المساعد الشخصي الرقمي

مشاهدة النسخة كاملة : منتدى الجمال


خلدون
24-10-2009, 03:36 AM
منتدى مدنى
ياجزيرة من حروف
نعتلى شراع المعانى نهديك القطوف
مجدافنا
أقلامنا حين الخطوب سيوف
ولكنها
حانية تهدهد وجه المداد
تنثر نسيم هفـــوف
كل الكلام فيك تألق أو حولــــــــــه يطوف
ستبقى أنقى دوما فى مقدمة الصفوف
الحب
والجمال
وكل باب تدق له فيك دفوف
كم تمايلت اغصان الكلام فيك طربا
وصفقت اكف لك وكفوف
كل مغمور جاءك يحمل ألأبداع تاج
بات فى أروقة الجمال مشهور ومعروف
لاتهتز ألأركان عندك رغم الصروف
عند الدخول
فى رحابك وكأن النفس التقت شىء ولـــــوف .
ممدوح أبّارو
24-10-2009, 03:57 AM
لله درك يا صاحب الحرف الزاكي

ذدنا فقد أظمأتنا
أشرف صلاح السعيد
24-10-2009, 04:21 AM
أهل الثقافى..


رغم الصراع فى داك باب
سموهو عام وفيهو الغرق
وفيهو المتاهات وفيهو الشرك
وفيهو السمح مليان كتير
بس فطرنا يجرحنا شين
وبسرعة ننسى كلو زين
بجى للثقافى بكون هزيم
وبس فى دقايق بحس عوافى
تسرع خطاى بين الروائع ووبقى لافى
وبنسى نفسى ولو حتى حافى
فيهو الحرف بكون حنان ولو حتى جافى
بيكون جفاو ظاهر بيان على المنافى
وعلى السجون وسجان منافى
بطمس ملامح للمرافى
ويخرق سفن وما للشرور هو كافى
يبدل برودة لكل دافى

بجى للثقافى
الفيهو الكلام بديع وراقى
ولوحات جمل دعوة تسامى
ود تابر يبذر وابو زيد يتاقى
ومبارك يكدب وبدر يساقى
عقبة يلبق ونجمة بتضاوى
نويرى يفزع وخلدون يحامى
فيلابى يجدع واسلام يلالى
سوباى يشتل وأبارو يضارى
ابومازن يسور وشيكو من غادى
أسماء بتعلق وشبارقة بنادى
ودمدثر حلب ويسرى ساقى
النور بيرشد وصالح بتاكى
وكل سمح مستعد وراجى
ابوخالد هداك عندو الاسامى

ناس الثقافى فيهم نضارة
فيهم عمق تراجم حضارة
بالعامية التلجة ببقوها شرارة
وبالفصحى حدث عن شطارة
وعن بطولات فكر فيها الجسارة
أما الظرافة مسروجة فى حمارة
وين بتمشى بتلقاها بمهارة
حاوية الحكم ظاهرة وإشارة
وكان للنكت بترقد فطيس من غير سجارة
أما العبر مفروشة بكل حارة
تلقاها بالاكواخ او فى العمارة
تلقى اليقين وتلقى الطهارة
وصنوف حكم فيها البشارة
خلدون
24-10-2009, 07:47 AM
ممدوح ديك العده والشقليب
اشرف خربشت على جدار القلب
ونسيت ود مصباح العاقب
والنجمه لما تضوى الليل وللآحلام تحكى وتخاطب
ود مدثر حطاب الحروف من غصنها جاذب
صالح شرف للمصائب اعتذر ف أستراحة محارب
ويسرى الياس زيت السمسم مديك لمعه للآلق ذاهب
خايف أنسى النور والبنور وكل متزوج هنا وعازب
اختلف الكلام وألأسامى
لكن الكل كل الجمال للمنتدى واهب
والبيت فسيح والصدر فيه راحب
خلدون
30-10-2009, 04:58 AM
عندما جلست فى زاوية للاتكاءة على الخواطر
اقرأ ديوان نضم مجنون تراشقنى الحروف بالخواطر
ياااااااه
أحبتى أنا بيت من الشعر
تناقض فيه القلب والعقل
فى حب وشوق
ف غدا تمضى للبعيد
لا تتأخر
عناوين ل أجمل مناظر
أعادتنى طفلا قصة الصره والحجر
ولكن صدى ضحكاتى
وخربشات دواخلى
أعادتنى
ك رحيق من نار
ل أقرأ دوباى وجر
حين أجلس فى زاوية للاتكاءه على الخواطر
خلدون
30-10-2009, 05:00 AM
الشكـــــــــــــــــر موصـــــــــول للكل أصحاب العناوين أعلاه
خلدون
31-10-2009, 07:24 AM
هل قرأتم أحوال البنفسج
وتلك الحروف ك عروس ف هودج
وعبير يفوح مع لون البنفسج
يصنع غيمه من ألابداع تهزالنفس من النشوة لها ترجرج
رائع ذاك
الذى نثر فى واحة الحروف أريج
برائحة الجمال
ولون البنفسج

ذاك سوباى
أحد رسامى منتدى الجمال