ده.

سلام يا عبس والله يحفظ هذا الدكتور الرائع ... لاننا في النهاية كلكم لادم وادم من تراب ..

[درديري كباشي]

ويل كام باك درة

يعني مأ جيتنا راجع يا ابو النور .... هسع دا تواضع منك ....

عامل جماعتك الما بيفتروا من الرقيص ديل

[درديري كباشي]

درديري
مساك خير
ماعارفه ليه عندي شيء في راسي دا انك انت واشرف السعيد تؤام
لا ادري من اي جاءتني هذه الفكرة الطاعمه
علي العموم ارجع للموضوع
حصه التواضع دي ذي الماس البيضربك من غير كهرباء داك
وعندي موقف بجيك ليه بعد حبتين
ذي تؤمتك انت ودالسعيد الاتمنيت تبقي ثلاثيه الابداع بي واحد بيشبهكم اسمه منعم
تقبل مروري


سلام يا ام قبس ..
ملاحظتك في محلها يا ام قبس

انا برضو كان عندي احساس انه انا واشرف توام ... في اي مكان نتلاقى حفلة اي شئ نجد روحنا جالسين مع بعض ...ونواصل في النقاش ... بصراحة اشرف رجل ملان كلام جميل والى الان لم يكتب الا القليل مما هو مخزن بدماغه ... لذلك انا اظل ابحث عنه دائما في المناسبات .

ومنتظرين موقفك ... بس يا ريت تتواضعي وما تنسينا

[درديري كباشي]

أخي أبو الدُر
نحن شعب نحمد الله أننا نعي تماما ً حقيقة أن من تواضع لله رفعه و قليل منا من يشذ عن هذه القاعدة
لذلك قال شاعرنا ( محمد علي أبو قطاطي ) ( المغرور ندوسوا و نقطعوا الطنة شافعنا بيرى الموت في الركاب سُنة )
لذلك لم تغيرنا المناصب ولا الدرجات العلمية و لا البعثات الدراسية للبلاد التي تموت حيتانها من البرد
فكثير ما نرى علامات الأستغراب و الإندهاش في وجوه الغير و هم لا يميزون بين الدكتور و الخفير و الوزير
حيث تجد الجميع سواسية في ملبسهم و في حفاظهم على القيم المتوارثة في المجتمع
ربما هي ثورة الشباب و التي تجعل المرء يحس أحيانا ً بقيمة الذات و لكن سُرعان ما تجذبه تلك الصفة المتأصلة فينا و هي التواضع و البساطة من غير سذاجة
أرى الغر في الدنيا إذا كان فاضلا ترقّى على رؤس الرجال ويخطب
وإن كان مثلي لا فضيلة عنده يُقاس بطفل في الشوارع يلعب





مصداقا لكلامك يا ابو النور كنا يوم الجمعة بالرياض اجتماع جمعية ودمدني الخيرية .. وحضر الاجتماع البروفيسور المفخرة لود مدني ولكل السودان عوض ابو زيد .. وهو رجل مسئول على مستوى العالم لانه تابع للامم المتحده .. ورغما عن ذلك لا تميزه عن الحضور الا بتعريف الرجل الوغور الاستاذ عمر سعيد النور له في كل ما يمر احد للسلام .. فالرجل لا يرتدي سوى الزي السوداني الذي كلنا كنا نرتديه ويجلس ويتحدث عن ودمدني والذي ترجوه من الجميع بما ال ليه حالها من تردي وتحس ان قلبه على بلاده اكثر مما هو على اولاده ..

[درديري كباشي]

أبو الدر سلامي

كلامك ده ذكرني مرة كنا معزومين غداء وكان معانا بروفيسور إخصائي جهاز هضمي وكان من ضمن الحضور واحد عجيب بيشرح للبروف عن أسباب قرحة المعدة وإلى أي مدى إنتشار هذا المرض في السودان طبعا من غير ما يعرف إنو القدامو ده هو البروف
وبعد الغداء قمنا كلمناه قلنا ليه ياخي إنت داير توري البروف أعراض القرحة وببساطة الراجل قام جاري

سلام يا ابو وضاح قصتك ذكرتني كنا في جلسة هنا في الرياض وكان الزائر بروفيسور في العلوم البيطرية وعميد كلية البيطرة الوحيدة بالسودان .. احد المغالطية كان بيغالط فيه عن البغل هل الام حمارة ام حصانة .. وكان يصر على رايه .. والطريف في الموضوع ايضا اصر على رايه حتى بعد عن عرف انم الرجل له دكتوراه في البيطره

[حاتم مرزوق]

العزيز درديري

من امتع ما حضرنا من حصص.

الله يديك العافية

[أشرف صلاح السعيد]

درديري
مساك خير
ماعارفه ليه عندي شيء في راسي دا انك انت واشرف السعيد تؤام
لا ادري من اي جاءتني هذه الفكرة الطاعمه
علي العموم ارجع للموضوع
حصه التواضع دي ذي الماس البيضربك من غير كهرباء داك
وعندي موقف بجيك ليه بعد حبتين
ذي تؤمتك انت ودالسعيد الاتمنيت تبقي ثلاثيه الابداع بي واحد بيشبهكم اسمه منعم
تقبل مروري


تحياتى اختى ام قبس..

والله من حيث انو فكرتك طاعمة فهى طاعمة طعومية شديدة خلاص.. ابوالدر نعم التوم بس هو التوم الرزين والهادى وانا التوم الجوااط ومشاغب بالحياة..تعرفى إنو هو رجل هادئ جدا جدا فى كلامو وحركتو ..لكن تقرى ليهو بتستغربى من الشقاوة وجنون العقلاء بتاعو فى الكتابة ولو ما قالو ليك دا الدرديرى لما تقابليو شخصيا لا يمكن تربطى بين الشخصيتين.. انا بقى عكسو جنى البرا اكتر من جنى الكتابى وآخر شى يبهتونى بيو الناس الهدوء..
اما منعم دا حكاية تانية رجل لذيذ جدا وصاحب اسلوب سهل ممتنع وتوش..بسيط الطرح وعميق الفكر ..وكثيرين حقيقة من شباب المنتدى "شباب دى عشان كلنا ندخل فيها" ليهم مدارس كتابية جميلة..
غايتو يا ام قبس رفعتى ليا معنوياتى فوق وخايف بكرة ينادونى اشرف ما اتلفت الا يقولو ليا التوم..

[أشرف صلاح السعيد]

سلام يا ام قبس ..
ملاحظتك في محلها يا ام قبس

انا برضو كان عندي احساس انه انا واشرف توام ... في اي مكان نتلاقى حفلة اي شئ نجد روحنا جالسين مع بعض ...ونواصل في النقاش ... بصراحة اشرف رجل ملان كلام جميل والى الان لم يكتب الا القليل مما هو مخزن بدماغه ... لذلك انا اظل ابحث عنه دائما في المناسبات .

ومنتظرين موقفك ... بس يا ريت تتواضعي وما تنسينا


ابو الدر عوافى..
ولله انك احلى توم..بس يا ابو الدر اخوى تعال نتفق انو نكون "توم كروز" وشوف الهنا الحنعيش فيو ..جنس تجدع هو وما تخاف انا شسخيا حأحاول اتواضع قدر ما اقدر بس ما تعتبر دا وعد..مع الوجاه الكروزية تانى بفضل فيها تواضع.. ديل ناسنا الغبش ديل بعضهم بس مجاملة ساااى تقول ليو شنو الوجاه دى تانى الا تكلمو بميعاد من سكرتيرو وهاتفيا..
وبختى رسمى وشعبى الغمرتنى بشرف توأمتك ايها السهل الممتنع الرائع المتواضع..

[ابوالنور]

يعني مأ جيتنا راجع يا ابو النور ....
نأسف جدا والله يا درة بث اخدت لي خمسة يوم في الحلة
اها بمناسبة الحلة دي عندنا خالنا زول عملي جدا ومتعصب في نفس الوقت
عندو مراااح عيال ماشاءالله عيني باردة قال ليهم اموش البسو لبس خمسة وتعالو
جوه لابسين شعار الهلال
اها المرة لازم اجيك تاني تصدق

[محمد النويري-الفقراء]

سام يا اخوي درديري كون اجمل ما في كلامك وتلك الحادثة انك سردتها بجل تجرد ونقد لنفسك وبالعكس انا أراها درس لنا لنستفيد منها . وفعلا اخي درديري للتواضع طعم جميل ومذاق لا مثيل له . دا غير المكافأة التي يجنيها المسلم من ربي العزة والجلالة من الرفعة فالتواضع سمة وغاية كل نفس . وسبحان الله اجمل صفة في الانسان أن يتصف عند الناس بكونه إنسان متواضع جعلنا الله واياك من المتواضعين إنشاء الله ...

[درديري كباشي]

نأسف جدا والله يا درة بث اخدت لي خمسة يوم في الحلة
اها بمناسبة الحلة دي عندنا خالنا زول عملي جدا ومتعصب في نفس الوقت
عندو مراااح عيال ماشاءالله عيني باردة قال ليهم اموش البسو لبس خمسة وتعالو
جوه لابسين شعار الهلال
اها المرة لازم اجيك تاني تصدق

هسع دا توالضع دا ولا انزلاق غضروفي .. عايز تبقى لي زي مدنية مالك في اي زقاق تلاقيني تجيب لي سيرة الخمسة ..

[درديري كباشي]

ابو الدر عوافى..
ولله انك احلى توم..بس يا ابو الدر اخوى تعال نتفق انو نكون "توم كروز" وشوف الهنا الحنعيش فيو ..جنس تجدع هو وما تخاف انا شسخيا حأحاول اتواضع قدر ما اقدر بس ما تعتبر دا وعد..مع الوجاه الكروزية تانى بفضل فيها تواضع.. ديل ناسنا الغبش ديل بعضهم بس مجاملة ساااى تقول ليو شنو الوجاه دى تانى الا تكلمو بميعاد من سكرتيرو وهاتفيا..
وبختى رسمى وشعبى الغمرتنى بشرف توأمتك ايها السهل الممتنع الرائع المتواضع..


بيني وبينك يا اشرف اخوي ذكرتني عندنا ناس من اهلنا ما بينفع معاهم التواضع يعني تتخيل انت تكون مسئول كبير او حتى وزير يجوك داخلين توش في المكتب وسلام الاحضان بتاع اللبيع في الضهر داك وينادوك باللقابك كانك حايم وسطهم في الحلة ( وييييييييييين يا ابو الشوش شنو قاطع مننا وش .. خلاص يعني عشان بقيت وزير خلاص نسيت رداك الاقرع داك كنت ما بتقلعوا ابدا ومصر عليه ) علي باليمين زي ديل الا تكورك باعلي حسك ..(سيكورتي تعال سوقوا الناس ديل ارموهم بره ..)

[درديري كباشي]

سام يا اخوي درديري كون اجمل ما في كلامك وتلك الحادثة انك سردتها بجل تجرد ونقد لنفسك وبالعكس انا أراها درس لنا لنستفيد منها . وفعلا اخي درديري للتواضع طعم جميل ومذاق لا مثيل له . دا غير المكافأة التي يجنيها المسلم من ربي العزة والجلالة من الرفعة فالتواضع سمة وغاية كل نفس . وسبحان الله اجمل صفة في الانسان أن يتصف عند الناس بكونه إنسان متواضع جعلنا الله واياك من المتواضعين إنشاء الله ...


سلام يا ود الفقرا

نشكر حضورك الانيق اناقة طلعتك البهية

بسبب هذه القصة والتي هي واقعية تماما لم ازد عليها اي حرف من عندي سوى الوصف اقول بسببها جاتني رغبة عارمة باللف على اكبر قدر ممكن من قرى الجزيرة والحمد لله قد كان وعندي رصيد ضخم من العجائب لكن على جرعات ما هسع ..

[مدنيّة]

عايز تبقى لي زي مدنية مالك في اي زقاق تلاقيني تجيب لي سيرة الخمسة ..

وانا اقووووووووول
مالك همشتني ومارديت علي مشاركتي التوضحية

اذا عرفت خمسة مازمبي بطل رد درديري
:rolleyes::rolleyes::rolleyes::rolleyes::rolleyes:

[الخواض محمداحمد خواض]

حقيقه اخى درديرى استغربت حين قراءتى لتلك القصه . مافيش شك الموقف محرج ومحرج جداً جداً ولقد مريت بموقف مشابه له فى فترة الثانوى العالى وحقيقه دى شمية معظم اهلنا الطيبين .
حقيقه اخى شدنى عنوان المقال لاننى ربطه بشخص قابلته لساعات قليله وكنت ارى تحركاته هو واخ آخر له كنت ارى التواضع و الادب قد تجسد فيهما وتمنيت ان اذيد معرفتى بهم ولكن ذهب الوقت كالرمح ولكن عزائى هو رؤيتهم ومعرفة اخبارهم بهذا المنتدى وانت احدهم

[درديري كباشي]

العزيز درديري

من امتع ما حضرنا من حصص.

الله يديك العافية

نشكرك يا استاذ حاتم هو درس فعلا مركب يكاد يكون صدقه جارية لهؤلاء العظماء لازلنا نحصده

[درديري كباشي]

ابو الدر عوافى..
ولله انك احلى توم..بس يا ابو الدر اخوى تعال نتفق انو نكون "توم كروز" وشوف الهنا الحنعيش فيو ..جنس تجدع هو وما تخاف انا شسخيا حأحاول اتواضع قدر ما اقدر بس ما تعتبر دا وعد..مع الوجاه الكروزية تانى بفضل فيها تواضع.. ديل ناسنا الغبش ديل بعضهم بس مجاملة ساااى تقول ليو شنو الوجاه دى تانى الا تكلمو بميعاد من سكرتيرو وهاتفيا..
وبختى رسمى وشعبى الغمرتنى بشرف توأمتك ايها السهل الممتنع الرائع المتواضع..

يا اخوي انت توم كروز ....... وانا توم وجيري .. ولا توم كديس عشان شايقي ( سري كمان)

[درديري كباشي]

وانا اقووووووووول
مالك همشتني ومارديت علي مشاركتي التوضحية

اذا عرفت خمسة مازمبي بطل رد درديري
:rolleyes::rolleyes::rolleyes::rolleyes::rolleyes:




مدنية شوفي انا عندي ليك وصفة تعالجك من الحالة الانت فيها دي مجربة صدقيني ..

اولا تجيبي سبعة علب سفن اب لذيذ ورايق

وتجيبي ورق الخدره تورقيه لامن يبقى وارقوا

تدقي ورق الخدره ناعم وتصبي فيه السفن اب

وتاخذي كل يوم ثلاثة ملاعق على الريق من الصباح

وبعد داك باقي الموية تعملي بيه غرغرة تقولي فيها سبعة مرات ( اكرم اكرم من اكرامي .... اكرم اكرم من اكرامي ... ووو الخ)

اها الصباح بعد خمسة عشر يوم تلاقي روحك بقيتي زي الفل وعندك رغبة تشجعي الهلال كمان مجربة وعلجنا بيها حالات كثيرة زيك ..

[درديري كباشي]

حقيقه اخى درديرى استغربت حين قراءتى لتلك القصه . مافيش شك الموقف محرج ومحرج جداً جداً ولقد مريت بموقف مشابه له فى فترة الثانوى العالى وحقيقه دى شمية معظم اهلنا الطيبين .
حقيقه اخى شدنى عنوان المقال لاننى ربطه بشخص قابلته لساعات قليله وكنت ارى تحركاته هو واخ آخر له كنت ارى التواضع و الادب قد تجسد فيهما وتمنيت ان اذيد معرفتى بهم ولكن ذهب الوقت كالرمح ولكن عزائى هو رؤيتهم ومعرفة اخبارهم بهذا المنتدى وانت احدهم


تعرف يا خواض في يوم الخميس المبارك خامس ايام عيد الفطر

انا اجلس في الاستراحة ياتيني الاخ النبيل حافظ شعبان يقول لي تعال يا الدرديري استقبل معنا الضيف ونعرفك به وهو الخواض .. وخرجت الى الباب وانا اعرف عن اسرة الخواض بود مدني كاعيان البلد لكن لم احظى بمقابلة احدهم في حياتي .. ولكن عندما شاهدتك اندهشت وحسيت باني اعرفك من زمن طويل ضغطت على ذهني لاعرف اين ومتى .. ولكن يبدو من سماتك انك من الناس الذي وهبهم الله صفة الرسم في اذهان الناس دون حاجة للمشاهدة .. انا صادق يا خواض والى الان عندي احساس باني قابلتك من قبل وكثير جدا ..
هنيئا لنا معرفتك وصدق من قال ان معرفة الرجال كنز لا يقاس بالمال .

والتواضع فعلا من صفات النبوة
وفعلا التواضع من اجمل الصفات البشرية وهي صفة خير البشر سيدنا محمد صلى الله عليه وسلم .. والقصة الشهيرة عندما زاره الاعرابي وبدا يرتجف عندما شاهد الرسول صلى الله عليه وسلم فقال له ( هون عليك يا رجل انا ابن امراة كانت تاكل القديد )..
وسيدنا عمر بن الخطاب عندما ذهب الى فتح بيت المقدس فكان يتبادل ركوب الدابة مع خادمه الى ان وصلوا بيت المقدس وكان الدور على الخادم فاصر سيدنا عمر على الخادم باخذ دوره وخاض هو الطين برجليه ....

[درديري كباشي]

ذكرت او ساذكر الان انه هذا الموقف لم ينتهي عندي كدرس تعلمته في اللحظة بل زرع في نفسي رغبة عارمة بالطوف والتجوال في قرى الجزيرة مع الزملاء والاصدقاء من ابناء المنطقة .. ومريت على كذا قرية بعضها مكثت بها عدة ايام والبعض الاخر مقيل نهار كامل وكل رحلة كانت مفعمة بالمدهشات والتعجب ..
واكثر شئ حيرني انه في بعض القرى شاهدت بيوت فخمة جدا ولا يوجد لها مثال ربما حتى في العاصمة .. وبدون مبالغة انا اول مره اشاهد الزجاج المظلل في البيوت شاهدته في قرية من قرى الجزيرة حتى اعتقد قبل ما اشاهده في الخرطوم وحكى لي زميلي ان صاحب البيت مغترب بالامارات .. والانسان عندما يهاجر ويعيش في العالم الخارجي تصعب عليه حياة القرية من جديد الا انسان الجزيرة .. فهو يبني ويعمر ويؤثث ويؤسس في قريته ... وهذا الشئ اعتقد انها مرحلة تجاوزت التواضع نفسه ولا اجد لها صفة ربما هو الارتباط بالارض .. وساعود لارض التواضع بالكثير

[أشرف صلاح السعيد]

سلامى يا ابو الدر..
للتواضع ببلادنا مفاهيم مختلفة منها الحميد ومنها العفوى ولكنه قبيح..
جبل معظم أهل السودان بفطرية تواضعية تذهل الآخرين عنهم.. ولكن خلط كثير من الناس بين التواضع والبهدلة .. فعندهم عدم الإهتمام باللمسات الأخيرة فى الهندام نوع من التواضع أو قل من التصوف..فتجد مثلا رجل يرتدى بنطلون وقميص معقولين ولكنه كفكف القميص فى مقابلة شخصية.. ولا تبرح ذاكرتى تلك الصورة لأستاذى بأحد المراحل الدراسية وهو يمسح السبورة بكم قميصه!! وعند إستهجانى للمشهد مع أحد زملائى راح مدافعا عن المعلم بأنه أستاذ متواضع!!
فى رأيى التواضع ليس رديف لتعمد عدم إكمال الشكل الخارجى المهندم للشخص..ولست ممن يدعو للتكلف فى إظهار الهندمة الشكلية للرجل "metro-sectual" ولا المبالغة فيها حتى للمرأة وجعلها هدف حياتى..ولكن أتخذ حديث "إن الله جميل يحب الجمال" كمرجعية للإهتمام بالمظهر الخارجى وبأبسط التكاليف الممكنة..
التواضع سمة جميلة ولكن التطرف بها يقلب مفهومها الحقيقى..
شفتا الناس فى شنو وانا فى شنو ؟ "هسى متروسيكشول دى ما فلهمة ؟..نعلم فى المتبلم يصبح ناسى انا ما قلت ليك ما بوعدك بالتواضع وانا كروزى"..
ولك التحية والتحيات..و ياتومى برية من كل سوء..

[درديري كباشي]

سلامى يا ابو الدر..
للتواضع ببلادنا مفاهيم مختلفة منها الحميد ومنها العفوى ولكنه قبيح..
جبل معظم أهل السودان بفطرية تواضعية تذهل الآخرين عنهم.. ولكن خلط كثير من الناس بين التواضع والبهدلة .. فعندهم عدم الإهتمام باللمسات الأخيرة فى الهندام نوع من التواضع أو قل من التصوف..فتجد مثلا رجل يرتدى بنطلون وقميص معقولين ولكنه كفكف القميص فى مقابلة شخصية.. ولا تبرح ذاكرتى تلك الصورة لأستاذى بأحد المراحل الدراسية وهو يمسح السبورة بكم قميصه!! وعند إستهجانى للمشهد مع أحد زملائى راح مدافعا عن المعلم بأنه أستاذ متواضع!!
فى رأيى التواضع ليس رديف لتعمد عدم إكمال الشكل الخارجى المهندم للشخص..ولست ممن يدعو للتكلف فى إظهار الهندمة الشكلية للرجل "metro-sectual" ولا المبالغة فيها حتى للمرأة وجعلها هدف حياتى..ولكن أتخذ حديث "إن الله جميل يحب الجمال" كمرجعية للإهتمام بالمظهر الخارجى وبأبسط التكاليف الممكنة..
التواضع سمة جميلة ولكن التطرف بها يقلب مفهومها الحقيقى..
شفتا الناس فى شنو وانا فى شنو ؟ "هسى متروسيكشول دى ما فلهمة ؟..نعلم فى المتبلم يصبح ناسى انا ما قلت ليك ما بوعدك بالتواضع وانا كروزى"..
ولك التحية والتحيات..و ياتومى برية من كل سوء..

سلام عليك يا ابو الشوش كدا انت دخلت الموضوع في مرحلة النقاش عن تعريف التواضع نفسه ..

وفعلا سؤال ماهو التواضع ؟؟؟؟؟؟؟؟؟؟؟؟؟؟؟؟


وكيف ننقيه من الشوائب التي علقت به من عادات كما قال اشرف هي اهمال وبهدله ونحن ننسبها للتواضع ..

[صهيب البصير]

من تواضع لله رفعه اخى درديرى

كلامك زكرنى عندى ود عمى راجل شاطر جدا بس الحية قست عليهو شويه لديه شهادة ومرتبه شرف من جامعه مرموقه بالسودان لم يجد وظيفه ذهب واشتقل نقاش المهم يوم كان عندوا شغل نقاشة عند واحد من اعضاء السلك البلوماسى بالسفارة السعوديه فى السودان
المهم كان منتظر واحد عامل معاهوا اجهز الاسمنت والرمله عشان ابدا الشغل لانوا هو المعلم فلقى جريده باللغة الانجليزيه مرميه اخدها وجلس يقرا يها
جا الراجل السعودى صاحب البيت واول ماشافوا ماسك الجريده الانجليزيه بقراء فيها قال لى هسه انت ماسك الجريده دى بتعرف تقراها
طبعا عارف هو اسلوب الخليجيين فقالى شوف على الطلاق مااكمل ليك الشغل دا وتدينى قروشى الاشتقلتها هسه ونحنا هنا ماعندنا كفيل
والله انت تقراء لى منه سطرين وترجموا لى مااشيل منك القروش
المهم الراجل حسى بالذنب وقعد اتونس واهدى فيهوا وعمى هنا روق واستهدى بالله
وحكى لى القصه كلها بانو هو خريج مع مرتبة الشرف ومالقى شغل واخيرا اتجه الى عمل النقاشه
فماكان من السعودى الى ان كافاة بملغ كبير من المال نتيجه تواضعه

[زاهر النويري]

التواضع من الصفات النادرة الوجود في زماننا هذا ...

أخي درديري ...

لك التحية ...

من تواضع لله رفعه ...

يـارب إن أعطــيتني نجاحـاً فــلا تــأخذ تواضـعي ,, وإن أعطيتني تواضعاً فلا تأخذ اعتزازي بكرامتي ,, وإن أسأت إلى النـاس فامنحني شجاعة الإعتذار,, وإن أســاء النــاس إلي فامنــحني شجاعة العـفو

[العاقب مصباح]

استاذنا الرائع درديرى كباشى
جميل هذا البوست لدرجة تقحمك إقحاما فى العيش داخل ذلك الجلباب
جلباب القصة اقصد ...
دائما ما اجد فى كتباتك ذلك الشعاع الذى لا ينطفئ
ارى نبضاً يشعرنا بأن الإبداع مستمر ولم ينضب
هنالك كاتب قادم
اسمه درديرى ... ولا اريد أن اذكر توم كروزك فهو الى الان غالبنى 7 صفر
درديرى يا اخوى
انا بتحصل لى حاجات عكس كلامك دا
مرات بكون فى الداخلية زمن الجامعة بقعد مع بتاع الشاى ..فجأة تلقى طالب يهرش فيك ويقول ليك جيب لى شاى ...ويكررها ليك خمسة مرات .... خمسة مرات دى ما تقراها مدنية تجننا بيها والله الواحد بقى يشوف المنتدى دا اضيق من علبة الكبريت...
لم أضطر للدخول فى موقف مثل الذى جلست فيه أنت واصدقائك ولكنها الحياة دائما ما تمدنا بمن يكون لنا استاذا يعملنا النطق بحرف التجارب من جديد....
فى شخصك وكتاباتك نجد المميز مما نحتاجه فى مسيرتنا ....
دع لنا فرصة أن نجلس على الارض وانت تجلس فى ذلك الكرسى ...فقط دون يس ونو ووتس يور نيم ..
لك محبتى يا رائع ولكل حروفك المضيئة ....

[درديري كباشي]

من تواضع لله رفعه اخى درديرى

كلامك زكرنى عندى ود عمى راجل شاطر جدا بس الحية قست عليهو شويه لديه شهادة ومرتبه شرف من جامعه مرموقه بالسودان لم يجد وظيفه ذهب واشتقل نقاش المهم يوم كان عندوا شغل نقاشة عند واحد من اعضاء السلك البلوماسى بالسفارة السعوديه فى السودان
المهم كان منتظر واحد عامل معاهوا اجهز الاسمنت والرمله عشان ابدا الشغل لانوا هو المعلم فلقى جريده باللغة الانجليزيه مرميه اخدها وجلس يقرا يها
جا الراجل السعودى صاحب البيت واول ماشافوا ماسك الجريده الانجليزيه بقراء فيها قال لى هسه انت ماسك الجريده دى بتعرف تقراها
طبعا عارف هو اسلوب الخليجيين فقالى شوف على الطلاق مااكمل ليك الشغل دا وتدينى قروشى الاشتقلتها هسه ونحنا هنا ماعندنا كفيل
والله انت تقراء لى منه سطرين وترجموا لى مااشيل منك القروش
المهم الراجل حسى بالذنب وقعد اتونس واهدى فيهوا وعمى هنا روق واستهدى بالله
وحكى لى القصه كلها بانو هو خريج مع مرتبة الشرف ومالقى شغل واخيرا اتجه الى عمل النقاشه
فماكان من السعودى الى ان كافاة بملغ كبير من المال نتيجه تواضعه


سلام يا صهيب

وانا عندي تجربة شخصية شبيهة بقصتك

وهي انه تعلمت منها ربنا ربط الرزق بالسعي ولم يربطه بالمؤهلات ..

وانا تجربتي اول ما جيت السعودية رفضت اعمل في وظيفة براتب 1500 ريالا وهي كانت في مجالي .. وقلت انا ماممكن قضيت خمس سنوات في الجامعة واشتغل براتب عامل امي او سائق .. بعد ذلك جلست عدة شهور بلا عمل . ولكن بمجرد ما تنازلت ووافقت اعمل بائع في محل بنصف دوام ونصف الراتب السابق باقل من شهر ظهر لي وظيفة ولله الحمد براتب كان يعد من الرواتب الكبيرة في ذلك الزمن .. وآمنت فعلا انه ربنا ربط الرزق بالسعي ولم يربطه بالمؤهلات لذلك ممكن تجد امي ملياردير وحامل دكتوراه لا يستطيع ان ياكل وجبتين في اليوم .. والانسان يجب ان يستعفف ولا يعاف .. بمعنى انه لا يعاف اي عمل فيه عرق للجبين ويستعفف عن الاعتماد على الاخرين .. واشكرك مرات كثيرة على المداخلة

[درديري كباشي]

التواضع من الصفات النادرة الوجود في زماننا هذا ...

أخي درديري ...

لك التحية ...

من تواضع لله رفعه ...

يـارب إن أعطــيتني نجاحـاً فــلا تــأخذ تواضـعي ,, وإن أعطيتني تواضعاً فلا تأخذ اعتزازي بكرامتي ,, وإن أسأت إلى النـاس فامنحني شجاعة الإعتذار,, وإن أســاء النــاس إلي فامنــحني شجاعة العـفو

نشكرك يا ابو الزهور على هذه الاشراقة الجميلة والاضافة الثرة

[درديري كباشي]

استاذنا الرائع درديرى كباشى
جميل هذا البوست لدرجة تقحمك إقحاما فى العيش داخل ذلك الجلباب
جلباب القصة اقصد ...
دائما ما اجد فى كتباتك ذلك الشعاع الذى لا ينطفئ
ارى نبضاً يشعرنا بأن الإبداع مستمر ولم ينضب
هنالك كاتب قادم
اسمه درديرى ... ولا اريد أن اذكر توم كروزك فهو الى الان غالبنى 7 صفر
درديرى يا اخوى
انا بتحصل لى حاجات عكس كلامك دا
مرات بكون فى الداخلية زمن الجامعة بقعد مع بتاع الشاى ..فجأة تلقى طالب يهرش فيك ويقول ليك جيب لى شاى ...ويكررها ليك خمسة مرات .... خمسة مرات دى ما تقراها مدنية تجننا بيها والله الواحد بقى يشوف المنتدى دا اضيق من علبة الكبريت...
لم أضطر للدخول فى موقف مثل الذى جلست فيه أنت واصدقائك ولكنها الحياة دائما ما تمدنا بمن يكون لنا استاذا يعملنا النطق بحرف التجارب من جديد....
فى شخصك وكتاباتك نجد المميز مما نحتاجه فى مسيرتنا ....
دع لنا فرصة أن نجلس على الارض وانت تجلس فى ذلك الكرسى ...فقط دون يس ونو ووتس يور نيم ..
لك محبتى يا رائع ولكل حروفك المضيئة ....



يا رررررررررررررررررررررررراجل
على راي عباس

اذا كنت انا مدرسة دا انت مجمع مدارس

تعرف انا ما اتمنيت اني ارجع السودان وافتح المطبعة من جديد الا لاطبع النيمة في كتاب ..
سنعود لمواضيع التواضع لان الارض الانجبتك انت وامثالك تعلمنا منها الكثير هي وانسانها

[GREY MAN]

التواضع هبة من الله

[عوض الكريم الخواض]

تعرف يا درديرى ...
العلماء ديل سرهم باتع ...
ومن لم يذده علمه تواضعاً فليراجع نفسه ...


وفعلاً مرات تتعرف على ( علماء ) لو ما قالوا ليك الزول دا (دكنور ) ...
يمين تحلف تقول بياع موية فى موقف .