حُزن الفصول . ( يا حلاتك يا عشوش)

[المبارك ود إبراهيم]

--------------------------------------------------------------------------------

عائشة إبنة الأحدي عشر ربيعا طالبة كانت معنا بالصف الرابع رقيقة بريئة مبتسمة دائما كانت نوارة الفريق ونوارة المدرسة وحبيبة كل الفصول ولكن إرادة المولي أقوي توفيت في ربيع عمرها وظلت شخصيتها محفورة في قلوبنا وحينها كنت أتمني أن أوثق لها شيئا ولكن كنت لا أدري وأنا في هذه الغربة كتبت عنها بعد أربعين عاما من رحيلها هذه الأبيات.وسميتها حزن الفصول .

يا حلاتك يا عشوش
يا حلاتك يا نسمة هبت
بعد الهجير
وفرحت كل النفوس
يا حلاتك يا عشوش
واقفة زي سعف النخيل
ودالة لي بيت العروس
وشايله من لون القمح
ولابسة زي عيش التروس
وأنا فيك بطالع يا بلاغة
إنت فيك أصعب دروس
قيام زيد وجلوس عمرو
والحساب ..والمثلث
ونصف قطر فوق قوس
وأنا كل عام أقرأ وأعيد
أنا ما بليد
بس بنسي أرقام الجلوس
الله أبدع فيك وصور
رسمك جميلة روح ومنظر
لا دايرة مكياج لا رتوش
بس داير أشوفك
لابسة زي أمي الحبيبة
رابطة في جيدها تيلة
ولابسة في الأذنين خروس
أنا داير أشوفك وكت أشوفك
أشوفك أجمل من عروس
لكن إرادة المولي أقوي
وكان فراقك
درس واحد مش دروس
كان درس واحد
لكنه إحتوي كل الدروس
الوداع ياقمرة غابت
حزًَنت كل النفوس
حتي الفصول حزنت عليك
والأناشيد والطقوس
والزميلات زي طويرا
فارق العش يا عشوش
والمدير حالو زي حال الخفير
لا سيجارة ولا كدوس.

[خلدون]

لكن إرادة المولي أقوي
وكان فراقك


رحمها الله رحمة واسعه

[المبارك ود إبراهيم]

لكن إرادة المولي أقوي
وكان فراقك


رحمها الله رحمة واسعه

أسعدني مرورك والترحم عليها أخي خلدون فساعات الفرح تمر سريعا وتٌنسي أما ساعات الفراق تدوم طويلا في نفوسنا والذكري تنكأ جراحاتها لها الرحمة.

[أشرف صلاح السعيد]

حبيبنا ود إبراهيم تحياتى..
اول شى صورتك الخاتيها لينا دى دايما بتخلينى احس عمرك كم وعشرين وعشان كدا اتمنيت ليك قبل كدا يتم مرادك..يااخى يا تشيلا وتخت لينا صورتك هسى ولا تستحملنا ندعو ليك بالعرس "بليد واعمل شنو؟"..
صدقنى لو كتبت قصيدة فى عشوش زمان كنت برضو ابدعت..
أحيى فيك قلبك الاخضر المترف المسكون بالجمال..بعد اربعين سنة ولازلت تحمل تلك العشوش الجميلة ذكرى جميلة وتنعى موتها الى منع الحياة من تدفق جمالها..
لله درك اخى فأى نبل ماكث فيك..
رحم الله عشوش رحمة واسعة وجعلها مع الصديقين والشهداء وكذلك صفاء التى أحببتها بحب أبيها ولحب أبيها..

[النويري]

صديق ركب صورة جديد ولازم سقالة

[المبارك ود إبراهيم]

حبيبنا ود إبراهيم تحياتى..
اول شى صورتك الخاتيها لينا دى دايما بتخلينى احس عمرك كم وعشرين وعشان كدا اتمنيت ليك قبل كدا يتم مرادك..يااخى يا تشيلا وتخت لينا صورتك هسى ولا تستحملنا ندعو ليك بالعرس "بليد واعمل شنو؟"..
صدقنى لو كتبت قصيدة فى عشوش زمان كنت برضو ابدعت..
أحيى فيك قلبك الاخضر المترف المسكون بالجمال..بعد اربعين سنة ولازلت تحمل تلك العشوش الجميلة ذكرى جميلة وتنعى موتها الى منع الحياة من تدفق جمالها..
لله درك اخى فأى نبل ماكث فيك..
رحم الله عشوش رحمة واسعة وجعلها مع الصديقين والشهداء وكذلك صفاء التى أحببتها بحب أبيها ولحب أبيها..

يا أخوي أشرف أنا فعلا كم وعشرين وأتمني زي ما داير لي أخوك .
وإن شاء الله حا أغير ليك الصورة عشان تتأكد.
أما عائشة أحمد الجعلي هل تصدق أنا الطالب الوحيد الذي زارها بالمستشفي وأنا في الصف الرابع ما بقولك سنة كم؟؟ وكنت أكثر طالب مـتألم لفراقها لأن حبها صادف قلبا خاليا فتمكنا:
أتاني هواها قبل أن أعرف الهوي فصادف قلبا خاليا فتمكنا.
حينها كنت أحبها وكأنها واحدة من أخواتي لأننا لن نعرف غير الحب الأخوي آه يازمن.
نسأل الله لها الرحمة وأن يعوضها شبابها.

[المبارك ود إبراهيم]

صديق ركب صورة جديد ولازم سقالة

كيف ركب صورة جديد كفيل مافي راتب جيب.
حاضر جاهزين بكرة أمشي أشتري لي فتيل ريحة أتريح قبل الصورة وأتصور وأجيكم.
أسعدني مرورك الكريم وشكرا علي الدعوات إلي عشوش.

[الحمزاوي]

ود المبارك قلبتا علينا المواجع ياخي ما اظن في واحد ما اتالم لفراق احبته والله الان اكتب لك وعيوني امتلأت بالدموع وربنا يجمعنا في دار الخلد بمن نحب وجعل الله عائشة من حور الجنة . اه من هذا الزمن .استعينوا بالصبر والصلاة ومتعك الله بالصحة والعافية

[المبارك ود إبراهيم]

ود المبارك قلبتا علينا المواجع ياخي ما اظن في واحد ما اتالم لفراق احبته والله الان اكتب لك وعيوني امتلأت بالدموع وربنا يجمعنا في دار الخلد بمن نحب وجعل الله عائشة من حور الجنة . اه من هذا الزمن .استعينوا بالصبر والصلاة ومتعك الله بالصحة والعافية

الله يصبرنا جميعا أخي الكريم إننا لفراقهم لمحزونون ولا نقول إلا ما يرضي الله لهم جميعا الرحمة ونسأل الله لنا ولهم ولكم جميعا دخولنا من باب الريان آمين.

[أبوعمرو]

(عمنا)
رحم الله (عشوش)
كتيله العين الحاره
تخريمه: قلت لي فعلا عشرين سنه؟
تعترف ولا..
تذكر سنة 84 التذكرة كانت بكم؟

[المبارك ود إبراهيم]

(عمنا)
رحم الله (عشوش)
كتيله العين الحاره
تخريمه: قلت لي فعلا عشرين سنه؟
تعترف ولا..
تذكر سنة 84 التذكرة كانت بكم؟

أبو عمرو مساك الله بالخير والتحية لكل الأهل.
وقالوا الداير يكضب يازول ما ليهو نديد ولا زولا بلدو بعيد لكن الماسنجر والشبكة العنكبوتية ديل ما خلوا بعيد.
رحم الله عائشة وكل أمواتنا وأموات المسلمين.
التذكرة سنة 84 كانت بيييييييييييييييي الله يلعن الشيطان. تتذكر سنة ود سعدان غرق في الدبل. كانت التذكرة لي القرشي بي شلن وفطور بي قرش ونص وحلاوة قصب 3 بي تعريفة وحلاوة جكسا 4 بي قرش. رايك شنو في الممري حقي!!!!

[النويري]

يا هذه الدينا مرسية في وفاة ابن عمتي الذي أكن له كل الحب والوفاء لديه أبن الأن في ممتحن للشهادة
أبت الطبول لذاك اليوم أن تقرع
ماتت زهور حدائق فيحاء لا مسها النحيب
والطير فوق غصونه يشدو بألحان الخلود
ياواحة مخضرة كانت لأعياد المجيد
مغفرة عجفاء أضحت كالصقيع
والناس بين مصدقا أو خائف مرعود
تبكيك من كل البقاع محبة
ياليته يوماَ يعود
أسفي على حلم مضى قد كان بالأمس قريب
ما مات من ترك الصبي ورائه
يمشي على نفس الطريق
لله كل مودع لمن الخلود
لا ليس في الدنيا سعيد
تبقى الحياة بحلوها وبمرها
نمشي فتدركنا المنون ولا نصيب
ولقد تظن بأنك قد ملكت زمامها
لها ملك مالك ملك الملوك
لا يأخذ الإنسان منها غير نصيبه
يبقى الجلال لخالق ذا الجود
ارجع بنفسك واسترح مهلا رويدا
غدا تصفو لك الدنيا تنال ولا تتوب

[المبارك ود إبراهيم]

يا هذه الدينا مرسية في وفاة ابن عمتي الذي أكن له كل الحب والوفاء لديه أبن الأن في ممتحن للشهادة
أبت الطبول لذاك اليوم أن تقرع
ماتت زهور حدائق فيحاء لا مسها النحيب
والطير فوق غصونه يشدو بألحان الخلود
ياواحة مخضرة كانت لأعياد المجيد
مغفرة عجفاء أضحت كالصقيع
والناس بين مصدقا أو خائف مرعود
تبكيك من كل البقاع محبة
ياليته يوماَ يعود
أسفي على حلم مضى قد كان بالأمس قريب
ما مات من ترك الصبي ورائه
يمشي على نفس الطريق
لله كل مودع لمن الخلود
لا ليس في الدنيا سعيد
تبقى الحياة بحلوها وبمرها
نمشي فتدركنا المنون ولا نصيب
ولقد تظن بأنك قد ملكت زمامها
لها ملك مالك ملك الملوك
لا يأخذ الإنسان منها غير نصيبه
يبقى الجلال لخالق ذا الجود
ارجع بنفسك واسترح مهلا رويدا
غدا تصفو لك الدنيا تنال ولا تتوب


أخي النويري نشاطرك بوحك الحزين علي إبن عمتك نسأل الله له الرحمة والمغفرة مع الصديقين والشهداء بإذن الله وربنا يجعل البركة في إبنه ويسير علي درب والده نسأل الله له التوفيق في دراستة وأن يكون من البارين لوالديه.

[النويري]

لك خالص مودتي أيها الرائع المبدع

[النويري]

تبكي خناس على صخرٍ و حق لها ... إذ رابها الدهر إن الدهر ضرار

[المبارك ود إبراهيم]

تبكي خناس على صخرٍ و حق لها ... إذ رابها الدهر إن الدهر ضرار

أعيني جودا ولا تجمدا ألا تبكيان لصخر الندي.