المساعد الشخصي الرقمي

مشاهدة النسخة كاملة : أبو كدايس ينضم للعرب ..


خالد عبدالماجد
23-10-2009, 09:32 AM
إنضم الفكي المعروف أبو كدايس كرفوس إبراهيم فار لنادي حي العرب بورتسودان بعد أن قام نادي الهلال العاصمي بالاستغناء عن خدماته وقد أستطاع الفكي المعروف في أول مباراة له مع فريقه الحديد أن ينتزع نقطة غالية للعرب أمام بطل سيكافا ودبي ومانديلا المريخ العاصمي ...
مبروك للعرب تسجيل أبو كدايس ومبروك للمريخ النقطة ..
saleh farah
23-10-2009, 09:33 AM
هههههههههههههههه
والله ياخالد بقيتو المنتدى زى الصدى
الفرق الوحيد نشيل كلمة ودمدنى
ونخت بدلها الصدى
ونبدأ نعمل لابنائنا غسيل مخ
وندعوهم الى الشرك بالله
moh_alnour
23-10-2009, 09:37 AM
مبروك عليكم الدوري الممتاز السنة دي يا خالد
بالجد تستاهلوه السنة دي
فالمريخ لم يقدم هذا الموسم ما يجعله يحتفظ بالدوري
saleh farah
23-10-2009, 09:39 AM
مبروك عليكم الدوري الممتاز السنة دي يا خالد
بالجد تستاهلوه السنة دي
فالمريخ لم يقدم هذا الموسم ما يجعله يحتفظ بالدوري



يا احمد يا اخوى
قلناها ليكم فى بداية الموسم
بعد خمسة سنوات
حا نبارك ليكم الدورى
يعنى بالعربى الفصيح
كل خمسة سنوات حانديكم بطولة
لزوم الندية
بس قول الله استر ما يظهر وصيف غيركم
ويجهجه ليكم الحسابات
خالد عبدالماجد
23-10-2009, 09:40 AM
هههههههههههههههه
والله ياخالد بقيتو المنتدى زى الصدى
الفرق الوحيد نشيل كلمة ودمدنى
ونخت بدلها الصدى
ونبدأ نعمل لابنائنا غسيل مخ
وندعوهم الى الشرك بالله

بالله ياستاذ صالح ده كلام ...أبو كدايس وأبو فيران وأبو دبيب وأبو تمساح ..
بقينا جهلة وزي ماقلت يقودنا ذلك للشرك بالله ...
خلينا نحن يمكن نكون عارفين الفي الموضوع والعليه لكن مابالك بغيرنا ممن يتطلعون على مثل هذه الحوارات واللقاءات ألن يؤثر ذلك عليهم وعلى مفاهيمهم وبعد أن كثر ترديدنا لنغمة التحكيم حتى مللناها وعادت إلينا بماعادت .. إبتكرنا نغمة جديدة وهي الفكي ...
غايتو الله يصلح الحال ويصلح أعلامنا أولاً فهو السبب الرئيسي لكل بلاوينا ...
دمت بخير ياأستاذ ومبروك الممتاز ...
خالد عبدالماجد
23-10-2009, 09:43 AM
مبروك عليكم الدوري الممتاز السنة دي يا خالد
بالجد تستاهلوه السنة دي
فالمريخ لم يقدم هذا الموسم ما يجعله يحتفظ بالدوري


الله يبارك فيك يامحمد النور ومشكلة المريخ صديقي أن لاعظم له يعني المريخ ماثبت ليه خمسة لعيبة حتى الآن كل يوم بتشكيلة جديدة ..
المريخ لاينقصه اللاعبون لكن ينقصه التوظيف والتكتيك نتمنى أن يعود المريخ في الموسم القادم أقوى حتى يقوى الهلال ..
تحياتي ..
الحمزاوي
23-10-2009, 10:07 AM
يا شماتت ابلة ظاظه فيا
همسة شوق
23-10-2009, 12:34 PM
مبروك للوصيفاب النقطة
مهيد ود السفاح
23-10-2009, 09:58 PM
الغالي خالد
هو ابوكدايس ده امس كان لاعب ؟؟
كان لابس نمره كم ؟؟
خالد عبدالماجد
23-10-2009, 11:07 PM
يا شماتت ابلة ظاظه فيا

والله ياحاتم أبلة ظاظا زاتها فترت من الشماتة ....
تحياتي ..
خالد عبدالماجد
23-10-2009, 11:08 PM
مبروك للوصيفاب النقطة

الناس ديل فرقنا منهم بقى كم ياهمسة صراحة ضيعنا الحساب ...
خالد عبدالماجد
23-10-2009, 11:12 PM
الغالي خالد
هو ابوكدايس ده امس كان لاعب ؟؟
كان لابس نمره كم ؟؟



أنا ماعرفتو أمس لأنو في الصدى جابو لابس جلابية لكن واحد صاحبي قال لي كان لاعب طرف يسار ولابس أحمر واصفر ...ويخيل لي كلامو صاح لأنو الخالق الناطق ..