المساعد الشخصي الرقمي

مشاهدة النسخة كاملة : يا ناس النفاج ما عندكم طايوقة ؟؟؟


حاتم مرزوق
22-10-2009, 08:28 AM
اهلا ... اهلا بالنفاجيين الظريفين

جيت اسلم عليكم واقول ليكم

حبوبتي قالت ليكم ادونا حتة طايوقة نعوس بيها شوية كسرة لي جدي عشان ماشي السوق وجيعان اسي.

وقالت ليكم سلمو علي جدي ود الطاهر وقولو ليهو اجيب مركوب جدي الأستلفو يومتا للعقد بتاع ام الحسن ... عشان جدي ماشي الخرتوم بكرة لي عرس ملكة .
فراس
22-10-2009, 08:56 AM
مرحب حباب شيخ العرب في نفاجك

وحبوبتي بتقول ليك انت قدييييم خلاص

نحنا دوكتنا رااااااقية مسحتا ذبدة وقرقيبتنا

اسكراتش زين اصلو العولمة دخلت

وحبوبتي عملت دوكة كهربا

اصلو الدوكة القديمة تعبتا شديد

وابت تسير كلو كلو قالت احسن

ترتاح وتنسي المعراكة والذي منو

والمركوب لبسو ابوي العمدة

مشالو لي عزاء فوق حوش الاجتماعيات

وقال بي المرة داير اغشي ناس العام

ديل اصلو طول منهم وداير اسلم عليهم

اتفضل علي الصيلون ارجاهو بنرسلو

الجني المسنوح دا اخبرو
عوض الكريم الخواض
22-10-2009, 09:08 AM
أأأأأأأأأأأأأأخ يا ودمرزوق ...

ذكرتنى حاجة رابحة العواسة الله يرحمها ...

بعدين داير أقول ليك ( العنوان غلط ) ....

ياخى ناس النفاج ديل كلهم موديلات حديثة ... n95 وكدا ...

طلع منهم ناس ود الطاهر وكلام فى السر و خالتو مرفق احتراماتى ...


الباقين كلهم بلى سااااااااااااااااااااكت ...

طايوق شنو عليك الله البتسأل منو ...
فراس
22-10-2009, 09:21 AM
:rolleyes:
أأأأأأأأأأأأأأخ يا ودمرزوق ...

ذكرتنى حاجة رابحة العواسة الله يرحمها ...

بعدين داير أقول ليك ( العنوان غلط ) ....

ياخى ناس النفاج ديل كلهم موديلات حديثة ... n95 وكدا ...

طلع منهم ناس ود الطاهر وكلام فى السر و خالتو مرفق احتراماتى ...


الباقين كلهم بلى سااااااااااااااااااااكت ...

طايوق شنو عليك الله البتسأل منو ...


الكلام دا كيف ياابو كريم

انا برضو بلي ساكت

لاياخي بنعرف الطايوق

لكن ناس العاقب ديل مابعرفن :p:p
عوض الكريم الخواض
22-10-2009, 09:29 AM
:rolleyes:


الكلام دا كيف ياابو كريم

انا برضو بلي ساكت

لاياخي بنعرف الطايوق

لكن ناس العاقب ديل مابعرفن :p:p

يعنى نسجلك معانا فى مجلس الشيوخ ... :p:p

ود الحرقة دا جاهل وصغير لكن فى المصطلحات ( حبوبة عديييييييييييييل كدا ) .
العاقب مصباح
22-10-2009, 10:31 AM
أ
ياخى ناس النفاج ديل كلهم موديلات حديثة ... n95 وكدا ...

طلع منهم ناس ود الطاهر وكلام فى السر و خالتو مرفق احتراماتى ...


الباقين كلهم بلى سااااااااااااااااااااكت ...

طايوق شنو عليك الله البتسأل منو ...





والله كان بلى كان شبكتنا بتجلى

يا عوض الطايوق مالك ومالو

الزول دوكتو مسكت خلينا نساعده شويه ياخ

احلى حاجة زمااااااااااااان لمن الناس تعوس ليها عصيدة

فى طبقة آخيرة فى النهاية

ياخى دى جميلة بشكل

تاكلها ساى على الريق قنقرووووووووش

وتقعد تقرمش بى قروش ما بتدى الجنبك

ما بتعرفها صح

عارفك زول نيفة وكمونية ساى
العاقب مصباح
22-10-2009, 10:34 AM
:rolleyes:


الكلام دا كيف ياابو كريم

انا برضو بلي ساكت

لاياخي بنعرف الطايوق

لكن ناس العاقب ديل مابعرفن :p:p




فراااااااااااااااااااااااس

يا بتاع عمان انت

والله استغربت لمن لقيتك عرفت الطايوقة والمعراكة والودك

انت يا زول ساكن فى السودان شكلك السلطنة دى ما مصدقك تب

كدى جازف لينا مرحاكة لللوبيا دى
العاقب مصباح
22-10-2009, 10:36 AM
يعنى نسجلك معانا فى مجلس الشيوخ ... :p:p
ود الحرقة دا جاهل وصغير لكن فى المصطلحات ( حبوبة عديييييييييييييل كدا ) .




انا بستغرب فيك انت عرفت الحاجات دى من وين

دا قعاد الحبوبات

تبارى ساى لى شراب الجبنة
فراس
22-10-2009, 11:04 AM
احلى حاجة زمااااااااااااان لمن الناس تعوس ليها عصيدة

فى طبقة آخيرة فى النهاية

ياخى دى جميلة بشكل

تاكلها ساى على الريق قنقرووووووووش

وتقعد تقرمش بى قروش ما بتدى الجنبك

ما بتعرفها صح

عارفك زول نيفة وكمونية ساى


ياسلاااااااام ياعقبة ياخي الشيطة

دي اجمل حاجة علي شرط تكون

شيطة دوكة ماحقت الكنتوش

لانو ماسمحة والاجمل تكون قاعد

مع حبوبتك في التكل تتونس لحدي

ماتتطلع الشيطة والعجيب لو

عملتها في لبن تعرف تبقي شنو

لهيمة بي لبينة حاجة ماتخلص



يااااااااااااه ياعقبة زمن ياخي
العاقب مصباح
22-10-2009, 11:10 AM
ياسلاااااااام ياعقبة ياخي الشيطة

دي اجمل حاجة علي شرط تكون

شيطة دوكة ماحقت الكنتوش

لانو ماسمحة والاجمل تكون قاعد

مع حبوبتك في التكل تتونس لحدي

ماتتطلع الشيطة والعجيب لو

عملتها في لبن تعرف تبقي شنو

لهيمة بي لبينة حاجة ماتخلص



يااااااااااااه ياعقبة زمن ياخي




والله يا فراس طلعت من زمن اختراع الكسرة

ياخى كنت فاهمك غلط

قلت الزول دا حنكوش ساى

وما بيعرف الكسرة زاتها لقيتك بتعرف الشيطة

بعد دا بسكت ساى وما بتفاصح عليك

خلينى افكها فى ناس الخواض ديل

اصلهم ناس احشى لى قشطة:d:d
حاتم مرزوق
22-10-2009, 12:04 PM
ديل يا عوض الكريم ما بلي
ديل شديدين ولضيضين ...

و خصوصا فراس دا .. الظاهر عليو شايل معاهو مشلعيبو وسحارتو
بنت الرفاعي
22-10-2009, 09:22 PM
أأأأأأأأأأأأأأخ يا ودمرزوق ...

ذكرتنى حاجة رابحة العواسة الله يرحمها ...

بعدين داير أقول ليك ( العنوان غلط ) ....

ياخى ناس النفاج ديل كلهم موديلات حديثة ... n95 وكدا ...

طلع منهم ناس ود الطاهر وكلام فى السر و خالتو مرفق احتراماتى ...


الباقين كلهم بلى سااااااااااااااااااااكت ...

طايوق شنو عليك الله البتسأل منو ...

:eek::eek::eek::eek::eek:
بلى ؟؟؟؟!!!!!!
:confused::confused::confused::confused::confused:
حاتم مرزوق
23-10-2009, 07:32 AM
أأأأأأأأأأأأأأخ يا ودمرزوق ...

ذكرتنى حاجة رابحة العواسة الله يرحمها ...

بعدين داير أقول ليك ( العنوان غلط ) ....

ياخى ناس النفاج ديل كلهم موديلات حديثة ... n95 وكدا ...

طلع منهم ناس ود الطاهر وكلام فى السر و خالتو مرفق احتراماتى ...


الباقين كلهم بلى سااااااااااااااااااااكت ...

طايوق شنو عليك الله البتسأل منو ...



ما كنت قايل يا عوض أخوي مرفق احتراماتي من الرعيل الأول:eek:
ريانية
23-10-2009, 10:24 AM
إنتوا يا أخواني موش أكتر المفروض يكونوا رادين على الموضوع نسوان والله ماشاءالله
أتقول علي يعني اتقلبت الآيات ولا شنو..
أخوي حامد هسي حا أجيب ليك طايوقة بس أصبر أقول لأمي دايرين طايوقة سلف:rolleyes:
حاتم مرزوق
24-10-2009, 07:39 AM
إنتوا يا أخواني موش أكتر المفروض يكونوا رادين على الموضوع نسوان والله ماشاءالله
أتقول علي يعني اتقلبت الآيات ولا شنو..
أخوي حامد هسي حا أجيب ليك طايوقة بس أصبر أقول لأمي دايرين طايوقة سلف:rolleyes:


أوعك تجيبيها بايتة:eek:
مهيد ود السفاح
24-10-2009, 08:14 AM
أوعك تجيبيها بايتة:eek:


هي اتقلبت وبس يا حاتم

هسي انا ساعه ونص بفتش لي قرقريبه

تقول شنو ؟
الخواض قال علينا حناكيش وشايفو عزل كم واحد كده
وطلعنا بلي
هسي امانة عليك قرقريبه دي كان قالها حنكوش مش بتجيب ليهو انتهاب لوز

انت يا حاتم يا اخو بتعرف الحرات ؟؟؟؟
مهيد ود السفاح
24-10-2009, 08:18 AM
إنتوا يا أخواني موش أكتر المفروض يكونوا رادين على الموضوع نسوان والله ماشاءالله
أتقول علي يعني اتقلبت الآيات ولا شنو..
أخوي حامد هسي حا أجيب ليك طايوقة بس أصبر أقول لأمي دايرين طايوقة سلف:rolleyes:


انكربي سريع جيبي الطايوقه
وانا واخوي حاتم بنصلح اللدايات دوب ما تجي صاده
حاتم مرزوق
24-10-2009, 08:25 AM
انكربي سريع جيبي الطايوقه
وانا واخوي حاتم بنصلح اللدايات دوب ما تجي صاده



تر لا جاي اللخو ... ات ماك مهيد ود السفاح؟

باينلك عتجيبا ضقلة يكركب لدايات شنو !! ديل مدرسة الدايات ما سمعو بيها!!
حاتم مرزوق
24-10-2009, 08:27 AM
هي اتقلبت وبس يا حاتم

هسي انا ساعه ونص بفتش لي قرقريبه

تقول شنو ؟
الخواض قال علينا حناكيش وشايفو عزل كم واحد كده
وطلعنا بلي
هسي امانة عليك قرقريبه دي كان قالها حنكوش مش بتجيب ليهو انتهاب لوز

انت يا حاتم يا اخو بتعرف الحرات ؟؟؟؟



ممكن اتصل بصديق؟:eek:
مهيد ود السفاح
24-10-2009, 10:02 PM
تر لا جاي اللخو ... ات ماك مهيد ود السفاح؟

باينلك عتجيبا ضقلة يكركب لدايات شنو !! ديل مدرسة الدايات ما سمعو بيها!!


بالحيل ياني ودالسفاح
ات يا زول الضقل ده بدل ما نخليهو يكركب كدي
ما نكمدوا تحت اللدايه دي
شان بعد مانسوي العصيده نشد لينا حليله الليلة فرطاقه ساااااااااكت

حاتم الفوره الف
محمد النويري-الفقراء
24-10-2009, 10:22 PM
والله يا حاتم أنا قلت ود مرزوق دا فتح ليهو محل كسرة ولا شنو؟؟ ع العموم الطايوق دا شنو ؟ الكلام دا سمعتو زمان لكن هسي ما العواسة بقت حاجة تانية .. الصاج الكهربائي والكسرة الحرير .. انت ما بتعرفني ولا شنو يا حاتم ( انا التبش البقى امش )
أبوريلان
24-10-2009, 10:29 PM
ياجني هووووووي بطل لكاعه وكت داير ليك شيطة أكمد ليك حطبة قليده تحت الدوكة دي وصلح اللدايات ديل ما تقع مني الدوكة باقي الحطبة الليلت سنط ، ناولني علبة العواسة ، جر لي حلة اللماصة دي أأأأأي ياها الجواها القرقريبة دي ، خلاص هبي النار دي يا المسنوحة ، وأنت جيب الريكة الفوق لي كراب العنقريب النرمي ليكم فيها طرقات سريعة باقي ود مرزوق دي مريوووق الليلة ياجني نادي عمك ود الطاهر من الصيلون .
حاتم مرزوق
25-10-2009, 01:23 AM
ياجني هووووووي بطل لكاعه وكت داير ليك شيطة أكمد ليك حطبة قليده تحت الدوكة دي وصلح اللدايات ديل ما تقع مني الدوكة باقي الحطبة الليلت سنط ، ناولني علبة العواسة ، جر لي حلة اللماصة دي أأأأأي ياها الجواها القرقريبة دي ، خلاص هبي النار دي يا المسنوحة ، وأنت جيب الريكة الفوق لي كراب العنقريب النرمي ليكم فيها طرقات سريعة باقي ود مرزوق دي مريوووق الليلة ياجني نادي عمك ود الطاهر من الصيلون .

يا جماعة البنات ديل لوكعيات ولا شنو ؟

آ مهيد انا ما قت لك كلم ست النفر عدييل وما تكلم لي البنوت السغار ديل ، اسمع جيبوها لي في الديوان وكلم الحاجة قول ليها خالك ياسر ابو ريلان معاي.

اسمع كان عندها شوية كول خليها تشتت منو شوية في ملاح الويكاب.
فراس
25-10-2009, 03:40 AM
انكربي سريع جيبي الطايوقه
وانا واخوي حاتم بنصلح اللدايات دوب ما تجي صاده


مهيد لغينا لدايتين بس ناقصة واحدة
قلنا نتمها درابة ساي مالقينا ماجمبك
جبل اصلو بلدكم دي مليانة جبال

تعريف اللدايات للاخوة الاخوات
اصحاب الشهادات العربية والاجنبية
هي عبارة عن ثلاث احجار كبيرة
توضع في الارض ويوضع بينها
الحطب لاشعال النار ويوضع فوقها
انا الطعام او الدوكة :rolleyes::rolleyes:
همسة
ودالفقراء انت جادي مابتعرف الطايوقة
مهيد ود السفاح
25-10-2009, 04:48 AM
تعريف اللدايات للاخوة الاخوات
اصحاب الشهادات العربية والاجنبية
هي عبارة عن ثلاث احجار كبيرة
توضع في الارض ويوضع بينها
الحطب لاشعال النار ويوضع فوقها
انا الطعام او الدوكة :rolleyes::rolleyes:
همسة
ودالفقراء انت جادي مابتعرف الطايوقة

بالغت عديل يا فراس
هسي القال ليك اشرح اللدايه ليهم منو ؟؟

اها شد حيلك كان ما بكرة سمعت بي حنكوش طلب ليهو لدايات


dhl
مهيد ود السفاح
25-10-2009, 04:51 AM
اسمع كان عندها شوية كول خليها تشتت منو شوية في ملاح الويكاب.


انت يا حاتم الويكاب ده بعجبك لليل القصب المنقع ولا لليل المرس

الليله يا حاتم الفوره الف
حاتم مرزوق
26-10-2009, 09:11 AM
[/right]]
انت يا حاتم الويكاب ده بعجبك لليل القصب المنقع ولا لليل المرس

الليله يا حاتم الفوره الف

آ مهيد كدي امشي لا دكان جدك ود الطاهر وشيل لي حبوبتك شوية لوبة عفن شان تعملك بيها الويكاب وما تنسي تشيل معاك شوية كربونات :(
حاتم مرزوق
26-10-2009, 09:17 AM
والله يا حاتم أنا قلت ود مرزوق دا فتح ليهو محل كسرة ولا شنو؟؟ ع العموم الطايوق دا شنو ؟ الكلام دا سمعتو زمان لكن هسي ما العواسة بقت حاجة تانية .. الصاج الكهربائي والكسرة الحرير .. انت ما بتعرفني ولا شنو يا حاتم ( انا التبش البقى امش )

ات يا محمد اخوي ماك قديم والسغرة ما جاية معاك ،حرير شنو ياخوي كدي امرق لا برة وجيب لنا الزمان السمح آ خوي.