المساعد الشخصي الرقمي

مشاهدة النسخة كاملة : ديك العدة والشقليب


ممدوح أبّارو
19-10-2009, 03:38 AM
قالوا ديك العدة كان نهروه بكسرها وكان خلوه بكسرها؟؟
اها ده ما أخير منو عتود الدلالية؟؟
وده قصتو كمان قصه ! قالوا الدلالية (بائعه العدة وفي رواية أخري الملايات والهدوم)
عندها عتود تاعب الجماعة تعب السنين الليل كلو يدغي(يكورك)
وحيرانا عزابه مابدورو الإزعاج (ناس دخان)اها يا سيدي العزابه قالوا
أحسن نشتريه من المره دي ونقيل بيه بدل هرك هرك دي
المهم ضبحوه جدعوا الجلد بي فوق،
ربك رب الخير يجي واحد من الدراويش يشيل الجلد ويشد منو نوبه
وفي روايه طار وقعد يزكر ويدق الليل كلو دق دددادق!!!
يعني لا حي يريح لا ميت يريح.http://t0.gstatic.com/images?q=tbn:qdIMZYV_YzFC-M:http://www.wallsofthewild.com/rooster.jpg

ونواصــــــــــــــــــل



ـــــــــــــــ
ما تمشو الجنا مشي يقبض الديك للغدا
ممدوح أبّارو
19-10-2009, 03:45 AM
اها...........
الديك طار فرررر ورك في راكوبة حاج احمد الشقليب
والاسم اصلو جا من الشقليب ضل العنقريب
ذي الصبي أب عتمه دخان الكتمه
لانو كان راجل لا بهش لا بنش يعني بندق في بحر ودعاية في كباية (دي حديثه شويه)
المهم الديك طلع في راس الراكوبه وحلف بالتميتو وتحيهو ما ينزل !!!!!!!!!!!
والشقليب شايل بسطونتو وحالف إلا يخلي ريشو كوم!!!!
والجنا متحربس وطالع في الحيطه وقال يا ديكو يا بلاش............

*يا ولد انزل البتجي من السما تحملا الواطه
*ما بنزل يعني في شان مااديتني ليه يابا زوقت منو؟؟ جلدا ما جلدك جر فيه الشوك؟؟ وجحا قال بعد مرقت من بطن امي إنشا الله تنسد موصاح يابا؟؟
*يا ولد بطل لماضه وانزل انا الشقليب ما هاميني علا الفضايح ما بدورا

المو هاميك منو ؟ علي بالطلاق امرق عليكم انت وولدك ده علا خلي كرعيكم لي فوق
نواصـــــل
ممدوح أبّارو
19-10-2009, 04:14 AM
ابوي انا داير ديكي وانت والشقليب انشا الله تلعبو شبطت
*ياولد الديك لآحق الرقدو واللنفقدو ماتجنني بي ديكك ده بشتريلك غيرو
*لا لا إلا هو بس......
*انا متيمن اللجيني جوه كان انت كان ولدك علا يشوف شوف اما خمج
(يرد الشقليب والشرر يتطاير من عينيه)
*يا زول احترم نفسك انا ساكتلك في شان ماك زولاً كبير
............
(الديك يكوكع بطريقه دراميه ويقفز داخل الراكوبه)
*كمان جيت لي يومك اليله بنجمك
(قالها عمنا الشقليب وهو يستل عصاه من تحت العنقريب المتهالك)
*ياراجل هوي اوع تضربو بتكسر لي عدتي
(ترد حاجة بخيته خوفاً علي ممتلكاتها)
ممدوح أبّارو
19-10-2009, 04:19 AM
يا سيدى اللمنتى ليك الديك لى التعترو
دخل على حاجة بخيته القلا صبرا من عرس راجلا
جاها خبر السواد و اللواد بى عرس الشقليب
وهى فوق الدوكة تجر فى طرقاتا.
الخبر جاها جبنة مقبوض خلاها لزت نعلاتا واقود.
و لى شقاوتو ديك الهنا جاء جارى عشان اندسه فى التكل
انتي ييا بخيتي اخمشى الديك بدل المعراكه
هى تمسح فى الدوكه و الديك يسوى
كاك كااك كاااااااااااااااااك
قالت كدى حاجه بخيته المى صابره لولحت راسا و هزت مسايرا
و قالت للديك :
كاك ما كاك
ياكا المعراك

***************
بدر الدين احمد الطائف
19-10-2009, 04:31 AM
ممدوح ابارو
متعك الله بالصحه والعافيه
دائما ما ينعت الشخص الذى لا يجيد تصريف الامور بديك العدة




ماذا يريد الديك من الجلوس على العدة




قصة جميله وشيقه وفى انتظار المزيد




تخريمه
(ودالصائم ده ورانا ورانا يا عمك)
ممدوح أبّارو
19-10-2009, 04:48 AM
ممدوح ابارو
متعك الله بالصحه والعافيه
دائما ما ينعت الشخص الذى لا يجيد تصريف الامور بديك العدة




ماذا يريد الديك من الجلوس على العدة




قصة جميله وشيقه وفى انتظار المزيد




تخريمه
(ودالصائم ده ورانا ورانا يا عمك)

سلامات يابدر الدين ديك العدة لو عٌلم ما الذي يريده من العدة لنتفت عنه صفة الفوضي أو الرواشة
بره بره
عمك ده تميمة من الجوع والهكر
http://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gif
http://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gif
http://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gif
http://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gif
ممدوح أبّارو
19-10-2009, 04:56 AM
عمناالشقليب شخصية غريبه يجمع ما بين الشهامة والخباثة والتهور وعدم المبالاه في وقت واحد؟؟؟!!!!
حتقولو لي كيف؟؟ كدي نشوف

قالو(والقول لي انا) جمبو بتاع دكان مغرقو ديون من سكر شاي الصباح لي لبن العشا

يوم رسل ولدو لي جاز من الدكان:
*ياولد قوم جيب لينا حبيبة جاز من مقطوع الطاري ده،بس ما تقول ليه دين إلا بعد يديك

*ياخ ما بمش هو اي حاجة انا؟؟

*يعني تمش امك ؟ قوم امش يمشمش شترك

الشافع ما نقناق يمش ويطنطن ويلولح في اللمبة (الفانوس)

*ابوي قال ليك ادينا جاز بالحاضر

*وين قروشك ياالفالح؟؟

*بديك بس انت عبي اول

الشافع ما مسخوت ذي ابوه بعد ضمن الجاز في لمبتو تب قال ليه

*القروش بعد الصرف

*الصرف الصحي يا ولد جيب القيامة دي هنا يقطعك ويقطع أبوك في ساعه واحده

*ابو حسي سعلك كما ساي؟؟

*يسعلك الشديد جيب القطر ده هنا
سيد الدكان ما مسكين يمسك اللمبة بي زعل لامن جازا يتجلفق ويفرقا في الصفيحة

*انت وابوك شوفوها عن غافل اها ولعو سمح

ذولك المسكين قايل روحو كسبان والجنا يضحك لحدي ما وصل البيت
* جبتها يالمبروك؟؟ ادها امك التولعها بي باقي الجاز الفي القيطان ده كان يصبحنا للصباح...................
محمد خدوري
19-10-2009, 05:27 AM
الأخ والصديق الحبيب ممدوح أبارو منور والله

وكما عودتنا بقفشاتك الجميلة هذه لكن عندي

سعال ....

ديك العدة ده بقرب شنو لديك المكوة ؟؟؟؟؟؟

:d :d :d
العاقب مصباح
19-10-2009, 07:16 AM
انتي ييا بخيتي اخمشى الديك بدل المعراكه
هى تمسح فى الدوكه و الديك يسوى
كاك كااك كاااااااااااااااااك
قالت كدى حاجه بخيته المى صابره لولحت راسا و هزت مسايرا
و قالت للديك :
كاك ما كاك
ياكا المعراك
***************

ذولك المسكين قايل روحو كسبان والجنا يضحك لحدي ما وصل البيت
* جبتها يالمبروك؟؟ ادها امك التولعها بي باقي الجاز الفي القيطان ده كان يصبحنا للصباح...................



ممدوح أبارو
يشهد ربى انك مبدع وللحد البعيد
أخذت نصيباً كبيراً من الإبداع
فتركتنا يتامى منه
لو كنت ترضى لأطلقت عليك لقب مجنون المنتدى
تابع فسردك شيق للغاية
به نجد المتكأ والمرفأ من حر الأيام
يا زول إت ماك نصيح تب
وانا حارسك وبى مزاج
ممدوح أبّارو
19-10-2009, 09:49 AM
ممدوح أبارو
يشهد ربى انك مبدع وللحد البعيد
أخذت نصيباً كبيراً من الإبداع
فتركتنا يتامى منه
لو كنت ترضى لأطلقت عليك لقب مجنون المنتدى
تابع فسردك شيق للغاية
به نجد المتكأ والمرفأ من حر الأيام
يا زول إت ماك نصيح تب
وانا حارسك وبى مزاج

أستاذنا ود المصباح أين نحن من الابداع يا سيدي فنحن مجرد طلاب علم في رحابكم
نحسبنا أحسنا الوضوء ثم تقرفصنا إزعاناً منا بالسمع لكم فلا تحرمونا نقدكم الداعم للمسيرة
كن بخير
ممدوح أبّارو
19-10-2009, 09:53 AM
قلنا بعد ما الديك تلب جوه الراكوبة وإتحكر في عنقريب العده العاملنو نشافه والواطة مشت علي ليل والجنا جاب الجاز وجا قالو صباحاتو ُبيض (بضم الباء والياء)
اها دغشاَ بدري الديك قام يكوكع والشقليب شخيرو جايب آخر الحلة ....
براحة الشافع ود الشقليب ما مسخوت؟ قام شال لية جك موية صاقط من التيبار
وقال كدي كشح بيه الديك ! الكتمة الياها ومسكو من جنحاتو وعدل
علي السوق باعو وقبض قريشاتو في إيدو وجاراجع ذي الما عمل حاجة
لقي الناس يا دوب يشربو في الشاي.
الزول الاشتري الديك ما صدق ضحو وعمل منو حلة مدنكلة
وجدع الريش في الكوشة
الولد جار الشقليب سيد الديك جاي بالشارع لقي ريش ديكو المابقباه !
انعمنو موسمو بي بُوهيه حمرا والديك اسود......

*قطع شك ده ديكي زاتو ..... ( وفرر طارت دمعة من عينو)


يتبع
محمد النويري-الفقراء
19-10-2009, 09:09 PM
رائع اخي ممدوح والله حاجة ممتعة اتابع معك القصة كأنني معهم واسكن جارهم واتصور كيف اكون الشقليب لما اهيج واشيل عكازو .. ههههههه .. تقبل مروري
أشرف صلاح السعيد
19-10-2009, 10:21 PM
اخى أبارو تحياتى..

أسجل حضورى بين شقليبات وشقليب وولدو المجبود..
العتود يجازى ربى المفنجط حيى والمزعج ميت..
أما الديك ما منو من العلى هو ما سائل فى العدة بس كمان مايصلح عرفو فى لمعة الطلس؟؟
غايتو ود الشقليب بيعتو للديك ريّح بيها اهلو بس دحين الود صاحب الديك بعد ما يقشقش دميعتو بخلى؟؟دا موسم ديكو بيبهية يعنى كااان حاسى بالخطر..
بالله ورينا الشقليب وشافعو دا ساكنين وين ما نمشى نجاورم وينتفو ريشا انحنا ..
روعة * روعة..
ممدوح أبّارو
20-10-2009, 12:55 AM
رائع اخي ممدوح والله حاجة ممتعة اتابع معك القصة كأنني معهم واسكن جارهم واتصور كيف اكون الشقليب لما اهيج واشيل عكازو .. ههههههه .. تقبل مروري

الفقراء إتقسمو النبقة وأنا بقاسمك في البوسط ده رايك شنو؟
بعدين قالو جاور الفقراء تسعد
كدي سؤال النويري حق ناس إهاب وووضاح ولا واحداً تاني؟
ممدوح أبّارو
20-10-2009, 12:59 AM
اخى أبارو تحياتى..

أسجل حضورى بين شقليبات وشقليب وولدو المجبود..
العتود يجازى ربى المفنجط حيى والمزعج ميت..
أما الديك ما منو من العلى هو ما سائل فى العدة بس كمان مايصلح عرفو فى لمعة الطلس؟؟
غايتو ود الشقليب بيعتو للديك ريّح بيها اهلو بس دحين الود صاحب الديك بعد ما يقشقش دميعتو بخلى؟؟دا موسم ديكو بيبهية يعنى كااان حاسى بالخطر..
بالله ورينا الشقليب وشافعو دا ساكنين وين ما نمشى نجاورم وينتفو ريشا انحنا ..
روعة * روعة..

حباب السعيد في دهاليز الشقليب والجنا يا أبو الشوش ديكو ما بخليه يخش معاه كراكير الدنيا أم قدود دي وا يرضي غير الديك يجادلو ويقنعو.
خليك قريب
ممدوح أبّارو
20-10-2009, 01:21 AM
قلنا بعد الجنا سيد الديك لقي ريش ديكو في الكوشة !
جا راجع حاضن الريش وإتفن جمب باب الشقليب وقعد يغني :

يالضبحت الديك أنا عن ياسين بشكيك
بليلو النجضو واكلوه
******
جابولنا الخبر في السوق
قالولنا الشقليب محروق
في دعوة ديكنا ده المسروق
بليلو النجضو واكلوه
****
يا فقرا ما تهتمو
عند اب عشه* تنلمو
جميع من أكلو بي دمو
تصيبوالراعية في فمو *
بليلو اتلنجضو وأكلوه


ــــــــــــــــ
أب عشة راجل أبحراز
الراعية الجزام او البرص
ابوالنور
20-10-2009, 01:25 AM
ممدوح ابارو تسلم يا حبيبنا علي المشاركة
اوفي ريواية اخري المنتديات كمان بكون
فيها شخصية
ديك العدة
فما هي سلوكيات ديك العدة في المنتديات
1- يدخل كثير من البوستات ويشارك بشي مخالف عن موضوع البوست
2- يحب دائما حركات الكووووبي والبوست :confused:
3- يكتب بخط كبير ظننا منه الناس لن تعبر ما يكتب لو كان بخط معقول :rolleyes:
4- يحب يتعاااالى وهو فيه جهل
5- يحب ان ينسب الانجازات لشخصة دون الاخرين
6- يعتقد بان بدونه لا معني للمنتديات
7- مصاب بحالات نفسية ولا يجيد الكتابة في اي موضوع هاادف
8- منظررررررراتي درجة اولي
9- يعتقد بانه اقوى انسان وهو قااادر ان يكسر الكل بعضلات من دخان
10 - سوف يشارك في هذا البوست بتعليق سخيف ينم عن جهل
وربك يكفينا شر ديك العدة هناااا
واها ونسيت اقول ليك
ديك الجن من الديوك البريه غير مستانس ديك خلا
ديك العده من الديوك الاليفه ديك بيت
ديك الجن يتكلم ويتحرك زي ما عايز ما مشكله
لكن ديك العده لو نطق بكلمه او اتحرك
الخسائر بتكون كبيرة خلوهو في سكاتو
ممدوح أبّارو
20-10-2009, 02:07 AM
ممدوح ابارو تسلم يا حبيبنا علي المشاركة
اوفي ريواية اخري المنتديات كمان بكون
فيها شخصية
ديك العدة
فما هي سلوكيات ديك العدة في المنتديات
1- يدخل كثير من البوستات ويشارك بشي مخالف عن موضوع البوست
2- يحب دائما حركات الكووووبي والبوست :confused:
3- يكتب بخط كبير ظننا منه الناس لن تعبر ما يكتب لو كان بخط معقول :rolleyes:
4- يحب يتعاااالى وهو فيه جهل
5- يحب ان ينسب الانجازات لشخصة دون الاخرين
6- يعتقد بان بدونه لا معني للمنتديات
7- مصاب بحالات نفسية ولا يجيد الكتابة في اي موضوع هاادف
8- منظررررررراتي درجة اولي
9- يعتقد بانه اقوى انسان وهو قااادر ان يكسر الكل بعضلات من دخان
10 - سوف يشارك في هذا البوست بتعليق سخيف ينم عن جهل
وربك يكفينا شر ديك العدة هناااا
واها ونسيت اقول ليك
ديك الجن من الديوك البريه غير مستانس ديك خلا
ديك العده من الديوك الاليفه ديك بيت
ديك الجن يتكلم ويتحرك زي ما عايز ما مشكله
لكن ديك العده لو نطق بكلمه او اتحرك
الخسائر بتكون كبيرة خلوهو في سكاتو

الله لا جابو لينا ديكم يا خوي
http://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gif
http://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gif
http://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gif
http://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gif
أستاذنا أبو النور سعدت بقلمكم الممتلك لناصية الكتابة إذ تواضع معقباً علي هترشاتنا
ممدوح أبّارو
20-10-2009, 03:27 AM
الأخ والصديق الحبيب ممدوح أبارو منور والله

وكما عودتنا بقفشاتك الجميلة هذه لكن عندي

سعال ....

ديك العدة ده بقرب شنو لديك المكوة ؟؟؟؟؟؟

:d :d :d

كلهم ديكة ياخدار وفي كمان ديك (ويجو) والديك الفرنسي

تسلم يا صاحب
سامية عباس
20-10-2009, 03:49 AM
ود ابارو بااالغت والله :eek:

انت كايسين ليك بي هناك اتاريك لابد بي جاي:p

غايتو احسن تحصل لانو الحكاية بقت فيها غرامات

يا الغبته وما كتبت عذر

الغرامة راجياك من القرش كتر

اوعك تقول ماصاح

وتشوف نضمنا كٌتر

حصل قوام هسا

قبال يجيك فجر

وبليييلو النجضو واكلوه :p

ابداااع والله ياودابارو كتابات تتعدى حد الوصف تضئ الروح بوهج يزيح عنها العتمة فتعتليها إبتسامة ... فاهلا بك ايها المضئ وستجدنا دوما هنا ننتظر ربيع حرفك
ممدوح أبّارو
20-10-2009, 04:34 AM
يا الغبته وما كتبت عذر

الغرامة راجياك من القرش كتر

اوعك تقول ماصاح

وتشوف نضمنا كٌتر

حصل قوام هسا

قبال يجيك فجر

وبليييلو النجضو واكلوه

حباب ست البنات الزينــــــــــة
عداك الكٌتر ما بتشبهك الشينة
كان للدفع منعول أبو الكتشينة
ندفع طاب هي الدنيا قدراً شنة؟



شوق والله كتير ليك وللبهناك
ممدوح أبّارو
24-10-2009, 04:13 AM
ما وجب توضيحة:-

كل الاشخاص بالقصة من وحي خيال الكاتب ولا تمت لواقعنا بصلة
خالد فيلابى
29-10-2009, 09:40 AM
إنت والإبداع بيناتكم أحلى موده...
أمتعت خيالنا بحكاية (ديك العده)...
والعتوت مسكين بقتلو ضبحه ودقه...
وقول لى أبدمعه أحشى الريش وسوى مخده...


يا مبدع ..إنت يا راااااايق ..الله يزيدك.
ممدوح أبّارو
05-11-2009, 10:04 PM
إنت والإبداع بيناتكم أحلى موده...
أمتعت خيالنا بحكاية (ديك العده)...
والعتوت مسكين بقتلو ضبحه ودقه...
وقول لى أبدمعه أحشى الريش وسوى مخده...


يا مبدع ..إنت يا راااااايق ..الله يزيدك.

أبو الخلد يا صاحب
سعدت كثيراً بهذا الاحتفاء
وأسفي أكثر علي التأخير في الرد إنما هي مشاغل الحياة

ــــــــــ
ياخوي وينك إنت؟
خالد فيلابى
09-11-2009, 05:34 AM
قااااعد يا حبيب والله غيبتى قليله...
وشاشة المنتدى ماغبيته تب فد ليله...
إلا القائمين خلوا النفيسه كليله...
يشيلوا المشاركه قبال تتم الليله...

* * * * * ** *
ليشن يا صحاب ؟؟أحكولى عن الحاصل...
مشاركتى (التمن)بالقافيه وأحلى فواصل...
والكنترول من ليله راح ليها فاصل...
السبب والإعتذار..أو تبقى هى الفاصل...
ممدوح أبّارو
10-11-2009, 11:27 PM
كل النضم الجبتو موجود ومصيون
علا الكبر خشاك وغشي العيونhttp://wadmadani.com/vb/images/smilies/biggrin.gif