المساعد الشخصي الرقمي

مشاهدة النسخة كاملة : عزيزي الحمار ...... نأسف



عباس الدسيس
24-10-2009, 04:06 AM
مسكين الرجل لقد قدر له أن يتعايش مع الحروب و الأوبئة و القحط و النساء.
إمرأة توصي في بنتها قبل اتمام مراسم الزواج والدخول في عشة الزوجيه السعيد قالت ليها : يا بتي الراجل اول شيء تعملي ليهو اكسري ليهوا شوكتوا وقصقصي جناحاتو عشان ما افرفر كان سكت قلعي ليهوا سنيناتوا ما اتكلم كثير وكسري ليهوا عظاموا بالمشاوير والمراسيل كان سكت اها بعد ده يا بتي ختي البردعه في ظهروا واركبي حمار .... ثم انشدة:
شوفي بي عينك كويس قبل الاختار
فلو لبس الحمار ثياب حرير
لقال الناس ياله من حمـار
اركبي ظهور الرجال تعيشي سعيــده لمدي الدهر
الحمار هو حيوان اليف يخدم الانسان منذ اقدم الحصور كما هو حيوان عاطفي من الاف الاميال تتسارع دقات قلبه عندما يشتم رائحة معشوقته فيطلق الصيحات مجلجلة في الفضاء اع اع اع اع اع اع رغم انها تعبيرات عاطفيه يبزل فيها مجهودا بدنيا ونفسيا عاليا الا ان بني البشر اظلموا عليه بالحكم بقبح صوته اقولوا ليك ياخي الفنان ده صوتوا شين زي صوت الحمار ... حرام عليكم اتحدي اي راجل هو جاي علي البيت من باب البيت وبمجرد ما شاف معشوقته اسف زوجته اعبر ليها بي اي كلام انشاءالله اهنق زي الحمار ده كان ما لقي سيل من الانتقادات اللاذعه والتحمرات ... ما جبته شنو ..نسيت شنو ليه ..ليه عملت كده... ما كان المفروض تعمل كده ...ياخي بالغته المقعدكم في الشغل لي حسي شنو ده شغل شنو ...... طيب خلي ده عشان اثبت بالدليل القاطه زي ما بقولوا ناس قناة هارموني الله ارحما ان الحمار مظلوم عندنا احنا كل ما واحد عمل ليهوا شكله مع واحد قال ليهوا يا حماااااااار ، فيحمر وجه المنبوذ ده لو كان لونوا اصفر اما لو لونوا اخضر اكفهر ويزداد الأمر سوأ إذا كان عاجزا عن دفع وصف الحمرنه عن نفسه أو الرد بمثلها أو أسوء منها ، وربما ارتفع ضغطه وضاق نفسه وأصيب بالجلطة أو ألذبحه أو السكتة فالحمار في أدبياتنا المتخلفة هو ذلك الحيوان الذي جمع الله فيه كل عيوب المخلوقات من الحمق الغبي والبلادة والبلاهة ، مع أن الحمار بريء من هذه الأوصاف كلها براءة الذئب من دم ابن يعقوب ، والأمر برمته لا يعدو أن يكون خطاءا توارثناه عبر الاجيال والتواريخ ولم يصحح واعادة الاعتبار للحمار هل يوم سمعتم عن حمار كل ومل من المشاوير التي يقوم بها يوميا مع صاحبه وهو يحمله علي ظهره هو متاعه كلا لا بل ان الحمار من شدة التكرار يحفظ الطريق ويالف صاحبه ويميز صوته ولذلك يتجني عليه البشر في ضرب الامثال اقول ليك (( انت زي الحمار ما تعرف الا بكثرة التكرار) طيب احنا الواحد عارف لما جاي علي البيت في مستلزمات لازم اجيبا معاهو وهي ضرورية للحياة امشي السوق اشتري جزء بعد اصل البيت اذكر نسي بعض منها وممكن تكون حاجة مهمه زي الخبز (( العيش)) لذلك تلقي طوالي الجوالات غالبية المكالمات فيها ..... الو ... ايوه يا استاذه يا ست الكل !!!! ... انت خلاص جاي علي البيت طيب ما تنسي تجيب معاك تبدأ الطلبات .... انت حاضر طيب خلاس فهمنا تمشي السيوبر ماركت اها المره دي تتصل انت عليهم ... الو اسمعي انتي قلتي بعد الطماطم والخيار والبرتقال عايزين شنو... طيب برضو تقولوا لي الحمار غبي ... يوم شوفتوا حمار زهج من اكل القش وجبه واحده واقتصادية تعالوا شوفوا احنا مافي داعي كيس الزبالة بتاع كل واحد في البيت بجاوب اها في درجة غباء اكثر مني دي تجيب من السيوبر ماركت ودفق في الزبالة لذا الحمار شخصيه مهمة لدرجة في واحد عندوا حمار ضراعوا اليمين في الشغل وحبيبه يؤانسه في وقت الذهاب للعمل مره الحمار ضاع منوا جاء البيت لي زوجتوا ابكي قال ليها الحمار ضاع مني قالت ليهو ما تبكي وتزعل يا ود امي انت دخلتك علينا في البيت دي كل يوم بي مية حمار.

أبوريلان
24-10-2009, 04:23 AM
هههههههههههههههههههههاااااااااي

تتذكر ياعباس حمير الرملة بتاعت حنتوب عندهم واحد تحت في قيف البحر يعبيء ليهم القليبة وآخر فوق قرب ميادين كرة القدم بحنتوب قبل ما تبقي جامعة طبعا زمن كانت مدرسة حنتوب ياحليلة طبعاً الآخير ده بنزل منها قليبة الرملة وبضع
ليها القليبة ( مصنوعة من السعف ) وهي فارغة
لتعود بها للآخر الموجود في قيفة البحر لميلأها
بالرملة مرة آخري وهكذا دواليك ولا يكل ولا يمل الحمار من هذه المشاوير رايح جاي طول النهار حتي غروب الشمس حتي
آخر مشوار ، عندما لا توضع علي ظهره تلك القليبة يعرف أنه متوجه للحظيرة أو البيت ويافرحه مابعدك فرحة .

ساخر ياود الدسيس .

عثمان جلالة
24-10-2009, 04:35 AM
مسكين الرجل لقد قدر له أن يتعايش مع الحروب و الأوبئة و القحط و النساء.

مره الحمار ضاع منوا جاء البيت لي زوجتوا ابكي قال ليها الحمار ضاع مني قالت ليهو ما تبكي وتزعل يا ود امي انت دخلتك علينا في البيت دي كل يوم بي مية حمار.

هههههههههه الله يجازي محنك يا ود الدسيس .. والله كلو حاصل ... وتاني كل ما أرجع أتصل من البقالة على ناس البيتعشان يذكروني طلبوا شنو ح أتذكر قصتك دي :p:p:p

النويري
24-10-2009, 04:46 AM
الحمار هو حيوان اليف يخدم الانسان منذ اقدم الحصور كما هو حيوان عاطفي من الاف الاميال تتسارع دقات قلبه عندما يشتم رائحة معشوقته فيطلق الصيحات مجلجلة في الفضاء اع اع اع اع اع اع رغم انها تعبيرات عاطفيه يبزل فيها مجهودا بدنيا ونفسيا عاليا الا ان بني البشر اظلموا عليه بالحكم بقبح صوته اقولوا ليك ياخي الفنان ده صوتوا شين زي صوت الحمار ... حرام عليكم اتحدي اي راجل هو جاي علي البيت من باب البيت وبمجرد ما شاف معشوقته اسف زوجته اعبر ليها بي اي كلام انشاءالله اهنق زي الحمار ده كان ما لقي سيل من الانتقادات اللاذعه والتحمرات ... ما جبته شنو ..نسيت شنو ليه ..ليه

الرسالة واضحة يا استاذنا ودي ذي بيت الشعر الفي جالوص

ما ذنب جلد الطار لو غنوا بيهو شتر

أشرف صلاح السعيد
24-10-2009, 05:08 AM
حبيبنا ود الدسيس سلام..
شكيت محنك الشمتا فينا الحريم..فى داعى يعنى تثبت قصة الحمرنة دى؟؟ والله إنتا شكلك طابور خامس مدسوس فينا وعامل معانا ساى "إعترف لأى منظمة تنتمى؟"..
كدى اسمع دى..قالو عملو منافسة بين الاستخبارات فى العالم..وكان الاختبار بإنو يطلقو قرد فى غابة واسرع استخبارات تجيب القرد هى الافضل..يازول فكو القرد الامريكان جابوها بعد خمسة دقايق..فكوهو تانى الروس جابوهو فى خمسة ونص..فكوهو الموساد جابوهو فى دقيقة وفكوها و طلعت وراو استخبارات عربية "لا داعى لذكر الاسماء لزوم عدم جيب هوا وكدا" غطسو ساعة لما الناس قلقو فكو وراهم باقى الاستخبارات الموجودة لقو الجماعة ماسكين حمار يلطشو فيو ويقولو ليو "إعترف..إعترف يا وسخ ..قول أنا قرد"..
هسى القرد منو؟؟ قصدى الحمار منو "مع الاعتذار لأخوانا الحمير"..
بس حكاية الحمار دى يااخى ما مذكورة "كالحمار يحمل أسفارا"..فهو ما عارف الاسفار يااخى فيها شنو وانحنا ما عارفين الاسفار هى شنو..

بدر الدين احمد الطائف
24-10-2009, 05:25 AM
عباس الدسيس متعك الله بالصحه والعافية
دائما يا عباس مواضيعك جميله وشيقه
وبتجيب من جوه ذى ما بيقولوا الجماعة
اها
قيل ان كثرة التكرار بتعلم الحمار
هذه المقولة تدلل ان للحمار شى من رجاحة العقل
تجد بعض الناس لايمتلكون هذه الميزه.






عليك الله رايك شنو فى جوز الحمير ده بالله موش احسن من المفحطين الذين يرمون الناس وانفسهم الى التهلكة.

moh_alnour
24-10-2009, 05:41 AM
قالت ليهو ما تبكي ولا تزعل يا ود أمي أنت دخلتك علينا في البيت دي كل يوم بي مية حمار

ود الدسيس و الله طلتك و دخلتك علينا في المنتدى بي مية ........... تمها خيال ;) بس أكيد ما حمار ( أكرمك و أعزك الله )

عباس الدسيس
24-10-2009, 06:04 AM
هلا ود الاستاذ ياسر ذكرتنا ايام جميلة ايام المورده وحنتوب وقتين بعبر البحر عوم للجناين ذكرتنا اكل الفجل والطماطم والبصل وقت الجوع وانت طالع من البحر بعد تعدي بي حنتوب الله رمانا حسي في الكبسه والرز كانت ايام جميلة منظر حمير الرمله وتناسق وتناقم حركات الطلوع والنزول زي ما قلته واخر مواشر لينا سوق الداندلي للاقاشي تحية مني لك

عباس الدسيس
24-10-2009, 06:07 AM
الحبيب ود الجلالة زارتنا البركه طلتك حلوه بي الجلابية المكويه بتذكرني نصر الدين ابو الكيلك انشاءالله دائما تغشانا بي هنا وتدينا من نفحات عطر كلماتك الجميل يا رائع لك مني خالص التقدير

عباس الدسيس
24-10-2009, 06:08 AM
ود النويري يا عمده يا رائع الف شكر علي مرورك اضافة كانت لها وقع جميل في البوست مع حبي

عباس الدسيس
24-10-2009, 06:12 AM
ابو الشوش يا باش بقينا ما بنفرز بين الاسفار هي الاحمال والسفر بي القطر..... يا خوي مالك جايب سيرة الطابور الخامس ده عايز تذكرنا الجماعه الموا فينا اكفتونا لما نبقي قرود قول بسم الله داير ترجعنا للسياسة تاني اعمل حسابك ما اجيك تلفون من الاسفار اقصد السفاره

الحمزاوي
24-10-2009, 06:16 AM
اخي عباس الدسيس الكلام عن الحمار دايما ياخذ عندنا الغباء وعدم الفهم ولكن كثيرا من الساسة يجعلونه رمزا الى شيئا معين وكل الكلام عنه يصبح رمزا لشئ بعيد عن اذهان العامة وهو كثيرا ما يستخدم للتعبير الرمزي ولاانسى ونحن في الجامعة احد الزملاء اصدر مجلة باسم الحمار فما كان من عميد الكلية والا ان اصدر قرار بمنعها وتم استدعاء الطالب والتحقيق معه من هو الحمار المقصود في المجلة طبعا حرم من كتابتها وكلنا كنا ندرك سر تسميته فاصبح الحمار المسكين وسيلة تصفية حسابات

عباس الدسيس
24-10-2009, 06:20 AM
العزيز بدرالدين ياخي مبالغه صورة الحمير دي قلعتها من وين الف شكر لي مرورك يا جميل انت مع خالص تقديري

عباس الدسيس
24-10-2009, 06:31 AM
حبيبنا محمد نور ووجودك انت بي الف يا أعز عزيز مع فائق تقديري وتحياتي