مكتبة "فيديو" الموسيقار / محمد الامين ،، [الأرشيف]

مشاهدة النسخة كاملة : مكتبة "فيديو" الموسيقار / محمد الامين ،،

سواااح

17-10-2009, 04:09 AM

سواااح

17-10-2009, 04:10 AM

سواااح

17-10-2009, 04:15 AM

سواااح

17-10-2009, 04:15 AM

سواااح

17-10-2009, 04:17 AM

سواااح

17-10-2009, 04:19 AM

سواااح

17-10-2009, 04:20 AM

سواااح

17-10-2009, 04:20 AM

سواااح

17-10-2009, 04:22 AM

سواااح

17-10-2009, 04:22 AM

سواااح

17-10-2009, 04:23 AM

سواااح

17-10-2009, 04:23 AM

سواااح

17-10-2009, 04:24 AM

سواااح

17-10-2009, 04:24 AM

سواااح

17-10-2009, 04:25 AM

سواااح

17-10-2009, 04:25 AM

سواااح

17-10-2009, 04:25 AM

سواااح

17-10-2009, 04:26 AM

سواااح

17-10-2009, 04:26 AM

سواااح

17-10-2009, 04:27 AM

سواااح

17-10-2009, 04:27 AM

سواااح

17-10-2009, 04:32 AM

سواااح

17-10-2009, 04:33 AM

سواااح

17-10-2009, 04:34 AM

سواااح

17-10-2009, 04:34 AM

سواااح

17-10-2009, 04:35 AM

سواااح

17-10-2009, 04:36 AM

سواااح

17-10-2009, 04:36 AM

سواااح

17-10-2009, 04:36 AM

سواااح

17-10-2009, 04:37 AM

سواااح

17-10-2009, 04:38 AM

سواااح

17-10-2009, 04:39 AM

سواااح

17-10-2009, 04:39 AM

سواااح

17-10-2009, 04:40 AM

سواااح

17-10-2009, 04:41 AM

سواااح

17-10-2009, 04:41 AM

سواااح

17-10-2009, 04:42 AM

سواااح

17-10-2009, 04:43 AM

سواااح

17-10-2009, 04:48 AM

سواااح

17-10-2009, 04:48 AM

سواااح

17-10-2009, 04:55 AM

سواااح

22-10-2009, 01:02 AM

كانت البداية في ودمدني تلك المدينة التي ظلت دوماً تعطي و لكنها لا تقبض لم تستلم مطلقاً ، ربما لأن الله تعالي قد وهبها خاصية العطاء، وياله من عطاء ، حيث كان ولا يزال عطاءً يسع كل شيء ، السياسة والفكر،الطب والهندسة، الرياضة والفنون بمختلف ضروبها، وأهل الطرق الصوفية وإنشادهم اللامتناهي فكان الكاشف وعلي المساح ، ثم عمر أحمد الذي رحل سريعاً في عمر الصبا بعد ان ترك لنا تلك الخالدة(كان بدري عليك تودعني وأنا مشتاق ليك) ،وصاحب حنتوب الجميلة الراحل الخير عثمان ،والبقية كثرٌ، ولم تتوقف ودمدني فكان أبو الأمين هدية ودمدني لكل أهل الإبداع في السودان وكان فضل الله محمد الذي رافق بجديد مفردات أشعاره ميلاد هذا الفنان الذي دخل الساحة وقد كان عملاقاً متسلحاً بما تحتاجه المنافسة من أعمال كانت مبهرة بحق لذلك إعتلي القمة ولم يتزحزح عنها قيد أنملة حتي الآن

سواااح

22-10-2009, 01:03 AM

الفنان محمد الأمين حمد النيل الإزيرق، أو كما يحلو لأهل ودمدني أن يطلقوا عليه كلمة(وداللمين) ومعجبيه أيضاً يقولون(أبو اللمين) ، نشأ منذ صغره متعلقاً بالفن والموسيقي في تحركات طفولته مابين أهله ودار أبيه وأعمامه في ودمدني تارة وفي (ود النعيم) ضاحية ودمدني حيث الجذور الأولي مرات أُخر كثيرات كان أعمامه من قادة العمل الوطني في رئاسة إتحاد مزارعي الجزيرة لعدة دورات قبل عقود طويلة من الزمان قال لنا صديق عمره الراحل المرحوم (حسن الباشا) مؤسس إتحاد فناني الجزيرة والذي إنتقل إلي رحمة مولاه في مايو 1997م ، أن محمد الأمين ومنذ في فترة صباه كان يهوي العزف علي آلة (المزمار) قبل إنتقاله إلي آلة العود ، حيث أصبح فيما بعد من أهم عباقرة العزف عليه بتفوق شديد0 وقد كان لمحمد الأمين خال يعمل رئيس حسابات بالإدارة المركزية للمياه بودمدني وهو الأستاذ(بله يوسف الإزيرق) أطال الله في عمره، وكان محمد يزور خاله هذا من وقت لآخر في العمل و قد بدأ الغناء وقتذاك وبدأ نجمه يلمع في المدينة حيث إشتهر بأغنية الحقيبة التي وضع كلماتها الشاعر الراحل صالح عبدالسيد(أبو صلاح) وهي أغنية (بدور القلعه وجوهرا) والتي ظلت مرتبطة بمحمد الأمين عندما وضع لها موسيقي راقية وذات مرة وجد عند خاله هذا بالمكتب الشاعر المراجع(محمد علي جباره) الذي كان يأتي من الخرطوم لمراجعة حسابات هيئة المياه بودمدني وقد علم بموهبة محمد الأمين ، فما كان منه إلاّ وأن أهدي له قصيدة كانت بمثابة جواز مرور عند سفره للخرطوم لإجازة صوته للتسجيل للإذاعة بأم درمان ، وكانت الأغنية هي ( وحياة إبتسامتك) والتي وضع لها محمد الأمين لحناً جميلاً وتقول بعض كلماتها:
قبل ما أشوفك كنت فاكر الريد مستحيل
كنت تايه في طريق خالي وطويل
ليلي دون الناس كلو هات كلو
من يوم ماشفتك قلبي للدنيا إبتسم
أشرقت دنياي فارق ليلي هم
فكانت مفردات تلك الأغنية فعلاً جديدة ، وفيها إنتقاليه من النمط الشعري الذي كان يسود الساحة الغنائية وقتذاك، لذلك كانت تلك البداية موفقة جداً للفنان محمد الأمين ، وهو بمقدرته اللحنية إستطاع أن يخلق لها ذلك اللحن الذي أثني عليه الجمهور والنقاد والمطربون أيضاً ثناءً جميلاً ، لأن اللحن كان في غاية الهدوء مما أتاح لمعاني الكلمات أن تبرز بوضوح للمستمع ويتضح جمالها ولاننسي هنا (الصولة) بالعود التي صاحبت ذلك اللحن حيث أنها قد أعطت الإشارة للناس أن هذا الفنان يمتلك خاصية العزف المميز لتلك الآلة مما قاده إلي إستعمال عزف منفرد في عدة (صولات) لمجموعة من أعماله الغنائية التي ظهرت فيما بعد
كان إنتقال محمد الأمين للخرطوم في عام 1962 م حيث كان المرحوم اللواء محمد طلعت فريد وقتها وزيراً للإستعلامات والعمل( الإعلام حالياً) وقد أشرف الوزير علي قيام مهرجان مسابقات فنون المديريات التسع المعروفة آنذاك بمناسبة إفتتاح المسرح القومي بأم درمان لكي تتنافس فرق المديريات في إبراز أعمالها علي المسرح ،وقد شاركت كل مديرية بأحسن مبدعيها في مجال الفنون والرقصات الشعبية ، حيث ظهرت رقصات الكمبلا ورقصات الجنوبيين وظهر العديد من المطربين كالفنان الطيب عبدالله من المديرية الشماليه مثلاً، فكان محمد الأمين من ضمن فرقة مديرية النيل الأزرق بودمدني المشاركة في المهرجان ، حيث كانت تلك المديرية محافظة كبيرة تضم الولايات الثلاثة الحالية وهي (الجزيرة والنيل الابيض والنيل الأزرق ) وفيما بعد عُرفت بالأقليم الأوسط وبعد إنتهاء ذلك المهرجان إستقر محمد الأمين بالعاصمة و كان يسكن بأم درمان ومعه أيضاً الفنان أبو عركي البخيت الذي إشتهر بأغنية عمر أحمد في البداية(كان بدري عليك) المذكورة سابقاً، ولم يكن الطريق إلي الشهرة ممهداً أمام ود الأمين ، فصبر صبراً شديداً وإجتهد إجتهاداً كبيراً في تقديم أعمال تقنع الجمهور وترسِّخ أقدامه في ميدان الفن حيث كانت الساحة تعج بالعمالقة وقتها وكانت المنافسة ساخنة والأجهزة محدودة والمردود المادي لا يكفي حتي للقمة العيش وعنذاك ظهرت أعماله الأولي (أنا وحبيبي) والمشهورة بإسم يا حاسدين غرامنا ، وما أجملك ، والأغنية المختفية(مسيحيه) وبالطبع وحياة إبتسامتك وبدور القلعه

سواااح

22-10-2009, 01:03 AM

أما شاعرنا الأستاذ فضل الله محمد فقد ظل إسمه مرتبطاً منذ وقت مبكر بتأليف الأعمال االغنائية للفنان أبو الأمين وهو لايزال طالباً ، حيث كانت فترة إنتقال محمد الأمين إلي العاصمة متقاربة مع فترة إنتقال الأستاذ فضل الله محمد من ودمدني الثانوية إلي كلية الحقوق بجامعة الخرطوم في عام 1963م ، وقد كان إنتاج فضل الله كثيفاً ومتتابعاً ، وقد شهدت حقبة الستينات كذلك إنتقال أعداد من عازفي الموسيقي من ودمدني إلي الخرطوم ، كعازف الكمان الراحل حسين عبداللهِ، ومن قبله بدر التهامي ، وبدر أنجلو، وإسماعيل يحيي (مندكورو) والحبر سليم ، وعازف الإيقاع عبدالله حبه وعلي أكرت
كانت من أهم ملامح تلك الفترة الخصيبة هي أعمال تمجيد إنتفاضة أكتوبر الشعبية التي كان فضل الله محمد معايشاً لها كطالب نشط بالجامعة حيث كان للشعرالوطني مكانته في تلك السنوات من حقبة الستينيات ، وكانت الجامعة تذخر بالشباب من الشعراء ، كفضل الله وسبدرات وعلي عبد القيوم وصديق محيسي ومحمد المكي إبراهيم وكامل عبد الماجد ومحمد عبدالحي ، حيث تنوعت أعمالهم الشعرية الغنائية والوطنية أيضاً ووقتها تباري الشعراء والفنانون في الأناشيد الأكتوبرية ، فظهر نشيد محمد الأمين الذي صاغ كلماته فضل الله محمد وهو بالجامعة طالباً والذي رافق أداؤه مجموعات من الكورال الجميل ، كانت مقدمته تقول:
أكتوبر واحد وعشرين ياصحو الشعب الجبار
يالهب الثوره العملاقه يا مشعل غضب الأحرار
وهنا نجد أن الشاعر يصف تلك الصحوة التي إنتظمت الشعب وما رافق ذلك من أحداث إلي أن يصل بنا إلي حادثة إطلاق الشرطة للرصاص لفض ندوة الطلاب الشهيرة حول مشكلة الجنوب داخل ساحات داخليات (البركس) بجامعة الخرطوم ، والتي علي إثرها أستشهد طالب العلوم أحمد القرشي طه من قرية (القراصة) بالجزيرة ، كأول شهيد في تلك الأحداث في يوم 21 أكتوبر 1964م وهنا يتألق الشاعر في وصف هذا الحدث في المقطع التالي:
من دم القرشي وأخوانه في الجامعه أرضنا مرويه
من وهج الطلقه الناريه أشعل نيران الحريه
بارك وحدتنا القوميه وأعمل من أجل العمران
وهذا العمل الغنائي قد أسهم في رفع إسم محمد الأمين عالياً كعمل مميز وسريع جداً يتناسب مع تلك الفترة التي كانت نشوة الإنتصار تطغي فيهاعلي مشاعر الجماهير ، وقد بدأ وقتذاك أيضاً نجم الشاعر فضل الله محمد يصعد إلي عنان السماء وسط الطلاب وفي الشارع السوداني العريض ، كما أننا في ودمدني وقد كنا وقتها في نهاية المرحلة المتوسطة هناك و عشنا أحداث الإنتفاضة في شوارع المدينة ، قد تملكنا الفخر والإبتهاج لأن محمد الأمين وفضل الله قد إمتلكا أحاسيسنا وإزدادت فرحتنا بهما كنتاج طبيعي (للإنحيازالجهوي) لمدينتـنا
بعد ذلك العمل أصبح الفنان محمد الأمين رقماً في ساحة الغناء العاطفي والوطني لايمكن تجاوزه بسهولة ، وهنا جاءت تلك الأغنية الخالدة حتي اليوم والتي أسماها شاعرها فضل الله محمد

سواااح

22-10-2009, 01:04 AM

الحب والظروف) وقد إشتهرت شعبياً تحت إسم (قلنا ما ممكن تسافر) فكانت بداية كبيرة جداً في تلك السن المبكرة للشاعر،ووضع لها محمد الأمين ذلك اللحن الهاديء أيضاً الذي إبتدره بمقدمة موسيقية وبمعالجة وإستخدام واضح لآلة العود ، وقد ابرز فيها آلة الكمان أيضاً في (صوله) رائعة، وحتي إيقاع الأغنية كان أيضاً مميزاً، وقد كان الشاعر يخاطب فيها (الجانب الآخر) بطريقة هادئة تشعرنا وكأنه يناقشه (بكل هدوء ورقة شاعرية) لإثنائه عن قراره في السفر حيث تقول المقدمة:
قلنا ما ممكن تسافر نحن حالفين بالمشاعر
لسه ماصدقنا إنك بجلالك جيتنا زائر
السفر ملحوق ولازم إنت تجبر بالخواطر
لو تسافر دون رضانا بنشقي نحن الدهر كلو
مابنضوق في الدنيا متعه وكل زول غيرك نمِلـّو
ولقد تعمدنا هنا أن نلقي ضؤءاً كثيفاً علي أغنية ( الحب والظروف) هذه لأنها وبكل مقاييس الإبداع الفني والموسيقي تعتبر إضافة كبيرة وموفقة جداً في أعمال محمد الأمين الغنائية ، فساعدت علي تثبيت أقدامه أكثر في الساحة الفنية في منصف الستينيات
وتأتي الذكري الثانية لإنتفاضة أكتوبر ، وكان يجب علي محمد الأمين أن يواصل إنجازاته في مجال الأغنية الوطنية بعد نجاح نشيده الأول الذي ذكرناه سابقاً، وكان علي الشاعر فضل الله محمد أن يقوم بتأليف إسهام جديد في تلك الفترة ، فأتي نشيد (الإنطلاقه) ذلك النشيد الذي كانت حماسة كلماته تجبر محمد الأمين أن يواكب لحنياً قوة تلك الكلمات ، فأخرجها في طابع لحني كان قوياً يلهب المشاعر ، وبإيقاع موسيقي يأخذ شكل المارشات العسكرية ، فكانت الكلمات بالفصحي تقول:
المجد للآلاف تهدر في الشوارع كالسيول
يدك زاحفها قلاع الكبت والظلم الطويل
المجد للشهداء المجد للشرفاء
ثم تتواصل كلمات النشيد بنفس وتيرة الحماس ذاك ، إلي أن يأتي المقطع الذي يتحمل فيه الكورال الشبابي أداء الأبيات التاليه مع الفنان في قوة شديدة أعطت للعمل نكهة حماسية أكثر سخونة عندما يقول:-
الثورة إنطلقت شعاراتِِ ترددها القلوب
الثورة الحرية الحمراءُ شمسُُ لا تغيب
الثورة التحريرُ تـُرجـِعُ هيبة الحكم السليب
الثورة التحريرُ للثوارِ في كلِّ الشعوب
الثورةُ الإيمانُ قاد الشعبُ في اليوم الرهيب
ثم تلتها أيضاً أنشودة (شهر عشره حبابو عشره) في الذكري التاليه للإنتفاضه ، وبعدها إلتقي محمد الأمين في عام 1967م بذلك العمل الإنتقائي الطويل الضخم الذي أخذ جهداً طويلاً في التلحين والإخراج ، وهو قصة ثورة أو (الملحمه) التي قام بتأليفها الشاعر الفذ (هاشم صديق ) وقد سبق لنا في هذا المجال أن تناولناها عند إستعراضنا لأعمال الشاعر هاشم الشعرية من قبل ، غير انها تبقي محطة هامة جداً من محطات إنجازات الفنان محمد الأمين
صلاح الباشا
كنت أقول دائماً ولا أتعب من القول في كل مرة ، أن شعراؤنا في السودان لديهم قدرات إبداعية هائله في نسج الشعر ، ويمتلكون خيالاً خصباً، ولكننا نواجه دائماً مشكلة المحلية في أعمالنا وإنسداد وسائل النشر أمام إنتاجنا ، حيث يقف هذا الحاجز حائلاً في طريق الإنتشار الإقليمي لتلك الأعمال علي مستوي المنطقة العربية علي الأقل إن لم يكن علي المستوي العالمي وإذا أخذنا أي شاعر عربي سواء كان شعره غنائي أم شعر عام بفصيح اللغه أو بدارجيتها وأجرينا مقارنه مهنية متخصصة له بأشعار مبدعينا السودانيين، لوجدنا التفوق عندنا واضحاً ولا يقلُّ جودة عن الأعمال المنتشرة عربياً حالياً وسابقاً إن لم يكن أحسن درجةً ، وربما كان عدم الإستقرار السياسي الذي ظللنا نعانيه منذ الإستقلال وإلي الآن كان له الأثر الواضح في عدم وجود آليات نشر مهنية مؤثرة وقوية ومنتظمه لتسهم في نقل التجربه الشعريه السودانية إلي المصاف العربي أو العالمي

سواااح

22-10-2009, 01:04 AM

لم يبتعد فضل الله محمد عن الساحة الشعرية تماماً بعد تخرجه من الجامعة ، إذ ظل بين الحين والآخر تطل أشعاره ، فهاهنا نجده يهدي لمحمد الأمين تلك الأغنية ذات الموضوع الجديد ، فظهرت (أربع سنين) وقد كانت أغنية الشباب المحببه ، لكي –تتحكر- في قلب الساحة الغنائية وتتوسط أعمال محمد الأمين وهي التي تقول كلماتها:
أربعه سنين شافم الحب
الليله عيد ميلادو ياقلب
أربعه سنين تجربه وزاد
مهرجانات حُب وأعياد
إشتياقات قلبي ريّاد
إنفعالات ليها أبعاد
وتمر الأيام سراعاً ، لنجد محمد الأمين يفاجيء الوسط الفني بتجربه أخري من تأليف فضل الله محمد ، ولكنها هذه المره تأتي في إيقاع لحني مميز وهاديء ، وهي تتميز بمفردات أيضاً لم تُستخدم من قبل ،وهي هنا لا تصف المحبوب ، بل تتساءل في دهشه حين تقول كلماتها:
سارحه مالك ياحبيبه؟؟ ساهيه وأفكارك بعيده
بقرأ في عيونك حياتي وإنتِ مشغوله بجريده
بتقري في إيه كلميني ياسلام مهتمه عامله
يعني لازم تقري حسه مقال بحالو أو قصه كامله
كم شهور مرت علينا فيها بُعد وفـُرقه شامله
وأمري لله ، وحسناً فعل فضل الله أن فوّض أمره لله حين إنعدمت به الحيله ولم يفلح في إثناء الطرف الآخر عن قراءة الجريدة ، مما يُعتبر تهميشاً له ( أو تقله عليه) وهذا بالطبع نوع جديد في لغة التخاطب الشعرية لم يألفه المستمع السوداني من قبل ، وكانت مقدرة أبو الأمين فائقه في وضع لحن لتلك الكلمات بالرغم من صعوبة تلحينها وكان عنوانها(الجريده) ثم تأتي بعدها أغنية (الموعد) لكي يخترق بها فضل الله (حاجز صوت) الفنان محمد الأمين بحلو كلماتها وجديد موسيقاها الراقصة ، حيث كانت فرصة أخري لكي يبدع أبو الأمين في توظيف آلة العود التي يعشقها في وضع موسيقي المقدمه لتلك الأغنية بخربشات رائعه علي العود

سواااح

22-10-2009, 01:05 AM

أشوفك بكره في الموعد تصور روعة المشهد
وعدتك قبل كده مرات ولسه في رؤويتك بحلم
مشاغل الدنيا تجبرني أخالف وعدي وأتلوّم
ولو تعرفني كم بتعب بعيد عنـّك وبتألم
إلي ان يصل بنا فضل الله لقمة التفاؤل مودعاً ظلام الهم ويصرخ هنا محمد الأمين بصوت عالي مختتماً الأغنية :- وداعاً يا ظلام الهم علي أبوابنا ماتعتـِّب ومرحب ياصباح الحب تعال ما تبتعد قرِّب
لشاعر المهاجر (إسحق الحلنقي) أغنية جميلة لا يزال محمد الأمين يترنم بها في كل حفل وهي (شال النوار) وهي من الأغاني التي تمتاز بكلمات جميله ولحن فرائحي تماماً
ياريت من أول
وريتنا إنك يكمن تتأخر يوم
كان غائب أطمنّا شويه
وبحرك ياليل ماشفنا نجوم
بيقولوا الغائب عذرو معاه

في غيابك ياما نشيل اللوم
العيد الجاب الناس لينا ما جابك
يعني نسيتنا خلاص
مع إنك إنت الخليتنا
نغني الحب ذكري وإخلاص
ولازالت الذاكرة تتسع لسرد المزيد من هذه الأعمال الخالدة
وهنا تستحضرني قصة طريفة حول أغنية( شال النوار) التي تغني بها أبو الأمين من كلمات إسحق الحلنقي كما ذكرنا سابقاً ، والقصة هي أننا كنا مجموعة أصدقاء من الطلاب بجامعة القاهرة بالخرطوم في بداية السبعينات نستأجر منزلاً بأم درمان(حي بيت المال) وقد كنا نعمل وقتذاك بالتدريس نهاراً ونذهب للدراسة بجامعة القاهرة مساءً كشأن الطلاب في ذلك الزمان ، وذات يوم كنا نترنم بالعود في المنزل بأغاني محمد الأمين ، فطلب مني صديقي عباس بابكر أحمد دبوره وقد كان طالباً بالحقوق ، وهو حالياً (قاضي إستئناف) بمدينة عطبره ، بأن أغني له أغنية محددة لمحمد الأمين ، وكان كعادته لايحفظ أسماء الأغاني، وكان يسكن معنا أيضاً الصديق العزيز الراحل العميد حقوقي عبدالرحمن عبداللطيف زيادة والذي توفي إلي رحمة مولاه في بداية عام 1999 م وكان وقتها طالب بكلية الحقوق، واخذ يعدد للأخ عباس أسماء أغاني محمد الأمين لكي نغني له طلبه ، ففشلنا جميعنا في معرفة مقصد ألأخ عباس الذي لم يعرف إسم الأغنية ، وأخيراً طلبنا منه أن يذكر لنا أي مقطع (كوبليه) من الأغنية لكي نتعرف عليها فكان رده:-والله أنا معارف فيها شيء غير أنو محمد الأمين يقول فيها(الناس كلهم جونا في العيد إلاّ إنت ماجيت معاهم) فضحكنا طويلاً لهذه اللخبطة في حفظه للأغاني، وقد عرفنا مقصده فهو كان يقصد (العيد الجاب الناس لينا ماجابك) وظل الراحل مولانا عبدالرحمن زياده يتناول هذه الطرفة كثيراً حتي وفاته(طيب الله ثراه
ومن أعمال أبو الأمين الشهيرة ، لا ننسي تلك الأغنية التي فازت بالمرتبة الأولي في مسابقة الإذاعة السودانية بإستفتاء المستمعين في عام 1979م وهي ( بتتعلم من الأيام) وقد إستخدم فيها أبو الأمين أيضاً آلة العود إستخداماً فيه مهارة فائقة في المقطع الأخير من الأغنية وقد كانت تحتوي علي مفردات فيها الكثير من أسلوب الملامة الرقيق حين تقول بعض أبياتها:
وتعرف كيف يكون الريد
وكيف الناس بتتألم وتتعلم
وراء البسمات كتمت دموع
بكيت من غير تحس بيّا
ومصيرك بكره تتعلم
ثم تمر الأيام والسنين ليلتقي محمد الأمين مرة أخري بهاشم صديق شاعر الملحمه ذاك وقد كان هاشم خارجاً منتشياً بعد نجاح أعماله الدرامية الفذة في منتصف السبعينات نبته حبيبتي خطوبة سهير لكي يجد الطريق أمامه ممهداً فيلقي علي مسامعنا بكلمات أغنية محمد الأمين ويدخل بها أبو الأمين تجربة الغناء بمرافقة آلة (الأورج) فقط حيث كان يعزف معه الموسيقار بدرالدين عجاج بدون أوركسترا ولا حتي إيقاع فكانت (حروف إسمك) هي فعلاً حروف تستحق أن نقف عندها لنري ماذا تقول :
حروف إسمك جمال الفال
وراحة البال
وهجعة زول بعد ترحال
وتنية حلوة للشبال
وغنيتنا مشاوير
في كلمات حلوات تتقال
يذهب هنا الشاعر أكثر لكي يعكس صورة الفرح كتقليد إجتماعي متوارث في الزواج السوداني حين يقول :
أساور في إيدين طفله
بتحفظ في كتاب الدين
زفاف عاشقين بعد فرقه
بين إتنين العديل والزين
وسط باقات دعاء الطيبيبن
والليله العديل ساهله ليك بيضاء
ثم تأتي الأغنيات الجديده بعدها وقد ظهرت (زورق الألحان) كإضافة لأعمال محمد الأمين في تجربة الغناء بالأورج فقط00ولكن لم تستمر التجربه طويلاً حيث قام محمد الأمين بتكوين فرقة موسيقية مستديمه وكانت تتكون في معظمها من شباب معهد الموسيقي كالفاتح حسين وفايز مليجي من مدني ويرافقهم من المخضرمين الحبر سليم ومحمد آدم المنصوري قائد الأوركسترا وآخرون
نصل الآن مع الفنان محمد الأمين إلي (حفلة لندن) الشهيرة في عام 1981 حيث كان ذلك الحفل الضخم قد أقيم في مسرح (لوقال هول) والذي حضره معظم السودانيين من شتي أنحاء المملكة المتحدة، وقد تم طبعه علي أشرطة فيديو وكاسيت وتم توزيعها في كل دول المهجر التي يتواجد بها السودانيون وبداخل السودان ، وأذكر أن الفنان محمد الأمين قد إبتدر ذلك الحفل بأغنية فضل الله محمد الشهيرة والتي تم تأليفها منذ نهاية الستينيات ولكن محمد الأمين قام بإخفائها لمدة عشرين عاماً حتي الثمانينات لكي تظهر وتطغي علي الساحة الفنية ، وقد إمتازت بلحن تطريبي هاديء جداً لا ضجيج فيه ، وهي من النوع الذي يطلق عليه أغنية إستماع مثل أغنيات بتتعلم من الأيام ، والحب والظروف فكانت تلك الأغنية هي
(ذات الشجون) حيث تقول مقدمتها:
ماهو باين في العيون
وين حنهرب منو وين؟؟
الهوي البعث الليالي
الحالمه في ذات الشجون
وأذكر هنا أن إبن ود سلفاب العازف الماهر (سعد الطيب) قد تفنن في اللعب علي الأورج في عدة صولات وجولات فيها الكثير من الإبداع خلال موسيقي أغنية ذات الشجون
وقد تغني في حفل لندن ذاك بالأغنية الجديدة وقتها (عويناتك) وهي ذات مفردات رشيقه ، وقد أعجبني منها المقطع التالي:
أقول ليها عيونك
زي سواد قدري
مكحِّـله عمري من بدري
ولو أقدر أسافر
في بريق لحظك وما أرجع
تقول لي خايفاك بكره تتوجّع
آه تتوجع
هذا (الكوبيله) نري أن أبو الأمين قد أدّاهُبإحساس عالي جداً وتشعر بأنه يتحرّق حين ينطق بذلك اللحن وبتلك الكلمات وميزة محمد الأمين أن لديه إحساساً شفيفاً قد خصّه الله به وهو يعرف كيف ومتي يظهر ذلك الإحساس الشفيف للناس وكيف يترجمه إلي عمل موسيقي متكامل فالفنان إذا لم يحس بمعني مفردات القصيدة فإنه مهما كان لحنها جميلاً وصوته أجمل ، لا يستطيع أن يقنع المستمع بالعمل
وهنا لايفوتنا ان نشير إلي إنضمام الشاعر الرقيق الدكتور عمر محمود خالد إلي سجل الأعمال الغنائية الخالدة حين أهدي إلي محمد الأمين أجمل الأغنيات ، وفي مقدمتها تلك التي عاد بها محمد الأمين إلي غناء (السنين ) مرة أخري فكانت (خمسه سنين) والتي يكثر الفنان من ترديدها في معظم حفلاته ، فهي لها معزة خاصة عنده

سواااح

06-04-2010, 06:16 AM

بدور القلعة

السيوف ألحاظك تشهرا
للفؤاد المن بدرى انهرا
اخفى ريدتك مرة و اجهرا
نار غرامك ربك يقهرا

يا بدور القلعة و جوهرا
صيدة غيرك مين الجسرا
تستلم افكارنا و تأثرا
حال محاسنك مين الفسرا
يالثريا الفوق اهل الثرى

يا بدور القلعة و جوهرا

الصدير اعطافك فترا
النهيد باع فينا و اشترى
الشعر اقدامك سترا
رقيصيبو قلوبنا البعترا

يا بدور القلعة و جوهرا
عالى صدرك لى خصرك برى
فيه جوز رمان جلى البرا
الخطيبة و ردفك منبرا

يا بدور القلعة و جوهرا
جلسة يا ابو الحاج اتذكرا
و رنة الصفارة اتفكرا
وهبة بى مزيقتو اتحكرا
كم طرب افكارنا و اسكرا

يا بدور القلعة و جوهرا
العيون النوركن بجهرا
غير جمالكن مين السهرا

يا بدور القلعة و جوهرا

سواااح

06-04-2010, 06:17 AM

الحـب والظروف - فضل الله محمد

قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر
* * *
الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر
* * *
لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر
* * *
لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر

سواااح

06-04-2010, 06:18 AM

الشباك

يامعاين من الشباك
يامعاين من الشباك
يااحلى زول شفناك
ارحم قلوبنا معاك
وشاركنا نحن هواك
يا كامل لاوصاف
ياالكلك جمال وعفاف
عايزين نقول بنخاف
تهرب وما تنشاف
ناوين نزور والديك
نطلب ياحميل ايدك
نوعد بالعمر نفديك
لو العمر يرضيك
ياغالى ليك هوينا
الشباك يشهد لينا
كم مرة رحنا وجينا
لو بالعيون قول لينا
انك ياجميل حابينا

سواااح

06-04-2010, 06:19 AM

زاد الشجون

ماهو باين فى العيون وين حنهرب منو وين
الهوى البعث الليالى العامره بى ذاد الشجون
يفتح قلوبنا ديار محبه ديار محبه ديار حياه للعائدين
مابنقاوم وكيف حنقدر وين نهرب منو وين
***
مافتكرت الحظ يساعد عمرى يورق من جديد
من بعد فرقتنا ديك مين كان بيفتكرك تعود
كنت بحتاج ليك بشده وانت بعيد
مافى عيشه بلاك بتبقى ومافى نشوه ومافى ريد
***
ده الهوى الجنبك عرفتو عاطفه ملتهبه وجنون
ويـــن حنـــهـرب مـــنو ويــن
***
اه ادعينا وقلنا تانى ماحانشتاق فى عمرنا
وقبل ماتمر ليله واحده بحراره الشوق غمرنا
كم كم لهينا وقلنا يمكن ندفن الحب فى سهرنا
الحياة صعبة علينا وبى اثر فقدك شعرنا
شفت كيف حبك حياتنا انت يالحبك حياتنا
***
وكــيف بدون حــبك نكـون
وين حــنهــرب منو ويــــن
***
شفت كيف حبك بيعمل يشغل الوجدان ويعذب
اه وبرضو بتقول عنى خادعك وانى بتلاعب وبكذب
ليك حق دنياك خاليه لابتشيل هم لابتتعب
كنت تتعلم تجامل لو فؤادك مره جرب
***
انو مايدق دقه واحده الا ويتفجر حنين
يفتح قلوبنا ديار محبه ديار حياه للعائدين

سواااح

06-04-2010, 06:20 AM

بتتعلم من الايام

بتتعلم من الايام مصيرك بكره تتعلم

وتعرف كيف يكون الريد وليه الناس

ليه ليه بتتــــالـــم

متين عرف الهوى قلبك

متين فاضت بااهات متين سهر

عيونك ليل طويله ساعات

وحاتك لسه مابتقدر تقاسم قلبى دقاتو

اقابلك وكلى حنيه واخاف من نظرتك لليا

واخاف شوق العمر كلو يفاجئك يوم فى عينيه

ورى البسمات كتمت دموع وبكيت من غير تحس بيا

وبكره وبكره الريد الريد بدون مواعيد يزورك

ياحياة عمرى وتقول ياريتنى لو حبيت

زمان من بدرى

وتعال تعال تعال فرح ليالينا وتعال قبل

السنين تجــــرى

سواااح

06-04-2010, 06:20 AM

تقول هواي تستبعدو

بتقول هواي تستبعدو

وتضحى بيهو وتفقدو

ليه كلام زعل انت مابتقصدو

بينى بينك شوق عمر

لانام لا مد انحسر

بينى بينك

لا الشعر قادر يقولو ولا الوتر

وتقول هواي تستبعدو

وضحى بيهو وتفقدو

ليه كلام زعل انت مابتقصدو

ماقلت ليك انا

من قبل ده ساعد عواطفك ساعدة

خليها تهداء شوية مش كده

وتقول هواي تستبعدو

سواااح

06-04-2010, 06:21 AM

همس الشوق
كلمات هاشم صديق

يا ريتنى لو أقدر أقول
فيكِ الكلام الما انْكتب
واجلى المقاطع بالدهب
وافرد صباح حُسنِك وشاح
يمسح عذاب عمرى المسطرّ باللهب
بريدك
كلمه كان رفّت
يِهش ثغر النجوم ويسطعَ
ولما ينادى همس الشوق
يقيف كل الزمن ويسمع
عيونك ديل عيون أهلى
حُنان زى نغمة فى مقطع
وطُهرِك تاج جواهرهُ العزه
وانتى العزه ليك تركع
بحبِك يا صباح العيد
ويا فَرَح العريس السار
واحِسّك فى سما الأزمان
شمس بِتضَوى للمشوار
زمان يا حلوه ساقنى الليل
وغِبْتَ وضعتَ فى الأسفار
ولّما لقيت عيونك ديل
بديت اعشق عيون الدار
وَحَاة ريدى اللى شاف طيفِك
كتير قُباّل يلاقى ويشوف
جراح الماضى بيك نامت
وغابت كلُ رعشة خوف
بحبك ومافى غيرك نور
يهِل ويغمرُ طريق الشوف
وما فى بَلَاك نور بِسْطَع
ولا فرحاً يسوقنى يطوف

سواااح

06-04-2010, 06:22 AM

حروف اسمِك

جمال الفال

وراحة البال

وهجعة زول بعد ترحال

وتنّية حلوة للشبال

ودنيتنا ومشاويرنا

وغنواتنا الى ما بتِنقال

حروف اسمِك

نجوم ركّت على الياسمين

فرح فى عين جمالها حزين

أساور فى إيدين طفلة

بتحفظ فى كتاب الدين

زَفَافَ عاشقين بعد فرقه

وسط باقات دُعَا الطيبين

حروف إسمِك

عقد منضوم بخيط النور

وطلة وردة من السور

ونغمة تنادى من طمبور

وشُعلة فرحة فى الوادى

تَشِع جَذلانه ليها شهور

حروف إسمِك

وَكِت أشتاق وأرحل ليك

وأسرح فى عسل عينيك

بِتَحضِنّىِ

قَبُل ألمسَ حرير إيديك

تأرجِحنى ... وتَفَرحنى ... وتخلينى

أدُق سدرى

وأقيف وسط البلد واهتف

بريدك يا صَباح عمرى

سواااح

06-04-2010, 06:22 AM

ياحاسدين غرامنا ياقاصدين خصامنا
شوفو غيرى وغير حبيبى
يادايرين تقولو وماقادرين تقولو
ايه عايزين تقولو فيا وفى حبيبى
قولو وقولو قال مهما تقولو قال
مارايحين تنالو منى ومن حبيبى
قلبين ضماهم غرام
اتنين دنياهم سلام
محال يحصل خصام
بينى وبين حبيبى
عهدى فيه وعهدو فيا
ريدى ليه وريدو لليا
اوصف فيه ويوصف فيا
نصبر كمان نصبر شويه
نشيل املنا نقابل اهلنا
يقولو اهلا خلاص قبلنا
يتم منانا يفرح املنا
ونعيش برانا نعيش فى جنه
لا يقولو قالو لا يقولو قلنا

سواااح

06-04-2010, 06:23 AM

قالو متألم شوية

قالو متالم شوية ياخى بعد الشر عليك
النضاره الفى شبابك والطفولة الفى عينيك
والقلوب الحايمه حولك ياحلو بتتمنى ليك
بكره تشفى وبكره نفرح يا حبيب العمر بيك
ياخى بعد الشر عليك
انت ماشبه الدموع انت ماشبه العذاب
انت ماكلك عواطف انت ماكلك شباب
العمر عندك اسير والعمر غيرك سراب
ياخى بعد الشر عليك

سواااح

06-04-2010, 06:24 AM

سوف ياتى
يا نديمى دعك من عثرات قول
واترع الكاس تناجى الكون مثلى
تظننى ابيد العمر لهوا لا لا كلا
اذ انا جسم به البركان يغلى
سوف ياتى باسم الثقر يلوح بالامانى
ضىء عينيه بريق وغموض ومعانى
يحمل الروح اليا يزرع العطف نديا
يسكب الاهات همسا فى ثنايا اذنيا
وبها احيا وانسى ما ضنانى
حينما يبدو حبيبى فوق افق القلب يحبو
فوقه هالات نور بها الاضواء تخبو
واغاريد الامانى فى حنايايا تشب
مثل سريان الحقيقة فى مشاعرنا العميقة
مثل حلم الدهر ياتيك سريعا فى دقيقة
عندها انسى ديارى
عهده بالحب ايام ستكثر وتطول
ويح قلبى منك يا بدرى اذا حان الافول
قبل ان نحصد زرعا ماؤه قد كان دمعا
وتباريحا وشوقا وصدودا وامل
انما قلبى عنيد لا يبالى لا يمل
ينظم الحب اغانى
لا
لا
لا تسلنى
ضىء عينيه بريق وغموض ومعانى

سواااح

06-04-2010, 06:24 AM

جانا الخبر شايلو النسيم
فى الليل يوشوش فى الخمائل
هش الزهر بكت الورود
وسالت مشاعر الناس جداول
رجع البلد
بعد السنين المره
يادوب العيون سهرن هجد
ياحليلو مارجع البلد
وعيونا ما سهرن هجد
فى عيونو شوق
انهد لحب للناس للوطن
ماغيرت ريدتو السنين
ومابدل احساسو الزمن
شفنا المشاعر الحلوه
فى ساحاتنا بى الامال مشن
انت ما نسمه فى الهجير
انت ما راحة ضمير
انت ما بهجة مشاعر
انت ما رحلة عبير
انت ماياكا الامير
كيف نسيبك تمشى تانى
وانت نورة البلد
العذاب فارق طريقنا
والعيون سهرن هجد

سواااح

06-04-2010, 06:25 AM

اربعه سنين عاشهم الحب
الليله عيد ميلادهم ياقلب
وجدنا الحار زينة الدار
ابننا البار ابننا الحب
صونو يارب
اربعه سنين تجربه وزاد
مهرجانات حب واعياد
اشتياقات قلبى رياد
انفعالات ليها ابعاد
اربعه سنين عاشهم الحب
الليله عيد ميلادهم ياقلب
طفلنا الحب طفل من نار
طفل بعيش اغرب اطوار
يضحك الحان يبكى اشعار
يامر الناس يمشو
مشوار اربعه سنين
اربعه سنين عاشهم الحب
الليله عيد ميلادهم ياقلب

سواااح

06-04-2010, 06:25 AM

جيناكم ياحبايبنا بعد غربه وشوق
نغالب فيهو ويغالبنا
ونكتم اه تظهر اه تتعبنا
حنين لشوفة الغالين مدوبنا
بعد غربه وشوق
هناك غربتنا ما هنتنا ياحلوين
هناك الهم بدل واحد يبين همين
ومهما قلوبنا تتاوه سنين وسنين
مصيرو الحى يلاقى احبة لو صادقين
سماع اهلا من الاحباب شروق امال
ووصف البهجة بالكلمات محال يتقال
حلاوة العوده غنيناها فى موال
تحكى عن الولف واصلو الولف كتال

سواااح

06-04-2010, 06:26 AM

انتى مهما تغيبى عنى
اصلو مابتفوتى منى
عايشه فيا ساكنه جواى
فى خواطرى فى مشاعرى
فى تسابيحى وغناى
زى فرح ماليهو اخر
وشوق سنين لزول مسافر
راجى الزمن فى يوم يجيبو
لديارو ولحبيبو
والفريق يفرح يغنى
انتى مهما تغيبى عنى
اصلو مابتفوتى منى
فى عيونك شايله اكوان
من براءة ومن محنه
وعزه تشرب من معزه
ومن تراثنا ومن اصلنا
و وعد غرقان فى نداهو
وزحمة اطفال جوه جنه
وزول بيحلم بالعديله
وفرحة الريد الطويله
ناس تجيهو تغنى ليهو
ناس تبارك وناس تهنئ
انتى مهما تغيبى عنى
اصلو مابتفوتى منى
وتبقى ياحلم الاماسى
شمعه ضاويه فى كل دار
وزهره فى كل المواسم
كل يوم بزيد نضار
تهفو ليك الامنيات
وتزهو بيك الامسيات
وبيك تفرح وليك تغنى
انتى مهما تغيبى عنى
اصلو مابتفوتى منى
دكتورة ست الكل

سواااح

06-04-2010, 06:27 AM

خمسة سنين معاك يا زينة الأيام
يا نوّارة الحلوين مرّت حِلوة زي أنسام
وزي أحلام صبيّة نديّة، زي ياسمين
وزي لهفة بعيد مشتاق
يلاقي أحبّته الغايبن
خمسة سنين
ودرب الريد معاك أخضر
خمسة سنين، بريدك كل يوم أكتر
أحاول مرّة بس أنساك
عشان يا غالية أتذّكر
أجي وألقاك، ديمة معاي
وألقى هواك ملك دنياي
وفي أعماقي إتحكّّر

سواااح

06-04-2010, 06:28 AM

وحياة ابتسامتك ياحبيبى وحياة عينيك
قلبى حاذرك ومن زمان سائل عليــك
كلو لمسه فى خيالى عن جمالك هى فيك
قبل ماشوفك كنت فاكر الريد مستحيل
كنت هايم فى طريق خالى طوييل
لليلى دون الناس كللو ااهات ولويل
تشهد الايام ويشهد الليل والنحيب
قلبى عاشق ودربى خالى من حبيب
قلبي عاشق ودربى خالى من حبيب
لكن يا حبيبي

من يوم ماشفتك قلبى للدنيا ابتسم
اشرقت دنياى وفارق دربى الهم
فى انتـظـارك
ياحبيى رايح ارعاك بى حنانى
القى فى قربك سعادتى وانسى
تعذيبى وهوانى يبغرو العشاق
من هوانا فرحة الريد والامانى
ياحبيبى عشت لليا وعشت ليك
هاك عهدى وهات ايديك
وحياة غرامى اهدى عمرى
وروحى ليك
انــــا روحى ليك

سواااح

06-04-2010, 06:29 AM

من طيف ملامح ياتو شي
انتي الجمال اداك خواصو وكل شي...

يا أسمى ايات الكمال.. و الرقة و الزوق و الفهم
يا مكمن السحر الحلال.. و الضحكه و الحس و النغم
يا فكرة تجتاح الخيال..تملاهو بالخير و العشم
يا نشوة الفرح المحال..تعرف قلوبنا معاهو هم...

يا نرجسة....
يا روعة الليل البهيج.. نام في العيون الناعسة
يا دهشة الشوق المهيب.. نكتم مشاعرو و نحبسة
يا كلمة بين شفتين حنان..للمولى خشية بنهمسة
يرعاكي من شر العيون..يحفظ محاسنك و يحرسة...

سواااح

06-04-2010, 06:29 AM

يا‎ ‎مُنىً ..أهدي إلى المهجة أنفاساً وعُمرا‎
أهرقت دُنياك في دُنيَايَ أنغاماًً‎ ‎وسحراً‎
وتَذوَقتُ غراماً منكَ مَشبوباً ومُرا‎
يا هزاراً رائع الطلعة‎ ‎فَتاناً أغَرّ‎
فَجرَ الألحانَ في قلبي إعلاناً وسرا‎
يا صَباحاً فَتقَ الآمال‎ ‎في الخاطر زهرا‎
ونَدى يُدفقُ أشواقاً ويغرورق عطرا‎
ياجناحا طوّق الأضلاعَ‎ ‎أفراحاً وبشرا‎
يا شراعاً أوصَلَ الزورق للشاطيء فجرا‎
ما الذي أهديه إلا ذوب‎ ‎اضلاعي شعرا‎
وافتتاني واندفاق أغاريديَ خَمرا‎
قد تنَعَمتُ عطاءأً منك‎ ‎دَراراً روياً‎
وحُنُواً هَدهَدَ الآلام رَقرَاقاً نَديا‎
يا عيوناً‎ ‎كاليَنَابيع شُرُوداً وابتساماً‎
نَبعت في حَقل أيامي رَبيعاً وسَلاما‎
وقواماً كالأهازيج تَثَنى وتَسَاما‎
وانسياب الشَعر مَرأى بيدر صَلّى وناما‎
يا عُيوناً كالغناء العَذب في دفء العَشيّة‎
يا عُيوناً مثل صُبح العيد في‎ ‎الدار الحفيّة‎
كانت الفرحة في قُربك أعراساً من الضوء‎
وكان الشعرُ طفلاً‎ ‎غسقيّا‎
فتَبنَاهُ المُغنّي‎
وحَباهُ من بريق النَغَم الوَهاج كالبلور زِياً‎
ورعَى الأزهارَ في كلتا يَدَيه‎
ثُم ضَاع الطفلُ يا رَباهُ من‎ ‎بينَ يَدَيا‎
فَتَلَهَفتُ عليه‎
ومضَى الزَورَقُ بالملاح جيلا‎
كان كالإعصَار‎ ‎والبحرعَتيّا‎
هكذا دارت بنا الأيامُ‎
يا طائرَ أحلام الزَغاليل‎
ويا طَلق‎ ‎المُحَيا

سواااح

06-04-2010, 06:30 AM

تقولين الهوى شيءٌ جميلٌ ألم......تقرأ قديما شعر قيسي
أجئتي الآن تصطنعين حباً.... أحس به المساء ولم تحسي
اطائشة الضفائر غادريني...فما انا عبد سيدتي و كأسي
لقد اخطأتي حين ظننتي اني...ابيع رجولتي و اطيع رأسي
فأكبر من جلالك كبريائي..و اعنف من لظى شفتيك بأسي..

خذي علب العطور و ألف ثوبٍ..تعيش بمخدعي اشباح بؤسي
و صورتك المعلقة احمليها..فمن خلف الإطار يطل أمسي
لقد غرست دربك ياسميناُ..فدستي براعمي و قطعتي غرسي
حملت لكي النجوم على يميني..و صغت لكي الصباح وشاح عرسي..

لقد شوهتي ايامي و عمري.. فجفت ريشتي و انبح صوتي
اعيديني الى اصلي جميلا.. فمهما كنتي..اجمل منك نفسي.........

سواااح

06-04-2010, 06:31 AM

ياريت من اول وريتنا انك يمكن تتاخر يوم
كان غايتو اطمنا شويه..وبحرك يا ليل ما طفنا نجوم
بيقولو الغايب عذرو معاهو وفي غيابك ياما نشيل اللوم..

مرت لحظات و كمان ساعات طالت وحياتك منتظرين
لو وشوش صوت الريح في الباب يسبقنا الشوق قبل العينين
و نعاين الشارع نلقاهو..تايه في دموع المغلوبين..

العيد الجاب الناس لينا ما جابك..يعني نسيتنا خلاص
مع انك انت الخليتنا نغني الحب ذكرى و اخلاص
صبحت دمعتنا وسادتنا و كده حاول اعرف لينا خلاص..

شال النوار ظلل بيتنا..من بهجه وعدك وما جيتنا
وفضلنا وحاتك منتظرين.. شوف وين روحتنا
و وين وديتنـــــــــــــــــــــــــــــــــــــــــــــ ــا....

سواااح

06-04-2010, 06:32 AM

وابقى الوحيد زي بلبل فقد الجناح هاجر جناهو على الصقيع كاس لي بوادي مشمسة
وارحل شواطي الغربه مقتول في الرياح و انحت حروف فوق الصخور واتحسسة
وابعت غناي مع كل آهة... و كل زفره... وكل ضحكة مونسة
عشان تمشي لعيونك ... تعيش.... و تونسة...

و اتخيلك.. وقتين اشوف أماً تهبهب لعروس صندل زفاف و ترقصه
وارحل بعيد فوق شعرها زي مركباً نشوان مشى
فوق موج و شلالات مشى
و آخر المطاف..فوق شط حنان مهجور زمن راح و اتنسى
وزي ريس الساري الغريق..طالت ليالي الشوق وعلى الساري اتكى
و رشت دموع في رعشة القيف البكى
و دس الأنين فتق جراحات الحنين في الغربة باسه و وشوشه..

و اتذكرك .. وقتين اشوف لارنجة تتحدى الرياح..عز السموم صدر الشتا
و تمد ظلاله على الهجير ..تفرح تفرٍح في الرياح و توسوسة...

سواااح

06-04-2010, 06:32 AM

لما شُفتِك

ليلِى ضَّو وبَقَّ نور

ونرجس الجنه المفرهد

رفّ بى جِنحَات عطور

وغنَّى فارسِك

خَتَّ صورتِك فى الإطار

فى الليالى نَجِم يِلالى

ونسمه فى وهج النهار

وقال فى وَصفِك لما بنتى

أحلى مِنِّك . برضُه إنتِى

وما فى غيرِك زول معانا

حتى كان يا سمحه غِبتى

ومَرّه جَالَن الف خَاطِر

بى عيون عقلى المسَاهر

فجأه عينيكِ الحبيبه

!قالو سارح وين مِسَافِر؟

عِشتَ قولِن شيل وصَفقَه

وقُلت بس يا ريتنى القى

همسه فى حُلم الأميره

أو سَبَايب فى الضفيرة

أو عِقيد فى تِبرِ جيدها

أو قليب فى راحة ايدها

يا زمان أسمعنى واكتب:

البَرِيدها وريدها سِيدى

وريدِى سِيدَها

الزمان لوحتى بالغ

ما أظِن فى زول يعيدها.

يا حَلاتِك

مره همسه ..

ومره نَسمَه..

ومره هَلّت نَجْمه غابت

ومره صَحْوَة غمزه نامت

ومره ضحكه تَرَضِّى شوقنا

ومره كلمه تضِّوى فوقنا

ولمّا نسرح فيكِ قَادلَه

زى ملايكه علينا نازله

بَس نغنى:

يا حلاتكُم يا أهَلنَا

يا مصابيحنا ونجومنا

الضّاويَه فى واحات زَمَنَّا

سواااح

06-04-2010, 06:33 AM

الملحمة// او قصة ثورة/// للاستاذ المبدع // هاشم صديق

لما الليل الظالم طوّل
وفجر النور من عينّا اتحول
قلنا نعيد الماضى الأول
ماضى جدودنا الهَزَمُوا الباغى
وهدّوا قلاع الظلم الطاغى.

$$$$

وفي ليله وكنا حُشود بِتصارع
عهد الظلم الشبَّ حواجز
شبَّ موانع
جانا هتاف من عِند الشارع
قسماً...قسماً
لن ننهار
طريق الثورة
هُدى الاحرار.
والشارع ثار
وغضب الامه اتمدد نار
والكل يا وطنى حشود ثوار
وهزمنا الليل
هزمنا الليل.
والنور فى الآخر طل الدار
والعزة اتهادت للأحرار.

&&&

وطنى أنحن سيوف امجادك
ونحن مواكب تفدى تُرابك
ولِسّه الشارع بِشهَد لينا
فى يوم الغضبه حصاد ماضينا
مشينا نَعَطّر حقل الثوره
بِدَم نَفْدِيها بلادنا الحره
وكان اكتوبر فجر الغضبه
كسرنا قيود الماضى الصَعَبه
لما مشينا مواكب صَامده
تهدر- وتغلى ... وتهتف راعده:
الرصاص لن يفنينا.
الرصاص لن يفنينا

@@@

وسال الدم فى أرض الوادى
فَدينا النور بالروح يا بلادى
وكانت صفحة حكاها العالم
وفجر اكتوبر طَلّ وسَالَم

####

كان فى الجامعه موكب هادر
صمَّم يجلى الليل السّادر
وكان الليل السادر غادر
فجّر غدرو سموم دخان
ورُصاص من صوته صِحَا السودان
والشعب الثائر
صمّم هادر
يصرع ليلنا الداجى الطَّوَّل
وكان القرشى شهيدنا الاول
وما اتراجَعنا
حلفنا نقاوم ليلنا وسِرنَا
نذرنا الروح ومَسَكْنَا دَرِبنَا
للشمس النايرة قطعنا بحور
حلفنا نموت أو نلقى النور
وكان فى الخطوه بنلقى شهيد
بى دمه بِيِرسُم فجر العيد.
يا اكتوبر
أنِحْنا العِشنا ليالى زمان
فى قيود ومظالم وويل وهوان
كان فى صدورنا غضب بركان
وكنا بنقسم بالاوطان
نَسَطَّر اسمك يا سودان

بدمانا السّالت راويه الساحه.
وحلفنا نسير ما نْضوق الراحه
شهرنا سيوف عِصيانّا المدنى
وكانت وحدة صف يا وطني
إيد فى ايد حلفنا نقاوم
ما بنِترْاَجع وما بِنسَاوم
بينّا وبينك تار يا ظالم

خُطانا تسير فى درب النصر
هتافنا يدَوّى يهز القصر
كسرنا حواجز ..أزِلنا موانع
صفنا واحد
عامل.وطالب..زارع وصانع
وهزمنا الليل
هزمنا الليل
والنور فى الآخر طل الدار
والعِّزه اتهادت للأحرار
يا ساحة القصر..يا حقل النور
ويا واحهَ بتَحَضِن روح نَصّار
روينا ورودك دم ثوار
وشتَلنا فضاك هتاف أحرار
خَطّينا ترابك احرف نايره
بتحكى سطور ايامنا الثايره.
وشلنا الشهدا مشينا ونهتف
وجرح النار فى قلوبنا بينزف
سَجّينا الشُهدا وجينا نقاوم
ما بنِتراجع وما بِنساوم

وفجأه ونحن صفوف بتصمم
زغرد فجر الثوره الحالم
والنور فى الآخر طل الدار
والعزه اتهادت للأحرار
قسماً..قسماً يا اكتوبر
نحمى شعارك
ونجنى ثمارك
ونرفع راية الثوره الغاليه
عاليه ترفرف فوق الساريه
عليها شعار الثوره الأكبر
رسُمه النادر زاهى واخضر
ولِسّه بنقسم يا اكتوبر
لما يطل فى فجرنا ظالم
نحمى شعار الثوره نقاوم
نبقى صفوف تمتدّ وتهتف
لما يعود الفجر الحالم يا اكتوبر

سواااح

06-04-2010, 06:34 AM

أشوفك . . بكرة فى الموعد
تصور . . روعة المشهد
أنوم الليل . . أنا لا يمكن
أساهر و النجوم تشهد

وعدتك قبل كده مرات .
ولسه برؤيتك . . . بحلم
مشاكل الدنيا تجبرنى . .
أخالف وعدى و أتلوم
ولوتعرفنى تعرفنى كم
بتعب بعيد عنك . . . . وأتألم
أضيع أتمنى . . . لو أقدر
وأقول . . ياريتنى اتعشم
أشوفك بكرة فى الموعد

أطاوعك يا ارداة الحب. .
وأسلم ليك ما عندى
أفضى ظروفى . . وأتفرغ
وأبادر بكرة فى و عدى
ويا يوم بكرة ما تسرع
تخفف لى نار وجدى
حنانك شوفنى مستنى
معاى أشواقى ما وحدى

أشووفك بكرة فى الموعد
أمانة الصبر ما طيب
مصير مكتوب . .
وكان لازم نحب
نعشق . . . ونجرب نلاقي السهد
وداعا يا ظلام الهم
على أبوابنا ما تعتب
ومرحب يا صباح الحب
تعال ما تبتعد . . . قرب

سواااح

06-04-2010, 06:35 AM

مشتاق ليك يا جميل يا رائع
و لاحلام الزمن الضائع
منى و عامل فينى مواجع...

مشتاق ليك و معاى يوماتى
مالى على فى الدنيا حياتى
عائش جوة فؤادى معزة
زى ما اكون غرقان فى ذاتى
شادد عصب الحس السادس
وراجى رياح العودة و اهاتى
نرجع لايامنا الحلوة
و الافراح بيك تملأ حياتى
مشتاق ليك يا جميل يا رائع...

سواااح

06-04-2010, 06:35 AM

الجزء الذي تغنى به الموسيقار محمد الأمين
من قصيدة ودمدني للمبدع الكبير خليل فرح

مالو أعياه النضال بدني
وروحي ليه مشتهية ود مدني
ليت حظي يسمح ويسعدني
طوفة فد يوم في ربوع مدني
كنت أزور ابويا ود مدني
وأشكي ليه الحضري والمدني
آه..على حشاشتي ودجني
وحنيني ولوعتي وشجني
أه.. دار أبويا ومتعتي وعجني
يا سعادتي وثروتي ومجني...

عمرالماحي

17-11-2010, 09:28 AM

رائع لك شكري

محمد عبد الله عبدالقادر

08-12-2010, 04:42 AM

http://www.youtube.com/watch?v=XmBY0oWivAU&feature=related

محمد الجزولى

12-12-2010, 09:03 PM

كم انت جميل ورائع عزيزي محمد عبد الله عبد القادر
ابو اللمين صاحب الاحساس العالي
والحنجره الذهبية التي لا تصدأ
شكرا شكرا ابو حميد
والشكر يمتد للغالي سواااح الذي نفتقده كثيرا في هذه المساحه

ودالعمدة

07-07-2011, 12:29 PM

الرائع سواح
ابداع ود اللمين تواصل لابداع أم المدائن
بدءاً من الكاشف وانتهاء بعصام محمد نور
هناك ثلاث اغنيات رائعة لم أجد لها تسجيل فيديو
طائر الأحلام
سوف يأتى ( يانديمى )
ومراكب الشوق

لك تحياتى