المساعد الشخصي الرقمي

مشاهدة النسخة كاملة : معتصم عبد السلام رئيساً لنادي الاتحاد مدني


معتصم عيدروس
14-10-2009, 05:58 AM
انفرجت الأزمة الادارية التي عاشها نادي الاتحاد مدني وامتدت لفترة ليست بالقصيرة وذلك بعد أن حققت مجموعة معتصم عبد السلام الفوز بالتزكية بعد أن اتفق الاقطاب والرموز على دعم هذه المجموعة باعتبارها الأقدر على قيادة الرومان في المرحلة المقبلة ، وضمت القائمة كل من معتصم عبد السلام لمنصب الرئيس وغازي كرار لمنصب نائب الرئيس وعضويةكل من يوسف مدني وايهاب بابكر وآدم ابوروف وحامد فرح والفاتح حسن والصادق بحيري وحصل ابن عوف على منصب الأمين العام.
نقلاً عن صحيفة سوبر
معتز الريح
14-10-2009, 07:07 AM
مبروك نادي الاتحاد ..
مبروك معتصم عبدالسلام ..
شكراً يا معتصم عيدروس على الخبر ..
-------------------------------------------
معتصم عبد السلام .. أخو أسماء عبدالسلام ؟
ولا تشابه أسماء ؟؟
هيثم عبدالعال
14-10-2009, 01:45 PM
انفرجت الأزمة الادارية التي عاشها نادي الاتحاد مدني وامتدت لفترة ليست بالقصيرة وذلك بعد أن حققت مجموعة معتصم عبد السلام الفوز بالتزكية بعد أن اتفق الاقطاب والرموز على دعم هذه المجموعة باعتبارها الأقدر على قيادة الرومان في المرحلة المقبلة ، وضمت القائمة كل من معتصم عبد السلام لمنصب الرئيس وغازي كرار لمنصب نائب الرئيس وعضويةكل من يوسف مدني وايهاب بابكر وآدم ابوروف وحامد فرح والفاتح حسن والصادق بحيري وحصل ابن عوف على منصب الأمين العام.
نقلاً عن صحيفة سوبر

مبروك للرومان هذا الإستقرار الإداري
ومبروك لمدني أبناء مدني
معتصم عيدروس
14-10-2009, 08:51 PM
يا سنهوري .. اسماء عبد السلام دا "منو"
معتصم عبد السلام ما عنده اخو اسمه اسماء
أبوريلان
14-10-2009, 09:04 PM
مبروووك معتصم عبدالسلام ومجموعته ويارب يكون فاتحة خير ويشهد عهده النتائج المشرفة .
معتصم عيدروس
14-10-2009, 10:00 PM
ياسر عبد الرحمن

ان شاء الله يستطيعوا اعادة امجاد الاتحاد في عصره الذهبي .. ونتمنى أن يجدوا التعاون من الجميع.
أبو جودي
14-10-2009, 10:19 PM
شكراً كثير ليك أخونا معتصم على الأخبار السارة ،،، ونتفائل خير في إدارة نادي الأتحاد الجديدة ،،، وأمنياتنا لهم بالتوفيق ،،، وتعود أمجاد الرومان ،،،، ولك التحية أخي معتصم
معتصم عيدروس
15-10-2009, 01:29 AM
تسلم ابو جودي .. وامنيات الجميع للعميد بالرفعة والسودد والتقدم والعلو
ناصر عمر دبيب
15-10-2009, 11:56 AM
مشكور ياحبيبنا معتصم على الأخبار الحلوة
وأمنياتنا للرومان بالتوفيق ان شاءالله
مرتضى ساتى
16-10-2009, 12:38 AM
يا سنهوري .. اسماء عبد السلام دا "منو"
معتصم عبد السلام ما عنده اخو اسمه اسماء


هههههههههههههههههههههههه والله لو فى واحد جاء داخل على فى المكتب بقول ده مجنون بضحك براه مالوا قطعته مصارينى وانا كنت برضوا عايز اسال السوال ده بس اسماء دي منو ؟وبعدين معتصم ده ما قالوا رحل من مدنى مشى الخرطوم يعنى ما من مدنى .بس صراحه وكلمة حق تقال اختيار صادف اهله وما مجامله لى ده منو ؟دي منو ؟
معتصم عيدروس
16-10-2009, 11:22 AM
اخونا ناصر .. تحياتي ..
معتصم عيدروس
16-10-2009, 11:24 AM
يا مرتضى ..
يعني البرحل من مدني كله ببقى ما من مدني.. ما في ناس بتوديها الظروف الخرطوم.. بعدين معلومتي بتقول انو معتصم لسع في مدني
مرتضى ساتى
16-10-2009, 10:30 PM
راس السوط وصلك يا حبيب
معتصم عيدروس
16-10-2009, 11:53 PM
الكلام ما رأس سوط يا حبيب .. مدني في قلوبنا ..

يا مرتضى نحن بنرجع ليها زي عصافير الخريف .. ما بنجيها عابرين .. ولا عندنا محطات تانية

واظن دا حالي وحالك وحال معتصم عبد السلام..
ميزو
17-10-2009, 11:09 AM
معتصم عبدالسلام موجود فى مدنى وشغال فى جنوب الجزيرة ضابط ادارى
اختيار صادف اهله
(مع انى اهلاوى موت)
الى الامام يا معتصم
معتصم عيدروس
17-10-2009, 08:37 PM
تشكر يا ميزو للتوضيح ... القمت مرتضى عبد العال حجراً ..

جنوب الجزيرة يا مرتضى رئاستها بركات .. اها في مدني ولا خارج مدني..

بعدين لو عندكم كلام قولوه لي ناس اتحاد الكرة الاقالوهم بسبب عملهم في القضارف والخرطوم وجوا راجعين قوة عين .. لا قالوا خلاص الوضع اتصحح بالاقالة ولا قالوا احسن نستقيل برانا نخلي الناس دي تشتغل
روبش
17-10-2009, 11:36 PM
يا مرتضى ..
يعني البرحل من مدني كله ببقى ما من مدني.. ما في ناس بتوديها الظروف الخرطوم.. بعدين معلومتي بتقول انو معتصم لسع في مدني

نتمنى ان يوفق الاخ معتصم .. بس الخوف من تقوية العلاقة مع الصهاينة.. لان السلاله كلها صهاينة
معتصم عيدروس
18-10-2009, 02:56 AM
نتمنى ان يوفق الاخ معتصم .. بس الخوف من تقوية العلاقة مع الصهاينة.. لان السلاله كلها صهاينة

الحبيب روبش : لا تعليق !!!!!!!!!!!!!!!!!!!!!
مدنيّة
18-10-2009, 06:41 AM
ربنا يعينك يامعتصم عبدالسلام علي الامانة الصعبة دي




-------------------------------------------
معتصم عبد السلام .. أخو أسماء عبدالسلام ؟
ولا تشابه أسماء ؟؟

معتز الريح سلامااات
فعلا معتصم عبدالسلام اخو اسماء عبدالسلام
معتصم عيدروس
18-10-2009, 08:29 AM
حقيقة المسؤولية صعبة .. ولكن اعتقد بأن الأخ معتصم عبد السلام اصبح يمتلك الخبرة الكافية من خلال معاصرتنا له وهو يعمل في نادي الاتحاد منذ تسعينات القرن الماضي إن لم تخني الذاكرة .. بجانب صديقيه عاطف خلف الله وطارق محيسي .. ورغم تحفظاتنا الكثيرة على تلك الفترة وما صاحبتها من اشياء الا اننا نتمنى أن يجد معتصم العون من الجميع وان نرى الاتحاد يتبوأ مكانه بين أندية القمة في السودان..

العميد .. الرومان .. الاتحاد .. كلها "اسماء" لمسمى كبير نعتز به ..

استاذنا الصحفي الكبير حسن عز الدين رحمة الله عليه كان يرفضها جميعاً ويقول : الاتحاد العظيم..